رواية بالهداوه يا دوا المشتاق خذني بالهداوه -31
عقب ما قبضوا الخط (( بوظبي العين )) محد منهم رمس الثاني وعم الهدوووء في سيارة منصور.. ومنصور امررره مسى انها وياها وكان بفكر بشي ثاااااااااااااااني... وديمه مخها فاضي ما اتفكر في شي غير تنطب الحظ اللي خلاها تركب ويا منصور ... شوي تليفون منصور صاح وكان اربيعه سعيد.. يلس يسولف وياها ويضحك ويطنز وعاااااااااااادي... ريلااااااااااكس اما لبينه يا حليلها على ناااااااار يالسه من الضيجه تبا توصل وتفتك... منصور يسولف حاط ايده اليمين على الثلاجه وديمه ملزقه عمرها فالباب كما الصوره في اليدار.. يحليلها.. عنبوه لو بعده ما املج عليها شو بتسوي...
منصور : هههههههههههههههههههه
سعيد : وتضحك حضرتك
منصور : شو تباني اسوي اصيح مثلا... والله انكم طماشه ليتنيه عندكم..
سعيد : والله يا اخي هذا عبادي.. امره هب ساير وياه
منصور : وانا شو اقول دخلني حبس تأديبي اربع ساعات...
سعيد :في ذمتك.. ثره خريج سجوووون الرياااااااال..
منصور : هههههههههههه الحينه اربع ساعات قلت اسجووون هذي اول مره ندخل السجن اصلا ما كان بيدخلنا بس لانه دوووم عبادي ملعوزنهم هناك فالمركز
سعيد : وانا اقوول يوم سرت ذاك اليوم كان ويايه قالنا الضابط يالله عطوني مقفاكم..
منصور : ههههههههههههه عقولته من يشوف عبادي ما يشوف الا المشاكل
سعيد : صدقه..
منصور : افااااااااااااا اتنيذلت فالريااااااااااال اشوفك ترانيه ما اطيع فيه
سعيد : والنعم فييييييه والله اني احبه هالريااااااااااال ومحد مثله يا غير ضيقبيه اكيد بيخبرك عنيه..
منصور : ما اتصل يوم بيتصل بنشده عنك..
سعيد : والله انه غااااااااااالي وحشييييييم.. صح انه راعي سواااااااالف وساعات حركات قويه لكن قلبه ابيض..
منصور : هيه عقب ما سبيته.. اونك اتعدل هااااااااااه
سعيد : لا والله.. لكن... كنت متغيض
منصور : سعدنه.. برااااااايك الحينه حد يتصل جنه وقابض خط.. برمسك خلاااااف..
سعيد : ما عليه جانه عبادي سلم عليه وقوله بوعسكور زعلان اونه عليك
منصور : هههههه يبلغ.. اماره حايه..
سعيد : سلامت راسك وشوفك
منصور : الله يسلمك..
سعيد : فداعت الله
عقب ما سكر عن اربيعه ورمس امه.. تم يطالع شريط يبا يحطه.. وجان يحط اكيييييييييييييد مييييييحد حمد
وكانت اغنية ان لذع بالطرف.....
ان لذع بالطرف لي مسكـب دعايا
والهدب زافات ياللي مضللـــــــنه
ومطول عليها...........
سلامي اتصلت بوديمه لقته مغلق جان تتصل بخوها
منصور : مرحبا
سلامي : سلام عليك
منصور : عليج السلام
سلامي : منصوري عندك ودوم
منصور : هيه
سلامي : عطني اياها
منصور : وليش ما اتسوين لها على تليفونها
سلامي : سويت لقيته مغلق
منصور : ما عليه.. صبري )) مد ايده وعطاها التليفون ((... دوج
وديمه ساكته ومستغربه
منصور : مسكي سلامي تباج..
سارت ومسكت التليفون ورمست وخلاف سكرت عنها.. ما وحالها من سكرت عنها وتبا تعطي التليفون منصور ولانه سياره لفت عليهم منصور عطاها فوووول ليت وصيييييح هرن ولف عنها بسرعه ولا بيدعمها لانه كان مسرع والسياره على طول لفت عليهم >> اتشوف انه مسرع جان اتريته يخطف وخلاف اتلف.. كان واحد بتاني خبله الموووهيم... منصور لف عنه بسرعه واصلا منصور كان يمشي على خط التجاوز ومسرع ويوم لف عفد على الرصيف وسار الصوب الثاني طبعا كانت البقعه شرى المقطعه ما شي سيايير وااايد بعدهم ما وصلوا طريق العين بوظبي ... طبعا عفدوا مثل ما قلت لكم على الرصيف وخلاف فالتراب لانه كان سيح وافترت السياره عليهم وكانوا بينجلبون بس منصور كان يحاول يتحكم فالسياره ويعدلها... وفي نفس الوقت كان يحاول يمسك وديمه ما يباها اطيييح...
وديمه زااااااااااااااااااغت وتمت اتسمي بالله بصوت عااااااالي بدال ما اتبااااااااااغم.. سبحان الله لو كل واحد بدال ما يصارخ او يبااااغم يذكر الله... احسن....
المووووهيم... دعموا شيره كان هناك منصور صقع راسها عالسكان ... وديمه بعد طاحت صوبه ودعمت جدام صوب الجامه بس الله سلمها وطاحت تحت.. السياره اللي لافه عليهم شردت ولا وقفت.. منصور وديمه محد منهم يرمس ولا يتحرك... شوي وديمه نشت.. وكان راسها يعورها.. تراها صقعت ...حطت ايدها على راسها وحاولت اتقوم من بقعتها واتعدل يلستها بس بغصب ايدها اتعورها يمكن انكسرت .. ارتاحت شويه وغمضت عيونها لانه الضربه قويه خلاف اذكرت انه منصور فياها ولا تسمع له حس.. لفت صوبه متروع وشافته طايح عالسكان وراسه فيه شي لونه احمر زاغت وجان اتحاول شوي شوي اتسير صوبه ما اتروم تراه عظامها اتعورها من الضربه وهاي حديد اقصد السياره لازم بتعور.. المهم حاولت توصل عند منصور
وديمه : منصوووور...منصوووووور >> بصوووت في نبرة من الالم مثل واحد طايح ما يروم يرمس لانه يتألم.. جيه كان صوتها.. ومدت ايدها على ظهره اتهزه تباه يقووووم.. بس ما رد عليها.. شلت عمرها ويلست بطريقة انها حاطه ركبها على الكرسي لانها مجبله صوب منصور. .. ومدت ايديها الثنتين تبا اتشل راسه بس ما رامت وحده من ايدها اتعورها ولا اتروم اتحركها وااايد..... حركت شويه راسه بايد وحده لقت دم يصب من راسه خيس ايدها.. اترووووووعت علييييييه بغت اتمووووووووت..
وديمه خانقتنها العبره وعيونها بدت تنزل دمووع : منصووووووووور.. منصووووور قوووووووم.. دخييييييييييلك.. منصووووووووووووور
وديمه : منصوووور
منصور رفع راسه بس شوي شوي ما رام يعوره.. بدون ما يرد عليها.. وحطه على الكرسي مثل الواحد يوم ينسدح على كرسي السياره... وديمه يلست ادور كلينكس عسب اتمش الدم.. منصور امره ما حرك عمره .. ما لقت كلينكس واصلا الكلينكس ورى ما تلحقه سارت ومسكت طرف شيلتها وحاولت اتمش الدم من راسه سار ولف ويهه عنها ورفع ايده عشان يخوز ايدها عنه.. ورفع عمره شوي شوي.. وشغل السياره وعدل عمره وارتاح شوي يعني تموا فتره واقفين..... وخلاف ريوس بالسياره ومشى
وديمه : راسك فيه دم..
منصور : براايه
وديمه : انزين خلني امشه ولا شي.. هوب زين
منصور ماله بارض : ما يخصج..
وديمه : انزين انته مشه
منصور اتغيض : مالج خص قلت لج راسي ولا راسج.. لمي ثمج.. >>> متغيض بسبت هذا الباكستاني اللي لف عليه وشرد...
منصور يوم وصل الشارع ما رام يسرع طبعا .. وكان ماسك السكان بايده اليسار واليمين حاطنها في ثبانه ما يرووم بعد يحركها..
منصور : الله يغربله قسم بالله لو ما افترت عليه السياره للحقه وادعمه وافره الخااايس فالسجن.. حمااااار...
وديمه فجت الثلاجه وضهرت غرشة ماي وخلاف يلست ادور ورى كلينكس.. ويابته وخلاف حطت فيه ماي ...
منصور ما انتبه عليها مفووول من الللي استوى وراسه يعوره... وسارت وحطت الكلينكس اللي فيه ماي على راس منصور وين الدم منصور لانه كان سرحان ما انتبه عليها ويوم حطت ايدها على راسه فز.. اتعرفون يوم الواحد سرحان واييه واحد ثاني يسوي شي لازم يفز
منصور : حوووه...
وديمه : ما بسوي بك شي... كلينكس فيه ماي عشان اتمش الدم..
منصور وقف السياره في نص الشارع ولف عمره عليها : وانا شو قايللج.. انتي ما تيبج الرمسه...>> متغيييض
وديمه : لا والله والدم اللي في راسك.. تبا اتمووووت
منصور : ان مت ولا غيره... شو يخصج...
وديمه : بدال ما تشكرني فيه الخيييييييير
منصور : ما طلبتج.. طلبتج ؟؟؟......
وديمه : كيييييفك.. ما يخصنيه فيك.. مووت وان ما لقيت حد رد
منصور تم ساكت ويطالعها ولا يتحرك.. السيايير يايات وراه ويصيحن هرن
وديمه : انزين خلاص مش..
منصور : خلصتي...
وديمه نزلت راسها ولفت ويهها : هيه
منصور : عيل ما ابا اسمع حسج طول الدرب ولا ابا اشوف حركه... وال بتشوفين شي ما شفتيه..
وعدل عمره ومشى ووصل طريق العين بوظبي...
ويوم شاف شيشه ادنوك جدامه لف صوبها.. ووقف السياره في باركن السوبرماركت.. ونزل سار يغسل راسه ويدور لزق وشي يحطه على راسه...
وديمه اطالعه وهو داخل وفي خاطرها (( يالله بسم الله ما يقهر.. يالس ويباغم عليه... يعني فيه الخييير ابا اساعده وهو يسويبي جيه.. اذا الحينه جيه.. عقب العرس كييييييييف.. الله يعييييييين.. لا ما جنه انا بعد متعوره ..يالله... ))
شوي ولانه سياره استيشن وافقه عدالهم بس من صوب وديمه فج الدريشه كان واحد من الشباب وجان يطول شويه على المسجل.. ويطالع وديمه تراه سيارة منصور بلا مخفي.. وديمه طبعا كانت متغشيه ومنزله راسها اطالع تليفونها.. تم يطالعها...
منصور يالس يحاسب وظهر كان ملزق راسه وحاط السفره على جتفه والشعر خاري وشعره من جدام قرب عيونه .. وهو ماشي شاف الريال فاج الدريشه ويطالع وديمه اتغيييض... يعني مهمى كان الواحد يحب يحافظ على شرفه وعرضه... سار سار وفج الباب بايده اليسار وركب السياره وسكر الباب وفج الدريشه من صوب وديمه ولف ويهه صوب راعي الاستيشن
منصور : حوووووه شي في خاطرك
راعي الاستيشن طالع منصور واستغرب : هاااااااااه
منصور : هاااااه في عيووونك الخااايسه شو تبا اطالع لبنيه شي فخاطرك >> متغيض ومعلي صوته
راعي الاستيشن سكر الدريشه ولا رد عليه
منصور سكر دريشت وديمه وريوس بقوه وهو متغيض : خلااااااافه فاج عيووونه علهن العووور.. وانتي عايبنج حضرتج ما اتشوفينه يطالع جان زقرتيني عنلاته زاد
وديمه لفت ويهه صوبه مستغربه : شوووه
منصور : صمخه ما تسمعين
وديمه : لا اصلا ما انتبهت انه يطالع منزله راسي..
منصور : هيه زييييييين... )) ومشى ولا قال اي كلمه شوي واتصلت ام سعيد لانها استبطته واتروعت عليهم.. ما رام يقولها انه سوى حادث... طبعا السياره كانت متعفصه من جدام... من صوب منصوووور...
خلاف اتصل منصور بثاني وخبره عن السالفه وعطاه مواصفات السياره ورقم اللوحه.. وقاله يطالعه ويعممون عليه وخبره انه باكستاني..
ثاني : انزين اشعنه ما اتصلت بدوريه هناك..
منصور : جيه انا في مقطعه... البتاني شرد يعلني بلاااااااااااه الخااااايس... وابروحي راسي يصب دمان ويعورنيه ما اشوف من الغيييييييض والويع وبعدين عندي حد ما رمت
ثاني : ما عليه الحينه بنعمم عليه.. وانته يوم بتوصل العين بسلامه سو ليه وخلاف بنتصرف
منصور : ما عليه.. برايك عيل
ثاني : مرحبا...
الباااااااااااارت (( 18 ))
منصور : ما عليه.. برايك عيل
ثاني : مرحبا...
طول الدرب محد منهم رمس .. منصور متغييييييييييييييييييض من الخااااااااااااااااااطر....
عبادي اتصل بمنصور عقب ما درى بالسالفه واتفقوا يوم يوصل منصور العين عبادي يشل سيارة منصور ويسير صوب ثاني اما منصور طبعا بيسير المستشفى ...
فطامي : هذي هوب سيارة منصور..
زاهره : وين... هيه سيارته..
ام محمد : يووا..
زاهره : هيه...
ام محمد : الحمدلله.. اسميه فوادي برد
فطامي : ماماه ما بتنزل وديمه عندنا..
ام محمد : ما ادري...
محمد كان يرمس فالتليفون....
فطامي : زهّــور... شو بلاها سيارة منصور..
زاهره : ما شي.. لييييييييش
فطامي : ما شفتيها.. ما ادري بس لانها شويه بعيد عنا ما اقدر اتأكد
زاهره : ما ادري يوم بيخطف بنطالع
منصور طبعا خطف مسرع .. وكان قابض خط التجاوز وكان يعطي كل اللي جدامه فوول ليت.. خلاف وصل عند اهله.. وكان يمشي ورى احمد ما عطاه فول ليت لا جاوز على اليمين احمد صيح حق اخوه هرن اونه يسلم عليه منصور رد يصيح بس كان بصوت واطي ونفس الشي جاوز محمد اللي كان يمشي جدام احمد على اليمين.. ولا سوا لحد سالفه...
ام محمد : بسم الله عليهم.. اشعنه جيه مسرع
محمد انتبه وهو يرمس فالتليفون انه سيارة منصور شي بلاها...
وعقب ما سكر اتصل باحمد..
محمد : شفت في سيارة اخوك شي..
احمد : لا شو.. ما انتبهت.. نرمس...
محمد : ما ادري انتبه من صوب منصور...
احمد : شو اتهزر
محمد : ما ادري ما انتبهت مسرع كان..
احمد : ما عليه بشوووفه
محمد : ما عليييه..
ام محمد : قوله يعطيني امه اباها... اسويلها ويعطيني مغلق
محمد : احمد
احمد : عونك
محمد : عانك ربك.. عطني امك الوالده تباها
احمد : ان شاء الله..
ورمست ام محمد ختها.....
وديمه : ما بتوقف عشان اركب فيا هليه
منصور ما رد عليها....
وديمه : ارمسك.. وين بتوقفون
منصور : منوه قالج بوقف
وديمه : شوووووه.... امي قالت جيه..
منصور : يوم بتقبضين السكان خلاف رمسي...
وديمه : ما يخصنيه هذم هوب بعيد.. وقف وبنزل وخلاف سر..
منصور : الا في شورج انا...
وديمه : ترانيه ببطل الباب..
منصور : عدالج فيج خيييييير فجيه والله لو طحتي ما اوقف ورفجتج..ما اوقف..
وديمه :عيل وقف .. انا يالله يالله رمت اتحمل لين الحينه..
منصور ما رد عليها خلاها تتحرطم برووحها...
ووصلوا العين قوم منصور قبل اهلهم.. وسار خطف على عبادي...وطبعا وديمه فيااااه... وما نزلوا من السياره يتريوون عبادي يضهر ... موقفين ما راموا ينزلون يدتهم داخل .. طبعافي حوش البيت
عبادي ظاهر وساير صوب منصور.. قبل لا يسلم عليه وقف جدام مدعمية السياره يطالع مكان العفصه..
منصور : ما بتأخر لا تحولين ما فينا على يدووه..
وديمه : تتحرانيه بسمع كلامك.. سوري..
منصور : قسم بالله يا وديمه ان نزلتي لا اتلومين الا عمرج .. وانا حااااااااااااااالف سمعتي....
ونزل وسلم على عبادي... ورمسوا شويه.. خلاف عبادي سار ياب نسيانه وقربه...
منصور سار صوب سيارته وفج الباب..
منصور : نزلي يالله بنسير في سيارة عبادي...
وديمه : لا والله كيييفك انته اتحكم فيه.. مره انزل ومره لااااء
منصور : ما بعيد رمستيه انا.. نزلي لا ايرّج من كشج..
وديمه : افففففففففففففففففف منك....
سكر الباب ولا عبرها.. وفج باب سيارة عبادي ووقف يرمسه...
وديمه متغيضه نزلت بس ما سارت تركب فيا منصور سارة داخل البيت..
عبادي : اوووووه ثره حرمتك فياك..
منصور : هيه ... وينها ما نزلت..
عبادي : نزلت وسارت داخل
منصور : في ذمتك...
عبادي : هيه
منصور : الله يغربلها..
عبادي : استغفر الله... يا خي بلاااااااااك انته.. كله ولا ختيه ما اتهون عليه تدعي عليها...
منصور : يا اخي خذها وفكني منها.. ولا خل رشووود ياخذها... عنيييييده لعوزتنيه...
عبادي : وانته لم ثمك الحينه متسكر وبعدك مسوي لساااان... سر الدختر صوب وافحص... دمانك سبيح.. ما شاء الله ما ادري كيف رمت اتسوق لين هنيه.. وانته تعبان لا وفيك حيل تتحرطم...
منصور : هب هبااااااااااك الله ... عنبوك منوه قالك انيه كنت ارووم قسم بالله تعباااااااااان بس شو اسوي منوه بيينا هناك ونحن في مقطعه.. محمد واحمد عاقين فالزحمه....
عبادي : الحمدلله عسلامتكم والله بردت عظاميه يوم قالوليه...
منصور : الله يسلمك..
عبادي : والحينه ..
منصور : يا اخي هالبنيه امبونيه بنزلها عند اهلها يوم بنوصل لهم بس لانه مسوين حادث ما رمت اوديها لهم متعوره قلت بنسير المستشفى نفحص خلاف بردها لهم...
عبادي : هزرك شي يعورها...
منصور : هيه.. شفتها ماسكه ايدها...
عبادي : اصبر بسير اطالعها..
وديمه داخل وشكلها مضيق وتعباااان وكانت ماسكه ايدها ما اتروووم اتحركها...
اليده طبعا تتحرطم عليها..ولا تدري انها يايه فيا منصور...
عبادي : هووووووووووووووود >>> يستهبل توه ضاهر ولاحد فالبيت غير اليده وميرووه الباقين ساروا..
ام علي عندها عرس سارت فيا حرمت ولدها علي...علي برى البيت.. بو علي واليد ما ردوا من العزبه.. سيف عند ربعه...
اليده : هدا... سيرن ريال يا
ميروه نشت ولانه عبادي..
ميروه : هههههههههههههه صبر يا ريال بتغشى
عبادي : صدق.. جب يالله...
اليده : وااايه توك ضاهر..
عبادي : خلصت شغلي ورديت.. بسرعه صح
اليده : ما شاء الله..
عبادي :ههههه لا اقص عليج ما خلصت الحينه بسير... وديمه اشحالج.. عنبوه خطفتي ولا سلمتي...
وديمه فهمت عليه : ابخيير واشحالك انته..
عبادي : يسرج حاليه... متى رديتوا
وديمه : الحينه..
عبادي : ياحيكم.. اقووول خوج خاري يترياج
وديمه استغربت : منوه
عبادي : حمد
وديمه : خاري...
عبادي : هيه
اليده : وايه هوب توه منزلنج ويوم اتخبرج قلتي سار مستعيل.. واشعنه ما يحدر يسلم..
عبادي في خاطره (( مسكين حالك يا حمد وهقنااااااك... شو بيفججك من عيوووزيه.. ))
عبادي : اميه حمد قال كل ما ايي ما يلاقيج ولا راقده ولا فالعزبه ولا اتصلين جان يتغيض.. والحينه زعلان عليج
اليده : جيييه متى يى هو ثره
عبادي : دوووووووم امره ما يقطعج.. لكن انتي الله يهديج.. قال يوم هي ما تبانيه برايها مسموحه بنت سعيد
اليده : لا منوه يقوله ترانيه دوووم بارزه هنيه وان جان سرت العزبه تراه فياك
عبادي : ما ادريبه.. يقول يتصل لج ما اتردين.. يوم ايي يقولون له راقده ولا اتصلي ولا محد.. اتغيييض قال ثرها ما تبانيه
اليده : يعلني افدااااااااااااه الغويلي.. لا لا ازقره قوله يدتك اتحبك اكثر عنهم امره بلاااه ما تسون شي عنديه..
عبادي : افااااااااااا يا العيووووووووووووز... والله هاي رمستج.. ثرج الا اتقصين عليه يوم اتقولين ليه غااااااالي الا عشان اوديج مساجن..ما عليه ثره الغلا كله لحمد وانا والباقين لنا الفضله.. ها ان شفتي ويهي مره ثانيه خلي حميّد ينفعج ويوديج مساجن ولا غمض.. ما عليه
وضهر اونه زعلاااااااااااان
اليده : تعاااااااااااال فديتك... منوووه قال كلكم غااااااالين...
عبادي ما رد عليها اونه زعلان ومناك ميت ضحك على يدته..
اليده فرت عصاها على ميروه : سيري زقريه مسودة الويه شو ميلسنج هاااااااااااااااااااااه
ميروه : ههههههههههههههههه اطمش...
اليده : واااااااااااااااايه يعلني ما احلمج...
وديمه ما تضحك تبتسم عادي
منصور يتريى خاري (( عنبوووه شو بطاه.. لا عادي اكيييد ما طاعت ويالس يحايلها... برايها جان ما تبا انا والا هيه.. والله تعبان حتى ما ارووووم.. اترىى اكثر... لاااااااااا حوووووووووول ))
عبادي (( اووووه نسيت بدال ما اضهرها يلست اتغااايض ويا عيوووزيه فديت خشمها.. ))
عبادي سار صوب منصور ولقاه مغمض عيونه وراكب السياره
عبادي متروع : منصووووووور
منصور فج عيونه بس ما حرك راسه : ها
عبادي : اشوى اتحريتك مت
منصور : اذا ما سرت الدختر قريب بمووت
عبادي : الله فاااااااال خييييير.. جب... يالله نش
منصور : وينها..
عبادي : منوووه
منصور : وديمه
عبادي : ما قلت لها يدووه هناك اتغايضت فياها وزعلت عليها وييت
منصور : عبيد والله تعبااااان انا قسم بالله ما ارووم احرك عظم واحد من يمبي ازقرها خلني اسير ما ادري بروم اوصل الدختر ولا لاء >>> وكان بصوت واااطي
عبادي : يا اخي ما بطيييع وانا ما اروم اقول جدام العيوز انك تترياها
منصور ما رد عليه
عبادي : شو رايك انسوي لحمد وانخبره
منصور ما رد عليه
عبادي : منصوووور.. منصووووووور.. >> اتروووع وجان يتصل بحمد وقاله ايي بيتهم مسرع...
وطبعا حمد عرف السالفه كلها ويى خلى ربعه وظهر من الستار بوكس ونهي صوب بيت يده..
حمد نازل من السياره بسرعه..
عبادي : الحق حمد
حمد سلم عليه عالسريع : بلاااه ما يرمس..
عبادي : يا اخي الضربه يايتنه في راسه والله يستر..
حمد : قم خلنا انشله وانوديه الصوب الثاني..
شلوه وودوم الصوب الثاني وسدحوا الكرسي... منصور يحس بهم ويسمعهم بس تعبان ما يروووم يرد عليهم..
حمد : وينها وديمه
عبادي : داااخل
حمد : ما عليه بند سيارتيه وقفلها وشل السويج خله عندك وانا بسير اييبها..
عبادي : ما عليه...
حمد وهو هابط هوود عالسريع وسلم على يدته ولا رمس حد ما قال كلمه لا اشحالكم ولا شي ولا رد على حد
حمد : وديمه يالله قووومي >> كان شكله واحد مستعيل وطريقته اتروووع اتقول شي مستوي..
اليده : فدييتك واشحالك الغالي عنبوه ما اتسلم..
حمد :ابخير.. )) وطنشها (( .. قووووومي انقفضي...
وديمه قامت وسارت فيااااااه وضهروا وخلوا اليده وميروووه في حيره
اليده : الحقي ثره صدق زعلااااااااااااان
ميروووه : هيه والله
حليله حمد ما يدري بالسالفه بس متروع على منصور وعلى اخته اللي قابضه ايدها وماسكه عيونها عن لا ادمع بسبب الالم...
سار حمد وشل اخته وركبوا في سيارة عبادي وساروا صوووب تواااااام.. عبادي ركب سيارة منصور عقب ما قفل سيارة حمد.. وسار صوب ثااااني...
وصل الخبر ام محمد اللي بدورها وصلته ام سعيد.. وانتشر الخبر بين عايلة بو سعيد وبو محمد بس.. محد غيرهم يعرف ابد....
حمد وداهم الدختر وهناك فحصوووهم وصورهم.. واطمنو عليهم.. منصور لفوله راسه وايده ووديمه لفولها ايدها من الرسغ بس لانه هناك عند المفصل يعورها منصور ايده لين الكووع مربوووطه.. وحطوا لمنصور مغذي ورقدووه شويه خلاف ضهرووه.. وردوا البيت..
طبعا فاليوم الثاني ذبحوا على سلامتهم ووزعووه من غير العزيمه عزموا يرانهم وربعهم طبعا الرياايل اما الحرمات طرشوا مايوبهم للبيت....... من ذاك اليوم منصور ما شاف وديمه ولا شياته
عقب اسبوع من السيره وديمه كانت يالسه فالخيمه اللي خاري تدرس عليها بحث فالعربي واتسوي بطايق وحاله والخيمه فوق تحت بسببها... كان الباب زجاجي.. ويالسه برووحها...
منصور كان كان ياي صوب بيتهم عشان امه مطرشتنه ونزل يسلم.. وديمه شافت راسه مربوووط.. اما ربطة ايده فجووها..
وديمه (( يالله مخيس ذاك اليوم كان خاااايس.. يا ربيييييييه... طالع شكله كيوووووت يوم رابطين راسه القصه شالينها فوق.. يالله.. احسلي اكمل هالاستاذ لعوزنيه يمكن باجر اابسن عن كلاسه ما خلصت البطايق وهو قايل باجر اخر يوم للتسليم.. صح ليش ما اتصل لفطوووم اطالعها شو سوت... اصلا المفرووض القرووب مع بعض يسلم ويمكن هيه خالصه.. اففففف مستويه مهمله ... ))
••.•°¯`•.••••.•°¯`•.••••.•°¯`•.••••.•°¯`•.••••.•°¯ `•.••
فالحفظ لو داع دار الطيبيـــــــن
يعل تسجيه المخايل والمــــزون
منهطل وبل السحاب الموشــلين
ليلتن فيها الملا مـــا يهيــــعـون
تصبح الغدران وابـــها جانــفين
العذارى يكشف الكنز المخزون
درتن فيها محب اللي ضـــــنين
عالين شانه وعندي ما يهــــون
••.•°¯`•.••••.•°¯`•.••••.•°¯`•.••••.•°¯`•.••••.•°¯ `•.••
عقب قرروا العرس ايكون في اجازة نص السنه.... وديمه انصدمت بهسرعه... يعني اخر يوم فالامتحانات في نفس اليوم بيكون العرس
خطفت الايام وديمه اتحاول اتشل فكرت انه العرس كل ما يمر يوم يجرب منصور عادي ولا همه.. حتى انه ناسي انه وحده مالج عليها..
مره كانوا يحووطون فالموول
عبادي : عنبووووووووك مالج وعرسك مقرب وانته بعدك اتغاااازل..
منصور : اووووووهوووووووووو يا خي كنا ناسين والحينه ذكرتنا..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك