رواية تفرقنا سنين وماجمعنا غير الجرح -40
خلــك معه .. يـــــاجعل ربـــي يخـليـك ..
من يتبع المقفين .. قد قيل .. ( غادي ) ..
ماعندي .. إستعداد .. أساير خطاويك
وأتبع .. دروبك .. وأنت ناوي البعادي ..
أرحل عن عيوني .. عسى الله يخليك
والله مانت بـكفووو .. تملك فـــؤادي ..
خلاص انا قررت من دنيتي ألغيك
من صد عني قلت له .. ( شئ عادي ) ..
طالعت برقمه وهو يتصل فيهاا ,,تتعذب وهو
تشوف رقمه وماتقدر ترد وبنفس الوقن مافيهاا
تساامحـــه
حولته على الصاامت وهي ناويه تبتعد عن الجوال
وتنزل تشووف امهاا ويــــــــــن,,
ارتاااحت انوابوهاا مسافر هالفتره ولا اكيد ماكان
رااح يعدي السالفه على خير..
فتحت الثلاجه وهي عطشاانه ,,بس ماسرع ماردته
أخذت الگأسْ أبي أشربْ .. وَگنتْ من العطش ميتْ
وَ ساعتها تذگرتّگ وَبانتْ صورتگ بالگأس ..
نسيتْ أشربْ
…وَ نسيتْ أني مِنْ العطش مَيتْ
مِسگتْ الگأس بــّ/ يدينيْ
أناظرَ صورتگ وأبگي .. !
وَلوْ تدري بـ/ گأسي گان فاضيْ …. وَمنْ دمعي تعبا الگأس
كل شي تبيه ,,تتذكر ذيااااب فيه..
لفت على تركي اللي ينادي عليهاا براء وطلعت له
..**..
يتبع
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
فاصل إعلآني ^_^ / ..
لا احلل مسح اسمي مع على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
عند مـــشاري..
تعبت أكــابر الجرح .. وأخفي طعون الآه فيني ..
تعبت أقول ما فيني شيء .. وأنا كل شيء فيـــني ,,
طالع بساعته وهو مستغرب من شوق اللي للحين
ماجهزت نفســـهاا..
ابتسم لعمار وهو طالع من الغرفه اللي فيها شــوق
شاله بخفه وهو يبوسه على خده..:وين ماما ليش
ماتناديها عشان تاخرنا على مــي وامــي..
عمار بطفوليه..:ماما تقول هي بتتاخر بعد..تقول
نروح وهي بتجي..
مشاري بتنهيده..:خلاص اوكي تعال نشوف امي
لو نااقص عندها شي على مااتخلص شووق..
شوق لبست فستان ابيض قصير على الركــبه..
سيحت شعرهاا وسوت لها مكيااج زااد من جمالها
من جاات اول مره تهتم في شكلها هالكثــر يمكن
لانها بدت تتقبل العيشه وياا مشاري وبدت تتناسى
جرحهاا القديــم..طشت العطر عليها بكثاافه وطلعت
تمشى لبيت خالتها ام مشاري..
طول ماهي تمشي خايفه وتتلفت حولينها لانو
المسافه كانت طويله بين الفلتيـــن..
مشاري كان رااد لها,,ا تاخرت لها ساعه وعليها
ومالحقت وراه هو وعمار..
طاحت عيونه عليها وهي تمشي وباين الخوف عليها
ابتسم بحمااس للفكره اللي طرت في باله..
قرب منهاا وهي معطيته ظهرهاا ولا داريه عنــه..
وااضح انها متعنيه في شكلها رغم انه للحين
ماشاف ملامحهاا اللي تاسره..
قرب منها اكثر ولف ايده على خصرها وقربها له
شوق انقزت بعد ماطلعت منها صرخه خاافته..
لفت عليه برعب وهدت جزيئاا لما طاحت عيونها
بعيون مشاري..
حاولت تبعد عنه بهدوء وهي منحرجه من نظراته..
مشاري شد عليها اكثر وهو ينحنى عليهاا ويبوسها
برقه على خدهاا..
شوق بتوتر..:مشاري خلااص..
مشاري وهو يضحك بسعااده ..اول مره من ردو لبعض
تناديه بسمه وهي خجلانــه غير انها ثابته بدون ماتقاومه.
لصق خده بخدهاا..وبحب..:ليش تمشين وانتي خايفه
كان جيتي معاي من البدايه وماتغليتي..
نزلت راسها وهي تحاول تفك ايده عنهاا ..لفها
على جهتها وهو يمد طقم صغير ملفوف بشريطه
حمراء..
ارفعت عيونها عليه بعد ماطالعت العلبـــه..وهي
عاجزه عن تصرفااته اللي تعلقها فيه اكثر..
ماتنكر انها بدت ترد له مثل قبل..والدليل قلبهاا
اللي ينبض له بسعااده اول ماتشوفه قبــالهااا..
مدت ايدها بتردد وهي تشيل الهديه من أيــده
وبسرعه لفوو على جهة البوابه الرئيسي بعد
ماسمعوو صوت صرااخ واصوات متعاليه..
مشاري لف على شوق اللي بان الخوف عليها..
وبثبااات..:شووق ادخلي ولاتطلعين على مااجي
مسكت بكفه..وبتوتر وخوف ..:لاتروح هذاا صوت
قبل يعلق على كلامهاا تعلقت عيونه برااشد اللي دخل
وبااين عليه العصبيه والقهــر
ترك ايد شووق وتقدم منه ..وببرود..:راشـــد
راشد لف على الصووت وانشدت ملامحه اول
ماشاف مشاري وشووق اخته واقفه وراه..
تقدم من مشاري وصارو يضربون بعض بعنف
شوق ماقدرت تقرب منهم وهي تشوف شلون
يتضاربون بقسوه صاحت بقهر وحزن على حالــها
..الكل طلع على اصوتهم..
راشد وهو يتنفس بصعوبه ويناظر بشوق..وبحده.:
روحي جيبي عبااتك بسررررعه..
مشاري وقف قدامه ..وعيونه كلها شرار وقهر.:
وين تروح نسيت اني زوجهاا ومايصير تطلع عن شوري..
تقدم منه راشد وصار يلكمه بقوه..وبقهر..:وينك
عنهاا لما حملت والناس تسال من ميــن,,هاا وينك
وقتها..
قرب منهم احمد اللي توه وااصل..وهو يبعد رااشد
من مشاري..وبتوتر..:خلااص رااشد يكفي..
طنشهم كلهم وهو يطالع بخته..وصدره يرتفع
وينزل.وبحده..:ليش للحين مااتحركتي..وبقسوه
اختاري اخوووك ولا تجلسين ويااه وتخسريني.
طالعت اخوها برجى وهي تبكي حيره وقهــر
وبصووت متقطع..:وعمــار..؟؟
راشد بعصبيه..:وياا ابوه لو شلتك مابشيله معاااي..
شوق حركت راسها بالنفي وصوت شهقاتها صارت
مسموعه..وبتعب..:ماقدر ياررااشد اترك ولدي .
صدقني مااقــدر..
احمد بعد ماشاف شكل شوق اللي منهااره..قرب منهاا
وبجديه..:روحي لبيتك وانا بتفااهم معاهــم..
ماكان عندهاا حل غير المواافقه لانهاا تعبت تمثل
القووه..ابتعدت عنهم وهي تسمع توعااد راااشد
فيهااا..وتهديده لهـــم..
دخلت لفلتهم وهي متوتره وحاسهم بالضيااع..
ماتدري اش بااقي بيسوي راااشد وهو بااين عليها
الحده والقهـــر,,
فتحت البلكونه وهي تتنفس بضيق..حظنت نفسها
وهي تبكي بصمت..
ارفعت راسها للسماء ..وبتمتمه..:يااارب..
وااقفه ومااتدري كم مر عليها من الوقت وهي تنتظر
رفعت ايدهاا وهي تناظر بساعتها ..لهم ساعتين
ولا حد جاء ولا رد لها خبر..
لفت بسرعه جهة الباب وهو تشوف مشاري يدخل
مشت ناحيته بخطوات سريعه ,,
طالعت شكله المبهذل وحالته اللي لايحسد عليها,,
طالعهاا..وبجديه..:انتي قد قرارك انك تبقين معاااي؟
مدت ايدها بتردد وهي تمسك كفه ..وبتوتر..:اش
صار ,,ليش تاخـــرت؟؟وينه رااشـــد..
طالعهاا لــثواااني بدون ماينطق بولا كلمه..
تنهد بصوت عالي ومشى اتجاه الغرفه..
وبهدوء..:جهزي ملابسي على ماخذ شور,,
ماكان عندها رد تقوله..غير انها تبي تعرف كل
اللي صـــار..اتجهة لغرفة الملابس وهو مصره انها
تعرف كل شي منـــه..
طلعت له بجامه نوم بلون الكحلي وجلست تنتظره
ارفعت عيونها على باب الحمام وهو ينفتح..
وبسرعه كسرت نظراتهاا من عليـــه..
طلع وانصدم انها جالسه تنظره وباين بعيونها الحيره..
ابتسم على جنب وهو يشوف توترها زااد من
طاحت عيونها عليـــه..
وقف قدام التسريحه وهو بااقي بروب الحماام
مشط شعره..وبهدوء..:لا تخافين راشد ماعليه
والحين رااح ويا احمــد اخووك..
تقدم لهاا وهو يشوفهاا وشلون تناظر بكل مكاان
الاهو تتحاشى تناظر فيه..
وقفت بعد ماصار قدامها وبتلقاائيه طاحت عيونها
بعيونه..وبهمس..:بروح اجيب المعقم عشان الجرح
اللي على فمك..
طلعت قبل تسمع تعليقه على كلامهاا..
جلس على السريع وهو يتلمس مكان الجرح اللي
على شفايفه تنفس بعمق وهو كاارهه المشاكل
اللي عيت تنتهـــي..
رفع عيونه عليهاا وهي تدخل وبيدها المعقم وقطعه
صغيره من القطن تبع المطهر..
حاولت تقوي نفسهاا وهي تقرب منه ..وبقوه
ظاهريه انحنت عليه وهي تمسح على الجرح بنعوومه..
طول ماهي قريب منه ومايفصل عنهم شي..عيونه
متعلقه بملامحهااا اللي تهون عليه عذاابه وتعب
سنينه..كل يوم يحبها اكثر من اللي قبله حتى لو
كانت قااسيه وياااه,,
لف ايده على خصرهاا وهو يوقف قدامهاا..
ارفعت عيونها له وهي تبلع ريقها بصعوبه..وقلبهاا
يرجف بخووف..
مررايده على خدهاا..وبهمس..:اهون علي امووت
ولاتروحين مره ثااانيه..خفت تختارين راشد
وتعذبيني من جديه..وابتسم برااحه..بس ماراح
اعتبر انك جلستي عشان عماارر..اناا ادري انك
للحين تحبيني ياااشووق..
انحنى عليهاا وهو يبوسهااا متجاااهـــل كل العالــم
وهي بين ايدينه بدوون لاتبعده او حتى تقااومــه
واخير تقبلته كزووج بحياتـــهاا..
..**..
عند ذيــــااب..
حي السهر مادام نومـي كوابيـس ’’
....................... وحي الخيال إليا أصبح الواقع أوهام ’،’
من يوم أبونا آدم همس بأذنه إبليس ’’
....................... وحنا نشيل هموم وذنـوب وآثـام ’،’
حنا بشر دم ومشاعـر وأحاسيـس ’’
....................... كل الفوارق بيننـا بصمـة إبهـام ’،’
اليوم بذااات اذبحه الشووق لهاا ..نام بغرفتهم اللي جمعته وياااه ..
تقلب على السرير بس النووم مجاافيه ..مافيه يتحمل
بعدها اكـــثر,,المشكله مااقدر يتوصل لهااا رغم
محاولاته..
وقف بضيق وهو ناوي يكلم جدته بالمووضوع ,,
وفي نفس الوقت خايف من ردت فعلهاا من تعرف
انه نايم في البيت وهي ماانعته انه يدخل له
بعد سواته الاخيره. ..
بعثر شعره بملل وهو ناازل يكلم جدتــه..
انصدم من وجودها بالصالـــه ,,جالسه على
سجادتها تسبح وتنتظر صلاة الفجـــر,,
قرب منها ..باس على راسهاا..وبهدوء.:قوه يمه
الجده طالعته بنظره ورجعت تسبح..:......
استغرب انها مااستنكرت وجوده..هذا يدل انهاا
تدري انه كاان موجود بالبيت بس ماحبت تتكلم..
ارفعت راسها له..وبجفاء..:مو قلت لاتجـــي بس
انت قااعد تكسر بكلامي صح..
قرب منها وجلس على الارض وعيونه بعيونها
وبصدق..:يمه مااعمري فكرت اسوي شي يعصيك
صدت عنه..وبنفس الاسلووب..:اش تبيـــي..؟
ذيــاب بثقه..:يمه ابي مرتــــي..
لفت عليه بقوه..وبعصبيه..:مالك عليها حق..وهي
بعد خلااص ماتبي ترد يعني انسى ترد لك,,
ضغظ على كفه..وهو يتمالك نفسه..:يمه مرتي
مفيكم تمنعوني عنهاا ,,بعدين مو على كيفهاا,,يكفي
تاركها شهر براحتـــهاا..
الجده بسخريه..:ليش غصب ترد..؟؟؟
شتت نظراته..وبهدوء..:ايه غصب,,مااقدر اتركهاا
اكثر,,, يمه واللي يسلمك افهميني مافيني صبر..
حنت عليه من اسمعت صوته وهو بااين انه متالم
على بعدهاا..وبصدق..:حااولت اردهاا لما كنت
تكلمني بالفتره اللي راحت بس هي ماعطتني جواب
بس بحاول اكلمها من جديد ,,بس مو اليووم لاني
مابي اخرب عليها فرحتها...
عقد حواجبه..وبهمس..:فرحتهاا...؟؟؟
تنهدت بفرحه..:أي امم لها يومين من طلعت نتائج
تخرجهاا وتقول نسبتها بالحيل مرتفعه..
شد على شفايفه وهو مصدووم ..هو اخر من يعرف
عن نجااحهاا وكانه شخص غريب عنهاا..
صحى من سرحانه على كلام جدته ..
الجده بجديه..:اليووم بحاول افتح لها الموضوع بس
عقب الحفلــه..
ابتسم بسخريه ..وبهدوء مخيف..:ليش هي مسويه
حفل بعد؟؟..
الجده وهي حااسه فيه..:لالا انا مسويه لهاا ولـ ميس
وخالد قبل يساافرون..وهم لاخووك عشان الترقيه
حرك راسه بالايجااب وهو يوقف..مافيه يسمع
كثر اللي سمعه ,,يعني عاايشه حيااتها وهو
متعذب بسببها؟؟
طلع لفووق وابتسامة السخريه باقيه على ملامحــه
رمى نفسه على الكنبه ..وبهمس..:اليوم حفلهاا انزين
انا اللي بعرف شلون اوصل لك ياحلاا
..**..
في البيت العوود السااعه 10 المســـاء يوم الحفل..
قربت شووق من حلاا وهي متردده انو حلاا
ماتتقبلها بعد ماكنت تصد عنها وماترد على
اتصالتها الفتره اللي راحت..
وقفت قدامهاا..وبصوت رااخي عشان تنتبه لوجودها.:حلاا
حلا رفعت عيونهاا لشووق وبسرعه ابتسمت بفرحه
قربت منهاا وهي تحظنهاا بشوووق..
حلاا بضحكه..:وحشتينـــي..
شووق بقهر..:ليش قصيتي شعرك..؟؟
اختفت ابتسامتها بعد ماسمعت كلمة شووق..وبغصه.
شكلي غلط صح..؟؟
شوق بصدق..:بالعكس شكلك احلى بكثير من قبل
طالعه جناااان وصغيره وجذاابه بعد ..
مهااا من وراهم..:اش قااعدين تقولون..؟
شوق براحه..:ولا شي بس نتكلم بشعر حلاا..
مهاا ببتسامه..:هممم..الا ماقلتي لي اش اخبار
مشــاري..
شوق وهي تبعد نظراتها عنهم..:وبهمس.:ماعليه
طيب..مااقدرت تقول انها صارت بعيده عنه بعد
اللي حصل بينهم..كابوس انه ممكن تحمل من جديد
و يتركها هالشي للحين مسيطر عليــهاا..
روز وهي تاشر عليهم من بعيد..:بنااات تعالو هنا
خلونا نفلهاا ونرقص..
بعد نص سااعه قربت منهم ميس..وبضحكه..:
بنات ترى الرجال بيدخلون الحين..
حلاا توترت..اكيـــد بيدخل..ماتنكر انها اشتااقت
له بالمـــره..وكل هالفتره وهي بعيده مرت بصعوبه
عليهاا ..كثير اوقاات تنمنت انها صلحت الاوضاع
اللي بينااتهـــم..بس كل شي صار وانتهــى
شوق بهمس وهي حااسه بحلاا..:لاتحرمين عيونك
شوفته حتى لو من بعيـــد..
حلا طالعتهاا بضيااع..:يمكن يحس بشوقي له وانا
مابيه يعرف بهالشي..
شوق بنفس الهمس..:تحكمي بتصرفااتك ولاتخلينه
يلاحظ..
ابتسمت لشوق وهي تلبس عبااتها وتعدل لثاامهاا.
ارفعت عيونها على دخلت الشباب كلهم مره وحده
تجاهلت الكل وتعلقت عيونهاا فيـــه..
هيبته تفرض على الكل يحترمه وينجذب لـــه..
حست بغصه تخنقهاا وهي تذكر اللي حصل لها
بسببه..
نزلت نظراتهاا بعد ماحست بعيونه تتلفت وتدور
على احد..
ظغطت ايد شووق بعد مااحست انها ركز عيونه
عليهااا..
شوق بهمس..:خليك طبيعيه..ترى بيشك..
ارفعت راسها بقوه ظاهريه وطالعت بخوها تركي
اللي جالس يهبل بالشباب..
ابتسمت برااحه وهي تشوف تركي ياشر
عليهاا..ويرسل لها بووســه..
بدون لاتحس اشرت لهاا وهي تطبع بوسه على
كفهاا..
ذيااب الحين بس تاكد انها هي من حركتها مع تركي
لف يبي يجلس وهو خلاص مقهور من نفسه اللي
تتمنااها وهي باين انها ماتدري بوجوده
قست ملامحه وهو يشوف نظرات فهد وابتساامته
العفويــه على حركات حلااا..
غمض عيونه بعد مااحس انه رااح تصير
مصيبه ويزود الطين بله..فتح عيونه وهو
يصر على كفه بعد مالاحظ نظرات فهد الذايبه لها
رجع عيونه عليهاا وااضح انها ماتدري بفهد
ونظرات فهد اللي من اول مادخلوو وهي مسلطه لها
مشى من الجهه الخلفيه بعد مااحس انه خلااص
مستحيل يتحمل اكــــثر..
عاايشه ومبسووطه وماتدري بالنار اللي مسببتهاا
دااخـــله..
واللي جننه اكثر وخلاه يمشى ناحيتها نظرات فهد
العااشقه..
قرب منهاا وهي معطيته ظهرهاا وعيونهاا تتلفت
تدور عليهااا..وهي مستغربه وين اختفى فجاءه.
وصل لها ومسك بكفهااا وسحبها معااه لجواء الفله
شهقت بخرعه اول ماحست بكفه تتملك كفهاا..
انصدمت اول ماشافت انو هو اللي يجرهاا تمشي
معااه..حاولت تبعده بس مااقدرت ..شاد على ايده
بقووه..
ذيااب صار يمشي فيها الين وصل لجنااحهم.
دخلهاا وقفل الباب قفلتين وكانه يبي يتاكد انو ماراح
يطب عليهم احد..
لف على جهتها وطالعها وشلون تناظر بخوف ورعب..
عض على شفايفه ..وبقهر..:شيلي عباتك وخلينا
نجلس ونتفاهـــم,,
بلعت ريقهاا من صوت قلبهاا اللي يدوي برجفه.
حاولت تقوي نفسهاا وهي تناظره بقوه..:افتح الباب
مااابي اجلس معاااك..
قبل يرد عليهاا وقفه صوت الجوال اللي يدق
رفعه وتنهت بعمق وهو يشوف رقم جدته,,
اشر لها تجلس وهو يقرب لــهاا..
ابتعد عنه وهي تمشي جهة غرفة النووم..
وقفت بحيره,,وشلون تتصرف,,ماقدرت تسمع اش
قاعد يقول لجدته..
شالت لثامهاا والشيله..طالعت بشكلهاا ,,اللي
طالع غيــــر..
ماحبت تشيل عباتها لان لبسها عاري وماتبيه
يشوفها ويمكن يحرجهــا,,
قفل من جدته بعد ماطمنهااا انه مارح ياذيهاا
وانه بيتفااهم معاها بهدوء..
لحقها للغرفه واول مادخل طاحت عيونه عليهاا
انصــــدم..
هذي حـــــلاا..؟؟
طالعــــه غيــــر,,,فاااتنه بشكل فضيــع..
مّرحَبآ يقول( )
...........ثمـْ أجآوبَ بـَ گحَه
يَعنِيّ أگابر گِنّ مَآ شَفْت مَخلوقْ !
...........ويقولَ : صَحّه لگ علىَ آلقلبَ صَحه
يمشّيَ أغلآطي و يبَادلني بـَ آلذوقْ ( )
...........وأقولَ :عفواً مَآعَرفتگ..!
بـَ بحّه ..
................وهو يدريْ مَآ بَحْ صَوتيْ سَوىَ آلشَوقْ
رفع عيونه على شعرهاا وتوه عرف انه ماكان يحلم
نزلت عيونها عنه وهي منحرجه من نظراته,,
كل الكلام اللي كان بتقوله وتقسى عليه تبخر,,
شبكت ايدينها ببعض..وبهمس..:ابي اطلع يصير..؟؟
قرب منهاا الين صار قريب منهاا..رفع وجهاا
لجهته..وبهمس..:انتي ناويه تذبحينـــي..؟؟
انحنى عليها وقبل يبوسها بعدت لوراء وهي ترفع
ايدها على صدره تمنعه..وبرجفه..:ذياااب لاتسوي
شي نندم علــيه,,,!!!
قرب منها اكثر وماقدرت ترجع اكثر لانهاا ارتطمت
بالجدار اللي وراهاا..
تعلقت عيونها بعيونه اللي اطالعهاا بوله وشوووق
مفضوووح..
قرب منهاا وهو مصر على قربهاا...
ماكان يحس فيهاا وهي تقااومه وتدفه يبعد عـــنه.
ماااكان يدري عن شي غير بعشقه اللي انتظره طول
السنين اللي راااحت..
بعد فتره ابتعد عنهااا وهو مصـــــدووم..
طالعهاا هو للحين مب مصدق..
طالعهاا وهو متكوره على نفسهاا وتبــكي,,
قرب منهااا وووو
لاتغرك الضحـــــكه.؟؟
الى هنا ينتهي البارت...
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
فاصل إعلآني ^_^ / ..
لا احلل مسح اسمي مع على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
بسم الله الرحمن الرحيم..
البارت التاسع والعشرونـــ&&
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك