رواية وجهك مو بوجه نعمة -3
براسه للبنات وجلس على الطاولة.
ابراهيم: كيفك يابني؟ وكيف الشغل؟
فارس :الحمد لله يبه كلو تمام
فيصل: خلي الولد يتغدى وتتكلموا بعدين انت تكلمه وهو عيونه بالصحن .
تعالت الضحكات بمرح
طالع فارس في ندى شافها كبرانة وحليانه التقت عيونهم فارس ابتسم بشوق وندى نزلت عيونها لصحنها بارتباك فارس ابتسم واكل بشهية
************************
وصلو خليل وديمة للبيت نزلت ديمة وقفت شويه جنب الباب مترددة وخايفة
خليل حط السيارة في الكراج ورجع شاف ديمة لسه واقفة جنب الباب
خليل سألها: شوبكي مادخلتي؟
ديمة قالت:بطلب امنية
خليل ضحك:شو طلبتي؟
سكتت ديمة شوية ودمعت عيونها وهي تقول :اتمنى يكون عندي بيت محد يطردني منه ولا اضطر اخرج للشارع .
خليل قرب منها وحط يده على ظهرها :قريب ان شاالله
دق خليل الجرس سمع صوت زيزي وهي جاية تسب خالد ضحكوا خليل وديمة عليهم
زيزي فتحت الباب وبصوت عالي: ديييوووم
وحضنتها بقووة.
ندى وشوق وسمية سمعوا اسم ديمة ركضوا للباب وحضنوها
محمد جا وهو يضحك:هي انتي وياها ادخلو البيت على الاقل.
سلمت ديمة عليهم وحضنتها سهام وابراهيم حاسس بتانيب ضمير وقالها:سامحيني يابنيتي
زيزي:اخر عمرنا نطلب منها السماح
منى: زيزي مو وقتك
ريم:خلوها تاكل شي بعدين كملو احضانكم
زيزي:إلا الطلحة هداك فينه؟
خليل وهو مكشر:جاي في الطريق.
طلعوا البنات على الغرفة وسمية جابت الغدا لديمة
ديمة رمت عبايتها في الارض وانسدحت على السرير بتعب جات ندى وجلست جنبها:كيفك؟
ديمة ابتسمت:زي كيفك
ندى تغمزلها:ايش دراكي بكيفي؟
ديمة:انا وانتي واحد
ندى:هههههههه
جات شوق جلست جنبهم :ايوة شو صار؟
ديمة اعتدلت جالسه وقالت:واحد صفق والتاني طار.
تدخلت ريم:ندري بس المهم مين الي صفق ومين اللي طار.
اعطتها منى نظرة: ياثقل دمك.
ريم:من خفة دمك عاد.
جات سمية: ياسلام انا الشغالة يعني
وحطت الصينية على الطاولة وقالت: يلا مدام ديمة تفضلي.
ديمة ابتسمت:تسلمي شبعانه
كلهم صرخو بصوت واحد
ديمة حطت يدها على ادنها:وجع حشى مو بنات
ضحكوا وسحبت ندى ديمة من يدها: لازم تاكلي عشان تصيرين دبة وانا اكون رشيقة
ريم:ياحبك للنذالة
ضحكوا وجلسوا يسولفوا مع ديمة وهي تاكل.
**************************
في الليل استعدوا ريم وندى عشان يروحوا بيتهم واخدوا ديمة معاهم
*****************************
شوق:اوف من غير ديمة طفش
سمية:أي والله
منى :ايش رأيكم؟
زيزي: بدات الافكار الطلحاوية
منى:انقلعي
زيزي:اسمها انطلحي
منى:طيب طلحة تطلحك
زيزي:خلي السبات لاصحابها
سمية طفشت من مهاوشاتهم: يووه المهم وش راينا بإيش؟
منى:ناخد شاليه بكرا
زيزي:ياهو انتي شاليه وامتحانات
منى:ياشيخة من كتر فلاحتك.
سمية:طيب الاحسن نخلي الشاليه بعد تلات ايام نكون خلصنا امتحانات ونطلع بكرا المولات مع العيال.
وهمو يتكلموا دخلت سهام:يابنات ابو حمود وزوجته جايين بكرا رجع ولدهم وجايين يزورونا.
زيزي:ياقلبي اموت انا على لم الشمل
منى:طسي انتي ووجهك
زيزي:هالمرة بعديها لكي
والتفتت لسهام وقالت:إلا ماما سهام وش رايك بكرا نطلع المولات خلي واحد من العيال يطلعنا
والعواجيز اقصد ابراهيم وفيصل وابو حمود وزوجته وانتي استريحوا في البيت
سهام ضحكت على خبال زيزي
ومنى تنهرها:ياقليلة الادب
شوق:ايش طول لسان هالبنت
سهام:طيب يا شابة يجي بكرا ويصير خير الحين قوموا اتعشوا وناموا
دخلوا البنات المطبخ يحضرون العشا دق الجرس راحت زيزي فتحت الباب وشافت فارس وعبود وخالد ومحمد توهم جايين من برا .
زيزي:فين كنتو صايعين؟
خالد:في غرفة بالفندق
زيزي:وليش تاخدوا غرفة بالفندق وعندكم غرفة بالبيت؟
خالد:عشان مانقدر نجيب بنات عالبيت
زيزي كشرت:ياقليل الادب
خالد يتطنز:من كثر ادبك يعني متى نقص لسانك؟
زيزي:بعد مااقص رقبتك.
فارس وعبود ومحمد ضحكوا
جات سهام :زيزي قولي لاخواتك يحطوا العشا انا وابراهيم ماودنا ناكل حنطلع ننام تصبحوا على خير.
محمد:وانتي من اهله
فارس:وانتي من اهل الخير
عبود توجه لغرفة الطعام الكبيرة:يلااا فين الاكل جوعانين
جات منى وهي شايلة الصحون والملاعق:جوعانين ولا فجعانين
جلسوا على الطاولة عبود اولهم وجلس محمد جنبه وقال لمنى:منى الله يخليك سويلي عصير
منى:شوف تمشي سيده كدا وتاخد اول لفه يمين قدامك ثلاجة المويا وجنبه السكر والعصير
عبود:احلى ياخطيرة
شوق:منى وجع قومي سوي انتي
منى وهي قايمة حاضر مدام وانتي خليكي مرتاحة وكلي مدري مين بيسوي رجيم
خالد يستهبل:اجل شوقه بتسوي رجيم على جية جمالوه
شوق حمر وجهها زيزي بنص عين:احترم نفسك
خالد:طيب لاتاكليني
زيزي:ليش قالولك عاوزة اتسمم
محمد:هههههه الله يرجكم قولوا بسم الله وكلوا وانتو ساكتين
جابت منى العصير ودق جرس الباب
زيزي:خالد قوم شوف الباب
خالد مسك صحنه وباستهبال:والله ما اترك صحني جنبك
زيزي:خده معك
قام خالد وشال صحنه معه والكل يضحك
محمد:بطل غباء اترك صحنك وروح شوف
خالد حط الصحن وراح يشوف,
والكل يضحك عليه
خالد فتح الباب واتسمرت نظراته على القادم
ترك خالد الباب ورجع دخل الغرفة وجلس على الطاولة وراحت الضحكات من وجهه
محمد:مين جا؟
الفصل 8
جلس خالد على الطاولة بدون مايطالع في احد
محمد سأله وهو مستغرب من تقلب حالته:مين اللي جا؟؟
إلا ويشوفوا معاذ يدخل الغرفة الكل طالع في معاذ
معاذ ارتبك من نظراتهم وطالع الارض
مرت عليهم لحظات حسوها ساعات واخيرا قطع محمد حبل الصمت:تعال اتعشى
معاذ:بالعافية انا شبعان
وطلع لغرفته وهو طالع الدرجات رفع راسه واصطدمت عيونه بعيون سهام الي كانت نازلة للعيال تقولهم يوطوا اصواتهم
دمعت عيون سهام وحضنت معاذ وقالت من بين دموعها:كدا تسوي فيني يابني؟
معاذ باسف:مو قصدي يمه
مسحت سهام دموعها وابتعدت عنه وهي تتامل وجهه الوسيم والهموم خطت عليه خطوطها وقالت بحزن:ياابني الزواج قسمة ونصيب الله يهديك ياوليدي روح ارتاح ونام
معاذ :تصبحي على خير يمه
طلع درجتين ورجع التفت لامه شافها تطالعه ارتبك:هي امم.....
سهام وهي فاهمه قصده:لاراحت تنام مع بنات فيصل
هز معاذ راسه بيأس وتوجه لغرفته.
نزلت سهام ودخلت غرفة الاكل:يوووه منكم صوتكم مزعج زي الاطفال قوموا يلا غسلوا وناموا
قاموا وهمو يضحكوا وعبود قرع العصير بسرعه وخالد مسح صحنه بالعيش وهو واقف وشوق وسمية وزيزي ومنى يرفعوا الاكل
خالد مسح يده بمنديل وهو طالع سهام وقفته:فين ان شا الله؟
خالد :اغسل وانام
سهام:ده كان بعدك اكلت معهم شيل معهم
خالد بضيق يمه هم مايطلعوا الشارع يشتغلوا
سهام وهي خارجة من الغرفة:لاتجادل بلاش اعاقبك تغسل الحمام زي الاسبوع الي فات
زيزي :ههههههههههههههههه
هداك اليوم كان تووحفه
شالوا الصحون ورفعوا الطاولة وهمو يضحكوا ويتريقوا على بعض ورفعو البنات المطبخ وطلعوا غرفهم يناموا.
*****************************
ديمة ظلت سهرانة للفجر تذاكر وبعد ماصلت الفجر جلست تقرأ كتاب صور وخواطر للطنطاوي لشروق الشمس
بعدها قامت غسلت وفرشت اسنانها ولبست ورفعت شعرها كذيل الحصان ونزلت خصلة على عيونها
ولبست عبايتها ونزلت لقت ندى جاهزة وجالسة هي وريم وخليل يفطروا جلست ديمة جنب ندى ومارضيت تاكل شي
خلصوا فطور بسرعه وخليل وصلهم مدارسهم.
ووصل ريم معهدها وعبود وصل سمية وزيزي مدارسهم ومنى وشوق معهدهم الي مع ريم
وفي الظهر الكل رجع لبيته
اتصلت ريم على سهام وقالتلهم يجوا على الغدا
بس ريم اعتذرت لانو ابوها وخليل في الشغل وندى عندها اختبار صعب
كانت ندى جالسة على السرير وتتكلم بالاب توب مع فارس
دخلت ديمة وجلست جنبها على السرير:كيف كان اختبارك؟
ندى قالت لفارس باي وسكرت ايميلها وهي تلتفت لديمة وتبتسم:زي اختبارك
ديمة:هع وشو دراكي باختباري؟
ندى وهي تغمز بدلع:انا وانتي واحد
ديمة وندى مع بعض وبمرح:ههههههههههههه
دخلت ريم الغرفة:ديومه سهام وشوق وسمية يسلموا عليكي
ديمة :الله يسمنهم...او بس اقصد الله يسلمهم
ريم:ههههههههههههههههه
ندى:ايش حنتغدى؟
ريم:ولاشي سوي رجيم
ندى بنص عين:والله الي مو عاجبه شكلي لايطالع عليا
ريم وهي تضحك:عظم الله اجرك يافارس
ديمة قامت:رايحة اذاكر بكرا عندي اختبار تشيميستري فيري ديفيكلت
ندى:هع اوكيشن قود باي
****************************
في دار ابراهيم جا ابوحمود وزوجته وابنه جلسوا الرجال مع بعض والحريم مع بعض وطلع حمود مع الشباب.
بعد مااتغدوا واتقهوا جلست سهام وام حمود يسولفوا
ام حمود:والله عندي موضوع ودي افاتحك فيه
سهام:وش عندك حبيبتي اتفضلي احنا مابينا
ام حمود:والله ودنا نزيد منكم قرب
سهام ابتسمت:والله قربكم خير وبركة.
ام حمود:تسلمين خيتي والله السالفة...
الفصل 9
راحوا عيلة ابو حمود سهام فاتحت زوجها بالموضوع
سهام:هاه ويش قلت؟
ابراهيم:والله انهم ناس طيبين وقربهم خير
سهام:وانا قلت كده
ابراهيم:الشور شور البنت بس مو مستعجلين
سهام:حيسافر مكة عشان شغله واكيد بياخدها معه
ابراهيم:اجل نتوكل على الله
هزت سهام راسها وطلعت غرفة البنات.
**********************
كانت ديمة اكتر يومها حزينة تشتاق لاخوها وتتمنى لو لم تحرم من نعمة الوالدين
كان الشي الوحيد الي يسعدها هو التفكير في خليل فقط التفكير اما الاختلاط معه وتكلمه ماكانت تتمناه وكانت تهرب منه كان خليل قاسي وجاف معها اكتر الاحيان كانت هادي طباعه وديمة حساسة ورقيقة تتأثر بسرعه ففضلت انها تبقى بعيده عنه تستمتع بقربه من بعيد
ظاهريا تبتعد عنه لكنها داخليا ماتتوقف عن التفكير فيه
كانت تكره هاد الخوف والتردد الي يموج داخلها منه حاولت كتير انها تكون جريئة وتبينله مشاعرها بس فشلت.
كانت لمن تشوفه او تسمع صوته تصاب بالبكم
اما بالمسنجر كانت تتكلم وتمزح وتضحك وتفلها معه
كل ليلة كانت تفكر فيه وبمجرد وسوسة تجيها انو ممكن يتركها او يحب غيرها كانت تبكي وتتألم
ماعمرها كلمت او حبت غيره وهي متاكده انها ماحتنساه او تحب غيره
بالرغم من اخلاقه وعصبيته وجرحه لها إلا انها ماكانت تكرهه كانت دايما تجد له عذر
*****************************
سهام اخدت رأي سمية في خطوبتها من حمود
سمية ابتسمت بخجل وسكتت وزيزي تقطع فيها
انتشر الخبر بسرعه وجات ديمة حضنتها وبفرحة:مبروووك
سمية:الله يبارك فيكي وعقبالـ.....
ديمة حطت يدها بسرعه على فم سمية وسكتتها:بعيد الشر عني
ضحكوا البنات عليها
زيزي تغمز:بعيد الشر هاه وخليل؟
ديمة :خليل مستحيل هو مابيفكر بهيك شي خليل بدو عشر نسوان
ندى:مالت عليه
ريم:خليه يلقط
شوق:هوا الخسران
زيزي:طيب عقبالك انتي ومحمد
الكل ضحك ديمة باستغراب:ويش جاب طاريه؟
هزت زيزي كتفها:الاخ صايرة عيونه تزوغ كتير
منى:مااعتقد محمد كفاية عليه كيونته الي يكلمها بالمسن
زيزي:يقول كيونته تشبه ديومتنا
ديمة بلعت ريقها بارتباك غيرت الموضوع بسرعه وكانت فنانة في تغيير المواضيع
حطت يدها على خصرهاوقالت:والله عقبالك انتي يا وحطبة وخالدك عشان اقوله عظم الله اجره
زيزي:لاقوليلي انا لانو هوا الي حيموت
ضحكوا كلهم
***********************
فارس اتصل على جوال ندى كم مرة
اخيرا ردت عليه
فارس بشوق:اهلين حبيبتي
ندى:فارس خلاص ماابغى نتكلم مع بعض
فارس:ليش؟
ندى:اهلنا واثقين فينا ومااقدر اهز ثقتهم
فارس:بس انا احبك
سكتت ندى شوية وقالت:الي يحب يجي من الباب مو من الشباك
وسكرت
حس فارس يتأنيب ضمير وانو من جد زودها
اول كان يكلمها زي ما يكلم بقية البنات كانهم اخواته لكن في الفترة الاخير زودها مررة وندى اهم شي عندها كرامتها وشرفها
فاتح سهام بالموضوع وسهام كلمت ابراهيم الي كلم صاحبه فيصل وطلب منه القرب
***********************
فيصل رجع من شغله دخل غرفة المكتب ودق الجرس جات ريم عند ابوها تشوفه ايش يبغى كلمها فيصل وقلها تفهم اختها بهدوء وبمقدمات هزت ريم راسها وطلعت من غرفة المكتب ركض وهي تقفز فوق الدرجات لين وصلت غرفة ندى فتحت الباب بقوة
شافت ندى وريم منسدحين فوق السرير يتكلموا ويضحكوا ريم صرخت بصوت
عالي:ندوووووووووووووووش قومي لمي عفشك بسرعه فارس خطبك
ندى وديمة اعتدلوا جالسين ويطالعوا ورا ريم برهبة وخوف
إلا وريم تسمع وراها :هادا بهدوؤء ومقدمات
التفتت ريم بسرعه وشافت ابوها قدامها
اتسمرت من الخوف
ضحك فيصل وضحكوا ريم وندى وديمة.
*************************
كانوا البنات والشباب يباركوا لفارس
محمد:مبروك يافارس
فارس:عقبالك يامحمد
محمد تذكر حبيبته كيان الي يكلمها في المسنجر وهمس:امين من الي في بالي
كان خالد قريب منه وسمعه:مين الي في بالك؟
محمد:ايش تقول انت؟مين الي في بالي؟محد في بالي
خالد يتطنز:مسوي علينا عاقل وكبير اااخ ياما تحت السواهي دواهي اجل طلعت في وحده في بالك هاه؟
محمد:مافي بالي غيرك
خالد يغمز:علينا؟؟؟
خالد بصوت عالي:اسمعوا اسمعوووووا
محمد:الله يفضحك اخرس
الكل طالع في خالد الي قال وهو يضحك:محمد في وحده بباله
شوق:ياساتر
زيزي:اهم شي ماتكون وحده من بيننا
عبود:وععع اخدين في نفسكم مقلب دا الي ياخد وحده منكم شهيد
محمد:هي انت تراك تتكلم عن اخواتنا
منى:لو تلف الارض ماتلاقي متلنا
خالد :شكرا حاجلس مكاني اخاف اكون منحوس الحظ والاقي متلكم
الكل ضحك
*************************
انتهت الامتحانات وبدأت الاجازة
اتفقو عائلة ابراهيم وعائلة فيصل وعائلة ابو حمود يسافرون برا في هالاجازة ويروحون نيويورك بالطيارة
وبدات الاستعدادات للسفر
جلسو فيصل وندى وريم وديمة يتعشوا
دق الباب وجا جليل
فيصل:حماتك تحبك تعال اتعشى معنا
خليل سلم وحط جواله ومفاتيح سيارته على الطاولة:دقايق عم فيصل بروح اغسل وجهي ويدي
وراح
ندى وريم كانو ياكلو ويتكلمو عن الشهادات يلي رح يستلموها بكرا ومرررررة خايفين
ريم تطالع التلفزيون وتاكل
شوية ويدق جوال خليل ريم كانت اقرب وحدة شافت المتصل :واي هادي هديل
ديمة:هديل ردي ردي بسرعه
ندى:من زمان عليها
فيصل:بطلي لقافه الحين خليل يجي يرد
ريم :يوووه استناه عااد
وضغطت زر الاتصال:اهليييين هدوول كيفك قلبو؟
تغيرت علامات الفرح يلي كانت على وجه ريم
الفصل 10
تغيرت علامات الفرح يلي كانت على وجه ريم
وحل محلها خووف ورعب:ايش فيكي؟طيب طيب الحين بناديه
وبعدت السماعه عن اذنها وقالت بصووت عالي:خليل خليل
فيصل باستغراب:ايش صاير؟
ريم تأشر لابوها يستنى وتعطي الجوال لخليل الي جا بسرعه
خليل:الو كيفك هديل
وابتعد عنهم
ريم جلست بحزن ورفعت عيونها لابوها:هديل تقــ...
سكتت على رجعة خليل الي جلس وعلى وجهه علامات الضيق:بابا تعبان بالمستشفى
فيصل برعب:خيير شو في؟
خليل وهو يزفر بضيق:نوبة قلبية
لازم اسافر ضروري على الاردن بكرا
فيصل:اللله يشفيه اقعد انت ريم اتصلي على شركة الطيران
قامت ريم وتوجهت للتليفون الموضوع في الصاله
وخيم الصمت على طاولة الطعام ديمة تطالع خليل بحزن والم مع انها ماتعرف ابوه ولاشافته بالعكس كانت تحس بالكره لانه نصب على امها
جات ريم وقطعت الصمت:مفيش رحلات إلا الجمعة الجاية
خليل بنرفزة:لاكتتييير لازم اسافر قبل
فيصل:انت هديلي حالك وانا بكلم ابراهيم ابنه معاذ له صلات كتيرة بالمطار
خليل كشر:مابدي شي من هداك الواطي
فيصل:لا يا خليل حط الاهم فالمهم هلقيت ابوك اهم من عداوتك انت ومعاذ
اتصل فيصل على ابراهيم: الو اهلييين كيفك علومك ياابو الشباب بس كنت بدي اسالك اذا في امكانية
تحجزلي على الاردن باقرب وقت او تشوفلي احد يقدر ضروري مررره ابو خليل بالمستشفى....
الله يسلمك....اي أي....طيب طيب شكرا والله ماقصرت في امان المولى .
سكر فيصل الجوال وهو يقول لخليل:جهز حالك بكرا نطلع على الشركة عنده نشوفه اطمن يا ابني ربنا مابينسى حدا
خليل بضيق وهو قايم: ان شا الله
وطلع لجناحه والباقيين خلصوا العشا ورتبوا البنات البيت وطلعوا غرفهم
***************************
كانت ديمة منسدحة تفكر في سفر خليل وصدرها ضايق تعبت من التفكير قامت وراحت لغرفة ريم شافتها جالسة على لابها
ريم اعتدلت جالسة:هلا ديوم ايش فيكي مانمتي؟
ديمة:مو جاييني نوم ريمو ممكن استعير جوالك شوية
ريم ابتسمت وهي ترميلها الجوال:فداكي الجوال وصحبته
مسكت ديمة الجوال وضحكت:من نهايتها ايش تبغي؟
ريم:يامجرمة
ديمة:هههههههههههههههه
وجات جلست على السرير جنبها فتحت المسنجر شافت خليل متصل ارسلتله
(القمر كله): اهلين خليل كيفك؟
(ابو العز): زي الزفت
(القمر كله): تروح وتجي بالسلامة ومايشوف بابتك شر
(ابو العز): تسلمي
(القمر كله ): الله يسلمك
(ابو العز): ديمة
(القمر كله): نعم
(ابو العز) : رح سافر ويمكن حاطول حسب حالة ابي
(القمر كله): اها
(ابو العز): بس قبل ما اسافر بدي اتزوجك
ديمة اتفاجات وارتجفت اصابعها الطويلة فوق الكيبورد فركت عيونها وضربت راسها بخفة عشان تصحى لو كانت تحلم
ريم باستغراب: ديمو ايش تسوي
ديمة:هاه ولاشي
ضحكت ريم
(ابو العز): شو رايك؟
(القمر كله): مابعرف
(ابو العز): ديمة
(القمر كله): نعم
(ابو العز): انتي هبلة شي؟
(القمر كله): لا
(ابو العز): طيب انا تعبان بدي انام
وقبل ماترد ديمة شافت ابو العز سجل خروجه
خليل حط على ايميلها بلوك وبدأ يفتح محادثات تانية مع بنات وشباب .
سكرت ديمة ايميلها وهي سرحانة واعطته لريم وراحت لغرفة ندى انسدحت على السرير جنبها وهي تفكر
هي وندى وسمية في يوم واحد باقي شوق ويصيروا الرباعي المرح.
حست ديمة بشي يثقل صدرها ويبدد فرحتها
امنية حياتها يتزوجها بس لمن تحققت الامنية اصبحت مخيفة فكرت في ندى وفارس,
فارس صح وكرامته مهمة وبدو يمشي كلمته لكن ندى قنوعه وصبورة وحكيمة ندى تستحق الافضل وحتعيش افضل
فكرت في سمية وحمود صح حمود عصبي ومشكلجي لكن سمية هادية وكتومة وقوية
لكن هي وخليل,,, خليل عصبي مايهتم بمشاعر احد مايعمل خاطر لاحد يهدد يسب يضرب يكره احد يجادله او يعانده نسونجي
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك