رواية زهرة ضامية -21
لابسه بنطلون ابيض وتيشرت مقلم. ازرق بابيض.
وملبسه شيري نفس اللبس.
ومزينه شعرها بشرايط صغيره بيضا
مسترخي بجلستي
وعيوني ما تفارقهن ومبسوط باتفاقهن
سلمى ما توصف حروفي امتناني لها.
ولا غلاها بقلبي
لاااا وصلنا ابعد من الغلا انا متيم.
------------
جالسه مع شوشو
وشايفه خالد مسترخي بجلسته
الحمد لله نفسيته رايقه
مو مثل الايام اللي فاتت
يحاول يكون. مسيطر على اعصابه
بس عارفه وحاسه انه متوتر
وتوتره يزيد لا مرنا عمي.
بس من سافر عمي
وهو اروق واهدى
رفعت عيوني له ولقيته يناظرني.
ارسلي بوسه بالهوا
اشرت بعيوني على شوشو
رمى بوسه ثانيه
انحرجت ولا اراديا
جمعت شعري على جنب
ولفيته بتوتر واحراج
شوشو بلهجتها المحببه : خالتو اطلعي
ورفعت لي لوحه. فيها٣ اشخاص.
بعدين ناظرت ابوها : بابا رسمتك ورسمت خالتووو
نزل خالد وجلس جنبي.
ومسك اللوحه من يدها.
واشر على الرجل في الرسمه
: هذي خالتو سلمى
ناظرت فيه شوشو بتأنيب
:شو يا بابا ما بتشوف هاد انت
. وهاي هي شنباتك
وهاي خالتو شووووف ما احلى شعراتا
سحبها لحضنه وبااااسها بقوه.
:لا هذي خالتو.
وهذا أنا اللي شعراتي. طويله وحلوووه
ومد يده وسحب خصله من شعري
وحطها على راسه : حتى شوفي.
ضحكت انا وشيري من قلب
كان شكله والشعر نازل على عيونه يضحك سحبت شعري منه وقلت بدلع : لااااا هات شعري
اصلا مو حلو عليك الشعر الطويل
خالد قرب اكثر وسحب شعري من يدي وهو يضحك : يا حراميه اتركي شعراتي
شوشو فزعت معاي على ابوها : بابا شعرات خالتو وضحكت من قلبها
وتمينا نلعب ونضحك مع بعض
وهو كل ما قدر همس لي بكلمه حلوه زادت من نبض قلبيـــ
ــــــــــــــــــــــــــــــــــــــــ
:يا ام امجد فينك يااأمي
يا موهجه يا فتوو
اقبلت امه وهي متعكزه على عصايتها
:ايوه ياولدي اش بك
امجد بملامح حلوه والبسمه تطل من عيونه
: فينك يا موهجه
جات مهجه ومعاها بنتها فتو : خير خير اش اللي حصل
امجد رفع مفاتيح السياره وقال : بكره من الصبح تكونو جاهزين حنسافر لمكه
ام امجد اهتزت بفرحه : من جدك يا ولدي
موهجه لمعت عيونها بفرحه كبيره
الوحيده اللي تحركت فتو
:بابا حنروح عند عمه مريم
يا حبيبي يا ابويا
امجد ضم بنته على صدره وقال
: امي ابشرك ولدك
اشترى سياره وصار عندي ورشه
ام امجد ناظرت بمهجه نظره
ارتحتي دحينا
ابتسمت ام امجد : بالبركه يا ولدي
مهجه بندم واعتذار : مبروك حبيبي وسامحني على شكي فيك
امجد تبسم وقرب منها : عارفك يا موهجه من خوفك عليا انا عاهدت ربي وعاهدتكم اني ابتعد وانسى ما كان
موهجه دمعت عيونها :ربنا يخليك لنا ويفرحنا بدخلتك علينا كل يوم
ام امجد بفرحه كبيره : هيا بمناسبة السياره الجديده
حاعملكم احلى شاي منعنش
امجد بمزاج :ياسيدي ام امجد
حتعمل الشاي المنعنش
قربت موهجه من امجد
وباست راسه بوسة اعتذار
: سامحني
امجد ضمها من كتوفها
: لو ماشكيتي ما كنت سامحتك
حسستيني اني مهم عندك
موهجه بنبره حلوه ومن قلبها : انت اهم واحد في حياتي انت ابو بزورتي
امجد بضحكه خفيفه : بس
موهجه بدأ يتلون وجهها خجل
: وكمان نور عيني اللي بشوف بيها
يمه ابيتس بسالفه وانتي بعد يا شريفه
ام ناصر خير يا ولدي وش عندك
شريفه جلست وبدون اهتمام
ناصر بكل صراحه ومن دون مقدمات
: يمه تراني تزوجت
شريفه فزت واقفه : نااااعم
ناصر : تزوجت ولي سنه متزوج
ام ناصر بهدوء شديد وكاتمه غيضها من ولدها
: لك سنه متزوج وامك ومرتك اخر من يدري
اجل لا ملامه على ولدك كانه ماشي بدرب ابوه
شريفه بصوت عالي : شلون تزوجت علي شلوون
ناصر حط رجل على رجل : مثل كل الناس
ام ناصر بزعل : ومنهي اللي اخذتها على ام عيالك؟؟
ناصر : احم تزوجت خالة زوجة خالد السوريه
شهقت شريفه من كل قلبها واغمى عليها
ام ناصر : حسبي الله ونعم الوكيل الحق مرتك ياناصر
ـــــــــــــــــــــــ
تكررت طلعاتي في الحاره
وكنت اختار الاوقات اللي
يكون خالي نايم والا غير موجود
وكل مرره كنت اشوف صيااح
وكل مرره كان هو يحاسب عني
صياح نساني اهانة فيصل لي
في يوم اسود
رحت لأمه هو اللي فتح لي الباب
قالي بخلق ضيق :الاهل ماهم فيه
قلت له بدلع : اممم عادي استناهم
استغفر فيصل و كتم غيضه من قليلة الادب
:يا حرمه خافي الله
وانلمي في بيتكم
وارحمي حال خالتس المستور
لا تفضحينه بسواياتس
قلت له : نععم وش تقول انت ؟؟
فيصل بنرفزه واضحه
: اقول توكلي على الله
وان شفتتس جيتي هنا
رجلتس حشيتها
وعلمت احمد ماهو خالتس يلللله
وصك البا ب في وجهي بعنف
اما صياح
من كم يوم وتلفون البيت ما سكت
يرن باوقات خالي يكون برى
كنت عارفه انه صياح
بس ما كنت اعطيه وجه
ومره وانا راجعه على البيت لحقني
كان الشارع فاضي مافيه احد
وهذا شي طبيعي عز الظهر من يطلع الا اللي له حاجه والا يبي يصيع ويدشر
لحقني وقبل لا ادخل البيت مسك يدي
وقال ارحميني يا غزال
سحبت يدي منه ودخلت البيت بس تركت الباب مفتوح
دخل وراي بكل جراءه
وانا وقفت معاه قلت له
:يامجنون خالي هنا
قال :مجنون مجنون ردي على التلفون
والا بجلس هنا
ضحكت بنعومه قلت له :طيب اطلع خلاص ارد عليك
وفجأه
اختفى صياح وطلع برى البيت
ــــــــــــــــــــــــــــ
نمت مثل كل يوم ارجع منهد حيلي
واتغدى من الغدا اللي اشتريه
وانام بعد ما اوصي هدى
تصحيني قبل الصلاه
اليوم قمت قبل بوقت
وقمت اتوضأ طلعت للحوش
وشفت اللي ذبحني
نحرني نحر
مسكت الهوز ( خرطوم المويه)و سحبته من الحنفيه بقوه
وركظت ابي ألحقه
واختفى في ثواني
ومن غيضي منها جريتها للغرفه
وصكيت الباب
وبقوة عشر رجال حسيتها كانت فيني
ظربتها ظربتها وهي تصيح وتصارخ
وتطلب الرحمه والسماح
وانا ازيد وناري تستعر
الكلبه
ظربتها وكأني بظربي لها ابيها تموت
يا الكلبه البلا كله منتس
واتهمتي زهره البريه زهره الشريفه العفيفه تحشرج صوتي من قهري فضحتني الله يفضحها
و اظلمت الدنيا وواختفت معالمها
واخر ماقلت : الله ينتقم منتس
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الجزء 24
من ساعه و حنا واقفين هنا
ولا احد راضي يطمنا
واقفه مع زوجي
وبالي مدري وين أركزه عند خالي اللي
مدري عن حاله ووش صار عليه
والا عند هدى اللي اتصلت علي
وهي تشاهم ومتنكده وتقولي ألحقي
علي خالي ناصر مااات
بسرعه لقطت عباتي وصحيت زوجي
اللي كان توه غفى
يارب رحمتك
والاعند اللي مدري زهره وينها عن خالي؟؟؟!!!
ليه طالعه من بيتها
أكيد هدى مهججتها
الله يستر
هدى يوم جينا و أخذنا خالي للمستشفى
ما أعجبني شكلها
صاير شي وشي كبير اللي طيح خالي.
وعفس حال و شكل هدى وانا لازم اعرف
طلع الدكتور. من الغرفه. وقال
للاسف سكته دماغيه
ومضطرين ندخله غرفة العمليات الان
. . .
.
.
.بعد ساعات من الانتظار
طمنا الدكتور
هو الان في العنايه المركزه
وان شاء الله اول ما يفوق
نعرف ونحدد قد ايش الضرر
يارب ألطف فيه يارب قعدت ارددها ومن
قلب صادق
ــــــــــــــــــــــــــــــــ
اآآآه يا جسمي يلطمني
استاهل كل اللي جاني
ليش ما احترمت نفسي وقفلت الباب وراي
ياربي وش السواة الحين
تذكرت خالي و نظرته لي
اول ماشاف اللي صار
وهجومه السريع. علي
تلمست ذراعي اكثر شي انظرب
كنت ارد عن نفسي بيدي
وخالي اهتاش وصار يرغي ويزبد
ظربني لين طاح
كأن روحه انسحبت منه
لاا لااالا لا
والله خفت اكون ذبحته
قربت بسرعه منه وانا ما اشعر بأي ألم
فزعت والله من شكله
اتذكر اني ركظت للتلفون وباصابع
مرتجفه اتصلت على هيا
*خالي مات. خالي مات
وجلست اصيح منهاره
وهيا تناديني.
بعدها بوقت قصير.
جت هيا وزوجها و اخذت خالي
الله يستر لا يموت واكون انا السبب
-------------------------
مكتوووم ومخنوق ومربط.
هذا احساسي احس اني
اتنفس من خرم ابره.
واني محشور في اضيق مكان
عيوني. ثقيله. بفتحها ما قدرت
اسمع اصوات حولي بس بعيده
ابي اتحرك بس مربط ابي اتكلم
ماقدرت لساني ما يطاوعني
وصوتي مو مساعدني
سمعت صوت هدى اي هذا صوت هدى
آخ آخ ودي اصرخ فيها ودي اقوم اذبحها
ودي اكتم حسها قليلة الادب
ياااااحر جوفي حرااااه
ياحر جوفي حرااااه
وبدت تتلاشى الاصوات وتختفي
ـــــــــــــــــــــــــــــــــــــــــــــــ
تعالي هنا. وش اللي صاير لتس
نفضت يدها من على كتفي
وقلت :مالتس دخل
هيا بعصبيه اكبر :هدى وش اللي صار وليش جسمتس فيه كدمات ومزرق
هدى بلعت ريقها تبي عذر
تبي سبب يسكت هيا عنها
:طحت وتعورت
هيا بعصبيه :يا كذابه والله هذي اثار ظرب
وبصرخه :خالي. ظاربس!!!!
هدى بصراخ اعلى : اوههو قلت لتس
طحت صدقتي كان بها ما صدقتي كيفتس ؟
هيا :يا بنت اللذين وش انتي مسويه؟؟وش اللي خلى خالي الحليم الهادي يمد يده عليتس؟؟
قولي؟؟
دخلت هدى الحمام وقفلت على نفسها
وهيا: طيب يا هدى بتشوفين
انا لتس
ــــــــــــــــــــــــــــــــــــــــــــ
من بعد اللي صار
طلعت من الحاره او بالأصح هربت
اختفيت يوميين
وكنت متأكد ان ابو ناصر عرفني
ياليت من يقولي وش صار
رجعت للحاره وانا اتسحب لين وقفت
قدام بيت خلف رفيق العازه
اللي لا بغيت انسى همي جيته
عشان اسكر معاه
دفيت الباب برجلي ودخلت لقيت خلف نايم وقارورتين طايحات جنبه
مع باكتات دخان فاضيه
مليت كاسه ماء من الحنفيه
وصبيتها فوق راسه
ماصحي الا لمن هزيته بقوووه
:خلف خلف خلف قم قامت قيامتك
فتح عيونه الحمرا وبالغصيبه تكلم
:صياح !! وينك يارجال؟
فز قلبي : ليه وش فيه؟
جلس ونكش شعره وفرك خشمه بكمه
: ابد بس ولدك بدر ازعجني
كل شوي يسأل عنك
فز قلبي ورجف من الخوف
: لا يكون امي صار فيها شي؟
قمت اركظ. للبيت
وتركت خلف وراي يحك شعره
دخلت البيت ولقيت ام بدر جالسه
مع بنتي بدور قلت لها: امي فيها شي:
ضحكت ام بدر. : ههههه لا مشاء لله
مثل ما هي واحسن
دخلت على امي
لقيتها تصلي
امي مره كبيره ومن زمان
ما تقدر تصلي الا وهي جالسه
جيت جلست جنبها
انتظرتها تخلص صلاتها
سلمت وعدلت برقعها على وجهها
وناظرتني بعيونها الصغار
وبكل حزم قالت
:صيااح وين كنت ؟
تلعثمت وكذبت مثل دايم
:كان عندي شغل وسافرت له
ام صياح بنبره :أي هين مثل سفراتك دايم
جسلت عند رجولها النحاف وحبيتها وهمزتها
قالت لي: صياح اترك عنك هالدرب
وانتبه لنفسك وصن بيتك وعيالك
تنحنحت وكالعاده
امي تحسسني باني.
غلطان بس هي.
ماتدري انا وش مسوي
ياويلي لو تدري عزالله بتسود عيشتي
سكت مارديت عليها
وهي بدت تسبح وتستغفر
وانا مددت جسمي جنبها ورحت في سابع نومه
ـــــــــــــــــــــــــــــــــــــــــ
العنود متأثره ودموعها بعيونها
: يمه تكفين كلي معي هاللقمه
شريفه : مالي فيه يا حبيبتي
عنوده :يمه لازم شوفي وجهتس شلون صار
شريفه خلاص خليه هنا شوي باكل
عنودة :يمه تكلمي فضفضي قولي اللي بقلبس
شريفه : وش اقول وليش اقول
اقول ليه تزوجت ؟.
والا بأيش قصرت معاك
الحمد لله عيال وجبت لك
وبيتك وضيوفك قايمه فيهم.
والا اقول انا مقصره في كل شي؟
شفت نفسي عليكم وتكبرت
اغتنيت وتجبرت
بضحكه فيها مراره : الله يرحم ايام اول
يوم ما ألقى من يعبرني
والا ياخذ بحسي
كنت ذليله مع اخوي
لو ما حرمته مدحتني عند ام ناصر
واعجبتها كان الله اعلم بحالي
مع اخوي اللي ما صدق وزوجني
جدتتس كانت طيبه معي من البدايه
بس ما حبيتها
ودي ان ناصر لي انا خاص فيني
ولو على كيفي ما يناظر امه
ابي حبه لي انا وعطفه علي
انا وغلاه لي انا ونظراته لي انا
وشوره مني انا
بس ماكان دايم على هواي
ام ناصر ما قدرت الغي وجودها
لانها بشخصيه قويه
حولت على زهره من هي طفله ما حبيتها
كانت تذكرني بنفسي يتيمه وضعيفه
بس فرقي عنها انا عشت
مع اخوي القاسي وهي عاشت معانا
وام ناصر كانت تحبها كنها بنتها
وانا محد حبني كأني بنته والا اخته
دورت المحبه فيكم ياعيالي انتي وخالد
زاد غروري وجفافي مع اللي حولي
لمن تكبرت عليه
وجفيته ونسيت انه اكييد بيدور
غيري وحب غيري
ــــــــــــــــــــــــــــــ
وش اللي صار
وش فيه خالي تعبان
وليه ما علمتوني
وكمل بعصبيه :
له اسبوعين تعبان
ولا احد علمني ليه ليييييه؟؟
هيا:يا ابن الحلال هي بشرى نبشر فيها
وانت برى وش بتسوي الله يعين بس
احمد :طيب متى الزياره ؟
هيا بهدوء :الزياره ممنوعه كل ما زرناه تعب
احمد :طيب هو وعى عليكم تكلم ؟؟؟؟
هيا: لايا قلبي علييه بس شكله يحس فينا
احمد :طيب انا بروح له هالحين واشوف وش حالته هيا: اصبر بجي معاك
احمد بعجله : لا بروح لحالي
هيا بتردد: احمد زوجته ما تدري عن تعبه
احمد. : ايش وليش ما تدري ؟!؟!؟
هيا هزت كتوفها : الظاهر انها على خلاف معاه وهي الحين عند ام ناصر
احمد باستهجان:
على خلاف وهم بها العمر !!!
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك