رواية له منزلن بالحيل مرموق وسط الحشا -8
اني كنت صغييييير ويوم ابوج ما رضى بخطبة طويله اصريت انه نملج . . وما خليت شي ما سويته عشان ماتروحين من ايدي . . عشان بس اقدر امسكج واحظنج من غير ما احس انه في شي يمنعني . . كنت ابا اقولج حبيبي . . حياتي . . عمري غناتي قلبي روحي " يغمض عينه " كنت ابا كل ما اشتاقلج اشوووفج وما اتم اتريا لين كل نهاية اسبوع تزورين فيه عويش عشان اي واشوفج حتى لو من بعيييييييييييييد . . " يفتح عينه وتنزل دمعه حااااره ويرد يغمض عينه " والحين . . انتي ع ذمتي . . وحلالي . . وانا ميت ع شوفتج ومش قادر . . مع ان كل الظروف تسمح اني اشوفج متى ما ابا لكن قلبي " يمسك قلبه " لو شافج بيعترف لج بامور بتذبحج . . بتعور قلبج . . وانا ماقدر . . ماقدر اشوفج تصيحين وتتعذبين وتتألمين وقلبج يعورج . . انا يوم واحد ما اتحمل . . كيف لو خبرتج من الحين كيف . . لو شفتج بنهار . .بقولج انا اباج انتي وبس ومابا حد غيرج . .
.
.
.
.
.
البارت الـ 14
عويش : اندوك فديتك
مدت له صينية صغيره فيه كوب التركش + ماي بارد + صحن صغير فيه بسكوت بجوكلت
مسح دموعه قبل لا تلاحظ اخته . . .
عويش : تباني اسويلك شي بعد . .
سيف يطالعها : تذكرين اول يوم حبيت فيه مهره . .
عويش تبتسم : ياحظها هالمـهره . . في كل وقت تنطرى . .
سيف :ياحظنها ! " يبتسم باستهزاء " الا قولي يا تعاستها . .
عويش : بسم الله ليش تقول جيه . . ؟
سيف : ماعلينا . . تذكرين ولا ؟
عويش : اكيد اذكر . .
سيف : خبريني الموقف .. ابي اسمعه منج
عويش : ليش . .. نسيت ؟
سيف : لا بس ابي اسمع . . " ويشل كوب التركش ويشرب . . "
عويش : مممممم . . كنا اول ثانوي ومهور ابوها ما ياها يشلها . . وانت سارق سياره ابوي وياي تمر علي المدرسه . . . حززززززززتها
>
<
عويش : سيفوه ربيعتي بتركب ويانا . .
سيف : اخييييييييييه انا هالسوالف الي ما احبههها
عويش : يلا عاد سيفوه حرام والله من متى هيه تتريا وماياها ويالسه تتصل ع البيت والشغاله تقول ابوها محد ساير بوظبي . . مادري كيف ماخبرها ابوها قبل . . ويا منو بترؤؤؤؤؤؤؤوح يعني
سيف : خل امها تيييييييها بعد شوه
عويش : امها ميته
سيف باندماج : صدق
عويش : هيه والله العظيم . . اصلا هيه حتى ماشافت امها وماتذكرها مول . . لان عقبها بكم سنه يابت اختها وماتت
سيف : كيف ماتت ؟؟؟
عويش : اوووووووه بخبرك عقب الحين البنت تتريا . .
سيف : سيري سيري ازقريها يلا . .
عويش : انزين
>
<
عويش : عقبها رحت وزقرت مهور . .
سيف : وكنت اشوفها عدل وهيه تمشي معاج . . كانت وايد مستحيه
عويش : ركبت ويانا السياره وقعدت وراك . .
سيف : كنت اسوق واشوفها . . اسوق واشوفها . . وهيه بالمره ما رفعت عينها تطالعني . .
عويش : كانت وايد مستحيه وتسبني طول الوقت واحنا نمشي اصلا . . بس انا اصريت عليها . .
سيف : كنتي مش معرسه حزتها . . سرنا بيتنا اول شي . . انتي نزلتي قلتي بتيبين لها كتاب ماذكر شو الكتاب
عويش : جغرافيا . . كانت تبا تنقل لانها غابت وفاتها وايد وانا ماكنت يايبه الكتاب حزتها واليوم الي عقبه بيكون علينا امتحان وهي فايتنها وتبا تنقل . .
سيف : نزلتي من السيارة وتمينا بروحنا . .
>
<
>
مهره تكح . .
سيف يطالعها من الجامه : صحه . .
مهره : شكرا . .
سيف ابتسم : ما يقولون شكرا حق الي يكح . .
مهره رفعت راسها وطاحت عيونها في عيونه . . كان يطالعها من الجامه الجداميه وهيه من رفعت عينها شافت الجامه وشافت عيونه . . .
مهره بارتباك نزلت راسها ع طول : عيل . .
سيف : يقولون على قلبك . .
مهره : انزين
سيف ابتسم . . ونزل راسه عشان ما يحرجها . .
>
<
>
سيف : دقايق وانتي يييتي . .
عويش : وسرنا وصلناهم البيت . . . وفالرده انت لوعت جبدي ماعندك غير جمله وحده
سيف : رمسيني عنها . .
عويش : هيييه . . وانا ماعندي شغله غير اقولك عنها . .
.
.
.
سيف : انزين كيف يعني . .
عويش : شو الي كيف . . ماتت بحكمه الله . . ربت باختها الثانية وعقبها بكم شهر ماتت . .
سيف : حرام . .
عويش : الله يرحمها ان شاء الله
سيف : بس ابوهم رباهم
عويش : هيه . . وماعرس المسكين بس عشان ما ييب لهم مرت ابو تلعوزهم . . هو صح شديد وعصبي شوي لكن وايد طيب وايد وايد بعد . .
سيف : يحليلهم . . هم بس بنتين ؟
عويش : هيه . . مهره الاكبر وعقبها يزوي . .
سيف يبتسم : مسكينه همتني . .
عويش : بس سيفوه لوعت جبدي اطلع برا . .
سيف : انزين انتي كيف بتذاكرين حق الامتحان ؟
عويش : عقب ساعتين روح بيتهم شل الكتاب وتعال . .
سيف : منو بيطلع لي . .
عويش : اكيد الشغاله
سيف :افف . .
>
<
>
سيف : ورحت بيتهم . . رحت بيتهم من عق بما قلتي لي على طول . . ماقدرت انطر ساعتين . . مادري ليش . . ماكان فيني شعور بس كنت ابا اروحلها . .
عويش تبتسم . .
سيف يغمض عينه : وعلى حظي . . كانت الساعه 5 ونص العصر . . وشغالتهم تعق الزباله ومحد عندهم يفتح الباب غيرها . . كانت طالعه بدون شيله ولا عباه . . تتحرا انج انتي الي يايه . . ماتدري اني انا لانج رقدتي وما خبرتيها . .
>
<
مهره : دشي دشي . . ماقدر اطلع . .
سيف يدخل : السلام عليكم . .
مهره مصدومه . . كانت طالعه بـ تشيرت وشلحه . .
سيف يبتسم : انتي قلتي دشي دشي . .
مهره : انا قلت دشي دشي . . ما قلت دش دش . .
سيف : ههههههههه
مهره عاقده حياتها : ما يضحك . .
سيف ينزل راسه : ان شاء الله . . من بعد اذنج الكتاب بس . .
مهره تمد ايدها : اندوك . .
سيف ياي بيشل الكتاب بس مهره فجاه استوعبت انها طالعه بهالمنظر بلا شيله ولا شي يستررها . .
مهره تسحب الكتاب مره ثانيه : اوييييييييييييييييييه . . كيف شفتني جيييه . . " تمت تضربه بالكتاب ع جتفه " انت قليل ادب . . صايع ضاااااايع . .
سيف :اخ اخخخخخ . . " يمسك الكتاب " صبري انزين صبررري . .
وربعت مره وحده داخل . . لبست لها عباه ولمت شعرها ولبست شيله وردت ظهرت . . كان واقف بعده عند الباب وماسك مكان الضربه . .
سيف يطالعها . .
مهره متلومه : سوري . .
سيف : هاتي الكتاب يلا . .
مهره : جد سوري اخوي والله . .
سيف تم يطالعها وهيه مفتشله ومتلومه . . ابتسم لا ارادي . .
مهره : ماحسيت بروحي
سيف : ماعليه . . مااصار شي اختي عادي . .
مهره تمد ايدها : ها الكتاب وهاي اوراق ملخصات انا سسويتها بتستفيد منها عويش . .
سيف يشل كل شي : مشكورة . .
مهره تبتسم . .
سيف تم يطالع ابتسامتها ماتحرك . . مع انها كانت تترياه يفارج !!
مهره رفعت عينها لانها مستغربه ليش هو واقف . .
مهره : تبا شي . .
سيف : ماي . .
مهره : هاه . .
سيف :ماي عندكم ؟
مهره : لاء ..
سيف قفط . .
مهره : اقصد هيه عندنا . .
وردت تركض ودشت داخل . . وهو ابتسم وتساند ع اليدار يترياها . . مجرد ما تساند يت . .
سيف : ماشاء الله عليج . . سريعه . .
مهره تبتسم . .
سيف يشل الماي : ماقصرتي . .
مهره ردت تطالعه بمعنى متى ناوي تروح خلصنا !!
سيف : عيل خلاص بروح انا . .
>> لا يا شيخ . . توك حسيت يعني . .
مهره تبتسم : انزين . .
سيف : مع السلامه
مهره : مع السلامه
وطلع وم الفشله سكرت الباب بسرعه بس ما تسكر وسمعت صرخه
سيف : ااااااااااااااااااااااااه صبببببببببببببببببببببببببببببببببببببعي . .
مهره ردت تبطل الباب : سوري والله سوووووووري . .
ع طول سارت صوبه : استوالك شي . .
سيف يتلوى ويتحرك يمين يسار من العوار : اقولج صبعي صبعي تقولين لي استوالك شي . . اااااااااااااااااااااااااه عادي انكسسر عادي . .
مهره تعض ع شفايفها : والله اني ماقصد والله . . وايد سوري والله
سيف : روحي هاتي ثلج شو تتتتتتترييييييين . .
ركضت يابتله ثلج وردت . . : اندوك
سيف كان ماسك صبعه بايده الثانيه ويتألم من الخاطر . . ماقادر يشل الثلج . .
مهره سارت وحطت الثلج ع صبعه . .
>
<
سيف مبتسم : ماتوقعت هالحركه منها بس سكت . . ماكنت متفيج احس بمشاعر حب وخرابيط لانه صدق صبعي كان يعورني . .
>
<
مهره : سامحني اخويه سامحني
سيف عقب ما حس انه صبعه صار ثلج وخف العوق شوي : مشكوره . .
مهره : على الضربه ؟
سيف : هههههههههه لا لا . . مشكورة على الثلج . .
مهره : العفو . .
سيف : يالله خلاص بروح . . ودخيلج حاسبي مره ثانيه عشان ما توهقين ضحيه غيري . .
مهره : ان شاء الله . . " متلومه وقافطه "
سيف : وعادي ما صار شي . . الا صبع يعني . .
مهره تطالعه . .
سيف يبتسم : خلاص لا تفتشلين والله عادي . .
مهره : اذا عورك زياده روح المستشفى مش زين
سيف : مايهمج صبعي ريال ولد ريااال . . ما عنده سوالف مستشفيات . .
مهره ماردت عليه . .
سيف : يالله بالعدال على الباب . .
سكرت الباب بشويش وتاكدت الف مره انه مش موجود وتنهدت تنهيده فظييييييييييييييييييعه
>
<
>
عويش : عقبها كانت كل نص ساعه تتصل فيني وتسألني عن صبعك . . كانت وايد متلومه . .
سيف : وانا كل ما امسك صبعي اذكرها واذكر التفاصيل هذي وابتسم . . لين ما حسيت ان المشاعر الي فيني كبرت
عويش : اول الفترات كل اسالتها عن صبعك لين ما صار احسن . . وعقبها بدت تتغير الاساله . . قامت تسال عنك وعن احوالك . . وقمت اوصل سلااام . .
سيف ابتسم : وعقبها قمت اشوفها من وراج يوم كانت تيج البيت . . ومع الايام . . " يغمض عينه " عشقتها . . والله عشقتها . .
.
.
. البارت الـ 15
بعد اسبوعين بالضبط . .
حصوه : حطيلي اسود اهني بعد . .
ام سيف : بس يا اميه جي شكلج احلى
حصوه : لا خالوه لو حطت هالصوب بعد اسود بيطلع احلى
ام سيف : كيفج . . يالله خل تخلصج ماشي وقت الناس يتريونج وانتي وايد ابطيتي . .
حصوه : خلاص خالوه ربع ساعه بس وبطلع لهم . .
.
.
.
حمود : بالعكس عادي ما احس بشي
يزوي : صدق حمود ؟
حمود : والله . . يعني اشوفها فالبيت دوم واتلاقى وياها . . قلبي يعورني شوي بس وعقب خلاص ..
يزوي تبتسم : شفت كيف . . تذكر يوم اقولك بس ركز فالدراسه . . وبتبدى تتناساها . .
حمود : انزين ليش ما تناسيتج انتي . .
يزوي : . . .
حمود : ليش انتي في بالي وايد . .
يزوي : . .
حمود : من ازعل اكلمج من اضيق اكلمج من افرح اكلمج . . من امل اكلمج !! ماعندي شغل الا اكلمج ليش
يزوي : عشان اتعودنا على بعض
حمود : تفسيرينها تعود
يزوي : هيه
حموود : مم يمكن بعد . .
يزوي تغير السالفه : المهم شو الترتيب الحين
حمود : مثل ما قلتلج اتفقي معاها وقوليلها بنروح المطعم حمود عازمنا . !! واهناك بناكل سوى وبنضمن انها معانا وما بتروح مكان او تسمع شي وتشك وتروح بيتنا . .
يزوي : تممم
" يندق الجرس "
يزوي : يلا بخليك الحين
حمود : اوكي . . يزوي لحظة
يزوي : هاه
حمود : متى النتايج
يزوي : اصبببر ما وحالك . . من كم يوم مخلصص
حمود : احاااااااااتي
يزوي : زين اول مره. . كل سنه ما تسوي سالفه . .
حمود : لاني درست بضمير جد ابا انجح . . وبعد استانست فهالامتحانات كنت كل يوم مطيح عندج وندرس سوا . . تبين الصدق .. حتى لو ما نجحت بتكون فتره حلوه بحياتي
يزوي تتنهد " كلامك وايد حلو " : ممم
يندق الجرس مره ثانية . .
يزوي : يلا خلاص بخليك . . بشوف الشغاله ليش للحين ما بطلت الباب . .
حمود : اوكي باي
يزوي : باي . .
>
<
مهره : دخلي حياج . .
عويش : اعنبوكم ساعه لين تفجون الباب
مهره : والله مادريبها الشغاله وين مرتغده ماتفتح الباب
يزوي تطلع : ياويل حالي عويش البرنسيسه عندنا
عويش تبتسم : خششمج
يتخاشمون . .
عويش : شحالكم . .
يزوي : الحمدلله . .
مهره بتعب : عايشين . .
يدخلون الصاله . . وتروح يزوي المطبخ تسوي عصير . .
عويش: وينج غاطه عني . .لا ادقين لا تسالين لا تمرين
مهره تتنهد : والي يصصير فيني شويه . .
عويش: شو يصير خبريني
مهره : بروحي ماعرف . . انتي خبريني لا تخبين علي عويش
عويش : والله ما اخبي عليج شي . .اصلا انا ماعرف شو الي يصير . . اشوفج قطعتي عني مره وحده وسيف كل يوووووم يييني وبس يقعد ع غنفتي ويدمممع ماعرف شو فيكم . .شو صارلكم . . اعنبوو عين ما صلت على النبي . . قبل شحلاتكم . . شو ياكم الحيينه
مهره : سيف من اسبوعين ونص ما يكلمني . . ما يدقلي . . مايرد على اتصالاتي . . مايرد على مسجاتي . . لييييين قبل ساعه وانا اطرشله مسج رد محتاجتلك ما يرد علييي عويش ما يرد . .
عويش تحط ايدها ع قلبها : ليش انزين . . زعلتيه في شي
مهره : زعلته في شوه الله يهديج . . انا ابا اكلمه ابشره اقوله اني نجحت ويلا خل نعرسس . . صرت زاهبه لك وبنفضى لعرسسنا . . ماششششي ما يرد علي مختفي . .ماعاطني المجال ابشره حتى . . تخيلي حتى ابوي يقولي وينه سيفوه يالله خل ييي وحددو العرس وعرسو . . كنتو مشتطين ليش بردتو عن الموضوع الحين وانا ساكته ماعرف شو ارررررررررررد علييييييه " تطالع عويش ودموعها تنزل " تتوقعين خلاص ما يباني . .
عويش : شو هالكلام . . انا اقولج كل ما يييني ماعنده غير اسمج والله يا مهور والله
مهره : ليش ما يكلمني ولا يشوفني ولا يسويلي اعتبار
عويش : ماعرف مهور ماعرف . . شو صابه . . ااخاف طايح فورطه ولا مشكله
مهره : انا خوفي اكبر عن جي . . اخاف امج قايلتله يبتعد عني . . اخاف امج قالتله يطلقني . .
عويش : امايا !!!!!!!!!
مهره تغمض عينها : حصوه خبرت امج ان انا وسيفوه تشاوفنا فليل وكنا بروحنا . .
عويش : شوووووووووووووووووه . . " تصارخ " حسبي الله عليج يا حصوه
مهره تتنهد وتحط ايدها ع قلبها : انا قلبي يعورني . . انا وايد تعبانه عويش . .
عويش تشوف مهره . . هالات سودا . . والعين متورمه . . وشكلها وحده مرييييضه حيل . .
مهره تبلع ريجها : شسويت عسبت الاقي كل هذا انا شسويت
عويش : قومي معاي . .
مهره تطالعها : وين . .
عويش : قومي لبسي عباتج . .
قامت مهره ولبست عباتها . . وطلعو . .
عويش : يالله اركبي بنروح بـ سيارتج . .
مهره : اندوج انتي سوقي .. انا ماروم . .
عويش شلت المفتاح وحركت السيارة . .
مهره : وين بتروحين . .
عويش :عند امي
مهره : شووووووو . . رديني الحييييييين
عويش : مابردج . .لازم نكلمها ونشوووووف شسالفه . . .
مهره : دخيلج يزوي . . سيفوه لو عرف اني رحت لامه وسمعتني كلام بيضايق وبيزعل
عويش : سيفوه بروحه فحاله وانا خليتكم ع راحتكم وايد . . وانا مادري امي ورا السالفه اصلا !! لازم نواجهها نعرف شسسسسسالفتتتتتتها . . شتبي اميه برايه تشاوفتو معاريس تراكم مافيها شي يعني ّ!!!!!
مهره ساكته . .
.
.
.
يزوي : حمود ألحقنننننننننننننننننننننننني
حمود :شفيج شصااااااااير
يزوي : عويش شلت مهور وطلعو من البيت مادري وين رايحين
حمود :احلفي
يزوي : والله والله
حمود : استغغر الله !!!!!!!!!!!!!! شنسسسسسسسسوي الحين
يزوي : مادري مادري . . . . .
حمود : كيف ماتدرين
يزوي : اتصل ف سيفوه خبره . .
حمود : اوكي . .باي . .
بند عنها وتم يتصل ف سيف لكن سيف ما يرد . . !
.
.
.
:: ماشاء الله عليها
: وايد حلؤؤه
::: هيه تبارك الرحمن . . جميله جميله
: والله يا زين ما اختارت ام سيف . . لو عندها اخت باخذها حق ولدي لو تشابهها
::: ماعليج ترى نصه مكياج بعد
كلللللللوؤؤؤؤؤؤؤؤؤؤؤؤؤؤؤؤششششششششششششششششششششششش
بدت الزغاريط والاغاني تشل المكان . . والتصفيق . . قعدت ع الكوشه الصغيره الي مسوينها ف البيت . . وألتمو البنات يرقصون ويصفقووون . .
.
.
.
عويش : ليش عند بيتنا هالكثر سيايييير . .
مهره عاقده حياتها : وليش مزينين البيت . .منو عندكم بيعرس
عويش مستغربه : انا من 5 ايام ما ييييت بيتنا . . ماشفت هالزينه اصلا . . شسالفه . .
مهره : ليكون ملجه حمود وماخبرتونا . .
عويش: تسويها اميه تخطبله وتخليه يملج واحنا ما ندري . .
مهره : مش وقته عيل لا تودينا .
عويش : لالالا حبيبتي اليوم لازم نواجه اميه والي فيها فيها . .
مهره : يا عويش دخيلج
عويش : لا تحاولين مهور . . يالله انزلي . .
نزلت مهره ونزلت عويش ودخلو البيت وهم مستغربين من زحمه الحريم . . اثنينهم ف نفس الوقت يت عينهم على حصوه . .
مهره مسكت ايد عويش لانها كانت بطيح : حصوه ؟!
عويش مستغربه : حصوه شتسوي ع الكوشه .
مهره : شلي يصير عويش خبريني . .
صدت يمين وشافته . . بـ البشت الاسود . . يمشي وعينه جدااام بس . . عينه ع العروس . . يمشي وكل تركيزه فيها . . يمشي بخطوات تزيد وكل ما زادت تطعن مهره اكثر واكثر . .
عويش ماعرفت ترمس . . ولا عرفت تنطق . . ومهره انهااااااااااارت . . . تمت ترجف وترجف ودموعها تنزل بغززززززززززززززززززززززززره بدون حسبان . .
حب راسها ويلس حذالها . . ومن يلس شاف مهره . . عينه بعينها . .
كانت واقفه بصدمه . . مذهوووله . . دموعها تنزل بسسس ورا بعض . . وهيه بس مذهوله ونظرات الذهل فيها . . مارام يتحمل وقف على طول . . ومن وقف طلعت برا البيت . .
.
.
. البارت الـ 16 والاخيــــــــــــر
عويش تلحقها : مهووووووووور . .
بس مهره ركبت السياره وراحت ..
حصوه : ايلس وين بتروح . . .
ام سيف تي صوبهم من شافت سيف واقف : شعندك واقف . . ايلس فضحتنا
حصوه تامه بوسواس وخايفه . .
سيف يطالع حصوه : محد يكرهج فالدنيا كثري . .
و ودرها وطلع . . . !
تمت حصوه مصدومه فالبدايه ويوم شافت انه صدق قام من الكوشه وراح . . قامت وراه وهيه تصيح . . الناس مستغربه .!!! محد مستوعب شو الي يصير . . هاي مسرحيه ولا شسالفه بالضضضضضضبط . . .
الكل يسال والكل يررمس ليش المعرس قام وليش العروس قاعده تصيح وماسكه ايده تترجاه . . الحوار ما كان يسمعه الا حصوه وسيف لان صوت الاغاني عالي . .
حصوه : دخيلك لا ترووووووح . . دخيلك " ماسكه ايده وهو عاطنها الظهر " انا ماقدر اعيش بدونك سواف لاتروووووووح الله يخليك . . . والله راااااضيه راضيه عيش معايه بدون ما تحبني لكن لا تخليييييييييييييييييييييييييييييييييييييييييني . . .دخيييييييييلك . .
ام سيف تقربت ويالسه تسمع . .
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك