رواية عهدي مع الايام -24
كادي:ليول امس طاحت وهيا الحين بالمستشفى
اريام بخوف:شفيها
كادي:انهيار عصبي حاد
اريام:حسبي الله ونعم الوكيل...انشاء الله الانهيار يصيب بنت ابليس
جراح بعصبيه:اريام وبعدين معاج قلت لج ثمني كلامج
اريام:كدوي اهيا شلونها الحين
جراح:ماشاء الله اشوف صرتي تسألين عنها مو هذي بنت الفقر الي ماكانت تعجبج شلي تغير الحين
اريام:تغيرت اشياء وايد ياجراح ...كافي انها خاطرت بحياتها عشاني وعشان بنتك
جراح بستهزاء:ليش انشاء الله ليال صارت رامبو وانا مادري
اريام :لا وانت الصاجر تدري منو رامبو الي انقذتك من العصابه الي كانت تبي تذبحك سبحان الله اهيا يالها الهام وقالها جراح تعرض لضرب برصاص روحي نقذيه وخشيه عندج وبالمره تزوجيه ووخريه عن اهله ...اقطع ايدي اذا ماكانت اهيا ورا كل السالفه وكل الي صار بس عشان تكبر بعينها وتاخذها...ولفت على كادي ...كدوي وكلي ملوكه انا رايحه ..وحطت ملاك عندها...وبسرعه راحت قبل ماتحصل جم كلمه من جراح
جراح ببتسامه:صباح الخير ياحلوه..ماتبين بابا
ملاك كانت تحوم نظراتها بين كادي وجراح وبعدها ارفعت راسها وشافت كادي تبتسم لها
كادي:يالله ياحلوه ناكل آم
ملاك:اينا ماما
كادي:ماما راحت الطبيب
ملاك مدت البوز شبرين:ابي ماما
جراح بضيق:حبيبت باباتها بالاول ناكل وبعدين انروح عند ماما انزين
ملاك تجمعت الدموع بعينها ومدت البوز اكثر:ابي ماما
كادي تبي اتنسيها:ملوكه ماتبين جباتي
ملاك:ابي ماما
كادي:اذا كليتي اوديج عند ماما انزين
ملاك:وديني ماما
كادي:اي بس اذا ماكليتي ماراح واديج
ملاك:ابي أم
كادي:من عيوني ...وبدت اتوكلها
جراح:كدوي ملوكه متعلق بليال وايد صح
كادي:فوق ماتتصور...جراح بنتك انحرمت من امها والله عوضها بليال ..والحين ردت اخسرت امها مره ثانيه ...جراح ودي اقولك اشياء وايد صارت بس اذا قلت لك بتسمعني لي الاخر
جراح:اكيد قولي
كادي:انا ماراح اقولك عن معاملت ليال حق ملوكه الانه الشي واضح لو ليال كانت اتسأ معاملتها جان ماشفتها متعلقه فيها جذي...لكن بقولك بعد 3 اشهر او اكثر الكل فقد الامل انك ترجع مره ثانيه ....ابوي قالها ترفع قضيه بالمحكمه وتتطلق منك وتروح تعيش حياتها ...لكن ليال ارفضت بشكل نهائي ابوي حاول يفهمها او يتناقش معاها بالموضوع لكنها ارفضت حتى النقاش بالموضوع ...وقالت حق ابوي انا عاهدت جراح اني احط ملاك بعيوني وماأتخلا عنها شلون اخليها وشلون اخلي ...وغيره من الكلام الي كان عنك...كل هذا كوم ويوم الي مريم وربعها تهجمو عليها ...تخيل مريوم خلت ربعها يطقون ليال طق من كثر الطق اكسرو خشمها
جراح بستغراب:ليش
كادي:عشان ياخذون ملاك منها وليال كانت تقاومهم بس ماقدرت عليهم اهيا بنت بين 4 ريايل يطقونها شلون بتقاوم
جراح بنفعال:وبعدين
كادي:مريم خذت ملاك وليال ردت البيت منهاره من البجي ...وكانت طول الوقت تدعي انه الله ياخذ من عمرها ويردكم لها..اقصد انت وملاك..كانت خايفه عليها بشكل ماتتصوره ...جراح تعتقد هل انسانه ماتستاهل انها تكون مرت جراح وتشيل اسمه تعتقد انه ليال ماتصلح اتكون ام حق ملاك ...جريح ملوكه انحرمت من حنان امها ولا تحرمها من ليال
جراح:كملي وبعدين شصار شلون ردت ملاك
كادي:ابوي نفس الوقت بلغ الشرطه وعلى طول مسكوهم وكتبوها تعهد انها ماتتعرض لهم مره ثانيه
جراح:الحقييره ادواها عندي
كادي:جراح مريم مو موضوعنه الحين انا الحين قاعده اتكلم عن ليال
جراح:ليال ماضي وانتها من حياتي خلاص ...واذا على ملاك مردها بتنسى ...يعني الي عاشو بدون امهات مات ولاء طبعا كاهم عايشينا حسن عيشه
كادي بستغراب:بعد كل الي قلته لك ليلحين مصر على رايك
جراح:ليال اهيا اختارت اطلاق وهذي حياتها ...واذا مثل ماقلتي انها ميته على ملاك ليش اطلبت الطلاق ليش ماضلت معاي عشانها...وبنسبه لي اهيا ماضي ونتها من حياتي وغرور اهيا الحاضر والمستقبل
كادي:لو اي وحده بمكانه بتسوي جذي وبعدين هذي ردت فعل طبيعيه ..يعني وحده كانت ميته وتشوف ريها تدعي ليل ونهار يرد لها بسلامه كل يومين بالمستشفى مافي درب وابر ماعطوها حتى ايدها تقضضت من الابر بس عشانك بعد كل هذا اتشوفك داخل عليها ومعاك وحده ثانيه ..وهيا بنسبه لك ولا شي ...شنو تبيها تسوي اتيبب ولا ترقص انت حتى ماحسستها انها مهم هاو انها اي شي بحياتك حتى مابينت لها انك تبيها عشان ملاك ...بعد كل هذا شلون تبيها تقعد معاك عفيه آدميه بعد كل هذا تبيها تتحمل ..جراح ليال بشر من لحم ودم ليال حساساه ورقيه وايد واي وحده بتتصرف جذي...شنو ماعندها كرامه....انت ترضى انه دانه اترد حق فراس بعد الي صار فيها
جراح:اهيا متهاوشه معاه
كادي بدهشه:نعم
جراح:اشفيج انا قلت شي غلط
كادي:اي غلط...انت ماتدري انه دانه تطلقت
جراح بدهشه:لا مادري انتو خذيتوني بصيحه وانا ماني فاهم شي
كادي :هذا بروحها سالف...وقالتله سالفت دانه
بعد يومين
ليال اطلعت من المستشفى وراحت بيت ابوها الي عرف بسالفت طلاقها ...واسبابه لكن بوطبيع مايوز عن طبعه
حصه وهيا تبجي:حرام عليك والله حرام ليش تحبسها االبنيه الي فيها مكفيها ...وفوق هذا مرضها انت ناوي تذبحها
احمد:ان شاء الله تموت وافتك منها سودت ويهي ...والحين الناس بتتأكد انه بنتج فيها بلا ولا ليشت طلقت للمره الثانيه
حصه:هذا حظ البنت شنسوي يعني ...احمد ولي يسلم عمرك افتح باب الغرفه ليال تعبانه وايد واخاف يصير فيها شي
احمد:بالعنه
حصه:خاف ربك في بنتك والله ربك بحاسبك على الي تسوي فيها حرام عليك...والله حرام
احمد بصراخ:حصه انا ماني ناقصج انتي بعد ذلفي عن ويهي لا احط حرتي كلها فيج
حصه :وتعتقد بهمني ...مايهمني شي خلاص انا تعبت منك ومن عنادك قاعد اتحاسب عيالي على شي تافه وسخيف انت ...احمد اذا مافتحت الباب صدقني مابضل على ذمتك دقيقه وحده...وباخذ بنتي بطلع من البيت
احمد:اذا فكرت بس توصل اعتبت باب البيت والله اذبحها على ايدي
بغرفة ليال
كانت منسدحه على فراشها ودموعها على خدها ...كان بالها مشغول على ملاك الي من اطلعت من الفلا وهيا ماتدري عنها وبيوم الي زارتها اريام آخر مره قالت لها انه ملاك ما تاكل ولاتنام وبس تبجي ودور عليها بالبيت كل...كانت اتفكر بملاك الي تتعذب ابعيد عنها وماهمها الوضع الي اهيا فيه ولا همها الحبس الي انفرض عليها بدون سبب للمره ثانيه
يتبع البارت 27
بغرفة ليال
كانت منسدحه على فراشها ودموعها على خدها ...كان بالها مشغول على ملاك الي من اطلعت من الفلا وهيا ماتدري عنها وبيوم الي زارتها اريام آخر مره قالت لها انه ملاك ما تاكل ولاتنام وبس تبجي ودور عليها بالبيت كل...كانت اتفكر بملاك الي تتعذب ابعيد عنها وماهمها الوضع الي اهيا فيه ولا همها الحبس الي انفرض عليها بدون سبب للمره ثانيه
ليال بضيق:يارب صبر ملوكتي ..يا رب ما يصير فيها شي وتتأقلم على الوضع ابسرعه ..ومسكت المخده وضغطت عليها بقوه وقامت تبجي وتشاهق ..الانها عارفه ومتأكده انه مافي احد يجابل ملاك مثلها الكل لاهي بحياته وبالاصح اهما مو ملزومين فيها وبنسبه حق غرور اهيا مو عارفه شلون راح اتعاملها هل راح تهتم فيها ام بتهملها وتقطها على الخدم...هذي الفكره كانت كاسره قلب ليال مابيدها تسوي شي كل شي انتها ...اما جراح الي سبب لها جرح اكبير بقلبها ..شنو ذنبها ليش تزوج عليها اهو حتى ماقعد معاها فتره الي يحكم عيها انها مو زينه ويتزوج عليها
بشقة فواز
فواز كان يكلم محمد وهو بقمة الغضب
فواز:حمود لاتينني قتلك ..ليال لازم اتي عندي
محمد:انت ناوي ابوي يذبحها
فواز:والي قاعد يسويه فيها شتسميه ...هذا الموت بعينه وعلمه ..اسمعني اذا ليال مايت عندي خلال هل يومين ثق بالله اني بروح ارفع عليه قضيه
محمد بستغراب:انت من صجك ترفع قضيه على ابوك لا انت اكيد ينيت
فواز:اي ينيت ...ينيت الاني بحمي اختي ينيت الاني بنقذ اختي من الموت الي ابوك فرضها عليه انا بفهم هذي تطلقت مرتين وسوا فيها جذي ....عيل لو كانت من البنات الي كل يوم مصاحبت لها واحد جان شسوى فيها
محمد:فواز الا انت اكيد فيك شي ...في واحد يقول عن اخته جذي
فواز:حمود الله مو بيدي ابوك طلعني من طوري الي قاعد يسوي فيها لا يرضي الله ولا رسوله وراح يتحاسب عليه يوم القيامه حرام والله حرام ليول ماتستاهل ...اهيا الي فيها مكفيها ليش يزيد الطين بله ...حمود انت ماتخاف قلبها يوقف من كل المصايب الي تمر فيها ...ماتخاف اترد تختنق وانتو ماتدرون عنها بالله ماتقولي لي ماتت شبتسون
محمد:والله هذا الي خايف منه ...تدري شلون انا الحين رايح عند عمي صالح وبقوله عن كل شي
فواز:وليش ادخل عمي صالح بالموضوع شنو احنه ياهال ولا مانعرف نتصرف ...محمد خلال يومين ليال عندي فاهم
محمد:مادري مادري اشوف
فواز :طالع هذا ...تدري شلون انا بي البيت وآخذها بنفسي ولي بيصير يصير وصكه قبل مايسمع رده
فواز بدل وبسرعه طلع من البيت بعد ما بلغ العنود انه رايح ايب ليال
وصل عادل من لندن بنفس اليوم راح البيت عند امه وقعد معاها وقالها السالفه والي صار وانه ياي يبي يعرف باجي السالف من جراح ...وعلى طول طلع اهو غنيمه من البيت وراحو فلاة خالد
فلاة خالد بعد وصول عادل
خالد:قرت عينج يام عادل
غنيمه:بويه نبيك ياخوي
هنادي:الحمدالله على السلامتك يما
عادل:الله يسلمج عمتي ...الا وين جراح
غنيمه:مايبيله اكيد مع ليال
هنادي بحزن:لا وانتي الصاجه مع مرته الثانيه وليال طلقها
عادل وغنيمه يطالعون بعض وعلامات التعجب على ويهم
عادل:ومنو زوجته ...لايكون غرور
دانه وهيا يايه صوبهم:ماغيرها عقرب الرمل
غنيمه:هذا من صجه
عادل :خالي ولا عليك امر نادولي جراح
هنادي:جراح طلع من البيت
غينيمه بعدم تصديق:جراح طلع ليش
دانه:اضاهر اوامر من السلطات العليا
غنيمه:وبنته
خالد:بنته عندنا
عادل:وليش ماخذاها
خالد:لا يبا عشان تيذبحونها اهيا تربت بهل بيت وماراح تطلع منه
هنادي:ولي عافيج هذي وين والعيال وين
دانه:يمه هذي تبي ريل وبس
هنادي:اي والله لو شايفتها ياغنيمه اشلون توخر ملاك عنها وهيا ميته من البجي اتقولين جنه ملوكه جرثومه مو ياهل
دانه بقهر:والله محد جرثومه غيرها
بهل وقت والنقاش حامي دخل عليهم جراح وسلم وقعد
جراح:شلون الشغل
عادل:وليش ماتسأل حرمك المصون اهيا ادرى بهل امور
جراح:عادل انت ياي تتهاوش ولا شنو بضبط
عادل:انا ياي اتطمن عليك
جراح:وكا تطمنت علي شتبي بعد
خالد بعصبيه:جراح ثمن كلامك
جراح:آسف يبا
عالد:ممكن اسأل سؤال
جراح: بنفسيه:تفضل
عادل:ليش مابلغتني بالحادث الي صار لك
جراح:يعني غرور مابلغتك بالي صار
عادل:لا مابلغتني ولو بلغتني ..جان ماضلينه انا وطلال 3 اشهر ماخلينا مكان مادورنا عليك فيه ...على الاقل كنت بلغت امك الي كانت اتحاتيك
جراح:عادل لاتقعد اتمثل وتسوي حركات غرور بلغتك وانت بنفسك قلت لها خليه عندج الانه هذا المكان الأمن بنسبه له
عادل:لا والله ...حلف بس ...اقول اذا كان عندي خبر ليش كنت ادور عليك وليش مازرتك وتطمنت عليك ليش ماكلمتك...قولي ليش
جراح:الاني كنت مراقب
عادل بعصبيه:اي مراقب اي بطيق هي انت اصحا على شنو براقبونك
جراح:الاني خذيت اكبر مشروع من اهم الشركات
عادل بعصبيه وستهزاء:انت وايد مصدق نفسك ..جريح احنه مو اغبيه ولا ماعندنا عقل ومانفهم ...اي شركه كبيره واي خرابيط حبيبي انا صارلي سنين بلندن وقاعد آخذ اكبر المشاريع فيها ...ولا احد تعرض لي بيوم من الايام بالله ماتقولي على شنو بسون فيك كل هذا ...حبيبي اصحى هذي لعبه من غرور عشان تتزوجك وموبعيده اهيا تكون ورا سالفة كلها ..وبعدين المشروع مو لك ابروحك انا وغرور وطلال معاك ليش اختاروك انت بذات وخلونا كلنا ليش ماخلصو علينا كلنا
جراح ساكت ولا كلمه
هنادي:حسبي الله ونعمه الوكيل فيها
عادل:واكبر دليل انها اهي ورا السالفه انها منعتك من تبليغنا بالي صار واوهمتك انك مراقب وتحت العين ...عفيه راقبه حتى داخل البيت براقبونكم على جذي اهما كانو عارفين انك عندها وساكتين ولا ليش ماكنت ادق من تليفون بيتها
جراح تذكر يوم طلب من الخادمه تليفون وقالت له انه غرور مانعه التليفون بالبيت
خالد:جراح اعتقد الامور كلها وضحت بنسبه لك
جراح:لا اكيد في شي غلط بالموضوع اكيد
دانه:الغلط انك ظلمت بنت الناس الي ماقصرت معاك ابشي
جراح:مو معقوله غرور اتسوي كل هذا بس علشان اتزوج منها
عادل:طبيعي بتسوي جذي واكثر من جذي وحده مطلقه صارلها دهر وكبيره بالعمر منو بطل ابويها
غنيمه:اهيا جم عمرها
عادل يطالع جراح:اقول ولا اسكت
هنادي:قول لازم انعرف مو هذي موت ولدي لازم انعرف عنها كل شي
عادل:عمرها 40 سنه
الكل بعدم تصديق:جم
جراح:بس شكلها صغير ومايبين عليها
هنادي:جراح انت من صجك ولا تتغشمر ...غرور اكبر منك بخمس سنوات يعني اكبر من ليال
دانه:بعشريييييييييييين سنه ...وهيا صفق...برافو ياجراح اهنيك من كل قلبي ...مرتك الثانيه اكبر من الاوله بعشرين سنه
عادل:والله حرام ..جراح انت ضلمت نفسك وايد
دانه ردت ابسرعه:عادل ليش ماتاخذها انت والله ليول اذهبه تنحط على الجرح يبرا وانا اقولك هذا الي تستاهل اتكون مرتك وشايله اسمك
جراح بصراخ:دانو ويهم انتي ماتستحين البنت ليلحينها بالعده
دانه:اي عده حبيبي ...العده عشان الحمال وانت مالمست ليال ...يعني مالها عده
جراح بخنجر غرش ابقلبه
هنادي:انت مالمستها صارلك سنه ..وتلتفت على خالد...ليال تقعد عده ولا لاء
خالد:مادري انا مابي افتي من عندي
دانه:خلاص مومشكله انطرها لين اتخلص عدتها وبعدين اخذها ...ولو اني عارفه انه ليال ماعتقعد عده الانه جراح مادخل عليها
هني كانت الصدمه الثانيه بنسبه للعايله
ليال تحملت كل هذا معقوله في بنت جذي ...كان بمكانها تتطلق منه قبل سنه وتبدي حياتها من اول ويديد لكنها فضلت اتعيش جذي طول عمرها ولا تكون زوجه لشخص غير جراح
خالد:جراح الكلام الي قالته دانه صحيح...تكلم
جراح بقلبه(اي صحيح انا ماقدرت المسها الانها مقذره وحقيره وماتستاهل )جراح خلا الكل بحالت صدمه وطل من البيت متوجه حق غرور الانه يبي يفهم الي صار منها
اما دانه قالت السالفه حق اهلها بحظور عادل وغنيمه
دانه :مو بعيده انه كل الي صارلي حوبتها
غنيمه:لا يما لاتقولين جذي
دانه:عميمه مو هذا الصج الله اخذ حق ليال مني انا ...وماقدرت اتكمل كلامها الانها بجت وراحت فوق
بسيارة فواز
فواز:دق على امه وقال لها انه ياي بطريج عشان ياخذ ليال وخل اتزهب اغراضها ...وهو ماشي بشارع شاف نقطت تفتيش ...وقف ونطر دوره
الشرطي:الاجازه ودفتر
فواز:تفضل
الشرطي خذا الاجازه والدفتر وراح لسيارة الشرطه دخل معلومات فواز بالكمبيوتر الي معاهم وبعدها
الشرطي:اخ فواز تفضل معاي
فواز:وين
الشرطي:تفضل وانت بتعرف
فواز نزل من السياره وركب سيارة الشرطه
فواز:ممكن اعرف ليش ماخذيني
الشرطي:اخ فواز انت عليك ضبط واحضار
فواز بعدم تصديق:انا ,,,لا يبا اكيد غلطان
الشرطي:لا ماني غلطان انت عليك ضبط وحضار من 3 اشهر
فواز:شلون وانا ماعندي ديون
الشرطي:والله هذا الي مبين عندي واذا رحت المخفر تقدر تستفسر منهم
فواز:ماشي
نهاية البارت
البارت 28
الشرطي:اخ فواز انت عليك ضبط واحضار
فواز بعدم تصديق:انا ,,,لا يبا اكيد غلطان
الشرطي:لا ماني غلطان انت عليك ضبط وحضار من 3 اشهر
فواز:شلون وانا ماعندي ديون
الشرطي:والله هذا الي مبين عندي واذا رحت المخفر تقدر تستفسر منهم
بشقة جراح
بعد مارد من بيتهم كانت افكاره كلها تتضارب ابعض ...غرور والي سوته معاه وشنو تقصد من ورا كل الي صار ...وسالفة دانه مع فراس...وملاك وعلقها بليال ...وقتراح دانه على عادل بزواج من ليال...ماقدر يتحمل اكثر اخذ الابجوره الي يمه وحذفها بكل قوته على الطاوله الي بنص الصاله ...الطاوله كانت زجاجيه ومن طاحت عليها الابجوره ..صارت حطام والزجاج تناثر بكل مكان
جراح بصراخ:كااااااااااااااااااااااافي كااااااااااافي ...خلاص رحموني
غرور الي ادخلت الشقه بنفس الوقت وشافت الزجاج متناثر على الارض واقف ومبين عيه بقمت الغضب
غرور :خير ان شاء الله ليش مكسر الدنيا وقاعد اش صاير بعد
جراح كان يطالع غرور بنظرات مليانه غضب
غرور:جراح ليش اطالعني جذي انا قلت شي غلط
جراح راح ومسك غرور من زنها بقوه ولف ايدها وخلاها ورا ظهرها
غرور بصراخ:ا ي اي اي جراح انت ينيت ..هد ايدي عورتني
جراح بصراخ يهز المكان:سنه كامله وانتي تغشيني ...سنه كامله وانتي تجذبين علي ليش ياغرور ..ليش سويتي كل هذا ماخفتي اموت من الرصاص انتي شنو مافي بقلبج احساس ..ولا عبالج ماراح تنكشفين
غرور وهيا تتألم:جراح ايدي هد ايدي ...اي
جراح بحزم:مو قبل ماعرف السالفه منج
غرور:اي سالفه
جراح بعصبيه:لاتستعبطين على راسي انتي فاهمه كل شي...ليش جذبتي وقلتي اني مراقب ليش قلتيلي انج تبلغين اهلي عن اخباري...ليش كنتي اتين وتطمنيني عليهم كل هذا جذب
غرور بعصبيه:اي جذب كل هذا جذب تدري ليش الاني احبك ...الاني من شفتك قلت هل انسان لي انا بروحي وبس ....جراح والله احبك
جراح بعصبيه:اي حب هذا ...انتي بغيتي تذبحيني وتقوليلي احبك
غرور:جراح والله انا مالي علاقه بسالفة اطلاق النار هذا ...لكن يوم طحت كانت الفرصه بنسبه لي كبيره ...جراح خلاص ارحمني هد ايدي
جراح وخر عنها: ليش سويتي جذي ...غرور انا ماني مدم غابي افهم السالفه كلها وليش كنتي تقوليلي انا اطمن اهلك اول بأول ولش حرقتي قلبي امي ليش عيشتيهم بفترت حزن...لاتعتقدين اني بسامحج على كل الي سويته انتي انانيه ياغرور انانيه
غرور بقهر:صح انا انانيه ...انانيه الاني حبيتك ..انانيه الاني حافضت عليك...انانيه الاني بغيت زوج يحميني واستند عليه بعد هل عمر...انانيه الاني بعد كل هل اسنين فكرت بنفسي وقررت اني اتزوج الانسان الي انا اختاره مو اهو يختارني ...انانيه الاني اخذيت ريال من مرته وبنته بس صدقني ياجراح الحزن الي كنت اشوفه ابويهك اهوا الي شجعني على هالشي ..جراح انا مستعده اروح اطيح على راس امك وتسامح منها وصلح كل شي بس لاتتركني ...انا مالي غيرك بعد هل عمر ...انا مابي فلوس ولا ابي مشاريع ولا كل هل حلال ...انا ابي ريال يستر علي ويحميني ريال لي غمضت عيني احس بالامان بقربه...واذا على ليال اهيا بعدها صغيره وبأول الطريج وانت ماتصلح لها ...انت تصلح لي انا وبس
جراح بستهزاء:انا اتكلم عن اهلي مو عن ليال وبعدين مو انتي الي تقررين انها تصلح ولا لاء
غرور بعصبيه:لا ماتصلحلك انت شايف وضعها الاجتماعي ولا شايف لبسها ...هذي وحده ماتشرف
جراح بقلبه (بس ياغرور كافي الي فيني مكفيني)
غرور قربت من جراح وحطت راسها على صدر:جراح انا حبك ومستحيل اشوفك مع غيري وارضى...افهمني بليييز ...انا احبك وابيك لي
جراو وجر غرور من على صدره وطلع من البيت وهو معصب
غرور بعصبيه:طيب ياجراح الحين انا صرت مو زينه واهلك الي زينين ...يعني طول الفتره الي طافت ولا تغير شي بداخلك
بسيارة عادل
طول الطريج كان سرحان بكلام دانه ...اهيا تعذبت ...ونذلت ويه الوقت الي ترتاح فيه
غنيمه:يما شفيك
عادل بنتباه:هلا يما
غنيمه :ليش ساكت ...شتفكر فيه
عادل:بكلام دانه
غنيمه:شنو بضبط دانه قالت وايد اشياء
عادل:الزواج...يعين انا لي متى بضل جذي ابي اتزوج
غنيمه :يوم المنى الي ازوجك وافرح فيك
عادل:يعني ماعندج مانع
غنيمه ببتسامه:تبي ليال
عادل:لا ابي دانه
غنيمه:دانه
عادل:اي دانه ...يما انتي تدرين اني ابيها من زمان ولولا ضروف السفر جان ماخليت احد ياخذها غيري...وبعدين دانه اتعبت وايد ومن حقها ترتاح وانا اولى فيها من الغريب
غنيمه:يازين ماخترت وانا امك بس ماأتوقع انها بتوافق بعد الي صار لها
عادل:لا بتوافق ان شاء الله ...وسكت اشوي...يما
غنيمه:هلا يما
عادل:اشرايج انرد الحين بيت خالي ونخطب دانه
غنيمه:الحين
عادل :اي حار بحار ...شقلتي انرد
غنيمه:لا يمه ما يصير أنروح الحين ونخطب البنت جذي لازم نعطيهم خبر بالخطبه قبل ما نروح
عادل :يما عادي احنه اهل وما بينا كل هل رسميات..ها شقلتي
غنيمه:الي تشوفه
بالمخفر
وصل فواز ومعاه جم واحد من الي القو القبض عليهم
فواز يكلم الشرطي:ممكن اقابل الضابط
الشرطي:انطر اشوي خل يطلع الي عنده وبعدها ادخلك
فواز:خير ان شاء الله ...وضل واقف لين طلع الي بمكتب الضابط
الشرطي: تفضل
فواز:زاد فضلك ...ودخل عن الضابط...السلام عليكم
الضابط وعليكم السلام
فواز:ولد عمي انا ماسكيني بس ماني عارف شنو تهمتي
الضابط:اسمك بالخير
فواز:فواز احمد ال...
الضابط بعد ماطلع على الملفات الي جدامه:اخ فواز انت مطلوب لبنك وبرقان بقيمه ماليه كبيره لمن يتم سدادها
فواز بستغراب:انا ...بس انا ماعلي اقصاد ...ولا ماخذ قرض من مكان
الضابط:والله هذا الي مبين عندي واذا عندك اي استفسار ..تقدر تستفسر لمن ينقلونك تنفيذ الاحكام وهناك تقدر تعرف كل شي منهم
فواز بضيق:انزين ممكن استخدم التليفون
الضابط:تفضل
فواز:زاد فضلك...وراح دق على سعود وبلغه بالي صار ..وبعدها نقلوه تنفيذ الاحكام وهناك كانت صدمت عمر فواز
الضابط:انت كافل واحد وهو ماسدد المبلغ الي عليه وانت عارف انه الكفيل المدين بحاله عدم وجود المقترض
فواز بضيق:فعلا انا كافل واحد من الربع بس هو قاعد يسدد
الضابط:للاسف صاحبك ماسدد للبنك ولا قسط يعني المبلغ مع الفوايد صار كله على ضهرك
فواز:وجم المبلغ
الضابط:80 الف دينار كويتي
فواز بدهشه من رقم الي سمعه:جم
الضابط:80 الف ....للاسف ساعات الواحد يسوي خير لأصحابه وهما مايقدرون هل شي ...واذا تبي تطلع من الموضوع هذا لازم صاحبك يطلع
فواز نزل راسه وهو متضايق مو عارف اشلون يتصرف المبلغ اكبير وايد وفوق كل هذا ارفيجه بره الكويت بسبب علاج امه
عند باب فلاة خالد
بسيارة عادل
غنيمه :يما انا اقول نرد البيت واني يوم ثاني نخطب البنت
عادل:يما انتي مكبره الموضوع ...ترى عادي احنه اهل ومابينا كل هل رسميات ...نزلي يما نزلي
غنيمه:امري لله ...ونزلت من السياره وعادل نزل وراح طق جرس ...وبعدها بشوي الخدامه افتحت الباب
عادل:وين بابا
مولياتي :تفضل بابا انا يروه ينادي
عادل دخل وغنيمه ادخلت معاه:يما اها جم خدامه عندهم كل الشوي اشوف وحده غير
غنيمه :اي عندهم وايد خدم حق كل واحد فيهم شغاله حتى بنت جراح عندها وحده
عادل:بيه هذيل خدمهم ابروحهم يبيلهم بيت
خالد وهو ياي:هلا عادل شفيك رديت
غنيمه:والله ياخوي قلت له خل انزورهم وقت ذاني بس اهو الله يهداه اصر الا يرجع
خالد:لا شدعوه هذا بيتكم وتشرفونه بأيوقت
عادل:خالي بدون مقدمات وخرابيط انا ياي اخطب دانه شقلت
خالد تفاجأ من طلب عادل :دانه اي بس
عادل يقاطعه:خالي والله احطها بعيوني وحافظ عليها بعدين انا تربيتك يعني عارفني عدل
خالد وهو يبتسم:انا ماقلت شي ..ومثل مايقولون لو هي ذبيحه ماعشتك ..ولو الموضوع بيدي اعطيك ياها بعباتها مابي منك شي
عادل:يعني موافق
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك