رواية حبيتني غصب عنك مثل ما غصب عني حبيتك 10
صالح وبحنان الاخوه:سارونه حبيبة اخوها ليه زعلانه ليه عيونها الحلوه تبكي
سارا بالم :سارونه حبيبة اخوها بتموت يوم الخميس
صالح رفعها بسرعه من حضنه :استغفري ربك وش هالحكي حرام مايجوز..وبعدين هاذا زواج ومكان البنت بالاخير بيت زوجها
سارا ماردت بس كملت تصيح بقهر والم
صالح:سارونه حبيبتي شوفي انا بقول للرجال على شرطك اوكي بس لا تزعلين وبقنعه اذا ما وافق اوكي
سارا ابتسمت لاخوها"بيوافق فوقاًمن خشمه":......اكيد بتقول له وتشرح له الوضع
صالح ابتسم لاخته:اكيدين ياقلبي..ويالله قومي البسي ولبسي تروكي وانا انتضركم بالسياره
سارا :اوكي دقايق
وقامت من حضن صالح وباست راسه وقالت له بدلع طفولي:يالله اطلع علشان البس
صالح ابتسم وطلع"يااارب ان اللي جايها يسعدها يارب ياكريم كفايه اللي شافته في حياتها"
سارا اول ماجت تلبس شافت جوالها وجت ببالها فكره ....
ـــــــــــــــــــــ
العنود اللي رن جوالها وشافت مكتوب "حبي" يتصل "حبته القراد هان شاء الله " وردت من غير نفس:نعم
يزيد:اطلعي انا برا...وقفل الخط بوجهها
العنود"اوووف.."وطلعت من المشغل واول ما جلست قالت :السلام عليكــ...
يزيد قطع كلامها وقال لها:ولا كلمه
العنود استغربت بس بنفس الوقت طنشت..
وتموا طول الطريق ساكتين..
ــــــــــــــــــ
اول ما اوصلت العنود نزلت هي ويزيد اللي حب يسلم على حريم عمامه ..
نجلاء كانت جالسه هي واسيل يتقهون.. لان ماكان في احد غير حريم عمامهم وخالة يزيد...
دخلوا الصاله يزيد هو والعنود وكان ماسك ايدها العنود طبعاً ذابت من مسكته بس ما بينت ...وكانت لسى بعبايتها وطرحتها كانت مغطيه شعرها
اسيل اول ما شافتهم اصرخت باعلى صوتها:ياااااااااااااااااي...يزيد والعنود ما اصدق
العنود:...
يزيد اللي كان حاضن اسيل:وليه ان شاء الله ما تصدقين وش شايفتنا
اسيل اللي كانت تضحك :لابس مين يصدق عنود الدلوعه اللي اذا احد مسكها من ايدها قالت اه والحين متزوجه وبكرا بتربي ياااي
العنود طنشت اسيل ويزيد اللي كان يضحك بخبث:هههههههه....اجل اه هاه ..هههههه
دخلت العنود وسلمت على الحريم اللي اذبحوها اسئله...العنود:عن اذنكم بروح افصخ العبايه قبل لايجون الناس
وطلعت العنود اللي تلاقت هي ويزيد وعطته ابتسامه اللي هي نفسها ما كانت عارفه سببها بس طنشت..
يزيد سلم على حريم عمامه وخالته وجلس سوالف وقهوه معاهم الى ان دخلت العنود اللي اصدمت الكل بشكلها كان فستانها لونه تركواز جاي كت ومن وراء الى اسفل الظهر
كان كله شفاف وجاي من عند البطن شفاف
وكان قصير الى نص الفخذ وعليه شيفون تركواز على شكل سمكه...
وشعرها كانت عاملته شنيون وظهرها اللي بااان كله ..مع مكياجها التركواز مع ذهبي ...يعني شكلها بالعربي{{خــــيـــالــ}}
يزيد الفنجان طاح من ايده ومن غير شعور قال للعنود:حصنتي نفسك
العنود استحت من نظراته لها واللي زاد الطين بله تعجبها منه على سؤاله فقالت بدلع رباني مع ابتسامه روعه:ايه..اصلاً لازم احصن نفسي "منك ومن امثالك"
يزيد ناضر في حريم عمامه وخواته وخالته وامه اللي يناظرون فيهم ويتبسمون فقام منحرج وقال للعنود تعالي معاي..يزيد ما عطى العنود مجال انها ترفض مسكها من يدها وسحبها لجناحهم..
العنود كانت خايفه بس بنفس الوقت كانت مرتاحه..
يزيد بعد ماادخلوا الجناح الكبير وكان شكله مره فخم وخصوصا غرفة النوم اللي طالبينها من برره قال للعنود وهي يلتفت عليها وعيونه على عيونها اللي نزلتهم من الخجل..
يزيد مع ابتسامه:شفتي الغرفه هذيك
العنود ارفعت راسها على ما اشر يزيد وهزت راسها بمعنى ايه..
يزيد:هاذي غرفتك..اقصد كانت غرفتك
العنود ناضرت فيه مصدومه"وش قصده كانت غرفتي وين بيوديني":ليه وين بنام انا اجل
يزيد وبخبث:بعد اللي شفته اليوم بتنامين معاي بنفس الغرفه وعلى نفس السرير
العنود بعد ما تركت يده تكلمت بهدوء مع خوف:يزيد ممكن انزل الحريم الحين بيجون
يزيد:امممم..ممكن بس بشرط
العنود اللي عرفت شرطه:اوكي
وقربت منه وباسته
يزيد بنذاله وهو يمسح شفايفه مكان البوسه:واااع ..من قال لك ابي بوسه
العنود هنا ما تحملت وجت بتطلع على طول حست انها رخيصه.. ماتبغى ترد عليه لانها عارفه بالاخير بتطيح براسها..
بس قبل لاتطلع وقفها صوت يزيد:انا ماقلت لك شرطي
العنود اسكتت والتفتت له...
يزيد:ابغاك ما تصدقين اني في يوم من الايام احبك او انزل لمستواك او افكر فيك كازوجه ولا اقول لك تراني ماراح افكر فيك كا وحده من اللي عرفتهم عارفه ليه..لانهم مو زيك..ويالله انقلعي برا
العنود طلعت وهي تمسك دموعها"والله لاتندم يا يزيد والله لا اخليك تموت فيني وما تلقاني اصبر انا بنزل مستواي لمستواك وبعلقك فيني ... وبعدين برميك زي الجزمه القديمه..."
"انا وافقت بس على شرط ان..."
"انا وافقت بس على شرط انه تركي اخوي يكون معاي "
ــــــــــــ
ابو طلال بانفعال:ايش..!!؟ انت اكيد تمزح وشو اللي تربي اخوها
طلال اللي كان متوقع اللي بيصير مع ابوه:يبه حرام ..
هاذا الوحيد اللي بقى لها من اهلها ..
وبعدين يبه زوجة عمهم صراحه معذبتهم بالضرب و..
والله مدري شقول لك يبه,, بس صدقني انه ماهو مكلف عليك بشي اخته هي اللي بتصرف عليه وبنخليه بالغرفه الثانيه اللي بجناحنا ها يبه وش قلت ؟؟
ابو طلال اللي كان يفكر...:خلاص انا وافقت ..بس هو كم عمره؟؟!
طلال:صغير
ابوطلال:عارف انه صغير..بس اقولك كم عمره
طلال:ليه
ابو طلال:يارجال اسئل انت وش فيك
طلال بتردد:صراحه يبه ما اعرف كم عمره...
ابو طلال:ههههه..وانت لاجني صارلك ساعه وبالاخير ماتعرف كم عمره
طلال:هههه..الله يهديك يبه انا وش ابي بعمره..انا لي باخته
ابو طلال:الله يوفقك ياوليدي...يالله امش قبل لايجون الناس
طلال:تامر يا ابو طلال تامر امر انت
ابوطلال:يمه يالمصالح
طلال:هههههههه..شفت شلون
وقاموا ابو طلال وطلال وراحوا للعشاء قبل لايجون ناس اغراب وهم مو موجودين...
العنود انزلت وابتسامتها الحلوه من الاذن للاذن ... خلاص هي قررت انها ماتضعف قدامه خصوصا بعد كلامه اللي يجيب المرض..واول شي قررت تسويه تروح لزوجة عمها منصور ..ام طلال..طبعاًام طلال انا تكلمت عنها
{ام طلال سوسن اللي تزوجت ابو طلال وعمرها 13 سنه وعلى طول حملت بطلال عمرها الحين 35سنه واللي يشوفها هي وطلال يقول اخته الكبيره مايقول امه وكانت قريبه من نجلاء و العنود بشكل كبير كانها اختهم الكبيره}
العنود اللي دخلت وهي مبسوطه:السلام عليكم
الكل :وعليكم السلام
كان في حريم جيرانهم وقرايبهم من بعيد وكانت ام الجوري موجوده بس الجوري لسه ماجت..
العنود:خاله اجل الجوري ونوره وين
ام الجوري:والله يابنيتي انا قلت ماني بمنتظره بروح انبسط مع ام يزيد وانتم اذا خلصتوا تعالوا مع السواق
العنود اكتفت بإبتسامه لام الجوري ونوره وبعدين ناضرت في ام طلال وراحت لها...
ام طلال:هلا وغلا بعروسنا الحلوه
العنود اللي كانت تمثل انها متضايقه:عمه.. معليش اكلمك برا لوحدنا
ام طلال اللي خافت انه يكون بين العنود و يزيد صاير شي مش كويس:طيب حبيبتي امشي
وطلعوا من المجلس اللي مجتمع فيه الحريم رايحين على الصاله اللي كانت خاليه من أي صوت...
ام طلال بخوف:وش فيك حبيبتي؟؟؟!
العنود وبحزن:عمه..يزيد زعلان علي وماني عارفه كيف اراضيه
ام طلال ابتسمت:اسمعي حبيبتي ...امممممم...اول شي ممكن اعرف ليه زعلان خصوصا انكم في اول يوم زواجكم..
العنود:امممم...والله عمه مدري وش اقولك بس اممممم..استحي
ام طلال اللي فهمت العنود وش تقصد:هههههه..ياحياتي والله وصرتي عروس...المهم اسمعي حبيبتي الرجال مهما يكون زعلان في حاجه وحده تخليه يرضى ..
العنود مستغربه:وشو؟؟!
ام طلال اللي ضحكت:هههههه..هو الـ.....*_^
العنود وجهها تصبغ الوان :....
ام طلال:ههههههه...ياحلو اللي يستحون
العنود:عمه خلاص...خليه زعلان طول عمره
ام طلال بجديه:حبيبتي انتي لسه صغيره وعروس اول زواجك وطبيعي تكونين خايفه من الفكره بس حتى ولو هاذا يبقى زوجك وهاذا حقه وحتى لو سكت لك يوم يومين بيجي يوم بيطالب في حقه
العنود"والله يبطي بعد حركاته اللي قبل شوي يخسي يمس شعره من شعر راسي":.....
ام طلال بتساؤل:عنود حبيبتي وش فيك
العنود:امممم..افكر بالكلام اللي قلتيه وانه صحيح {وابتسمت بخجل تبين لعمتها ان الامور تمام}..وان شاءالله خير
وطلعت من الغرفه وراحت للمجلس عند الحريم اللي يزيدون...
ــــــــــــــ
وليد:ياربي يانايف ماني مصدق اني ببيتها
نايف:انت ليه تكذب دايماً حنا ببيت عمنا مو بّيتها
وليد ناضر في نايف:والله يانايف لا يجيك راشدي على كيف كيفك
نايف جاء بيرد بس قطع كلامه جوال وليد...
وليد بضيق:هلا هلا والله باريجوه....سلامة قلبك والله مافيني شي.....ههههههههههههه...احلفي وراء ماقلتي لي من زمان هاه....ياشيخه ههههه..وانتي من متى انخطبتي...هنا وبهاللحظه نايف وكان احد كاب عليه مويه ثلج""انخطبت ...!!!...شلون ..ليه..لاااااا..انا لازم اوقف هالمصخره.."بس في شي صدمه اكثر لمى سمع وليد يقول لاريج:وانتي مالقيتي تكذبين الا بانك انخطبتي فرضاًاحد كان ناوي يخطب وسمعك...هاااااه
نايف اللي ابتسامته شقت الوجه"لالالا..الحمدلله..اشوااا""
نايف:وليد مين تكلم
وليد ناضر له في طرف عينه:.........
نايف"حلوكان ناقصني انا بعد ان وليدان يزعل ...بس لازم اضبط معاه ايه لازم يعني لازم"
ـــــــــــــــــــــــ
"سلمولى عليه >.>>سلمولى عليه
اللى واحشنى وانا وحشاه
ما تسلمولى عليه مهما هيبعد مش هنساه سلمولى عليه
غالى عليا و غاليه عليه سلمولى عليه
انا على بالوا وهو فى بالى سلمولى عليه
نصيبى حلالى حبيبى الغالى
سلمولى عليه
حاسس بيا وباللى جرالى واللى فى قلبى بان فى عينيه"
العنود اول ما شافت الرقم ابتسمت هي متاكده انها بتنتصر على يزيد بهالمعركه فردت عليه بدلع:هلا والله وغلا...
يزيد"!!!!!!":الو مين العنود؟؟!
العنود ضحكت بنعومه وهي متعمده وبدلعها الرباني: وش فيك بيبي مضيع يعني مين بكون
يزيد"بيبي؟؟!!!!! لااا من جد البنت صابها شي":احم..اسمعي بس بقولك انه طيارتنا تاجلت
العنود:لاااا..تيب ما تعرف ليه
يزيد:لا والله ماعرف
العنود:اوكي مو مهم اهم شي{بصوت واطي وهي متعمده}اكون معاك
يزيد"تكون معاااي لاااا اكيد انا قمت اضيع":قلتي شي
العنود بدلع وهي تمثل :هاه..لالالا..ماقلت شي...بس متى بنرجع الفندق
يزيد:بعد شوي ان شاء الله
العنود:ان شاء الله
يزيد:اوكي باي
العنود:مع الف سلامه
وقفلت وهي تضحك"هههههههههههههههههه....والله لا اجننك يايزيد والله لا اخليك تحبني غصباًعنك مثل ما غصباًعني حبيتك"
بس قطع تفكيرها الجوري:نودي حبيبتي بروح انا الحين يالله ياقلبي مع السلامه
العنود اللي تضايقت:لا وين رايحين لسه
الجوري:معليش حياتي خلاص بعد الساعه الحين 2 الاربع تبغينا نجلس للساعه 6 الصبح
العنود:اووووف ياربي...والله قهر ماجلست معك كثير
الجوري ابتسمت للعنود:ماعليه حبيبتي خيرها في غيرها واصلا انتي الحين شكلك بتروحين لان يزيد بالمجلس...
العنود اللي انصدمت :يزيد بالمجلس
الجوري اللي استغربت صدمة العنود:ايه ليه كذا وكانك منصدمه
العنود ابتسمت :لا سلامتك بس لانني قبل لاتجين كنت مقفله منه
الجوري:اها..اوكي انا الحين بطلع يالله بايو
الجوري وهي طالعه كانت تفتش بجوالها بس فجاءه..
:آآآآه...
سلطان بعد ما رفع الجوري اللي اصدمت فيه :انتبهي مره ثانيه
الجوري بغت تموت فا على طول ركضت للباب بس من الفشيله ارتبكت وما عرفت تفتح الباب
جاء سلطان وقالها بصوت ذوبها:ممكن
الجوري بدون شعور بعدت..وفتح لها سلطان الباب وطلعت على طول ..
سلطان:لالالا...ان شاء الله بتزوج عن قريب..
ــــــــــــــــــــــــــــــــــــــــــــــــــ ـــــــــــــــــــ
طلعت العنود لغرفتها تبدل قبل لاتنزل لهم...
طبعاًلمى نزلت ماكان فيه احد غير امهاونجلاء واسيل ويزيد وام يزيد...
العنود لبست تنوره مررررره قصيره لونها احمر وقميص ماسك ومفتوح من عند الصدر لونه رمادي مع احمر وكانت ماسحه مكياجها بس كانت حاطه مكياج خفيف بس الروج الصارخ حاله استثنائيه فكان شكلها مررره ملفت ومغري..
سلمت العنود على امها اللي طلعت...
يزيد التفت للعنود اللي كان وده ياكلها بعيونه{اذا كان حبيبك ثور البس له احمر<<فاضيه
العنود استحت ونزلت عيونها...
يزيد بصوت ماقد اسمعته العنود:نمشي
العنود اكتفت انها تهز راسها بمعنى ايه
طلعت العنود مع يزيد رايحين للفندق وطول الوقت العنود تتكلم مع يزيد اللي منصدم انه بعد الكلام اللي قاله لها قبل شوي كذا تكون ردت فعلها...
وصلوا للفندق.......
اول ما دخلو جناحهم فصخت العنود عبايتها وجلست تتدلع بمشيتها قدام يزيد اللي مارفع عيونه عنها...
قربت العنود ليزيد وسندت كوعها على كتف يزيد اللي يعتبر بالنسبه لها طويل..
وجلست تلعب بازارير ثوبه وتسوي حركات بعيونها الحلوه وبعدين تكلمت بدلع:يزيد
يزيد اللي ماشال عيونه عنها:ها
العنود وكانها زعلانه:انا جوعانه ابغى عشى ممكن تطلب لي عشى
يزيد ابتسم:لو تبين ذبيحه
العنود:هههه..ماتقصر{وقربت منه وهمست باذنه}حبي...
انا رايحه ابدل ملابسي وراجعه...
دخلت العنود ولبست قميص نوم عنابي وكانت فاتحه شعرها وحاطه مكياج خفيف وروج عنابي مرررره شكلها روعه...
يزيد اللي كان يكلم بالجوال:ايه لالا خلاص انتــ...اول ما شاف الباب انفتح وطلعت العنود بشكلها اللي يغري بقوه سكت..بعدين رجع للخط اللي عند وهو مازال يناضر العنود ...اكلمك بعدين ..وقفل الخط..
قرب يزيد من العنود وهو ياكلها بعيونه ابتسم وهمس لها باذنها:انتي ناويه علي ولا على نفسك
العنود ببراءه:انا حرام عليك وش سويت
يزيد اللي يقرب من العنود اكثر:وش سويتي ها
العنود جت بترد بس الباب اندق وكانت خدمة الغرف....
يزيد:مو وقتهم ابداً...
العنود نزلت عيونها وقالت بدلع:لا وقتهم ونص
يزيد:هههه...متاكده
العنود عيونها في عيون يزيد:متاكده
يزيد:اوكي مدام عنود بنشوف اذا خلصتي عشاكي
ابتسمت العنود ليزيد..اللي راح يجيب العشاء ..
العنود بعد ما تعشت جت بتدخل الغرفه بس صوت يزيد وقفها :وين
العنود بدلع:آآآه..بروح انام ..ليه
يزيد قام من مكانه:وشو اللي ليه من اليوم مسويه لي إغراءات وبالاخير تقولين ليه
العنود ومسويه فيها مسكينه:يزيد انت وش تقصد
يزيد:يعني الشورت القصيرررررر الاحمر والقميص الاحمر الحلو و الحركات الحلوه
العنود تستهبل قربت من يزيد ومسكة قبة ثوبه وقربته منها وقالت بدلع:تيب يعني لمى البس شورت احمر
اكون ابي منك شي...سبحان الله كلاًيرى الناس بعين طبعه..اكيد انت تبغى شي..{وتركت ثوبه وراحت للغرفه}وقالت
بدلع..: good night
ودخلت الغرفه وهي تضحك بصوت واطي قفلت الباب وهي فرحااانه مرررره...ـــــــــــــــــــــــــــــــ
سلااااااااااااااام للكل....
يسلموووووووو....على المرور الروعه ...
وانا فرحانه ان البارت عجبكم...وان شاء الله يعجبكم البارت الجديد...
تفضلوا البارت بين ادينكم ...وعوافي مقدماً...
ـــــــــــــــــــــــــــ
العنود دخلت الغرفه وهي مبسوطه تحس نفسها انتصرت على يزيد...
طق..طق..طق...
العنود اللي لسى ما بدلت ملابسهاابتسمت "مشكله الناس اذا عطيتهم وجه"وقالت بدلع:نعم
يزيد بلع ريقه:آآآآ..اممممم..ابغى اخذ ملابسي
العنود ابتسمت وقامت على طول تظبط نفسها بالمرايه وظبطت قميص النوم العنابي وفتحت الباب ليزيد..
العنود بدلع اول ما فتحت الباب:سوري ما سمعتك وش تبغى
يزيد يناضر وهو مبتسم :ابغى ابدل ملابسي
العنود ابتسمت ابتسامه تعذب:اوكي تفضل
ودخلت وانسدحت على السريروعطت يزيد ظهرها وهي متعمده لان القميص فتحة الظهر مررره كبيره ومع الفتحات اللي على جنب اللي بينت ساقها اليمين وشعرها اللي منثور على السرير
...يزيد هنا بغى ينجن بلع ريقه بصعوبه وهو يشوف شكل العنود اللي كان اغراء
ما حس بنفسه الى وهو على السرير ...
العنود التفت ليزيد وتكلمت بدلع:نعم بغيت شي
يزيد:عنود خلاص عاد بلا هبال انا ابقى رجال وما اتحمل لمى اشوف زوجتي كذا شكلها قدامي
العنود ضحكت بدلع وقربت من يزيد وهمست باذنه وقالت وهي تذكر يزيد بكلامه:ابغاك ما تصدقين في يوم من الايام احبك او افكر فيك كازوجه ولا اقولك ماراح افكر فيك كا وحده من اللي عرفتهم عارفه ليه...لانك مو زيهم...
يزيد هنا ما هو عارف يرد على العنود..اللي كملت وهي تحط خشمهاعلى خشمه ومنزله عيونها:والرجال دائماًيكون قد كلمته ولا وش رايك...
يزيد ترك العنود بسرعه وطلع من الغرفه...
يزيد اللي سكر الباب بقوه"يلعن بليسك ياعنود والله وعرفتي نقطة ضعفي عرفتي اني ما اقاوم البنات لو مين ما كانت تكون..الله يلعنك استغفر الله ياربي.."
العنود وهي تضحك على شكل يزيد اللي انحاش بسرعه..."ههههههههه...ماشفت شي لسه حبيبي.."
بدلت ملابسها ونامت وهي مبسووووطه...
يزيد اللي باليالله نام كان منقهر من حركات العنود...
ــــــــــــــــــــــــــــــــــــــــــــــــــ ـــــــــــــــــــــــــ
سلطان اللي يفكر بالجوري"يالله تجنن ماشاء الله عليها مرره نعومه...آآآآه..ياربي والله حرام افكر بالبنت كذا..لا هي بتصير زوجتي...ههههه...ابو الثقه..خلني انام احسن لي.."
ــــــــــــــــــــــــــــــــــــــــــــــــــ ــــــــــــــــــــــــ
الجوري:وهاذا كل اللي صار بس انا ماني عارفه هو مين
نوره مبتسمه:سلطان اخو نجلاء
الجوري ناضرت في اختها بسرعه:وانتي وش عرفك فيه
نوره :لمى جينانطلع انا وامي نجلاء كانت معانا فقالت هاذا اخوي سلطان الحين بيقول لي وش عندك واقفه برا
الجوري ابتسمت وقالت بصوت يميل للهمس:امممم...اجل قلتي لي سلطان
نوره:ايه قلت لك سلطان ولا تزعجيني ابغى انام
الجوري:نامي يا حياتي نامي اصلاًانا ابغى انام تصبحين على الف خيررررر
نوره ابتسمت لأختها ونامت والجوري اللي جلست تفكر فيه وبعدها نامت
ــــــــــــــــــــــــــــــــــــــــــــــــــ ــــــــــــــــــــــــ
سارا بفرح:احلف
طلال اللي انبسط ان سارا اول مرره تكلمه بعد مااعترفت له:والله وعمك ان شاء الله انا بكلمه
سارا:شكر..لا مو شكراً شكراًعلى ايش على الافعال اللي ترفع الراس...هه..على فكره هاذي الشغله الوحيده الكويسه اللي سويتها في حياتك
طلال حب يغير الموضوع:امي بتزوركم بعد يومين جهزي نفسك..وقفل الخط بوجهها
طلال تنهد بالم"آآآآآآآآآآه...الله يهديك ياسارا.."
سارا اللي جلست تصيح"الله يلعنك ان شاء الله."وكملت صياح اللين ما نامت..
ــــــــــــــــــــــــــــــــــــــــــــــــــ
ثاني يوم عند يزيد والعنود...
العنود صحت وتروشت ولبست بنطلون سكيني لونه اسود وتي شيرت ابيض ماسك على جسمها وكانت بطنها شوي طالعه...
طلعت لقت يزيد نايم على الكنب وشكله متلعوز ضحكت بصوت واطي وراحت جلست على نفس الكنبه...
العنود بصوت ناعم:يزيد..يزيد..دفته من كتفه وهي تصحيه..يزيد يالله قوم
يزيد بصوت كله نوم:خير وش بغيتي..
العنود بدلع وهي تحط يدها على ظهر يزيد:يالله قوم ابغى فطور
يزيد وهو معطيها ظهره:استغفر الله ياربي...روحي جيبي التلفون
العنود راحت جابت جوالها وهي متعمده لانها كانت حاطه صورته هو وهي بالزواج خلفيه"هاذي البنت وش قصتها وشفيها من امس واليوم ضاربه":احم ..انا قلت جوالي
العنود بدلع:وانا ماني عارفه وين جوالك
يزيد:اوكي خلاص ...
طلب يزيد وقام بيروح يتروش بعد ما بعدت عنه العنود..
يزيد وهو يتروش كان جالس في البانيو يفكر"البنت هاذي وش فيها من امس واليوم يالله صبرني عليها وعلى حركاتها اللي شكلي بموت منها.."
العنود اللي كان الفطور جاي راحت عند يزيد دقت باب الحمام ..
يزيد:نعم
العنود بدلع:زوز الفطور جاء يالله تعال افطر معاي
يزيد لمى سمعها تتكلم كذا ضرب جبهته وعظ على شفايفه "الله يعينن عليك..":اوكي جاي..لحظه عنود
العنود:هلا
يزيد:معليش تجيبين لي فوطتي نسيتها على السرير
العنود:بس انت تامر امر
راحت وجابت الفوطه وعطتها ليزيد من ورا الباب..
يزيد:شكراً
العنود:ولو العفو
وطلعت العنود من الغرفه وطلع بعدها يزيد..
جلسوا يفطرون..
يزيد:امممم...وش رايك نطلع
العنود عطت يزيد نظره تذبح مع ابتسامه:اوكي
يزيد بلع ريقه وسكت..
كملوا فطورهم وهم ساكتين...
ــــــــــــــــــــــــــــــــــــــــــــــــــ ــــــــــــــــــ
طلال:خلاص يمه
ام طلال:خلاص حبيبي والله جننتني
طلال:يابعد حيي يا ام طلال فديتك
محمد اللي كان توه داخل:وش عندك غريبه من على الصبح تتفدى
طلال:وش دخلك انت
ام طلال :محمد
محمد:سمي يمه
ام طلال:امس خطبت لك
محمد وكان احد كاب عليه مويه بااارده:خطبتيلي؟؟؟!!!
شلون؟؟!!مين؟؟!!اصلاًمين قال لكم ابغى اتزوج..!
طلال:محمد وش فيك...امي ما قالت شي غلط
محمد اللي متنرفز:طلال رجاءًاطلع منها
ام طلال بعصبيه:محمد وش هالكلام
محمد :يمه الله يسعدك من قال لك ابغى اتزوج
ام طلال بعناد :بتتزوج وزواجك بنفس يوم زواج اخوك...وجاك الكلام...بكرا انا وابوك بنروح نخطب لطلال وبعدها بنروح نخطب لك..والا والله يامحمد لا انت ولدي ولا انا امك ...
محمد"لااااا...ياربي وشو انا بنت يغصبوني على الزواج...خلي الوالده تهدى شوي وبعدها اتناقش معاها":تامري امر يا ام طلال
ام طلال اللي عارفه ولدها بوشوا يفكر بس مشت معاه وعطته على جوه:ايه الله يرضى عليك ياوليدي
طلال:يمه ليه تظغطون على انفسكم روحوا اليوم اخطبوا لي وبكرا روحوا اخطبوا لمحمد
ام طلال:ههههههههههه...اثقل وانا امك على وشو مستعجل
طلال اللي تفشل فضل انه يسكت بس سكوته ما طول لان جواله رن واول ما شاف الرقم"الله يهديكم ما ابي اتحمل اذنوبكم بعد كفايه علي دانه
واهلها خلاص ماعاد في بنات بعد اليوم{وابتسم بفرح}
ماعاد فيه غير السوري يالبى قليبها وعيونها آآآآآآآه ياعيونها ياليتني فدا لهل العيون انا."
.قطع تفكيره صوت امه:طلال حبيبي جوالك
طلال:هاه..ايه ..
قام وقفل الجهاااز...
ــــــــــــــــــــــــــــــــــــــــــــــــــ
نايف اللي اول مرره يتكلم بجديه:وليد انا بعترف لك بحاجه
وليد بملل:تفضل
نايف اللي ناضر في وليد وبسرعه نزل عيونه:صراحه انا احب
وليد:هههههههههههههههههههههههههههههههههههه
الله واكبر نايف يحب
نايف عصب:ليه وش شايفني حيوان ما احس
وليد:نايف الله يهديك وش فيك عصبت امزح معك
نايف:هاه..لا سلامتك ما فيني شي..اصلاًانسى الموضوع...
وليد مستغرب:على راحتك
نايف:انت وش اخر اخبارك مع بعض الناس وغمز لوليد
وليد تنهد بالم:آآآآه وش اقولك بس
نايف بخوف:وش فيك وليد لا تخوفني عليك
رن جوال وليداللي كان توه:الو ... بخير الله يسلمك انت وش اخبارك...تفضل امر..{وليد ابتسم من قلب}...
بس ما طلبت شي ثواني ونكون عندهم..مع الف سلامه
قفل وليد من المتصل وناضر في نايف وهو مبّتسم:مافيني الا كل خير الحين بتنحل المشكله كلها
يالله امش
نايف:وين نروح؟؟!!
وليد:بنروح ناخذ نجلاءواسيل بنت خالتها ونوديهم للسوبر ماركت
والحين يانويف بتنحل كل المسائل..يالله امش بسرعه تاخرنا عليهم..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك