رواية عهدي مع الايام -43
محمد:وينه ريلج هذا خلي ياخذج ويفكنه منج
آلاء:ليش ان شاء الله قاعده على قلبك وانا مادري
محمد وهو يضحك:لا بس الواحد يرتاح من يزوج خواته
ليال ببتسامه:لا حبيبي ماكو فكه منه ...اذا وحده راحت الثانيه بترد
جراح حط الموكا من ايده وهو معصب :انتي وبعدين معاج ....ليش منتي راضيه تفهمين ....سمعي يا بنت الناس اعطيج من الاخر ما راح ترجعين الا بعد ماتحطوني تحت التراب ذاك الوقت ردي بيت ابوج وسوي الي تبين بس طول مافيني روح تنسين هالشي ...وقام وهو معصب ابتعد عنهم شوي وطلع زقارته وبدا يدخن ومبين عليه انه معصب وايد
عم الهدوء على الطاوله لي فتره
محمد وعينه على جراح الي خلص من زقارته و ولع الثانيه:ليول مابتقومين حق ريلج
ليال:....
آلاء:لو ما اكان يحبج جان ما اقل هالكلام
محمد:جراح من متى يدخن
ليال:مادري عنه ..كل الي اعرفه انه يدخن لمن يكون متضايق
محمد:امم مبين ...الان يخلص من زقاره يولع الثانيه
آلاء:ليول جنج زودتيها حبتين
ليال سكتت شوي وبعدها قامت
محمد:الله يهديهم ويجمعهم يارب
آلاء:امين يارب
ليال راحت عند جراح وهيا مو عارفه شنو تقوله لكن ابالها شغله وحده ...تراضيه بأي طريقه على كل الي يسويه فيها وكل الي صار مايهون عيلها زعله مهما ضلت تكابر جدام الكل لكن تضل انثى الي ماتتحمل زعل حبيب قلبها
جراح كان متضايق والو ماوقفت جدامه كان يخزها ووده يذبحها ...ليال اسحبت الزقاره منه وقطتها
ليال:لا تدخن مو زين
جراح رافع حاجبه: االي يسمعج يقول خايفه علي ...وطلع الثانيه وحطها بحلجه عشان يولعها ...بس ايد ليال كانت اسرع منه
جراح بعصبيه:يبيها ...اقولج يبيها
ليال قطها:جراح وبعدين معا كانت تبي تذبح نفسك
جراح وهو متنرفز:اي عشان افكج مني بسرعه
ليال:بعد عمر طويل لاتقول جذي
جراح:مو هذا الي تبينه
ليال:لا ..مو هذا الي ابيه وبعدين لا تنسى ملوكه اهيا بحاجه لك
جراح ابتسم بستهزاء وهو متضايق
ليال:جراح قبل ماتسوي اي شي فكر بناس الي يحبونك
جراح:انا شسويت قاعد ادخن لا اكثر ولا اقل
ليال:اقصد كلامك البايخ ...لا تقول جذي مو زين .....نزلت راسها....جراح انا اسفه مو قصدي اضايقك ...كنت اتغشمر مع حمود
جراح وهو رافع حاجبه:هالسوالف مافيها غشمره ولا تكررينها بعد الاني ماحب اسمع السخافات هذي
ليال ببتسامه:ان شاء الله
جراح:اوعديني انج ماتكررين السالفه هذي
ليال سكتت فتره
جراح بعصبيه: شفتي شفتي انتي ما تبيني وعايفه العيشه معاي
ليال :جراح شفيك انا ماقلت شي ..وتبي الصراحه انا ما اوعدك بشي طول ما غرور على ذمتك ...لا تزعل بس انا وغرور ما نجتمع على شي واحد
جراح:.....
لندن
فواز وعادل كانو طالعين مع بعض بعد ماخلصو شغلهم
فواز:الجو كل ماله ويبرد الله يستر شكلي بحبس اليهال بالبيت
عادل:لا يبا حرام يملون من البيت واذا بتطلعهم خل يلبسون عدل بعدين اليهال مو مثلنا اهما يدفون بسرعه مع اللعب
فواز:لا يبا عيالي بسرعه يمرضون مناعتهم ضعيفه
عادل:الله يعينكم الواحد يالله يشيل عمره بعد يشيل يهال..انا عشان جذي كنت مأجل فكرت الزواج الواحد يالله يعابل بنفسه
فواز:انت وضعك شوي صعب عايش هني واهلك مو معاك يعني لي صار شي وانت مو بالبيت صعبه وايد
عادل:على قولتك....ساعات اقول الحمدالله انكم موجودين على الاقل دانه لاهيه مع اهلك ولا لو كانت بروحها ماعتقد تضل هني اكثر من سبوع
فواز:انزين وانت لي متى بتضل هني ماتفكر ترد الديره
عادل:املا برد بس مو الحين يبيلي بعد جم سنه علما انقل شغلي وفي اسهم ابي ابيعها وبعدها ارد
فواز:اممم...انزين وجراح وطلال شلون على شغلهم هني
عادل:اهما غير الان اساسا شركتهم تأسست بالكويت وهني عندهم افر عاما انا شركتي تأسست هني وصعب بيوم وليله انقل كل شي
فواز:صاج
عادل:وبيني وبينك هني شغل احسن واسرع ...يعني ماتتعطل بتراخيص والاشياء الثانيه ...كل شي بسرعه ..والي يتعلم على الشغل هني صعب يرد هناك بس بعد الكويت مالنا غنات عنها مهما ابتعدنا عنها اتضل اهيا الاساس
فواز:اكيد مهما تحقق انجازات وانت بعيد تحس بنقص كبير
عادل:اي والله....اقرب مثال عندك جراح قعد سنه كامله هني وكان متحمس للمنتجع الي سواه واخر شي داق علي بي يتخلص من كل الاسهم الي عنده
فواز:ليش
عادل:والله مادري عنه جراح صارله فتره متغير وتصرفاته مو طبيعيه مادري شنو بيوصله
فواز تضايق وماعلق على كلامه للكن علق بقلبه(من عارف شيبي اكيد بيحرق قلب اختي اكثر من جذي الله ينتقم منك ياجراح ويحرق قلبك على بنتك مثل منت حارق قلبوبنا على اختنا )
فلا خالد
جناح طلال وجنى
جنى:هلا وغلا هلا بقلبي
طلال:هلا فيج
جنى:من طول الغيبات
طلال:ماعندي غنايم
جنى:ههههههههه بس انا عندي
طلال:جنون اقولج من الحين اذا بتحنين على راسي اهد لج البيت واطلع
جنى بدلع:واهون عليك
طلال :لا طبعا بس انتي بهالفتره صايره حنه مو طبيعيه
جنى ببتسامه:اي شسوي هذا شي مو بيدي
طلال:عيل من بيده
جنى :تعال وانا اقولك ...مسكته من ايده ودخلت الغرفه الي زهبتها للبيبي
طلال بستغراب:شنو هذا ليش صابغه الغرفه وبكيف منو وبعدين شهالخرابيط اليم لزقتهم بالطوفه ...جنون شهالحركات البايخه
جنى وهيا متنرفزه:طلال شفيك الحين انا مستانسه اني صابغه وحاطه اشياء حلوه
طلال يقاطعها :شنو الحلو فيه كله خرابيط شنو ياهال احنه
جنى بعصبيه:لا مو ياهال بس كل هالخرابيط على قولتك للياهل الي ياي بطريج
طلال بستغراب:اي ياهل
جنى ببتسامه تأشر على بطنها:بيبينا
طلال:ليكون حامل
جنى :اي حامل
طلال:جنون بلا غشمره انتي صج صج حامل
جنى ببتسامه:والله حامل
طلال لمها حيل :الف الحمدالله
جنى:طلول انت مستانس
طلال يبعد عنها شوي:اكيد استانس بصير ابو وماتبيني استانس ...وخصوصه انه الياهل منج
جنى :نعم ...اكيد مني لي شانت متزوج علي وانا ما ادري
طلال:ههههههههه ...شكو اتزوج عليج انا الي اقصده انتي متلهف على الياهل اكثر منج وابي يشبهج بكل شي
جنى:بعد عمري انت...ربي لايحرمني منك
دبي
سكني دبي
كانو قاعدين يصورون وهما يلعبون بالثلج
محمد قرب من ليال :ليول ودج اطلعين حرتج ب جراح صح
ليال:شلون يعني مو فاهمه
محمد سوا كره من الثلج :بهذي... وغمز لها
ليال:هههههههههه
جراح كان شوي بعيد عنهم وبيده الكاميره ويصور
ليال:لحظه الحين اخليه يلتفت وانت احذفها عليه
محمد لا انتي الي طقيه فيها طلعي كل الي بقلبج اليوم
ليال:هههههههههه ...اوكي عطني ....وخذت الكره من محمد ...ونادت جراح بدلع وبالاسم الي يحبه ووده يسمعه منها من زمان ...جروحي
جراح التفت عليها وجنه مو مصدق الي يسمعه لكنه تفجا بالكره على صرده
ليال:هههههههههه
جراح ابتسم وحط الكاميره بالجنطه الي لابسها...وقبل مايخلص ...يتله كره ثانيه منها
ليال:هههههههههههه ...وناسه
جراح سواله كله على السريع وحذفها عليها ويت على ويها
وصار طق بالكور كلمن يحذف على الثاني ..كانو يضحكون ويصارخون جنهم يهال ....جراح وقف وضل يشوف ليال الي ميته من الضحك ...كان يشوفها وهو مستانس اليوم شاف ليال الي يبيها اليوم حس انها ملكه بروحه وانه اهو ملكها ...ضحكتها كانت تدخل بقلبه وتحسسه بالقرب منها حسسته بالسعاده والحب الي حرم نفسه منها وكائنه قلبه يقوله
انسى كل الناس خليني احضنك
غمض عيونك وانسى بحضني نفسك
انسى عمرك وانسى عمري
امتزج بيا وصير عطري
ليش وانا وياك احس بالوقت يجري
انسى كل الناس كل الناس
خليني احضنك
هذه اول مره احس كلي عشق آآه
انطيني فرصه اتنفسك خاف اختنق آآه
ويا كانت اتأكدت اني قبلك ماعشت
وعلى كل لحظه بدونك يا حبيبي تندمت
انسى عمرك وانسى عمري
امتزج بيا وصير عطري
ليش وانا وياك احس بالوقت يجري
انسى كل الناس كل الناس
ماحس ابنفسه الا وخطواته صارت تقربه من ليال ما كان حاس بكل الي حوالينا ..ماكان شايف غيرها وما كان يسمع غير صوت ضحكتها ...قرب منها اول ماصارت قريبه منه لمها حيل
جراح بهمس:ياحماره احبج احبج احبج
ليال ارفعت راسها وطاحت عينها بعينه كانت تتأمل عيونه وهو يقولها احبج ...كانت تبي تتأكد من الي تسمعه ومن الي تشوفه ...بس سرعان ماختربت لحظاتهم هذي بكره من آلاء
آلاء:هي انتو مو بالبيت استحو
ليال انحرج ونزلت راسها
جراح :اوريج فيها ...وبسرعه اخذ كره وحذفه على آلاء ...ويت على ويها
ليال:ههههههههه
آلاء:ويعا وتضحكين
وردو يتكافخون بالكور ورد الضحك والصراخ يعلى
بعد ماخلصو من سكني دبي...راحو يتسوقون وهما يتمشون ليال وقفت عند محل دماس اتشوف الذهب الي معروض
ليال:جراح ابي حيول
جراح ببتسامه:حيول ...حيول جم ليول عندي
ليال:لا مو لي ابي حق ملوكه ...عشان اسمع صوت الحيول وهيا تمشي ...واي فديتها والله شتقت لها الخايسه
جراح ببتسامه:اوكي
ودخلو المحل وختارو الحيول الي يبونه حق ملاك
جراح:في حيول حق الكبار
البايع:اكيد في ..عندك تبع نانسي عجرم
جراح:ابي شي يطلع صوت
البايع يبتسم:شوف هذي
جراح يحرك الحيول :اي يطلع صوت ...خلاص ابيه
ليال بتعدت شوي عن جراح كانت تشوف القلوب الصغار شافت قلب صغير معاه خاتم حق ملوكه :جراح ابي هذا عجبني
جراح ببتسامه :ماتبين المحل كله
ليال وهيا تبتسم:لا بس الحيول والقلب
جراح:يبا اتغشمر كل الي عندي حلالج امري بس
ليال ببتسامه:ما يامر عليك عدو ...بس مابي شي ثاني
جراح يكلم البايع:اوكي ابي القلب والحيول الاثنين
ليال تقاطعه :لحظه لحظه ليش ثنين ابي واحد بس
جراح:الثاني لج عشان اعرف وين تروحين من صوت حيولج
ليال:هههههه
جراح:يالله ماتبين شي ثاني بعد
ليال:ابيك سالم
جراح ابتسم ولتفت على البايع:شوف جم حسابنا
عند آلاء ومحمد
بعد مالاحظو الانسجام الي صار بين ليال وجراح انسحبو وراحو يتمشون بالمجمع بروحهم
آلاء :حمود انا مستانسه وايد وايد
محمد :شي طبيعي بتستانسين كل شي شفتيه شريتيه ...ماخليتي شي بسوق
آلاء:يعني مسفرني عشان تمشيني بس
محمد:شنو مسفرني سيلانيه انتي
آلاء بعصبيه:انا سيلانيه
محمد:ادري عنج ..مسفرني ...المهم خلصيني ليش مستانسه
آلاء:الاني شفت الابتسامه على ويه ليال ...بعد عمري من متى ماضحكت جذي ...حمود مشكور على كل شي
محمد:تشكريني على شوفتكم مستانسين ...انا المفروض اعتذر منكم الاني مقصر بحقكم وايد
آلاء:حمود تتوقع جراح يحب ليال
محمد ببتسامه:بعد الي شفته اقدر اقولج كل شي بيرجع طبيعي
آلاء:واااي وناسااااا يارب يارب يطلق غرور بسرعه عشان يرتاحون
محمد:لو كنت ادريي انه السفره هذي بتجمعهم جان سويتها من زمان ..شكلهم كانو محتاجين انهم يكونون بعاد عن الكل عشان يتفاهمون
عند جراح وليال
كانو واقفين قبال محل العاب ويتناجرون على بيت صغير ليال كانت تبيه وجراح مو راضي ياخذه
ليال:جراح بلا مصاخه ...خو ماتبي تشيله على ظهرك بتحطه بالشحن
جراح:يابنت الحلال هذا في منه بالكويت باجر باجر اروح اخذه لها
ليال:حرام والله بتستانس اذا شافته
جراح:كافي عليها الحيول والقلب
ليال:بالله شفهمها بهالاشياء اهيا تبي شي تلعب فيه
جراح:يبا باجر اروح اخذ لها شفيج انتي ...ومسك ايدها...يالله امشي لا تضيعين الوقت
ليال:مابي ابيه
جراح:سوال البيت حق ملاك ولا حقج الي ذابحتنه فيه
ليال:لا تزعل البيت لنا اثنينه
جراح:خلاص بابا باجر اروح اشتري لج بس لاتبجين امشي الحين ... وسحبها
ليال:اووف مايخلون الواحد يستانس بشي
جراح ابتسم :الا تعالي وين اخوج
ليال:ما ادري ..توهم كانو معانا
جراح :والله اخوج عنده ذوق قال اخلي الريال ومرته بروحهم ياخذون راحتهم
ليال بنفسيه: اي يجوز
جراح ببتسامه :ابتسمي ياسخيفه وضغط على خشمها
ليال ببتسامه :بس عاد...ازين دق عليهم شوف وينهم انا يوعانه حدي
جراح:اوووف يتي على الجرح انا بعد حدي يوعان
ليال:انزين دق عليهم
جراح:خنشوف لنا مطعم بعدين ادق عليهم...تبين هني ولا بره
ليال:لا هني ...ابي جليز
جراح ببتسامه :صار ...وراحو جليز ودقو على محمد وآلاء ..وبعد فتره وصلو محمد والاء وبيدهم جياس وايد
ليال:او الله كل هذا شارينه ...متى مداكم تشترون كل هذا
محمد:سألي الاخت الي ماخلت محل الا ودخلت له وشرت منه ...الحين لازم اروح اشتري لها جنطه حق اغراضا
آلاء:والله انا مسافره عشان اشتري
جراح:الله يهداج شاريه السوق كله
ليال:وانا شريتيلي
آلاء:وانا شكو فيج هذا السوق جدامج من ماسكج اشتري الي تبينه
ليال:صج خاينه
جراح:ولا يهمج الحين نروح نشتري السوق كله
محمد:انتو شترو واحنه نشيل من وراكم ..حشى حماليه
آلاء:واي فديت فواز لمن اسافر معاه ماينطق بحرف ولا يتمنن علي مو انت كل مادخلت محل ناشبني نشبه
جراح:ذكرتيني ب بشغله لازم اسويها ...اساعه جم طيارتكم
محمد:طيارتنا ...شنو انت منت راد معانه
جراح:لا بروح لندن عندي شغله لازم اخلصها
ليال تضايقت وايد كانت مستانسه وماتبي اليوم يخلص وترد
جراح:ليول اشرايج اتين معاي
ليال:ما اقدر يوم السبت عندي اختبار
جراح:اي عادي خل يأجلونه ...ما راح اطول بس اوصل لندن اوقع على اوراق وبرد بنفس اليوم
ليال:لا صعب ...خلها مره ثانيه
محمد:ومتى بتروح
جراح:لمن انروح المطار بشوف متى طيارت لندن
محمد:اها يعني احتمال تبات هني
جراح:احتمال ابات ....المشكله مو حاسب حسابي على هالشي
ليال:دام جذي ارجع معانه وبعدين روح لندن
جراح:واتين معاي
ليال:عندي متحانات وفاينل ما يتأجل
جراح:دام جذي من نخلص اكل بروح اخذي لي جم شغله ..ومنه تشترين السوق مثل اختج
محمد:اي وكله على افاي انا الي بشيل
جراح:هههههههه ...الله يعافي الشحن
محمد:وبالمطار
جراح:يب لك حمالي يشيل الاغراض ليش تستصعب الامور
آلاء:اي والله خوش فكره يالله اكلو بسرعه بروح اشتري بعد
محمد:قمي زين انتي في شي ما شريتيه
آلاء:اي ابي عطورات وابي صبغ اضافر وابي مكياج
بعد ماخلصو من الاكل وقامو ردو افترقو مره ثانيه جراح وليال دخلو محل بربري ..اخذ له حزام وليال خذت حزام وجوتي وبعدها دخلو محل ثاني وخذو لهم جم بدي وجم بلوفر وجراح اخذ له جاكيت ثقيل وليال خذت كل شي ينقصها منعطورات وملابس وكياج ماخلت شي ..وبعدها راحو شرو لهم جناط ووقفو بالمحل يحطون اغراضهم بالجناط وهما ميتين من الضحك
جراح:والله بحياتي مافكرت اسوي جذي طول عمري ..بس تبين الصراحه احساس عجيب
ليال: اكيد ..لالنك اول مو متعود على الخبال الزايد كل شي تحسب له الف حساب
جراح:والله الخبال معاج متعه شي ثاني
ليال كانت بقمت السعاده معاه الانها حست انه جراح ملكها بروحها وهذا الي خلاها تنسجم معاه لكن مسرع ماتبدل الفرح لي حزن تبدل من رن تليفون جراح ومن شاف الرقم واشر لها انها تسكت عرفت انه الي داقه عليه غرور وهذا الي ضايقها اكثر الان مايبيها تعرف انه جراح معاه ...رد الحزن لي قلبها الي بعده ماتهنى بالفرح
جراح:خير بغيتي شي
غرور:جراح لازم ترجع بسرعه
جراح:ليش بعد
غرور:انا طايحه بمصيبه ..جراح ولي سلمج حبيبي هد كل الي بيدك وتعال
جراح:اجلي كل شي لين ارجع انا مشغول حدي ومو فاضي حق شي
غرور تبجي:الحين الشغل اهم مني اقو لانا طايحه بمصيبه تفهم شنو يعني مصيبه
جراح:اوووف ...غرور ترى جد مو فاضي لج ..وحلي مشاكلج بنفسج انا يدوب اخلص شغلي
غرور:جراح حرام عليك انت حتى ماسألتني شفيني وشنو المصيبه
جراح يقاطعها:غرور انتي ماتفهمين انا وين وانتي وين ...روحي حلي مشاكلج بعيد عني انا عندي شغل لي الراس وما ادري متى بخلص شغلي
غرور:اشره مو عليك اشره علي انا الي داقه عليه ...هين ياجراح والله اوريك
جراح بعصبيه:والله لعلمج ياخره انا تكلميني جذي ...وقبل مايكمل كلامه غرور صكرة التلفون بويه جراح ...الحقيره صكته بويهي هين ياغرور
ليال وهيا معصبه:تستاهل محد قالك رد عليها ...وهدته ومشت
جراح بعصبيه :شفيها هذي بعد...صج حريم بسرعه يقلبون ...وراح وراها
ليال شافت محمد وآلاء طالعين من محل ..وراحت لهم
محمد:ها خلصتو
ليال:اي خلصنا يالله نمشي
محمد لاحظ الضيق على ويها:ليال شفيج
ليال:مافيني شي
آلاء:وين جراح
ليال:من يخلص اي
محمد:كاهو وراج ...ها جراح خالصين
جراح:اي خالصين...ويكلم ليال:شفيج انحشتي
ليال وعينها على محمد:يالله نمشي تعبت من الفراره
محمد:يالله
وطلعو من المجمع وتوجهم لي المطار ...بطريج جراح حط س يدي كان موجود بالسياره الي مأجرينا وكانت الاغاني منوعه ومن بين الاغاني هذي كانت اغنيه
عبدالرحمن الحريبي (تصدق يابحر )
آلاء:جراح طول طول
جراح :اوكي ...وطول على الغنيه
الغنيه هذا كانت تعبر عن كل شي تمر فيه ليال بهالحظه كانت لافه ويها وعينها على السيارت وقلبها ينزف من شدت الالم ...ومن بدت الغنيه زاد الم ليال وهيا تسمعها
تصدق يابحر انك تشابه بالعطا قلبي
وتصدق يابحر انك تشابه بالغدر حبي
تشابه منهو حبيته وبديته على نفسي
هذاك اللي توقعته ينور بالوفا دربي
أجيه وشايل همي ادور عنده الراحه
تخيل لما يلمحني تجيني تركض جراحه
واذا صديت ناداني واذا أقبلت خلاني
واذا قلبي نوى الفرقا يعشم قلبي بأفراحه
أبعرف يابحر ذنبي ويش اللي بعمري سويته
أنا ما اذكر اني بيوم جرحت انسان وبكيته
جروحي ليه علمني عشان اني على النيه
تعبت قلبي وتعبني ياليت يقسى ياليته
أبسكت يابحر وامشي واخلي ضيقتي فيني
ابسكت وابتعد عنك وأدور من يواسيني
تصدق يابحر اني توقعتك تشيل هموم
ولكن انصدمت انك غرقت بدمعه من عيني
محد كان حاس فيها ولا بالدموع الي تنزل على خدها كانت تبجي بدون صوت لكن مسرع مانكشف امرها بشهقه قويه تطلع منها
آلاء الي كانت قاعده يمها حطت ايدها على ظهرها وبصدمه:ليال
ماقدرت تتحمل اكثر ماقدرت تحبس الم والقهر الي فيها ...غطت ويها ابأيدها وبدت تبجي بجنون
جراح ومحمد انصدمو من بجيها ...جراح حرك المنظره الي بنص صوبها عشان يشوفها ..ومن شافها دمعت عينه وسك السكان بقوه وزاد بسرعته
محمد بضيق:ليول ليش تبجين ...توج مستانسه ...ليول حببتي اذا ما تبين تردين انمدد بعد ولا تبجين جذي
ليال وهيا تبجي:تعبانه ..تعبانه وايد..ابي ارتاح ...وردت تغطي ويها وتبجي وبقلبها(يارب اموت عشان ارتاح حمود قلبي محترق ..قلبي يعورني مو قادره اتحمل قربه مني مو قادره اتخيل انه بيرجع لها ويتركني ...احبه ومو قادره اكمل معاه قلبي ينزف من القهر ..قلبي موقادر يتحمل اكثر من جذي والله مو قادره )
كانت تزيد بالبجي وصوتها يعلها وهيا تصرخ بأه ...جراح ماقدر يسمعها ويضل جذي وقف السياره ونزل ...وبطل باب ليال ومسك ايدها وحاول ينزها وهيا مو راضيه ....سحبها بقوه ونزلت معاه وقبل مايسكر باب السياره
جراح بضيق:محمد اسبقنى على المطار ...وصك الباب
محمد نزل وقعد مكان جراح وحرك السياره
اما ليال كانت دموعها حاره ماتقل عن حرارة قلبها
جراح مسك ايدها ومشى لين الكراسي الي قبال البحر ..قعدها وقعد قبالها :ليولتي حياتي
ليال قاطعته بصراخ وهيا تبجي:كافي جذب كافي ..لي متى بجذب لي متى جراح انا تعبت منك ومن جذبك ارحم حالي ...ارحم قلبي الي طعنته بيدك ارحلم قلبي الي ينزف باليوم الف مره بسبتك ..حرام عليك انا بشر ماني حجر
جراح:ليال ليش كل هالكلام الحين احنه مو اتفقنا انج تعطيني فرصه
ليال وهيا تبجي:اعطيك فرصه على شنو ...انت اتجذب الجذبه وتصدقها ..انت مو قادر تتخلى ...فهمني شلون بطلقها دامك مو قادر حتى تجرح مشاعرها ..انت خفت عليها لا تتضايق اذا عرفت اني معاك ...ماحسبت حساب حق مشاعري وبكل بساطه تقولي ابي فرصه..على شنو جراح انت يوم بعد يوم تخليني اكرهك اكثر واكثر
جراح بصدمه:تكرهيني
ليال:اي اكرهك واكره كل شي فيك...اكره عينك الي تشوفها ..واكره ايدك الي تلمسها ...اكره صوتك وانت تكلمها وتقولها احبج ...اكره كل شي فيك ..تفهم كل شي اكره فيك الانه لها مو لي انت لها اهيا مو لي انا ..انت ماتحبني ...لكن تعشقها لي درجت انك تخاف حتى على مشاعرها اما انا مو مهم اتخلي قلبي ينزف اكثر مو مهم تكبر الجرح الي بقلبي اكثر مو مهم تخلي المسافه الي بينه اكبرمو مهم اني اضل مستانسه بسفرتي لي اخر لحظه ..المهم انه المدام غرور ماتزعل او تتكدر
جراح بضيق:ليول ممكن تسمعيني
ليال:مابي اسمع شي ...ما ابيك تفهم ما ابيك ..مو قادره اتحمل قربك ابسسبها مو قادره اشيل اسمك بسسبها جراح ولي يرحم والدينك وغلات ملاك عندك خلي بحالي لاتعذبني اكثر من العذاب الي انا فيه ...والله تعبت والله تعبت
جراح بضيق:ليول انا تعبان اكثر منج والله يشهد علي ...انا ما قلت لها الان ما ابيها تعرف اني بروح لندن مو خوف على مشاعرها ...ليول ليش تفكرين بالاشياء الموزينه الي بينه ليش ماتتذكرين اول زواجنه وشلون كنا ليش ماتتذكرين الاشياء الي تجمعنا م والي تفرقنا
ليال وهيا تبجي:مابي شي يجمعني فيك ما ابيك تفهم شنو ما ابيك ...اكرهك واكره كل شي فيك الان يذكرني فيها ...انت سببت لي عذاب ماينتهي الا بموتي
جراح يحط ايده على شفايفها عشان لاتكمل:لاتقولين جذي يعل يومي قبل يومج ....وبصوت مبحوح...ليول لاتقولين جذي
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك