رواية يوميات حبي و حبه -11
وليد: احمد ييب الخمسين ملف و وزعهم على البنات .... ابيها كلها اليوم قبل نهاية الدوام
شموو: خيبه كل هذا
مها و هي تطالع وليد مو مصدقه: تمزح اكيد
وليد: كلمه زياده و احط خمسين ملف غيرهم
تموا البنات يطالعوه منقهرين منه .... بس على مين رغم انشغالهم الا ما يفوتهم شي الا
يعلقوا عليه.....
مها : طالعي شموو هذا اسمه مصعب .... و الله شكله بالصوره تحفه
شموو تنش من مكانها و تروح عند مها تشوف الصوره : الله شعره حلو مو
مها تضربها بكوعها علشان تسكت ... هذي الخبله وليد يالس وهي تتغزل في الريال
شموو: مهوو شوفيج اليوم مو طبيعيه
مها : انا و الا انت... و تاشر بعيونها على وليد .... صدت شموو تشوفه .... اوه نسيته..رجعت
مكتبها بسرعه ...
وليد و هو يطالعها بنظرات منقهر منها ... الحين الا بالمكتب شو بيقولون قاعده تتغزل في واحد
و خطيبها يالس........ انتبهت شموو انه ما زال يطالعها ...
قالت: سوري نسيت انك موجود
ضحكوا عليها الشباب : صدق ياهل شو عليج بالعرس انت
شموو و هي مستحيه: بس عاد لا تمصخوها
تموا على هذا الحال مدة اربع ساعات ... كل وحده منهم تعلق على الملف الا يطيح بايدها....
وليد طفر منهم و هو يهز راسه ما شي فايده فيهم ابد.....
وقت الغدا
دخل فهد الكفتيريا و عيونه تدور عليها .... بعده منقهر من حركتها ... غريبه مش موجوده..
شاف خالد على الطاوله ينطره ...... قعد و هو يتافف
خالد: عافان الله الناس تسلم ..... شو فيك تتافف
فهد: يعني ما تعرف
خالد: انت الا يبته حق عمرك ... كم مره خبرتك تروح تخطبها ... و كنت واثق انها لك
فهد منقهر : و بتصير لي
وليد يراقب فهد من بعيد وابتسم اكيد يدور عليها ..... قام للطاولة فهد
وليد :مرحبا شباب..... فهد رد بدون نفس..........هههههههههههههههههههههههههههه ..... الله
على العاشق الولهان ..... مفتقد وجودها مو
فهد ما له نفس يرد او يناقش احد تم ساكت
وليد: معاقبين.... عطيتهم 50 ملف يخلصونه اليوم .....ههههههههههه ... ليش تطالعني جي
خالد:ههههههههههههههههههههههه تضن العقاب ينفع معاهم
وليد: اكيد لا........ انا ماعطينهم شغل زياده علشان يسكتون بس منو يقول .... بعد المناقشات
الحاده الصبح ... تحولت المواضيع عن اصحاب الملف.... لدرجة ان بالي كله كان معاهم ... و
عرفت تفاصيل الملف من غير ما اقراه...
فهد يبتسم هو يعرف اخته .... اكيد خذت السالفه غياض و ما نزلت للغدا عسب جي
0000000000000000000000000000000000
مها: شموو ما يعتي
شموو و هي تمسك بطنها من اليوع: الا ميته يوع
مها: خلصتي
شمووو: لا .... و عادي اذا مخلصت بفر له الملفات كلها و لا يهمني
مها: ههههههههههه هذاك اول الدفاشه الحين الحركه محسوبه عليج
مطر مار بجنب مكتبهم استغرب وجودهم .... دخل سلم عليهم
مها: و عليكم السلام ............. نعم امر تبي شي
مطر و هو يطالع شموو الا مطنشتنه و ما ردت السلام: السلام لله ..... شفتكم يالسات قلت
اسلم
شموو: و خلاص سلمت ... شو تبى بعد
مطر: ما كنت ادري انج عصبيه جي....... رغم اني كنت احاول اتقرب منج علشان تصيري من
نصيبي....... ما كنت ادري انج محيره ................
مها: بس مطر لو سمحت الموضوع منتهي
شموو: كل واحد خذ نصيبه
مطر: هيه بس انا بعدي ما خذت نصيبي....... بنطرج لما تكنسلين الخطوبه .... واذا ما صار ...
بحول لربيعتج..
مها و شموو فتحوا عيونهم علي الاخر هذا اكيد خبله .....
ابتسم شوي و طلع و هو فرحان بردت فعلهم ... على الاقل زرع الخوف و الشك فيهم..
............................................
وليد : يالله شباب بروح اخذ لهم كوفي
خالد: يا هذا الكوفي الا طالع علينا هــ اليومين
وليد : حرام اكيد يوعانين و انا اعرف ما بقاومون الكوفي ابد ......... اشر بايده لهم و طلع .....
وهو شال الكوفي وطالع للمصعد تلاقى ويا مطر الا حتى ما سلم بس طالعاه بنظرات
استفزازيه...وليد في خاطره الحمدالله و الشكر بلاه هذا....صدق نفسه خايسه.!!!!!!!!
وصل وليد عند البنات الا من طلع مطر و لا وحده منهم رمست او حتى شافت الشغل الا في
ايدها....
وليد و هو يدندن و مستانس: مرحبا .... قلت اتنوا اكيد يوعانين ... يبت لكم اخف شي يصبركم
لما تروحون البيت...... و يوزع الكوفي ..... استغرب سكوتهم و لا وحده منهم ردت او شكرته ...
تم يطالع مها و بعدين شموو
: شو صاير ما ترمسون بعض......... شو هذي الحركات .... يهال انتوا.......... انزين احد يرد علي
مها: مشكور وليد........ بس السالفه مو جي
شموو: مهووو بس عن المشاكل
وليد استغرب بلاهم ...... ركز نظره على شموو الا لاحظ انها تتفادى عيونه ...احس انها مخبيه
شي و ما تبي تقول
وليد: شو صاير ما تردون....شموو
مها: الزفت مطر مر هني .... و فر كم كلمه تسم البدن
وليد من يابت طاري مطرتنرفز ... و هذا بعدين معاه ..... شو قصته..... و هو عيونه على شموو
وليد: شما ..... رفعت راسها تطالعه.....ما تحب يزقرها جي ..... تعرف انه معصب
شموو: قال ان لما اكنسل الخطوبه راح اكون من.......سكتت ......
وليد و هو خلاص واصله عنده:::: من شو
شموو و هي تتكلم بسرعه: من نصيبه و اذا مو انا راح يحول لمها ...... و الله احس فيه
خبله ... لا تاخذ على كلامه
وليد ما وقف يفكر مرتين على طول للكفتيريا .... وهو داخل شل الحمدانيه من على راسه من
كثر ما هو معصب.... خالد انتبه عليه وقف على طول ... و فهد يتابع نظرات خالد ... شاف وليد
رايح صوب مطر بسرعه و شكله معصب ...
وليد مسك مطر من ثيابه و هات بكوسات .... و طاحوا على الارض و من قوة الضرب مطر ما
قادر يتحرك .... هجموا الشباب وشلوا وليد من على مطر .... الا معصب و ينافخ ويبي يهجم
على وليد... تدخل فهد على طول ..... بقوة شخصيته و بصوته العالي
: ممكن اعرف شو الا صاير هني..............
وليد: هذا الزفت رايح للبنات يتوعد فيهم
مطر: كنت اتغشمر ... هم خلوا السالفه جد
فهد: معاي المكتب و هذي المشكله طولت اكثر من اللازم
في المكتب
فهد لوليد: انت موكل مره تحل مشاكلك بالخناق .... انا ما اذكرك بهذي العصبيه...
وليد وهو يحاول يتمالك اعصابه ... هو فعلا الضرب اخر الحلول عنده بس هذا مطر ما ابلعه:
شل اختك و خلها في البيت و انا شو على كل يوم مسوي مشكله علشانها ....
فهد: لازم مو قيس ..... شاف نظرات وليد الا شوي بياكله .... هههههههههه... هذا اللقب الا
اطلقوه حقك الشباب ...
وليد و هو معصب : و الله لك بارض تضحك بعد .... اقولك قال لها راح تكونين لي اول ما تفسخ
الخطوبه...كأنه عارف انها خطوبه مؤقته
فهد: انت ما عليك منه كلام بس... هو الحين اعتذر و وقع تعهد بعدم التعرض عليها.... و راح
ننهي هذا الموضوع
وليد: ينتهي ...... و اذا تراه مهدد ربيعتها بعد .... شكله ناوي يخليهم ضرر
فهد: عني انا اول ما تصير في ايدي .... ما ابي خطوبه راح املج على طول.... بس انت عاد
وليد من قال املج كأنه احد صب عليه ماي بارد .... ما توصل لجي..... و هو يضيع السالفه
وليد: انت مصر عليها ... ياخي البنت مخطوبه ... اشوفك اخس عن مطر
ضحك فهد : انا ما اقدر اتخيل انها تكون لغيري ..... راح اتصرف ... يمكن اعطي خطيبها كم الف
و يفك عن الخطبه...
وليد: ههههههههههه منو قيس الحين .....
000000000000000000000000000000000
دخلوا الشباب و كل واحد يطالعهم بنظرات ..... مها و شموو مستغربين منهم
مها: نعم في شي
شموو: يمكن شكلنا غلط
مها: شوفي يمكن شاربي محد
شموو: هههههههههه ... اطول عن شارب احمدوو
الشباب ضحكوا
الاول: و انتوا شو عليكم كل يوم و الثاني مسوين مشكله
الثاني: الا انه وليدوو طلع مو سهل
الثالث: الا طلع قيس
مها: هههههههههههههههه شو سوى
الاول: مسك مطر و طاح فيه ضرب
مها تشهق: هذا كيف راح تتفاهمين معاه كل ضرب
واحد من الشباب: وليد نادر ما يعصب ...... بس وجود الخطيبه معاه .... غيره
شموو: بس عاد و الله اعلم عليكم وليد
احمد: لا عاد كله و لا يقلب علينا ... هو نحن نقدر على زعله....
واحد من الشباب : و الله هذا خبل .... وش لك تبتلي بوليد
احمد: صراحه هذا مطر مصخها ... وحده مخطوبه ليش تتحرش فيها...... و الله لو خطيبتي
حطتني بهذا الموقف الا اخليها في البيت ابرك لها
شموو: الحين هو وينه
احمد : عند فهد .......... ما ادي شو يتامرون
شموو تطالع مها .....متوتره ... تخاف وليد يقنع فهد و يرجعها البيت
مها و هي حاسه فيها: شموو شربي الكوفي برد
بهذا الوقت دخل عليهم وليد وهو يبتسم و لا كأنه مسوي شي .... ويعلق هو و الشباب و ما
خذ المسأله كوووووووول.... شموو ارتاحت شوي.... ما بيطلع حرته فيها
وليد و هو يناظرهم : ها وين وصلت الملفات
مها: اول مره اعرف انك شرير .... قاعدين نكرف من الصبح .... و يايب لنا كوفي واحد بس ..
انزين اطلب لنا ثاني
شموو: لا و الا يرحم والديج كفايه الا يانا من ورا هذا الكوفي
مها: صدقج كانا محسودين عليه
شموو: اكيد يعني .... شوفي كيف يطالعون الكاسه و هي فاضيه ...
وليد يضحك عليهم : انتوا ما تبطلون هبل .... عندكم نص ساعه روحوا تغدوو
شموو توقف بسرعه :قول والله
مها: و اذا ما خلصنا الملفات اليوم
وليد : مو مشكله باجر تكملونها
شموو: يالله مهوو عندنا ساعة غدا يدوبك تكفينا
وليد: ساعه انا اقول نص ساعه
مها: نص حق شموو و نص حقي .... يعني ساعه
احمد: وليد اسكت عنهم الا يخلوها ساعتين
وليد: صدقك .... الا متى اخر يوم لكم عندنا
شموو: افا تبي الفكه
مها: عدال عاد انتي مقابلتنه 24 ساعه يعني.........
شموو: لا تفرح ترا كل يوم عليك الغدا و الكوفي بعد... وشكلي بمر مع فهد في جولاته
اليوميه..
مها: و الله فكره و نغصص عليهم......
وليد: و الله لأذبحج انت و ياها ........ سيروا قبل لا اغير رايي
يضحكون عليه البنات و يسون له حركات هبل قبل لا يطلعون...... لاقاهم فهد
علق : انتوا المهابيل ما تبطلون هذي الحركات
شموو: هذا وليدوو يبي الفكه منا ...... اقوله بنيي معاك في كل جوله .....عصب
فهد وهو يطالع مها و تتعلق عينه في عينها و كانه سحر يبي يلتفت يرمس مع شموو بس مو
قادر و قال بهمس: ما احلاها من ساعه لما تكونين معاي.............
شموو و هي تطالعهم ... و تفكر مهوو الجذابه و تقول اونها ما تحبه عيل ليش تناظره جي..
شموو: و الله اول مره اعرف انك تحبني هل كثر
فهد و هو يبتسم و يحاول يركز مع اخته: و اكثر بعد
مها وهي تطالعه مستغربه من تصرفاته ... شكله فعلا يحبني ... عيونه خبرتني ... حسيت
برجفه في كل جسمي و ما قدرت انطق بكلمه او اتحرك .... سحبتني شموو معاها و هي
تتافف
: شكلكم مطولين ...........فهد كمل شغلك......... مها تحركي بلاج ترجفين انت مريضه
و الله لو اوصف لكم مشاعري و انا اسمع شموو عرفت تاثيري عليها... اكيد قرت مشاعري من
عيوني ... آه على عيونها بحر غويصه....... و ربي احبها...
..................................
مها: اخوج بخبل فيني ... كيف يطالعني جي و انا مخطوبه ....
شموو: من الحب ما قتل
مها: بس حرام غمضني راح اخذ واحد ثاني
شموو: احلمي ... عادي اخوي يخطفج ...هههههههههههه ... خفتي ...... انت هي نحن وين
عايشين..
مها: ما خوفتيني عادي........ بس صدق شو ممكن يسوي
شموو: يسوي لج غسيل مخ............. و يخليج تحبينه غصب......... و هي تفكر و قالت بصوت
عالي........هذا طبعا اذا ما كنتي تحبينه فعلا
مها : بلا سخافه خل ناكل يعانين
شموو: كلي كلي شو عليج
يمر الوقت و هم سوالف و ضحك
وليد: تو الناس جان تميتوا بعد
مها: سوري ما حسينا بالوقت
شموو: خل نعذبك شوي قبل لننتقل ........ ربعنا اهدى منا ... مو مال هذي الحركات
وليد: الحمد الله ريحتي بالي.... تفضلوا شوفوا شغلكم
الجزء 14
يومين مروا على مها من احلى الايام بنسبه لها ... فكت الخطوبه ... و امي تفهمت اخيرا
برغبتي بالعرس بعد التخرج ... ما عادت تضغط على ... مي حبيبتي انخطبت ... بس هي
رفضت عسب الدراسه ... بس انا حاسه ان السالفه وراها سر....اما في الشركه امس شفت
فهد بالمصعد و نحن نازلين للبيت ... كان زحمه .... صراحه ترددت ادخل بس هذي شموو
سحبتني سحب للداخل.....
شموو: مهوو فهد معانا عادي
فهد و سع لنا مكان ... كنت جريبه منه مره ... يعني احس بانفاسه على ويهي .... و اشم ريحة
عطره .... تحركت ابي ابتعد عنه بس الظاهر دقيته على الخفيف ...شفت ايده ترتجف... حسيت
بارتباكه ... و الله شعور حلو تحسين بربكت واحد ..... ضاعيت بين مشاعري ما اعرف شو
هي ... من فتح المصعد ركضت للسياره ... سمعت شموو تضحك و فهد بعد... ضحكته رنت
في اذني ... تمنيت اشوف ويه و اسمع ضحكته مره و اثنين وثلاث
.................................................. ..
العصر
كانت شموو في الصاله ناطره مها تمرها عسب يروحون السوق ......
شموو: الوووو مهوو انت وينج .... ساعه انتظرج ....
مها: شوي شوي الحين يايه عند الباب ....... سرعه اطلعي .... ما فيني على مجابلت اخوج
شموو: عدال ... هو اصلا مش موجود...... يالله الحين بطلع لج .... باي
في السوق
مها: بس شموو و الله اني تعبت
شموو: ايه انت العيوز ... بسرعه عن نتاخر مو ناقصني الا حشرة فهود
مها: هذا اخوج دوم جي عافان الله
شموو: لو سمحتي خليج بخطيبج مالج خص باخوي
مها تذكرت انها ما خبرتها عن فسخ الخطوبه اونها تبيها مفاجأه.....
مها: انت مال اول انا من زمان فسخت الخطوبه
شهقت شموو و هي فاتحه عيونها على الاخر...: يالجلبه و ليش ما خبرتيني
مها: كنت بفاجأج بس نسيت
شموو: و الله ليتخبل علينا الحين فهدوو
مها: لا تبالغين ..... انا احس....
تقاطعها شموو معصبه : انت ما عندج احساس ... يعني ما تشوفين تصرفاته معاج
مها تتنهد :و الله شموو خايفه منه.... بصراحه مو مطمأنه مول
شموو: معاج حق بس اذا كنتي تحبينه لازم تثقين فيه
مها: عن السخافه شو احبه هذي بعد.....شموو الله يخليج لا تخبرينه عن شي ....
شموو: فكره .... ما راح اخبره .... و العب عليه زين......و لا يهمج غير ما اخذ البشاره
يرن موبايل شموو و طالعته بسرعه : هذا فهد ... تحط على السبيكر........... هلا و غلا باخوي
حبيبي
فهد: شموو عن القراده ... وين انتي
شموو: عفان الله ... في السوق انا و مهووو................. بعد شوي راح ارد لا تخاف
فهد:مهوو عندج .... فديتها و الله ليش ما خبرتيني من قبل
شموو و عينها على مها الا احمرت : يعني شو بسوي
فهد: بنطرها عند الباب ................ خبريها لا تسرع و الا و الله لا تشوف شي بعمرها ما شافته
شموو: ههههههههههههههههههههههه خرعت البنت ........ انا حاطه اسبيكر...
فهد: هههههههههههههههههههههههه زين بعد تسمع التهديد مباشره....
مها تنرفزت منه و الله انه يقهر و هو وش له فيني اسرع و الا لا ... مشيت بسرعه لسياره
اسبق شموو .. ما ابي اسمع زياده......
شفته ناطرنا عند الباب هذا الا كنت خايفه منه ............
مها: شموو نزلي بسرعه الله يخليج
شموو: ابي اعرف انت ليش تخافين منه .... على ما اعتقد اخوي ما يعض
مها: ليش الا شفته منه شوي ..... كل يهدد و يعصب .... انا ما اعرف انت كيف مستحملتنه
شموو: بالتلزق...........هههههههههههههههههههه ..... مو كانه هذا وليد معاه.... و الله كثرت
يياته و حليله مصدق عمره خطيب
مها:ههههههههههههههههههههههههههههههه انت ما تيوزين ......مو كانج مايته عليه
شموو: سكتي الله يخليج يقهر ... ودي اذبحه... متى يحس فيني
وقفت السياره بقرب منهم ... التفت فهد على مها يطالعها و في عيونه كلام وايد... بس ما يقدر
يروح حقها ....كفاييه فاضح عمره جدام الكل
شموو: احم اعتقد السياره راحت.....و انت بعدك اطالع غبارها
وليد:ههههههههههههههه لو ركبت معاها بعد توصلها
فهد يطالعهم بنظرات و يمشي داخل البيت مطنشنهم......
وليد: مو كأنه مطنشنا
شموو:: هههههههههههه تباه يرد لنا ..... و تغمز له .......وقالت بصوت عالي ......مهوو الغبيه
خذت اغراضي معاها اكيد الحين راح ترجع تيبهم.........
وليد من غمزت له شموو ارتبك ... و هو يشوف فهد يطالعهم ويرجع بسرعه لهم ...نقع ضحك
عليه هو و شموو... الا رفعت عبايتها و تستعد للهرب.......و الله حركاتها طفوليه ... هذي ما تكبر
ابد.....
فهد شافهم يضحكون عليه فهم انه مقلب منهم .... راح ركض ورا شموو الا ركضت تبي تروح
غرفتها .... وزخها بقوه من ايدها
شموو: اي فهد حبيبي و الله اتغشمر................... اسفه.... اخر مره
فهد: انت ما تبطلين حركاتج هذي مووووول............ و يضغط على ايدها بالقوه
وليد: هههههههههههه و الله محد يعرف دواك الا هي
فهد يطالعه .: معليه ياينك الدور ....... متى بس تاخذ هذي العله من هني و تفكني
شموو: اي اي فهد حبيبي و الله يعور ........... اخر مره ما راح اعيدها........ لما شافت انه ما
في فايده معاه هجمت له تحضنه بقوه و تبوسه ...............فهد تضايق من حركتها هو عارف
انها تتعمد عسب يتركها
فهد: شموو عن المصاخه ......قومي عني....................فك ايدها .... وهي ما صدقت ركض
لغرفتها.......
وليد تضايق من حركتها يعني لازم تتلزق بهذي الطريقه و جدامي .............. هي دوم جي بس
الحين كبرت لازم تغير حركاتها.................و انا شو علي منها هي و اخوها
فهد: الله يغربلها تعرف اني ما اداني التلزق........... اف منها
وليد:ههههههههههههههههه تعرف تمتص غضبك زين موووو.......
فهد: هو علي انا بس ... هي ما مخليه احمد و لاابوي ....... مرات تتفق هي و احمد
على..........
وليد: عيل يوم انت بتزوج شو بسوي............. شاف فهد يطالعه
بنظره .......ههههههههههههههه اتغشمر بلاك
وقت العشا
فهد: الا متى تنتهي اجازة مهند
وليد: بعده اسبوعين بعد
فهد وهو يطالع شموو الا مندمجه سوالف مع خالته و امه: يعني شموو لازم تتم في القسم
بعد اسبوعين
شرقت شموو و هي تطالع فهد: فهد حرام عليك ابي اسير مع مهوو
فهد: انت تشتغلين مو تلعبين .... ومهو معاج في الشركه....مو بعيده
شموو: خل اي بنت مكاني ... ما بيتغير شي
فهد: يقولج اسبوعين .... يعني وين اخذها بعدين تكمل الاسبوع....... ماشي الا انت
شموو تضايقت و انسدت نفسها عن الاكل: بس انا ما ابي اتم بروحي بين الشباب
فهد: وين بروحج بتي لج وحده ثانيه مكان مها.... و انت وليد معاج ....و الا نسيتي............. و هو
يطالع وليد الا يسمع الحوار و مو عايبنه الا انقال ...... هو على الله ما صدق تخلص 3 الاسابيع
بعد تزيدها اسبوعين.....
وليد وهو منقهر من فهد ما يبي يبعد هذي العله من عنده.....بس ما يقدر يتحمل مسؤوليتها
ازيد من جي
:خلها تروح ليش تكسر بخاطرها
شموو حست في وليد يبي الفكه منها انقهرت زود ........قالت :الحمد الله ........وراحت غرفتها
ما تبي تشوف وليد و الا فرته باي شي جدامها.................
فهد متعمد يخلي شموو عند وليد يبي يقربهم من بعض...و يبي يقهر وليد شوي ... خل شموو
تطلع عينه........عيل في احد يرفض شموو
.................................
اليوم الثاني
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك