رواية اكابر واقول فراقه عادي وانا في داخلي اصرخ -10
راسه"الحين هذي تصير مدير عام؟؟""ابتسم بنذااله وضرب الطاوله بقووه بيده
نزت سديم اوقفت من زود الخوف:هااه ايش ااه
حمد اللي ماقدر يمسك نفسه من الضحك ع شكلها:هههههههه ههههههه
ناظرت سديم بطرف عينها ولفت وجهها تعدل لثمتها
حمد وهو يحط يده عند افمه وهو لامها:احمم
لفت سديم وبحقد:فيه شي؟؟
حمد وهو يمد الاوراق لها:الرئيس يقول وقعيها(ابوسديم)
سديم:ايه ايه(وهي تمسح عيونها)اااف كم الساعه؟؟
حمد وهو يناظر ساعته:7 وعشر
سديم:سوال انتوا متى ينتهي دوامكم؟؟
حمد ببتسامه ع الجنب:3
سديم وهي تهز راسها:اها 3؟؟
حمد:ايه
سديم:والحين 7؟؟(وبصوت عالي شوي وهي تقعد)اااف وليشش قااعدين لين الحين اجل؟؟
حمد:هههه احمم انسه سديم كل الموظفين اطلعوا بس فيه انا وانتي والرئيس
سديم:وليش قاعدين لين الحين؟؟
حمد:فيه اوراق ومعاملات لازم نخلصها؟؟
سديم:وليش ماتنتظر؟؟
حمد وهو يهز كتوفه:مدري هذي اوامر الرئيس
سديم:اااااااف(دق جوالها طلعته وهي ماده بوزها)الو ساره:هههه وشفيك؟؟
سديم:زهقااانه وش هذا ماتوقعت الشغل كذا؟؟
ساره:سدوومه
سديم وهي تعرف ساره ماتقول سدومه الا اذا تبي تقهرها:ساره وش تبين تسوين؟؟
ساره:ههه بنروح لباارتي حق صديقه رينااد
سديم وهي تصررخ:لالالالا ماترووحوون وانا؟؟
ساره:ههههه خلي الشغل ينفعك يلا بايووووو
سديم وهي تناظر الجوال:لااا اوريك ياسوير(وصارت تتدق ع ساره وساره تعطيها مشغول اقعدت)ااف(لفت وانتبهت لحمد اللي يناظر لها باستغراب طااح وجهها""الله يلعنك ياساره فشلتيني الحين تلقينه يقول وش هالخبله""ابتسمت وتعدلت بالكرسي:احمم اا عطني الاوراق
مدها لها حمد وهو مستغرب منها:تفضلي
سديم وهي تمسك الارواق وتشتغل فيها
طق الباب باادب
سديم:تفضل
دخل ابوسديم وهو يبتسم:وشلون حبيبتي مع الشغل؟؟
سديم وهي تمد بوزها:مو حلو
ابوسديم وهو يحط يدينه ع كتوفها:افااا ليش؟؟
سديم:مراا طوويل
ابوسديم:هههه لا اليوم استثناااي بس بكرا نطلع عادي
سديم:اايه طيب
ابوسديم وهو يناظر حمد ويبتسم:اجل تعرفتي ع حمد؟؟افضل موظف بالشركه
ناظرت سديم حمد بعدين لفت لابوها:ايه
ابوسديم وهو يطلع ملف ويحطه ع المكتب:بعد 3 اسابيع عندنا عرض لاعمال شركتنا والعرض هذا اذا نجحنا فيه بيفيدناااا كثيرررر(وناظر حمد)اقعد حمد
هز راسه حمد وقعد
ابوسديم وهو يمد الملف لسديم:ابيك انتي تنظمين للعرض من القااااعه الى طلعت الناس من العرض
سديم بصدمه وهي تاشر ع نفسها:انا؟؟
ابوسديم:مو لحالك بسااعدك حمد
حمد بهدوء:هو الموتمر اللي بيجي فيه من كل دول العالم تقريبا؟؟
ابوسديم:ايه هو(ووقف)ابيكم ترتبوون كل شي مع بعض وقبل العرض بيومين ابي كل شي جااهز خلاص؟؟
حمد:ع امرك
ابوسديم ببتسامه:هاه سديم مستعده؟؟
سديم:هاه اا ايه ايه
ابتسم ابوسديم:يلا اجل انا بضبط كم معامله عندي وبطلع بتروحين معي؟؟ولا تروحين مع السواق
سديم:لا بروح مع السواق
هز راسه ابوسديم ولف لحمد:مشكور حمد تعبنااك معنا اليوم
حمد بسرعه:لا عادي لاتعب ولا شي
ابوسديم ببتسامه:تقدر تروح لبيتك
هز راسه حمد:مع السلامه
ابوسديم:مع السلامه
بـــيـــت فـــهـــد
كانوا يرتبون البيت ويسون القهوه والشاهي واللي يبخر وانوار البيت كلها شغااله
ادخلت قمر وهي معصده حواجبها:وشفيه؟؟(شافت ريماز تركض)تعااالي تعالي
لفت ريماز ومدت يدينها لقمر بمعنى شيليني
ابتسمت قمر وشالتها:فيه احد بيجي ريماز؟؟
هزت راسها ريماز:ايه
قمر باستغراب:من؟؟
ريماز وهي تعد باصابعها:صديق فهد ومشاري وبتجي خالتي وبناتها
قمر:اهاا(نزلت ريماز وابتسمت لمشاري)
مشاري باستغراب:ليش مالبست ثوب؟؟
قمر:ليش؟؟
مشاري باستغراب:فهد ماقال لك؟؟
قمر:لا ايش؟
مشاري:رامي بيجي تتذكره الدكتور اللي انقذك؟؟انا قلت لفهد قال انا بقول لفارس بس شكله نسى
هزت راسها قمر بارتباك:اايه
جاء فهد وانصدم وهو يشوف قمر مسكها من ذراعها بقوه وبهمس:انتي وش جابك؟؟
قمر وهي تناظر له باستغراب اسحبت يدها:اتركني
مشاري باستغراب:وشفيكم؟؟
ابتسم فهد:ولا شي عن اذنك(وسحب قمر من ذرااعها بقووه وبعدوا عن مشاري اللي يناظر لهم وفوق راسه ميه علامه استفهام)
قمر:اااف ففهد تراك تعوورني
فهد وهو لسى متمسك بذراعها بقوه:انتي وش جابك؟؟
ناظرته قمر باستغراب حزت كلمته بنفسها اسحبت ذراعها بقوه ولفت وجهها وبضيق:خلاص بروح
رفع راسه بتافف وسحب يدها:تعااالي
قمر وهي معطته ظهرها:اتركني بروح
فهد ببتسامه وهو يلفها له:ماكنت اقصد كذا
قمر وهي تكتف يدينها:اجل وش تقصد؟؟
فهد:رامي بيجي وانا اا مابيه يشوفك
قطع كلامهم ابوفهد:وشلونك فارس اليوم؟؟
لفت قمر وهي تبتسم:بخير عمي انت وشلونك؟؟
ابوفهد:بخير الله يسلمك الا اقول فارس
قمر:تفضل
ابوفهد:ليش ماتجيب اختك تتونس مع البنات
بلمت قمر:هااه؟؟
ابوفهد:ايه خلها تنبسط مع البنات
ابلعت قمر ريقها:ههه لالا ماله داعي
ابوفهد:عاد حلفت عليك تجيبها
قمر"""اااف وش هذي الورطه""":ههه عمي مايصير تحلف
فهد وهو يمسك معصمها:خلاص فاارس جب اختك وش بيصير يعني؟؟
ناظرته وهي تعصد حواجبها هزت راسها ولفت لعمها:حاضر عمي
هز راسه ابوفهد وطلع
قمر وهي تسحب يدها:انت وشلون تقول كذا؟؟بدال ماتاقف معي؟؟الحين من وين اجيب اخت؟؟
فهد ببتسامه:ليش تجبين اخت وانتي فيه؟؟
ناظرت قمر بعدم فهم:يعني وشلون؟؟ماافهمت
فهد:ااف ياغبيك افهمي انتي تجين ع انك اخت فارس
قمر وهي تكتف يدينها:احلف بس؟؟وانا وشلون اصير بمكانين بوقت واحد؟؟
فهد:بسيطه تعالي كانك قمر بس فارس مايجي فهمتي؟؟
قمر:لا مافهمت
فهد:اااف انتي روحي واللبسي(وهو يناظرلها)لبس بنات وتعالي وانا بقول لابوي انك دقيت علي وخالك يبغاك بسس
ابتسمت قمر وهي تهز راسها:صح فكره بس اااف ماعندي ملابس بنات
ناظرها فهد بصدمه:ببنت وماعندها ملابس بنات؟؟
اضحكت قمر:ههه لا مو كذا اقصد يعني عندي بس مو عندي بالبقاله
فهد:اممم تبين اوديك السوق؟؟
قمر بسرعه:لالالا وش سوقه الحين؟؟مافيه وقت(اصرخت)لقييتها
فهد:قصرري صوتك ايش هي؟؟
قمر وهي تاشر بيدها:بااااي
فهد:اا ا تعالي تعالي قوليلي وش بتسوين؟؟(وبهمس)قمر قمر
سكرت الباب قمر ووقفت اول تاكسي وكلمت نور:مررحبا لاحلى واجمل اخت بالدنيا
اضحكت نور بفرحه لانها من زمااان ماسمعت صوت الفرح والراحه بصوت قمر:بخير دامك بخير
قمر:ههه تسلمين نوري ياقلبي ابي طلب صغنون
نور:انتي مو تتطلبين انتي تامرين
قمر:الله يخليك لي ابي فستان نااعم وجزمه وعبايه وشوي مكياج
نور باستغراب:ايش تبين بكل هذولاء؟؟
قمر:ساالفه طويله اقولها لك بعدين بس بمرك الحين ابيك تجهزينها لي اوك؟؟
نور:اوك ياقلبي انتظرك
قمر:يسلمو بااي
نور:باي
((اوصلت قمر واوقفت عند الباب وخلت راعي التاكسي ينزل يجيب الاغراض اخذت الاغراض وارجعت البقاله ادخلت بسرعه للمخزن وافتحت الكيس ابتسمت وهي تشوف علبه شوكلاته وورده وكرت بس ماكان عندها وقت تقراه لانها تدري انه من نور اخذت الفستان واللبسته كان لونه ليموني طرزان يوصل لتحت الركبه نااعم وبسيط والبسته كعب لونه فضي ناظرت شعرها""ااااف وش اسوي فيه؟؟يااليل(ابتسمت وهي تتذكر شعرها لما كان طويل ماكانت تحتار ابدا)ااه لقيتها""امسكت الجل وبعثرته والبست طوق لونه ليموني وعليه ورده بالابيض وحطت كحل خفيف وشدو وردي وروج وردي ناااعم ناظرت شكلها بالمرايه وابتسمت اللبست عبايتها:ههههه هههه من زماان عنها(تنهدت واطلعت ودقت ع فهد):هلا فهد ايه انا قريبه قل لعمي بااي
بـــيـــت آآبــووفــهـــد
فهد وهو يسكر الجوال:يبه
ابوفهد:هلا
فهد:كلمني فارس ويقول صار عنده شغل مع خاله بينزل اخته ويروح بعدين بيرجع
هز راسه ابوفهد:الله يسهل له بس قوم قل لامك واختك ان البنت ع وصول
هز راسه فهد وقام قالهم ورجع وفتح الباب لرامي ودخله
اوصلت قمر بغت تفتح الباب اضربت راسها""وشفييني نسيت؟؟""دقت الجرس
جاءت تركض ريماز وافتحت الباب قابلت بوجهها ام فهد ابتسمت لها
ام فهد:حيا الله من جاءاانا
قمر:الله يحيك
مها وهي مبسووطه وبهمس لمنى:ياااي بشووف اخته ااه ياقلبي
منى وهي تناظر لها بطرف عينها:اقول وشرايك بس تسكتين؟؟
ابتسمت مها ولفت وجهها لقمر اللي ادخلت
بدا السلام والسوال
ام فهد:افصخي عبايتك يابنتي
هزت راسها قمر وافصخت عبايتها وزين شكلها واقعدت
الجده ببتسامه:ماشاء الله تبارك الله
ابتسمت قمر بخجل واسكتت
منى بحماس:اعرفك علينا انا اسمي منى وهذي مها وهذي نواره وهذي خوله وهذي امي وهذي مره عمي بس بحسبه عمتي وهذي جدتي
ام فهد وهي تاشر ع بنت وبجنبها مراه:وهذي اختي ام نجوى وهذي نجوى بنتها
هزت راسها قمر ببتسامه:تشرفت
منى:وانتي ايش اسمك؟
قمر اللي تفشلت انها نست:ههه اسفه اسمي قمر
خوله ببراءه:وااوو اسسسمك مراا حلو وغريب
اضحكت قمر:هههه تسلمين(وناظر مها""هذي اللي دايم تناظر لي والله حلوه هههه وشفيني صار تفكيري كاني رجال صدق"")صار جوالها يدق بعلامه رساله افتحتها وهي تقراها كانت من فهد""وش رايك تجين برا عشان اشوف شكلك وانتي بنت؟؟""
ابتسمت وهي تدري انه يمزح ردت له""لا انا اخااف يغمى عليك من الخقه"""
منى:قمور ههه عادي اقولك قمور صح؟؟
قمر بسرعه:هههه اكيد عاادي
منى:امشي نطلع برا(ولفت لنجوى)تعالي نجوى
اوقفت نجوى وطلعت معهم
اقعدوا بالحديقه الصغيره البسيطه ع فرشه كمان بسيطه وعليها قهوه وشاهي وخراابيط البناات
مها:انتي باي صف قمر؟؟
خوله:اكييد باول ثانوي
اضحكت قمر(قمر متعوده يقولون لها كذا شكلها ابدااا مو على سنها لان ملامحها نااعمه مراا):هههه الله يجزاك خير
نواره بصدمه:ليش انتي باي صف؟؟
قمر:امم المفروض ثاني جامعه بس ماصارت لي ظروف اني اكمل دراستي بعد الثانوي
اشهقوا كل البنات بصصدمه
مها:لالا مو معقوله شكلك مراا صغيره يعني انتي اكبر مني
خوله:ههه اصلا انتي تشبهين اخوك فارس
قمر ببتسامه:هههه ايه
نجوى بلقفااتها المعتاده:وليش ماكملتي دراستك؟؟
قمر بارتباك:ااا ااا
بس انقذها صوت تنحنح فهد:احمم احمم مهاا
ابتسمت قمر ع خفيف""دامي تجي بالوقت المناسب""
مها وهي تقوم:عن اذنكم(وراحت)
منى:ايوه بعد
قمر ببتسامه:وانتوا؟؟
منى:انا كبرك وخوله بثاني ثانوي ومها باول جامعه ونواره بعد كبر خوله ونجوى(ولفت لنجوى وكانها تسالها)
ناظرتها نجوى باستحقار:بثالث ثانوي
ابتسمت قمر:الله يوفقك يارب
الكل:اميين
اقعدت مها وهي تبتسم لقمر
خوله بهمس:تراها اخته مو هو
اضحكت مها وبهمس:ادري
قمر وهي تبي تعرف سر نظارات مها الغريبه لها:ايه فارس اخوي دااايم يتكلم عنكم ويمدحكم وحمسني اعرفكم
مها بخجل:حتى فهد ومشاري وابوي داايم يمدحونه
قمر باستغراب وهي حاسه بصوت الخجل بكلامها:ايه
منى وهي تمد فنجال لقمر:تفضلي
قمر ببتسامه:يزيد فضلك(اشربت شوي واوقفت ومشت)بروح للحمام
صاروا يناظرون لها بصدمه بمعنى كيف تعرفين مكان الحمام
اوقفت وهي تعض ع شفتها السفليه لفت لهم وهي تبتسم:وين الحمام؟؟
منى وهي تاشر بيدها:اول باب ع يمينك جنب المطبخ
هزت راسها قمر ومشت ادخلت الحمام وطلعت اوقفت قدام المرايه وهي تزين شكلها وقفت يدينها وصارت تناظر نفسها""من زماان ماشفت نفسي كذا؟؟(اضحكت باستهزاء)مو لايق علي ااه ياربي مافيني صفه مميزه؟؟مااني جميله ولا جسمي حلو ولا اسلوبي غريب ويجذب وماني كشخه ولا حتى وصلت لمستوى تعليمي عاالي ااه الشي الوحيد فيني هو حزني ااه""لفت بسرعه حست انها اصدمت شي وطاحت ع الارض:ااي
ع دخلت البنات وهم يسولفون اوقفوا وهم يناظرون بصدمه
نزل فهد بسرعه لمستواها ومسك يدها وهو يناظر لها:انتي بخير؟؟
كانت منزله راسها وحاطه يدها ع راسها ارفعت راسها وناظرته:اايه
بلم فهد وهو ينتقل بين ملامحها النااااعمه وشفايفها الوردييه رفع عيونه لشعرها اللي مزينه الطوق الاصفر النااعم وناظر يدها اللي بيدها اول مره ينتبه لها انها طويله وناعمه وبيضاء استوعب ان البنات يناظرون نزل راسه وبهمس:اسف(وطلع)
جئت مها تركض وامسكت قمر:فيك شي؟؟
قمر بهمس:لا
مها وهي تمد يدها لها:قومي(وبخجل)ههه هذا طبع فهد اذا كان مستعجل مايشوف اعذريه
هزت قمر راسها:لا عادي
مــجــلــس الــررجــآآآل
دخل فهد وقعد وهو مفهي""معقوله الي قبل شوي قمر؟؟(ابتسمت ع جنب)ياحليلها"" صحى ع اصوات الضحك العاليه
رامي:اللي ماخذ عقلك يتهنى به
ابتسم فهد وسكت
ابوفهد:وش تبتسم له؟؟؟اقول الله يخلف ع ولد جبته وين القهووه؟؟مو كنت قايم تجيبها؟؟
فهد وهو يضرب راسه:اوووه ايه صح هههه اسف(وقام يجيبها)
مــجــلــس الــحــرريــم
كانوا يسالفون ويضحكون ماعدا هي اللي لامه يدينها لبعض""ليش فهد بلم فيني؟؟معقوله اعجبته؟اااف وش هذا التفكير اصلا من بيعجب فيني صدق غبيه"""
مها ببتسامه:قمور انتي كثيرر تسرحين
ابتسمت قمر بخجل:ايه
مها وهي تتدور موضوع تفتحه عشان تتكلم عن فارس بس مالقت وصاروا يسولفون سوالف عااديه
بــــيــــت ابــوونـآآآصــرر
انزلت اميره وانصدمت وهي تشوف ابوها اللي ماتشوفه الا بالسنه مرتين ابتسمت:اووه وش صاير بالدنيا خاالد الراسي بعظمته هنا؟؟
ابتسم بقوه ومد يده لبنته تجي بحضنه
ماعارضت ابدا اميره وصار راسها ع كتفه وهو لاف يدينه ع كتوفها
ابوناصر:وشلون بنتي الوحيده؟؟
اميره بدلع:مو زينه
ابوناصر:افاا ليش؟؟
اميره:لاتقول لي وحيده مااحب
ابوناصر:ههههه هههه
ابتسمت اميره بقوه وهي مبسوطه صح انها ماتشوف ابوها الا قليل بس تحبه بشكل مو طبيعي
ادخلت ام ناصر وهي تبتسم:الله يخليكم لبعض
اميره:ويخليك لنا ييمه
اكتفى ابوناصر ببتسامه
دخل ناصر:اووووه لا لا الشمس من وين طالعه اليوم؟؟العيله متجمعه
دخل نادر وراءه ويناظر اهله:ايه والله صاادق
ابوناصر:تعالوا تعالوا بس اقعدوا
اقعدوا وصاروا يسولفون ويضحكون والخدم يصبون لهم القهوه والعصيرات والشاهي والحلويات والفطاير
بــيـــت آآبــووفــهــدد
كان جوهم مايختلف عن وجه بيت ابوناصر بس ع بساااطه
ناظرتهم قمر بتامل وتذكرت كلام فهد ان ابوها غني وسياره عبدالعزيز""يمكن يكون عبدالعزيز عرف ابوي؟؟(جئت فكره ببالها) ""ناظرت ساعتها شافتها 10 اوقفت:يلا عن اذنكم انا مضطره اروح
ام فهد ببتسامه:اقعدي ماشبعنا منك
قمر ببتسامه:ولا انا والله بس مره ثاانيه
ام فهد وهي تاقف معها واوقفوا البنات
منى:عطيني رقمك
هزت راسها قمر:طيب خوذيه 050
دقت منى وافصلت وهي مبتسمه:يلا عاد لازم نشوفك ثاني مره
قمر ببتسامه:اكيد
اطلعت قمر وصارت تمشي بالحاره بااتجاه البقاله ادخلت وغيرت ملابسها اقعدت ع الفراش وهي متربعه تذكرت كرت نور افتحته وهي تبتسم نزلت الكرت وطلعت شدت الجكيت عليها كان الجو بارد بس مع كذا حلو صارت تمشي بين الحارات دون هدف او مكان معين بس كان ودها تمشي وتمشي تبي ترتاح تبي القهر اللي بقلبها يطلع مهما سوت او اضحكت مستحيل تنسى لازم تسوي لابوها وعبدالعزيز شي يمكن ترتاح او اقل شي تشوفهم وتفهم ليش يصير لها بحياتها كذا اوقفت وانصدمت وهي تشوف البحر""انا وشلون وصلت هنا؟؟""حست بالالم برجولها اقعدت ع كرسي وهي تتنهد ناظرت ساعتها شافتها 2:50""افف طيب ياقمر لو شفتي ابوك وش راح تسوين؟؟ايه اول شي بقوله ليش تخلى عني؟؟ابي افهم ليش امي لما تتكلم عنه تبتسم مع انها تركها مجروحه؟؟ابي اعرف ليش ماسال عنا طول السنين ااه بس اكيد ماراح يصدق اني بنته وشلون اخليه يصدق؟؟مالي الا اسوي الفكره اللي ببالي""اوقفت وهي تبتسم وراحت تركض اشرت لتاكسي واركبت وصارت تاصف له اوصلت للحارتها صارت تناظر بيت نور ومنيره انزلت ولفت وجهها وناظرت البيت لي عاشت فيه طفولتها ومراهقتها ابتسمت بالالم دخلت يدها بجيبوها وهي تناظر له"""وشلون ادخل الحين؟؟ااف""صارت تتلفت ابتسمت وهي تشوف الشجره الضخمه اضحكت ع خفيف وهي تتذكر لما كانوا اطفاال كان دايم عبدالعزيز وفواز يصعدون عليها وهن يقعدن يصاارخن بخوف عليهم صارت تصعد الشجره اوقفت فوق السور ابلعت ريقها وهي تناظر المساافه بس لما فكرت باللي راح تسوويه طبت بقوه ع الارض:ااااااه رجولي(اوقفت ع خفيف وهي تعرج)صارت تناظر الحوش وكيف الغبار غطااءه انزلت دموعها ع كل لحظه مرت هنا صارت تتدور بنفس مكانها هنا العبت وهنا افرشوا فرشتهم وهم يشوون ويضحكون وهنا طااحت وهنا ماقدرت تكمل أي ذكرى ثانيه اشهقت بقوه وامسحت دموعها""خلاص ياقمر لين متى بتظلين كذا؟؟عشان ابوي وعبدالعزيز اللي كملوا حياتهم دونك؟؟ليش انتي مو قادره تكملينها ليش؟؟""تنهدت بقووه""الحين وشلون افتح هذا الباب""صارت تحاول تفتحه بس ماقدرت وكانها تذكرت شي""صح""راحت تركض لوراء البيت شافت الباب اللي يطلع ع المخزن اللي موجود بالمطبخ ابتسمت ع الذكرى مره كانوا هي وعبدالعزيز يلعبون عند هذا الباب وكان القفل من مزلاج ومصدي وبدون مايقصد عبدالعزيز اكسره لانه اصلا كان ع وشك الكسر وخافوا من امهم وعدلوه أي كلام ومشوا""يلا ياعبدالعزيز طلعت لي بفاايده"افتحته وادخلت حطت يدها افمها تكتم شهقاتها اللي ماقدرت تمسكها بهذا المكان بذات تمكن روح امها اللي دايم تكون هنا تتطبخ وتنتبه لاكلهم صارت تمسح دموعها وكملت طريقها اوقفت وهي تناظر الصاله تنهدت بصوت مسموع وادخلت غرفه امها اتجهت لدرج تعرف ان امها داايم تحط الاشياء المهمه فيه افتحته ورمت كل شي ع الارض واقعدت وصارت تتصفح الارواق والصور امسكت شهاده ميلادها وشهاده ميلاد عبدالعزيز وصوره لامها وابوها امسكت الصوره بقوه""اكرهك ليش تخليت عني؟؟ااه""اخذت الاوراق اللي تحتجها وطلعت بعد ماسكرت الباب زين وصارت تتامل البيت""برجع لك احلف لك اني برجع لك بس لما انهي كل الاشياء اللي كانت مفروض تنتهي من زمااان""لفت وجهها وطلعت وصارت تمشي عشان تتطلع من الحاره لشارع عام وتلقى تاكسي
اركبت التاكسي وهي مركيه راسها ع الشباك:روح للبحر
يــوووم جــدديـــد
الـــســ6:30 ص ـــآآآآآعــــه
بــيــت آآآبــووفــهــد
صحى فهد ونزل تحت وهو لابس ثوب ابيض وشماغ ومتكشخ اخر حد طلع وركب سيارته""امر قمر؟؟ايه خليني اروح لها""وقف عند باب البقاله ونزل فتح الباب بالمفتاح اللي معه ودخل بصوت عالي:قــمممممرر قممممممر""شكلها نايمه؟؟""صار يطق الباب بس مافيه رد باستغراب""هذي ليش ماترد؟؟لايكون صار لها شي""فتح الباب ووقف بصدمه وهو يشوف الغرفه فاضيه اتجه للحمام وكان فاضي""هذي وينها؟؟""جذب انتباه علبه الشوكلاته والورد والكرت اسحبها وهو يقرا:الى من ملكت روحي(قمر)اعلم ان الورد لين يكفي لايعلمك مقدار حبي لك ولكن هو بعض من التقدير
احببببك(وقف بعصبيه ورمى الكرت""من اللي مرسل لها؟؟وهي وينهاا؟؟""لف يبي يطلع بس شافها وهي توها داخله)
قمر وهي تتنهد براحه:ااه خفت لما شفت باب البقاله مفتووح(اسكتت باستغراب وهي تشوف ملامح وجه فهد اللي تدل ع العصبيه)وشفيك؟؟
تقدم لها ومسكها بقوه من ذرااعها
قمر بالالم:اااه ففهد وشفيك؟؟ترااك تعووورني
فهد وهو مقهوور:ويننك لين الحين؟؟ومننن الي مرسل لك وورد وشوكلااته ومسووووي نفسه(صررخ بصوت عاالي)تكلللللللللللللمممييييييي
غمضت قمر عيونها من قوه صرختها وبهمس:فهد والله تعورني
بلع ريقه وهو يشوفها مغمضه عيونها وتهمس ترك ذراعها بقووه:تكللمي
قمر وهي تناظر له بضيق:نور هي اللي مرسلتها لي وبعدين انا رحت لبيتي اجيب اوراق منه بس(طلعتهم)شوووفهم اذا مو مصدقني
بلع ريقه وهو يشوف الاوراق حس انه تسرع وجرحها ماقدر يقول أي شي
ناظرته قمر بهدوء ودخلت الاوراق بجيبها ومشت لغرفتها بس يد فهد اللي امسكت معصمها وقفتها
فهد:اا اا احمم اه
قمر وهي تاخذ نفس عميق لفت له واسحبت يدها وابتسمت بالقوه وهي تحاول ماتظهر اللي داخلها:ولايهمك عاادي مافيها شي
ناظرها فهد بتامل""ادري انك زعلتي"":امم امشي معي
قمر باستغراب:وين؟؟
فهد:امشي وتشوفين
قمر بتعب:لا فهد والله تعبانه مواصله من امس ابي انام لي ساعه عشان اقوم وافتح البقاله
سكت فهد شوي بعدين قال:طيب
قمر وهي تناظر له""اليوم شكله يجنن""
فهد وهو يبتسم وبانت غمازاته وحرك شماغه:ادري ادري اني حلو
اضحكت قمر:هههه وااثق بقوه
فهد:ههههه طبعا
قمر ببتسامه بااهته:وش عندك؟؟
فهد:ابد والله بس اجتمااع عندنا
قمر:اهاا الله يوفقك
فهد:امين(نزل راسه باارتباك بعدين رجع رفعه وناظرها)تبين شي؟؟
قمر:سلامتك
فهد وهو يناظرها حسها تعبانه بس ماحب يضغط عليها:الله يسلمك مع السلامه
قمر:مع السلامه
يـــتـــــبـــع
شــررركـــه الــررآآآآســـي
مــكــتــب ســدديـــم
كانت تحوس بالارواق ومندمجه بقوووه قطع اندماجها صوت طق الباب:تفضل
دخل حمد وبهدوء:السلام عليكم
سديم وعيونها ع الاوراق:وعليكم السلام
حمد:انسه سديم لازم نجهز للمؤتمر
ارفعت راسها وناظرته اشرت ع الكرسي:تفضل
قعد حمد وهو ساكت
سديم وهي تتنهد حطت يدينها ع راسها:ااف ياربي والله مافهمت شي فتحت الملف وماقدرت اعرف أي شي
ابتسم حمد:انا معك ايش اللي مافهمتيه؟؟
سديم:كل شي ليش هالمؤتمر؟؟وكم عدد الحضور؟؟واشياء كثيره
حمد:اول شي لازم نسويه نروح نحجز قاعه
سديم:طيب خلاص روح احجز قاعه
حمد وهو يناظرها ببرود:لازم انتي تكونين فيه وتشوفينها
سديم:ضروري؟؟
حمد:طبعا اذا تبين نروح الحين
ناظرت سديم ساعتها شافتها 9 الصبااح:اممم طيب بس خلني اكلم السواق
حمد بنفس بروده:روحي معي بسيارتي
ناظرته سديم بصدمه:هاه؟؟
ابتسم حمد ع شكل عيونها اللي طارت:اقصد يعني ليش كل واحد يروح بسياره وبعدين بنرجع للشركه
سديم وهي تتطلع جوالها:لا خلني اركب مع السواق
هز راسه بعدم اهتمام:براحتك
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك