رواية وجهك مو بوجه نعمة -4
فكرت في سمية وحمود صح حمود عصبي ومشكلجي لكن سمية هادية وكتومة وقوية
لكن هي وخليل,,, خليل عصبي مايهتم بمشاعر احد مايعمل خاطر لاحد يهدد يسب يضرب يكره احد يجادله او يعانده نسونجي
وهي عنيييييدة حساسة عصبية غيوووورة ديمة طبيعتها تعامل الواحد زي مايعاملها بالتمام الي يقسى ويعصب تعانده والي طيب معاها تطيب معه لكن مع خليل لازم تتحمل عصبيته وقسوته وتقابلها بالطيب وهالشي كان مستحيل....
يعني بعد شهر من زواجها حتكون احدى تلات حالات مطلقة او ميتة او ارملة.
..
لكن ساعة مع خليل تسوى العالم كله
حتوافق على الزواج ولو كانت حياتها جحيم وهاد الشي الاكيد حيكون عقاب لانها حبته وكلمته قبل الزواج صح كلهم حبوا بعض لكن لمن كبروا عقلوا
يعني جمال وشوق مايكلموا بعض كتير ولوا اتكلموا بس سلامات وكيف الحال ندى حاولت تترك فارس فخطبها وحمود خطب سمية وريم تتهاوش مع عبود بس لكن هي تحبه وماتخفي هالشي ولا هوا والحب قبل الزواج مايدوم.
*****************************
كانت سمية منسدحة على سريرها جنب زيزي دق جوالها طلعت الجوال من تحت المخدة وشافت المتصل ( حبيب عمري وحياتي ) ابتسمت برقة وظهرت غمازتيها الحلوتين رفعت خصلات شعرها البنية المايلة للاشقر عن عيونها وانتظرت شوية عشان مايفكر حمود انها ميتة عليه زيزي نصحتها تكون ثقيلة شوية معاه
واخيرا بعد الرنة الثالثة سمع حمود صوتها الناعم:اهليين هلا وغلا
حمود بشوق: هلا حياتي
سمية:كيفك ياعمري ؟
قرصتها زيزي وبهمس / قلتلك اتقلي شوية
حمود:اكيد بخير دامني اسمع هالصوت
استحت سمية :ايش اخبارك؟كيف صحتك؟
حمود:بخير الحمد لله دامك معي حياتي
سمية:عسى دوم يارب
حمود:ايوا وتخلص المكالمة في كيفك ومدري ايه يابنت متى تسولفي نفسي اسمع صوتك.
سمية:ايش اقول طيب اتكلم انت
حمود:ما اشتقتي لي طيب؟
سمية:ها إلا
حمود:إلا ؟؟ وش هالرد ؟ بدل ماتقوليلي ايوا حبيبي اشتقت لك موت
سمية:انت عارف اني استحي
حمود:انتي وبعدين معاكي تستحين من الناس كلها مو مني
سمية:حمودي انا استحي حتى من اهلي الي معايا في نفس البيت
حمود:انا مالي في اهلك انا غير من اليوم ورايح ما ابيك تقولين استحي فاهمة
سمية:ماشي قلبي زي ماتبغى ايش فيك عصبت؟
حمود:انتي عارفة اني مااحب كلمة استحي دي
سمية:طيب خلاص لاتزعل ما اعيدها
حمود:ماشي علميني وش جديدك وين رحتي وين جيتي
سمية:ولا شي مكانك سر
حمود:معقولة ماعندك ولاشي جديد يابنت ارحميني ليش ماتتكلمي سولفي سولفي تكفين.
سمية:ههههه حبيبي انا مميزة عن البنات المعروف عنهم كثرة الكلام لوك لوك لوك لوك طول الوقت اما انا صمتي كلام مااحب الكلام الكتير.
حمود:طيب سوسو انتي مميزة في كل شي ماشاالله فخلاص في الشي هذا خليكي زيهم انا ابيك تتكلمين.
سمية:ايوا مميزة غصب عنك ادري تتريق
حمود:هههههههههههههههههه
سمية:قفشتك يالي ماتستحي
حمود:ههههههههههههههه اسمعي سوسو لازم اقفل يمكن اكلمك شوية بروح اعبي موية
سمية:طيب انتبه لنفسك ادري مارح تدق والقاك على النت
حمود:هههههه وانتي كمان احووبك يادووبة
سمية:انا كمان الله معك
حمود:سلام
**************************
صباح اليوم التالي
صحي خليل ولبس واتجهز وطلع للصالة الكبيرة شاف فيصل جالس يشرب قهوة الصباح ويقرأ الجريدة
خليل:صباح الخير عم فيصل
فيصل:صباح النور ياابني انت جاهز؟
خليل:ايوه
فيصل وهو يقوم:طيب توكلنا على الله خلينا نروح لابراهيم في الشركة
خليل:عم فيصل
طالع فيه فيصل:ايوه ياابني
خليل:كنت بدي افاتحك بموضوع
فيصل جلس واشر بيده على المقعد الي يقابله:اجلس ياابني اجلس
جلس خليل على طرف المقعد وهو يفرك يده بعصبية:اممم اصلا كنت بدي افاتحك بموضوع
فيصل:موضوع ايش؟؟
خليل:موضوع الزواج
ابتسم فيصل:مبروك ياابني مين المحظوظة؟
خليل:ديمة
فيصل تهلل وجهه فرحة لانو خليل متل ابنه وهو يحب ديمة متل بناته عاقلة ومؤدبة واخلاق وكمان ندى وديمة اكتر من صحبات.
*************************
جلست سهام تشوف مسلسل فامبيردايري (مذكرات مصاص دماء) وكان ابراهيم في شغله.
اما سمية وشوق ومنى وزيزي ومحمد وفارس وعبود وخالد كانوا جالسين يفطروا.
دق جوال شوق شافت المتصل وقالت :يوووووه هادا جمال
زيزي:ياقلبوووووو
منى:وجع قصري لسانك
خالد:تطلبي المستحيل
زيزي تطالعه بنص عين :خليك في صحنك
خالد يتريق:ما اوسع ههههه
سمعوا شوق تقول:الو السلام عليكم
محمد:هش انت وياها
قامت شوق وطلعت تتمشى في الصالة الكبيرة
زيزي:صدق انها طلحة
الكل ضحك
شويات ويشوفوا شوق رجعت وسحبت الكرسي وجلست وهي تقول وابتسامتها تتراقص على شفايفها الوردية:اسمعوا اسمعوا جمال جاي بكرا
منى:جاك الموت ياتارك الصلاة
خالد:ولد قوم اخطف رجلك جيب البنت
سمية:اسمها ديمة
زيزي:لا قسم انها طلحة ودحين جمال يجي يطلحنا كلنا
خلصت زيزي جملتها على جية معاذ الي جا وسحب الكرسي وجلس
عبود:الواحد يقول السلام عليكم او صباح الخير ترانا ماكنا نايميين معاك
معاذ وهوا عاقد حواجبه ومكشر وجهه الجذاب:اسكت والي يسلمك موناقصني واحد غبي زيك
عبود:غبي هاه؟
واخد كاسة المويه الي جنبه ورش فيها معاذ
معاذ قام معصب وكان وده ينزل فيه ضرب بس مسك اعصابه وطلع من الغرفة
محمد:عبود زودتها
فارس اتدخل:لا هداك الاخ رافع خشمه
زيزي:ياناسو على الي يدافع عن اخوه
الكل ضحك
منى:إلا فارس ماقلتلنا ايش اخبار ندوشه ماانتحرت لسه؟
فارس رفع حاجبه باستغراب:تنتحر ليش؟
منى وهي تضحك:عشان ربنا بلاها بواحد زيك
فارس:يازينك وانتي ساكتة بس خلف الله على الي حياخدك
منى:لو تلف العالم ماتلقى متلي
فارس وهو يقوم:صج والله كل البنات يايجيبوون السكر او الضغط اما انتي تجيبين نوبة قلبية على طول
منى:اقول قم بس على شغلك
زيزي:مايحتاج هوا اصلا قايم مو طايقك
منى:طسي مين كلمك انتي اصلا
شوق:اوووه صدعتولي راسي انتي وياها زي البزران بس تتهاوشوا
زيزي:طبعا مو فايقة لنا الي ماخد عقلك يتهنى به
شوق طالعتها بعصبية وهي تقوم:طسي
سمية ابتسمت وبانت غمازتيها الحلوتين:زيزو مامليتي من كتر مايطسيسوكي
زيزي باستهبال:اصلهم كلهم طلحاات.
***************************
وصلوا فيصل وخليل للشركة
طلعوا مكتب ابراهيم
السكرتير بلغ ابراهيم بوصولهم
استقبلهم ابراهيم:اهلين وسهلين هلا وغلا تفضلوا ..
يامحمود جيب اتنين قهوة اتفضلوا نورتوا الشركة
فيصل وهو يجلس على الكنب الجلد الفخم:تسلم والله كيفك يابو الشباب كيف الشغل
ابراهيم تمام الحمد لله ها ياخليل رايح الاردن
خليل هز راسه:ايوه
ابراهيم:لقيتلك حجز بعد بكرا الظهر يعني معانا
خليل:تسلم ماقصرت
ابراهيم:ولو انت زي ولدي ان شا الله ابوك يقوم بالسلامه
خليل:ان شا الله
فيصل:ابيك بكلمة راس يابو الشباب
ابراهيم:اتفضل ياخوي مابينا
فيصل:والله انت اخوي واكثر واحنا ودنا القرب
ابراهيم:هادي الساعة المباركة
الفصل 11
(فيصل):ودنا القرب منكم
(ابراهيم):حي الله هالساعة المباركة
(فيصل):ودنا بنتك منى لخليل...اقصد ديمة ...ديمة لخليل
ابراهيم ابتسم بس داخله كان يحس بالالم لمن ابنه معاذ يدري:هلافيكم والنعم بخليل بس الشور شور البنت
انا ماعندي مانع وخليل قدها وقدود
(خليل):تسلم الله يخليك يارب
*************************
ريم وندى وديمة كانوا جالسين يشوفوا تلفزيون وياكلوا شيبس
(ريم):اوووف طفش
(ندى):منجد
ماردت ديمة كانت تندمج بقوووة مع التلفزيون ولاتحس باحد
(زغدتها ريم):ديوما امشي نروح بيت ابراهيمو ناخد البنات ونروح نتمشى بالمولات
(ديمة):تتمشي ولاتصيعي
(ريم):ياشيخة لاتحبيكيها تقولي بنت ابو هريرة
ضحكوا ندى وديمة
(ندى):ومين بيودينا؟
(ريم): ناخد أي واحد من العيال
(ديمة) :خلينا نأجلها لليل
(ريم):ليش؟
(ديمة):عشان انتي تصيعي منيح وندى تشوف فارسها
ندى وريم طالعوا ديمة بنص عين
(ديمة):هع خلاص كلتوني بقشوري
سمعوا صوت الباب ينفتح ويتسكر
(ريم):ندى قومي شوفي مين هالحرامي
(ندى):هاد خليل
ولفوا وجههم للباب شافوا خليل داخل
(ريم):ماتعرف تقول السلام عليكم
(خليل):اسكتي انتي مابتمرقي من زوري ارحميني منك بس هالمرة
(ريم):ليش هالمرة بالذات؟
(خليل):لاني عريس
(ريم بصوت عالي):خلف الله عالعروسة
(ندى ضحكت):مين المنكوبة؟
(خليل):ينعن اساسكن مااتيس مخكن اسكتوا وانتي ياديمة شو رايك؟
(طالعت فيه ديمة بارتباك):هاه بشو؟
(خليل) :العمى ينعن مخك مااتيسه... على اني عريس
(ديمة ابتسمت بتوتر) :مبروك
(خليل): الله يبارك فيكي وعقبالك (وغمزلها وطلع على غرفته)
ندى وريم طالعوا ديمة بدهشة وبصوت واحد:يابنت الاييييه
(ديمة تسوي نفسها بريئة):ليش؟ ماسويت شي
(ريم):انتي تدري؟
(ديمة قامت):ماادري شي وطلعت على غرفة ندى
(ندى):شب بالله والله مااسيبها في حالها
(ريم):امشي
وقاموا وطلعوا جري على غرفة ندى ورا ديمة
***************************
كانت ديمة منسدحة على سرير ندى سمعت صوت الباب ينفتح بقوة ودخلوا ريم وندى
ريم سحبت البطانية وندى جرت المخدة وهي تقول:اعترفي احسلك
(ديمة):يوووه منكم اعترف بشو
(ريم):ايش يقصد خليل؟
(ديمة):وانا ش وبيدريني روحي اساليه
( ندى):طيب ارويكي
(ديمة):هههههههه غبية
(ندى تتصنع العصبية):كل الناس عندك اغبياء
ضحكوا ديمة وريم
(ديمة):طيب الموضوع وما فيه انو....
(ريم تستعجلها):انو ايش؟؟؟
(ديمة غمزت):الي ببالي ببالكم
(ريم):ههههههههههههههههههههههههههههههههههههههههههههه مبروووووك ياالقمر
(ديمة ابتسمت بخجل):الله يبارك فيكي وعقبالك انتي وعبود
(ريم راحت ضحكتها):وجع في شكله
ابتسمت ديمة وهي تتامل عيون ندى الي كانت تطالعها بنظرات غريبة
هزت ديمة راسها تطمن ندى ابتسمت ندى وهي تقول لريم:اتخيلك مع عبود توووحفه
(ريم بقهر):اسكتي مااتحف مننا إلا انتي وفارسك
ندى راحت ابتسامتها
(ديمة):ههههههههه كدا اتعادلنا
*****************************
قامت ريم تكوي عبايتها تستعد للمولات
انسدحت ديمة على السرير وجنبها ندى
(همست ندى):مبسوطة؟
(تنهدت ديمة):مدري
(ندى):انتي قوية وعنيدة تمشي كلامك على الكل تسوي من البحر طحين لكن مع خليل تصيري مرحة فلاوية تحبي الحياة مسالمة وجبانة واليفة
(ديمة):مع خليل اليفة ومعاكم متوحشة ليش قالولك كات
(ندى):ههههههههههههههه
(ديمة بهمس):بس.... لوعانيت مع خليل....استحق اتعاقب على الي سويته في محمد
*************************
خلص ابراهيم شغله فتح درج المكتب وطلع ملف مسكه بيده واتامله لحظات قبل مايدق على خليل ويطلب منه يقابله ضروري في مكتبه..
**************************
(اتصلت ريم على سمية):اهلين سويت
(سمية ):-هلا ريمو
(ريم):-اسمعي ويش رايك نطلع المولات
-(سمية): وناسة يلا بينا
(ريم): -ارسلي واحد من السواقييين الفاضيين الي عندك
(سمية): -ههههه اشوف يمكن ارسل عبود
(ريم): وععع ارسلي غيره
(سمية): -ياطول لسانك مافي غيره
(ريم): -اوف طيب وصيه يمسح سيارته
(سمية): -ياشيخة روحي حيجيكم مشي
(ريم): -هههههههههههههههههه يلا بايو
**************************
راحت سمية لغر فة الاولاد شافت عبود جالس فوق سريره وقدامه لابه
(سمية):عبود روح جيب ريم وندى وديمة
(عبود قام بسرعه موبعادته) :فين رايحين؟
(سمية):المول
(عبود):واي ونااااااااااسة
(سمية وهي طالعة من الغرفة):اعوذ بالله اخس من البنات
قام عبود لبس واتكشخ وراح لبيت فيصل
*****************
دخل خليل مكتب ابراهيم وجلس على الكرسي مقابله
(ابراهيم):قبل تتزوج ديمة لازم تعرف عن ابوك وابوها شي
(هز خليل راسه):شو هوا؟
الفصل 12
ابراهيم:كانت في ارملة ترك لها زوجها المتوفي اموال وشركات المراة وكلت صاحب زوجها بكل شي
صارت حادثة حريق ماتت المراة وتركت طفلين بنت وولد اتكفلهم واحد و المحكمة بحثت عن أي
اثباتات ملكية لكن مالقت شي كانت الفواتير و الواردات كلها تحمل توقيع صاحب الزوج ظل صاحب
الزوج ياخد ارباح المؤسسات والشركات لكن مايبيع ولايتصرف فيهم
هز خليل راسه بملل:سمعت هالحكاية من قبل
ابراهيم:كنت تعرف الحكاية من قبل بس ماكنت تعرف انو هالطفلين همو جمال وديمة وامهم المراة
وصاحب الزوج هوابوك وانا الي اتكفلتهم
تجمدت ملامح خليل من المفاجأة كمل ابراهيم:لكن الاوراق حتظهر وحيرجع للاولاد حقهم انا متاكد
تامل ابراهيم ملامح وجه خليل الي ضاقت وقال:انت تقدر تصلح الوضع سافر الاردن واسال ابوك
هز خليل راسه وهو ينتزع نفسه من الكرسي انتزاع استوقفه ابراهيم وهو يقول:وياخلييل....لو ديمة
عرفت حتفسخ الخطوبه
مدله ملف:هادي بعض الفواتير والاوراق الي قدرنا ننقذها من الحريق ماكانت مهمة للمحكمة لكني اعتقد انها مهمة لك
اخد خليل الملف بيد مرتجفة وخرج .
*****************************
رجع خليل لغرفته جلس على سريره بثقل فتح الملف يتصفح الاوراق سمع الباب يدق
قال بهم:ادخل
فتحت ريم الباب وهي لابسه عبايتها:خليل تودينا المول؟
خليل:سيارتي خربانة
ريم سمعت باب البيت يدق :شكلوا عبود جا بدك تروح معانا
خليل:لا طالع سوبرماركت مندرين
ريم :طيب يمكن ديمة تروح مع حمود وسمية عشان مانكفي في سيارة عبود معاه اغراض
وتركته وطلعت من جناحه وتوجهت مع ندى لسيارة عبود
***************************
ديمة لابسة عبايتها وجالسة تشوف مسلسل بائعة الورد دق جوال ندى الي تركته معاها شافت
المتصل:ريمو
ردت:الو....ايش لون الشال...طيب طيب دحين ادور عليه
سكرت الجوال وقامت تقلب مخدات الكنبة وتدور على شال ندى مالقته طلعت بسرعه الدرجات لغرفة
ندى ودورت فوق السرير وفي ادراج التسريحة ورجعت نزلت الصالة(اووف فين حطت شالها) توجهت
جناح خليل دقت الباب ماسمعت رد فتحت الباب ودخلت الغرفة حركت عدسة عيونها العسلية في ارجاء
الغرفة بسرعه تبحث الشال والقت نظرة عابرةفوق الطاولة الي انتثرت عليها الوراق مسكت ورقة
تطالعها بدون اهتمام بس تيبست نظراتها على المعلومات الموجودة جلست على الارض تقرا الاوراق
باهتمام وعرفت ليش هي مشردة واخوها بعيد عنها بدون عائلة بدون بيت قامت بتثاقل وهي تسمع
صوت سمية وهي تنادي.....
طلعت ديمة من الغرفة :هاه
سمية :يلا....ايش فيكي
ديمة وهي تتلثم وماتبين غير عيونها العسلية الفاتنة:ولاشي ..مشينا
وطلعوا
الفصل 13
رجعوا من المول وبدأت الاستعدادات للسفر ابراهيم وفيصل وابو حمود مع عوائلهم لامريكا وخليل للاردن.
*************************
في الصبـــاح
كان خالد جالس على لابه يلعب قيمزر سمع باب الدار يدق قام ونزل الدرج وهو يقفز درجتين درجتين فتح الباب وابتسم ابتسامة كبيرة مشتاقة وهو يشوف القادم:جمااااااااااااااااااااااااااااااال يالدب
ابتسم جمال وحضن خالد:انت لسه مرجوج
خالد:هههههههههههههه كيفك؟
جمال وهو يدخل الصالة وبيده شايل شنطته الصغيرة:الحمد لله فينهم
خالد:اممم....في الحقيقة صارت مشكلة صغنونة
جمال طالع فيه :مشكلة ...مشكلة ايش
خالد :حاقولك بس امسك اعصابك...اول شي اتعوذ من الشيطان وتاني شي...
قاطعه جمال وبحدة:خالد ايش صاير قلقتني
خالد:االي صار انو...(وبضحكة ) وحشتنا ههههههههههههههههه
جمال:ياالدببببببب فجعتني
خالد:انت جبان وش اسوي
رفعوا عيونهم شافوا سهام نازلة
سهام:جمال انت جيت
قام جمال وسلم على يد وجبين سهام :كيفك يمه
سهام:بخير وانتي ياابني؟
جمال:الحمدلله ماما سهام فين ديمة؟
سهام بارتباك:ديمة راحت تنام عند ندى
جمال بدهشة:وحدها؟
سهام :وايش فيها؟ فيصل ماعندو احد غريب
جمال بحدة:ياسلام وخليل اتصلي عليها اروح اجيبها
سهام: طيب طيب
جمال:رايح بدل تيابي كلميها تتجهز بسرعه
****************************
لبست ديمة عبايتها بسرعه وتركت ملابسها وشنطتها عشان مايشك جمال بشي بعد ماوصتها سهام
سمعت بوري السيارة باست ندى ونزلت بسرعه شافت اخوها يستناها برا السيارة
ركضت الدرجات وهي تحضنه وعيونها دمعت:جمااااااال
حضنها جمال بقوة:ياحبيبتي يااختي وحشتيني
ديمة:وانت اكتر
بعدها جمال عشان يشوف وجهها الي طاح عنه اللثمة كانت منزلة راسها حط يدها تحت ذقنها ورفع لها راسه:يوووه ديمو ليش بتبكي؟
ديمة وهي تمسح دموعها بطرف كمها: اصلك وحشتني
ابتسم جمال بحب:لاتبكي ماعاش مين ينزل دمعة لديومتي..امشي يلا
رفعت ديمة لثمتها وركبت السيارة جنب اخوها والدنيا مو ساايعتها من الفرحة:شو رايك؟
التفت جمال وبابتسامة:بشو؟
ديمة ابتسمت وظهرت اسنانها اللؤلؤية:بماكدونالدز
جمال:لاتنبسطي انتي تنفتح شهيتك بسرعه
ديمة اطلقت ضحكة رقيقة وهي تدير مفتاح الراديو وقالت :اضحك للدنيا تضحكلك
************************
يــــــوم السفــــــــــــر
كانت ديمة جالسة في صالة الانتظار في المطار فاتحة مسنجر من جوال سمية وتكلم خليل الي جالس بعيد شوية مع الرجال
(ابو العز): ديمة
(القمر كله) : نعم
(ابوالعز): في وحدة بدها تحكي معك
(القمر كله): وحده مين هالوحدة
مارد عليها وجمعها محادثة جماعية
(ابو العز):ديمة هي رفيئتي اسمها مرام
(عاشقة الدر البراق..خليل): اهلين ديمة
تشنجت يد ديمة ورفعت عيونها الي دمعت لندى
ندى طالعت في ديمة باستغراب وقامت من كرسيها متوجهة لديمة
سهام:ندى الله يرضى عليكي جيبيلي واحد قهوة
ندى وهي تغير مسارها:طيب
ارسلت ديمة:بخير وانتي
(عاشقة الدر البراق..خليل): منيحة
(ابو العز):هي مرام فلسطينية بغزة
(القمر كله):اهلين فيكي
(عاشقة الدر البراق..خليل): حبيبي خليل انا رايحة شات قلقيلة
(ابو العز):لاتروحي
(عاشقة الدر البراق..خليل):امبلا رايحة تعى هونيك ازا بدك شو بدك من هي حبيبي
(القمر كله):حبيبي؟
(عاشقة الدر البراق ..خليل): أي حبيبي خليل بيحكي معك بس رفيئة بس برأيي انو ماتحتاج هيك رفئات مهيك خليلي
(القمر كله):على اساس انتي حبيبته
(عاشقة الدر البراق..خليل): حبيبي احكيلها شو مكانتها
(ابو العز):مرام حبيبتي وانتي ياديمة متل اختي
(القمر كله):اها .. تتهونوا حبايب بعض ربي يسعدكم.
سكرت ايميلها وقامت ديمة وهي ترتجف من الالم حطت الجوال بيد سمية الي طالعت
فيها:خلصتي؟...ديمة تبكي ايش فيكي؟
ديمة بصوت مبحوح:بروح الحمام
غطت كل وجهها وتوجهت للحمامات
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك