رواية عشاق يعتلون ناصية القلوب -35
فهد ناظر السماحه والاستسلام بعيون ريما ظل ساكت حتي جات حرمه كبيره بالسن وطلبت من ريما تعطيها مجال بالمكان ريما زحفت شوي بقدر مكان شخص كان فهد قريب منها كثير لما جلست لاحظ قربها ابتسم وكن وده يبوس هالعجوز لما جلست الحرمه كانت شوي سمينه لدرجه انه دفت ريما بدون قصد لحتى لقصت بفهد ......... فهد يناظر ريما اللي حمر وجهها من الاحراج مد يده فهد وراء ريما فوق كتوفها علشان تاخذ راحتها
ريما بلعت ريقها وهي تناظر فهد اللي ماخذ راحته ويتلفت على الموجودين ........ بعد لحظات سمعت ريما نداء طياره نور ونقزت لدرجه ان فهد اخترع كان مسرح فيها ويفكر
فهد بخوف :شفيك ؟
ريما باستغراب :ماتسمع طياره نور وصلت
فهد وقف بطفش وراح لمكان الاستقبال مع ريما وقعدوا يناظرون المسافرين طلعوا كلهم واحد وراء الثاني بعد تقريبا ربع ساعه
فهد يناظر البوابه وماطلع منها احد كل اللي فيها طلعوا خاف اكثر وارتبك :وين نور ؟
ريما خافت واستغربت :توقع غلطنا بالطياره
فهد وهو ماياس :لا هذي اخر طياره ماتوقع
ريما تبي تهدي فهد وهي تشوف لونه مخطوف :تعال نسال
فهد بعد ماقتنع وهو يناظر البوابه اللي ماطلع منها مسافرين وبدا المضيفين يطلعون تاكد ماعاد فيه احد بيطلع
راح للمكتب بسال وهو داخل وقفته يد ريما اللي سحبته بقوه :فهد ناظر
فهد ناظر ريما بعدين ركز على المكان اللي تاشر عليه :لا مستحيل
شافوا نور رافعه جزمتها بوجه الموظف وتصارخ عليه ..... ريما وفهد ركضوا عندها
فهد مسك ايد نور اللي انبسطت وسلمت عليه لما شافته وسلم على ريما المخققه بجزمتها اللي متمسكه فيه
نور بعصبيه :وينكم هذولا سرقوا شنطتي
فهد ينزل ايدها :طيب البسي جزمتك وعيب اللي تسوينه
نور بعصبيه :وشنطتي
فهد يتاسف للموظف ويسحب نور :تدرين انك فاشله وتسوين نفسك فاهمه الشنط ياخذونها من هنا
نور معصبه وتسحب ايدها :اقول طس وانا شدراني تدري اني اكره الانجليزي ياحظي كان جيت يالمترجم
ريما تبتسم لفهد على اسلوب نور اللي عصب فهد ريما مسكت يد فهد وغمزتله علشان يسكت فهد ظل ماسك ايد ريما والايد الثانيا ماسك ايد نور
نور لما شافت الشنط تدور قدامها ركضت لانها شافت شنطتها واخذتها وهي ترفع حواجبها لفهد :لقيتها
فهد :والله انك هبلاء
نور :وانا شدراني ماتوقعت ان مطاراتهم مثل مطاراتنا بعدين اغراضي ثمينه وخايفه عليها
ريما تسحب ايدها من فهد وتحاول تشيل شنطت نور ...
نور ترفض :يابنت الحلال خلي عنك شفايده هاللوح الي معك
فهدعصب حس ان نور تقلل من قيمته قدام ريما :اقول طسي بدينا الحين عطيني ريما شنطتها لاارميها هي وشنطتها بالشارع
فهد وهو يبي يستفز نور رفع شنتطها كانت ورديه وعليها شخصيه كرتونيه :ياعيني على شنطت فله بعدك بزر تاخذين فله
نور ماعطته اهميه وصارت تمشي قدامهم بدلع وهو مو شايفه احد قدامها .... ريما كانت تضحكت على مناقره فهد ونور كانت مشابهه لها مع نوره اختها
فهد غمز لريما وبهمس :والله لاهبل فيها
ريما بضحكه :حرام عليك
ركبوا السياره وبدت نور تشرط على فهد وهو يسمع اومرها على اساس انها اول يوم ينفذ اومرها وتعشوا بمطعم وفهد كان مبسوط على اندماج ريما مع نور وقعد يتفرج فيهم ويسمع سوالفهم لحد مازهق فهد ومل ..
فهد :يله نرجع البيت
نور بملل :يله اصلا انا تعبانه
ريما بضحكه :اهلكك السهر
لما رجعوا البيت فهد دل نور على غرفتها هي طبعا انبسطت واستانست وراحت لريما اللي تحط الكيكه اللي محضرتها علشانها
نور لما شافت الكيكه خقت :واو من أي محل جايبينها
ريما ترفع حواجبها :انا وفهد صلحناه
نور تصارخ :فهد ليش في البيت ماتسوي كذا
ريما تضحك :حرام عليك فهد حارم نور من هالاصناف افا يالشيف
فهد يلوي فمه :والله مشالله بغيناك عون طلعت فرعون ....هذا اخرتها معك لاتصدقينها نور هي مصلحتها
ريما تقطع وتمد لنور صحن :يله ذوقي واعطيني رايك
نور تقلب عيونها :ايه مدام فهد حاط ايده فيها ماشي الحال
فهد قرب من نور وقرص خدودها :اه منك ياشيطانه
ريما مدت لفهد بصحن :تفضل
فهد بحنان :زاد فضلك ياعمري
ريما وقف قلبها لماسمعت الكلمه بس تذكرت ان التمثيل بدا
نور :احم احم
فهد :شعندك ؟
نور :مو قدامي ؟
ريما بسحى :اعجبتك ؟
نور ترفع حواجبها باعجاب :تهبل والله انك طباخه
لما خلصوا جلت ريما بمساعده نور الاواني ولما خلصوا ريما فتحت الغرفه بس تفاجات بشنتطها اللي مواجهه الباب نور انتبهت لها واستغربت من الشنطه
نور :ريما لمن هالشنطه ؟
ريما بارتباك لانور مايفوتها شيء :هذي لي
نور بعصبيه :لايكون فهد مزعلك
ريما تعدل الموقف ودخل فهد وانصدم لما شاف وجهه ريما احمر فهد :"شفيكم ؟
ريما :لا هذي ملابس بوديها للمغسله
نور :ايه يله عطيني الكريم لااني نسيت كريمي
ريما راحت للتسريحه وشافت كريم لفهد اخذته واعطتها
نور :شكرا
طلعت نور وقفلت الباب وراها فهد استغرب من ريما لما اخذت من اغراضه من دون استاذن قرب فهد منها ويمثل العصبيه
فهد :ليش اعطيتها من اغراضي ؟
ريما بتحذير :لا شرايك افتح الشنطه وانبش اغراضي قدامها اصلا ماعرفت كيف الفت الكذبه ومرت عليها
فهد :ليش معصبه اضربني احسن بعدين مينخاف عليك الكذب على راس لسانك
ريما عصبت وحست انها تفور سحبت شنطتها وراحت للدرج وفتحته شافته معبا ملابس فهد ناظرت فهد :ممكن تفضي لي مكان ؟
فهد فسخ قميصه قدامها وتكلمت لما فسخها قرب منها على حاله وفتح الدرج اللي جنبه وصار ينقل اغراضه ويعبي الدرج الثاني علشان يفضي لها مكان كان يقرب منها ريما ماتحملت
ريما بخوف :خلاص انا بكمل
فهد ناظر عيونها عن قرب :عطيني هالبيجامه
ريما ناظرت بيجامه ومدتها له من دون ماتناظره :تفضل
فهد اخذها وراح للحمام علشان يلبسها ولما طلع مد نفسه على السرير ووسوى نفسه نايم وهو يناظر ريما ترتب ملابسها بالدرج ولما خلصت شافت فهد نايم اخذت فراش وكانت تبي تتطلع
فهد فتح عيونه :وين ؟
ريما :برى
فهد بضحكه :تبين امي تاكلني.......... تعالي نامي على السرير
ريما بنظره استغراب :هنا
فهد وقف واخذ الفراش منها ومده على الكنبه :انا بنام هنا لاتخافين خذي راحتك
فهد لما شاف ريما واقفه قدام السرير وهي متردده راح قفل الباب :ليش واقفه ؟
ريما تناظر ملابسها ماقدرت تغيرها مدت نفسها على السريرولفت الشرشف
عليها علشان مايبان منها شيء ونامت بس كل شوي وهي تفز كانت خايفه ..........
رانيا صحت من النوم على صوت امها تناديها غسلت رانيا ولبست لها روب بني ولمت شعرها ولبست شيله ونزلت شافت امه قاعده لحالها بالصاله
رانيا :صباح الخير
خديجه :صباح النور
رانيا :تبين شيء ليش نادتيني ؟
خديجه :لا بس بغيتك تفطرين معنا
رانيا غمضت عيونها ورجعت على الكنبه :ايه بس تعبانه كان خلتيني نايمه لما اصحى افطر
خديجه بضحكه :يله عن الكسل
راحت خديجه للمطبخ رانيا ظلت مغمضه عيونها لما حست باصوات مشي فتحت عيونها شافت ناصر ومها نازلين وكانهم بيطلعون ....... ناصر سوى نفسه مايشوفها بس مها ماحبت تتجاهل وجودها
مها :صباح الخير
رانيا بابتسامه :صباح النور
ناصر يكلم مها بطريقه مااعجبت رانيا :بنتظرك برى
رانيا حست بسكين تطعنها على اسلوبه تمنت انها ماكلمته وظلت تاكل في نفسها عند مازن كان ارحم
مها :كيفك رانيا شفيك وجهك اصفر ؟
رانيا :مافيني شيء عسى ماشر ليش وين طالعه ؟
مها :دخلت الشهر السادس ناصر مصر نعرف جنس الجنين
رانيا بابتسامه مغتصبه :ايه الله يناولكم اللي ببالكم
مها تمسك بطنها وتمسح عليه :يله مع السلامه لما نرجع بنخبركم
رانيا :مع السلامه
طلعت مها ورانيا راحت للمطبخ وهي تساعد امها بالمطبخ دخل خالها عامر وصار يمزح معها يبي ينسيها اللي شافته .......... رانيا ماراح تنسى اللي شافته من مازن ومن ناصر ؟؟.........
ناصر وهو بالمستشفى مع مها وهم يناظرون الجنين بالشاشه
ناصر :سبحان الله ناظري مها
مها :شقد صغير
الدكتوره :مشالله ولدكم بصحه جيده
ناصر :بان شيء
الدكتوره قعدت تمرر على بطن مها :ايه اتوقع والله اعلم انه ولد
ناصر بضحكه :الحمد لله اللي من الله يامحلاه
مها تناظر ناصر على قناعته :بنسميه.........
ناصر يقاطعها :تركي
مها تذكرت بسرعه رانيا لما اعترضت :ايه الله يكتب اللي فيه الخير
ناصر ظل يناظر الشاشه وهو يفكر برانيا لو تشوف اللي يشوفه شبيكون رايها بتفرح له ولا بتحقد عليه وبتكره ولده ..............
ببريطانيا ......الصباح
صحى فهد على صراخ نور وريما ولما طلع وهو يعدل قميص بيجامته وشعره منكوش ومخبص
فهد بخوف وهو يناظرهم :شفيكم ؟
ريما ونور ناظروه :ههههههههههههههههههههه
فهد ركز عليهم كانوا يلعبون بلاي ستيشن ويتسابقون سيارت
فهد بحسره :الله يايعيني عليكم
ريما بابتسامه :تعال العب معنا ولا خايف نهزمك
فهد :طيب
فهد دخل وغسل وغير ملابسه ورجع لهم قعد على الكنبه وهم قاعدين بالارض ومبققين عيونهم في التلفزيون ............
فهد بملل :بالله عليكم هذا شريط احد يلعبه ويصارخ كل هالصراخ
نور :ليش تبينا نلعب كره علشان تنبسط
فهد :العبي وشوفي قدامك ترى ريما مو هينه تفوز علي دايما
ريما ناظرت فهد بتحدى :ايه دايما
خسرت ريما لانها تفكر بكلام فهد وتناظره لانها يكلمها
نور تصارخ وطلع لسانه لريما :خسرتي ياحلوه اجل هذي اللي تفوز عليك يافهد
فهد :انتي صدقتي
ريما :بالله عليكم يالله نور مره ثانيه
نور بغرور :لا اعترفي انك خسرتي
فهد حب يهدي الوضع :خلاص تسابقوا مره ثانيه واللي تفوز تطلب اللي تبي بعد الفوز
نور فتحت عيونها :الله وناسه .......... يالله ياريما لما كسرت راسك مااكون نور
ريما تحمست :طيب يله
وصاروا يتسابقون وفهد مبقق عينه على الخانه اللي فيها سياره ريما يتمنى هي تفوز
فهد يشجع :عاشت اختي
ريما رفعت حواجبها وصارت تضغط على جهاز التحكم اللي بيدها علشان تفوز وتطلب منه طلب باقي تفكر فيه
نور :يله ياسيارتي طيري تكفين
ريما كانت متحمسه وشوي نور تقدم عليها وشوي تاخذ هي المركز الاول ........ بعد الدقايق انفجرت ريما تصارخ ونطت من مكانها
ريما بفرحه كانها كاسبه المليون :هي فزت انا
فهد وقف من مكانه وقعد يتمطط ريما من الفرحه ماستوعبت نطت على فهد وضمته فهد اختل توازنه وطاح على الكنبه وريما فوقه ...... ريما ماستوعبت الحركه اللي سوتها اللي لما طاحوا على بعض استحت انها تحرك ماقدرت جمدت وهي تحس بيد فهد على ظهرها
نور مبققه عيونها عليهم :هي مو قدامي
فهد لما سمع نور حس على نفسه مسك ريما ورفعها عنه وهي منزله راسها وهو يبعد شعرها عن وجهه :انت بخير صار براسك شي
ريما بفشله من اللي سوته ماقدرت تناظره :ايه بخير
ريما وقفت لما انتبهت انها قاعده بحضن فهد وهو يمسح بشعرها قدام نور :بروح اغسل وجهي
وراحت ريما وفهد يناظرها والتفت على رجله اللي كانت قاعده عليها والتفت على نور :هزمتك احسن
ريما دخلت الحمام (اكرمكم الله ) وهي تناظر وجهها :اه مني شسويت والله من الغباء الحين بيصدق نفسه اوف كيف اطلع الحين
ريما غسلت وجهها ولمت شعرها على جنب راحت المطبخ وصارت تحضر الفطور ولما حضرته على الطاوله دخل فهد يعرض عليها المساعده بس رفضت باسلوب هادي
ريما لما خلصت :نور يله للاكل
نور كانت مسرحه باللعبه :يله
وقعدوا على الطاوله نور حبت تتلقف
نور :هاريما شطلبك من فهد ؟
ريما تسوي نفسها تفكر (ينسى اللي صار ):بفكر
نور :ايه فكري بشي صعب زين تكفين
ريما سكتت لانها تعرف نظرات فهد اللي تراقبها بس ريما تحاول تفادها وماتناظره ولما خلصوا لموا الاغراض مع بعض وتعاونوا وغسلوها بالمطبخ كانت ريما تغسل ونور ترتب وفهد يناظرهم ويعطيهم التعليمات لما خلصوا
نور ":يله ريما كل هذا تفكير
ريما تعبت من اصرار نور عليها :خلاص اطلبي انتي
نور تفكر ماحست ريما الا بفهد يسحبها من وراء ويلصقها بصدرها وضاغط ايده على بطنها :شهالطيبه
ريما وقف قلبها حطت ايدها على ايد فهد وتحاول تبعدها وهو يضغط اكثر :ايه نور
نور وهي تناظر اخوها الرومنسي :لما تخلصون رومنسيتكم نادوني
نور طلعت ريما بسرعه قرصت على ايد فهد والتفت عليه وتاشر له بيدها :خير انت شهالحركات
فهد يفرك ايده مكان القرصه :اه......... انت شفيك ارد لك حركتك
ريما بلعت ريقها حست انه لازم يعلق عليها :موقصدي
فهد :وانا بعد مو قصدي
ريما طلعت من المطبخ بس فهد وقفها وعصب منها :انا مسويت كذا الا علشان تخففين عصبيتك شوي قدام نور على فكره الشنطه مامرت عليها
ريما :طيب اسفه بس انت خفف من اسلوبك
فهد :تصدقين من حبي لك اقول طسي واطلعي لها
ريما عصبت :شوف انا موخدامه عندك تعاملني كذا وتامر وتنهي على كيفك
فهد سحبها :يله قدامي
نور لما شافتهم ضحكت :ابي اروح للملاهي
فهد فتح فمه :موفاضي اطلبي شيء اسهل
ريما رفعت حواجبها بمكر :لا ابي انا بعد الملاهي
فهد عصب :لا والله كلكم علي
نور:اسمع انت قلت وخلك على كلامك
فهد استسلم :امري لله
ريما ونور ضربوا كفهم ببعض :وناسه
طلعوا من البيت وراحوا للمكان اللي طلبته ... ريما ونور كانوا منبهرين بالملاهي على كبرها وجمالها وصوت الموسيقى واصوات صراخ الناس
نور فرحانه :الله يافهد شهالالعاب
فهد باضحكه :انبسطي انت وهالحلوه اللي معك
ريما كانت خاقه على فرقه اسكتلنديه لابسين ملابس كاروهات حمراء وعددهم في حدود الخمسه تعزف معزوفه ريما تعرفها وتحبها:ناظروا هنا
فهد كان يحب المعزوفه :ايه حلوه
ريما تحمست وماقدرت تجلس راحت عندهم وصارت تمايل معهم وتقلد حراكاتهم وهم يعزفون وتنادي نور اللي رفضت ....... فهد خق على جمالها وشعرها اللي تتطاير علشان حركتها السريعه وشكلها الطفولي وضحكتها اللي باين انها من قلب طلع جواله وقعد يصورها وهي مو منتبه له فهد كان عاجبه المنظر بس نور كانت مستعجله على لعبه ودها تروح لها قرب فهد من ريما مسك ايدها
فهد وهو يحس بانفاسها تتطاير الخصل اللي على وجهها :يله كافي
ريما سحبت ايدها :وين نور ؟
فهد مشى لعند نور وصار ت تمر عند كل الالعاب وتجربها فهد وريما يتفرجون عليها .........
فهد :شرايك نلعب هذي ؟
ريما تناظر وين ماياشر فهد شافت الناس بمقاعد تتطلع وتنزل وتحرك يمين ويسار بشكل يخوف :تمزح
فهد مسك ايد ريما وصار يركض فيها وريما ترفض وتسحب ايدها :لا يافهد
فهد اصر عليها وركبوها ريما كان قلبها يدق من الخوف وتناظر فهد اللي شكله متعود على هذي الالعاب
فهد يكلم المسول عن اللعبه (مترجم بالعربي ):ابيها تطير خلها اسرع حد
طبعا وافق وريما ماقدرت تتكلم ولما تحركت صارت ترتفع ريما غمضت عيونها وصارت تشهد
ريما بخوف : اشهد ان لا اله الا الله وان محمد رسول الله حسبي الله عليك يافهد
فهد كان جنبها ويناظرها وهي مغمضه عيونها وتشهد وشعرها يتطاير حولها وهي مغمضه كانها ملاك :فتحي عيونك واستمتعي بالمنظر
لما سرعت اللعبه ريما خافت وصارت تصارخ لدرجه فهد حط ايده على اذنه من قوة صوتها :بس ياريما
ريما :اااااااااااااااه فهد ............ يمه
لما نزلوا كان فهد يضحك بهستيريا على ريما اللي نزلت مو متوازنه كانها سكرانه مشى فهد قبلها بمسافه وهو يسولف لها عن باقي الالعاب انتبه لنور اللي تناظرهم
نور :تكفى فهد خلني اركبها
فهد بتحذير :لا بعدين ممنوع هذي خطيره عليك
نور لما التفت على ريما :فهد ناظر ريما
فهد لما التفت على ريما شافها واقفه بتعب وهي مو متوازنه سانده نفسها على سياج وتناظر فوق وتمسح على شعرها فهد ركض عندها بخوف لانه هو اللي اجبرها :ريما انت بخير
ريما تناظره وتشوفه اربعه :ا...يه
فهد باستغراب مسك راسها وثبته بوجهه :ناظرني
نور بخوف :فهد شفيها
ريما تحاول تفتح عيونها :اه بط......
ماكملت حتى طاحت على الارض مسكها فهد وحملها خلى نور تفتح السياره وطار فيها على مستشفى بس كان زحمه خاف فهد على ريما يصير فيها شيء ركض فيها مستشفى صغير ودخلها على دكتوره كان باين ان مدخول هالمستشفى ضعيف ........ فهد مد ريما على السرير وهو يناظر وجهها صاير اسود كانها مخنوقه
(مترجم الي العربيه )
الدكتوره بخوف :ايش صاير لها
فهد ناظر نور اللي مخققه على ريما وكيف صاير وجهها :اطلعي برى لاتبعدين
فهد قال لها على اللي صار :مادري اذا هذا اللي اثر عليها
الدكتوره طلبت من فهد يساعدها رفع ريما وجلسها على صدره الدكتور رفعت بلوزه ريما شافت بطنها فيه انتفاخ ومتحجر
الدكتوره :حرام عليك احشاها متكوره
فهد خاف من كلامها :فيه عليها خطر
الدكتوره :تحتاج مستشفى هنا ماعندنا اماكانيات
فهد عصب وهو متمسك بريما :يالله اسعفيها ماتشوفينها مثل الميت
الدكتوره احتارت :ارفعها اكثر
فهد رفعها قربت الدكتوره من ريما ونزعت بلوزتها مابقى عليها غير الصدريه فهد اضطر ان يمسكها مثل ماطلبته حط ايده على ظهرها واسفل بطنها حس بدفاها ونعومه جسمها كان قلبه بيوقف من خوفه عليها وهو يتذكر رفضها
الدكتوره مدت على جسم ريما وصارت تدلكها :ممكن توخر شعرها
فهد رفع شعرها وحطه عند ظهرها وظل متمسك فيها ماحس الابريما تقيات وصارت تكح وترجع ظل فهد ماسكها وهو يشوف الدم بالارض
الدكتوره تضربها على ظهرها :اكثر
فهد خاف من الدم اللي طلع :شهذا ؟
ريما فتحت عيونها وهي تحس بروحها بحلقها :اه
فهد بعد شعرها :انت بخير الحين
ريما لما حست بايد فهد على جسمها العاري دفته وهي تكح خطفت بلوزتها ولبستها وهي تتالم
فهد انحرج قدام الدكتوره :انت بخير الحين ؟
ريما ماقدرت تتحرك :انا قلتلك .......
الدكتوره :الحمد لله بس لازم تداوم على التدليك حتى يثبت كل شيء مكانه
راحت للمكتب وكتبت لها على مرهم وادويه ومدتها لفهد
الدكتوره بتردد :انت زوج بس اللي ابي اقوله تنازل عن حقوقك يومين علشان متضرها
فهد ابتسم بخبث بصوت واطي :على طول تنازل اصلا
ريما ناظرته وهي تمسك بطنها :خلصنا
طلعت ريما وهي تمايل بمشيتها ينقصها توازن نور مسكت ايدها :انت بخير
ريما هزت راسها :ايه
نور بصوت عالي :المفروض تحملها شهالقلب القاسي عندك !!!!
فهد عصب :مالك خص
ريما تبي تردها لفهد :لا حبيبتي مايقصد بس الدكتوره تقول لازم امشي
فهد بغرور :مو متعوده على الوناسه
ريما حقدت عليه وفكرت تردها له بس فكرت بوجود نور ضحكت علشان ماتحسسها بشيء :هههههههه
لما رجعوا البيت نور قعدت تسولف مع فهد وريما دخلت من التعب وقفلت الباب عليها بالمفتاح وفكت بلوزتها وصارت تمد الكريم وتدلكه بنفسها ماتحملت الالم كان يزيد عليها لانها تتحرك وهي اللي تدلك نفسها لحتى صار جلدها احمر ودكتوره اعطتهم تعليمات لازم احد يدلكه لها وتكون هاديه ريما لما تالمت دخلت الحمام (اكرمكم الله )وغسلت كانت ريحه المرهم تصدع وطلعت لبست بيجاامه ومدت نفسها على السرير تذكرت الباب رجعت فتحته ونامت وهي تمسك بطنها وتتالم ......
مل فهد من سوالف وطلبات نور وصرفها علشان تنام ودخل غرفته كان يقاوم مايناظر السرير علشان مايلين قلبه راح لدرج وطلع له كم ورقه يبي يقراء فيها قبل ينام طلع صوت مزعج خاف ان ريما تصحى والتفت على ريما اذا سمعت فز قلبه لما شافها متكوره على نفسها وماسكه بطنها نزل عيونه بسرعه واخذ الاوراق وجلس على الكنبه وصار يقلب فيها من دون وعي باله مع ريما رجع عيونه عليها حس بالذنب رمى الاوراق بالارض وقرب من السرير شاف المرهم مفتوح ومرمي على الطاوله عرف انها تحاول تعالج نفسها من دون مساعده جلس على السرير جنبها رفع الفراش من عليها وحاول يلفها جهته من دون ماتحس ريما كانت نايمه ومن التعب نامت
فهد بهمس وبحذر وهو ماسكها مع كتفها ويلفها :يالله لفي
فهد لما حس انه الم كتوفها نزل ايده من تحت اللحاف ولفها عليه بنجاح ..... كان يناظر ريما بالم ويفكر بشعورها لو تصحى من النوم وهو جنبها رفع فهد اللحاف عن جسمها قرب منها بحذر وصار يفك ازرار قميص بيجامتها لما وصل للصدر قعد يناظر بطنها كان احمر عرف انها هي سوت بنفسها كذا وحن لما شاف ضلوعها وبطنها وهي تتنفس بانتظام اخذ المرهم وصار يمده على بطنها الدافي وهو يرتجف من الخوف ............ريما لما حست بروده على بطنها وحست بضغطه قويه على بطنها نقزت من الالم وهي تصارخ
فهد كان مستمع وهو يساعد ريما من دون ماتحس لما نقزت وهي تصارخ ارتفعت من مكانها حتى وصلت عند وجهه وهي مفتحه عيونها على الاخر :بسم الله عليك لاتخافين
ريما تنفس بصعوبه ومو مصدقه اللي قدامهابهمس :شتسوي ؟
فهد مارد عليها وضغط على بطنها وهو يناظر عيونها ريما مسكت ايده :من سمحلك ؟
فهد سحب ايده ورجعها مكانها :اوامر الدكتوره
ريما صارخت :بعد عني
فهد ثبتها عليه بهمس :اشششششششش اهدي ماراح يصير شيء لو بغيت اسوي شيء كان صار من زمان ولاتنسين تحذيرات الدكتوره مو وقت نغلط الحين
ريما سكتت ماقدرت تتكلم فهد مسكها من خصرها ورجعها بهدوء على السرير وصار يدلكها اول مارجع ايده ريما مسكت القميص وصارت تحول تستر به بطنها فهد حس انه مستحيه منه رفعه مره ثانيه ناظر فيها ولما خلص وريما مغمضه عيونها مايدري من الالم ولا علشان فهد
فهد يقفل ازرار قميصها :بالعافيه
ريما تبعد ايده ومنزله راسها تكمل تقفل الازرار :مشكور
فهد يناظر وجهها صاير احمر مد ايده ورفع الخصل اللي طايحه ومخبيه وجهها :انا اسف اذا اجبرتك مكنت ادري راح يصير فيك كذا
ريما سكتت واكتفت تناظر حنانه اللي تنحرم منه بلحظه فهد وقف وراح لمكانه وهو يتحسر على نفسه وعليها وعلى اللي صار لها وله ريما تغطت باللحاف وتحاول تنام وماتذكر شيء من اللي صار الحين فهد التفت عليها وجلس على الكنبه وهو يفكر فيها
فهد يمسح على شعره :ياربي من لحظه صار فيني كذا اجل لو .........اه ياريما شسويتي فيني
رانيا طالعه من غرفتها وتسمع صوت ضحكات تحت نزلت وشافت خالها عامر يرقص ومبسوط وناصر يرقص معه ومها وامها يصفقون ويضحكون عليهم رانيا استغربت وش السالفه عدلت شيلتها ودخلت عليهم ناصر وقف وماتحرك عكس خالها اللي يرقص بهستيريا
رانيا بضحكه :خالي صار لك شيء
ناصر بخبث :تركي الصغير حفيده الاول
رانيا عصبت من اسلوب ناصر وبافتخار :على البركه يتربى بعزكم الف مبروك
ناصر كانه مو منتبه :الله يبارك لك
مها وهي تصفق لناصر اللي رجع يتحمس :الله يبارك فيك عقبالك
رانيا ماردت عليها وطلعت حست ماله داعي بالوجود وطلعت بالحديقه تفكر بنفسها وحياتها ونست انها معلقه لامتزوجه ولا مطلقه .......
ريما لما صحت شافت فهد نايم مرت بجنبه التفت عليه ومشت عنه راحت للدرج وطلعت لها ملابس علشان تروح للجامعه وهي تحس بالم ولكن تذكرت انها روحت عليها ايام لما كانت عند فهد اول مره دخلت الحمام (اكرمكم الله )وتروشت لبست روب الحمام وصارت تمرر الفرشاه على اسنانها وتمضمض ولما خلصت حست بثقل مو طبيعي بطنها ماتخيلت ان حالتها بتصير كذا لما فتحت الباب حست بروحها تطلع ركضت للغساله وصارت ترجع كانت تناظر كله دم ........... فهد لما سمع الصوت بالحمام فتح الباب من غير مايدق شاف ريما متهالكه على الغساله وترجع ركض فهد عندها وصار يضغط على بطنها :ريما طلعيه
ريما وهي ترجع وتألم وتصارخ :اه يمه
فهد كان يشوف يدها وهي تغط على الصنبور بالم فهد جاء قدامها فتح الصنبور وصار يغسل الدم اللي طالع بفمها ماحس اللى بريما ترجع عليه فهد اخترع بس ظل ماسكها ويسمي عليها لما حست ريما براحه التفت على فهد اللي حاضنها وهي تشوف الدم بقميصه
فهد بخوف :شتحسين فيه ؟
ريما تغمض عيونها وتبعد عنه :براحه
فهد حب يتاكد :اكيد
ريما تناظر نفسها :اسفه وسخت قميصك
فهد يناظر نفسه :مايحتاج دكتوره
ريما هزت راسه بالنفي فهد حس على نفسه وطلع من الحمام فسخ قميصه ولبس غيره وطلع من الغرفه بعد ملاحظ ملابسها على السرير كانها بتطلع .. لما سمعت صوت الباب قفل طلعت ريما ولبست ملابسها وعدلت شكلها وخرجت من الغرفه شافت فهد مسوي لها شاي ساخن
فهد يمده لها :خذيه يريحك
ريما باستهزاء :شهالاهتمام؟؟
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك