رواية تضحية الأخت الأم -8
شربت مرام الماي وراحت على طول غرفه شيماء لقتها متلحفه بالكامل شالت الالحاف عن ويهها وكان ويه شيماء ازرق
مرام شهقت شهقه قويه شيماء فزت مرعوبه
شيماء بخوف : شفيج مرام فيج شي
مرام وقفت وبدت دموعها تنزل وتأشر على شيماء
شيماء نزلت راسها وأبتسمت
شيماء : مرام اهتمي بنفسج لا تصيرين نفسي وتموتين موته حتى الكافر ما يتمناها
مرام وهي تبجي : شفيج شيماء شنو اللي سوى فيج جذي
شيماء : انا انا بنفسي سويت كل هذا اعمالي اهي اللي سوت فيني جذي
راحت مرام غرفتها ونامت وكانت تفكر ليش اهما جذي وليش خواتها كل وحده عندها قصه وما تبي اتطلعها ومحد يدري فيه الا اهي وربها واي احد تثق فيه بس ليش خواتي ما يثقون افبعض
هذي كانت تساؤلات مرام قبل لا تنام
وشيماء كانت تساؤلاتها
ليش انا جذي ليش غير الناس كلهم ليش اكره نفسي لمن اصحى ولمن اشرب انسى نفسي ليش انا جذي انا ما راح اموت موتت ربي انا راح اموت يا اما جرعه زايده او مقتوله او اموت بالسجن هذي هي اخرتي
وساره ليش مها قاسيه ليش ما تفكر الا شلون تعاقب وشلون تكره البنات فيها ما تفكر الا بالتسلط وانها امنا
وغرام كانت تفكر تفكير مراهقه فاقده حنان ابو وبدت اتدوره بغيره واللي خلاها اماني اهي اللي فتحت الباب على غرام وسحبت نفسها تعتقدون ان اماني راح تقدر تبعد عن هالسوالف بسهوله
ومها كانت تفكر شنو تسوي بشيماء اللي كسرت ظهرها وخلت راسها بالتراب
الحمدلله ان ابوي ميت ولا شيماء توطي راسه ويمشي طول عمره منزل راسه بالارض بسبتها
شيماء ذبحتيني كسرتيني مو عارفه شنو اسويلج
وبشاير كانت طول الوقت تتكلم بالتليفون تسكره من واحد وتكلم الثاني ونوف كانت اتطالعها مذهوله وكل شوي كانت تصارخ عليها
اما نوف ماكانت تفكر الا بمبارك وشلون راح تعيش من غيره من بعد ما اختارت فراقه
مرت الأيام والأيام وطلعت نوف من المستشفى وكانت تعتقد ان طول فتره قعدتها بالمستشفى مبارك ما دخل عليها الغرفه
معقوله نساني معقوله مبارك مايبي يشوفني معقوله
بشاير كانت اتطالع نوف وكانت تشوف نظرات الحزن بعيونها
يا ليتج قعدتي هذاك اليوم يا نوف لمن قعدت رحت الحمام لقيت مبارك نايم عند باب غرفتج يا ليتج انتي اللي قاعده مو انا ولمن رحت الحمام دخل عليج الغرفه وكان يبجي ويقولج شكثر مشتاقلج كان كل يوم بالليل ينام عند غرفتج انا كنت ظالمته مبارك يحبج يا نوف يحبج
نوف مبارك اكيد يكرهني حتى ما كلف على خاطره يزورني زارني مره وحده تأديت واجب وخلاص نساني آآآآآآآه
واذا كنتوتتسائلون عن اماني وغرام وشنو صار بلقائهم
غرام طلعت خذت التليفون من عبد الرحمن وعلى طول رجعت المدرسه واماني طلعت بس شـــــــافت بندر السينما وخافت ورجعت على طووول داخل المدرسه
وما خذت التليفون وقامت تتكلم من تليفون غرام اللي ما خلت احد ما كلمته واماني لا كانت تكلم بندر بس كل خميس وجمعه وكانت احيانآ تكلمه من تليفونها
وشيماء قررت تنحاش من البيت لأنها تعبت من الحبس اللي بالغرفه والطقوالتهزيئ طلعت مع خالد ((توبنه))وسامي واهما بطريجهم صادتهم الشرطه كلهم طلعوا منها الا شيماء قطوها بالسجن واتصلوا على مها اللي يتهم وهي متماسكه خذت شيماء وراحت البيت وثاني يوم دخلتها الطب النفسي وخلتها هناك
مها كانت طايره من الفرحه من الدوام خصوصآ انها مع ريم بنفس الشركه مها طلعت كل مواهبها ومحمد كان يوم عن يوم يزيد اعجابه فيها
وساره كلمت صالحه وحبتها واعشقتها وعلى قولتها صالحه غيرت حياتي وخلتني انولد من يديد
ونوف خلت خياتها كلها لأمها وخواتها والبيت وكرهت كل شي وقررت تبدأ حياه جديده بس شلون هذا شي صعب
ومرام كانت مع شهد بكل مكان وبكل وقت ولمن كانت تقعد مع بشاير كانت تكلم عبد الرحمن اخو خالد حبيب بشاير كانت تسميه حنونه كانت تكلمه صداقه اخويه لا اكثر
وبشاير استمرت على حياتها اللي كل يوم طلعه وروحه ورده مع رفيجاتها وع غير رفيجاتها لأن شيماء خلاص راحـــــت
رنا : يــــــــوه يما الله يخليج قولي حق احمد او خالد أي واحد خليهم يطلعوني والله ملل البيت منبع النكد
ام بدر بكل برود : انزين
رنا : الله يخليج يما قوليلهم ابي اطلع من منبع النكد اللي انا فيه
شهد : خلاااااااص فكينا انتي عاد ماسكتلي منبع النكد ومنبع النكد
ريم : هههههههههه خليها هذي لزمتها شلون يعني
شهد : ما احب هالسخيفه هذي ونبع نكدها
رنا : اقول شهد بكيفي انا اقول اللي اقوله انتي مالج شغل
شهد طنشت وكملت قرايه كتابها
وبعد ساعه دخل احمد
رنا : يما يما هذا احمد امانه قوليله يفكني من منبع النكد
شهد طالعت رنا انه مو عاجبها وردتعيونها بالكتاب
ام بدر قالت حق احمد يطلع رنا واماني لأن ريم عندها شغل وشهد تبي تدرس اخذهم احمد وطلعهم من منبع النكد ههههههههه
ومرت سنه على سنه والكل على حاله وشيماء طلعت من الطب النفسي
ام محمد : محمد يما شرايك اخطبلك عبير بنت خالتك
محمد بير سريع : لا لا يما لأ
ام محمد مستغربه : وليش يما انت اللحين عمرك 29 سنه ومنو اللي بترضى بواحد بهالعمر
محمد : بصراحه يما انا ما افكر بالزواج اللحين
ام محمد : وليش يما ليش ما تبي تتزوج
محمد :انا........
ام محمد : انت شنو لايكون حاط عينك على وحده
محمد : بيني وبينج أي
ام محمد : ومنو هذي
محمد : مها
ام محمد : ويا زين ما اخترت يما بنات ام مها ما يتعوضون
محمد : وما ابي غيرها
ام محمد : خلاص انا من باجر اروح اخطبها لك
ام مها : يما شيماء اكلي شي
شيماء من اول ما طلعت من الطب النفسي واهي ما تاكل ولا تشرب ولا تتكلم
ام مها : يما شيماء حرقتي قلبي عليج تكلمي قولي شي قولي يما ولهانه على هالكلمه منج
بشاير وغرام كانوا يطالعون شيماء وحالتها اللي كل مالها وتسوء ودموعم تنزل عليها من غير شعور وشيماء كانت اتطالع نظرات العطف بعيون خواتها وكان هالشي يضايقها وكانت كل ردودها ابتسامه اودمعه
ما حسيتوا ابمعاناتي بالمستشفى جننتوني قصب وانا مو مجنونه جننتوني انتوا
شلون تبوني اتكلم وانا تعودت بسنتين اسكت شلون اضحك من قلب وانا تعودت بسنتين ابجي من قلب مها اهي اللي خلتني اوصل باللي انا فيه اللحين لاتلوميني يما لوميها
شيماء انهارت بالبجي من كثر ما تشوف شيماء ساكته وتفكر مافيها روح انسلبت من روحها من اهيا صغيره ماتت وهي حيه
بشاير مسكت شيماء وحركتها بقوه : تحركي تكلمي غني سولفي شيماء فاقدتج فاقدتج
شيماء لمت بشاير ونزلت دمعتها على راس بشاير اللي حست ان الدنيا كلها تسكرت بويهها
مبارك كان عايش من غير نوف مثل المجنون كان ينام عند باب بيتهم ويرجع البيت الصبح يتسبح ويغير ملابسه ويرد ثاني مره عند بيت نوف كان يتمنى يشوفها ولو من بعيد بس نوف ما كانت تطلع من البيت نهائيآ
اما نوف كانت كل يوم تسهر على مسجات مباركالقديمه وكانت كل ما تشتاقله وتشتاق لصوته تتصل عليه من البيت تسمع صوته وتسكره من غير ما يعرف منو المتصل
وبشاير ما بعدت عن الطريج اللي هي فيه ومحد ساعدها وشجعها انها تبعد عنه ومها كانت تدري فيها وكانت اتطقها واتعذبها وبالتالي ترجع حليمه لعادتها القديمه
ام محمد : شوق يما شخبار الجامعه معاج
شوق : الحمد لله يما
شروق : واااااي يما اليوم الدوام تعب ما قدرت الحق على الشغل تدرين بعد بنتج محاميه ههههه
شوق : وانا دكتوره هههههه
شروق : صج شواقه شخبار غرام واماني
شوق : والله تمام ما عليهم تدرين بعد اهم اللحين قاعدين بالبيت لأن مافيه جامعه قبلتهم ههههه
شروق : أي حرام
ام محمد : شروق يما عطيمي التليفون
شروق وهي قايمه : ان شاء الله يما
شروق وهي تمد التليفون لأمها : تفضلي يا الغاليه
ام محمد : مشكوره يما
محمد دقت على بيت ام مها :الوو
مها : الوو هلا خالتي هلا والله
ام محمد : هلا يما هلا مهاوي ها يما قوليلي شلونج
مها : والله الحمدلله بخير انتي شلونج
ام محمد : بخير الحمدلله مها يما عطيني امج
مها : لحظه خالتي ثواني
مها وهي تنادي امها : يماخالتي ام محمد على التليفون
ام مها وهي تاخذ التليفون : هلا ام محمد هلا والله
ام محمد : هلا فيج يا ام مها
ام مها : شلونج وشلون ابو محمد وشلون العيال
ام محمد : كلهم بخير ويسلمون عليج
ام مها : عساهم دوم أسألت عنهم العافيه
ام محمد : والله يا ام مها ودي افاتحج ابموضوع
ام مها : خير ان شاء الله
ام محمد : والله يا ام مها انا حابه اخطب مها بنتج لمحمد ولدي
ام مها : هذي الساعه المباركه يا ام محمد بس خليني اخذ راي البنت وارد لج خبر
ام محمد : أي اكيد لازم تاخذين رايها
سكرت ام مها من ام محمد وعلى طووول فاتحت مها بالموضوع ومها من فرحتها على طول وافقت
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
فاصل إعلآني ^_^ / ..
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
شروق : يما لو تخطبين لمبارك بعد وحده من بنات ام مها ونخلي عرس محمد وعرس مبارك بيوم واحد
ام محمد : أي والله وانا بعد كنت حاطه عيني على مرام خوش بنيه حليلها مؤدبه
شروق : هههههههه شنو هالصدفه رفيجتي بعد اسمها مرام
شوق : اقول اسكتي يا الخبله شنو اللي جاب مروم اللحين بالسالفه
شروق : ما ادري جذي اجت على بالي
ام محمد : خلاص بس ترد علي ام مها وتقولي ان مهاموافقه اكلمها على مرام
مبارك اهو اللي كان صاحب قرار الزواج لأنه فكر ان زواجه راح ينسيه حبه نوف بس ما تدري يا مبارك انك راح تفتح باب لنفسك ولجروحك وتفتح قلبك وتشوف حب حياتك نوف اللي من سنتين مو شايفها
ام مها ردت على ام محمد من بعد 3 ايام وقالت لها ان مها موافقه وام محمد على طول فاتحتها بالموضوع وخطبت منها مرام وطلبت منها تكلم البنت وترد عليها
وبعد ساعه
مرام : هاي ماماتي شلونج
ام مها : الحمدلله بخير ها مرام شلون شيماء
مرام : مثل ما اهي على حطتج لا أرى لا أسمع لا اتكلم هههههه
ام مها : عمى بعينج حتى عنى جذي تتكلمين عن اختج
مرام : هههههه خلاص انزين بسكت
ام مها :مرام يما
مرام : ها يما
ام مها : ام محمد اخطبتج انتي ومها وقالت بتسوي عرسكم بيوم واحد
مرام : انا حق منو ومها حق منو
ام مها : صيري نفس مها استحي على ويهج مو تسأليني منو ريلي
مرام : سوالف الحيى عندي بعدين بس اللحين قوليلي منو زوجي شنو اسمه
ام مها : انتي مبارك ومها محمد
مرام من اسمعت اسم مبارك تضايقت : لأ يما انا ابي محمد ومها عطيها مبارك
ام مها : اقول استحي على ويهج
مرام: موافقه موافقه
ام مها : ههههههه والله انج مو صاحيه
وبعد مرور ست شهور
رنا : ساره شفيج ليش تبجين
ساره : صال ..... صال .....
رنا : شفيها صالحه شفيها تكلمي
ساره كانت تبجي ومو قادره تتكلم
رنا : ساره انتي صج منبع النكد تكلمي قولي شفيج قولي
ساره : صالحه هدتني
رنا : وليش
ساره : تقول ان انا ما اهتم فيها وصايره ما اكلمها ايد تخيلي حتى ما فكرت تقولي اهتمي بدراستج خصوصآ ان انا اللحين اخر سنه لي بالجامعه
رنا : انا راح اكلمها ولا تزعلين
رنا سكرت من ساره وعلى طول دقت على صالحه كان الوقت متأخر كانت الساعه 3 ونص الفجر
رنا دقت اكثر من مره بس كان عند صالحه خط ثاني وكانت مطنشه برنا
ومن بعد 4 مكالمات
رنا : الوو
صالحه : هلا منو
رنا : انا رنا بنت خاله ساره
صالحه : انزين نعم
رنا : ممكن اعرف ليش هديتي ساره
صالحه : ما ابيها قصب
رنا :لا مو قصب بس انتي لازم تقدرين ظروفها بالعكس لازم انتي اللي تقولين لها لاتكلميني لأنها اخر سنه لها بالجامعه ولازم تهملج شوي
صالحه : انا مرتبط الحين وما ابيها خلاص
رنا :بس تذكري ان انتي اللي قلتيلها ابيج مو اهي
صالحه : لحظه حبيبتي قاعده اتدق بشبكج معاها
فاطمه : هلا صلوحي
صالحه : هلا حبيبتي ترى حياتي رنوه بنت خاله ساره معانا
رنا : اسمي رنا مو رنووه
صالحه : اللي عندج قوليه جدام فطوم
رنا : صالحه انا ابيج انت اللي تكلمين صالحه وتقولين لها انج ارتبطتي لأني ما اقدر اقولها هالكلام
صالحه : خلا ص اوكي
رنا : بس يكون احسن اذا فاطمه اهي اللي تكلمها
فاطمه : صلوح انت جم صارلك معاها
رنا : سنتين ونص
فاطمه : وااااااي صج ياهل بسنتين ونص حبت وعشقت ههههه عطيني رقمها جم
رنا بدت تنقل فاطمه رقم ساره لأن صالحه كانت ماسحه الرقم
وباليوم الثاني دقت ساره على رنا الساعه 6 ونص المغرب تبجي
ساره : شفتيها الحقيره
رنا : هاااا شفيج بعد
ساره : صالحه مطرشتلي حبيبتها تقولي لا اتدقين على صلوح
رنا : امانه
ساره : أي والله
رنا : خليها تولي زباله طرشيلها مسج سبيها وخليها تولي انسيها من حياتج
ساره على طول كتبت المسج وطرشته
((هههه حلوه الحركه منج بس على فكره غيرج نعول وايد يبوني بس انا اللي ما ابيهم أي ونسيت اقولج شوي شوي على كيكتج ))
بس ساره ما تحملت ودقت على صالحه
ساره بكل هدوء : الــو
صالحه : ولج عين داقه شنو هالمسج هذا هاااا انتي وحده ......الى اخره
ساره من القهر سكرت التليفون بويه صالحه وطوت صفحتها وعلى طول دقت على رنا وقالت لها السالفه
بشاير كانت طالعه من البيت وكالعاده تأخرت ومها بدت اتحاتيها وام مها ما اجالها نوم << قلب الام
الساعه كانت 4 الفجر وبشاير لي اللحين ما ردت وتليفونها كان مغلق وبعد عشر دقايق رن تليفون البيت
ام مها : الو
الضابط : السلام عليكم هذا بيت بشاير سالم
ام مها : أي يما هذا بيتها ليش شفيها بنيتي
الضابط : انتوا لازم تيون اللحين المخفر ولمن تيون تعرفون كل شي
وبعد عشر دقايق راحت مها وام مها اللي اصرت انها تروح معاها وهناك ........
بشاير كانت واقفه عند الضابط ومنزله راسها دخلت ام مها ومها اللي شافوا بشاير بلبس حتى الـ...... ما تلبسه
ام مها انهارت بالبجي لأنها فهمت السالفه ومها..
مها : لو سمحت حظرت الضابط اختي ليش عندكم شنو مسويه
الضابط : مسكناها بشقه دعاره
ام مها طاحت من طولها من اول ما اسمعت الضابط بشاير غمضت عيونها حيل ودموعها كانت تسيل على خدها
انقلوا ام مها على طول المستشفى وهناك
مها اتصلت على ساره وقال لها وساره على طول خذت خواتها اللي اصروا عليها تاخذهم وراحت عند امها وشيماء كانت حابسه نفسها بالغرفه وبشاير بالمخفر
مها وخواتها كانوا واقفين وينطرون الدكتور وبعد ساعه
طلع الدكتور وهو منزل راسه
ساره بخوف : دكتور امي فيها شي
الدكتور : عظم الله اجركم والبقاء لله
البنات كل وحده طاحت على الثانيه وكان صوت بجيهم يصحي الميت
كان منظرهم يقطع القلب لدرجه ان الدكتور بجى عليهم
غرام ودموعها على خدها وهي تحرك الدكتور بقوه : انت جذاااااب طلع امي طلعها امي ما ماتت ما ماتت امي ما تخلينا بروحنا امي وعدتني تكون معاي امي وعدتني تجهزني بنفسها اذا تزوجت امي ما ماتت ما ماتت ما ماتت
امي لايمكن تهدني بعد ماهدني ابوي امي تحبني ليش راحت الله يخليك قولها غرام تبيج لا تخلينها قولها غرام من غيرج ولا شي قولها ان انا بنتها قولها احنا كلنا ناطرينها قولها بعد ماراح انزعلج قولها الله يخليلك عيالك قولها
ساره : غراااااااااام خلاص امي ماتت ماتت افهمي
مها كانت مصدومه ومن الصدمه ما نزلت منها ولا دمعه
مرام وهي تبعد مها عنها : امي ماتت وكل هذا ما حرك فيج شعره ولا طيح كبريائج انتي ما تحسين لي اللحين قلبج قاسي ابعدي ما نبيج مانبيج
نوف انزلت على اوطى الدكتور : ابوس ريولك نادلنا امي نادها الله يخليك احنا ماعندنا احد غيرها نادها الله يخليك امي ما تقدر تخلينا بروحنا امي تحبنا لا يمكن تخلينا امانه نادها احنا ما راح انخليها راح ناخذها معانا والله انحبها ما لنا احد غيرها ابوي راح وخلانا واللحين اهي تروح لأاااااااااا لأ امي ماراح تروح
ماتـــــــــــروح
مها خذت خواتها ورجعوا البيت
مرام دخلت البيت وهي وهي تبجي : وينج يمــــــا احنا ردينا البيت من غيرج يما وينج وينج
ساره ودموعها على خدها : من لي غيرج يما من لي غيرج يا يما انتي كل اللي لنا منو اللي بيحظنا ومنو اللي بيراعينا غيرج ليش رحتي وخليتينا ليــــش
شيماء سمعت صوت البجي وراحت الصاله تركض شافت خواتها واسمعتهم ودرت ان امها ماتت راحت تركض صوب مها
شيماء وهي اول مره تتكلم مناول ما طلعتمن المستشفى : وين امي
مها سكتت ودموعها عطت شيماء الجواب
شيماء من الصدمه وقفت : لألأ امي ما ماتت لا امي ما ماتت ماماتــــــــت
شيماء طاحت على الارض ودموعها ما فارقتها وخواتها محاوطينها ودموعهم تبجي الصخر
(( بعد حظنك يا يما ارتمي وين
منو غيرك يفز لا سمع صوتي
الثواني من بعد عينك سكاكين
ميت بالحيا وذكراك تابوتي
بموتك يا يما كل الناس ميتين
اظل اصرخ وما ينسمع ابد صوتي ))
ام محمد سمعت بالخبر وخذت بناتها وراحت تعزيهم
وهناك..........
شروق : يما هذا عزا منو
ام محمد : ام مها
شروق : هذي مرام رفيجتي
ام محمد : الله يرحمج يا ام مها
شروق وهي تعزي مرام : عظم الله اجرج مرام
مرام : اجرنا واجرج
شوق منظر البنات قطع قلبها وتمت تبجي
ام بدر كانت اول وحده تدخل بيت ام مها لأنها اول وحده درت بالخبر وطبعآ الكل سأل على بشاير وكلهم كانوا يقولون ان اهيا انهارت وودوها المستشفى
ومن بعد ما راحوا كل الموجودين
ساره وهي تبجي : مابي اروح المغيسل
مها نزلت دمعتها ونزلت راسها ورفعته على طول : لا يا ساره لازم تروحين لازم تشوفين امي
ساره : ما اقدر يا مها ما اقدر
مها : لازم يكون قلبج قوي بوسيها ودعيها وترحمي عليها
غرام دخلت الصاله تبجي : مها ابي امي فاقدتها فراشها فاضي مو قادره انام من غير ما اقولها تصبحين على خير مو قادره انام من غير ما ابوس راسها
مرام كانت ورى غرام : ولا انا مو قادره انام من غير ما اشوف ضحكتها ولا اسمع صوتها مو قادره انام من غير ما تدخل علي امي تلحفني وتبوسني مو قادره يا مها موقادره احس اني بموت
مها حظنت خواتها وقامت تبجي معاهم : كلنا فاقدينها بس لازم ما نضعف لازم نكون اقوى من جذي
ساره : بس امي شلون راحت وخلتنا شلون منو لنا غيرها منو اهي الوحيده اللي كانت تراعي شيماء اللي اول مره شيماء اتطيح هالطيحه و ولا وحده فينا فكرت تساعدها اهي اللي كانت اتحاتينا اذا تأخرنا اهي اللي كانت تحس فينا قبل ما نقول ألآآآآآآآه هذي امي يا مها امي
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك