رواية بالهداوه يا دوا المشتاق خذني بالهداوه -30
النيره : عوذ بالله من هالطاري... شو هالرمسه .. ودووووووووووم
ودوم : هيه المفروض اتعزيني مب اتباركين لي..
النيره : الله فال خير عقب هالفال..
ودوم : والله اتحريتج اتباركين لي عسب الجامعه ما خطر هالشي فبالي...
النيره : اوكيه وعشان هذا بعد
ودوم : النيره.. راشد يدري انه منصور بيملج عليه..
النيره : لااااااا والله يستر... بس
المهم تمن يسولفن...
يوم الاربعاء قبل يوم الملجه بيوم..
ودوم ميته من الصياح وخايفه وهوب طايعه تاكل عشيه ابد من الضيقه اللي فيها... منصور بالمثل... ساير بروحه وراكب سيارته وناهي صوب العرقوب يفكر... يوم.. واااااحد بس... يوم واحد يفصل بينه وبين الملجه ... يوم واحد بس يفصله عن اتكون ودوم حرمته على سنة الله ورسوله...مجرد يووووم وبتستوي حرمه على ذمته.. يالله يا الدنيا... تم يفكر ويسترجع الذكريات اللي مضت وما يعرف شعوره ابد... عبادي يتصل عليه.. لكن منصور ما يرد... حمد يدق ونفس الشي... ربعه يدقون وبالمثل.. الكل يدق لكن ما يرد على حد...
في بيت عمير...
راشد درى بالسالفه وانصدم..
راشد : شووووووه... شووووووووووووووه.. شوووووووووووووه...
ام خليفه : باجر ملجت بنت عمتك ودوم..
راشد : ليييييييييييييييش... لييييييييييييييش... وحالهم... بهسرعه... خيييييييبه... لييييييييييييييييييش
ام خليفه : شو بعد ليش..
راشد : انا اباها .. امايه انا اباها
ام خليفه : اشعنه ما رمست من قبل.. خلاااص الحينه المفروض تتمنالها الخير..
راشد : خيبه اتمنى لمنصور الخير.
ام خليفه : وااااايه التراب... شو هالرمسه بعد..وبعدين العرس نصيب... وانته مالك نصيب فيها..
راشد : كان لي بس منصور يعله النفاد..
ام خليفه : اص صه.. استغفر ربك عهرمسه...واشعنه تدعي على ولد عمتك...
راشد طنشها وركب وسيارته وطار صوب بيت عمته...
منصور بعد كان مضيق ويبا يسير بيت قوم عمه سلطان يبا يرمس حمد...
ام محمد و بو محمد كانوا سايرين عند يرانهم.. لانهم.. يايين من العمره وشالين لهم قهوه اما محمد خاري يحوط...
وفالبيت محد الا ودوم وفطامي ومنصوري والبشكارات.. حمد بعد توها ضاهر عنهم... فطامي ومنصوري يالسين فوق ... منصوري في حجرت الالعاب بيث يالسه اتعشيه.. فطامي اترمس اربيعتها على المسن في الصاله اللي فوق.. ودوم يالسه تحت فالصاله اطالع فلم.. ومنسدحه.. اتحاول تهدي من عمرها...شوي ولانه الباب يندق..
ودوم : بيييث.... ربيييكا.... ربييييييييكااااااااااااا.... لييييييييييييييين....ربيييييييييكااااااااااااااااا ااااا..
ربيكا : نعم..
ودوم : طالعي منوه عند الباب..
ربيكا : اوكيه...
وسارت وفجت الباب ولانه.............,,,,
راشد : اسلام عليكم..
ربيكا : عليكووم السلام..
راشد : حد هنيه...
ربيكا : مدام ما في موجود سير مع بابا...
راشد : منوه هنيه عيل..
ربيكا : بنات و منصوري..
راشد : بس... محد غير..
ربيكا : يس سير...
راشد (( وهذا المطلوب. )) : انزين وديمه وين..
ربيكا : هير..
راشد : زقريها.. يالله بسرعه.. )) ودخلته قبل الميلس وخلاف سارت ((
ودوم : منوووه ؟؟!!!!!!!!!!!
ربيكا : أي دونت نوه هز نيم... >> اونه ما اعرف شو اسمه...
ودوم : غريبه كيف عرف اسميه ومنوه هذا...؟؟؟ ربيكا هي از فروم فاميلي.. >> اونه هو من العايله..
ربيكا : يس
ودوم : منوووه...؟؟!!!! )) وسارت الميلس وهي متغشيه ((
ودوم : السلام عليكم >>> ما تدري انه راشد..
راشد كان يالس وعلى اعصابه.. يوم سلمت نش.. وكان شكله تدل على ان حالته حاله.. السفره على الجتف والشعر طويل ومخترب شويه وعيونه حمر..
راشد : عليكم السلام..[ b
<<<< يتبـــــــــــــــــــــــع
وفالليل....
الكل يالس يتعشى.. وديمه قالت ما تبا عشى ولا نزلت... وعقب العشى الكل يالس فالليوان الا بطلت قصتنا..
ام سعيد : زين جيه ما اتعشت..
ام محمد : شو انسويبها هاذي حالتها ويانا .. ما اطيع تاكل...
ام سعيد : ما يصير جيه.. عنبوه ابونها الا هيه مناك.. هوب من متنها..
ام محمد : وينها هي الحينه.. سلامي...
سلامي : فوق يالسه فالحجره..
ام محمد : شي فيها.. تعبانه ..
سلامي : لا..
ام محمد : عيل شو ميلسنها فوق.. مضيجه ولا شي
سلامي : لا عادي... بس اتقول راسها يعورها.. وتبا ترقد من وقت اليوم >>> وطالعت منصور بنظره
منصور طالعها وفي خاطره (( هاي شو اطالع بعد ويا نظراتها ))
وعالساعه 12:30ص ............ ساروا يرقدون... منصور يوم سار فوق كانت سلامي بس يالسه فالصاله اطالع فلم... والكل في حجرته..
منصور : حوووه انتي..
سلامي ما ردت عليه
منصور : حووووووووووه.. سلامي..
سلامي الحينه لفت ويها : حوووه انتي مالها اسم يعني.. ولا يونك ما اتعرفه
منصور ابتسم : انزين فكينا... وين حجره فاضيه..
سلامي : هذيج ....>>> اشرتله على الحجره اللي عدال حجرتها هي ودوم لانه فوق 4 حجر.... حجره فيها النيره واحمد.. والحجره اللي عدالهم على نفس السيد فيها فطامي وزاهره.. والحجره اللي عالطرف الثاني وعدال الدري فيها سلامي وودوم.. وحده ثانيه عدال حجرة قوم سلامي يعني باب قوم سلامي وباب الحجره عدال بعض.. لكنها مجابله للدري وللتوضيح اكثر... الحجرتين بابهن عند زاويه مربع البيت
انزين اما تحت حجرتين.. متجابلات عند المدخل.. وحده فيها ام محمد وام سعيد ومنصوري.. والثانيه فيها محمد.. ومحمد بغى تحت عشان النيره تاخذ راحتها فوووق.. كان منصور يروم يسير يرقد فيا محمد.. بس حركااات لو هب يبا يغايض جان عادي يرقد عند محمد.. اصلا محمد عزم عليه لكن المغايض يبا حد....
منصور : اقول منو فيهن هالحجر
خبرته سلامي منوه فيهن الحجر ويوم وصلت صوب حجرتها
منصور : وهاي الحجره اللي عدال حجرتيه
سلامي : حجرتيه انا وودوم....
منصور : لاااااااااااا حووووووووووول >> اونه عاااااااااااااد
سلامي :دخيييييييييلك.... تبا ترقد سر..
منصور : شو اطالعين...
سلامي : فلم رعب..
منصور : والله شو البطل
سلامي : طررررررررر
منصور : هيه ادريبج خليتي ريال ما حبيتيه يا الماصخه >>> يغايض تراها ما اتخلي حد ما اتحبه من ممثلين وممثلات ومغنين.. حاااله هالبنيه...
سلامي : والله العظييييييييم ما احبهم.. بلاااااااااك جيه
منصور : عليييييييينا....
سلامي : اصكت.. خلنا نسمع...
منصور... سار وحط مخده تحت وانسدح مجابل التلفزيون .. سلامي سارت وانسدحت على الكرسي..
سلامي : تبا تشي ناكل ولا كووولا..
منصور : هبي توج متعشيه.. لا ما ابا بعدين ما بروووم ارقد
سلامي : انته شو دراك.. نحن جيه يوم فالليل اتكون وجبه ثانيه... خاصه يوم انطالع افلاااام او شي
منصور : اشششششش... ابا اطالع..
سلامي : اووووونه...
طبعا الكل راقد وكانوا مبندين اللتات.. الا سلامي ومنصور مندمجين ويا الفلم.. وماشي ليت الا ليت التلفزيون
سلامي صدق صدق متأثره بالفلم.. منصور يطالعها وميييييييت ضحك عليها..
منصور : شو هالخبله.. الله بلاني باخت غبيييييييه... كل العرب عندهم خوااااااات عدلات الا انا معوايه
سلامي كانت مغطيه ويهاا بالمخده لانه في جتل ودمان صبيب : جب انته.. ما يخصك تحمد ربك عندك قمر والماس نادر شراتيه... مالت.. حتى ما اتعرف اتقيم الشي
منصور : مالت علييييج الا انتي...ههههههههههههههههههه
وكملوا يطالعوووون ومستمتعين... وكانت الساعه تقريبا 3:51ص
وديمه كانت راقده ولابسه بجامه.. نشت ولا لقت سلامي... (( شو بطاها هاذي بعد.. من كثر الرقاد اللي فيه رقدت على الكرسي... ويا ويها ابا ارقد ابا اقفل الباب.. لا حوووول.. )) طالعت الساعه (( خييييييييبه الحينه بتوصل اربع ونص ولا بانت.. مستحيل لين الحينه كلهم واعين..بسير اطالع.. المشكله ما اسمع صووووت....))
سارت وفجت الباب.. شافت الليات مبنده.. شوي ولانه ليت خفيف مثل ليت التلفزيون..
وديمه (( مستحيل رقدت بقعه ثانيه... كيييييييف. ))
المهم هي كانت واقفه على باب الحجره اتفكر.. ويوم شافت الليت الخفيف سارت صوبه وهي بالبجامه بس كانت لابسه شيله صلاه طويله... شافت ثنينه رقووود.. ما عرفتهم منوووه اتحرتهن زهووور وفطامي.. مشت شويه ولانه وحده على الكرسي اسمها سلامي حضرتها راقده منيه ومخليه ودوم تترياها عسب يقفلن الباب.... والثاني منوه ؟؟؟؟؟
شافت ولانه منصووور راقد بعد..
وديمه (( هذيلا شو مرقدنهم منيه....)) وسارت اتوعي سلامي شوي شوي ما تبا منصور يسمع..
سلامي يوم نشت ما انتبهت انها راقده على الكرسي.. يت بتنجلب جان
طااااااااااااااااااااااااااااااااااااااااااااااخ طااااااااااااااااااااااااااااااااااااااااااااااااا ااااااااااااااااااااخ
شووووووووو اتسوى تتوقعووووووووووووون
اطيح من على الكرسي..
سلامي بصووت عالي : بسم الله
ودوم ماااااااااااااااااااااااااااات من الضحك... وخلاف مسكت عمرها عن لا ينش منصور ويطالعها...لكن عقب شوه عقب ما اتخرطفت وطاحت وطبعا يوم اتخرطفت لانه يوم طاحت سلامي وديمه ردت على ورى ومااتت ضحك وما انتبهت على منصور اللي منسدح وجان تتخرطف فيه واتروعت.. منصور اتروع ونش... بس ما درى انه وديمه هي اللي اتخرطفت
منصور و فيه رقاااااد : حوووووووووووووووه.. عنبوج ما اتشوفين
سلامي بروحها طايحه : هااااااه >> مدوخه
منصور : بقره اتقولين هاه..
سلامي : انزين .........)) وردت اتكمل رقاااد ((
منصور : خبله هالبنيه....)) ولف ويهه وكمل رقاد هو بعد....
وديمه مااااااااااات ضحك عليهم لو انها متغيضه من منصور.. بس الموقف يضحك.. ولا حسوبها...
سارت صوب سلامي اللي طايحه وحاولت اتوعيها مره ثانيه...
سلامي : عوذ بالله شو جيه.. >>> لبنيه دهمانه وفيها رقاااد ما اتعرف شو يالسه اتقول ومتغيصه
وديمه : سلامي قومي رقدي داخل شو اتسوين هنيه
سلامي : وين؟؟؟
وديمه : ما شي.. سيري رقدي
سلامي : لييش >>> ما اتعرف شو ترمس لووووووووول
وديمه : لا حوووول.. انزين قومي انا بوديج... بس صبري طشونه
وسارت وبندت التلفزيون... وخلاف سارت عند سلامي وقالتلها اتوعي خوها عشان يسير يرقد عن يقومون الصبح قوم احمد والنيره ولا فطامي وزاهره ويتروعن ويطيحن ما يشوفن.. لانه فوق صاله صغيره امره عند الحجر اللي فيها قوم احمد وقوم فطامي...
سلامي صحصحت طشونه وسارت اتوعي اخوها عقب ما دخلت وديمه داخل..
منصور نش وسار صوب حجرته وسكر الباب ورقد سلامي بالمثل
المووووهيييييييييم
فاليوم الثاني قرروا يردون دار الزين وكانوا قايلين انهم بيتحركون عقب صلاة العصر.. لكنهم ضهروا عقب صلاة المغرب لانه محمد واحمد رقدوا العصر ولا نشوا لين قرب المغرب ويوم نشوا راسهم يعروهم وتعابا تدرون رقاد العصر يقولون هوب زين.. الا مرض.. عاد ام سعيد قالت ما باقي شي عن المغرب بيصلون خلاف بيضهروون..
سوت البشكاره جاهي حليب وشربوا وخلاف اذن وساروا يصلون.. منصور صلى امره وضهر ما اترى حد يبا يحوط شويه يطالع خلاف بينهس صوب داره... دار الزين..
وديمه كانت فوق في حجرتها اتصلي ... الكل مستعد ولابس نعاله ويركب السياره... وديمه بعدها داخل.. ما ضهرت.. اصلا ما تدري انهم ضهروا..
ام محمد وفريجها ركبوا السياره واتحركوا.. اتحيد بنتها تبا تركب فيا قوم خالتها.. لانه سلامي والنيره كلهن هناك وتبا اتسولف.. اما زاهره فسارت فيا قوم ام محمد.. عربنا.. كلن ركب سياره واتحركوووا لكن بنتنا وبطلة قصتنا بعدها فالبيت صلت وخلصت ويلست اترمس اربيعتها... وساااااااااااروا عنها.... ساروا صوب العين...
يحليلها ام محمد تتحرى بنتها فيا قوم اختها... وام سعيد تتحرى وديمه عند اهلها..
وديمه في خاطرها (( شو هذا قالوا العصر بيردون العين ولين الحينه ما اتحركوا بسير اطالعهم... اتاخرت جنيه عليهم.. بيقولون هب صلاه هذي ))
طبعا وديمه وديمه يوم سارت اتصلي كانوا يدرون انها اتصلي لكن دقت شميم ويلست اترمسها فالتليفون وعقب ما سكرت عنها اذكرت وديمه انهم بيردون العين ... سارت على طول ونزلت تحت وشلت شنطتها مالت الايد عقب ما اتعطرت واتكشخت عالسريع لو انها من قبل مزهبه عمرها ومتكشخه.. وهي عالدري
وديمه (( خيبه ما اسمع لا صوت ولا حس... ليكون ضهروا برى.. وانا اموصيه سلامي تزقرنيه... الحينه بيتغيضون عليه.. بسم الله.. وينهم.. مبندين كل شي افففففففف حر...))
شوي ولانه ما شي سيايير اتروعت ما رامت تضهر خاري.. تدرون العرب حاطين في بيتهم بيدار يحرس البيت ويسقي الزراعه ويوم ايون يطبخ لهم.. وديمه ما عرفت شو اتسوي ومب مصدقه ولا يتها فكرة انهم ساروا عنها ونسيوها لانه مستحيل هذا يستوي... عاااد تدرون الشيطان شاطر في هالمواااااااقف... خلى الافكار اللي اتروع اتجول في راس وديمه.. من كثر الروعه الحينه فكرة انه يمكن ساروا عنها بس كييييييييييييف هذا اللي مب قادره تستوعبه ... هي ما رامت تتحمل على طول اتصلت بامها
وديمه متروووووعه : اماااااااااااااااااااااااااااااااااااااااااااااااا اااايه
ام محمد : مرحبا الغاليه.. بلاج
وديمه : ويييييييييييييييينكم >>> شوي وبتصيح
ام محمد : ويديه شو بعد نحن وين.. ترانا جدامج ما اتشوفينا..
وديمه : وين جدامي.. انتوا سرتوا
ام محمد : بسم الله عليج.. شو بعد سرنا.. ترانا فياكم نمشي فالشارع
وديمه : يعني ناهيين صوب العين
ام محمد : وديمه بلاااج
وديمه هنيه صدقت انهم ساروا عنها : ماااااااااااماااااااااااااه.. يعني انا ابروحي فالبيت
ام محمد متروعه وشوي وبيوقف قلبها :لاااااااااا لاء
وديمه : والله... يااااااااااا ويلييييييييييييي
ام محمد : صدق وال اتسوين سوااالف
وديمه هنيه صدق صدق صدق صدق ماااااااااااااااتت من الروعه : قسسسسسم بالله
ام محمد مب الااتروعت الا مااااااااتت من الروعه وجان ما ياها انهيار عصبي من الروعه على بنتها
ام محمد : انتي ما سرتي فيا خالتج
وديمه : ما سرت فيا حد.. اماااااااااااااااااااااايه.. خيبه
ام محمد ما عرفت شو اتسوي زاااااااغت : حبووبتيه سيري فوق وقفلي على عمرج ولا اتسوين صوت ... الحينه نحن رادين صوبج ولا اتفجين لو حد دق عليج ويوم بيي بسويلج فجي عنيه
وديمه اتصيح : ان شاء الله
ام محمد : فديت روحج لا اتصيييييحين
وديمه : انزين... )) وخلاف سكرت عن امها ((
شوي ولانه وديمه اتشوف البيدار ياي صوب البيت يبا يطالع جان الكهربه مشتغله بيبندها وبيقفل البيبان اتعرفووون الباب من زجاج عشان جيه رامت اتشوف اللي برى.. اقولكم يوم شافته سارت تربع فوق متروعه وقفلت على عمرها الباب وتمت يالسه فالزاويه اتصيييييييييح
ام محمد اتصلت بأم سعيد اتخبرها وتبا تتأكد يمكن وديمه اتغايضها...طبعا عقب ما خبرت محمد اللي اتروع على اخته وطار بالسياره عشان يلحق على اخته.... خاصه انهم كانوا قابضين طريق (( بوظبي – العين )) وكان يدور اقرب جسر عشان يرد منه.. عقب ما عرفت ام سعيد اتروعت على وديمه والكل اشتغب من وديمه... ام محمد يلست اتصيح واتلوم عمرها عقب شافوا زحمه ويوم اتقربوا ولانه شرطه وحشره ثره مستوي حادث (( الله يكفانا شره )) وحده من السيايير لكبار معترضه الطريق والسياره الثانيه عدالها والعالم والزحمه فيمكن يتأخرون على ودوم ماشي بقعه عسب يخطفون منها ام محمد هنيه ماتت من الصياح محمد اتغيض من الخاطر ونزل يرمس الشرطي لانه يبا يخطف لكن حتى لو رمس كم سياره جدامه ام سعيد اتروعت على ولدها ما ادله ولا رمسته من يوم ضهروا من البيت
ام سعيد : وينك انته
منصور : هههههههههههههه مرحبا الوالده
ام سعيد : مرحب باجي.. وينك
منصور : بعدنيه صوب الباهيه والشليله احوووط
ام سعيد : ثرك ما نهيت صوب العين
منصور : لا
ام سعيد : اشوى اتحريتك نهيت
منصور : لااااا.. وليش شو المستوي
ام سعيد : حاجث كفانا شره عاد اتروعت عليك احيدك مطفوووخ
منصور : هههههههههههههههههههههه حرام عليج.. محد اغير عني في السواقه
ام سعيد : هيه ما عليه... اقول برايك خالتك تتصل برد عليك
منصور : مرحبا..
ام سعيد : مرحبا ختيه
ام محمد : مرحب لاهان.. الحقي ختيه شوفي..
ام سعيد : تعالي.. منصور بعده هناك صوب الباهيه بخليه يخطف وايبها.. ما عليها فياه الحينه ريلها..
ام محمد : لا برايه نحن بنرد لها
ام سعيد : بخبرج انتي وين بترومين تضهرين من هالزحمه ما اتشوفين جدامج
ام محمد : ما عليه
ام سعيد : لا هوب ما عليه.. لبنيه بروحها والله يعلم متى بنتتفجج ومن هالزحمه.. وبعدين ما عليها باس فيا منصور
ام محمد : هزرج... لكن
ام سعيد : شو بعد هزري.. هيه لو هوب الحايه ما طرشناه صوبها الحينه انتي اتشوفين الحااال ومتى بنضهر من هالزحمه.. وما عليها شر.. ريلها وهي حرمته خلاص املجووو
ام محمد : شو اقووول.. ما عليه خبريه خليه يتلاحقها ويسويلي عشان يطمنيه... عاد بتشطينه لا خليييت منه
ام سعيد : لا بشطه ولا الله قاله...وان شاء الله برايج عيل بخبر بتلاحقها...
ام محمد : فمان الله ...(( ام محمد خبرتهم اللي عندها فالسياره انه منصور بيخطف اييب ودوم تبا اطمنهم ))
ام سعيد : ها الغالي..
منصور : مرحبا
ام سعيد : بويه رد البيت اللي كنا فيه
منصور : ليش.. نسيوا شي من لقشار
ام سعيد : هيه الغالي نسينا وديمه بنت عمك هناك بروحها
منصور مستغرب : كيف بروحها هب وياها هلها
ام سعيد : لا ابرحها هناك..
منصور : كيف جيه
ام سعيد : لا اتخبر واااايد لبنيه بروحها هناك والبيدار هناك
منصور : ما عليه الحينه ساير لها.. )) وسكر عن امه ((
واتصلت ام سعيد بام محمد اتخبرها... ام محمد بدورها اتصلت بودوم تطمن عليها واطالعها.. وما خبرتها انه منصور بييها لانها ما بطييع ولا حبتا تقولها انهم عالقين في هالزحمه عشان ما اتروع.. وعقب ما سكرت عنها امها الباب كأنه حد يحاول يفجه لكن ما رام لانه مقفووول.. اترووووعت
منصور توه وااصل البيت ونزل مطير داخل البيت خاصه انه شاف الباب مبطل اتروع ... وطبعا هو سوا لامه يتخبرها وديمه وين وقالتله انها فوق فالحجره اللي عدال الدري وهو يدلها طبعا
سار وهو يالس يركب الدري ثلاث دريات مع بعض عشان يوصل بسرعه ويوم وصل لقى البيدار يحاول يفج الباب >> ما يدري البيدار انه حد داخل
منصور : شو اتسوي >> متغيض
وديمه كانت تسمع اصوات ماااااااااااتت من الزيغه زين ما اغنى عليها
البيدار : يريد يفتح باب هدا حوجره
منصور : سر خاري في نفرات داخل
البيدار : لا نفر سير
منصور : ما عليه سر بشوووفك... ساروا ولا بعدهم..يوم بضهر سوو اللي تباه
البيدار تم واقف يطالع منصور بنظرات ما يبا يضهر... لكن لو حد غير عن منصور جان اضارب البيدار وياه لانه البيدار محرسينه العرب على بيتهم...
منصور : شو اتريىى اضهر...
البيدار مشى شوي شوي ونزل تحت
منصور يوم شافه سار ..دق على وديمه الباب.. طبعا ما ردت عليه ولا فجت الباب
منصور : وديمه فجي الباب انا منصور..
وديمه ما صدقت..
منصور رد يدق الباب : لا اتخافين انا منصور.. حتى طالعي من الدريشه بتشوفين سيارتيه
سارت وايقت من الدريشه وشافت سياره بس لانه ظلام ما رامتت تتأكد اذا الرنج ولا غيرها.. وجان تتصل بأمها.. اتخبرها..وطبعا ردت عليها امها انه منصور هو بييها.. ولازم اتبطل عنه الباب ... منصور كان يدق واتروع خاصه انه محد يرمس ولا سمع صوت ولا حس ولاحد بطل عنه الباب
منصور : وديمه فيج شي.. بكسر الباب ترانيه اذا ما فجيتي
وبعده ما كمل كلامه يسمع مثل فج قفل فارتاح وفجت الباب منصور طالعها
منصور وزعلان من سالفت ذاك اليوم : ليش يوم ادق ما فجيتي الباب
وديمه : كنت متروعه
منصور : شي ياج >>> طبعا بطريقه غيض وزعل وكرهه
وديمه : لا
منصور : انزين يالله تعالي تحت
وديمه : انزين صبر... )) وسارت دااخل عشان اتشل شنطتها .. منصور دخل فياها بس عند الباب كان واقف وظهرت ونزلت تحت وقبل لا يضهر من باب البيت
منصور : ياالله شو اتريين بسير انا
وديمه : وين
منصور : الدكان.. وين بعد العين
وديمه : اسفه ... وين ابا اسير
منصور : وشو اتريين.. بتيلسين شو اتسوين
وديمه : ليش انته هب ياي تيلس فيايه لين ما ايون قوم امايه
منصور : لااااااه >> يطنز..... قومي يالله ما بترياااج انا موقف ورانا درب...
وديمه : اسفه ما بسير فياك
منصور : بتمين بروحج هنيه برايج.. هلج ما يروومون يردون ماسكتنهم الزحمه مستوي حادث .. بتين يالله ما بتين ذلفي يلسي بروحج..
وديمه : جذاااااااااااااب..
منصور : جذاااااااب انزين...)) مسك تليفون واتصل بخالته وخبرها ((
منصور : دوووج
وديمه : شو..
منصور : رمسي امج
وشلت التليفون ورمست امها اللي قالت لها اتسير فيا منصور .. رمستها خلاف سكرت عنها ومدت ايدها تبا تعطيه تليفونه شله منها عقب مامسك صبوعها متعمد
منصور : ها بتيلسين
وديمه ما ردت عليه
منصور لبس نعاله : يالله انا ساير...
وسار صوب السياره وركب .. وديمه تمشي شوي شوي مب متخيله عمرها بتسير فياااه ويالسه تنتفض ومستحيه وفي نفس الوقت تكرهه
سارت وفجت الباب اللي ورى عشان تيلس هوب ورى منصور.. لا الصوب الثاني.. سار وقفل البيبان متعمد وفج الدريشه اللي عداله جدام
منصور : تبين ركبي منه..
وديمه : ما بركب.. ابا ورى
منصور : جييييييه شايفتني دريول بتركبين ورى هاااااااه
وديمه : فج الباب انا جدام هب راكبه
منصور : والله ما افجه
تمت وااااقفه 10 دقايق متروعه ما تبا تركب عداله تستحيي...
منصور : بعدج مطوله..
وديمه سارت فجت الباب ومدت ايدها تبا اتفج القفل عشان تركب ورى منصور شافها وجان يمسكها ما ايدها...
وديمه مطت ايدها منه..
منصور : والله ما تركبين ورى
ودوم : عيل انا هب راكبه جدام..
منصور : ليش ان شاء الله ليكون فيه اليرب وانا ما ادري
وديمه : لا والله.. ليكون اتحراني صايعه ولا ماصخه ولامن هالخايسات عشان اركب جدام عدالك >> نست انه ريلها
منصور ابتسم على رمستها : اووووووووووه تدرين نسيت انج حرمتيه >>> يطنز...
وديمه استحت..
منصور : ما بترياج وايد يالله اركبي..
وديمه تمت بعدها وافقه
منصور : يالله شو هالبلوى.. اركبي لا انزلج الحينه..
وديمه عاندت وتمت وافقه ليش يقولها بلوى خلاف ركبت وغصبن عنها وتمت لازقه فالباب وهب يالسه على الكرسي زين اونها ما تبا عداله... منصور ولاهمه اصلا وكان مطنشنها ولا جنها موجوده عنده فالسياره
المهم سار واتصل بخالته يطمنها انه وديمه عنده وخلاها اترمسها..
وقبل لا يوصلون طريق بوظبي العين سار وقفل الباب وديمه زاغت
منصور بدون ما يطالعها يطالع الشارع : اخاف اطيحين من كثر ما كل ساعه واضكين صوب الباب >> يطنز
وطبعا ودووومه لا جواااااااااااب
عقب ما قبضوا الخط (( بوظبي العين )) محد منهم رمس الثاني وعم الهدوووء في سيارة منصور.. ومنصور امررره مسى انها وياها وكان بفكر بشي ثاااااااااااااااني... وديمه مخها فاضي ما اتفكر في شي غير تنطب الحظ اللي خلاها تركب ويا منصور ... شوي تليفون منصور صاح وكان اربيعه سعيد.. يلس يسولف وياها ويضحك ويطنز وعاااااااااااادي... ريلااااااااااكس اما لبينه يا حليلها على ناااااااار يالسه من الضيجه تبا توصل وتفتك... منصور يسولف حاط ايده اليمين على الثلاجه وديمه ملزقه عمرها فالباب كما الصوره في اليدار.. يحليلها.. عنبوه لو بعده ما املج عليها شو بتسوي...
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك