رواية حبيتني غصب عنك مثل ما غصب عني حبيتك 11
بس ما طلبت شي ثواني ونكون عندهم..مع الف سلامه
قفل وليد من المتصل وناضر في نايف وهو مبّتسم:مافيني الا كل خير الحين بتنحل المشكله كلها
يالله امش
نايف:وين نروح؟؟!!
وليد:بنروح ناخذ نجلاءواسيل بنت خالتها ونوديهم للسوبر ماركت
والحين يانويف بتنحل كل المسائل..يالله امش بسرعه تاخرنا عليهم..
ــــــــــــــــــــــــــــــــــــــــــــــــــ
سلطان:الو
نجلاء:وينك تاخرت مررره
سلطان:اناماني جاي
نجلاء:لا والله من بياخذنا انا واسيل ماابغى اروح مع السواق لوحدنا
سلطانّ:خلاص انا كلمت وليد وهو جايكم
نجلاء اللي عيونها بغت تطلع:وليد؟؟!!!!
سلطان بشك:ايه وليد ليه فيه شي؟؟!!
نجلاء مرتبكه:هاه..لا مافيه شي بس يمكن اسيل تستحي تركب معاه..
سلطان:اوما اسيل تستحي ,, المهم هي اصلاً اذا كانت تستحي بس تشوفك ركبتي معاها ماراح تخاف
ويالله عاد طولتيها وهي قصيره انا مشغول الحين..
نجلاء وشوي وتصيح:اوكي اسفه على الازعاج مع السلامه ..وقفلت الخط بوجهه..
اسيل:وش فيه سلطان
نجلاء ناضرت بالم لأختها :وليد بيجي ياخذنها
اسيل:جوجو حبيبتي انت ليه زعلانه المفروض ما تصدقين كل اللي ينقال لك..
نجلاء وهي تصيح:والله اني سمعت صوته قسم بالله انه صوته
اسيل احضنت اختها:خلاص حياتي خلاص ربي يسعدك لا تضيقين خلقك
والله محد يستاهل تنزل دموعك على شانه..
نجلاء اللي تمسح دموعها:ياليتني اقدر اكون قويه ياليتني يا اسيل اكون قويه
اسيل بحنان:خلاص حبيبتي خليه يولي لا تفكرين فيه انسيه
نجلاء:هه..انساه..وانا اقدر لو اقدر كان نسيته من اليوم..بس
اسيل :لا تقدرين لو بغيتي تقدرين...
نجلاء بتعب: وش لون يا اسيل وشلون..
اسيل سكتت وبعدين ناضرت في عيون نجلاء اللي كان تفي حضنها:اذا صارحتيه
نجلاء:اصارحه؟؟
اسيل:ايه صارحيه عارفه ليه؟؟
نجلاء هزت راسها بمعنى لا
اسيل:لانه اذا اعترف بانه هو بيطيح من عينك وبيكون زيه زيه الدوده اللي على الارض بنظرك
اما اذا كان مضلوم فا انتي بترتاحين ..{ابتسمت}..صدقيني
نجلاء:ان شاء الله
اسيل:يالله امشي نروح نتجهز قبل لا يجي فشله نخليه ملطوع عند الباب
راحوا نجلاء واسيل يتجهزون ويرحون مع وليد...
سلاااااااااااااااام للكل...
يسلموا على المرور...
والحمد لله ان البات عجبكم ....
واتمنى ان البارت الجديد يعجبكم...
عوافي مقدماً...
ـــــــــــــــــــــــــــــ
بسيارة وليد..
نايف:وليد وش فيك وش الكلام اللي تقوله
وليد:والله والله يا نايف هاذا اللي صار..
نايف ضحك:هههههههههه...اجل خاين مرره وحده
وليد ناضر في نايف بعصبيه:انت وش مشكلتك معي كل ما تكلمت قمت تضحك
نايف:اسف والله آسف بس احس نجلاء متاثره بالمسلسلات وش خاين
وليد:انت فهمت انا وش قلت لك
نايف:فاهم والله فاهم
وليد:خلاص اسكت وصلنا لا تجيب طاري للموضوع
نايف:اوكي كلوا تمام
وليد:قسم بالله مشكلتي اني مرافق بزرااااااااااااان
نايف:هههههههههههههههه...وليه تقولها وانت مقهور
وليد:من حر ما فيّني
نايف ضحك بصوت واطي:هههههه...
ركبوا اسيل ونجلاء بعد ما سمعوا صوت سيارة وليد...
اسيل:السلامـ عليكمـ
نايف ووليد:وعليكم السلام ورحمة الله وبركاته..
وليد اللي جلست وراه نجلاء ضبط المرايه وثبتها على نجلاء..
وليد:وانتي يابنت العم ما تسلمين ولا انتي داخله على يهود..
نجلاء رفعت راسها على طول وجت عينها بعين وليد...
نجلاء:بس رد السلام واجب كون احسن مني ورد السلام من غير ما اسلم...
نايف حب يغير الجو اللي تكهرب وكان باين من نظرات وليد ونجلاء لبعض...
نايف:آآآ...اسيل وش اخبارك
اسيل:تمام الحمد لله انت وش اخبارك
نايف:اخباري تمام التمام
اسيل :الحمد لله,بس ما قلت لي انت للحين على خرابيطك
نايف:بسم الله اصلاً انا صغير يعني لسى بالبدايه
اسيل:يا جعلك بالهدايه
نايف:ههههههه...حلوه حلوه والله حلوه على نفس القافيه..
اسيل:ههههه...الله يثبت علينا نعمة العقل والدين بس
نايف:مشكوره يا اخت ولد عمي بالرضاعه...
وكملوا اسيل ونايف سوالفهم طول الطريق...
بس نجلاء كانت تفكر بكلام البنت..
"سمر:نجلاء صباح الخير
نجلاء بإبتسامه صفره:صباح النور.. وجت بتمشي بس صوت سمر وقفها
سمر:لحظه وين رايحه
نجلاء:نعم بغيتي شي
سمر:ايوه تعالي معي شوي ابغى اسمعك حاجه..
نجلاء خافت وراحت مع سمر لفصل كان خالي من الطالبات ...
دخلوا الفصل وطلعت سمر من ...<<مكان دائماًالبنات يخبون فيه اغراضهم*_^
الجوال...
نجلاء اول ما شافت الجوال انصدمت...
نجلاء بخوف:سمر انتي مجنونه وش هاذا اللي معك
سمر :اصبري واسمعي
:الو
نجلاء انصدمت لانها تعرف صاحب الصوت ...
سمر تناضر في نجلاء وهي مبتسمه:الو...مين
:معك وليد
سمر بدلع :الله اسمك مررره حلو
وليد:يالبى, عيونك احلى
نجلاء ماتحملت على طول طلعت من الفصل بس اللي ما تعرفه نجلاء انه...
سمر:طيب وليد ممكن اكلم نايف
وليد:والله نايف مشغول
سمر:اوكي اسفه على الازعاج
..."قطع تفكيره بالموضوع صوت اسيل:نجلاء يالله
نجلاء:هاه...وصلنا يالله اسبقيني وانا جايه بعدك
اسيل فهمت على نجلاء:اوكي
نزلت اسيل من السياره ...
وليد مستغرب:وين نجلاء؟؟!! ولا مهي بجايه؟؟
اسيل:لا بتجي تقول شوي وبلحقكم..ناضرت في نايف..وانت امش نروح نتشرى يالله بسرعه
نايف:ان شاء الله طال عمرك
دخلوا نايف واسيل للسوبر ماركت..
وليد استغل الفرصه وراح ركب السياره ..
اول ما دخل سمع شهقات نجلاء..
وليد بخوف:نجلاء نجلاء وش فيك ليه تصيحين
نجلاء بقهر:وليد انا اكره كانت احقر انسان شفته بحياتي اكرهك اكرهك اكرهـ...طرااخ...
كان هاذا صوت الكف اللي عطاه وليد لنجلاء..
وليد معصب مشى بالسياره لمكان شوي مافيه ناس...ونجلاء ما زالت مصدومه من الكف اللي جاها من وليد..
وليد بعصبيه:انتي وش فيك منهبله انا وش سويتلك هاه
نجلاء وهي تصيح:انت انت وش سويتلي انت وش ما سويته ...
وليد:لاااااااا...انتي فيكي شي
نجلاء:ايه فيني اني عرفتك على حقيقتك يا حقير يا كذاب
وليد بعصبيه:اووووووووووووف...انتي قوليلي وش انا مسوي
نجلاء:من زين سواتك
وليد:نجلاء تكلمي لا قسم بالله احطك تحت السياره و ادعس عليك
نجلاء:انت دعست على كرامتي
وليد فتح عيونه على وسعهم:وش اهنتك...نجلاء هاذي مهي طريقه للتفاهم
نجلاء:اوكي اوكي استاذ وليد بقولك انت وش مسوي...هذاك اليوم بالمدرسه...
في المملكه كانت العنود هي ويزيد بالبرج يتعشون...
العنود بدلع:اممممم...زوز ممكن تلب
يزيد"تامرين امر":على حسب وش بغيتي
العنود بدلع:اممم..سراحه ..ابغى نرجع البيت مليت من الفندق
يزيد:من الفندق ولا مني
العنود وهي متعمده وبصوت شبه واطي:وانت احد يمل منك..لا تبعاً من الفندق
يزيد ابتسم :اوكي بكرا ان شاء الله بنكون بالبيت
العنود :تسلم حبيبـ...بس تسلم
يزيد"لا يا يزيد اثقل شوي موع نود اللي تهزني ..."
العنود كانت تناضر في يزيد وابتسامتها الروووعه موجوده
"{حطيتك في راسي و حلفت أجيبك
وأنا اذا حلفت محـدٍ يعارضنـي
راح أشرب هواك و بصير حبيبـك
غصباً عليك راح أخليك تعشقنـي
راح أصير دكتورك و بصير طبيبـك
وراح أضمك لين صدرك يحرقنـي
وبالعربي كذا أنـا من نصيبــك
ولو مو عاجبك بصراحه عاجبنـي
باختصار أنا من نصيبك و بيصيبـك
وغير كـذا مافي شي أبد يقنعنـي
والله راح أجيبك يعني راح أجيبـك
هذا تحدي وأتحدى انـك تغلبنـي
واثق من نفسي و أدري أنا اني بكون حبيبك
وأنا راح أخليك تجي وتصارحنـي}"
كملوا عشاهم واول ما خلصوا رجعوا الفندق
ــــــــــــــــــــــــــــــــــــــــــــــــ
وليد منصدم:وانتي على طول صدقتي
نجلاء:لا والله يعني اسمع صوتك باذني وتبغاني اكذب نفسي
وليد:سبحان الله طيب انتي فهمتي السالفه بالاول..
نجلاء:ما يحتاج افهم شي
وليد بعصبيه:لا يحتاج انك تفهمين ...يحتاج يا بروفسوره نجلاء..عارفه ليه؟؟..لانك
ضلمتيني...اولاً هاذي اللي اسمها سمر يعرفها نايف اوكي..
ثاني لمى اتصلت نا يف كان موصيني اصرفها وعلى فكره..
نايف قايلها ان بنات عمي معاك بالمدرسه..{بصراخ}...وان نجلاء بنت عمي وليد اخوي يحبها..
فهمتي السالفه الحين... فهمتي انسه نجلاء ولا بعد بودك الخاين يفهمك..
نجلاء وعلامات الصدمه على وجهها من كلمت وليد""يحبها
""ّ{انا آسف على ازعاجك رجيتك تقبل الاعذار
.............تجمّل بالذي يكتب حروف الشعر من دمّه
هداك الله لو تعرف غلاك وكم لك مقدار
...............تضيع بحب من حبّك وترمي حالتك يمّه
أنا مالي أحد غيرك أحبّه واكتب الأشعار
..............ولا غيرك سكن قلبي وخلآ الحال منسمّه
أنا من بعدك بغربه ولو الناس حولي كثار
.............لك الله ضقت من نفسي ولا ابغى الناس واللمه
ألا يافرحة الدنيا على دربك خفوقي سار
..............رجيتك يابعد عمري تكوني فيه مهتمه
أعيش بقربك بجنّه وفي بعدك أعيش بنار
............أنا المهموم من همك وجالك يشتكي همّه
حياتي شاقني وصلك رجيتك داخلي منهار
...........على قلبي من غيابك هموم الكون ملتمّه}""
ــــــــــــــــــــــــــــــــــــــــــــــــــ ـــــــــ
مر الاسبوع عاااادي جداً مافيه غير ا ن ام وابو طلال خطبوا نوره وسارا خطبه رسميه...
وتحدد وقت الملكه انه بعد اسبوعين...
طبعاً طلال فرحته ماتنوصف ...
محمد شعوره عاادي كان دايماًيقول البنت مالها ذنب وهاذا نصيبي..
وليد كان منقهر من حركة نجلاء وكاره حاله وطول الوقت مع نايف...
نايف يفكر باريج و فاااال امها كل يوم من مجمع لمجمع...
يزيد اللي ميت من حركااات لعنود ودلعها اللي ماهو عارف كيف هو صابر الا الان...
سلطان وفهد طول الوقت وهم يفكرون وشلون يفتحون موضوع الخطبه مع اهلهم...
العنود مررررره مبسوطه باللي تسويه بيزيد تحس كانه كوره توديه يمين و ترجعه يسار..
نجلاء تحس نفسها غبيه انها صدقت سمر اللي ماهي عارفه ليه سوت هالحركه....
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــ
{يــــــــــــــــــــــــــــــــــــــــــــــــ ــــــــــــــــــومــــــــــ المــــــــــــــــــــــــــــلكـــــــــــــــــ ـــــــــــه}
العنود اللي كانت حايسه بنفسها:اووووووووف...الحلق وينه
يزيد اللي طلع من الحمام بعد ما تروش وكان لاف فوطه على خصره:وش فيك يالله صباح خير
العنود كانت معطيه يزيد ظهرها واول ماالتفتت عليه اشهقت:......انت ما تستحي شلون تطلع قدامي كذا عيب عليك
يزيد اللي عجبه كلامه وخدودها الورديه وهو يقرب منها:هههههه...ليه عادي اصلاً انتي اذا حنيتي علينا بتشوفيني من غير الفـــ....
العنود قطعت كلامه وهي تغمض عيونها:اوكي اوكي الحين روح بدل علشان تاخذنا المشغل لو سمحت
يزيد:هههههه...ان شاء الله
اول ما راح يزيد لغرفة الملابس...العنود"ياويلي وش هالرجال..."
طلع يزيد وراح يوصل العنود ونجلاء للمشغل...
ــــــــــــــــــــــــــــــــــــــــــــــــــ ـــــــ
نجلاء:اوووووف يا سلطان تاخر
العنود:يابنت اصبري الحين يجي
نجلاء جت بترد بس رن تلفونها:الو
سلطان:يالله انا عند الباب
طلعوا العنود ونجلاء من المشغل على طول على البيت على شان يلبسون ملابسهم...
العنود كانت بالغرفه تلبس الحلق ...
وكانت لابسه فستان ...
دخل يزيد الغرفه وهي ما انتبهت له..
قرب منها العنود حست فيها بس بينت انها مو مهتمه مع انها كانت خايفه .. ومهي عارفه السبب...
حاوطها يزيد من خصرها وقال لها بصوت اول مرره تسمعه العنود...
وكانت عيونه بعينها على المرايه:اليوم ماني قابل باي عذر
العنود اللي كانت ماسكه عطر بإدها طاح منها ...
يزيد ابتسم:بسم الله عليك عساك ما تعورتي
العنود بعدت عن يزيد بسرعه وهي تحس ان ريقها ناااشف...
بلعت ريقها بصعوبه:هاه....لا
يزيد:اوكي انتبهي على نفسك{وشدد على كلمة}اليوم وغمز لها
العنود وجهها الوان في الوان"والله لو تحلم يا يزيد تحلم"
اخذت عبايتها وعند باب الغرفه:يزيد انتظرك تحت...وراحت بسرعه علشان ماتعطيه مجال يتكلم..
يزيد"ههههههه...انحاشت الخوافه.."
ـــــــــــــــــــــــــــــــــــ
دخلت العنود الصاله اللي كان فيها بس نجلاء وكان احد يلحقها...
نجلاء كان ت لابسه فستان كذا شكله..
نجلاء:بسم الله عليك وش فيك
العنود:هاه..لا سلامتك
نجلاء:اوكي...شكلي حلو
العنود:تجننين...وانا
جت نجلاء بترد بس سبقها يزيد اللي كان لسى داخل:تجننين
العنود استحت"اووووف..هاذا وش جابه"
نجلاء:ههههههه...خلاص بعد شهد شاهداً من اهله
العنود ابتسمت
يزيد:هاه خالصين انا بروح
نجلاء:لالا...جاهزين يالله يا مدام امشي
العنود لبست عبايتها وطلعوا مع يزيد..
هذا البارت بين ادينكم...
عوافي مقدماً...
ـــــــــــــــــــــــــــــــ
سارا اللي كانت قالبه البيت مناحه"آآآآآه..ياربي ارحمني دانه سامحيني والله ما كان قصدي اخونك والله"
ام صالح:سارا و وجع ان شاء الله وش عندك وشوله هالبكي احمدي ربك لقيتي لك رجال ميت عليك وبياخذك
سارا"خلاص تحملتك بما فيه الكفايه":عمه انتي وش تبين مني ليه تكرهيني كل هاذا لاني بنت عبد المحسن...عبد المحسن اللي كنتي ميته عليه ,,ولا انا غلطانه تكفين تكفين اتركيني بحالي والله حرام عليك كفايه ظلم انا وش سويت لك الله يخليك اتركيني بحالي اتركيني...
وطلعت برا الغرفه لانها مالها خلق تبكي خلاص يكفي اسبوع وكم يوم وهي بس تبكي...
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــ
دخلت سيارة يزيد التشارجر السوداء واللي كانت مضلله باللون الاسودلحوش البيت
نجلاء:عنود يالله منتي نازله
العنود:اكيد بنزل وش رايك انتي
نزلت نجلاء من السياره واول ما جت العنود بتنزل يزيد قفل الباب وقال لها بنبرة صوت غريبه:وين حياتي؟؟ ? ?
العنود بلعت ريقها"ياربي وش يبي ذا":بنزل يعني وين بروح
يزيد مسك ايد العنود وجلس يبوسها على خفيف...
العنود اللي كانت مستحيه:يزيد لا يشوفنا احد
يزيد وهو يقرب للعنود:ويشوفونا عادي زوجتي وكيفي..يزيد اللي صار مرره قريب من العنود اللي كانت لازقه في باب السياره..ولا وش رايك..وباسها على شفايفها
العنود دفت يزيد باقوى ماعندها وقالت بقرف:وجع
يزيد اللي ما استوعب اللي سمعه قال وهو يبغى يتاكد من اللي سمعه:وشو؟؟ وش قلتي؟؟
العنود خافت من طريقة يزيد:ما..ما..ماقللت..شي
يزيد اللي ناضر للعنود بعصبيه وهو يفتح الباب:انقلعي برا لااقوم اسطرك الحين برا
العنود اللي ما صدقت خبر وطلعت...
يزيد وهو معصب:وجع هاه والله لا اطلعها من عيونك يا بنت ال..استغفر الله مشكلتك انك بنت عمي وضرب الدركسون با اقوى ما عنده
ــــــــــــــــــــــــــــــــــــــــــــــــــ ــــــــــــــــــــ
العنود دخلت البيت وهي تلهث وكان احد يلاحقها وهي تسلم على البنات...
اسيل بخبث بعد ما سلمت على العنود:وش عندك تاخرتي كل هالوقت نجلاء صار لها ساعه وهي هنا وبعدين ليه تلهثين كان احد لاحقك بعصا
العنود ضربتها على كتفها بس بقوه شوي:وجع ان شاء الله عيب وش دخلك انتي عمى بنات اخر زمن
اريج:عنوده وش فيك عاااادي ايزي حماتك وتمزح معاك
العنود:جب انتي الثانيه .. خلوني اروح اسلم على الحريم قبل لا ينقدون علي ..زيكم عارف انا الحين حرمه ...
البنات:ههههههههههه...روحي الله يستر عليك
العنود:اروح لهم بعبايتي خليني افصخ العبايه...
البنات:واااااااو..
اسيل:وانا اقول ليه تاخرتي اكيد يزود لزم انه يشوف وش لابسه
العنود اللي انقهرت:اسيلوه انطمي لا اقوم اصفقك الحين..
البنات:هههههههه
اسيل غمزت للعنود:بس على فكره مررررره خوقاق
العنود وهي تقلد اسيل:خوقاق ...هاه..اقول بس الحمد لله والشكر
راحت العنود عند الحريم وسلمت عليهم وجلست تتقهوى...
ام سيف وحده من جارات ام يزيد ودايم عندهم واللي كانت منجنه على العنود واخطبتها بس ابو العنود رفض علشان يزيد:اقول يالعنود ما حملتي
العنود كانت تشرب قهوه وشرقت فيها:كح كح كح ...آآه..لاوالله..كح كح..والله ياخاله لسى تو الناس..كح كح كح..
ام سيف:وشو تو الناس صار لك شهر وانتي معرسه
العنود اللي طيرت عيونها"سلامااات وش دخلها ذي":......الله كريم مع اني اشوف انه لسى
الحرمه:انتي روحي شوفي وعالجي يمكن فيك شي منا ولا منا
العنود بغت تموت:..........لاتعليق
ام يزيد اللي انقهرت من اللي انقال:اعتقد يا ام سيف هاذا شي خاص بينها وبين رجلها وماله داعي نتدخل فيه ولا انا غلطانه
ام سيف اللي تفشلت:والله يا ام يزيد انا خايفه عليها من كلام الناس بكرا .. وانتي عارفه كلام الناس مايرحم
ام يزيد:والله هم توهم صغار بيعيشون حياتهم ...والناس اللي يتكلمون ويفكرون مايهمونا
العنود ابتسمت"بعدي والله ياخالتي"
ام سيف:ايه ... الله يوفقهم ويرزقهم بالذريه الصالحه
ــــــــــــــــــــــــــــــــــــــــــــــــــ ــــــــــــــــــــــــــ
يزيد يسلم على طلال:مبروك الف مبروك..{بمزح}..وين اسيل وايام اسيل
طلال ابتسم:يارجال الله يستر عليها بنت الحلال
يزيد:الله يوفقك
طلال:تسلم
سلطان:مبرووك يا ابو قاسم
محمد:اله يبارك بعمرك عقبالك
سلطان ابتسم وهو يتذكر الجوري:ان شاء الله لاوازيدك من الشعر بيت بنصيرنسايب انا وانت
محمد:ههههه..الجوري اخت المدام
سلطان:لاتجيب اسم محارمنا على لسانك
محمد:ههههه,,اقول توكل على الله بس
فهد اللي كان وراء سلطان:الرجال يقول لك توكل يعني انقلع..{التفت على محمد}.. مبروك يا ابو قاسم منك المال ومنها العيال والبنات
محمد:تسلم يا ابو فيصل الله يبارك فيك
ــــــــــــــــــــــــــــــــــــــــــــــــــ ــــــــــــــــــــ
وليد ونايف اللي كانوا متمللين من الجلسه خصوصاً انهم ميتين ويتزوجون
وليد بحسره:آآآآخ...يارجال شفت القهر ناس يموتون ويحصلون لهم مره وناس معرسين غصباً عنهم وماهو عاجبهم
نايف متحسر اكثر من وليد:تكفى ياوليد لا تقهرني...يارب والله مو طالب شي بس مره وحده والله مره وحده اتزوجها واغض البصر...
وليد:والله ياخي لازم نلاقيلنا حل اليوم قبل بكرا اسمع بعد شوي بس يرحون الناس نفتح الموضوع مع الشياب لاني صراحه ما اعاد اتحمل اووووف<<ياشين البزران بهالمرحله همهم كله الزواج
نايف:والله انك صادق اليوم الله لايعوقنا بشر قايل لابوي قايل لابوي
وليد:وانا بعد كيفهم عاد يدبرون لي مره من تحت الارض نجلاء غير نجلاء ماعاد يهم اهم شي اعرس وبس
نايف:وانا بعد اريج غير اريج مومهم
وليد اللي استغرب:اريج!!؟؟
نايف"الله يلعن الزواج وسيرته الحين وش يفكني من لسان وليدوه":هاه...اي اريج اقولك اريد
وليد:وش اللي تريده
نايف:اريد حرمه مومهم مين ماتكون اهم شي تكون شوي فلاويه
وليد:الحمد لله والشكر وش دخل الفلاويات بالسالفه
نايف:والله مدري مخي ضارب بسبة الحريم
وكملوا سوالفهم يتحلطمون على حظهم كانهم مطلقات
ــــــــــــــــــــــــــــــــــــــــــــــــــ ـــــــ
العنود اللي كانت شايله هم اللي بيصير وكانت تفكر"ياربي وش بسوي الحين..بس انا مستحيل اخليه ياخذ اللي يبيه بسهوله..لالا انا لازم افكر..اممممم..ايوه لقيتها..."
العنود اللي مسكت جوالها واتصلت على يزيد...
يزيد اللي كان يسولف مع طلال:هههه...الله يعينك عاد انت الحين اعرست بس عساها ماتطلع زي اللي عندي
طلال:هههههه...ليه وش مسويه فيك بنت العم
يزيد"وش اللي ماهي مسويته فيني..":ابد سلامتك بس اسمنه مره ومزعجتنا
طلال:هههه..الله يعينك عسى بس الحريم ماهم سواسيه...
جاء يزيد بيرد بس قطع كلامه صوت جواله:هاه..شفت شلون لو اني ذاكر مليون ماهو باحسن من حياااتي...هلا وغلا بقلبي
العنود اللي كان صوتها تعبان:الو...يزيد
يزيد بخوف:عنود وش فيك؟؟!
العنود اللي ابتسمت بس كملت:آآآآه....يزيد بموت تكفى تعال خذني للبيت...آآآه
يزيد بصوت واطي علشان مايسمعه طلال:الله يهديك وش اجي اخذك الملكه لسه ماتمت اقله على مايوقعون نروح بعدها للبيت انتظري مابقى شي ربع ساعه بس
العنود"والله لو دقيقه":مااقدر الله يخليك...طيب اروح مع السواق
يزيد:وش سواقه الله يلعن بليسك خلاص تجهزي وانتظريني عند الباب الحين جاي
العنود:لا..ماله داعي انت اجلس مع طلال وانا ارجع مع السواق
يزيد:يالله انا عند الباب اطلعي...وقفل الجهاز
العنود راحت لامها:ماما...انا مظتره اروح الحين يزيد ينتظرني برا
ام العنود خافت انه فيها شي:ليه ياما فيك شي يزيد فيه شي
العنود:انا تعبانه شوي....اسناني توجعني
ام فهد:الله يعافيك ياماما...طيب روحي سلمي على عمتك ام طلال...وخالتك ام الجوري
العنود:ان شاء الله ماما يالله عن اذنك
ام فهد:يالله فمان الله
راحت العنود وسلمت على ام طلال وام الجوري واعتذرت منهم بحجة انها مريضه وطلعت ليزيد
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك