رواية الغزال الشمالي -6
شهد: امبارك من عيدج الغالية..
الريم: عساج من عوادة العيد ، اشحالكم وشحال خالتي أم مايد..
شهد: بخير يسرج الحال ....
الريم: قربوا ..
شهد: أفاااااا عليج دبي كلها تترياج إنتي والريم ومنى..
الريم: لا مارووم استحي والله اييكم البيت..
شهد: اصبري..
أميه أميه تعالي...
الريم: لا دخيلج لا تزجرين خالتي ....
ظبية: شو اللي سمعته يالريم..
الريم: لا بييكم بس مب الحين....
ظبية :عشاكم عندنا باجر واعزمي اهلج كلهم..
الريم: يصير خير..
شهد: ريماني دخيلج خلي منى اتي بعد..
الريم: أوكي بحفظ الله ..
ومشت ريم للكبت : أووووه أنا ما فصلت واايد حق هالعيد ..
ومسكت التيلفون : ألوووه..
منى : هلا والله بريماني..
الريم خبرتها بأنهن معزومات باجر: وتصدقين ما عندي شي شيك لباجر خلينا عقب المغرب نروح ابى اشتري ..
منى: صار بإذن الله..
***
الريم في السيارة سايرة بدربها لبيت منى..
ونزلت وهي تمشي بخطواتها الهاديه.... وفتحت الخدامة الباب..
الريم وهي تضحك: هاه شكيلا شحالج؟
الريم كانت لابسة قميص وتنورة وردية والآي شدو أسود ووردي وروجها خفيف كانت تينن..
الخدامة: تمام... ماما انتي زيادة حلو ..
سعيد كان في الكراج يبى يطلع السيارة ويوم سمع الصوت طلع..
سعيد: الريم؟؟
الريم وهي اطالعه متفاجأه: منوه سعيد؟
سعيد: ............
الريم وهي مبتسمة: شحالك أخ سعيد عساك بخير
؟
سعيد وهو يطالعها: بخير..
الريم: يالله نسلم عليك ... ومشت صوب باب الصالة.... وفجأة
سعيد: الريم؟؟
الريم من دون ما تطالعه: خير..
سعيد: أنا شو أعنيلج؟
الريم: أجذب عليك إن قلت تعنيني ..
سعيد: تكرهيني ؟
الريم اطالعته وهي تضحك: لا أفاااا قلب الريم ما يكره
سعيد:.........
الريم: إنته أخ مب أكثر ولا أقل... وخل بالك على بيتك انته متزوج..... ومشت عنه داخل..
ام سعيد: مرحبا مرحبا بالغالية..
الريم: مرحبا
بج ..
وطلعت الريم ومنى من البيت..
في السيارة...
منى: ياي باجر نحن معزومات..
الريم: يالله فرحانة حضرتج..
منى: هيه بنسر ..
الريم: فديتج شهد قالت بين بنات خالاتها وبنات عمتها وخالاتها وربيعاته وشكل السالفة ناااااس ومصيبة ..
منى: عادي..
الريم: هيه هذا اللي تبينه...
منى وريم وصلن للبستان....
منى وهي تنزل من السيارة: أووووه كيف زحمة؟؟
ريم: يالله كيف بس تدرين دبي تينن... نزلت وقالت: عبدالقادر بدقلك أنا..
الريم: منوه الخطاطيب بيونكم الليله..
منى فاجه عيونها: منوه ؟؟
الريم: مادري بعدنا ما دشينا..
منى: لا والله..
الريم تضحك... والضحكة تجذب من يشوفها ...
منى: ريموه شو تبين تشترين ؟
الريم: قميص وتنورة بس من التشكيلة اليديدة شفتها في المجلة روعة ..
منى: وشو لونهن تبينه؟
الريم : وردي فاتح..
منى: حياتج كلها وردي...
الريم: لا طبعا وسكتت ريم ومنى ...
الريم فجأة: هيه ذكرني أبى اشتري تلفون يديد..
منى: والله ما بنخلص اليوم..
واشترت ريم اللبس اللي تباه..
منى: ريم حياتي بيتزا..
ريم: لا شباب وااايد..
منى: أبى مالي خص فيهم..
مشت ريم ومنى ..
في الطرف الثاني..
هزاع: اللـــــــــــــــــــــه !!!!
علي: شوه؟؟؟؟
هزاع : طالع طالع ذيج البنية ..
علي: أي وحدة واااايدات البنات؟
هزاع قام من مكانه ومشى لحد ما وصل صوب ريم ومنى: وعد رقمه..
ريم كانت مغطية ويهها ومطلعه عيونها اطالعته وقالت: صدق ما تستحي على ويهك..
منى: فشلتينا ريم اسكتي..
ريم: مالت عليج وعلى بيتزتج ..... ومشت ومشت وراها منى..... هزاع لحقهم وبوقفت ريم عند بوابة البستان..
ريم برى فجت الغشوة وهي تعدل الشيلة يت عينها على هزاع صدت عنه..
منى : ريم ريم شوفي الريال..
ريم : إيه انته..
هزاع: منوه هذا ايه أنا اسمي هزاع..
ريم: والخيبتين الساع يالله فارج عن ويهي لا اسويلك مشكلة..
هزاع : تهبين تسويلي مشكلة..
منى: دخيلك اقصر الشر وفارج..
هزاع: إنتي عشان حلوة بتخججين علينا..
الريم بعصبية: جلب ويهك..
هزاع: بنت منوه انتي؟
منى: اذلف صدق ما تستحي..
هزاع سكت وقالهن بعد مدة: اسمحلي والله آسف
كان علي واقف ورى هزاع : هزاع بلاك .... هزاع روح ركب سيارته..
علي: أقول اختي شو صار..
ريم: اسأل ربيعك حضرته يرقم ويلاحقنا بعد..
علي: بسم الله عليج لو بتحلفين ما بصدقج هزاع عمره ما رقم بنت ولا مشى ورى بنية..
علي يركب السيارة: هزاع شو فيك؟
هزاع: والله يا علي متلوم..
علي: يعني صدق الكلام إللي قالته البنية..
هزاع: شو قالتلك؟
علي : ما شي حكتلي وجذبتها..
هزاع: يالله هزرك من وين هالبنية؟
علي: من أي مكان بس مب من بوظبي..
هزاع: عيونها خبال ياخي ذبح هالبنية ذبح..
علي: ما شاء الله عليها .... الله يخليها حق أبوها..
هزاع: علي دخيلك بنلحقهم.... أبى هالبنية أباها..
علي: هيه إلحقها لحد ما توصل البيت وهناك يطلعلك أخوها ويا ويلك يا هزاع..
هزاع: أشهد هذي من بنات الشارجة..
علي: ليش عاد؟
هزاع: هن جذيه حلواااااات الشارجة معروفة ببناتها الحلوات..
علي: بس بس يالله فديت بنات بوظبي تصدق تبالك ضرب..
هزاع: اذهلتني يوم صوبي مقبلة..
علي: يغربل هالحس اسكت بس من الغنى واسميك تحلم تقبل صوبك..
هزاع: محلاها..
هزاع : شووووف شووووف تضحك يالله بموت شو هالحلى ..
علي: عنبوة غيرك ما تستحي....
هزاع شاف الريم ترمس في التيلفون وكانت ريم تتكلم ويا عبدالقادر قال: يا حظ إلي تكلمينه الله يحبه..
علي: أكيد ترمس خطيبها..
هزاع: لا إنشاء الله..
علي: حرك السيارة بنحوط في دبي يالله ..
هزاع: بلاك مستعيل اصبر شوي؟
علي: يالله جاني ضارب خط من بوظبي عسبة تيلس تطالع هالبنية..
وفجأة نزل علي ومشى صوب الريم ومنى وهزاع ميت من القهر خايف علي يفشله..
الريم كانت واقفة ..
علي: أقول إختي لو سمحتي فارجي..
ريم: شووووه ؟ عيد لو سمحت ما سمعتك تصدق..
علي: أنا ضارب خط من بوظبي عشان أتحوط واتهنى بالعيد ويا هزاعوه..
منى: ونحن شو دخلنا انشالله _سيروا حوطوا زخيناكم..
علي: لا بس هزاع يالس يطالع هذي ويأشر صوب الريم.
ريم: هذي في عينك.... لي اسم أنا تفهم..
علي: آسف بس دخيلج ..
ريم
: اصبر شويه ومشت صوب سيارة هزاع وهزاع يوم شاف الريم تمشي صوبه تخبل..
ريم: هلا..
هزاع: بج ...
ريم: أقول تزحزح من هنيه وحوط هالمسكين ..
هزاع: مابى..
ريم: غصب عنك تدري ليش ؟
هزاع : ليش؟
ريم : لأن السيارة وصلت..
هزاع ينزل من سيارته بسرعة : دخيلج من وين انتي وبنت منوه؟ دخيلج ..
ريم باستغراب: أنا مخطوبة..
هزاع تحطم قلبه ويلس عسيت..
وريم كانت تجذب عليه عشان يفارجها.. وراحت ريم ومنى....
****
هزاع: السلام عليكم ..
مريم: وعليكم السلام والرحمة ... شو أخبار دبي؟
هزاع: زين... وين عيل البنات؟
مريم : توها مخلصة حفلة راشد الماجد واطالعناها كلها وعايشة وسلامة سارن حجرتهن وألحينه بين
هزاع وهو يطالع ساعته: يالله الساعة 1 و40..... يالله بسير أرجد...
مريم: هيه لأنك باجر بتسيربنا عند جوم عمتي ظبية..
هزاع: لا
والله ماروووم .... خلو فيصل ماعنده شغل إلا حواطة في العين مول...
سلامة تقطع عليهم رمستهم: أبدا ما سير ويا فصول وأخويه فديته هزاع الغالي موجود ...
عايشة: هيه والله أخاف من سواقته يجحص إبنا ويلات ويسرع بعد..
هزاع ما تهون عليه إخته الكبيرة سلامة....: أفااااااااا سلامي تبى شي وأقولها لا..
عايشة: وأنا المسكينه..
مريم: إنتي أبويه بيودج العيد الياي..
سلامة: هاهاها يعني يمعة بنات كبار..
بهزاع غمض عيونه واسند راسه على الكرسي..
مريم: شهد تقول بأنه متعرفة على بنيتين من الشارجة وعازمتنهن باجر..
عايشة: ما قالتلج إذا حلوات أو لا...؟؟
مريم: هيه تقول وحدة تينن خبال جمالها..
هزاع: إيه انتن بسكن ..
عاشة: بنخطبلك ..
هزاع: للأسف ما أثق بإختياركن..
سلامة: أفااااااااااا... ما هجيتها..
هزاع وهو يضحك: لااااا فديتج الغالية بس .... الساعة 2 بسير أرجد يالله ارجدن..
وراحن البنات كل وحدة لغرفتها وسلامة دشت ويا هزاع وسكرت الباب..
سلامة: يالله يالله قول شو بلاك مستهم؟
هزاع: ما شي سيري ارجدي..
سلامة: شوف مب طالعة لحد ما تقولي..
حكى هزاع السالفة لسلامة..
***
ريم الصبح ..
يأ راشد وخلى ريم الصغيرة عندها وترك محمد عند إخته وراح هو ويا الشباب..
الريم الصغيرونة: حالو انسير حديعة اليوم..
الريم: لا حبيبي اليوم بنسير عند يدوه ظبية..
الريم الصغيرونة متضايقة: لا ما باها هذي حديعة مب زينة..
الريم وهي تضحك: لا حبيبتي ... يالله كيف افهمج؟
الريم الصغيرونة: المغرب بنقع إلق حالوه؟
الريم: هيه عند جوم يدوه ظبية؟؟؟
***
المغرب ريم عروس بلباسها الوردي الفاتح والإبتسامة الجنان..
منى: الله الله شو هالزين؟؟
ريم : إيه استحي بس
منى: ريم بذمتج شو رايج فيني؟
ريم: يالله فديت هالويه تقولين للقمر جوم اقعد مكانك...
منى: بردتي فوادي..
الريم الصغيرونه: أبى إلق..
الريم: يالله حبي بنسير ألحين..
***
في بيت جوم شهد..
خالة شهد : يا شهد البنات وين؟
شهد: كلهن في حجرتيه نتريا جوم سلامي ومريوم وعاشوه اين
ظبية: والريم ..
خالة شهد: هيه والله نبى نشوف هالبنية إلي تهاذيبها اختي..
شهد: بيوصلون عجب شوي..
وفي اللحظة إللي توصل سيارة هزاع نزلن مريم وعاشة وسلامة كانت مشغولة تدور تيلفونها وشوي هزاع يقول: سلامي سلامي..
سلامة : بسم الله بلاك ..
هزاع: سيارتهم والله..
وشوي إلا الريم الصغيرة نازله من السيارة... نزلت وشافها هزاع.. ريم الصغيرة كانت تصارخ تبى شلج...
ريم: يالله عيب حبيبي..
منى : تعالي حبيبي ريموه وطلعت منى من شنطتها شلج وولعت فيه للريم ..
الريم الصغيرة ربعت صوب خالتها لأنها خافت وهي ترتمي في حضنها طاحت شيلت ريم وانفج شعرها..
ما نتبهت ريم لهزاع..وربطت شعرها ولبست شيلتها..ودشوا داخل....
هزاع مبهت في الريم: هذي هي سلامي هذي هي...
سلامة: منوه؟؟؟
هزاع: ياليتني أنا أللي تحضنه بدال البنية..
سلامة: يا مسود الويه صدق ما تستحي..
هزاع: البنية هي إللي خبرتج عنها..
سلامة نزلت من السيارة..
هزاع يطلع راسه من السيارة: سلامي الأخبار ... علومها فديتج..
سلامة: يالله خبيل..
***
في البيت..
دشت ريم وريم الصغيرة ومنى..
ظبية: هلا هلا والله بلي لفى....
ريم: بالمهلي..
وسلمت ريم ومنى على الحريم ..
ظبية: ما بغيتن إتن يا بناتي من متى نترياكن.
منى: هذونا ييناكم..
خالة شهد: ماشالله عليكن ..
الريم الصغيرونة وهي يالسة في حضن ظبية: يدوه نجعنا إلق عند بيتكم..
ظبية: صدق ما عليه بخبر الشرطة..
الريم: هيه خبريهم هذي منى والريم..
الريم الصغيرونة: ما حبج ما دانيني..
منى: هاهاها فديت الريم..
ظبية: لا لا لا ما بخبر عليج انتي الغالية..
شهد: أقول أميه من رخصتكن باخذ ريم ومنى للبنات داخل..
ريم قامت تمشي ومنى وياها..
مريم بصوت واطي: يالله سلامي شوفيهن محلاهن بس ذيج إللي تسلم على عليوه قمر..
سلامة: هلا والله .... وسلمت على ريم ومنى ويلست البنات....
سلامة : تشتغلن ؟
منى: هيه..
مريم : شوه؟
الريم: في بنك دبي التجاري سكرتارية..
منى: يالله عاد تراها أيام عيد ولا أبى أتذكر المدير..
عايشة: ليش مب زين؟
الريم: حليله.... بس ما يعيبه شي عيديله الشغل مليون مرة ولا بيعيبه.
مبنى: هاهاها الله يغربله..
مريم والبنات يضحكن..
سلامة على انفراد ويا ريم: ريم مخطوبة الغاليه؟
ريم: لا الله يسلمج..
سلامة: هيه ..
وتبادلت الثنتين الكلام وعرفن عن بعض كل شي... وتبادلن الأرقام..
مريم: منى انتي كم عمرج؟
منى: عيب حبيبتي..
البنات : هاهاهاهاهاهاهاهاهاهاه..
شهد: يالله بنات عشى..
وعقب العشاء ظهرن البنات للحديقة..
سلامة : تعالي ريم الحلوة.... تقصد ريم الصغيرة..
الريم الصغيرة : تو تبين ؟
سلامة : بصورج؟
وصورتها بتيلفونها لأنه تيلفون بو كيمرة صور وااايد...
منى: الله صورها حلوات ... وهي تطالع الصور..
سلامة: ريم بصورج؟؟
الريم: لا حبيبتي ..
سلامة : براويها اماية..
ريم بتردد: لا اااا.
ووافقت الريم..
وراحن البنات الكل لبيته..
***
هزاع: هاه شو سويتن؟
عايشه: اللــــــــــــــــه حلوة!!
هزاع : منوه؟
سلامة تطالع هزاع وتقول بصوت واطي: ما تدري يالعيار؟
هزاع: هاه ما قلتيلي؟
مريم: صورتها..
وتقاطعها سلامة: صور ريم الصغيرة وحدة ما تعرفها..
هزاع : عطيني التيلفون ..
سبلامي : لا لا ...
هزاع: بلاج سلامي....
وتركها وما كان يدري بأن صور اللي خبلتبه في التيلفون..
دش هزاع البيت وراح حجرته بس البنات يلسن ويا أمهم ..
سلامة: هذي هي ريم أميه تشوفينها ..
الأم: ما شالله الصلاة على الرسول.... بنت منوه هذي؟
هزاع في هاللحظة كان يبى ينزل بس وقف يسمع السالفة وقال في نفسه: منوه؟ يالله يمكن تكون ذيج البنية.. هيه بس ليش ما روتني سلامي إذا صورتها.. إيه هزاع باك شو تراويك هذي بنت ناس.. يالله شو اسوي ألحين سلامي مستحيل تراويك.. يالله.. وتم واقف يسمع الحوار...
مريم: أميه بنخطبها حق فصول..
الأم: عنبوه أخوج هزاع مب تارس عينج؟
عايشة: لا شهد حق هزاع..
سلامة: بس هزاع ما يبى شهد واميه تعرف هالشي وبنخليه روحه يختار ..
الأم: هيه نعم متى ما بغى يعرس بيقول..
وهزاع يقول في نفسه: يالله يغربل ابليسج يا مريوم جانها هيه البنيه ..
***
الصبح.... (( ثالث أيام العيد))..
يرن تلفون هزاع : ألوه...
علي: مرحبا الساع..
هزاع: شحالك ؟
علي: بخير ... أقول خلنا نسير ويا الشباب اليوم دبي...
هزاع: عنبوه دارك حياتك كلها دبي...
علي: شو بيستويبك بنسير في سيارتي انته بس خاويني..
هزاع: إنزين خلاص لاحول ولا قوة إلا بالله..
وهو طالع من حجرته سم
ع تلفون يرن... كان بيكمل سيره بس تذكر إذا هذا تيلفون سلامي..دش الغرفة ويوم دش بند التيلفون.. وفتح بسرعه وفج حلجه يوم تأكد بأنه الريم وبسرعة طرش الصورة حق تيلفونه.... وطلع من البيت طاير..
في الصالة..
سلامي: مريم مسحتي صورة الريم من التيلفون البارحة؟
مريم وهي تاكل خضرة: لا..
سلامي: شحجه عاد إعنبوه أنا مب مأكدة عليج..
مريم: انزين ..... يلست اطالع التيفزون ونسيت..
سلامي مشت صوب حجرتها ومسحت الصورة..
***
هزاع وهو يطالع الصورة: تصدقين يالريم خذتي عقلي ولا أبى غيرج، ويلس يطالع الصورة لحد ماتصل به علي وراحو..
وفي الليل ..
دشب هزاع على سلامة إخته: سلامة ...؟؟؟؟
سلامة: هاه فديتك خير ..
هزاع: بقولج شي بس دخيلج وقفي ويايه..
سلامة: حبيبي هزاع أنا مربيتنك الغالي و لو العالم كله ضدك أنا بتم وياك..
هزاع سار وسكر الباب ورد ويلس على الشبريه: أنا أبى أعرس..
سلامة: الريم صح؟
هزاع: تعرفين منوه قالج؟
سلامة: عيون هزاع قالتلي ..
هزاع : والله يا سلامي خبلتبي هالبنية لا ليلي ليل ولا نهاري نهار... أتم اطالع صورتهاو....
تقاطعه سلامه: صورتها!!!!!!!!! من وين؟؟؟؟؟
هزاع وطا راسه: من تيلفونج ..
اضايقت سلامة واااايد من أخوها... وقالت: هزاع هذا شرف بنات والبنية ما كانت تباني أصورها بس نحن ألحينا عليها عشان أميه تشوفها.. تي انته وتسرق الصورة ليش جذيه.. والبنت مأمنتني..
هزاع تلوم ووقف وقال وهو موطي راسه: آسف ... وطلع من الغرفة..
***
مر العيد ومرت أيامه الحلوة وردت منى والريم للدوام..
منى: ريم ببات عندج الليلة..
ريم: الساعة المباركة...
منى: يالله ما قلتلج اتصلتبي مريم..
ريم: ياحليلهم شو حالهم؟
منى: بخير....
بركن عبد القادر السيارة في الكراج.... ونزلن البنات ....
***
في الليل...
هزاع كان تعبان يحس بأنه عطشان ولا هو بقادر يشرب الماي ويرتوي وخايف أحد غيره يوصل قبله..
سلامة دشت عليه الغرفة ويلست عداله على الشبرية: هزاع فديتك شو فيك؟
هزاع وهو يصد عنها: ما شي ..
سلامة: حالتك حاله ولا سرت الدوام من كم يوم..
هزاع: عندي إجازة سنوية..
سلامة: بلاك ترمس سلامي جذية بجفاف..
هزاع: خليني بروحي..
سلامة : لا مب على كيفك جان تبى باجر بسير ويا جوم إمايه بنخطبلك الريم..
فز هزاع من على الشبرية ومسك إيدين إخته: احلفي في ذمتج ؟؟؟
سلامة: خيبة وهذا وانته ما تعرف أطباعها ولا عشت وياها..
هزاع: مادري كيف ومتى وليش حبيتها..؟؟
سلامة: يالله عيل جوم كل شي وباجر انشالله بنسير لهم..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك