رواية صرخات هادئة -18
تركي بعصبيه:ياربي ليه ماترد علي ليه مقفله جوالها اففففففففف
راح عند شموخ :شموخ
شموخ الي كانت تشوف التلفزيون:خير وش العصبيه
تركي:غيوض ترد عليك؟
شموخ:ماكلمتها ليه؟ليكون متزاعلين
تركي:لا بس ماادري ليه مقفله جوالها صار لها اسبوع
شموخ:ماادري عنها بدق عليها وبشوف
تركي:اقول لك مقفل تقولين بشوف,انا بروح بيتهم
شموخ:خذني معك
تركي:اقول امسكي ارضك.............وطلع بسرعه
*
بعد ربع ساعه تركي كان في بيت ام سعود
تركي:خالتي ممكن تنادين غيوض
ام سعود والحزن باين على ملامحها:غيوض نايمه الحين
تركي وهو يقوم:طيب معليش قولي لها تدق علي
ام سعود:ان شاءالله
تركي قبل مايطلع بقلق: خالتي غيوض فيها شئ؟
ام سعود كان ودها تقوله بس تذكرت وعدها لغيوض:هي تعبانه شوي ,اذا صحت خليتها تكلمك
تركي ماارتاح بس مايقدر يقول شئ:ياللا مع السلامه ,تبين شئ
ام سعود:لا سلامتك
*
بعد مرور يومين يوم الجمعه
تركي خلاص ماعاد يقدر يصبر اكثر غيوض ماكلمته ابد ولا فتحت جوالها
تركي راح بيت ام سعود شاف سعود بعد السلام والحديث العادي
تركي:سعود غيوض وش فيها؟
سعود خاف انه تركي عرف شئ:وش فيها
تركي:أنا أسألك
سعود ارتاح يوم شافه مو عارف شئ:مافيها شئ
تركي عصب:اجل ليه ماتكلمني ولا ترد علي وانتم ماتبون تقولون لي شئ
سعود:تركي هدي قلت لك غيوض مافيها شئ هي شوي تعبانه
تركي هدا شوي:طيب خلها تنزل ابي اشوفها
سعود يصرف:ماهي موجوده عند صديقتها
تركي ماصدقه:الحين؟! الظهر؟!!!!!!
سعود:ايه عازمتها على الغدا
تركي قام:انا طالع بنشوف نهايتها معكم ,أنا حاس انه في شئ..........وطلع
*
سعود:يمه مايصير كذا حرام الرجال صار له يومين على هالحال لازم غيوض تكلمه
ام سعود:وش اسوي غيوض ماهي راضيه تكلم اي احد ,حتى ماهي راضيه تتكلم على الموضوع
سعود:الله يصبرها ويصبرنا
ام سعود:الله يشفيها
سعود:آمين
&&&&&&&&&&&&&&&
في الأمارات في دبي
غروربترحيب:هلا وغلا تفضلوا نورتوا دبي
جنا:عارفين انه منور بوجودنا
غرور:هههههه مو لك لخالتي وعمي
ام راشد:منور بوجودكم
غرور تدخلهم الصاله:تفضلوا
جلسوا الكل في الصاله
غرور:سيلينا جيبي عصير
دخل راشد:هلا والله حيا الله من جانا
ابو راشد:تسلم
جنا بمرح:بننام عندكم
غرور(رحنا فيها وطي):وناسه
راشد:اهلا وسهلا فيكم
في الليل
ابو راشد وام راشد دخلوا ينامون
جنا:غرور وش رايك نشوف فلم زي هذيك المره
غرور:لا اذا كان مرعب ماابيه
جنا:لا هندي لشروخان
غرور:اوكيه تمام,ونااسه شاروخان
راشد قام:لا مافي روحوا ناموا
غرور:مانبي ننام ابي اشوف فلم
راشد(هذه متى بتسمع الكلام):مانبي فلم وبلا عناد
جنا:راشد ليه ماتشوف معنا الفلم والله يهبل
غرور(الله يأخذك ياجنا من قال لك تعزمينه)
راشد شاف نظرات غرور الي تدعي انه مايوافق ابتسم:اوكيه ليه لا ..........وجلس بجنب غرور
غرور جالها احباط(ياربي طفش) ومن غير نفس:بروح اجيب لكم طقطقه
جنا:اوكيه ياللا لا تتاخرين بعد شوي بيبدا
*
جلسوا يشوفون الفلم الهندي "Kal ho naa ho"
راشد حط ايده ورى غرور وبهمس:انت ليه تعاندين لما اقول ننام يعني ننام
غرور تبعد ايده وبنفس الهمس:وانا مااحب اسمع الكلام ومابي انام
راشد حط ايده من جديد:لا والله
جنا:اشششششش بلا ازعاج بعدين تكلموا
راشد:ناظري الفلم وانت ساكته
غرور تجاكر راشد:جنا صادقه اسكت خلنا نشوف بهدوء
راشد ضغط على جنب غرور
غرور تبعد ايده بألم:اي وجع راشد ابعد ايدك
جنا بطفش:اف ياربي ازعاج
غرور:مااحد قال لك اعزميه
راشد تضايق من كلامها:اساساً أنا راح اقعد من غير عزيمه
جنا:خلاص شوفوا الفلم
وجلسوا يشوفون الفلم وغرور كل شوي تبكي
راشد يبتسم على شكلها تبكي مثل الأطفال ,انتهى الفلم
غرور وهي تمسح دموعها:ياحرام كسر خاطري
راشد بابتسامه:من اول الفلم لأخره وانت تبكين ,والله غباء
جنا:زوجتك رقيقه زياده عن اللزوم
راشد(يالبى روحها):طيب ياللا ننام
*
طلعوا الدرج جنا وهي بتدخل غرفة الضيوف :تصبحون على خير
غرور كانت بتفتح غرفتها وتدخل:تصبحين على خير
جنا استغربت غرور وين رايحه راشد انتبه سحب غرور وضمها على جنب :الأخت مضيعه من البكاء,تصبحين على خير
جنا ابتسمت ودخلت الغرفه
غرور انحرجت ابتعدت
راشد:كنت بتفضحينا
غرور:نسيت تصبح على خير
راشد مسكها:على وين؟
غرور:بروح انام بغرفتي ماراح احد يدري
راشد سحبها ودخلها معاه الغرفه:تعالي نامي هنا ولاتفضحينا
غرور استسلمت:اوكيه
راشد وهو ينام:ياللا تعالي نامي.........وبسخريه:اوه نسيت ماتبين تنامين معي اجل نامي بالكنبه
غرور(ياليتك تعطيني السرير وانت تنام على الكنب بس مافي احساس)
غرور اخذت بطانيه ومخده وحطت راسها تنام وجلست تتقلب لان الكنبه مو مريحه(والله مافي غير اني اطب عليه بالسرير)
نطت غرور في السرير
راشد وهو مغمض:خير
غرور:بنام هنا الكنبه مو مريحه
راشد يحس بحركه فتح ضوء الأبجوره شاف غرور تحط مخدات بالنص:وش تسوين
غرور:احط مخدات فاصل كل واحد له مكانه
راشد ابتسم(والله انك هبله وبزره):طيب نامي وبلا حركه
غرور وهي تتغطى:طفي الضوء
راشد طفى الضوء:وهذا الضوء وطفيناه
&&&&&&&&&&&&&&&
بعد يومين
تركي في بيت ام سعود وبنفاذ صبر:خاله والله خلاص ابي اشوف غيوض الحين,انا متأكد انه فيها شئ تكلمي تكفى قولي وش فيها
دخلت غيوض الي باين عليها التعب:وش تبي تركي؟
تركي صار يناظر شكلها يحس انه مشتاق
ام سعود طلعت
تركي قرب:وش فيك ليه شكلك كذا
غيوض وهي ماتناظره:تعبانه,وش تبي تركي؟
تركي مستغرب اسلوبها:ليه تكلميني كذا ,انا وش سويت؟
غيوض:ماسويت شئ
تركي:طيب,ليه ماتكلميني
غيوض:اسمع تركي اختصار للموضوع طلقني
تركي انصدم:................
نهاية البارت
هاااااااااااااااااااااااااااااااااااااااااااااي
الباااااااااااااااارت ياحلوين عارفه أنه متأخر
قراءه ممتعه
البارت السابع عشر
رن جوالها معلنه بوصول رساله غيوض فتحتها وقرت................
وشهقت من الي قرته كانت الرساله من تركي كاتب فيها:
أحبك ياغيوض والله احبك
غيوض قرتها كم مرات علشان تستوعب
وضغطت على رقمه ...بعد رنه
تركي بلهفه:الو
غيوض بعجله:وأنا مااحبك ياتركي مااحبك
تركي من الصدمه:....................
غيوض تكمل:أنا مااحب شخص يطعن بشرفي
تركي بتبرير:ماكان قصدي يا......
قاطعته غيوض:لا تبرر ولا شئ سمعت الي كنت تبي تسمعه
تركي بهدوء:تحبين خالد؟!!!!!
غيوض تنرفزت:رجعنا لخالد شفت شلون تفكر......وبطفش:أيه أحبه وش عندك ؟
تركي عصب:وش فيه ينحب مالقيتيه عندي؟
غيوض:كل شئ ......وقفلت من غير ماتسمع جوابه وتركت دموعها تنزل بحريه:والله حتى أنا أحبك بس أنت تشك فيني هذا واحنا مانخطبنا شلون لو تزوجنا وفكت دش المويه وأختلط دموعها مع المويه
*
عند تركي الي أول ماقفلت غيوض ناظر الجوال بعين ضيقه من القهر وبعصبيه رمى الجوال على المرايه الي تكسرت وبصراخ:ليـــــــــــــه ليه
ليه ماتحبيني ليه والله أنا أحبك...... وجلس على السرير وهو قابض على فرشة السرير بقوه
بعد التفكير:مافي غير هالحل لازم اسويه........ودخل الحمام يأخذ له شور
&&&&&&&&&&&&&&&
عند غرور الساعه 12 الظهر
كان راشد قاعد عندها ومافكها ابد
دق تلفون الغرفه كانت غرور بترد بس راشد بسرعه حط أيده على أيدها علشان ماترد
راشد:أنا برد أنت أرتاحي
غرور سرت قشعريره من لمساته سحبت أيدها بهدوء
راشد رد:الو
:هذه غرفة غرور
راشد عقد حواجبه مستغرب الصوت الرجولي:مين يبيها؟
:جاسم
راشد (الله يغثك) وبتصريفه:لا غلطان .......وسكر التلفون
غرور بتسأول:مين؟
راشد:جاسم
غرور:جسوم؟!!!!
راشد بعدم مبالاة:ايه جسوم
غرور بتعجب:طيب ليه قلت له غلطان ليه ماعطيتني اكلمه
راشد ببرود:كذا ماابيك تكلمينه
غرور:بس أنا ابي أكلمه مو على كيفك
راشد تنرفز:أنت ماتفهمين ياغرور أقول لك لاتكلمينه ليه تعاندين
غرور بعصبيه:لا ماافهم ,راشد أنت مالك دخل فيني مو على كيفك تتحكم أكلم مين ,اترك عنك حب التسلط
راشد:أنا زوجك ياغرور اشوفك نسيتي
غرور وهي ضاغطه على كل حرف:مو زوجي أنا ماصرت زوجتك هذا كله على الورق
راشد وهو يقرب منها وحط وجهه بوجهها وبأبتسامه:بيصير حقيقه بعد شهر
غرور أرتبكت من قربه وبلعت ريقها:ماراح يصير هذا الشئ
راشد بنفس الأبتسامه:بنشوف.....وأبتعد عنها
غرور عارفه انه تحديها ماله نتيجه فماعلقت..غرور بعدت الغطاء عنها ونزلت رجلها علشان تقوم
راشد:وين رايحه؟
غرور:بروح أتوضاء علشان بصلي الظهر
راشد قام:لحظه بساعدك
غرور بأعتراض وهي تقوم:لا مايحتاج
راشد طنشها وقرب منها وحط أيده على خصرها
غرور قلبها صار يدق بقوه وبأرتباك:راشد أقدر أروح لوحدي ماله داعي ترى الأصابه مو في رجلي
راشد أبتسم:عارف بس أنا أبي هالشئ......ومشى معها الى الحمام
*
في الحمام عند غرور
غرور بعد ماسكرت الباب أستندت عليه وحطت أيدها على قلبها:ياربي ليه قلبي يدق بقربه ,ليه أرتبك
وصارت تتوضاء
بعد دقايق خرجت غرور وراشد كان بأنتظارها
غرور بداخلها(يارب تهديني وتخليني ماارتبك)
راشد:فرشت لك السجاده
غرور بهدوء:شكراً
راشد:ههههههههههههه
غرور أستغربت من ضحكه
راشد:ههههه وش فيك طالعه مؤدبه
غرور بزعل:أنا مؤدبه من قبل مااشوف وجهك........ولفت شال الصلاه
راشد بسخريه:أيه واضح!
غرور ناظرته بأستهزاء وصلت
بعد ماخلصت من الصلاه راشد مسكها بنفس الطريقه حط أيده على خصرها ووصلها للسرير
غرور وهي تبعد غطاء السرير وتقعد طاح شعرها على وجهها
راشد بعد شعرها عن وجهها(ياحلو شعرك ناعم مثل الحرير):ليه ماتلفين شعرك بدل من كل شوي يجي على وجهك
غرور: ماعندي شئ ألفه فيه
راشد:دقيقه وجاي
بعد دقايق جاء ومعه ربطة شعر ومشط ومد أيده يعطيها:خذي لفي شعرك
غرور وهي رافعه حاجب:من وين جبته؟!!!!!
راشد:طلبتها من ممرضه
غرور أخذت الربطه وعقدت حواجبها وهي تحاول تلف شعرها
راشد لاحظ وجهها الي يدل على الألم وبحنيه:أيدك تعورك
غرور نزلت أيدها وهزت راسها بأيه وهي منحرجه
راشد أبتسم:عطيني أنا بلف شعرك
غرور:تقدر؟!!!!!
راشد:بحاول.....واخذ المشط وصار يمشط شعرها ولمه مثل ذيل حصان:عطيني الربطه
غرور مدت له الربطه
راشد وهو يحاول يحط الربطه شد شعرها
غرور مدت أيدها على شعرها:أي بهدوء
راشد بأعتذار:أسف ....وجاء بيلف شعرها طاحت خصله منه
راشد بممل:أفففف وش هالشعر الي كل شوي تطيح خصله
غرور:ههههههههههههههههههه أتركه أنا بلفه
راشد بعناد:لا أنا بلفه ياأنا ياشعرك
غرور:هههههههههههههههههههههه حرب هو؟
راشد:أيه حرب ............وحاول مره ثانيه
وبعد المحاولات قدر يلف شعرها وبأنتصار وهو ينفض أيده:خلصت
غرور:ههههههههههههههههههههههههههههههه أخيراً وبعد عناء طويل قطعت شعري ههههههههههه
راشد ناظرها وهي تضحك بأعجاب(ياليت أشوف هالضحكه دائماً)
غرور أنحرجت من نظراته سكتت ونزلت عينها بحضنها
&&&&&&&&&&&&&&&&&&&&&&&
عند تركي
الضابط:ليه تبيني أحولك
تركي:كذا مابي أكون في الرياض
الضابط:وين تبي بالضبط
تركي بعدم أهتمام:أي مكان أبها,أحساء,جده أي مكان
الضابط:شوف تركي أنا متأكد أنك ماتبي تبعد الا أنه يكون عندك مشاكل شخصيه وأنا لاحظت أنك مهموم في الشهور الأخيره علشان كذا أنا ماراح أحولك ألحين يمكن تغير رايك
تركي بعجله:لا أنا متأكد ماراح أغير قراري وأنه قرار نهائي
الضابط:بس مااقدر أحولك الحين أبداً وأنا أقول لا تستعجل وتندم والحين تقدر تروح
تركي بأعتراض:بس أنا متأكد من قراري وهذا الشئ بيريحني
الضابط:خلاص ياتركي بحولك أن شاءالله بعد شهر
تركي طلع وهو متضايق مايدري ليه كلم أيمن علشان يلتقون بس أيمن أعتذر وقال له يمر عليه في المستشفى وبعد الزياره بيكون فاضي ويطلعون
&&&&&&&&&&&&&&&&&&&&
في المستشفى وقت الزياره
دخل الكل يزورها
أولأ دخلوا الرجال(أبو تركي وأبو راشد وسعود وخالد)..وطلعوا
خالد يكلم راشد بهمس:أنت يالخايس من أول هنا مرافق وماتعلمنا
راشد:ههههه خايس بعينك أنا ماقلت لكم لأني عارف بتسون أزعاج وأنا مالي خلق لكم
خالد بمزح:طيب طيب ألحين ماتقعد عندها ابد
راشد:أقول طير موعلى كيفك ,أسمع خلّود
قاطعه خالد:خلّود بعينك ماني بزر عندك
راشد:هههههه أقول لا يكثر أسمع بعد الزياره أنت أقعد شوي عند غرور وأنا بروح أبدل وأجي
خالد:يعني قاعد عندها
راشد:أيه
خالد بمزح:ترى هي ماصارت زوجتك قلنا قابلها بس مو أرقد عندها
راشد: هههههههه خالد لا يكثر
خالد:طيب أنا بروح أجيب بيبسي تبي أجيب لك معي
راشد:أيه ياليت
خالد سأل الباقين بس رفضوا
*
وبعدين دخلوا الحريم مع البنات
بعد السلام والأطمئنان الحريم جلسوا يسولفون
جنا:أنا بروح أجيب لي كوفي في أحد يبي
الحريم رفضوا
غيوض:أنا أبي
شموخ:وأنا بعد
جنا:طيب أحد يجي معي
شموخ قامت:أنا بجي معك ........طلعوا جنا وشموخ
غيوض بهمس قالت لغرور كل الي صار معها
غرور تفاجأت:قال يحبك وقلت أنت مااحبك ,غبيه أنت ليه قلتي كذا؟
غيوض:قهرني بس يقول تحبين خالد وماادري أيش
غرور:طيب الرجال يبي يعرف موقفك أنت ليه ماوضحتي له
غيوض:مابي أوضح له شئ هو ماهتم بسمعتي قدام خالد مافكر الا بنفسه
غرور:لا والله يوم الرجال أعترف رحتي أنت وخربتي كل شئ
غيوض بندم:طيب الحين صار الي صار وش أسوي؟
غرور بحيره:ماادري
&&&&&&&&&&&&&&&&&&&
شموخ وجنا وهم ماشين
شموخ تلف ظهرها بسرعه
جنا:وش فيك
شموخ:هذا الدكتور أيمن..
جنا قاطعتها وبصوت عالي:د.أيمن وينه؟....وصارت تتلفت
شموخ ضربتها بكوعها ومن بين أسنانها:وطي صوتك فضحتيني
د.أيمن سمع أسمه تلفت شاف جنا وشموخ واقفين مااهتم لأن ماعرفهم
جنا:طيب أمشي
شموخ تسحبها بترجع:لالالالالالا قومي بنرجع
جنا بصوت مسموع:ليه نرجع هو وش عرفه أنك شموخ
شموخ حطت ايدها على راسها:الله يفضحك ماتعرفين توطين صوتك
د.أيمن سمعهم أبتسم:شموخ
شموخ لفت عليه وهي ودها تذبح جنا:نعم
جنا بهمس:أنا بروح أجيب كوفي وأنت أذا خلصتي ألحقيني
شموخ تمسكها:ألحين عرفتي تتكلمين بهمس ,أقعدي معي وأنت ساكته
د.أيمن بأبتسامه خفيفه:أتركي البنت ماراح أكلك
جنا سحبت أيدها وراحت تركتهم
د.أيمن:كيفك؟
شموخ:بخير
د.أيمن:ليه كنت تتهربين
شموخ:............
د.أيمن:وش تسوين هنا؟
شموخ:بنت عمي بالمستشفى وجينا نزورها
د.أيمن:وش فيها
شموخ:طاحت من الخيل وعندها رضوض بالصدر
د.أيمن:ماتشوف شر
شموخ:شكراً
د.أيمن:وش أسم بنت عمك علشان أطمنكم على حالتها
شموخ شافت تركي جاي من بعيد قالت بسرعه:مالك دخل ولفت معطيته ظهرها ومشت راجعه ناسيه جنا
تركي :أيمن
أيمن لف عليه:هلا والله
تركي:و فيك واقف؟
أيمن بتنهيده:آه ياتركي كنت أكلم البنت الي قلت لك عليها
تركي:الي تحبها
أيمن:أيه
&&&&&&&&&&&&&&&&
عند جنا وهي ماشيه غلطت بالمكان راحت قسم الطوارئ
خالد شاف جنا وعرفها من شنطتها:هذه وين رايحه شكلها مضيعه........ومشى وراها
جنا:أففف وين الكافتيريا........شافت الدكاتره يسحبون أسره وعليها مرضى جايبتهم الأسعاف مرت بجنبها سرير فيها بنت مغرقه بالدم مسكت أيد جنا وقالت :أمي امي
جنا ماتحملت شوفت الدم حست بدوخه كانت بتطيح بس مسكتها أيد خالد
خالد بخوف:جنا جنا....جاو الممرضات شالوها وودوها غرفه وقاسوا لها الضغط
جنا قامت شافت أيدها كله دم حست أنها تبي تستفرغ حطت أيدها على فمها
خالد قرب لها الزباله جنا أستفرغت على طول وقامت بتدخل الحمام علشان تغسل
وهي كانت تغسل أيدها بقرف وهي تبكي
خالد خاف:وش فيك ؟ليه تبكين
جنا بطفوليه:كانت تبي أمها ,مسكتني كانت تبي أمها
خالد أبتسم علىشكلها الطفولي:لا تخافين المستشفى بيهتمون فيها
جنا وهي مستمره بالبكاء:واذا ماهتموا فيها وأذا ماتت وهي ماشافت امها
خالد يطمنها:لاتخافين أن شاءالله ماراح تموت وبتشوف أمها
جنا:أنت تقول كذا
خالد أبتسم:أيه ,ألحين صرتي تمام
جنا هزت راسها بأيه
خالد:ياللا نرجع لا يقلقون عليك
&&&&&&&&&&&&&&&&&&&
الكل راح
راشد راح يبدل ويرجع وخالد قعد مع غرور
خالد بفرح:غرور أحبها أموت عليها
غرور بمزح:خلّود يحب مو معقول
خالد:وجع ليه قالوا لك ماعندي قلب
غرور:هههههههههههه أمزح معك يالدب,مين المنكوبه؟
خالد ضربها على الخفيف:منكوبه بعينك أنقلعي ماراح أقول لك
غرور:هههههههههههههه والله خلاص مين هي سعيدة الحظ؟
خالد:جنا
غرور شهقت:جنا,جنا أخت راشد؟!!!!!!!!
خالد بهيام:أيه جنا آخ ياغرور أذا شفتها أضيع
غرور:ههههههههه أحلى يالحب..وغنت من شفتها ياناس نستني وش أسمي هههههههه
خالد:الله غنيها ياغرور
غرور غنتها
من شفتها ياناس نستني ويش اسمي ..
انا اشهد اني صرت مجنونها رسمي ..
حبها غزاني حيل ذوقني طعم الويل ..
خلاني ما ميز مابين صبح وليل ..
من بد كل الناس دخلت اهي بالراس ..
مامثلها والله كلها حلا واحساس ..
حبها غزاني حيل ذوقني طعم الويل ..
خلاني ما ميز مابين صبح وليل ..
حبها كبر هالكون وعاقل بها وجنون ..
لوحبها غربال ابيه مهما يكون .
خالد:أعجبتني والله أحطها نغمة جوالي
غرور أبتسمت:لهدرجه ياخالد تحبها؟
خالد برومانسيه:آآه ياقلبي كلمة أحبها قليله قولي أعشقها
راشد دخل:مين هذه الي تعشقها؟!!!!!!!!!!
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك