رواية قصة حب لا ينتهي -1
رواية : قصة حب لا ينتهي ..
للكاتبة فراشة فوشية ..
ــــــــــــــــــــــ
هذي أول تجربه لي بكتابة الروآيات وأنا ترددت كثييير عشان أكتبها وهذي قصه حقيقيه 100%
اول شيء راح ابداء اعرفكم على الأبطال
رهف عمرها الحين 21 سنه باقي لها سنه وحده وتتخرج من الجامعه طيوبه وعلى نياتها تخاف من المشاكل هاديه بشكل مو طبيعي لها غمازات شعرها طويل اسود ملامحها كيوت وتخاف على سمعتها بشكل مو طبيعي بس اذا زعلت بالموت ترضى
هديل 18 سنه تخرجت السنه هذي من الثانوي ورايحه لـ أولى جامعه كيوت لها غمازات شعرها بني عصبيه ماتخاف الاا من الله ماهمها احد اهم شيء تاخذ حقها وهي اخت رهف الصغرى
وكل وحده تعرف اسرار الثانيه ...
الباقي راح تتعرفون عليهم بعدين .....
نبداء بالبارت الأول ..
تقريباً من سنتين عام 2007 تحديداً شهر 8 بالعطلة الصيفيه كانت رهف مخلصة أولى جامعة وقررت العائله تروح لجده مثل كل مره بس المره هذي غير عن كل السنوآت اللي فاتت ....
رهف : ياهديل والله ملل طفشت كل الوقت بالفندق وانا صراحه مليت ماعندي شيء يسليني ( رهف وهديل بغرفه لحالهم )
هديل : وش اسوي لك تبيني ارقص لك
رهف : اقول اسكتي بس ماوراك غير الدجه
قعدوا شوي الاا تقول رهف : هدييييل
هديل : هاا وشتبين تراك ازعجتيني
رهف : عندي فكره
هديل : طلعت الافكار الحين قولي وش عندك خلصيني
رهف : وش رايك نستهبل
هديل : وشلون
رهف : ندق على ارقام من عندنا ونضحك عليهم
هديل : اي والله فكره
مسكت كل وحده جوالها وقاموا يدقون على ارقام من عندهم ويستهبلون عليهم وبعدين ناموا من كثرة الضحك
جاء اليوم الثاني في نفس الوقت ..
مسكت رهف جوالها وقامت تدق على رقم وتسكر قام صاحب الرقم دق عليها
رهف : هديييل شوفيه ازعجني هذا كل شوي داق علي
هديل : محد قالك تبلشين نفسك .. ردي عليه شوفي وش يبي
رهف : طيب .. ردت عليه
صاحب الرقم : السلام عليكم
رهف : وعليكم السلام
صاحب الرقم : انتوا داقين علي
رهف : لا مادقينا عليك ولا شيء
صاحب الرقم : اجل رقمك وشلون جاء عندي
رهف : مدري وهي ميته ضحك
صاحب الرقم : طيب حصل خير
رهف : هههههههههههههههه ماتت البنت من الضحك عليه
صاحب الرقم : اقول شكلكم تستهبلون علي وانا مو ناقص ازعاج وفيني النوم
هديل : رهههف حطي سبيكر
رهف : زين ياحماره ليه تقولين اسمي
هديل : انطمي بس واسمعي الكلام
صاحب الرقم : ميت عليهم من الضحك .. قال لهم اقول لكم قصه
رهف وهديل : قول خلنا نسمع وش عندك
صاحب الرقم : كان يامكان في قديم الزمان
رهف : خلصنا بسرعه يلا
صاحب الرقم : بعد مزعجين ويتشرطون المهم كان فيه واحد راح لقريه وكان لحاله وشوي شاف جني
رهف وهديل : يعني تبي تخوفنا ترى مانخاف
صاحب الرقم : الاا انتي وياها ميتين خوف الحين
رهف : على كيفك هو شوف احنا ما نخاف من الجني ( بسم الله الرحمن الرحيم )
صاحب الرقم : طيب طيب اسكتوا بس يلا بروح انام وبدون ازعاج لو سمحتوا
رهف وهديل : اييييه هين اصلا احنا مو مزعجات انت المزعج
صاحب الرقم : بعد مع شينها قوية عينها
رهف : سكرت في وجهه التلفون
وراحوا ينامون ... اليوم الثاني رهف بدوووون شعور ارسلت له مسج وش اسمك وكم عمرك ومن وين وهديل ماكانت تعرف
شوي الاا جاها مسج : اسمي عبدالعزيز وعمري 20 سنه ومن الرياض وانتي من وين
رهف : من الرياض
عبدالعزيز : رسل مسج مكتوب فيه تعالي انا تحت برج التلفزيون لابس فروه ومعاي قهوه تبين قهوه معي
رهف : ماتت ضحك عليه
هديل : شنو اللي يضحك الحين نامي لا اكفخك
رهف : طيب اسكتي بس
ناموا رهف وهديل مرت الايام بشكل طبيعي ورجعوا للشرقيه بعد كم يوم من المكالمه هذي .. " رهف قالت لعبدالعزيز من الرياض بس هي بالشرقيه ساكنه "
رهف كانت في غرفتها تعدل اغراض السفره الثانيه شوي جاها مسج من عبدالعزيز ممكن نتواصل مع بعض
رهف خافت وتقول في نفسها انا مو راعية الحركات هذي واكيد اذا قلت له كذا راح يتركني
ارسلت له مسج مكتوب فيه : انا بنت ناس ومو راعية الحركات هذي واهم شيء سمعتي وانا عندي شغل الحين راح اسافر للمدينه
عبدالعزيز : حتى انا ولد ناس واانا بعد بروح المدينه
رهف : معقوله سفرتي انا وياه صدفه .. سكتت تفكر بعدين راحت لهديل
هديل وصمخ
هديل : يانعم وش تبين
رهف : عرفتي عبدالعزيز
هديل : مين عبدالعزيز هذا
رهف وبعصبيه : اللي قال لنا قصه
هديل : اييييه تذكرت وشفيه
رهف : تصدقين انه راح يروح للمدينه في نفس الوقت اللي راح نروح فيه
هديل : اقول صدق ماعندك سالفه مضيعة وقتي على سخافتك
رهف : لااا مو سخافه هذي صدفه
هديل : روحي بس بروح اعدل اغراضي
رهف : طيب بروح لأمي بسولف معها
هديل : فكه
اليوم الثاني بالمطار ..
رهف : جاها مسج من عبدالعزيز مكتوب فيه ... على فكره ماقلتي لي اسمك
رهف وهي مبتسمه .. ردت عليه وكتبت اسمي رهف والحين بالمطار انا
عبدالعزيز : عاشت الاسامي تروحين وترجعين بالسلامه يالغاليه
رهف : ابتسمت وسكرت جوالها ودخلوا الطياره كالعاده لازم الهوشه على الدريشه حقت الطياره
رهف تقول لهديييل انا بقعد عند الدريشه جاااء عبدالله خير ان شاء الله انا اللي راح اقعد وبعد مشاورات قعدت رهف عندالدريشه حطت سماعات الأيبود على أذنها وقامت تفكر في عبدالعزيز معقوله حبني لا لا ماأعتقد اصلا مافيه حب بالزمان هذا وقالت في نفسها راح انسى الموضوع ولا كأن شيء صار ويمكن اغير رقمي بعد عشان ارتاح
قاموا كالعاده الاستهبال يجري في دم هديل ورهف يستهبلون على المضيف وعلى اللي بالطياره كلهم
وصلوا المدينه سكنوا في إحدى فنادق الفايف ستارز مقابل الحرم ..
اول مادخلوا الغرف على طول اخذو شاور وناموا وكالعاده رهف وهديل مع بعض
وعبدالله ويزيد وزياد في غرفه لحالهم
عبدالله اخوهم الكبير عمره 18 سنه وزياد 16 سنه ويزيد 9 سنوات
وعلى فكره عندهم أختين كبار متزوجات وحده منهم عندها ولد عمرهـ الحين ثلاث سنين ووقت القصه هذي كان عمره شهر وشوي لان في نفس السنه انولد
وأبو عبدالله وام عبدالله في غرفتهم
اليوم الثاني في المدينه : الصباح
طق طق الباب
رهف : مييييين بصوت كله نووم وتعب
عبدالله : افتحي الباب يلا بنروح نفطر تحت
رهف : طيب بنقوم وراح نجيكم ... هدييييل
هديل : هاااا
رهف : قومي بلا دلع ترى كلهم نزلوا تحت يفطرون ويبونا ننزل
هديل : طيب طيب شوي بس
رهف : تراك نايمه بدري وعلى ماأعتقد شبعانه نووم
هديل : يؤؤؤؤؤؤؤؤ مافيه احد يرتاح
رهف : اقول بدون تعصيب قومي وانتي ساكته
هديل : طيب
قاموا من النوم وتجهزوا ونزلوا يفطرون ورجعوا للغرف وابو عبدالله وزيد وزياد راحوا للسوبر ماركت يجبون اغراض
رهف وهديل : يمه يمه نبي نروح السوق
ام عبدالله : الحين عاد
قالوا ايييه ترى السوق قريب من الفندق
ام عبدالله : خلاص روحوا لحالكم بس لاتتأخرون
هديل ورهف : ان شاء الله يمه
دق جوال رهف : هدييل عبدالعزيز دق علي
هديل : لاتردين
رهف : طيب بطنش
شوي الاا جاها مسج منه ...
احبك بكل لغات العالم
بالعربي أحبك
بالأنجليزي ilove you
بالفرنسي Je t'aime
بالاسباني Te amo
بالايطالي Ti amo
بالاندونيسي Aku cinta kamu
بالهولندي Ik hou van jou
هدددددديل شوفي عبدالعزير
هديل : ليه وش سوى لك
رهف : شوفي المسج
هديل : ماتت من الضحك من المسج رهف : بس تتوقعين صدق حبني
هديل : اقول اسكتي واللي يعافيك مافيه حب بالزمن هذا
رهف : طيب بس لاتقولين لـ أحد
هديل : ليه وش شايفتني
رهف : لا ولا شيء
انتهى البارت الأول
بس هل راح تنسى رهف عبدالعزيز وتعيش حياتها عادي مثل قبل ؟
إجابة السؤال هذا واجابه كثيييير من ألأسئله تدور في بالكم راح تلقونها في البارت الثاني
وان شاء الله اذا شفت ردود توسع الصدر راح انزله بدري
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
فاصل إعلآني ^_^ / ..
لا احلل مسح اسمي من على الرواية ..
تجميعي : ♫ معزوفة حنين ♫..
البارت الثاني ...
جوآل رهف يدق وهي كانت تتروش ومافيه بالغرفه الاا هديل
هديل : رهف حبيب القلب يدق عليك
رهف : بصووت عالي من الحمام لاتردين ان رديتي لا أذبحك
هديل : طيب طيب بدت الغيره
رهف : اقول انطمي بس خليني اخذ شاور ومزآجي رايق
هديل : طيب بروح لأمي واذا جيت افتحي لي الباب
رهف : لااااا ماراح افتح خذي معك الكرت ومتى ماجيتي ادخلي
هديل : كل هذا عجز
رهف : تراك زوديتها اطلعي وانتي ساكته
طلعت هديل راحت لأمها وقاموا يسولفون وفي نفس الوقت خلصت رهف من الشاور وقامت تتعطر وتتزين وشوي الاا يدق عليها عبدالعزيز ردت عليه
عبدالعزيز : الو
رهف: هلا
عبدالعزيز : اخبارك
رهف : اخباري على bbc
عبدالعزيز : ههههههههههه
رهف : ضحكت رهف معه
عبدالعزيز : ابي اسجل ضحكتك ابيها نغمه لجوالي
رهف : من جدك انت
عبدالعزيز : اي والله تهبل ابيها
رهف : استحت وسكتت
عبدالعزيز : وراك سكتي
رهف : لا ولا شيء اصلا مدري وشلون رديت عليك
عبدالعزيز : طيب بسكر تأمريني على شي
رهف : سلامتك باي
عبدالعزيز : باي
جت هديل ودخلت الغرفه ورهف ماتدري
هديل : وش قاعده تسوين
رهف : ولا شيء توني طالعه من الحمام
هديل : بداء النصب اقول ترى سمعت كل شيء
رهف : شنو سمعتي اصلا ماكلمت احد ومثل ماقلت توني طالعه من الحمام
هديل : طيب طيب صدقتك
رهف : انا والله تعبانه وابي انام ومالي خلق سوالفك
هديل : ومين قال اني بسولف معك
رهف : والله الاخت شايفه روحها على شنو مدري
هديل : بتسكتين ولا اقوم اكفخك
رهف : لا بسكت وبنام بعد
رسلت رهف لعبدالعزيز مسج : تصبح على خير
رد عليها : وانتي من اهل الخير وانتبهي لنفسك
اذن الفجر وقامت رهف : هديل قومي خلينا نروح الحرم نصلي الفجر هناك
هديل : فيني النووم
رهف : قومي بس ليه جايين احنا وحرام الحرم قدامنا واحنا بس اكل ونوم
هديل : طيب بقوم
راحت رهف وتجهزت ودقت على امها وماردت ارسلت لها مسج قالت انا وهديل بنروح نصلي ونجي
طلعت هديل ورهف وهم يمشون الاا قدامهم ايرانيه تمشي شوي شوي رهف وهديل عصبوا
هديل : بتمشي هذي بسرعه لا اقوم اصفقها الحين
رهف : اقول بدون صجه انتي جايه تصلين او تتهاوشين
هديل : عصبتني شوفيها وشلون تمشي
رهف : اخذت الشنطه حقتها ووضربت الايرانيه وعلى طول ركض
هديل : الحين انتي تقولين بدون فضايح وانتي اللي ضربتيها
رهف : والله لاإرادي ضربتها وهي ميته من الضحك على الموقف
صلوا الفجر ورجعوا الفندق كملوا نومهم وقاموا وقت الفطور وفطروا كالعاده وراحوا العصر يتمشون اخذو سياره من الفندق مع سواق وتمشوا فيها واستانسوا ورجعوا للفندق
هديل : يمه
ام عبدالله : هلا وشفيك تناديني
هديل : بقول لك شيء عن رهف
رهف تناظر هديل بعصبيه
هديل : يمه من كم يووم اشوف رهف اقول رهف لأمي
ام عبدالله : وشفيها رهف قولي خوفتيني
رهف : قولي مالت على هالوجه اللي يقولك شيء
هديل : طيب بقول يمه من كم يوم دخلت الغرفه على هديل ولقيتها
رهف : خافت شوي وتصيح
ام عبدالله : ايه كملي
هديل : لقيتها تتروش بالحمام ومعها ضحكه شيطانيه
رهف : بقلبها تقوول اشوا وربي خفت
ام عبدالله : الحين يمه ويمه وعندي سالفه وفي الاخير يمه رهف تتروش اللي يسمعك رهف ماتتروش الاا من شهر لـ شهر
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
فاصل إعلآني ^_^ / ..
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
صار على معرفة عبدالعزيز لرهف تقريباَ اسبوعين وكان يرسل لها وهي ترسل له ويكلمها وترد عليه بعض الأحيان بس أستغربت تقول في نفسها ليه سويت كذا انا مو متربيه على الحركات هذي ياربي وش اسوي
هديل : هيييه انتي وش تقولين
رهف : مااقول شي اف منك
هديل : وشفيها هذي معصبه
رهف : واللي يرحم والديك اسكتي احسن لك مالي خلق اتكلم مع احد
هديل : طيب من زين سوالفيك كله عبدالعزيز سوى عبدالعزيز دق عبدالعزيز ارسل لي طفشت منك ومن عبدالعزيز
رهف : اقول وراه ماتاكلين تبن وتسكتين لا أسكتك بمعرفتي
هديل : بروح اتروش واذا طلعت من الحمام القاك فاطسه
رهف : لا والله احلفي عاد على كيفك هو اانام متى ماابي واقوم متى ماأبي
هديل : بدت الفلسفه
رهف : يلا بنام
راحت هديل تتروش وطول الوقت اللي كانت تتروش فيه رهف ترسل لعبدالعزيز وهو يرسل لها وهديل تسمع ضحك رهف ومنقهره تبي تعرف ليه تضحك بس رهف تعاندها وماتقول لها
الحين وش راح يصير في علاقة عبدالعزيز ورهف لما يرجعون للشرقيه ؟
ومين اللي راح يهدد رهف ؟
وكل الأحدآث هذي واكثر راح تشوفونها في البارت الثالث
أتمنى من اللي يقراء او يتابع الروآيه يرد عشان اعرف اذا عجبتكم او لا
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
فاصل إعلآني ^_^ / ..
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
البارت الثالث
بعد ماقعدوا اسبوع في المدينه رجعوا للشرقيه وكان مابقى على شهر رمضان الاا اسبوعين بس
رهف وهي تفكر : انا وش اسوي الحين بلشت عمري وانا مااحب الحركات هذي
بعد تفكير عميق رسلت رهف لعبدالعزيز مسج : قالت فيه عبدالعزيز اذا تحبني عن جد اتركني لحالي واللي بينا ينتهي
قعدت طوول الليل سهرانه وتصيح وتفكر فيه وليه مارد وهديل استغربت حالها وكلما سألتها قالت مافيني شيء
اليوم الثاني قعدت مع اهلها كالعاده بالصاله يشوفون التلفزيون شوي الاا يدق على رهف رقم غريب
رهف : مين هذا اللي يدق علي ... أحسن شيء راح اطنشه دق الشخص هذا مره مرتين بعدين ارسل مسج : انا ولد عم عبدالعزيز ردي لو سمحتي
رهف خافت وراحت لغرفتها ودقت على الرقم
ولد عم عبدالعزيز : السلام عليكم
رهف : بصوت خايف وعليكم السلام
ولد عم عبدالعزيز : وشو اللي بينك انتي وعبدالعزيز
رهف : مابينا شيء
ولد عمه : شوفي يابنت الناس والله العظيم اذا صار فيه شيء ماتلومين الاا نفسك
رهف : ليه وشفيه هو والله العظيم ماسويت له شيء
ولد عمه : الولد طاح علينا اليوم وهو بالمستشفى بين الحياه والموت
رهف : سكرت التلفون وقامت تصيح تقول يارب وش سويت فيه ياويلي من اهلي انفضحت ياربي استر علي يارب نزلت تحت عند اهلها وحطت راسها على الكنب وقامت تفكر وتدعي ربها يقوم عبدالعزيز بالسلامه
هديل : رهف رهف
رهف : بصوت تعبان نعم
هديل : وشفيك مو طبيعيه اليوم
رهف : مافيني شيء
هديل : وربي فيك شيء اللي يسمعك مااعرفك
رهف : وعيونه كلها دموع وخوف اليوم دق علي ولد عم عبدالعزيز وقام يهددني
هديل : بشنو وش سويتي له انتي
رهف : ماسويت شيء بس كل اللي قلته اللي بينا انتهى وطاح عليهم وهو بالمستشفى الحين
هديل : يؤؤؤؤ والله كسر خاطري الولد لا ان شاء الله يقوم بالسلامه وانتي دقي عليه وتطمني
رهف : طيب يصير خير ان شاء الله
بالليل دقت رهف على جوال عبدالعزيز ورد ولد عمه : الو
رهف : هلا وين عبدالعزيز
ولد عمه : هنا عندي نايم
رهف : طيب وش اخباره عساه بخير
ولد عمه : ايه مافيه الاا العافيه
رهف : طيب اذا قام خله يدق علي
ولد عمه : طيب وجزآك الله الف خير
الحين رهف تطمنت وارتاح بالها وراحت تنام
اليوم الثاني ...
قامت رهف من النوم الظهر وشوي ودقت على عبدالعزيز
رد عبدالعزيز بصوت تعبان بالحيل : الوو
رهف : الو وخنقتها العبره وصاحت
عبدالعزيز : افا وراك تصيحين ترى دموعك غاليه علي
رهف : وهي تشهق خايفه عليك
عبدالعزيز : لهدرجه تحبيني وخايفه علي
رهف : ايه
عبدالعزيز : على فكره تراني مهاوش ولد عمي وقلت له البنت مالها شغل
رهف : اي والله خوفني عليك وقام يهددني وانا خفت منه
عبدالعزيز : ماعليك من احد دآمني معك
رهف : سكتت
عبدالعزيز : ليه سكتي
رهف : لا مافيني شيء
عبدالعزيز : شوفي انا ماأبي اغصبك على شيء ماتبينه انتي فكري وعطيني خبر بعدين
رهف : طيب تامرني على شيء
عبدالعزيز : سلامتك
سكرت رهف التلفون وراحت لهديل : هديل هديل
هديل : نعم
رهف : كلمت عبدالعزيز
وقال لي انا ماابي اغصبك على شي ماتبينه
هديل : انتي وش رايك
رهف : متردده وانا مو متعوده على الحركات هذي
هديل : انا مو متعوده انا مو متعوده حرام عليك الولد بقى يروح فيها وربي كسر خاطري
رهف : ارجع له
هديل : ايه
رهف : طيب ... ارسلت مسج لعبدالعزيز وقالت خلاص راح ارجع لك ترى هديل اختي اقنعتني
رسل عبدالعزيز : قولي لأختك جزاك الله الف خير
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك