رواية يوميات حبي و حبه -12
شموو حست في وليد يبي الفكه منها انقهرت زود ........قالت :الحمد الله ........وراحت غرفتها
ما تبي تشوف وليد و الا فرته باي شي جدامها.................
فهد متعمد يخلي شموو عند وليد يبي يقربهم من بعض...و يبي يقهر وليد شوي ... خل شموو
تطلع عينه........عيل في احد يرفض شموو
.................................
اليوم الثاني
التقت مها مع فهد و شموو في المصعد ......تاففت و كانه متعمد يضبط مواعيده مع مواعيد
وصولها
شموو: الا فهد شو بتعطيني اذا يبت لك خبر بمليون درهم
فهد و عيونه على مها :ما ابي اخبارج كلها شينه
مها ابتسمت .....مسكينه شموو ......تستاهل
فهد و هو يطالع مها و عيونه في عيونها وابتسامتها الا وترته ...ما اهتم لكلام شموو ولا سوى
لها سالفه
شموو منقهره منهم كل واحد عينه متعلقه في الثاني و لا كانها موجوده : اقول فهد ترا الخبر
الا عندي متعلق في ناس تهمك ..........ما سمعت رد و لا صد صوبها.....دزته على الخفيف و
قالت .....ناس واقفين جدامك الحين وشوي تلزق فيها............الحين جذبت انتباهم ..........مها
ارتبكت كفايه المشاعر المتضاربه الا تحس فيها ..و هذي شموو الخبله تبي تحرجها زود جدام
اخوها
مها: شموو لو سمحتي مو وقته
شموو و هي تبتسم : الحين انتبهتم علي ها ...... ومن دقايق غايصين ما ادري وين
فهد: شموو شو عندج يالله قولي
شموو:ههههههههههههههههههههههههه لا اول شو بتعطيني...................ابي اروح باريس
غاليري ....على حسابك
فهد: الا تبينه ...بس سرعه قولي ........
شموو وهي تطالع مها الا ميته احراج و يها شرات الطماطه: لا مو الحين جدامها حرام
احرجها ........شوف ويها صار احمر.......هههههههههههههههههههههههههه
مها من فتح المصعد وهي ركض للمكتب و تسمع ضحكت شموو وقاعده تغربلها بسرها ........
الحمد الله و لا احد موجود في المكتب ما فيني اقابل احد و انا حالتي جي...............
اما شموو تحاول تضيع الموضوع من فهد بس منو يقول الا يعرف سحبها لمكتبه
شموو: فهد يالله عاد .......... بالبيت بخبرك الحين ما يناسب المكان
فهد وهو مصر الا يعرف شو يخلي مها تحمر و ترتبك بهذي الطريقه :شموو و الله ما لي بارض
لج .... بتقولين و الا ....................وهو يتقرب منها
شموو: خلاص بقول .......... مها فكت خطوبتها ...........
فهد تفاجأ بالهذي السرعه ما صار لها شهر من انخطبت ...........ليش ليكون اخيرا حست فيني
شموو: فهد سمعت شو قلت .......... و لا يروح فكرك بعيد هي فكت الخطوبه ثاني يوم على
طول .... عسب المعرس غير رايه بالنسبه لشروطها
فهد خاب امله شوي: و شو هي شروطها
شموو: يعني شو تتوقع دراستها و شغلها........هو اول وافق...بس من لبست دبلتها ياك ثاني
يوم يخبرهم برايه و طبعا مهوو ما سكتت هذي المره و قالتها صريحه حقهم ان وافق على
شروطي حيا الله و ان رفض هذيك الدرب.
فهد استغرب شو قصدها هذي المره: هذي المره؟؟؟؟؟؟؟؟؟؟؟؟؟؟؟؟؟؟؟؟؟؟؟؟
شموو: هيه تسوي عمرك ما تعرف يعني المره الا طافت لما حضرتك تشرطت ما قدرت تقول
شي ..... تخاف تخالف ابوها.............شموو حست انه مهتم يبي يعرف اكثر................بس من
انت فكيت الخطوبه ابوها وعدها انه ما راح يغصبها علي شي ابد...............لأنه حس بالذنب
ناحيتها
فهد: ليش
شموو: لأن مها محد خذ رايها فيك المره الا طافت ........ ابوها اجبرها تاخذك ........وانا ما عرفت
هذي المعلومات الا جريب و الا ذليتك ذل
فهد..يضربها على جتفها و يقول: الحمد الله انج ما عرفتي .......يالله انجلعي لمكتبج.....
شموو: الحين انجلعي و قبل شوي كنت بتحب ايدي ....... محد متسلي بقصتك انت و مهوو
كثري ........ و لا المسلسلات المكسيكيه تضبط الحركه الا استوت جدامي قبل شوي ...........و
الله شكلك تحفه و كنت شوي و بذوب عليها
فهد تنرفز منها هذي شو يسكتها الحين: شموو سيري لا ازيد مدة اقامتج مع وليد
شموو بسرعه : لا و الا يرحم والديك ..........محد يعطيك ويه................باي
دخل وليد المكتب لاحظ غياب شموو حس بشعور غريب و كأنه افتقد وجودها ما قدر يمنع
عمره و ما يسال عنها
وليد: مها وين شموو
مها و هي بعدها متنرفزه من شموو و منقهره منها وودها تذبحها: وش دراني فيها ..... خل
تولي
وليد: اوه شكلكم متزاعلين.......... يعني بداوم و الا لا
مها: لا اطمأن هي موجوده بس ما ادري وين اختفت ...... عساها بريل احول قول امين
وليد وهو يبتسم من دعوتها شكل شموو مسويه شي جايد مع مها علشان جي معصبه منها
هل كثر
شموو سمعت الدعوه و انقهر من وليد ما دافع و لا رد لها: كاني المقصوده بالدعوه
هذي ........بس ماعليه الله يسامحج ...........بس يا رب ريلج يطلع عسل مثل
اخوي ............شفتي شكثر انا احبج
مها: شموو عن المصاخه ........ شو استوى و ليش هالكثر متاخره وين سرتي ......
شموو: شوي شوي ......وهي تطالع وليد احكي جدامه و الا اخليها بعدين على الغدا
مها: لا بعدين ...........و هي ترجع تطالع وليد و تبتسم في ويه ............سوري دعيت عليك
وليد استغرب : علي انا متى
شموو: يالذكي قالت عنك احول
وليد: لا هي قالت حق ريلج ................. و انا مستحيل اكون ريلج في يوم من الايام
شموو ومها انصدموا من كلامه ........هم يعرفون شعور وليد ناحيه شموو بس مو لدرجة
يحتقرها جي ......
مها: عدال من زينك يعني.......... شموو الف من يتمناها ........ و انا الصراحه دوم اقولها انك ما
تناسبها .......بس هي ماخذه السالفه تسليه ...........مو اكثر يعني لا اصدق عمرك
شموو انجرحت من وليد ما توقعت يكون رده عليها بهذي الطريقه ......و اول مره ما تعرف ترد
وتحس بلسانها منربط..........تمت تطالعه بنظرات .حاولت تطنشه و لا كانه قايل
شي...........يلست على مكتبها تشوف شغلها
اما وليد انقهر منها طنشته و لاقالت شي ...... و الا كلام محاميتها كافي .......هو عارف شموو
خذت الخطوبه على انها تسليه بس من الاحسن يقعد يذكرها من وقت لوقت و الا اصدق اني
خطيبها و تتعلق فيني .....واثق الاخ
مر الوقت بسرعه و شموو بعدها فيها غصه من وليد وايد مصدق عمره و من غير ما تفكر
رفعت راسها لمها وقالت: الا مهوو ما عرفتي اخر خبر
مها استغربت سكوت شموو كل هذا الوقت و حاسه فيها ...و عارف انها مستحيل تسكت عن
وليد الا تردها حقه و اول ما تكلمة عرفت قصدها : لا شو هو
شموو: راح اكمل في هذا القسم اسبوعين زياده
مها عارفه بالموضوع امس باليل تناقشوا فيه هي وشموو: لا حرام ....ما راح تكونين معاي
شموو: شو اسوي حاولت اقنع فهود رفض....و الله ان جبدي لايعه و مضايقه و ملانه من هذا
القسم
احمد: افا كل هذا
شموو: شو اسوي احب التغير
مها: وانت الصادقه ....... احسن شي التغير المستمر.......
شموو: بس تدرين احسن اقعد عله على قلب بعض الناس...........
الشباب ابتسموا عرفوا قصدها ....اما وليد يحاول يمسك ابتسامته هو عارف انها ما راح تعديها
عليه .......بس هذي شموو ما تتغير: شموو شوفي شغلج
شموو: اف كل هذا الكلام عن الملل و انت مصر اشتغل ....... بس تعبت
تم يطالعها بنظرات تحذير : انزين عن تاكلني ..........
شموو و هي تلفلف الملف من كل ناحيه مو فاهمه شي منه : وليد هذا الملف غلس ما ينفهم
وليد بدون ما يرفع راسه : احمد ساعدها
شموو منقهره منه شو احمد انا ابيه هو يساعدني وهي تطالع احمد: ايي عندك و الا انت
تيي.....
احمد: انت تعالي ما فيني اقوم
شموو تتحرك من مكانها و تعطيه الملف ..... يتصفحه و يسالها كيف وصلج هذا الملف
شموو تهز كتوفها:مثل كل الملفات..........يالله بسرعه تعبت من الوقفه
احمد: لحظه يالعيوز..............
شموو: انا عيوز و الا انت ........لابس لي خاتم فضه مثل خاتم يدي
احمد: اصلا لو مو حلو ما لفت انتباهج........بعد هذا هديه
شموو: او وووووووووو و طلعت حركات بعد
وليد عيونه عليهم يسمع حوارهم ......هو مو هامه احمد و لا شموو وعارف العلاقه بينهم
بحدود العمل بس انقهر منها تكلمه عادي بدون حدود و لا مسويه لوجوده اعتبار....ما قادر ينبها
او يتصرف ......اذا تدخل الحين الكل راح يفسر تصرف غلط بانها غيره او................قطع عليه
سرحانه صوت الملف الا حطته مها بصوت عالي عسب ينتبه لها وهمست له : عدال
عيونك .......... اذا تهمك داري عليها لا تضيع من ايدك
ورجعت مكانها .....و الله هذولا الريايل اغبياء ما يحسون بقيمة الشي الا لما يضيعونه من
ايدهم...باين من عينه اهتمامه ليش يجرحها و يكابر و لا رافضها علني بعد و الله مسكينه
شموو حضها اردى من حظي على الاقل انا ما حبيت فهد و لا تعلقت فيه مثل ما هي تحب
هذا الغبي............
وليد يقلب الكلام الا قالته مها من شوي هذي شو تخرف اذا بغيت شموو راح اخذها بس انا
احب احد ثاني علاقه اكثر من سنتين.....سمع احمد يضحك و هو يقول: وليد لو سمحت استلم
خطيبتك خبلت فيني ...
وليد منقهر منها : شموو تعالي انا بفهمج
شموو:صعب و ما ابي افهم............كلها مسائل رياضيات عطوها لمها
مها: عدال عاد انا الذكيه بالرياضيات..........مو كانا ناجحين بالدز
وليد : انزين يبي الملف بشوفه
شموو تشل الملف فرحانه انها بتتقرب من وليد : تفضل
وليد يتصفح الملف و هو مرتبك من قربها و ريحة عطرها في خشمه وحاس فيها بكل كيانه
بكل حركه تسويها و بايدها الا تتنقل بين الصفحات ترويه الاشياء الا مو فاهمتنها....ما قدر يركز
قال من بين اسنانه :شموو انت متسبحه بالعطر
تفاجأة شموو منه ليش شم عطري و الله حرام ...:لا و الله اني محطيه شوي .... بس انت
عندك حاسة الشم قويه
وليد: وين قويه وانت لازقه فيني جي ..
شموو ارتبكت و ما عرفت تصرف رجعت مكتبها بسرعه..........
.................................................. .....................................
وقت الغدا
كانوا البنات مجتمعات مثل كل يوم سوالف وضحك شال البقعه ......
مها : شموو و ين اخوج
شموو: ما اعرف يمكن بعده منصدم بالمكتب .... او اغمى عليه من الفرحه
مها: عن المصاخه انزين...........شوفي وليد ما هد الموبايل من ايده من دخل
شموو منقهره منه : خل يولي .... سبال .........يتعمد يحرجني
مها: تستاهلين .......... عيل مشطره على انا بس ... و الله الصبح بغيت اموت من الاحراج......لو
كنت جدامي جان موتج
شموو: لازم ذايبه على الاخر و لا كأني موجوده معاكم بالمصعد............الا صدق ما حسيتي
فيني
مها: شموو انجبي احسن لج.......لا تخليني ابتدي
شموو: ههههههههههههههههههههههههههه لا خلاص سكتنا
.................................................. ................................
فهد بهذا الوقت كان عند ابوه في المكتب .... و معاهم ابو حمد ... و خبروه عن الخطوبه ......
ابوحمد: اشوف راي البنت اول و بعدها تعالوا خطبوا رسمي
فهد و هو منقهر منه : و ليش ما ني الحين ، عندك شك بانها راح ترفضني
ابوحمد ارتبك: و الله الا مرت فيه بنتي مو شوي ...........و هذي المره لازم اشاورها و ماني
بضاغط عليها ... راح ارد لكم خبر باسرع وقت ممكن
ابو فهد و هو يطالع ولده بنظرت عتاب : ما يصير الا كل خير .... تسلم يابوحمد ..... عاد الفات
مات و انا اخوك
فهد بعالم ثاني .... مو متخيل يصبر علشان يردون خبر و احتمال الرفض ..... و الله احس عمري
متوتر و خايف افقدها ثاني مره ..... بس اليوم تاكدت انها تحمل لي بعض المشاعر ... عيونها
قالت اشياء وايد...طالع ساعته يبي يلحق وقت الغدا و يشوفها ..... استاذن و راح الكفتيريا ....
وقف عند طاولت البنات
فهد: السلام عليكم .............ها شو الاخبار
شموو: كلنا و الا احد معين
فهد يبتسم على لقافة اخته : كلهم الا انت
شموو: لا و الله
حصوو: انت معاه في البيت بس مل منج
فهد:باجر اخر يوم لكم بالاقسام ........ شدوا حيلكم ..........وسار
مها ما شلت عيونها من عليه ....شموو تدزها :بسم الله على اخوي لتاكلينه بعينج
مها: من زينه الا طويل هبيل
شموو و هي تتخصر : لا و الله احسن عن قصير بليد
مها: انا بليده................ الا ريلج الاحول
شموو: عدال عن احول ............ ما سمعتي شو قال الصبح و الله يقهر ..... عباله ميته عليه
حصوو: ترا دوم انت ميته عليه ......
عزه: هي و الله دوم تحبينه
شموو: حبته اليراده
مها: امين
شموو: مهوو و الله انج مصختيها تسبين اخوي و زوجي بعد ما اسمح لج
مها:طاع هذي الهبله مو كانها الا قايله حبته اليراده
شموو: هي كيفي اسبه ادعي عليه ريلي ............ و بعد ترا انا اليراده
ضحكوا عليها البنات و على هبلها..............مر من صوبهم وليد و هو يسمع ضحكهم و ميز
ضحكت شموو من بينهم ضحكتها مميزه و لها رنه غريبه تدخل القلب على طول ... ارتبك و قال
في خاطره انا شو علي منها افكر فيها اكثر عن الازم ....
:هلا حبيبتي لا معاج..........سرحت شو بالمهابيل الا عندنا...................ايه
المتدربات ........مسوين جو....و الله تعودنا عليهم ....خلج من هذا الكلام ...........وصل المصعد و
كانوا شموو و مها وراه و هو ما حس فيهم يرمس
: مدام عندي القمر مالي و مال النجوم.............. و ماشي بنت بالهذي الدنيا كلها
تلفتني .......انت وبس الا ابيها و احبها و اموت عليها
شموو انقهرت حست بنار الغيره ...هي تعرف انه يحب بنت ثانيه بس ما توصل الى درجة
يقولها بصوت عالي ويخلي الكل يسمعه ........لازم يحافظ على كرامتها .... مهما كان هي
خطيبته جدام الكل .......
شموو: وليد........ اييب لك مايك
وليد ارتبك ما حس بوجودها واضح انها سمعت كل شي ........ و انا شو يهمني ما هي عارفه
من قبل.....انهى المكالمه وصد صوبها
:نعم في شي
شموو: سلامتك ... بس يا ريت تخلي خصوصياتك برع الشركه ............ يعني ما كو داعي تبين
للناس انك خاطب وحده و تحب ثانيه ..........
كملت وهي تطالع ايده : وين دبلتك
وليد: ما احب البس دبل
شموو: اي واضح .... انا بعد ...
.و مشت عنه تلاحق مها الا ابتعدت من اول ما بدى الحوار من بينهم....و تلعب بالدبله بقوه
بايدها ...تحس بمشاعر وايد و فيها غبنه تبي تصيح ........
اما وليد ما اهتم ....... و كمل طريجه للمكتب.........................................قلع تها تفسخ الدبله و
تخليها و ما يهمني ........انا الا علي سويته .......مجرد كونها خطيبتي محد بيجرب
منها .......اصلا و لا احد عنده الجرئه حتى يسلم عليها بعد الا صار مع مطر................
.................................................. .................................................. ..
شموو واصله حدها من وليد وايد مصخها ...... الصبح قال انه مستحيل يكون زوجي........ و
الحين يغازل و لا لابس الدبله و حاقرنها .......... فرت الدبله في شنطتتها .......انا بعد ما بلبسها
الا يوم يلبسها......السبال
انشغلت بالملفات الا جدامها سمعت وليد يناديها
شموو: نعم في شي......................تحاول تقلده
وليد : تعالي خذي الملف ........... انا كملت الاشياء الصعبه عليج ....... كملي الباجي
شموو وهي تتأفف منه و تمشي ملانه و مالها خاطر ......تمد ايدها حقه من بعيد تبي تاخذ
الملف ....
وليد لاحظ بعدها : تعالي تجربي خذيه و الا تبيني افره لج
شموو تتجرب منه و تهمس : الحين انت الا طلبت بعدين لا تقول لازقه فيني........
وليد ابتسم ........: اذا اي شي مو فاهمتنه هاتي عندي
شموو ترفع حاجب واحد: شكل التلزق عيبك
وليد ما قدر يمسك ضحكته :هههههههههههههههههههههههههه و الله عليج حركات ... سيري
مكتبج احسن لج بسرعه
شموو و هي مبوزه: انزين
اكثر شي يعيبه في شموو خفت دمها و تلقائيتها ....... و قلبها الطيب .....و الا في قلبها على
لسانها.....كله الا بوزها لما تمده مثل الصغار ...... تم يتاملها وهيا تمشي لابسه عباه ضيقه و
تفاصيل جسمها باينه ....و الا مشيتها مثل الرقاصات .....هذي ما ادري وين فهد عنها..........
.................................................. .................................................. ...
مها متفاجأه من فهد متى لحق يخطبها و بهي السرعه .......................و متفاجأه بردها
السريع عليه انا ليش سويت جي ليش ما عطيت عمري فرصه افكر ........و الله قهر ....... بس
انا خايفه منه وما ابي الا صار يتكرر مره ثانيه.............بس هو يحبني ........... تصرفاته ونظراته
تبين هذا الشي ...........و الغبيه اصريت على ابوي الا يرمسه جدامي و يخبره براي ...........
بس احسن علشان يعرف اني مو ميته عليه....
اما فهد منقهر من ردها السريع بالرفض حتى ما خذت فرصه تفكر .... باين من اصرارها اني
اعرف بسرعه ....ليش رفضت ممكن تكون خايفه مثل ما قالت شموو ......بس معقوله ما
حست بمشاعري صوبها و الا تبي ترد الحركه علي ............. و الله ما اخليها خل اشوفها بس
باجر......غصب عليها توافق..........و تم يتجلب على السرير و هو فكره تاخذه و فكره
ترده............ غير اصراره حق ابوها ان يعطيها فرصه ثانيه تفكر ...... يعني الحين خطبتها مره
ثانيه ........... و الله لأذبحها ان رفضت مره ثانيه....................
و ينتهي يوم من ايام حبي و حبه
رفض مها السريع لفهد .... رغم مشاعرها الجديده و القويه له
اصرار فهد على ارتباطه بمها ....... و كيف راح يقنعها
علاقة شموو و وليد وين بتوصل؟؟؟!!!!
الجزء 15
الصبح مثل كل يوم فهد وصل بالموعد بس مها مش موجوده اليوم تعمدت تتاخر ...........ماتبي
تتلاقى وياه ...وفهد يتلفت يمين وشمال يدور عليها .....وصل مكتب شموو و هي مش موجوده
و قرر ينتظرها .....اما
شموو تفكر و الله وطلعتي مو سهله يا مهوو ....عرفتي تلعبين باخوي .......بس يستاهل خل
يعرف انها مو لعبه بايده وقت الا يباها ياخذها ........ متى بس العب على وليد........تتنهد..شكل
هذا اليوم بعيد وايد
مها اول ما وصلت القسم شافت فهد برع وشكله ينطرها ... ارتبكت ..... يا ربي شو
اسوي ...نفخت صدرها و تقدمت عادي .........تبي تدخل المكتب
فهد: وعليكم السلام ..............الناس تسلم على الاقل........و الا الا واقف جدامج مش عايبنج
مها: لا ابد بس ما انتبهت حقك
فهد و يعرف انها جذابه: لا والله ..........ممكن تتفضلين معاي شوي
مها مرتبكه و تحس انها مو على بعضها: لا ما ابي
فهد يهز كتفه : عادي ارمس اهنيه جدام الكل.......وصلني ردج بسرعه..و.............
مها بسرعه و هي عارفه انه عادي يرمس جدام الكل: خلاص بيي معاك
اشر لها تفضلي........
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك