رواية وجهك مو بوجه نعمة -5
سكرت ايميلها وقامت ديمة وهي ترتجف من الالم حطت الجوال بيد سمية الي طالعت
فيها:خلصتي؟...ديمة تبكي ايش فيكي؟
ديمة بصوت مبحوح:بروح الحمام
غطت كل وجهها وتوجهت للحمامات
**************************
اشترت ندى القهوة وهي راجعة شافت فارس الي ابتسم:مرحبا ندى
ندى:بعدين يافارس
ومشيت بسرعة اعطت القهوة لسهام :فين راحت ديمة؟
زيزي:يمكن راحت مع سمية الحمامات
ندى:انا رايحة معاهم
*****************************
سمية:ديمة ايش فيك ؟؟ايش صار؟
ديمة كانت حاطة يدينها على وجهها وتبكي بصمت
دخلت ندى الحمامات وباستغراب:ايش في؟
سمية تهز كتفها:مدري والله مهي راضية تتكلم
مسكت ندى يد ديمة ونزلتها بشويش وبحنان:ديوم ايش فيكي؟
رفعت ديمة راسها تحس بالم يمزق صدرها ووجها كان اصفر شاحب
ندى:ايش صار؟
غمضت ديمة عيونها بقوة وهي تهدي نفسها وتكرر بقلبها لااله الا انت سبحانك اني كنت من الظالمين
ندى:اهدي اتنفسي
هديت ديمة ومسحت دموعها وابتسمت ابتسامة مهزوزة:مافي شي
سمية:ياسلام كل دا ومافي شي كنتي حتموتي علينا
ديمة هزت كتفها بلا مبالاة وضحكت من بين دموعها: ماصار شي بس خليل جمعني مع وحدة هزئتني
وقالها انها حبيبته وانا زي اخته
ندى بمزح:طيب ماانتي زي اخته
سمية:ايوه صح رضعتوا مع بعض
ندى وسمية ضحكوا
طالعوا في ديمة وانكتمت ضحكتهم يفكروها تمزح
ديمة جلست على الارض بتعب وحطت يدها على صدرها وانحنت وعلى وجهها الشاحب علامات الالم
سمية:ديوم تعالي برا
ندى قرفصت جنبها:تعالي ياديوم
رفعت ديمة راسها:خلوني شوية قلبي يوجعني ... وغمضت عيونها
**************************
جا خالد :يلا الطيارة وصلت
قاموا البنات شالت شوق شنطة
شوق:بس ديمة وسمية وندى في الحمامات
خالد:اووف روحي شوفيهم بسرعه
راحت شوق بعد ماناولت زيزي شنطة ندى
************************
قامت ديمة غسلت وجهها ولفت طرحتها وغطت كل وجهها عشان مايبان اثر الدموع
دخلت شوق:يلا بسرعه طالعين الطيارة
سمية:هذانا جايين
مسكت ندى يد ديمة تسندها وطلعوا من الحمامات متوجهين للطيارة
****************************
بعد ساعات ليست سعيدة على اكثر ابطالنا وصلوا لامريكا
نزلوا من الطيارة وابراهيم يسأل:وش رايكم ناخد فندق
معاذ:لليش الفندق يبه نروح عند عمة حنان
فيصل:بلاش نثقل عليها
معاذ :مارح نثقل حتنبسط
فيصل:اجل روحوا انتو وحنا بناخد فندق
ابراهيم:لامايصير وش دعوه الفندق اتفضلوا معانا ولو ماعجبكم الوضع بناخد فندق
ابوحمود:اجل هنا نفترق احنا فندقنا محجوز يلاسلام
زيزي تهمس لسمية:يافرحة ماتمت بيفرقون كناري الحب
سمية طالعتها بنص عين وبقهر:طلحي ياطلحاوية مطلحة قبل اطلحك طلحة عمرك مااتطلحتيها
زيزي وندى وريم ماتوااا ضحك
زيزي:ول ول ول
ندى:صارت شاعرة طلحاوية
شوق:ماودنا نروح عند العمة الشريرة
زيزي تتطنز:معاذ بدو عمه
منى:فلة نروح عندهم بيني وبينك ماودي افترق عن معاذ
زيزي بقرف:طسي
شوق:اشبها ديمة جالسة
ندى:تعبانة
زيزي:احد يتعب هنا ياناس حنا في اميريكا
سمعوا صوت ابراهيم:يلا يا بنات مشينا
ركبوا باص صغير وديمة سندت راسها على المقعد وغمضت عيونها بتعب
الفصل 14
وصل خليل الاردن وتوجه سيده للمستشفى اللي قالتله عليه اخته
دخل وسال موظف الاستقبال: لوسمحت فين حسن بارود
الموظف:أوضه رئم تلاته
مشي خليل في الممرات البيضاء الطويلة وصل للغرفة دق الباب ودخل
شاف ابوه نايم على السرير والمرض والاعياء ظاهر على وجهه
وهديل جالسة جنبه رفعت راسها تشوف القادم ونطت من مكانها تكتم صرختها عشان ابوها وحضنت خليل
خليل حضنها بدوره:كيف حالته؟
هديل من بين دموعها:مااعرف ياخليل مااعرف
دخل الطبيب:انت ابنه؟
هز خليل راسه :ايوه كيف حالته؟
الطبيب:للاسف ميئوس منها
بكيت هديل وحضنها خليل
***************************
وصلوا بيت العمة نزلوا من الباص وجا واحد :هاي مستر ابراهيم ماي نيم از جورج لت مي تيك يور كار تو ذا كاراج
ابراهيم:اوكي
زيزي:احلا عمو ابراهيم تتكلم انقلش من قدك
ابراهيم:كل الي قلته اوكي يامرجوجة
ضحكوا
كان بيت العمة قصر كبييير فيه 40 غرفة و20 حمام و8 صالات كبيرة
اراضيها رخامية وجدرانها مزخرفة اثاثها غالي وفخم
وبرا مزرعة كبيرة تحيط بالبيت وكاراج يوسع 30 سيارة
وبحيرة والمزرعه فيها انواع الحيوانات الاليفة والمتوحشة
دق معاذ الباب الرخامي الكبير فتحته فتاة في العشرين طويلة رشيقة ابتسمت :هاي مستر موآآذ انت هانان فيري هااابي بيكوز يو آر هييير (مرحبا مستر معاذ العمة حنان جدا فرحانة لانك هنا)
دخلوا كلهم معاذ:وير از انت هانان؟
ربيكا وهي تأشر للصالة الكبير:شي از ذير ويت يو (انها هناك تنتظركم)
توجهوا للصالة وقامت العمة العجوزة بصعوبة وبفرحة:اخويا ابراهيم اخيرا جيت
حضنها ابراهيم :كيفك يااختي
جلست العمة :بخير جبت بناتك الحلوين
ابراهيم:أي وهاد صاحبي فيصل
فيصل:كيف صحتك؟
العمة:بخير اتفضل البيت بيتكم والتفت لمعاذ:معاذ ابني وحشتني
قبلها معاذ على جبينها
العمة:ربيكا آسك فروم جيمس آند جورج تو بت ذا باكيج ان ذا رومز آند كول آيلين تل هر تو برينق سم جوس تو أور قيست (ربيكا اطلبي من جورج وجيمس ان يضعوا الحقائب في الغرف ونادي آيلين اخبريها ان تحضر بعض العصير لضيوفنا)
والتفتت بابراهيم:حضرتلكم غرفكم عشان ترتاحوا
ابراهيم:تسلمي
زيزي بهمس:ول هالعجوزة ترطن انقلش احسن مننا
منى:بت مااسمح لك تتكلمي كدا عن عمة حبيبي
ريم:روحي ياشيخة اشبه معاذ يدري وين اراضيكي عيونه بتقز في ديمة
زيزي:هع
منى طالعت في ديمة بحدة وقهر بس ديمة ماكانت منتبه على أي شي كانت جالسة في ابعد كنبة عن معاذ ووجهها شاحب وعيونها كسيرة
جات ايلين وضيفتهم العصير
العمة:قوموا يابنات مع ايلين شوفوا غرفكم
قاموا البنات ومسكت ندى يد ديمة ومعاذ يراقبها
***********************
اتركنوا في الغرف ابراهيم وسهام في غرفة وفيصل في غرفة وديمة وندى في غرفة وسمية وزيزي في غرفة وشوق ومنى في غرفة وفارس وعبود في غرفة ومحمد وخالد في غرفة ومعاذ نزل في غرفته القديمة الكبيرة الي كان فيها قبل يرجع السعودية.
*************************
لبست ديمة بنطلون جينز اسود وبلوزة طويلة سماوية وايشارب ابيض مزهر بالسماوي وحطت على عيونها كحل سماوي رسم الحزن بعيونها العسلية الفاتنة قربت من ندى الي رمت نفسها عالسرير وراحت بخبر كان:ندى تطلعي معي؟
لكن ندى ماردت التفتت ديمة على ريم لقتها في سابع نومه طلعت من الغرفة ونزلت الدرجات الرخامية بهدوء الين وصلت للباب الكبير فتحته بشويش سمعت صوت وراها
ديمة غمضت عيونها بقوة ومرت بجسمها رعشة خوف وكره للحظة الي فكرت فيها تطلع من غرفتها وحدها.
الفصل 15
ارتعش كل جسدها خوف وكره لمن سمعت الصوت الي خلفها استدارت ببطئ وهي تواجه معاذ الي قرب منها وعييونه السوداء الجذابة ترمش بسرعه واشتياق:تحبي نطلع سوا
ديمة(نطلع سوا مين مفكر نفسه هاد):ردت بسرعه وحزم :لا
معاذ قرب منها وديمة رجعت حتى لصقت بالباب الرخامي البارد وهمست:معاذ لوسمحت ابعد عني
معاذ بالم:احبك ياديم واتمناكي ليا
حط يده على خدها الناعم برقة ديمة رفعت عيونها العسلية المدمعه وبتوسل:بترجاك ابعد عني
معاذ:خليل مايستاهلك حبيني وحاسعدك انتي حياتي
ديمة سحبت يدها وضربته على خده بكل قوتها وبقهر:قلتلك ابعد ماتفهم انا اكرهك
ودفعته وفتحت الباب وطلعت وهي تركض
معاذ اتكئ على الجدار وغمض عيونه وظهرت على ملامحه علامات الالم والتعب
*************************
تعبت ديمة من الجري صارت تمشي وتروح وترجع بنفس الشارع عشان ماتضيع تتفرج على الناس
والشوارع والسيارات والمحلات
حست بالندم لانها عذبت محمد من قبل وجرحت معاذ دحين بس تحس كل الناس ودهم ياخدوها من خليل
اطلقت زفرة سخرية وخليل فين اراضيه ولامهتم
كانت اكتر الناس كفرا بالحب وكرها للزواج وسخرية من الرومانسية بس لمن عرفته انقلبت حياتها
حبته بكل مشاعرها ومابدها تعيش إلا معاه سواء بالحقيقة او الخيال ولاحتحب غيره بس هو...
آآآآه ....
قطفت ورود قلبي
غلفتها بباقة حبي
زينتها بأريج دمي
فكانت النتيجة....
أنك دست عليها بحذاءك البالي...
حست بالعطش دخلت اول سوبرماركت صادفها واشترت قارورة موية وطلعت شافت رجل عجوز يفترش
الارض ويعزف على الجيتار مشيت وهي تتامله إلا صقعت بشخص رفعت ديمة عيونها باسف واعتذار
كان شاب اشقر وسيم ومعاه شاب تاني شعره اسود جذاب
وعيونه تضحك بمرح
ديمة:آيم سو سوري آي ديد نت سي يو(انا اسفة جدا انا لم ارك)
الشاب الاشقر:يو بروببلي يو شولد وير قلاس(انتي على الارجح يجب ان ترتدي نظارة)
ديمة بالعربي:والله كاني بالسعودية
فتحوا الشابين عيونهم على الاخر
الاشقر بالعربي:انتي سعودية؟
ديمة تعجبت:ايوه وانتو؟
الاشقر يتطنز:لا امريكي ارطن عربي
ديمة:انا قلت مستحيل امريكي ولسانه طويل اكيد عندك عرق سعودي
الاشقر:فهيمة والله
الاسود:هههههه انا مازن وهادا حسام وانتي؟
ديمة طالعته بنص عين وبغرور:مو شغلك
ولفت وجهها تكمل طريقها جا حسام ووقف قدامها :مااتعلمتي الادب قبل تجين امريكا
ديمة:قول لنفسك
مازن:امشي ياحسام
ديمة:ابعد عن طريقي ومشيت بعيد عنهم
رجعت لقصر العمة وفي الصالة اول مادخلت شافت ندى الي ابتسمت:فينك ياخاينة؟
ديمة ابتسمت بمرح:انا خاينة و لا انتي دبة ماتصحي.
منى:طالعين البحر البسوا
زيزي:وبدي اطلع بشعري
سهام:اجل خليكي مع ربيكا رتبي البيت معاها
زيزي:حالبسلك عباية على الراس ياماما سهام
ديمة:هياعاد بدون زيزي مين يطلحنا
سمية:اتعدل مزاجك
ديمة :طنش تعش تنتعش
زيزي:أي والله انك قمر
ديمة:ادري مايحتاج تقولي
منى:لاتاخدي في نفسك مقلب
ديمة ابتسمت وقامت :رايحة البس
لبسوا البنات بسرعه وطلعوا مع العيال للبحر
**************************
الطبيب:عظم الله اجركم
هديل جلست على الكرسي وحطت راسها بين يدينها وانتحبت بصمت تساقطت دموعها حارة حارقة
جلس جنبها خليل حضنها دمعت عيونه وهو يهمس:قولي اننا لله وانا اليه راجعون
رددت هديل الاية بصوت متقطع
****************************
زيزي وهي تتأمل البحر الازرق والرمل والناس الغادين والرائحين :ايوه كدا البحر ولا بلاش
منى:اخيرا اشوف بحر ازرق
عبود:بحر جدة احلى
فارس:طس انت وبحرك
خالد يضحك:الاخ مسوي نفسه وطني
خالد نادى:زيزي يابنت
طالعته زيزي قبل ماتروح مع البنات وباحتقار:بنت في عيونك
خالد:اسف اقصد ياولد
زيزي شمقت ومشيت
وخالد فقع ضحك وراها
محمد:ايش رايكم نغطس
فارس:يلا
قربوا من البحر إلا يسمع خالد صوت زيزي تناديه التفت وراه:هاه
زيزي صرخت بصوت عالي عشان يسمعها:انسى تطلع من الموية عشاني طيب
خالد عقد حواجبه:فال الله ولا فالك
شوق:خايف على عمره الاخ
زيزي:من زينه عاد اشبو في فايدة منه
خالد كشر وهش:طسي وانقشعي هناك
ودار وجهه ولحق الشباب
ضحكوا البنات عليه وكملوا طريقهم لكابينة العمة حنان وصلوا للكابينة ندى سألت:ديوم مفتاح الكابينة معاكي؟
ديمة وهي تطلع المفتاح من جيب بنطلونها :يب يب
منى:وليش ان شا الله تعطيكي المفتاح انتي؟؟
زيزي حبت تقهرها:العمه اعطته لمعاذ ومعاذ اعطاه لحبيبة قلبه
منى تتحلطم وبقهر:ياي يا ي مقدر
فتحت ديمة الكابينة ودخلوا كانت كانها جناح فندق مجهزة وفخمة
رمت شوق بجسمها فوق الكنب:واااو كنب امريكي
ديمة تتريق:متجنس هع ..يلا بينا برا
ندى:فين برا؟
ديمة وهي طالعة من باب الكابينة:برا نشم هوا ونتفرج على الناس
زيزي:حالتها صعبه اوي
شوق اعتدلت جالسه:في شي؟
منى :نادوا الطبيب النفسي
ريم:فال الله ولا فالك
. وطلعت الفشار من شنطتها :مين بدو مستر فيشووو؟؟
سمية:خليها تجن شوية تفضل هادية وعاقلة لمتى
ندى وهي طالعة :بس دا زيادة
قاموا شوق وزيزي وسمية طلعوا
ريم ومنى جلسوا ياكلوا فشار ويشوفوا فيلم الشبح
اتكئت ديمة على كشك يبيع عصيرات :لو سمحت اريد عصير مانجو
صاحب الكشك وهو يمدلها واحد:تفضلي
اخدت ديمة الكاسة وشربت وهي تتفرج على مجموعه شباب وبنات يلعبوا الكرة الطائرة
سمعت صوت وراها بالانجليزي:قبضت عليكي
التفتت ديمة بسرعه للخلف وظهرت الدهشة على وجهها:انا؟
حسام :لا انا
لفت ديمة وجهها للعبة :اجل اتكلم مع نفسك
حسام:تحضري قليلا انت في احدى البلاد المتقدمة
تعجب منهم صاحب الكشك كان حسام يتكلم الانجليزية البحته بينما ديمة تتكلم العربية لغة غريبة
وهمهمه بالنسبة لصاحب الكشك
ديمة:مو شغلك روح صيع بعيد عني
حسام:فعلت ذلك مع الكثير لم يبق سواكي
ديمة ببرود:مااصيع مع غبي
حسام اتحتاج الصياعة ذكاء؟
ديمة:اكيد
حسام:هل انتي ذكية؟
ديمة:مو شغلك
حسام:ألم تملي من إعادة هذه الكلمة؟
شافوا مازن وهو جاي ناحيتهم وصل جنبهم ومد يده يصافح ديمة:هلا ببنت الوطن
ديمة مامدت يدها وطالعته باحتقار:قول لصاحبك يترك بنات وطنه في حالهم
مازن:صاحبي..... حسام اخويا
ديمة:ياساتر يارب
مازن:هههههههههههه انتي سعودية؟
ديمة: اللقافة قتلت حمار
حسام:مايقدر يعيش بدون لقافة
ديمة:حولت عربي
حسام يغمز:عشانك بس
ديمة وهي تدير عيونها للبحر:طيب لقط
ديمة شافت ندى وزيزي وسمية وشوق جايين ناحيتها لفت واعطت ظهرها لحسام ومازن ومشيت
خطوتين حست بيد تنغرس بزندها بقوة التفتت بغضب :وجــ
حسام شدها من يدها حتى صارت قريبة منه لصيقة بصدره تحس بانفاسه المتهدجة الغاضبه تلفح وجهها
قال حسام وهو يصر على اسنانه من الغضب:احترمي نفسك
سحبت ديمة يدها بقوة وقالت بصوت حاولت تتحكم فيه عشان ماتصرخ:طس وجع
حسام وهو مقهور:يوجعك
توجهت ديمة لناحية البنات
سمية:ايش فيكي؟
ديمة وهي مقهورة:ولاشي
زيزي وهي تأشر على حسام ومازن :واو يور بوي فريند
ديمة:والي يسلمك طسي
سمية:مين هدول ؟شكلهم خوقاق امريكان؟
ديمة:لا اغبياء
ندى:كل الناس عندك اغبياء
ديمة:لادول زيادة
زيزي:امشوا نلعب كورة
ندى:يلا
شوق:فوقه
ديمة هزت كتفها: ليش لا
قاموا واستاجروا كورة من واحد باسط على الارض كور واغراض سباحة
كونوا فريق ودخلوا معاهم اللعبه تلات شباب وبنتين ولعبوا على الرمل الناعم
وانتهوا بالتعادل رجعوا الكابينة تعبانات ومنهكات
اتروشوا وغيروا ملابسهم وطلعوا شافوا ريم ومنى لسه يقلبوا في القنوات
ديمة:هي جايين هنا عشان تتفرجوا
قامت منى وبثورة:اولا مو هي انا عندي اسم تانيا نسوي الي نبغاه محنا شغلات عندك ميس ديمة
وطلعت على غرفتها
ندى:ايش فيها دي؟
ريم:مقهورة من ديمة سرقت منها خليل ومعاذ
ضحكت زيزي :ههههههههههه مالت عليها
انكسر قلب ديمة لمن جابوا طاري خليل وطلعت من الكابينه
ندى:هي بنت وين؟
ديمة :اتمشى عالبحر واشوف الغروب
سمية:ول فيكي حيل
قامت شوق:انا رايحة مع ديوم
لحقتها ومشيت جنبها على الشاطئ
ديمة همست:اعشق الغروب واكرهه
شوق:تناقض عجيب
ديمة:احبه لانه جميل وممتع وعجيب الوانه واكرهه لانه يذكرني بالفراق
ابتسمت شوق بحنان: ديوم حبيبتي فيكم شي انتي وخليل
طالعت ديمة في الرمل الي تدوس عليه: لا ايش حيكون في؟
شوق:منتي على بعضك بتكلميه
هزت ديمة كتفها بضيق:ماعندي وقت
شوق بدهشة:ماعندك وقت لخليل؟؟؟؟من متى؟؟انتي تخلقي الوقت عشانه
ديمة طالعت في الخيوط البنفسجية الي اترسمت على صفحة الماء الزرقاء وبقلبها آآآآآآه ياشوق
لوتدري اني كل ثانية وكل يوم اتصله وهوا يقولي لاتتصلي ماابغى اكلمك وانا ادوس كرامتي اذل نفسي
وارجع اكلمه بعد مدة عشان يقولي مابدو يخون نور وانا مريضة نفسيا وارخص حالي وقيمتي آآآه
ياشوق خليني اكابر قدامك وخلي جراحي تنزف بين يدينه بس لعل وعسى يرحمني
همست:والي يسلمك لاتفتحي الجروح
شوق بأسى:ولايهمك لو احتجتي شي ياديم احنا جنبك ولازم تعرفي غيره الف يتمنوكي احسن وافضل
ديمة بغضب:لاياشوق اسكتي
همست شوق:اسفة
التفتت ديمة:انا االأسفة انتوا اخواتي الي امي ماولدتهم
شوق ضحكت:يآآآآآه فديتك
سمعوا وراهم صوت يضحك:يالبييييييه
التفتوا شافوا حسام ومازن
مازن يكلم شوق:ياهلا انا مازن وانتي
شوق:انا شوق
مازن عاشت الاسامي
حسام وهو يأشرلها على ديمة:علمي صحبتك الاخلاق
ديمة سحبتها من يدها:امشي
مازن:ياشوق ويش رايك نطلع بالبوت
شوق بوناسة:وااااي فلة
ديمة بغضب:انتي الفلة امشي قال بوت قال
مازن:شوفيه هادا الاسود الي جنبك لفة وحدة بس لايفوتك
شوق:يلا ديمو الله يخليكي
الفصل 16
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك