رواية عهدي مع الايام -2
سمع تنقز حجي عليها رد البيت وطقها وشدد العقوبه عليها...محد كان عاجبه الوضع الكل حاول مع ابوها لاكن بدون فايده الي براسه يسويه وبس...وفواز طلعله نسخه من مفتاح غرفتها عشان يقدر يطل عليها ويطلعها من الغرفه بغياب ابوها وامها )
تحت بصاله
فواز يتكلم بتليفون:يمه يعني لي متى وهيا جذي
حصه كانت طلعه :والله كلم ابوك ليش ياي اتكلمني
فواز:يمه هذي مو بنتج ...قلبج مايتقطع عليها وعلى حالها
حصه:اكيد قلبي يتقطع عليها ..بس انت ادرى ببوك
فواز:وليش ماتكلميه ..يمه والله الي قاعد يصير لايرضي الله ولا رسوله وبعدين ليال لاهي اول ولا آخر بنت تتطلق
حصه:فواز انا كلمته وايد وكل مره يزفي وقولي خليني اربيها ...قولي شتبيني اسوي بعد ابوك عقليته متحجره ..شكله ناوي يذبحها مو عارف اشلون
فواز:انزين والحل ..لي متى ليال بتضل بغرفتها محبوسه
حصه:والله مادري انا ماأقول الا انشالله ايي لها النصيب الزين عشان ترتاح من ابوك وعمايله
فواز:وليش بعد سوالف ارفيجتج في احد خطبها البنت صارلها سنه محد يه وخطبها...حسبي الله ونعم الوكيل فيهم انشالله يشوفونه ابناتهم
حصه:آآآخ الواحد مايدري شيقول يعني هذي الي كانت عشرت عمر معاي صارت تمشي وتتكلم عن بنتي
فواز:يمه ولي يرحم والدينج كلميه مره ثانيه البنت بتموت والله بتموت
حصه:اسم الله على بنتي ليش اتفاول عليها
فواز:انا ماأفاول عليها بس اذا ضلت على هل حال صدقيني بصير فيها شي
حصه: شسوي ابوك عصبي والي براسه لازم يسويه
فواز:خلاص يمه لاتعبين روحج انا اتصرف
حصه:شبتسوي
فواز:بدورلها ريل
حصه:ليش عبالك ابوك بوافق يزوجها مره ثانيه
فواز :مو بكيفه يحرمها من شرع ربنه
حصه:والله كيفكم سوو الي تبونه بس المهم لايحس انه ليال اهيا الي تبي الفكه والله يذبحها
فواز:خلاص يمه خليها علي وانشالله اقدر احل الموضوع
بيت صالح
اول شي ابي اعرفكم على عايلة صالح(صالح عمره 62 سنه ريال طيب وحنون على عياله وخاف عليهم من الهوا الطاير وزوجة صالح متوفيه من 4 سنوات ...وعياله سعود 30 سنه متزوج بنت خالته غيداء 28 سنه وعندهم ولدين صالح وفهد...لمياء 29 سنه متزوجه وعندها ولدين وبنت ...آمنه 25 سنه وتوها متزوجه ...رناد 16 سنه ورفيجة آلاء )
صالح:اليوم فواز كلمني بخصوص ليال...والله عمك مادري شلون يفكر وهذا وهوا عارف كل شي وانه بنته مالها ذنب ابشي
سعود:الله يهديه انشالله ..اليوم محمد يقول صارلها فتره تعبانه وويها اصفر وايد وكل مالها وتضعف اكثر الانها ماتاكل شي
صالح:والله لو عندي ولد غيرك جان زوجتها منه وريحتها
رناد:بابا عمي ليش يسوي فيها جذي والله حرام ليول اتهبل واهيا ماتزوجة الا الانها تبي اتكون اسره هذا حلم حياتها انها اتكون اسره ناجحه على قولتها
صالح:عمج كل ماسمع واحد سأله عن سبب الطلاق مايعرف شيرد ويحط حرته بالبنت ...الله يعينها
رناد:بابا دام عمي احمد حابسها ومايبي يشوفها ليش ماتيبها عندنا تعيش معنا
صالح:لا يبه مايصير بيت ابوها موجود وتعيش عند عمها...انشالله ايي لها ولد الحلال الي يفكها من معاملت ابوها وكلام الناس
سعود:اي ولد حلال وهوه حاف مايزوجها
صالح:ستغفر الله ربي ...والله عمكم ين وقعد في احد يسوي ابنت جذي ولا منو ليال الي مالها حس وشيخة البنات
رناد بدلع:بابا اذا اهيا شيخة البنات وانا شطلع
صالح:انتي احلى واغلا البنات كلهم
سعود:انتي متى تكبرين بس صرتي مره وليلحين تتدلعين
رنان بدلع: خل اتدلع بيت ابوي انت شحارك ...بعدين اذا ماأتدلع على ابوي وحبيبي اتدلع على منو صح باباتي
سعود وصالح:هههههههههههههههه
بليل بدونية سعود
فواز توه واصل:السلام عليكم
الكل:وعليكم السلام ورحمه حياك
سعود:حيالله ولد العم
فواز:اتحيا ودوم
الدوانيه كانت مليانه شباب مجموعه يلعبون كوت بوسته وثنين يلعبون بلي ستيشن ...وثلاثه قاعدين على الاب توب ..والباجي يسولفون والي يطالع التلفزيون
محمد يساسر فواز:بشر اطلعت من الغرفه ولا لاء
فواز:لا ماطلعت ولا راضيه تاكل شي
محمد:والحل
فواز:مادري
سعود:شفيكم تتساسرون
فواز بصوت واطي:مافينا شي بس نتكلم عن ليال...لاراضيه تاكل ولا تطلع من الغرفه والله خايف يصير فيها شي
شوي ودخل طلال(ارفيج سعود وعمره 30 سنه .. ... طيب وحبوب ووالي بقلبه على السانه وفوق كل هذا من عايله كبيره وايد ومعرفه )
طلال:السلام عليكم
الكل:وعليكم السلام
سعود:حيالله القاطع
طلال وهوه يبتسم:الله يحيك
سعود:وينك كل هل مده قاطع وماتبين
طلال:والله لاهي مع الوالد بشركه ..جراح مسافر والشغل صار كله علي
سعود:دام جذي معذور
طلال دخل وسلم على محمد وفواز الانه يعرفهم عدل بحكم علاقته بسعود القويه
طلال:فواز خير عسا ماشر بيعني بسوق ياخوك
فواز:اشتريك ياخوي..مشكور وماتقصر
طلال:فواز فيك شي محتاج شي انا ملاحظ عليك صارك فتره منت طبيعي بالمره
فواز:مشاكل اشوي وانشالله تنحل
طلال:افا بس اخوي عنده مشكله وانا موجود خبر انشالله محتاج شي ..ترى ارقبتي سداده
فواز:تسلم ياطلال...وسرح بليال وحالتها
سعود:فواز فواز
فواز:هلا سعود بغيت شي
سعود:الي ماخذ عقلك..وين رحت
طلال:شكله سرحان بالحبايب ..هذا وانت متزوج وتسرح اش خليت لنا يالعزوبيه
فواز بتسم ومارد عليه وهذا الشي الي خلا طلال يحس انه فعلن فواز فيه شي ..فواز طول عمره يحب يضحك وسولف حتى لو كان متضايق بس هل مره الكل لاحظ عليه انه مخنوق ومو قادر يبطق بكلمه
سعود:محمد شصار على اختك
محمد:على حطة ايدك
فواز ماقدر يقعد كان طول الوقت يفكر اب ليال الي صارلها فتره تعبانه وايد وابوه مو مهتم والي زاد عليه كان يتذكر شكلها وهيا تبجي وتدعي انها اتموت عشان ترتاح
فواز وهوا واقف:انا اترخص ياجماعه مع السلامه
الكل :الله يسلمك
طلال:وين توناس ماقعدنا معاك
فواز:مره ثانيه انشالله
فواز:مع السلامه ...وطلع
الكل:حياك
طلال:سعود فواز شفيه شكله تعبان وايد..اول مره اشوفه ابهل حاله حتى محمد مو طبيعي
سعود اخذ نفس عميق:خلها على الله بس
طلال:سعود ترى انا اعين وعاون اذا محتاجين شي رقبتي سداداه
سعود كان يطلع وهوه ساكت
طلال:لا انتو اكيد فيكم شي ..بتقول ولا والله ماأطب دوانيتك بعد اليوم
سعود:طلال المشكله عائليه
طلال:انت متأكد انها عائليه ..يعني مافي شي ثاني
سعود:مثل ماقتلك المشكله عائليه
طلال:امممم
سعود سرح شوي كان وده يقوله عن مشكلة ليال...بس تردده وايد ..معنه عارف طلال عدل السر عنده مايطلع لو على قص ارقبته
طلال حس الوضع غريب ومومتعود علهم جذي
طلال:سعود قوم معاي ابيك شوي
سعود:خير انشالله
طلال:ماكو الا الخير انت قوم وبتعرف
سعود قام مع طلال وطلعو من الدوانيه
سعود:طلال خرعتني فيك شي
طلال :انا الي فيني شي ولاانت وعيال عمك الي معتفسين بالمره...شوف لاتقولي المشكله عائليه وكلام فاضي تكلم
سعود سكت فتره كان متردد وايد
طلال:سعود انا وياك مو بس ربع انا وياك مثل الاخوان قول شفيكم يمكن اقدر اساعدكم
سعود بحزن:والله ياليت يكون الحل عندك
طلال:وانا حاس انه الحل عندي...طلال كان متوقع انه المشكله ماديه وهما مستحينه منه
سعود:شوف الكلام الي بقوله لك مايطلع لاي مخلوق
طلال:افا يسعود وانا من متى اطلع الكلام الي بينه
سعود:لاتلومني بس المشكله كبيره
طلال:انت قول وانشالله تنحل
سعود قال السالفه كلها حق طلال بس في اشياء ماقالها مثل حبست ليال بالغرفه ومعاملت ابوها لها
طلال:لا حول ولا قوته الا بالله ..شنو هناس اشلون يتكلمون عن البنت جذي
سعود:عشان يغطون على خياس ولدهم
طلال:انزين بنت عمك جم عمرها
سعود:19 سنه
طلال:19 سنه هذي صغيره ليش متزوجه بسرعه
سعود:انصيب ياخوي
طلال:امممم ...انزين بنت عمك اتحب اليهال
سعود:وايد ..واهيا ماتزوجت ابسرعه الا عشان حبها لليهال بس ليش تسأل
طلال:لا ولا شي ..خلاص عطني يومين وانا اعطيك الحل
سعود سكت وماعرف يرد عليه
طلال:لاتكدر خاطرك ياخوي المسأله مو صعبه ..وانشالله حلها عندي
سعود:شلون
طلال:انت ماعليك بعد يومين اعطيك خبر ..المهم انا استأذن الحين
سعود:وين توناس
طلال:والله ودي اقعد بس باجر وراي قعده من الصبح
سعود:انزين اقعد اشوي وبعدين توكل على الله
طلال:والله كنت ياي بس اشوفك واتطمن عليك
سعود اصر على طلال انه يقعد بس طلال اعتذر وطلع
بسيارة طلال
طلال:يت والله يابها بس جنه البنت صغيره وايد عليه .....وقطع عليه تفكيره صوت تليفونه الي يرن
طلال:هلا بالحب
:واااي حياتي انت وينك ..اشلون تحرمني من صوتك كل هل مده
طلال:حنونتي سوري والله عندي شغل لي الراس
حنان:ولو انا هم اعتبرني صفقه من صفقاتك التجاريه..ولا ماأستاهل اتفكر فيني
طلال:والله انتي احلى صفقه بحياتي كلها
حنان:واااااااااااي طلول احبك
طلال:وانا اموت فيج
حنان:قولي شسويت اليوم ابي تقرير مفصل
طلال:هههههه شنو لازم كل يوم تقرير
حنان:اي لازم كل يوم تقرير.....ولاا ماتبي اتقولي اخبار حبيبي طلولي ...حياتي مايصير كل يوم اعيد الاسطوانه
طلال:ههههههههههههههه خلاص الحين اعطيج التقرير
حنان:ابي بتفصيل
طلال:انتي تامرين امر جم حنونه عندي
حنان:وحده
طلال:وحده وماخذه قلبي وعقلي كله ..حنون والله على كل شغلي ماتغيبين عن بالي لحظه
حنان:يااااي حبيبي والله ويلوموني فيك
حنان عمرها 24 سنه اتحب طلال من 4 سنين حبهم حب خيالي مافي منها الا بالمسلسلات بس ليلحين مو قادرين يتزوجون ..الانه ابو طلال رافضه الفكره من اساسها
وهما يسولفون ويضحكون طلال صار عنده خط ثاني
طلال:حنون جراح داق علي وابيه بموضوع ومن اخلص ادق اوكي
حنان:اوكي
طلال:موتنامين ابي اكلمج
حنان:انشالله...باي
طلال رد على اخوه جراح
طلال:هلا جراح
جراح بعصبيه:لا غلطان جان زرعتني اكثر..انت متى بتيوز عن سوالفك
طلال:اي سوالف
جراح:والله انت ادرى اي سوالف...الي بعمرك عيالهم طولهم
طلال:الي يسمعك يقول عنه درزن يهال يمشون وراك
جراح:على الاقل عندي بنت انت اشعندك
طلال:عندي حنونتي الي تسوى الدنيا بالي فيها
جراح:وماتقولي شنو نهاية هل حب
طلال:ماعليك مني عندي لك خبر حلو
جراح:خيران شالله
طلال:لقتلك بنت الحلال
جراح:ههههههههههههههههههههه ..انت منصجك
طلال:اي والله شفيك
جراح:ههههههه قمت تشتغل خطابه من وراي
طلال:شسوي اخوي وادور سعادة
جراح:انزين من بنته
طلال:بنت عم سعود ارفيجي ...بس صغيره وايد
جراح:جم عمرها
طلال:19
جراح:هههههههههههههه شسوي فيها هذي اربيها ولا آخذها مره
طلال:الصغيره احسن...انت اتشكلها مثل ماتبي
جراح:امممم بس فرق وايد
طلال:والله احسن لك اشفيك انت وبعدين البنت اتحب اليهال وايد
جراح:انزين من بنته
طلال:قتلك بنت عم سعود
جراح:من صجك هذي وين وحنا وين
طلال:خذيت بنت الحسب ونسب ومن مستوانا شنو سوتلك...ولا شي.... توكل على الله ياخوي وروح اخطب البنت ترى ناس ونعم فيهم
حراج:طلال شلون آخذ وحده بيني وبينها وايد
طلال:عادي مافيها شي بالعكس المره كل ماكانت اصغر احسن لك كل ماكانت اصغر اتحس معاها انك صغير يعني اتشببك...اي ونسيت اقولك ترا البنت مطلقه
جراح بستغراب:19 ومطلقه متى مداها تتزوج وتتطلق
طلال:نصيبها
جراح:وشنو سبب الطلاق
طلال:الولد مو كفو
حراج:طلال انت متأكد
طلال:بالله عليك بيبلك وحده اقولك تزوجها وهيا موزينه....شقلت متى انروح نخطبها لك
جرام:الحين منو الي بيتزوج انا ولا انت وبعدين انا توني طالع من تجربه بقمت الفشل مابي افشل مره ثانيه هل مره ابي اختار البنت الي تستاهل اتكون مرت جراح ال....
طلال:وانا اقولك تستاهل انها اتكون حرمك المصون
جراح:انت اش سالفتك ليش مصر عليها جذي ...شكلك اتعرفها عدل
طلال:لاوالله ماعرفها بس اعرف اخوانها عدل ريايل ينشد الظهر فيهم والله لو ماكنت احب حنونتي ولا بينه شي جان ماطوفتها
جراح:غريب امرك
طلال:والله ابيلك ازين
جراح:اجل الموضوع الحين لي رجعت من السفر يصير خير
طلال:انأجل الموضوع ليش لاء ...بس متى توصل
جراح:باجر اصبح انشالله
طلال :على خير انشوفك باجر ...وتوصل بسلامه
جراح:انت اشفيك
طلال:جريح بروح اكلم الحب قبل ماتنام
جراح:يتعبان .. منت كفو الواحد يكلمك اذلف الحين
طلال:هههههه مو مشكله
جراح:ايا تعبان تبيها من الله
طلال:جريح انت كل يوم اسمع صوتك واشوفك ..بس الحب مو كل وقت اقدر اكلمها
جراح:اوكي روح وباجر نتفاهم...يالله مع السلامه
طلال:الله يسلمك
ثاني يوم الصبح في بيت بوفواز
احمد :فواز ومحمد انا اليوم العصر طيارتي ماوصيكم على البيت
فواز:لاتوصي حريص يبه ..امي والبنات بعيوني
احمد:وليال اتضل على هل وضع وماتطلع من البيت
محمد:يبه بعد اذنك ممكن اوديها الطبيب ليال تعبانه وايد
احمد:اشفيها
محمد:ويها اصفر وكل مالها تضعف ولا راضيه تاكل شي
احمد:يعني مافيها شي...وكل هذا دلع بنات
فواز:يبه ليال صج تعبانه وايد
احمد سكت فتره وبعدها:خلاص اليوم ودوها الطبيب بس اثنينكم كونو معاها وعيونكم ماتغفل عنها
محمد:يبه ليش اتحسسنا انها مسويه جريمه البنت ماغلطت
امحد بعصبيه:اختك ردت بيتي بيوم عرسها تدري شنو معناته ...هذي وطت راسي بين الناس
فواز:ماعاش الي يوطي راسك يبه وليال لا اول ولا آخر بنت اترد بيت ابوها بيوم عرسها...يبه خل انكون واقعين اشوي...يعني ايهو احسن بنسبه لك..اترد بيت ابوها بيوم عرسها ولا اتعيش مع هذا الي مايخاف الله ...ومايندرا ...يمكن يجبرها اتسوي اشياء موزينه
احمد بعصبيه:الريال مافيه شي ولا شلون تزوج ومرته حامل ..قول اختك الي فيها البلا
محمد:يبه ليال تربيتك ومستحيل اتسوي شي يمس اسمك ...وبعدين وايد من هل اشكل متزوجين وعندهم عيال ومحد يدري عنهم حتى حريمهم مايدرون
احمد بصراخ:سمعوني انتو الثنين اذا فتحتو الموضوع مره ثانيه ماتلومون الا نفسكم فاهمين وليال بتضل طول عمرها جذي ...وان سمعت انها طلعت من البيت بغيابي والله ماتلومون الا نفسكم
محمد وفواز ساكتين ولا يقدرون يردون الانهم عارفين ابوهم اذا فقد اعصابه مايشوف الي جدامه
نهاية البارت
البارت الثالث
احمد بصراخ:سمعوني انتو الثنين اذا فتحتو الموضوع مره ثانيه ماتلومون الا نفسكم فاهمين وليال بتضل طول عمرها جذي ...وان سمعت انها طلعت من البيت بغيابي والله ماتلومون الا نفسكم
محمد وفواز ساكتين ولا يقدرون يردون الانهم عارفين ابوهم اذا فقد اعصابه مايشوف الي جدامه
بليل في بيت بو صالح
رناد:بابا توه آلاء امكلمتني وتبيني اروح بيتهم ..بابا ودني
صالح وهوا يبتسم:عمج سافر
رناد:اي ...وابي اروح اقعد مع ليول مشتاقتلها وايد
صالح:اي يبه روحي عندها وقولي حق بنات عماتج ايون معاج ...خل اتوسع صدرها بالقعده معاكم
رناد:اوكي الحين ادق عليهم واقولهم ...امممم
صالح يبتسم:تعالي قعدي عندي وقوليلي شعندج
رناد:ودي انام عندهم اليوم شرايك
صالح:شلون قلبج يطاوعج اتنامين ابعيد عن ابوج
رناد:والله مايطاوعني ..بس انت تدري بحالة ليال وابي اكون عندهم ابيها تستانس دام عمي مو موجود يعني بخلونها تطلع من غرفتها
صالح يتنهد:لا حول ولا قوته الا بالله ..الله يهدي عمج ان شاء لله روحي يبه لاتتأخرين عليهم
رناد:بابا انت الي توديني ولا اقول حق السايق
صالح:لا انا اوديج بس انتي روحي لبسي ودقي على البنات عشان انمرهم
رناد:اوكي
في بيت احمد
فواز ومحمد وآلاء والعنود واحمد الصغير كلهم قاعدين بغرفة ليال ...هذي فرصه بنسبه لهم ولي غاب القطو العب يافار...سوالف وضحك بس الكل كان ملاحض ليال انها ماتضحك كانت تكتفي ببتسامه
العنود:فواز اليوم مرت سعود دقت علي اتقول عيد ميلاد عيالها عقب باجر ب ماكدونلز الي على البحر وصراحه مالي خلق اودي احمد
فواز:ليش مالج خلق دام المره دقت وعزمتج لازم اتروحين
العنود:فواز مابي اروح بروحي مادري شلون..وتطالع ليال
فواز:مو مشكله اخذي ليول معاج
ليال:انا
محمد:لا ..انا ..اكيد انتي ليش جم وحده بالبيت اسمها ليال غيرج
ليال:لا مابي اطلع من البيت
فواز:ليش
ليال:فواز انا صارلي 6 شهور ماأطلع من غرفتي الا نادر اشلون تبيني اطلع من البيت....صرت اخاف من الناس
محمد:ليول ماعليج من الناس وبعدين انتي غلطتي بشي
ليال:لا
محمد:خلاص خلج واثقه من نفسج والي يقولج كلمه ردي عليه بعشر
فواز:ليول هذي فرصه اتغيرين جو دام ابوي امسافر
ليال:واذا ابوي عرف اني طلعت من البيت
فواز:شلون بعرف
ليال:اخاف امي اتقوله او احد يشوفني ويقوله
فواز:امممم...وبس هذا الي مخوفج
ليال:اي
فواز:خلاص انا اوديكم واقعد مع سعود لين اتخلص الحفله وبعدين نطلع وبجذي محد يقدر يتكلم الانج معاي
ليال:فواز مابي اروح ...بعدين هذي حفلة يهال اروح شسوي
محمد:روحي غيري جو واكلي وجبه احمداني ..بعد اهمه دافعين فلوس وجبته ..مايصير تنقط
ليال تبتسم
محمد:شقلتي تروحين
ليال:ماعندي شي البسه
فواز:بسيطه باجر الصبح اوديج السوق واخذي الي تبينه بعد آمري
ليال:والله اخاف
فواز:اتخافين وانا معاج
ليال نزلت راسها
محمد:ليول عندج اخوان ينشد الظهر فيهم وتخافين
ليال:حمود انت بعد تعال معانه
محمد: فواز موجود معاج ...ليول لازم تثقين بروحج انتي ماغلطتي بشي انت مضلومه مو ضالمه
وهما يسولفون ادخلت عليهم رناد ومعاها وامل وايمان:السلام عليكم
الكل :وعليكم السلام
ادخلو البنات وسلمو على ليال
محمد:رناد شلونج
رناد بحراج:هلا محمد انا بخير ...انت شلونك
محمد:بشوفتج انا بألف خير
رناد انحرجت ونزلت راسها
فواز:دام البنات عندج احنه نطلع من البيت عشان تاخذون راحتكم
ايمان:فواز احنا مو غرب ولاتخاف ناخذ راحتنا بالبيت عدل
فواز:دام جذي نزلو قعدو بصاله اشرح من الغرفه ..ويطالع العنود
العنود:اي صح امشو ننزل
محمد وهوا طالع من الغرفه:عنود شوفي البنات شنو يبون عشى عشان ايب لكم وانا ياي
العنود:بنات شنو تبون تاكلون
ليال:انا مشتهيه ماكي
رناد:دام ليول تبي ماكي انا بعد ابي
ايمان:ليول بتين عيد ميلاد عيال سعود (بنت عمتها سعاد وعمرها 17)
ليال:مادري والله
آلاء:ماعليج منها انشالله بتكون موجوده انتو بتروحون
ايمان:اي نروح ماورانه شي
آلاء:امول بتروحين
امل:اي بروح انتي بتين (بنت عمتها بتهال وعمرها 17 سنه)
ليال:كلكم بتروحون
رناد:ليول تعالي والله وناسه
ليال:انشالله
البنات ضلو سولف وضحك لي الصبح ...وليال كان اليوم بنسبه لها يوم من احلى الايان الي مرت عليها..فقدت القعده مع البنات ..فقدت سوالفهم وضحكهم...كانت سعادتها ماتنوصف والكل لاحظ انه ليال كانت مستانسه
اساعه 7 الصبح
فواز وهوه نازل:ماشالله ليلحين قاعدين
آلاء:اي مر الوقت بسرعه وماحسينه ...انت شمقعدك اليوم عطله
فواز:اول قومي سويلي شي آكله وبعدين اقولك
آلاء:وعنود وينها
فواز:نايمه ...يالله قومي سويلي ريوق
آلاء:لا والله الحين اهيا تنام وحنه نخدمك
فواز وهوا يمسكها من اذونها:غصبن عليج تخدميني انا اخوج العود ولازم تسمعين كلامي
آلاء ودموعها بعيونها:فواز هد اذني عورتني
فواز:انشاالله ...يالله قومي سويلي شي آكله
ليال:فواز انا اقوم اسويلك شنو تبي تاكل
فواز:ابي حليب وبغصم
ليال:الحين ذبحتنه ريوق وريوق ...آخر شي حليب وبغصم
فواز:شفتي شلون ... يا الله قومي سويلي
ليال:انشالله.....بنات مو يواعه
ايمان:قولي ميته من اليوع
رناد:حتى انا يوعانه
امل:انا مابي شي بس سولي نسكفيه
ليال:اوكي
رناد:ليول بي اساعدج
ليال:يالله
بعد الريوق
فواز:ليول يالله قومي لبسي
ليال بخوف:ليش البس وين بروح
فواز:شكلج نسيتي ...امس مو اتفقنه ان روح السوق اليوم
ليال:فواز مابي اطلع
آلاء:ليول حبيبتي ليش خايفه
ليال:والله اخاف ابوي يعرف ويذبحني
فواز:انتي معاي مو بروح جالي تخافين
ليال:....
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك