رواية قصة حب لا ينتهي -3
رهف : قول والله
عبدالعزيز: والله
اغير الاسسم ويرجعه
يقول لانك خبل من جد تحبها وعجزت تنسساها
وبكتبك اللي ابي
رهف : صدق
عبدالعزيز : وربي
طفششته كل شوي اسولف فيك <
يقول قمت اكره طاري رهف من كثر ماتسولف لي عنها
رهف : وش تقول له عني
عبدالعزيز : اشكي له من مشاعري لك
رهف : تشتكي
: اعلمه مشاعري لك وحبي يعني
رهف : وش تقول له بالضبط
عبدالعزيز : وهاك ياعبدالعزيز انواع التعليق علي
وبعدين مو شغلك اللي بالقلب بالقلب
رهف : لااا قووول >تحب اللقافه ....عبدالعزيز دقيقه بس
عبدالعزيز : خذي راحتك > أشك انها راحت تنادي هديل
رهف : لاااا مو انادي هديل بس زياد عنده مشكله باللاب ورحت اشوفها
عبدالعزيز : طيب ماأقول غير اني اكرهك
رهف : شنوووووو
عبدالعزيز : ايه مالت علي حبيت وحده حتى شكلها ماأعرفه
رهف : انت تحب المظهر الخارجي ونسيت القلب
عبدالعزيز : لا بس احب اشوف اللي حبيتها هي نادره او لا
رهف : روح بس ماعندك سالفه
عبدالعزيز : ليه دايم تحطميني
رهف : مو أحطمك بس عارف رائي من البدايه
عبدالعزيز : انتي والزمن ضدي
رهف : ههههههههههههه احلف عاد ليه طيب
عبدالعزيز : لانك تخذليني دايم
رهف : والله انك نصاب
عبدالعزيز : ايه ماخذ النصب منك
رهف : اقول لا يكثر بس انا بطلع امي تبيني بعدين بدخل باليل
عبدالعزيز : طيب وانتبهي لنفسك
رهف : ان شاء الله
شنو المفاجئه اللي راح تفاجئ عبدالعزيز ؟ وهل راح تكون حلوه او لا ؟
في البارت السادس راح تلقون الأجابه
تحياتي لكم
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
فاصل إعلآني ^_^ / ..
لا احلل مسح اسمي من على الرواية ..
تجميعي : ♫ معزوفة حنين ♫..
البارت السادس
طلعت رهف من الماسنجر ورآحت لأمها وقامت تسولف معها تعرفون سوالف حريم وجو أخوآتها اللي اكبر منها مع عيالهم وسهروا وأستانسوا ويوم جاء وقت النوم كل واحد راح لغرفته رهف وهديل راحوا لغرفتهم وكل وحده انسدحت على السرير وكالعاده اي سالفه اي سر جديد يقولونه قبل النوم
رهف : ايييه ماقلت لك عن عبدالعزيز
هديل : اييه صح نسيت وش صار
رهف : والله حسيت بالذنب اللي سويته فيه
هديل : انتي ذبحتيني ترى ذنب وذنب ترى ماسويتي له شيء بس هو اللي تركك وسحب عليك ولا نسيتي الايام اللي ماكنتي تنامين فيها وكلها صياح وسهر وانتي تفكرين فيه
رهف : اقول اسكتي بس اخر مره اقول لك شيء
هديل : اييه هين بكرى في نفس الوقت راح تقولين لي كل شيء
رهف: طيب لو سمحتي اسكتي شوي
هديل : وش راح تسوين
رهف : بدق عليه وربي اشتقت لصوته بس مستحيه
هديل : دقي خليني اضحك عليكم
رهف مسكت جوالها ودقت على عبدالعزيز وقلبها يضرب بقوه وخايفه ومستحيه في نفس الوقت رد عبدالعزيز
عبدالعزيز : هلا وغلا وش المفاجئه هذي
رهف: ليه ماتوقعت اني ادق عليك
عبدالعزيز : لا والله اخر شي افكر فيه انك تدقين علي وتصدقين ماكنت ناوي ارد
رهف : خير ان شاء الله وليه ماترد علي
عبدالعزيز : كذا عناد
رهف : انا الغلطانه اللي ادق عليك
عبدالعزيز : لا ياحبيبتي امزح عليك والله هذي الساعه المباركه اللي تدقين علي فيها
عبدالعزيز : اشتقتي لي
رهف : اي والله حيييل
عبداالعزيز : وانا بعد من زمان عنك وعن صوتك وعن ضحكتك ابي اسجلها انا عشان احطها نغمه
رهف : يؤؤؤؤ الى الحين مانسيت الضحكه تبي تسجلها
عبدالعزيز : اي والله ودي فيها .... بس الغريبه ماتغير فيك شيء لاصوتك ولا اسلوبك ولا حاجه
رهف : اللي يسمعك يقول سنين ماكلمنا بعض
عبدالعزيز : صدق انها كم شهر بس بالموت تمر علي
رهف : يلا سولف
عبدالعزيز : ماأبي
رهف : سولف احسن لك ولا اوريك
عبدالعزيز : وش راح تسوين
رهف : مدري
عبدالعزيز : أحبك واموووووت فيك وانتي كل شيء في حياتي
رهف : أستحت وسكتت ... بعدين قالت انا قلت سولف
عبدالعزيز : هذي سوالفي
رهف : طيب
قعدوا حوالي ساعه ونص وهم يسولفون
رهف: انا بروح انام ... تصبح على خير
عبدالعزيز : وانتي من أهل الخير ... بس اطلب منك طلب
رهف : امرني
عبدالعزيز : قوميني على الساعه 11 عشان صلاة الجمعه
رهف : ان شاء الله
نامت رهف بس كل شوي تقوم عشان مايروح عليها الوقت ويوم جت 11 دقت على عبدالعزيز ورد عليها وقالت له يلا قوم بسرعه وسكرت الجوال وراحت تنام
يوم جاء العصر رسل لها : اللي يبي يقوم يتأكد انه قام او لا انا ماقمت الاا على هواش ابوي
رهف قرت الرساله وماتت ضحك ورسلت له احسن انا قومتك ورجعت انا لاني مانمت زين
قعدت رهف مده ماتنام الاا وتسمع صوت عبدالعزيز لدرجه بعض المرات تنام والجوال بيدها
بعد كم يوم بالليل دقت رهف على عبدالعزيز ورد عليها وقام يسولف بعدين قال
عبدالعزيز : رهف
رهف: هلا
عبدالعزيز : بقول لك شيء
رهف : قول أسمعك
عبدالعزيز : حبيت أخبرك ان زوآجي يوم الأربعاء هذا
رهف : انصدمت وقالت طيب وش اسوي بكل برود
عبدالعزيز : ولا شيء بس تأكدي اني ماراح اتركك
رهف: خير ان شاء والله ناوي تخون زوجتك
عبدالعزيز : اييه عندي عادي اخون زوجتي انتي حبي الأول والأخير
رهف : احلف عاد بكل عصبيه
عبدالعزيز : وراك عصبتي
رهف : لا عصبت ولا شيء
عبدالعزيز : الاا والله باين على صوتك العصبيه
رهف : اقول بسكر تبي شيء
عبدالعزيز : وين
رهف : والدموع على خدها بروح انا يلا باي وسكرت على وجهه الجوال
عبدالعزيز : رسل لهاأحبك مووووت ياحياتي
رهف سكرت اللاب توب بقوه وسكرت اللمبه مع ان هديل تبيها بس ماحبت هديل تشوفها تصيح
وحطت راسها تحت الوساده ورسلت لعبدالعزيز ... صدق الكلام اللي قلته
عبدالعزيز : ايه الكلام هذا مافيه مزح وانا حبيت اقولك قبل لاتعرفين من احد غيري
رهف : رسلت لعبدالعزيز ...
بريحك مني خلاص وبغيب عن عينك
مادآم هذي رغبتك لازم أحققها
وبطلبك آخر طلب الله لايهينك
قلي أحبك حبيبي خاطري أسمعها
وشغلت على أغنية عبدالمجيد عبدالله "بريحك " وتسمعها وتصيح الى مانامت
قامت عند صلاة الظهر صلت ورجعت تنام وهي تصيح
ويوم قامت العصر نزلت تحت مالها خلق أحد ورسلت لعبدالعزيز : عبدالعزيز وربي مو مصدقه اللي تقوله اذا كنت تكذب علي قول لي الله يخليك
عبدالعزيز : قلت لك الأمور هذي مافيها مزح
رهف : رسلت له الله يوفقك معاها وانا ماأبي غير سعادتك واللي بيني وبينك لازم ينتهي وانا ماابي اسوي مشاكل بين أحد
ورآحت لهديل وقالت لها لان مافيه أحد يعرف غيرها
رهف : هديل دريتي عن عبدالعزيز
هديل : لا وشفيه
رهف : زواجه يوم الأربعاء
هديل : يمزح عليك يالخبله وشفيك مخفه انتي
رهف: لا والله صدق
هديل : طيب كيفه تذبحين عمرك عشانه ليه
رهف : حرام عليك انا احبه وماأٌتخيل وحده ثانيه معه
هديل : بداء الفلم الهندي
رهف : تركت هديل وراحت تصيح طول اليوم بس تحاول محد يشوفها ولا ينتبه لها
دخلت رهف الايميل يمكن تلقى عبدالعزيز : بس مالقته وشوي دق عبدالعزيز عليها
تروعت رهف وحطت على الصامت ورسلت له وش عندك داق
عبدالعزيز : ابييك ضروري
رهف : ماأقدر انا عند اهلي الحين
عبدالعزيز : كلها دقيقه وبروح انام
رهف تركت اهلها وراحت للغرفه ودقت عليه ومالها خلق تكلمه
عبدالعزيز : وشفيه صوتك
رهف : مافيه شيء
عبدالعزيز : شكلك صايحه
رهف : لا
عبدالعزيز : الاا والله باين من صوتك
رهف: ايه صحت فيها شيء
عبدالعزيز : ليه الصياح وربي دموعك غاليه علي
رهف : غاليه ؟
عبدالعزيز : تشكين فيني
رهف : لا مسكين انت ماتسوي شيء
عبدالعزيز : ضحك عليها الى ماقال بس
رهف : وتضحك بعد
عبدالعزيز : ايه اضحك عليك وعلى سوالفك امس
رهف : ليه وش سويت
عبدالعزيز : وربي كلما اقراء رساله انفقع ضحك عليك
رهف : وشفيها مسجاتي
عبدالعزيز : مافيها شيء بس انا ضحكت عليك مو متزوج سويت مقلب فيك وكمل ضحك
رهف : حرام عليك ... ليه وش سويت لك انا تدري امس طول الليل صياح واليوم بعد
عبدالعزيز: وربي ماكنت ابي اقول لك كذا بس قلت دامها صدقت امثل عليها صدق عشان ابي اشوف ردة فعلها
رهف : انت حمار
عبدالعزيز : احلى حمار
رهف : ههههههههههاي الحمد لله والشكر بس
عبدالعزيز : لهدرجه تحبيني ؟
رهف : ايه واكثر بعد
عبدالعزيز : يابعد قلبي والله
رهف : طيب بنزل تحت الحين
عبدالعزيز : طيب
نزلت رهف والضحكه على وجهها مو قادره تستوعب اللي صار وهديل شافت ضحكتها وعرفت انه مقلب عليها
*********
بعد أسبوع تقريباً كان فيه عرس ومعزومين عليه أهل رهف كلهم بس الله ماكتب لهم الروحه ومارآحو جاء اليوم الثاني الاا تجي أختهم الكبيره وتقول هذا ومارحتوا العرس والخطاب جوا
ام عبدالله : لمين الخطاب
رنا : أخت رهف الكبيره وعندها ولد عمره ست شهور
رنا : خطاب لرهف وتبي تكلمك أم العريس عشان تشوف رأيكم
رهف كانت نايمه وقامت من النوم العصر ونزلت تحت وكانت حاسه انه فيه شيء غريب
رهف : رنا غريبه جايه مو من عادتك تجين يومين ورا بعض
رنا : وهي تضحك يمه يلا تعالي كلمي الحرمه لأنهم راح يسافرون
رهف : هييه انتي اكلمك واي حرمه واي سفر فيكم شيء انتوا
رنا : ايه خطاب لك انتي
رهف : خير اي خطاب
رنا : بعدين تعرفين
رهف : الحين اعرف وراحت مع امها عشان تسمع كلامهم
ام عبدالله كلمت ام العريس وقالت لنا الشرف والله بس بشاور البنت وابوها وأرد لكم خبر .
هل راح توآفق رهف على الخطيب ؟؟
الأجابه في البارت السادس
تحياتي لكم
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
فاصل إعلآني ^_^ / ..
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
البارت السابع والأخير
ام عبدالله سكرت التلفون وسألت رهف ها وش رايك ترى ماعليهم قاصر فكري وردي لي خير
رهف : لا مو موآفقه
ام عبدالله : بالسرعه هذي
رهف : ايه يمه ماأبي اتزوج الحين ابي اخلص دراستي
ام عبدالله : الدراسه كلها سنه وتخلصين
رهف : حتى ولو وبعدين فيه سبب ثاني واكيد راح يقنعك
ام عبدالله : قولي يلا
رهف : انا ماأبي اسكن برا السعوديه
اللي خطب رهف ساكن بالكويت
ام عبدالله : في هذي صدقتي انا ماأبي وحده من بناتي تسكن بعيد عني
رهف : ارتاحت لان امها أقتنعت من كلامها وابو رهف اهم شيء رائي بنته
ام عبدالله : الحين وشلون ارد عليهم والله مستحيه منهم
رهف : لا فيها حياء ولا شيء الزواج قسمه ونصيب واكيد راح يفهمون الوضع
رهف راحت على طووول لهديل وقومتها من النوم : هديل هديل
هديل : وشتبين يعني الواحد ماينام
رهف : هديل بقولك شيء طازج
هديل : قامت على طول شنو الشيء هذا
رهف : هذي اللي نايمه من شوي
هديل : لزوم اللقافه
رهف : انخطبت اليوم
هديل : ولا أحد قالي ولا قومني
رهف : قلت لك الحين ... بس رفضت
هديل : مسرع .. ليه طيب
رهف : ماني مستعده للزوآج وتعرفين الزواج مسؤليه والسبب الأهم عبدالعزيز
هديل : وشفيه عبدالعزيز
رهف : ماأدري وش راح يصير له اذا درى
هديل : تراك ذبحتيني فيه اكمل نومي احسن
رهف : لا قومي راح نطلع الحين
هديل : وين
رهف : مدري يمكن السوق بس قومي لاتنامين
هديل : طيييييييب >بكل عصبيه
********
جاء الليل دخلت رهف الايميل ولقت عبدالعزيز وارتبكت وفكرت تقوله او مو لازم
عبدالعزيز : السلام عليكم
رهف : وعليكم السلام
عبدالعزيز : اخبارك حياتي
رهف : زينه
عبدالعزيز : فيك شيء ؟
رهف : : لا
عبدالعزيز : مو من عادتك تقولين زينه فيك شيء اكيد
رهف : لاعادي بس حبيت أغير
عبدالعزيز : أها
قعدوا حوالي نص ساعه محد تكلم بعدين
رهف : عبدالعزيز
عبدالعزيز : عيونه
رهف : أبي أسألك سؤال وتجاوبني بصراحه ؟
عبدالعزيز : تفضلي
رهف : لو أنا تزوجت أنت وش راح يكون موقفك ؟
عبدالعزيز : سكت مده ....بعدين قال يمكن أروح فيها
رهف : من جدك انت
عبدالعزيز : وربي + فيس يصيح
رهف : ليه طيب
عبدالعزيز : مارد عليها ..... بعدين قال بس تكفين لاتتكلمين بالموضوع هذا
انتي تعرفين وش راح يصير لي اكيد راح اتعب
رهف : تنادي عبدالعزيز كم مره ولا رد عليها الاا بعد فتره ....عبدالعزيز ليه سكت
عبدالعزيز : لأني ماأبي أتكلم بالموضوع هذا
رهف : بس انا ابي ارتاح
عبدالعزيز : ترتاحين بشنو ؟
رهف : أنا شايله همك والله
عبدالعزيز : لاتشيلين همي ولا شيء فديتك ..... رهف في أحد خطبك
رهف : ايه بس رفضت.... بس انا خايفه يجي ذا اليوم وماأعرف وشلون اقولك
عبدالعزيز : اي شيء يصير لك قولي لي
وبعدين كلنا راح يجي لنا هذا اليوم عاجل او آجل .. الله يعين بس وبعدين لا تشيلين همي
سكتوا مدهـ بعدين رهف تنادي : عبدالعزيز وينك
عبدالعزيز : هنا
رهف : قول اي شيء بس لا تسكت
عبدالعزيز : ان شاء الله بس اول شيء قومي كلي لك شيء
رهف كاتبه بالرساله الشخصيه " جوووعاانه ""
رهف : طيب بس شوي وبقوم
عبدالعزيز : طيب بس وعد
رهف : ايه وعد ..عبدالعزيز
عبدالعزيز : قلبه
رهف : أحبك
عبدالعزيز : امووووت فيك وأعششقك
بعد كم يوم قرر ابو عبدالله يروح مع الأهل للرياض
جاء وقت الروحه " الفجر " دقت رهف على عبدالعزيز قبل لا تروح ومارد ارسلت له حبيت اقولك جايين للرياض اليوم
وركبت السياره وشوي جاها مسج من عبدالعزيز : بتنورون الرياض والله
رهف : شافت المسج وقامت تضحك الاا اختها رنا تقول ليه ضحكتي
رهف : لا عادي ولا شيء وحطت السماعه على اذنها وكأنها ماسمعت شيء من اختها
وصلوا الرياض بس صار فيه مشكله بين رهف وعبدالعزيز : دقت رهف على عبدالعزيز ورد عليها وشوي وقال لها متى راح اشوفك
رهف : سكتت وماتدري وش راح تقول
عبدالعزيز : اها فهمت يعني ماراح اشوفك
رهف : ايه مااقدر انا صراحه اخاف من المشاكل وانتي عارف قراري من زمان
عبدالعزيز : طيب تبين شيء
رهف : ليه وين بتروح
عبدالعزيز : بسكر
رهف : ليه زعلت ؟
عبدالعزيز : مارد عليها وسكر
رهف ترسل وتدق على عبدالعزيز طوول اليوم وهو مايرد عليها جاء اليوم الثاني وارسلت مسج وقالت فيه اذا ماتبي ترد كيفك بس رد علي بمسج حتى لو فاضي بس ابي اتطمن عليك
رد عليها بمسج لاتخافين مافيني الاا العافيه تطمني
رهف ارتاحت وفي نفس الوقت متضايقه عشان عبدالعزيز زعلان عليها هي ماقدرت تدق عليه دايم لانهم بالفندق واهلها قريبين منها ماتقدر تدق الاا اذا طلعت للسوق او غيره قعدوا حوالي اربع ايام بس آخر ليله رسلت رهف لعبدالعزيز مسج وقالت فيه عبدالعزيز تراني تعبت وربي كل يوم صياح ماأنام الاا وانا اصيح طوول الوقت افكر فيك حتى الطلعات ماأستانست فيها وانت ولا على بالك لاترد علي ولا شيء شوف هي كلمه وحده بس انت تحبني وتبيني قول ايه واذا لا رد علي عادي ماراح ازعل
بعد مارسلت الرساله قعدت تنتظر الرد وكلما جاها مسج جديد خافت وفي الاخير لا رد عليها ولا شيء
يوم السبت هو اليوم اللي راح يرجعون فيه للشرقيه ويوم جت تطلع من الفندق جاها المسج من عبدالعزيز يقول فيه انا مازعلت عليك ولا شيء واذا على الشوفه انا وآثق اني ماراح اشوفك وانا متأكد انك واثقه اني زعلان بس ماني زعلان عليك بس حبيت اغيب كم يوم
رهف يوم قرت المسج ارتاحت وزعلت في نفس الوقت ليه طيب يسوي كذا مايرد علي الاا بالموت بس ماراح ارد عليه اذا يبيني يجيني
رجعوا للشرقيه ودقت عليه بالليل ومسكر جواله دقت من جوال هديل ومسكر بس هو مايعرف جوال هديل
شوي دق على هديل
عبدالعزيز : السلام عليكم
هديل : وعليكم السلام
عبدالعزيز : انتوا داقين علي
هديل : ايه انا هديل اخت رهف
عبدالعزيز : اجل وين رهف
هديل : رهف نايمه
رهف قالت لهديل قولي له نايمه
عبدالعزيز : اوكي باي
هديل : باي
رهف تضايقت من الحركه يعني هي مقطعه روحها علي وتدق ولا عبرها يوم دقت اختها ورقمها مو معه دق عليها نامت رهف ويوم قامت رسلت له الحين الرقم الغريب دقيت عليه وانا لا
عبدالعزيز رد قال ايه انا انتظر واحد ورقمه ماأعرفه
رهف : ايه صدقتك
بعد المسج هذا قعدت كم يوم تدق عليه ولا يرد وعصبت رهف ولاحظت هديل العصبيه والزعل عليها
هديل : رهف وشفيك اليومين هذي من جينا من الرياض وانتي مو على بعضك
رهف : عبدالعزيز مايرد علي ولا شيء
هديل : اتركيه اذا يبيك راح يدق عليك
رهف : وربي حاولت بس ماقدرت لازم ادق عليه حتى لو مارد
هديل : والله انا نصحتك وانتي حره
رهف : طيب بحاول
رسلت رهف له : انت ترفع الضغط
رسل لها ماعاش من يرفعه لك وينه اللي رفعه لك اذبحه
رهف ردت عليه وقالت انت
عبدالعزيز انا حرام عليك انا مسكين
رهف اقول ابي انام وبدون ازعاج لو سمحت
يوم قامت رهف تشوف جوالها مكالمه لم يرد عليها "عبدالعزيز " وأستانست بس تحسفت في نفس الوقت لانها كانت نايمه ولا ردت عليه وبعد كم يووم رجعت الأمور طبيعيه مثل ماكانت وأحسن ...
صدق من قاآل الحب عــــــــــذآآآآآآآآآآب
مع خالص الشكر للي تابع روآيتي " فرآشه فوشيه "
أنتهى البارت وعبدالعزيز رجع لرهف والى الحين حبهم مستمر
بس مثل ماقلت القصه حقيقيه والابطال اعرفهم معرفه شخصيه
اتمنى ان الروآيه عجبتكم مع انها قصيره بس ماحبيت اضيف شيء زياده غير اللي صار لي
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
تجميعي / ♫ معزوفة حنين ♫ ..
اللهم لك الحمد حتى ترضى وإذا رضيت وبعد الرضى ,,, اضف تعليقك