رواية تضحية الأخت الأم -3
غرام بثقه : وانا امون شرايج بشكلي
اماني وهي معطيه غرام ظهرها : أي حلو عاتي
غرام : والله انج نذله مالت علي انا اللي صارلي ساعه امدحج
مرام كانت ماره يم غرفه اماني واسمعتهم واضحكت عليهم وعلى سوالفهم
ههههههههه هذولا متى يكبرون طول عمرهم يهال
مرام : طخ طخ طخ
اماني : هاااااااااااااا منو
مرام : انا مروم
اماني وهي تبطل الباب : ياكرهج واتدلعين نفسج بعد
مرام : بكيفي انتي شكو ويالله اخلصو بشور عند الباب كلها خمس دقايق وتوصل
اماني بتوتر : هاااااااااا أي انزين
اماني وهي تدز مرام بى غفتها : يالله يالله وبس توصل دقي علينا واحنا ننزل لاتتعبين نفسج وتصعدين
امني سكرت الباب ومن بعد صمت : غرام ابي اكلم بندر واقوله يجي المجمع
غرام بتوتر : هاااااااااا لا لا مرام معانا لا لا
اماني : لا بس اشوفه ويشوفني بس
غرام : بكيفج انا مالي شغل
اماني ما عطت غرام ويه وخذت الاب توب وعلى طووول ادخلت ايميلها
اماني يارب موجود يارب موجود
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
فاصل إعلآني ^_^ / ..
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
شوق : يوووه شفيها هذي طولت
بندر وهو ماسك الاب توب : يالله روحي شوفيها الساعه اللحين سبعه ونص
شوق : انزين بروح
بندر يافديت هالطله يا اموني فديتج والله
شوق قامت تشوف شروق وبندر تم قاعد يكلم اماني
اماني : بندر انا بطلع اللحين شرايك تجي
بندر : وانا بعد بطلع مع خواتي انتي وين بتروحين
والله ما ادري بس راح احن على خواتي ايطلعوني الافنيوووو
بندر : خـــــــواتج؟؟
اماني : بنات خالتي منيره حسبت خواتي
بندر : اهاا انزين شنو لابسه علشان اعرفج
اماني : انا بدق عليك من فون غرام بنت خالتي
بندر : خلاص اوكي انطر اتصالج
سكرت اماني الاب توب وعلىطول انزلت مع غرام عند مرام
شوق وهي اتطق الباب : طخ طخ طخ شروووقه وينج انتي قلتي ثواني واللحين لج نص ساعه كل هذا لبس
شروق ما ردت على شوق وهذا اللي زود خوف شوق على اختها تمت اتطق الباب بقوه بس شروق ما كانت تستجيب
لأي احد ومن بعد صراخ وطق وتكسير بالباب
شروق وهي تفرك بعيونه وتتثاوب : اااااه هااا خير في شي
شوق بعصبيه : نـــــــــعم لا والله من صجج انتي لج ساعه نايمه وانا كسرت الباب ولا تعاطفتي معاي وبطلتي واحنا لنا ساعه متنقعين تحت لعيونج وحضرتج الاميره النائمه والله الله ياخذني لأني ناطره وحده فاهيه معقده نفسج يا المحاميه بااااااااااااي
شروق : لا لحظه ابي اروح معاكم
شروق وهي نازله السلم : قلت ماكو روحه بااااي
شروق : والله لابسه وخالصه بس اخذ جنطتي واعدل شعري
((شروق كانت لابسه تنوره صغيره لونها اسود ولابسه بلوزه جبنيز لونها احمر بقصه الكت وعلى اطراف الصدر كرستال لامع وكانت رافعه شعرها بشريطه لونها اسود وحاطه شدو اسود وحمره حمراء جريئه كان شكلها يجنن
وشوق كانت لابسه جينز وبدي نص كم اونه برقالي فسفوري وكانت فاتحه شعرها اللي يوصل لي كتوفها ولونه كستنائي وكانت حاطه حمره لونها برتقالي خفيف واي لاينر اسود وماسكرا سوداا))
وبعد ثواني انزلت شروق مع شوق
بندر : هاا مشينا
شوق : يالله
شروق : يالله بندر انا جاهزه
بندر وهوطالع : شروق ليش تأخرتي
شروق : والل كنـ..........
شوق وهي تقاطعها : كانت نايمه أي مجذبه يعني كنتي نايمه
شروق وهي اتطالع شوق بنضره احتقار : انا اعلمج يا النزغه
مبارك كان قافل على نفسه الباب من اول ما وصل البيت من السعه 4 وهو قاعد بغرفته ما طلع
مبارك ودموعه على خده معقوله انا احب نوف لهالدرجه معقوله نوف املكتني لهالدرجه والله
لو بحلف ان نوف عمت عيوني عن بنا الكويت كلهم وم بس الكويت الا بنات العالم كلهم ليش سويت جذي ليش
انا لازم اصلح الغلط
ومن غير شعور مسك تليفونه وكتب
(( حبيبتي ينج لي اللحين بالمطعم ))
نوف حست ان الدنيا كلها ضيقه ومافي شي يفرحها او يشيل الهم عنها
مسجك يا مبارك ذبحني اكثر لهالدرجه انا رخيصه عندك لهالدرجه عندك إهانتي عادي آآآآآآآآآآآآه يا مبارك آآآآآآآآآه
مسكت تليفونها وبكل قساوه كانت بقلب نوف اللي ما تعودت عليها ولا حتى مبارك تعود عليها اكتبت
(( تقول انك تحبني حيل ولي ياما سهرت الليل
لعبت بكل شي فيني ذبحـــت بلعبتك انســــان
عطاك انت الهوى كلـــه وصرت ابدنيته خلان
يداري كل شي فيك مثــل شخصآ تبــع ظله
مع هـــذا اهو الغلطان غريبه طبعك الجاسي))
مبارك معقوله هذي نوف معقوله اني كسرتها لهالدرجه معقوله ان نوافتي تغيرت علي لهالدرجه
((ما اصـــــدق مستحـــيل هذا قلبـــك او بـــديل))
اماني بصوت واطي :غرام بس نوصل الافنيو بدق على بندر
غرام وهي مكشره ويهها : اذلفي عني
اماني : اقول انثبري بس
شيماء : هي انتو ما تزهقون من الهواش
مرام : نوف وين ؟؟
شيماء : تعبت وودينها البيت
مرام بخوف : ليش شفيها طاحت تعورت شفيها ؟؟
بشاير :: على كيفج على كيفج مافيها شي بس راسها يعورها وقالت بترجع البيت
شيماء : شرايكم انروح الخليج
اماني بفزع :: لا لا نبي الافنيو
شيماء : ويع ما احب الافنيو خلونا انروح مرينا
اماني : لا عفيه شيوم نبي الافنيو
غرام : لا شيماء نبي مرينا
اماني وهي اتطق غرام ابطنها : انا اعلمج يا خره
شيماء : ههههههه خلاص يبا الافنيو ولا تزعل اموني
شروق : شواقه شرايج ندخل فلم
بندر : أي والله انا نفسي ادخل فلم تامر حسني اليديد
شوق : خلاص اوكي
شروق : عاد يقولون عجيب
بندر : أي والله حتى ربعي يقولون عنه حلو
شوق : انا والله ربعي ما يدخلون الا اجنبي
شروق وهي لاويه بوزها : عشتــــــــو
بندر: هههههههههههههههه
شوق : واللــــه شفيكم مو مصدقين
شروق : لا مصدقين يعني اكيد طلاب ابمدرسه اجنبيه اكيد يدخلون اجنبي
بندر : شواقه شرايج تدخلين 2012 واحنا نور عيني
شوق : لا واللـــــــــــــــــــــــــه مابي ريلي على ريلكم
بندر : ههههههههه خلاص ماشي
شروق : ههههههههه
بندر : ابي اخذ رايكم بشي
شوق بلقافه : شنــــو شنـــــو
بندر :اقول انتي جب انا اكلم شروقه
شوق : جبـــــــــح
شروق : هههههههههههههلا بندر قول
بندر : ابي اجيب حق حبيبتي هديه شنو
شوق : هاااااااااااا علينا وعندك حبيبه بعد هاااااا
بندر وييه حمر : هاااا أي عندي وشنو يعني
شروق : ما عليك منها انا برايي ساعه من ماركه راديو
بندر : وانا فكرت جذي بعد
شروق : بس اذا كنت تحبها حيل جيب لها عطر مع الساعه
بندر : رايج جذي يعني
شروق : أي والله
شوق : او اذا عندك صورتها سولها عطر على صورتها
بندر : لا ماعندي
شوق : خلاص عطر وساعه
بندر : خلاص ماشي
شيماء : يالله انزلو
اماني بتوتر : انا وغرام رايحين انتمشى واذا تبونا دقو
مرام : اللحين تعالو معانا وبعد شوي روحو
غرام : خلاص اوكي
غرام وهي تسحب اماني : يالله تعالي
اماني كانت متوتره وخايفه من اللقاء الأول
شهد بصوت عالي ومن فوق السلم : مــــــــــــــــــــــــــــــــــــــــــــــرام
مهها من تحت السلم : مرام مو هني راحت
شهد بنفس خايسه : وين ان شالله
مها : مع خواتي راحو يتمشون
شهد بعصبيه : وليش ما قالتلي
مها : والله ما ادري عنها بس اهي قالتلي انا
شهد : خليج انتي انا اتكلم عني انا ليش ما قالتلي
مها وهي مو عاجبها الكلام : وانا شكو دقي عليهاا وأسأليها
شهد طنشت ابمها ولا كنها قالت شي وراحت غرفتها
احمد : اوووووووووف
سعود : خير عسى ماشر
احمد : يا خوك زهقان والله ملل اليوم
سعود : خلاص خل القهوه وروح البيت
احمد : ياريت بس مها عندنا ومابي اروح
سعود : وليش ماتبي مو هذي حبيبه الطفوله
احمد : مها من النوع اللي ما تخالط الريايل حتى احنا عيال خالتها ما تخالطنا
سعود : شدعوه لهالدرجه معقده
احمد : أي واذا شافتني على طول تمشي او تغير المكان اللي انا فيه
سعود : اوووووووووووووووه ومن متى هالحاله فيها
احمد : والله من زمان ومها جذي يعني تعودت اذا مها موجوده ما ارجع البيت الا لمن اتأكد انها راحت
سعود : يعني شنو ما ودك تشوفها
احمد : الا مها ما ودي اشوفها
سعود : وليش ان شالله
احمد : واللـــــه ما ادري يمكن لاني احبها
سعود : انا اللي اعرفه انك اذا تحب احد ودك كل يوم تشوفه
احمد : الا انــــا
سعود : وليش ان شالله على راسك ريشه
احمد :: انا حاله خاصه يمكن لان شخصيه مها تخوفني او احترمها او اخاف من شخصيتها المتسلطه
سعود : علشان جذي ما ودك اتشوفها
احمد : أي والله يا اخي بس اشوفها احس بشعور ايضايقني وتنسد نفسي عن كل شي
سعود : والله شكلها امهبله فيك هالمها
احمد : لا والله مها محترمه غير خواتها شيماء وبشور اووووه استغفر الله ما ودك تطيح بدينهم والله يا كلونك
سعود بهدوء رومانسي : وســـاره
احمد : سارون هاديه ونعومه ومؤدبه ما ادري بس هدوئها يجذبني لها بشكل غريب وجمالها اااااااااه يا جمالها
سعود حس نار الغيره كلته وماهو عارف شنو يقول
احمد : ليش سكت
سعود : أي اقولك ساره ما شاء الله عليها شايفها تقول للقمر قوم واقعد مكانك
احمد : أي ما شاء الله عيني عليها بارده
(( سعودرفيج احمد واخو مريم رفيجه ساره عمره 26 سنه تخرج من اكادميه سعد العبدالله وتوضف على طول))
مرام : امانه ابي ادخل نور عيني
شيماء : قبل ساعه داخلينه
مرام : امانه والله نفسي ادخله
بشاير : يالله ندخله شورانا
شيماء : انا ما راح ادخله معاكم ابي اروح اتمشى وبعدين ارجع لكم غرام امون تجون معاي ولا بتدخلون الفلم
معاهم
اماني : لا مابي ابي اروح مع غرام انتمشى
شروق : يالله بندر حجز لنا
شوق : أي يالله بسرعه
بندر كان يفكر بأماني وينها وليش مادقت اهي قالت بدق
بندر حط ايده ابجيبه يبي ايطلع تلفونه بس ما لقاه لانه كان ناسيه بالسياره
بندر بتوتر : اوووه تليفوني بالسياره ثواني اجيبه واجي
شوق : يــــــــوه يالله بندر بسرعه
بندر راح يركض السياره يارب داقه يارب داقه
اماني كانت تتصل بس بندر ما كان يرد عليها
اماني واقفه مع مرام وشيماء وغرام وبس بشاير راحت تحجز لهم تذاكر اللي من بعد حنه ورنه وافقت شيماء
تروح معاهم مع غرام واماني
مرام : امون ادقين على منو انتي بعد
امني بضيق : لا محد بس ادق على رفيجتي بندري وموقاعد اترد علي
بندر وصل السياره وبس طلع التليفون لقى رقم غريب داق عليه اكثر من خمس مرات
بندر اكيد هذي اهي اكيد اكيد
مسك التليفون ودق على طوول بس اماني ماكانت تردلأنها كانت حاطه تليفونها على الصامت
وصل بندر السينما
شوق : بندر ليش تأخرت
بندر : والله ما تأخرت بس جبت التليفون وجيت على طووول
شروق : هذي مو جنها مرام
بندر : منو مرام هذي بعد
شروق : رفيجتي بالجامعه امشو خلونا انسلم عليهم
بندر : منو هذول اللي معاها
شروق : خواتها بس اللي لابسه اخضر بنت خالتها
بندر اجذبته اللي لابسه اخضر واللي هي امــــــــــــاني
شروق وهي رايحه صوب مرام : هـــــــــــأي
مرام بفرح : هايات شروقه اخبارج يا القاطعه
شروق : والله طيبه الحمد لله وانتي اخبارج
مرام : والله دامج تمام اكيد انا تمام
شروق : شخباركم بنات
الكل رد السلام الا اماني اللي كان تفكيرها كله مع بندر
شروق : اعرفكم هذي اختي شوق وهذا اخوي بندر
اماني طارت نظراتها على بندر اللي ماتدري ليش قلبها فز من اسمعت اسمه
ولمن تلاقت عيونهم على طول نزلت عيونها بلأرض
غرام : تشرفنا انا غرام اخت مرام
شيماء : وانا شيوم اخت مرام
بشاير : وانا بشور اخت مرام
اماني ماتكلمت ولا كلمه واللكل انتبه لها خصوصآ غرام اللي كانت تدري اماني شفيها
غرام بتوتر : ها بشور حجزتي
بشاير : أي حجزت
شروق : أي فلم بتدخلون
مرام : نور عيني
شروق: شهالصدفه واحنا بعد داخلين نفس الفلم
شروق وهي اتطالع بندر : عفيه بندر روح احجز لنا
بندر بأ بتسامته الساحره : من عيوني من لي غيرج انا
اماني كانت ذايبه ابندر معقوله هذا هو معقوله لألأ مستحيل لا مو اهو
راح بندريحجز التذاكر وبشاير وزعت التذاكر على خواتها وعلى اماني والصدفـــــــــــــه كانت
ان الكل يم بعض بس اماني بعيده عنهم
بندر وهو يكلم شروق : هاج اخذي التذاكر
والصدفه الثانيه كـــــــــــــــــــــــــــــــــــــانت
شروق وشوق يم مرام وخواتها بس بينهم جم كرسي وبندر يم اماني بالضبط
محد اهتم ولافكر بشي اماني وهي اتطالع تليفونها اشهقت شهقه قويه اللكل انتبه لها
مرام بخوف : شفيج اشصاير
اماني بأبتسامه تحاول تخفي بندر وراها : لا بس التليفون مافيه شحن
بندر من غير شعور ابتسم لها وحس ان فيها طفوله عفويه
المشكله ان بندر واماني ما اعرفو بعض شلون يا ترى يعرفون بعض هذا اللي راح انعرفه اللحين
شروق : ها بنات ندخل الفلم لأنه بلش قبل شوي
غرام : أي يالله وناسه
غرام وهي اتطالع اماني :ههههههههههههه خليج ابعيده عن الخوات وخلينا مع بعض وثاني مره بلا رزه الفيس
حتى السينما اتقولج اذلفي لاترزين ويهج مع الخوات
اماني :هه سخيفه اذلفي بس
مرام وهي ماسكه راسها : انتوا ماتملون من الهواش
شوق :هههههههماعليه خليهم
شروق : انتو جم عمركم
غرام :18 وترى مو متزوجين
شروق :هههههههههههه والله انكم نكته
والله لو تشوفكم امون ماشاء الله نسختها هي وغرام والصدفه ان هالبنت اسمها غرام
الكل دخل السينما
وداخـــــــل السينــــــــــــما
اقعدو البات كلهم على الكراسي واماني اقعدت ابكرسيها واللي ما كانت متوقعته ان كرسي بندر يم كرسيها
بندر : السلام عليكم
اماني بهدوء :يا هلا
بندر شاف اماني ماسكه التليفون جان يتذكر اماني وطلع تليفونهوكان بيدق عليها بس الصدفه انهم دقو ابوقت
واحد ويطلع عندهم اثنينهم مشغـــــــول
اماني حطت تليفونها ابحضنها وتأففت
بندر ابهدوء :عسى ماشر
اماني : لا ولاشي بس ادق على امي ويطلع مشغول
بندر بهدوء وقرب خده الدافي عند اذن اماني وبهمس بندر اللي دوب اماني : ماعليه جربي بعد الفلم
اماني وخرت ويهها الصوب الثاني ومن الخوف ماردت على بندروتمت تتصل
وبندر كان يتصل وبعدين مل بندر وحط تليفونه بجيبه وتم ايطالع الفلم
اماني استمرت اتدق
وفجـــــــــــــــــــــــــــــأه
بندر كان حاط تليفونه على الصامت لأنه بالسينما ومن طبعه الهدوء
حس ابهزاز قوي ولمن طلعه شاف رقم اماني
بندر ابنسم والفرحه ماكانت سايعته
بندر : عن اذنج ابي اروح الحمام >>تكرمون خخخ اقول عنه ادري ماعنده ذوق
اماني وقلبها يدق بسرعه :تفضل
طلع بندر من السينما وعلى طول رد : يا هلا بقلبي
اماني بخوف وتحس ان الدنيا مو شايلتها وان اللي بالسينما كلهم ايطالعونها وقلبها ايدق بقوه : هلا فيك
بندر : وينج قلبي والله تعبتيني من اليوم ادق مشغول
اماني : وانا بعد ادق يطلع مشغول
بندر: فديت صوتج والله ايجنن
اماني وهي اتضيع السالفه : بندر انا بلأفنيو داخله فلم
بندر بهدوء : شنو من فلم داخله
اماني : نور عيني
بندر : مع منو ؟؟
اماني : بشاير وشيماء ومرام وغرام
بندر تأكد ان البنت المزيونه اللي فيها طفوله عفويهاجذبته هي حبيبته اماني
بندر بخوف :انا صار عندي ظرف وما قدرت اجي خليها مره ثانيه
اماني : ليش لا بندر الله يخليك تعال والله انا يايه علشانك
بندر : انا اسف حبيبتي بس صدقيني ما قدرت
اماني بزعل : خلاص عاذرتك الله معاك انا اللحين داخله فلم بس اطلع اذا قدرت ان شاء الله بدق
بندر : الله كريم ديري بالج على نفسج
اماني : من عيوني
سكرت اماني من بندر وكانت طايره من الفرحه انها كلمته وسمعت صوته وكانت خايفه وودها تبجي بس لأنها
كلمته لأن شعور البنت لمن تخون احد صعب وشلون لو خانت أهــــــــــلها
بندر وهو يقعد : انا اسف تأخرت بس زحمه الــ........
اماني وهي اتقاطع بندر : مالا داعي تبرر انا مو زوجتك
بندر ههههههههه يا حلوج يا اموني هذي انتي حبيبتي يمي وقاعده قدامي ومو قادر اقولج شي بس لأن اختي
تعرفكم
بندر بأبتسامته الساحره : ممكن أسأل سؤل فضولي
اماني : ومن تكون علشان تسألني امي ولا ابوي ولا اخوي وانا ما ادري
بندر بأستهزاء : خو رفيجه بنت خالتج
اماني : هههههه ترى مجامله لأن احساسي بلغني انك تنكت
بندر : والله انا فضولي حيل ونفسي اعرف شي او اثنين منج
اماني : خير ان شالله شعندك
بندر : اسمج بالخير
اماني بدلع أسر بندر : امــــــــــــاني
بندر : اللـــــــــــــــــه ياحلو هلأسم تصدقين ان حبيبتي اسمها اماني بعد
امني لأمو اهو مو بندر اساسآ بندر مو جاي لأنه مشغول انا ادري لأنه قالي مستحيل يجذب علي لأهذا مو بندر
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك