رواية عهدي مع الايام -32
ليال:خليني بروحي تفهمين مابي احد
اريام اقعدت على الارض وعطت ظهرها للباب:ماراح اروح الا اذا بطلتي الباب...ليول انتي اختي وحبيبتي ليول لاتخلين غباء جراح يأثر على علاقتنا ليال والله اضيع من غيرج ..
اريام ضلت فتره طويله قاعده عند الباب تتوسل بليال انها تفتح الباب لكن بدون فايده ....ماقدرت تتحمل اكثر من جذي قامت من مكانها وراحت حق جراح بجناحه
طقت الباب وبعدها بشوي جراح بطل الباب
اريام:ممكن اكلمك شوي
جراح:تفضلي
اريام:غرور موجوده
جراح:لا
دخلت اريام وقعدت بصاله وقعد يمها جراح وضلت فتره ساكته تبي تتكلم مو قادر
جراح:ليش ساكته
اريام ودموعها على خدها:جراح ابي اقولك شغله بس بالاول اوعدني ماتعصب علي
نهاية البارت
البارت 34
دخلت اريام وقعدت بصاله وقعد يمها جراح وضلت فتره ساكته تبي تتكلم مو قادر
جراح:ليش ساكته
اريام ودموعها على خدها:جراح ابي اقولك شغله بس بالاول اوعدني ماتعصب علي
جراح:وليش اعصب
اريام:الانه اسالفه مو هينا
جراح:اوكي قولي
اريام:والكلام الي بقوله لك مايطلع من باب الجناح ويضل بنه احنه الاثنين
جراح:انشالله
اريام:انت عارف ان علاقتي بليال ماكانت زينه كلش وكنت اناديها ابنت الفقر
جراح:صح ومادري شلي غيرج انتي تغيرتي وايد
اريام ببتسامه مليانا حزن ودمعه تنزل على خدها :ليال اهيا السبب ولولا ستر رب العالمين وليال جان ...وسكتت
جراح:كملي شفيج سكتي
اريام بخوف:خلاص هونت مابي اقولك الي صار بس ابيك تعرف انه ليال لها علاقه كبيره بتغيري للاحسن
جراح:ريوم شفيج ليش خايفه انا اخوج ماني غريب ولي يضرج يضرني تكلمي ولا تخافين من شي
اريام :بس توعدني انك تسمع من هني وطلع من هني مابي تتصرف اي تصرف الانه الموضوع انتهى من سنه ومابي ارد افتح الموضوع مره ثانيه
جراح:ماشي
اريام بدت تقول الي صار معاها من اول ماعزمتها رغد ابيتهم لين اركبت سيارة فواز ..كانت تتكلم وتبجي الي صار لها مو سهل كانت بلحظه ممكن انها تفقد سمعتها وسمعت اهلها
اريام:يعني لو مو ليال واخوها الي لحقو على جان سمعتي بالارض ليال انقذت سمعتي وسمعت العايله كلها
جراح بعصبيه :الحيوان الحقير والله ماخليه والله ادفنه بالحيا انا اعلمهم شلون يتطاولن عليج
اريام:جراح انت وعدتني انت ماتسوي شي
جراح:صح الاني ماتوقعت الموضوع بكون فيها شرف اختي ...انتي اختي يا أريا ماذا انا اخوج ما ادافع عنج منو الي يدافع عنج الغريب
اريام:فواز وسعود مو غرب احنه بحسبت اهل
جراح:وانا ماقلت شي بس انتي اختي وماراح اخلي الموضوع يمر بساله وزفته الي اسمها رغد دواها عندي
اريام:جراح عفيه مابي فضايح مابي الموضوع يتبطل مابي يصير فيني نفس ليال ...انا ليلحين ماتزوجت شوف انتش صار فيك من سمعت حجي الناس عنها جراح انا مايت وقلت لك الموضوع هذا الا عشان تعرف انه الي صار مع ليال ممكن يصير معاي
جراح:الي يتكلم عنج احط انعال بحلجه
اريام:مو هذا قصدي...انا اقصد اخاف اتزوج باجر و...وو
جراح:تكلمي شفيج ابي اعرف شلي خايفه منه عشان احل الموضوع
اريام:خايفه انه الي صار مع ليال يصير معاي اخاف ما اتقبل ريلي
جراح بستغراب:ومنو قالج ليال ماتقبلتني ليال تحبني وايد
اريام ويها بدا يصير احمر من الاحراج:لا انا اقصد شي ثاني
جراح سكت شوي :ماشالله ليال مومخليه شي ماقالته لكم
ارايم بستغراب:مايحتاج اتقول كافي انها ليلحين بنت ...جراح ليال وايد اتعبت ...من بعدك حط نفسك مكانها بنت صغيره الي بعمرها ليلحين ماتزوجو وهيا ماكاملت السنتين وريلها تزوج عليها وفوق هذا شريجتها عيووز واكبر منها بعشرين سنه والله شي يحر...جراح انا خليتها تحت وهيا منهاره من البجي والله اخاف يصير فيها شي
جراح تضايق ونزل راسه
اريام:شبتسوي الحين
جراح:خليها تهدا شوي وبعدين اتفاهم معاها
اريام:وغرور
جراح:شفيها
اريام:بطلقها
جراح:ليش اطلقها البنت مالها ذنب
اريام قامت اتصرخ عليه:يعني ليال الي لها ذنب صح الريايل عدمين احساس ومايفكرون الا بنفسهم وبس ....وطلعت من الجناح قبل ماتسمع اي رد
راحت عند غرفت ليال طقت الباب مره ثانيه وبعدها بشوي افتحت ليال الباب
اريام لمتها حيل:خوفتيني عليج
ليال كانت ليالحين تبجي:تعبت والله تعبت ماني قادره اتحمل اكثر
اريام:بس حبيبتي مافي شي يستاهل انتي مفروض ترفعين راسج الانج طاهره وصدقيني كل الي تكلمو عنج واثقين انج طاهره بس قالو انوصخ سمعتاها عشان ولدهم الجنس
ليال:وانا شنو ذنبي ليش اتحمل شي مالي علاقه فيه انا تعبت وايد تعبت من ابوي وكلام الناس تعبت لي متى بظل جذي لي متى اناس تنهش بلحمي وانا ساكته ...ريم المشكله انه اقرب اناس لي اهما الي ظلموني
اريام:اذا على جراح الايام بتثبت له منو ليال
ليال وهيا توخر عنها وتمسح دموعها :مو لازم يعرف منو ليال جراح بنسبه لي ابو ملاك وبس ما عاد له مكان بحياتي
اريام:انتي تقولين جذي الانج متضايقه من الي صار
ليال:ولي صار موشويه مو شويه الاخ كان بره سنه كامله غرقان بالعسل وانا هني جسد بدون روح قاعده مثل الخدامه حق بنه وماردني عشان سواد عيوني ولا حبا فيني ردني عشان اخدمها ردني عشان اكون خدامه له ولبنته انا الاخ لازم يفهم ما انشرى بالفلوس..كفايه ذل كفايه اهانه لي متى الكل يدوس على راسي ولازم اسكت خلاص زمن السكوت ولا وراح وممن يوم ورايح ليال الغبيه ماتت ومن هل لحظه انولدت ليال ثانيه ماهمها الا نفسها وبس
اريام:صاجه ليول زمنه هذا مايبي وحده طيبه وعلى نياتها مايبي وحده تسكت عن حقها لا احنه بزمن الملسونه اهيا الي حضها قايم الي تدافع عن حقها اهيا الي نال احترام وتقدير من الكل والكل يحسب لها الف حساب الانها تفرض احترامها غصبن عن الكل...وانتي مو ناقصج شي وحياتج ماراح بالعكس حتى لو تطلقتي من جراح محد بيلومج والي بيتكلم عن شرفج التقارير تثبت انج بنت ومحد لمسج ليال بسج دموع والله مافي احد يستاهل ...صدقيني انتي الي حارقه نفسج على الفاضي ...وكل هذا من صحتج ليش انتي الي تحترقين خلي الي حولج اهمه الي يموتون بغيضهم ليش انتي الي تنقهرين انتي ماسويتي شي غلط رفعي راسج ياليال ولايهمج احد
اريام:وين بتروحين
ليال:بطلع شوي محتاجه اطلع من هل مكان
اريام:اوكي بس حطي بالج على روحج
ليال اطلعت من البيت وهيا متضايقه وايد كانت تفتر بشوارع وماحست بنفسها الا قبال بيتهم دقت على محمد وقالت له يطلع بره
محمد بدل وطلع بره :عاش من ...وتلاشت كلماته لمن شاف ويها متفوخ واحمر...شفيج
ليال:اركب السياره وبعدين اقولك
محمد وهو يركب:صاير بينج وبين جراح شي
ليال وهيا ات حاول تخفي دموعها عن محمد:لا
محمد:دام لا ليش ويهج وارم وعينج متفوخه من البجي
ليال:شرايك انت وحده ماقصرت مع ريلها وبنته بشي وعشا يكافأها قام وتزوج عليها وجان زين تستاهل عيوز قريح اكبر مني ومنه وجيكر انا احلى منها وجسمها مو حلو متينه وقصيره وانا ضعيفه وطويله واصغر منها اي اصغر منها تدري جم سنه بيني وبينها
محمد بضيق على حالت اخته:جم
ليال:عشرين سنه تخيل لو كانت متزوجه وهيا صغيره تلاقي عيالها بعمري
محمد:جراح ماعنده نضر وبالعكس مفروض تستانسين الانج احلى منه واصغر منها المفروض انج تتباهين وتتدلعين بجمالج وعمرج انتي صغيره والدلع لايق لج اما اهيا كبيره واي تصرف بتتحاسب عليه وماتقدر تتدلع وغيره وغيره ...انا ادري انه الشي هذا يقهر وايد بس انتي شوفي الشي الايجابي واخيه لصالحج ...لاتعدقدين انه اناس بتقول زين سوى انه تزوج عليها بالعكس الكل بلومه اول شي الانج ماقصرتي بحقه ولا بحق بنته وثاني شي تزوج وحده اكبر منه اهو بعد مو بس منج اكيد اناس بتقول زواجهم مصلحه او مسحور
ليال:وشل فايده بكل الحالات انا الخسرانه
محمد:ليش خسرانه
ليال:الاني راضيه بالوضع هذا
محمد:ليال تطلقي وعيشي حياتج من اول ويديد
ليال:قصدك ردي لسجن من اول ويديد
محمد:لاتردين هني روحي عند فواز
ليال:ولي متى بقعد عنده ...او ابوك بخليني اقعد عند فواز
محمد:ليال هذا ابوج مثل ماهو ابوي
ليال:لا هذا مو ابوي الابو الي يحاسب بنته على شي اهي ماسوته هذا ماو ابو الابو الي يحبس بنته ويحرمها من كل شي ويخليها تختار الجحيم ولا انها تعيش محبوسه بين اربع اطوف ومالها بالحيات الا انها تختار بين امرين الموت البطيء او العيشه مع واحد مايستاهل
محمد:مهما كان ومهما صار هذا ابوج
ليال بعصبيه:قلت لك مو ابوي...اهو السبب بكل الي انا فيه اهو الي خلا شخصيتي اضعيفه بين الناس اهو الي راضا اناس تظلمني ومادافع عني اهو الي خلاني اخاف حتى من ضلي انت ماشفت الي انا شفته ولا ذقت ربع الطق الي كنت احصله ..انت عايش حياتك بطول والعرض انا الي مستقبلي ضاع انا الي حياتي انهدمت وكل هذا بسبته لو كست الناس الي تكلمت عني جان ماكان هذا حالي ...لكن اهو اكد كلام الناس وسحب اوراقي من الكليه وفوق كل هذا حبسني بالبيت بالاشهر وزوجني غصبن عنه ...شلون ماتبي شخصيتي تهتز شلون ماتبي اناس تتكلم ويزيد بالحجي اهو بتصرفه اكد كلام الناس
محمد:ليال حبيبتي هدي شوي
ليال حطت ايدها على ويها وقامت تبجي وتشاهق
محمد ماقدر يتحمل اكثر الي تمر ليال فيه شي مايتحمله اي انسان صارت ادموعه تنزل ويمسحها بسرعه :ليال بس عاد والله ماحب اشوفج جذي
ليال وهيا تبجي:تدري ليش جراح تزوج علي تدري ليش جراح طلقني ...الانه سمع كلام الناس وصدق الكلام الي انقال عندي
محمد بستغراب:اي كلام
ليال:كل الكلام الي انقال عندي كل شي
محمد :هذا غبي شلون يصدق انتي مرته مو وحده من الشارع
ليال:وليش مايصدق اذا ابوي الي رباني صدق كلام الناس ماتبي واحد ماعرفة الا بفتره بسيطه
محمد وهو بينفجر من الضيقه:دام صدق ليش ردج على ذمته
ليال:عشان ملوكه مو عشان سواد عيوني
محمد:وليش صابره ليش رضيتي تردين له ليش
ليال:نار جراح ولا جنت ابوي ....صج انه جراح مايبيني لكن اهله يبوني ويحبوني ويحترموني ولا يرضون اي احد يغلط علي او يجرحني بكلمه ...الاني ماأقدر ابتعد عن ملاك الوحيده الي تعوضني الحنان صج انها صغيره وهيا الي تحتاج الحنان بس انا احس اني اخذ منها اشياء وايد اكثر من ما اعطيها ...قاعده احس ابحب صادق مافيه اي مجامله او اي مصله ...ملاك قاعده تعوضني عن احساس فقداني للامومه ...انا عارفه اني بحياتي ماراح اصير ام عشان جذي انا متمسكافيها وايد ومابي اتخلا عنها
محمد:وليش ماتصيرين ام
ليال:الاني اذا تطلقت من جراح مافي واحد يرضي ياخذ وحده مطلقه مرتين ...واذا على جراح زوجه مكفيه وموفيه معاه اما انا موجرد مربيه حق بنته لا اكثر ولا اقل
محمد:ليال ابيج تسمعيني عدل ...بنسبه لج انتي خسرتي وايد اشياء بحياتج بس بنسبه لي انتي ماخسرتي شي ...انتي ليلحينج اختي الطيبه الحبوبه الي الكل يحبها ...يمكن الاشياء الي خسرتيها بنسبه لج كبيره ...بس انتي تقدرين تخلينها صغيره وماتأثر عليج
ليال كانت تسمع كلام محمد الي تقريبا نفس كلام اريام
محمد:انتي بعدج صغيره توج 20 سنه يعني الي بعمرج حتى ماتزوجو اول شي لازم تستفيدين من وضعج الحالي كونج ابيت اهل جراح والكل يحبج وطلعتج ودخلتج محد يحاسبج عليها ...اول شي ردي كملي دراستج ترى الشهاده سلاح لكل شخص ...انتي جربتي حظج بزواج مرتين وبالمرتين فشل غرم انه الشي ماكان بيدج يمكن الضروف او انقول الاختيار غلط لكن ابيج تفهمين انج تقدرين تبدين حياتج من اول ويديد ...اذا صارت الشهاده بيدج وتوضفتي منتي محتاجه حق اي احد وبمكانج حزتها تتطلقين من جراح وتقعدين عند فواز ...بتكونين موضفه وتقدرين تصرفين على نفسج يعني ماراح تكونين عاله على احد وثاني شي انتي مابقالج وايد كورس او كورسين وتتخرجين من الكليه ...ومومعناته انج تطلقتي للمره الثانيه انج مو زينه ياما بنات تطلقو مره وثنين وثلاث واربع وردو تزوجو وعاشو حياتهم من اروع مايمكن ..انتي بعدج صغيره وحلو وايد مو شويه والف من يتمناج اذا عرفو سبب طلاقج للمره الثانيه بلومون جراح مو انتي الانج ماقصرتي بحقه وفوق هذا اهل جراح يختلفون عن اهل يعقوب وموبعيده اهما الي ايبون لج ريل
ليال ضحكت بستهزاء:حلو هذا يزوجوني
محمد:اي ليش لا عشان يكفرون عن غلطت ولدهم ...لنفرض انه يو ناس تقدمولج اكيد بيسالون اهل جراح عنج وشي طبيعي بيمدحونج الانهم ماشافومنج الا كل خير
ليال:بيييه طلقتني وزوجتني ....كل هذا بالاحلام
محمد:اوكي خلينا من الاحلام وشوفي الواقع ولعبيها صح هذي فرصه لج كملي دراستج وتوظفي ...ليال انا ماقلت لج هل كلام الا من خوفي عليج
ليال:والله عارفه بس تتوقع انهم يردوني الكليه
محمد:حتى اذا ماردوج خلي جراح يدخلج احد الجامعات الخاصه
ليال:اي هين
محمد:لا مو هين صدقيني اذا طلبتي منه ماراح يرفض
ليال:وليش واثق انه ماراح يرفض
محمد:عشان لاتحطين حرتج ابنته
ليال:اهو ضامن اني ما اسوي فيها شي ولا ارضى عليها
محمد:خلاص طلبي منه جدام اهله وبجذيه بينحرج ومايقدر يتكلم
ليال:وانت برايك شنو الافضل
محمد:الجامعه اكيد بس الكليه احسن لج الان تخصصج زين وفوق هذا ماراح اطولين كلها كورس او كورسين وتتخرجين
ليال:الكليه احسن عشان باجر لايقول انها درست على حسابي ...مابي منته علي
محمد:انتي المفروض الي تتمننين عليه مو اهو انتي الي شايله بنته على كفوف الراحه ومن غيرج بنته اتضيع
ليال:والله محد مصبرني عليه الا ملوكي ...كل ما اشوف ضحكتها انسى كل شي مابي حب بعد حبها اهيا تكفيني وتغنيني عن كل شي
محمد:ماعليه فكري بكلامي عدل وشوفي مصلحتج شوي الزمن يركض وباجر ملاك بتكبر وتتزوج وانتي ماستفدتي شي لامن ابوها الي تزوج ولا من دراستج الي تركتيها ولامن عمرج الي راح على حساب راحت غيرج صيري انانيه شوي حبي نفسج كثر حبج حق ملاك ...واذا جراح مارضى انج تكملين دراستج عطيني خبر وانا اتصرف
ليال :اوكي
فلاة خالد
خالد دخل البيت وماعندا اي علم بالموضوع الي صار وفوق هذا هنادي نبهت على البنات انهم مايبون طاري جام ابوهم الانها ايها الي بتفاتحه بطريقتها...خالد طلب من دانه انها تلحقه المكتب وراحت وراه وهيا عارفه شنو يبي منها
خالد:داني بابا عمتج اليوم اتصلت وتبي تعرف رايج بالموضوع
دانه:بابا اذا قلت لك رايي ماتزعل مني
خالد:وليش ازعل هذا مافي شي بالغصب
دانه :بابا انا موافقه بس عندي شرط
نهاية البارت
البارت 35
خالد:داني بابا عمتج اليوم اتصلت وتبي تعرف رايج بالموضوع
دانه:بابا اذا قلت لك رايي ماتزعل مني
خالد:وليش ازعل مافي شي بالغصب
دانه :بابا انا موافقه بس عندي شرط
خالد ببتسامه كلها حنان :انتي تامرين
دانه:جراح ما يحضر لاملجتي ولا عرسي
خالد بستغراب:ليش
دانه:الانه مايستاهل
خالد بجديه:دانه هذا اخوج الكبير وعيب اتقولين عنه هل الكلام
دانه:ماحبه اكره كل ما اشوفه اتذكر فراس الانه يشابه بكل تصرفاته ...اناني متسرع ظالم وفوق كل هذا ماعنده شخصيه ويمشي ورا مره
خالد:دانه ممكن اعرف سبب هالكلام
دانه:بابا جراح طول عمره يمثل الريال الي شخصيته قويه والي يعرف يحل كل المشاكل بس للاسف جراح ماعرف يحل اتفه وابسط مشكله بزواجه وبدال مايكحلها عماها راح تزوج وحده كبر يدتي وماشي وراها مثل الخروف
خالد:دانه المشاكل الي بين جراح وليال لاتخلينها اتأثر على حياتج ...محد فينا عارف الاسباب الي خلت جراح يتصرف جذي يعني يمكن يكون معاه حق بالي سواه بس اختياره لشخص نفسه غلط
دانه وهيا متنرفزه:بابا اي حق تتكلم عنه...انت شفت من ليال شي بذر منها تصرف مو زين
خالد:حشى البنت رايتها بيضه بس انا اقصد الضروف الي صارت معاه بره الكويت...دانه انا الحين يبتج هني عشان اسمع رايج بموضوع زواجج من عادل مو رايج بمشاكل جراح
دانه:وانا قلت لك راي انا موافقه بس بشرط مابي جراح يحظر ملجتي ولا عرسي
خالد:ومافكرتي شبنقول لناس اذا سألو عنه
دانه:عادي اي شي بس جراح مايحظر لا ملجتي ولا عرسي مابي يكون موجود مو غصب
خالد سكت اشوي وبعدها:على خير
دانه ببتسامه:وجراح
خالد بصرار:هذا اخوج ولازم يكون اول الموجودين مهما كان الخلاف بينكم معني عارف انه مافي خلاف بينكم
دانه :دام جذي مابي اتزوج
خالد:دانه لاتصيرين ياهل ولي ذاك الوقت يصير خير ...خليني الحين ادق على عمتج وقولها رايج
دانه قامت من مكانها وهيا متضايقه :تامر على شي ثاني
خالد وهو يدق على اخته :سلاج ...هلا بام عادل هلا خيتي
غنيمه:هلا بو جراح بشر ان شاء الله وافقت
خالد:اي الحمدالله وافقت
غنيمه بفرح:صج الف الف الف مبروك ياخوي الله يتمم عليهم والله انك فرحتني واخيرا بشوف عيال عادل
خالد:غنيمه شكلج مستعيله اكثر منهم
غنيمه:اي والله الي بعمره عيلو وهو ليلحين
خالد:الله يوفقهم ان شاء الله ويطول بعمرج وتشوفين عيال اعيالهم
غنيمه:آمين يارب..خل ادق عليه ابشره وبعدين ادق على هنادي عشان نتفق على كل شي
خالد:مابينا شي وانا خوج تعالوا خذوها بعباتها
غنيمه:لا والله حشه بنتك ماتطلع من بيتك الا بمهر سنع وعرس كل الناس تحجي فيه ..هذي الغاليه بنت الغالي ولاتنسى انا ماعندي غير عادل وابي افرح فيه
خالد:على خير ان شاء الله ...ماشي اخليج الحين تامرين على شي
غنيمه :سلامتك
خالد:مع السلامه
غنيمه:الله يسلمك ...بعد ماخلصت من مكالمتها دقت على عادل
عادل:حيا الله الغاليه
غنيمه :الله يحيك شلونك يما
عادل:دام سمعت صوتج انا بخير ..انتي شلونج طمنيني عنج يالغاليه شلون صحتج
غنيمه:الحمدالله يما هذا انا على حطت ايدك
عادل:الف الحمدالله...شلون الاهل انشالله كلهم ابخير
غنيمه:كلهم بخير والحمدالله ...عادل يما متى ناوي ترد الكويت
عادل:والله يما حاليا عندي شغل وايد لازم اخلصه وارجع بس اذاتبيني ضروري لاوالله اهد كل الي بيدي وارجع لعيون الغاليه
غنيمه:والله يما لازم ترجع الانه دانه وافقت
عادل يقاطعها ابسرعه :حلفي
غنيمه:هههههههه
عادل:اسف يما بس جد دانه وافقت
غنيمه:اي يما وافقت توني مكلمه خالك وقالي انها وافقت الحمدالله اني بشوفك معرس قبل ماتغمض عيني
عادل بضيق:بعد عمرا طويل ياالغاليه الله يطول بعمرج وخليج ذخر لي واشيلج بعيوني
غنيمه:تسلم لي عيونك يما ...ماقلت لي بتر الكويت
عادل:يما صعبه صدقيني ..شوفي انتي اتفقي معاهم على كل شي ودامها وافقت حددي موعد الملجه والعرس بس مو قبل شهر
غنيمه:طبيعي يما البنت لازم تجهز نفسها
عادل:يما قولي حق خالي ابي الملجه والعرس بيوم واحد
غنيمه:من عيوني
عادل:فديت عيونج يالغاليه ...يما
غنيمه:هلا يما
عادل:ابي احسن واكبر عرس ابي تكون احلى ليله بعمر دانه ...واذا بخاطرها شي بلغيني عشان اسوي لها
غنيمه:من غير ماتقول هذي بنت الغالي وبتصير مرت الغالي
عادل:انا لازم اعدل اوضاعي هني عشان استقر بالكويت
غنيمه بفرح:صج يما يعني خلاص ماراح تسافر
عادل:لازم اسافر واتابع الشغل الي هني بس بستقر بالكويت
غنيمه:والله لو ادري انه الزواج بخليك تستقر بالكويت جان من زمان زوجتك
عادل:حتى لو كنت متزوج بذاك الوقت جان سافرت الشغل يتطلب مني اني اكون موجود
غنيمه:الحين
عادل:الحمدالله اهم المشاريع الي عندي انجزتها بس هذا مايعني اني ماراح ارجع هني ...لازم اتابع شغلي وحلالي
غنيمه:ومنو بيمسك مكانك بشركه
عادل:الشباب اهني مايقصرون يتابعون اشغل ...وانا لازم ارجع اتابع الشغل الي بالكويت
غنيمه:الله يكون بعونك من مكان لي مكان
عادل:يما هذا حلالج وحلالي لازم انا الي اجابله وعيالي عمي مو مقصرين وعلى ما اضن جراح بي بعد فتره عشان يخلص باجي شغله
غنيمه:وعيوز قريح بتروح معاه
عادل:مادري والله بس اتوقع اتيي الان شغل بينهم...الا اذا تسوي وكاله عامه هذا شي ثاني
غنيمه:هذي والله بتشفط حلاله مو تعطيه حلالها
عادل:والله مو بعيد عليها ...المهم شوفي شنو يصير معاج وبلغيني
غنيمه:انت متى بترد الديره عشان اعرف شلون ارتب الامور
عادل:نهاية الشهر
غنيمه:خلاص انا اليوم اروح بيت خالك وتفق معاهم على كل شي
عادل:اوكي ...ماتامرين على شي يالغاليه
غنيمه:سلامتك يما
عادل:الله يسلمج ويخليج لي ويحفضج من كل شر
غنيمه:عسى عيني ماتبجيك يايما ...الله يخليك لي ويجعلك في كل خطوه سلامه ...يالله حبيبي حط بالك على نفسك
عادل:انشاءالله
غنيمه:يالله مع السلامه
عادل:الله يسلمج
بسيارة ليال
ليال:حمود ابوي بالبيت
محمد:لا توه طالع ليش
ليال:ابي اشوف امي مشتاقت لها وايد
محمد:اوكي الحين انروح وحتى اذا ابوي شافج ماتوقع بقول شي
ليال:صج تعال ابوي ماقال شي عن ردتي حق جراح
محمد:لا ماقال شي
ليال:ولا قالك شي
محمد:شفيج والله ماقال شي ...قال ترجع بيت ريلها احسن لها
ليال:غريبه
محمد:لا مو غريبه هذا ابوج ويحب يشوفج ابيت ريلج
ليال:حمود لاتزعل بس كلامك هذا تقوله عن اي ابو الا ابوي
محمد:ردينه على طير يلي
ليال بضيق:ابي اشوف امي
محمد:اوكي وبعد فتره اوصلو البيت
بيت بوفواز
ليال ومحمد ادخلو البيت
وحصه كانت تتكلم بتليفون مع فواز: وشكثر بتقعد هناك
ليال وحمود:السلام عليكم
حصه لتفتت :وعليكم السلام ورحمه
ليال راحت باسة راس امها:شلونج يما انشالله بخير
حصه:الحمدالله انتي شلونج.....ياين مع بعض
محمد:اي يما
حصه:امممم...وترد اتكلم فواز ...اي فواز ماقلت لي شكثر بتقعد هناك
فواز:مبدأيا 3 سنوات
حصه:على خير يما الله يوفقك وترجع لي سالم
فواز:امين يارب
حصه:عاد مر قبل ماتسافر
فواز:انشاءالله
حصه:سلم على العنود وبوسلي احمد
فواز :يصل انشالله ...تامرين على شي
حصه:سلامتك
فواز:مع السلامه
حصه:الله يسلمك يما
محمد:فواز
حصه:اي ...الدوام بطرشونه بره 3 سنوات
ليال:ليش مطرشينه
حصه:انقلو دوامه هناك
محمد:وين
حصه:لندن
محمد:الله يوفقه انشالله
حصه تلتفت على ليال:انتي شلونج وشلون خالتج وعمج
ليال :الحمدالله كلهم بخير
حصه:وشلون جراح
ليال بغصه:الحمدالله
حصه:شلونه معاج
ليال سكتت شوي وكانت تتذكر كل الي صار لها وبقلي مكسور:يما لميني
حصه استغربت من طلب ليال بس حست انه فيها شي :ليش حضن جراح ما يكفيج
ليال نزلت راسها وعينها انملت ادموع :حضنج غير
حصه :ولا تزعلين تعالي
ليال ابتسمت ابحزن وراحت حطت راسها على صدر امها.....كانت اول مره تنام على صدر امها حست ابراحه بهدوء عكس القهر وحرقت القلب الي بداخلها
حصه ويها تمسح على شعرها:يما صاير شي بينج وبين جراح
ليال شافت محمد ونزلت راسها ماكانت تبي تتكلم جدامه بشي
محمد حس انه ليال بداخلها كلام غير الي قالته له وقرر انه ينسحب من القعده:يما اذا تبين شي انا بداري
حصه: لايما مابي شي روح ذاكر
محمد وهو يقوم:اوكي ...قام وصعد فوق ...وقبل مايصل لي آخر دريه بسلم وقف لمن سمع كلام ليال
ليال:يما تدرين ليش جراح تزوج علي
حصه بضيق:ليش
ليال :عباله اني مو بنت
حصه :شلون يعني ماني فاهمه شلون منتي بنت
ليال قالت السالفه كلها حق امها وهيا تبجي وتشاهق
حصه::حسبي الله ونعم الوكيل فيهم من بشر حسبي الله ونعم الوكيل ...الله يلعن الساعه الي زوجتج فيها يعقوب...بس يما بس قطعتي قلبي لاتبجين كل شي ينحل
ليال: يما شلون يصدق كلام الناس مو أنا زوجته شلون يشك فيني ...وليش خذاني دام مو عارف أنا شنو واخلاقي شنو
حصه بضيق:المفروض يوقفهم عند حدهم وبنفس الوقت الي سمع الكلام الي انقال عنج بس الشيطان شاطر
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك