رواية بالهداوه يا دوا المشتاق خذني بالهداوه -29
الضحى....
اليده يالسه فالليوان.. تتقهوي...
اليده : عبيد...
عبادي : يا لبيه..
اليده : لبيت حايه.. قم بسير فياك غمض..
عبادي : وين تبين عيوزيه..
اليده : عيزن ركبك مسود الويه.. قم بشوفك عن هالانيلاغه )) ميلوغ = منسدح ((..>> تراه كان منسدح ويطالع فلم..
عبادي : هاه عيوزيه بلاج..
اليده : ايهاااااااا.. ثرك ما تنصر عن هالرمسات المخالفه..
عبادي : مخالفه.. انزين عطيها مخالفه بدفع عادي هااااااااااااااااهااااااااااااااييييييييييي اسميني سوااالف
_*
اليده فرته بالفنيال اللي كانت اتقهوي منه..
عبادي ياه الفنيال ولا عرف مصدره فقام متغيض : حووووووووووه ما اتشوفوووون
اليده : لا ما انشوف...
عبادي : اوووه ثرج انتي عيوزيه.. لا خليت منج مسموووحه..
اليده : خسك الله يا الخلافه...جيه ما طلبت منك اتسامحنيه...
عبادي : انزين الغاليه شو في خاطرج انا ما سمعتج زين.. وين تبين اتسيرين عيوزيه..
اليده : اص صه.. مسود الويه.. هب سايره فياك...
عبادي : وليييش... افااااااااااا
اليدده : ضك عنيه...
عبادي وقف جدام يدته ولا خلاها اتخطف.. وكل ما اتلف يلف وياها : ما تزعلين.. ما اطيعين بنت سعيد...
اليده : بتضك انته وال لا.. وينها عجويتيه.. ودوم هاتيها...
عبادي : شو تبينها...
اليده : شو اباها ها... انته بتضك ولا اهيسك اياها..
عبادي : لاااااااااااااااااء.. ما بضك وبتسيرين فيايه...
اليده : ولا اشبر..
طبعا كانت ودوم تضحك عليهم..
عبادي طالعها : شو يضحكج...؟؟!!
اليده : وااايه شو ميلسنج.. سيري طالعي منصور.. يالله
ودوم : شووووووووووووووه...
اليده : شو شوه بعد.. سيري بشوفج..
ودوم : ها لا ما شي..
اليده : سيري اقولج زقري منصور..
ودوم : ان... انز.. انزين....
وسارت.. سمعوا.. عربنا تراهم معزومين عند عرب... واللي سار (( يدنا الغالي محمد – بو محمد – محمد – حمد – سيف – بو علي )).. اما (( بو سعيد – علي – فلاح – والثلاثي ما سار ما عدا حمد سار يعني عبادي ومنصور ما ساروا ))
ودوم اتفكر (( يالله كيف برمسه .. انا اصلا ما ارمسه.... ولا اداني احتك فياه... والمشكله مضاربه معاه... يا ربييييه... شو الحل ))
كان فلاح وسلطان وعلي يالسين فالصاله.. منصور كان واقف عند الباب ويرمس علي ويضحك.. وديمه واقفه وراه ما اتعرف كيف بتبدأ وياه الرمسه.. وتمت اطالعه ولا اتعرف شو بتسوي ولا كيف بتبدا وبعد فتره وقوف عورن ريول ودوم.؟...
وديمه : احم... منصور...
منصور كان يضحك.. وجان يلف ويهه ويطالع منوه يزقره وجان يستغرب وتتغير ملامح ويهه من شاف انه وديمه هي اللي تزقره.. المهم طنشها وما رد عليها..
وديمه انحرقت من حركته : منصور يدوه تباك ... )) خلته وسارت عنه ((
منصور لف ويهه صوبها وطالعها وهي سايره..
اليده : وينه ؟ زقرتيه...
وديمه : هيه
اليده : شو قالج ؟؟
ودوم : ما ادريبه قلت له وسرت عنه
عبادي يالس يحاول يراضيها ويحب راسها... : عيوووووووزيه فديت الزعلانين انا.. اشعنه جيه .. اشعنه تزعلين..
اليده : فضل عنك وياها مصاخه وحبات.. خوز عني لا امرغ هالعييره عظهرك... خس الله مذهبك...
عبادي : افااااااا بنت سعيد .... اهوووون علييييييييييج...
اليده : هيه ... بتخوز وال اهيسك اياهاااا...
عبادي : بخوز بس لا تزعلين... ويلس يغنيلها...
ان زعلت برضيك وكل عمري فدااااااااااك.... والزعل مزعله يالغاااااااااالي عليييك..
لو تامر بروووحي تنقااااد لرضاااااااااااااك.... لو تطلب عيوووووني في لحظه تجيييك...
ميزك ربي من الناااااس وعطاااااااااااااااك.... ميزتن واتخص ذاتك واتعنييييييييييييييك
منصور هاااااااابط : هاااااااااااااااااااااي >> يغايض... وطبعا قاطع عبادي وهو يغني
عبادي : الله يغربلك خربت عليه الاغنية
اليده : فخشمك.. شو بعد هالرمسه..
منصور : اسلم عليج يدوه بالاسباني
اليده : شو ثباني بعد.. ثباني عندي وثبانك عندك
الكل : هههههههههههههههههههههههههههههههههههههههههههههههههه هه
عبادي : هههههههه هب ثبانج عيوزيه... اتعرفينها اسبانيا...
اليده : اص صه.. ولا اترمسنيه..
عبادي : انزين ما برمسج اتعرفينها اسبانيا..
اليده : بن عروه
عبادي : عيل بوديج اياها... ما شي فرت حصاه حتى ما بتتعبين...
اليده : هيه .. الا في شورك انا ... يوم الا هاي رمستك هوب مدبره وياك...
عبادي : افاااااااا عيوزيه
_* بتعيبج ...احلى عن غمض.. يمدحون يسون عزب هناك..شو رايج.. جان بتسوين..
اليده مسويه اكبر طاااااااف لعبادي.. ولقبه خالف تعرف : منصووور.. منصوووووور..
منصور : انا هنيه...
اليده : ويديه شو اتريا ما اتجرب السياره..
منصور : وين بنسير..
اليده : جيه ما قالت لك وديمه..
منصور : لااا
اليده : وانا شو قايتلج هاه ...
وديمه : يدووه قلت لج... اني قلت له تبيه وبس...
اليده : وااااااااايه... انزين جرب السياره بنسير غمض..
منصور : شو تبينها..
اليده : لا اتخبر..بعد اشله اتخبر بتوديني قول ما بتوديني بسير فيا حبيب..
عبادي : لا انا بوديج حبيب محد...شرد من درى انه بيوديج.. لانه يباني انا اوديج..
اليده مع اكبر طاف : هاه منصور..
منصور : افااااااااا عليج اشقايل ما بوديج.. بوديج..
عبادي : لااااااا اذلف انته انا بوديها..
منصور : يدوووه عبادي تراه.. ما منه فايده .. خلي التلفزيون ينفعه.. افااااا لو تطلبين عيوني ارخصهن فدالج..
اليده : لاااااااااا خلييييييييت منك يا الغالي...
عبادي : يا الهرم... يا مفرق الجماعات ... يا هادم اللذاااااااااات... سباااااااااااال وااااااااااااااحد مصلحجي...
اليده : صه اقطع انقطع حسك يا مسود الوييه..
منصور : امايه لا اتغيضين.. براااااايه يسد اني انا موجود انا ولدج >> ويطالع عبادي بنظرات غياض.. << يتغايضووون حركاااااااااااات
اليده : يالله عيل دهديه هبابنا انسير... ها وديمه بتسير فيانا.. ) من سمع منصور هالرمسه.. طالع صوبها (
ودوم + منصور وبدون شعور وفي نفس اللحظه : لاااااااااااااااا
عبادي طالعهم وابتسم..
وديمه ومنصور اطالعوا بنظرات خاصه انهم رمسوا في نفس اللحظه ونفس الكلمه ..
اليده : واااااااااااايه بلاكم...
وديمه : بس يدوه ما ابا... ما اتنازل ...)) وطالعت منصور بنظرت احتقار (( >> ليش يقول لا
منصور : يدوه بتتلوث سيارتيه بعدين كله ولا رنجي..
وديمه اتغيضت من رمسته : ماااالت... لك الشرف..
منصور : مالت عليج الا انتي.. سباله ...
اليده : اييييييييهااااااااااااااا...
عبادي : حوه حد هنيه بلاكم..
وديمه : لا والله ما اتشوفونه..
منصور : ااااااييييييييييه... حشمي.. لو هوب حشمت يدوه جان عرفت شغلي فياج..
وديمه : يا ويلي اتروعت
هنيه عصب منصور ولا رام يتمالك عمره وسار وقبضها من ايدها ولواها الها وخلاها لازقه فاليدار وابروحها ريلها اتعورها.. >>> اول مره يتجرأ يسوي هالحركات جدام حد خاصه انه قبضها من ايدها..
عبادي ربع صوب منصور وحاول يخوزه عن ودوم
اليده : منصووووووور والعثره...
عبادي : منصوووووور ... خلها... يا رياااااال... يا منصووور فجها.....
منصور : خوووز عنيه لا احطك فوقها.. واكفخك
اليده : ايييهاااااااا >>> ومسكت العجويه مالتها القويه وسارت صوبه
عبادي : يتك.. فجها احسن لك...
منصور : هذي الخامه يبالها واحد يربيها..
ودوم : حماااااار فجني يالماصخ.. صدق انك صايع وضايع يا الحلجه..
اليده : ايييييييهااااااااااااااااااااااااااااااا.. اني بنتك يا بويه عنها قاله >>> ومسكت منصور وحاولت اخوزه عن ودوم لكنها ما رامت له سار عبادي متغيض ومسك منصور.. ومنصور يحاول يفج عمره من عبادي وودوم رامت تشرد عن منصور واندست ورى يدتها تصيح..
منصور : هذي الخايسه هوب ويهه حشمه.. هوب منها من اللي يشفق عليها ذاك اليوم ويسوي فيها خير..
ودوم معصبه وكانت خايفه من هالشي : محد طلبك بروحك رزه.... ما تنلام قالوها قبلك رزت الفيس من طبايع التييييييييس...
اليده : اص صه.. مسودة الويهه ابروحها ما تنصر عنه.. تراني بخليه يضربج لين اطيب نفسه..
عبادي : خلااااااااااااااااااااااااص بس عيييييييييييب .. والله عيييييييييييييييب
ودوم : يدوه ليش يصكنيه عيب عليه شو يتحرى بعمره.. ما يدري انه من المحارم عليه.. هااااااااااه
اليده : وانته شو تباهاااا....
منصور : يدوه ما برد عليج وانتي شايفه
اليده : تعالي لو ما عليت عليه ما ياج <<< ما عرفنالج يا يدتنا مره ويا ودوم ومره ويا منصور
_*
ودوم : شوووووو ما كان المفروض يزخنيه...
عبادي : اوكيييه خلاااااااااص حصل خير سيري انتي الحينه..
ودوم : وليش هو ما يسير ... انا ما اروووم اسير...
اليده : ذلفي يالله بشوفج ... لا انحزج بالعجويه على ريلج ... فضل عنكم من حاله..
)) طبعا ودوم سارت وهي اتعري.. بسبب ريلها ((
عبادي : يا ريال الطم ابليس عنك..
اليده : عبيد فجه فجه خله يسير يجرب السياره
عبادي : ههههههههههههه بعدج مصره اتسيرين غمض هههههههههههههههه
منصور عقب ما فجه عبادي سار متغيض.. وقرب السياره وسارت وركبت يدتنا عليا ونهيوا غمض.. صوب مزرعتها..
منصور كان مسرع لانه متغيض.. ودوم سارت اتصيح ومطبقه على عمرها الباب
اليده : واااااااايه منصور ابويه خف السرعه..
منصور طبعا وهو متغيض من اللي استوى : ليش مسرع انا
اليده : لا فديتك هوب مسرع يا غير انا اتروع >>> صخت اليده هب فيدها السكان (( سكان السياره )) عقب ما كانت متغيضه عليه ومتحلفتله استوت متروعه وتسمع كلامه...>>> سبحان مغير الاحوال.. اول ما ركبت السياره وهي اتحرطم عليه لين وصلوا عند دوار العوهه (( الفوعه )) وهي اتحرطم وخلاف اتغيرت لانه كان مسرع..
منصور تم مسرع ويلف يمين يسار واليده تقرى قوران ويمكن ختمت القران كله من الروعه وتشهد وتتدعي وكانت عايشه في رعب >> مسكينه كانت عايشه فلم رعب دام من دوار الفوعه لين ما وصلوا غمض بالسلامه.. ويوم وصلوا
منصور : يالله يدوه جان بتنزلين >> كان متغيض..
اليده : ما اروم انزل اريولي ما يشلنيه
منصور مستغرب : ليش..
اليده : يا بوك ينتفضن من الروعه ما ينقلنيه.. وخلى مطر ما انهي فياك مره ثانيه.. جان نفدتنيه وااااااايه يا ريووووولي... واعثرتيه جان ما صابني هاللي يسموونه.. هذا.. اللي يخلي العربان ما اتنش ولا اتحرك.. من الروعه اللي صابتنيه...
منصور هنيه مات من الضحك ونسى اللي استوى
منصور : الشلل يدوه
اليده : اص صه لا تطريه.. كفانا الشر.. بسم الله عليه..
منصور ميت ضحك : ليش يدوه اذا طريته بييج يربع..
اليده : دوووك تراب في ويهك... مسود الويهه....
منصور : انزين اشلج يدوه..
اليده : شلك طهف.. يا مسود الويه كله منك .. خس الله مذهبك..
منصور : ليش امايه اتروعتي ؟؟!!
اليده : زين ما خيست خلجاني (( خلجاني = ثيابي )) من الروعه يا وين اتروعتي اامايه <<< تطنز عليه
منصور وهو يضحك : لااا الشيمه كله ولا سيارتيه
اليده : واااااااااايه فضل عنك يا ربيه.. ما همه غير هالقرمبعوه مالته >> خييييييييبه سبت رنج منصور.. كله ولا رنج منصوووور.. اصلا هيه من الرنجات اليداد.. وبعدين اصلا اليده ما اداني غير الوانيت.. والكروزر واطورت شويه واتحب النسيان وبس... اما باقي السياير ما ادانيهم يداد جدام كشخه ولا غيره...
منصور : ما عليه يدوه اتسبين سيارتيه.. الله يسامحج.. اصلا انتي ما اتعرفين شي فالسيايير.. وبعدين سيارتيه كشخه الكل ميت عليها وعلى راعيها..
اليده : هيه ما عندهم مونه..
منصور : انزين يدووه ما بتنزلين الحينه..
اليده : لا ما اروم ازقرهم ليه انا اريولي اتعورنيه وما اروم اشل عمريه..
منصور : ييييييييييييييييييه >> شهق...
اليده : شو المستوي بعد
منصور : حرت السياره ...)) وجان يبندها (( >> خريييييييط يجذب السياره ما فيها شي..
اليده : واااااااااااايه زمرك عالله ...)) وحولت من السياره بسرعه.. ولا جاف غير غبار ريول مطاير دليل السرعه منصور مات من الضحك ولا رام ينزل من السياره.. يضحك على يدته.. وغبار ريولها.. توها عداله ما وحاله من قالها حرت وبند السياره الا وهي هب عداله وصلت يمكن دبي من ربعانها
_* هههههههههههههههههههههههههههههههههههههههههههه... سواااااااااالف الدنيا ثرها....
يوم اليمعه الصبح.. فالعزبه....
••.•°¯`•.•• احـــب البــــر واشــــد الـــرحايـــــل ••.•°¯`•.••
قرروا فريجنا انهم يردون بيوتهم.. تدورن الاحد تبدأ الدوامات.. وتبدأ سنه يديده.. وتفتح المدارس والجامعات والمعاهد ابوابها....
وعقب الغدا.. رتبوا اقشارهم.. وحملوهن وركبوا سيايرهم..
(مطر وابوه في سيارة مطر)...( بو سعيد وام سعيد و سلامي وزاهره وسلطان في سيارة بو سعيد )...( منصور بروحه فالرنج )...(عبادي وياه يدته )...(بو علي وام علي وسيف وميروه في سيارة سيف )...( بو محمد وام محمد و ودوم و فطامي وفلاح ومنصوري في سيارة بو محمد )...( محمد وحمد في سيارة محمد ).. سايرين بيوتهم.. عقب ايام حلوووه قضوها فالبر متيمعين.. ويا محلى اللمه...
ودوم اطالع من الدريشه واتفكر بالجامعه هذي اول سنه ومتروعه وما اتعرف شو من عالم بتعيشه شوي ولانه واحد مطفوخ مسرع اسمه منصور بن سالم.. يجاوز الكل.... ودوم تمت اطالع سيارته وتذكر ايام يوم طاحت والموقف اللي صار وجان اتقول في خاطرها وهي اتشوفه (( الله يهديه ويسلمه )) ومنصور مب مركب مخفي عسيارته... فيوم خطف عدالهم طالعته وقالت (( اسميه طر... )) كان شكله صدق حلوووو واللي بيطالعه بيطيح في حبه.. الا ودوم
_
راكب سيارته ومتسفر بسفره حمدانيه لونها احمر وكندوره عربيه رقبتها كويتي بيضا من الثابتات وماسك التليفون بايده اليمين اللي كان حاطنها على الثلاجه مالت السياره.. وايده اليسار ماسك ابها السكان وشعره خاري يبين.. رووووعه عذب ودوم المنظر.. بس ما رامت اتشوف وااااايد الريال كان مسرع
_
الاحد الصبــح يوم الدوامات...
••.•°¯`•.•• عســـى العــام الجديد احـلى... ونقطف ورده وفلــــــــه ••.•°¯`•.••
ودوم متلبسه ومتكشخه ومتجحله وسرحت صوب الجامعه ومتواعده تتلاقى فيا سلامي لانه ما اتعرف شو بتسوي بروحها.. تعرفون ارتباك...
ودوم : يا عيني سلامي ... متكشخه ... ما انروم يالجامعيه...
سلامي : شكرا.. شكا... لا اتخافين ما بقول واصل...
ودوم : الحينه وين بنسير ما ادل...
سلامي : يعني انا اللي ادل... تدرين بنسير هذاك المبنى..
وفالدرب وهن يمشن اتلاقن فيا عواش وشميم...
شميم من بعيد وباعلى صوتها : ياااااااااااا مرحباااااااااااا ملاااااااااااااااااين بالودم والسلامي...
ودوم تضحك : يعلها الفضايح فضحتنا ويا بغيمها..
ويوم اتقربن...
شميم : اهلا وسهلا هلاااا.. ياللي بقلبي بنيت.. شيدت لك منزلا ... تدخله امتى بغيت...
سلامي اتقلد المسلسلات البدويه : بالمهلي ما يولي.. ياهلا يا هلا..
وعقب السلام والاشواق..
ودوم : عواش... وين انسير وشو انسوي.
عواش : بنسير مبنى 66 عسب ناخذ الجداول..
ودوم : يالله مشاكل وعقب وين بندل كلاساتنا..
عواش : خلينا ناخذ الجداول عقب خير...
عواش عندها خت فالجامعه.. فتعرف وعندها خلفيه هوب ودوم او سلامي... و عقب يوم طويل ومتعب ردن البيت قرب الساعه 2 الظهر...
والعصر في بيت بو سعيد....
بو سعيد وام سعيد يالسين فالصاله يرمسون في سالفه مهمه... منصور توه حادر عليهم..
منصور : حيهم شوابنا والله
ام سعيد : تعال.. تعال.. ابوك يبا يرمسك..
منصور مستغرب : حتى انا ياي ابا ارمسكم..
بو سعيد : ارمس..
منصور : لا والله لين ما ترمسون انتوا..
بو سعيد : انا وامك يالسين انتشاور على الملجه
منصور فاج عيونه ومنصدم : سبحان الله انا ياي ارمسكم في نفس السالفه..
ام سعيد : لا اتقول ما تباها..
منصور : لا.. ما قلت... ما اروم عزعل الوالد وبعدين حالف هو وما اروم افير به او اكسر كلامه.. وانا بس كنت ياي اتخبر وين وصلت هالسالفه..
بو سعيد : هيه جيه اباك.. هذا ولديه يا حافظ عليه.. والله يا منصور السالفه بعدها ما ظهرت من الباب وانا اليوم برمس خويه بنخلي الملجه الاسبوع الياي والعرس برايه شويه لين ما اتزهب لبنيه واتكون زاهبه يعني يمكن في اجازة نص السنه او الصيف الياي...
منصور : ليش بهسرعه.. شو عايلنكم
بو سعيد : لا عيله ولا شياته... زهب عمرك الليله نحن في بيت عمك ناخذ الراي الاكيد وانحدد الملجه وياهم
منصور ما رام يرمس شو بيقول بعد... واصلا هو بينه وبين ودوم تحدي ويبا يراويها انه هب منصور اللي يتحدى ولا بنفذ التحدي...
فالليل في بيت سلطان....
بو محمد : والله يا خوي نحن ما عندنا مانع والولد ولدنا وانعرفه ولا بنقلى اخير عنه وانا قلت لك هالرمسه قبل..
بو سعيد : ندريبك.. انزين شاورتوها لبنيه...
بو محمد : نحن من زمان مشاورينها يوم رمستونا اول بادي فيها.. وعراحتكم متى تبونها الملجه..
منصور انصدم انه ودوم موافقه.. كيييييييييف اخر مره شافها فالبر كل الكره والشرار كان بينهم
بو سعيد : على خير خويه ... عيل الملجه ان شاء الله بتكون الخميس الياي شو رايك..
بو محمد : امره ما مني خلاف.. والله يوفقهم ان شاء الله ومبروووووك يالمعرس...
منصور اصلا ما كان حاس انه بيعرس عيعني كان عادي.. لكن من سمع كلمه يالمعرس.. هنيه حس باحساس غييييييير... شعووووور غرييييييييييب ما يعرف كيف يفسره او انه يفهمه.. يمكن بعده مب مستوعب انه بيعرس
منصور : الله يبارك فيك عميه....
واتعشوا خلاف ساروا.. وخلاف سار بو محمد صوب بنته يخبرها انه الملجه الخميس الياي
بو محمد : ودوم الغاليه...
ودوم : ياااااااا لبيييييييييييه >> حليلها مشتطه وفرحانه ما تدري شو اللي صاير..
بو محمد : اليوم عمج سالم وولده يووا يبون يحددون موعد الملجه...
ودوم : شووووووووووووووووووووووه >>> اصلا ناسيه انه منصور خطبها نست مثله هو بضبط نسى
بو محمد : مثل ما قلت لج والخميس الياي الملجه بعد..
ودوم : ليييييييييش ابويه انا قلت لك اني ما اباه
بو محمد : وااااااايه قلتي مواقفه.. تراني مرمسنج قبل...
ودوم : ابووووووووييييييييه....
بو محمد : وديمه بنتيه انا قلت لج قبل محد بيغصبج على شي ما تبينه... ولا علينا من امج وقلتي انزين.. وخلاف قلتي انه عادي.. ويوم قلت لج ليكون امج مأثره عليج قلتي لاء...
ودوم اذكرت كلامها وجان تسكت وتنزل راسها.. اصلا هيه ما كانت موافقه بس عشان امها ما تزعل عليها.. والدموووع مازره عيون ودوم.. عالكلام اللي سمعته...
بو محمد : وديمه بنتيه.. انا قلت لهم ان موافقين واستحي ارد في كلامي.. انتي لو رمستي من قبل.. وديمه.. منصور ما قصر ولد عمج وبيحطج في عيونه وبعدين ما بوديج بعيد امس يوم طحتي طار بج الدختر ولا عليه من حد ولحقته الشرطه والله سلمه حليله وال لو هب انتي السبب جان ضاع مستقبله وانسجن.. كل هذا عشان خاااايف على بنت دمه ولحمه.. وديمه.. صدقيني ما بتعوضين في منصور ونحن ما خذناه عشان شي وافقنا عليه عشان اول شي من هلج واقرب الناس لنا.. وثاني شي مخاوي شما.. والله يهنيكم ببعض..
ودوم نزلت راسها ولا قالت شي امره.. وسار عنها ابوها عقب ما حبها على راسها
منصور منسدح عشبريتيه ويفكر يفكر يفكر يفكر... وكلمة مبروك يالمعرس ادووور في راسه (( يالله يا الدنيا يوني بعرس.. والله انا ما قلت ما ابا اعرس ... ابا... بس مب الحينه.. يعني كمن سنه جدام... انزين المشكله هوب فالعرس المشكله فالعرووووس... لااااااااحوووووووول... وديمه... )) وضحك (( ... يا ضحك القدر عليه... اخر ما اتوقعته.. انه وديمه بتكون لي... انا من يوم يت على الدنيا وانا ما دانيها... وما اتوقعت فيوم انها بتكون من نصيبي.. صدق الدنيا عجب... انزين راشد شو بيقول.. شو بيكون موقفه... يولي... ما همني.. )) وتم يفكر ويفكر ويفكر... لين ما ياه الرقاد ورقد ونش على صوت دق الباب...
ودوم ما ياها الرقاد.. وداومت وهي مواصله وعرفت اساتذتها وكلاساتها واماكنهن وجان اترد البيت لانها كانت صدق تعبانه واتفكر..
يوم الاثنين... كانت الحشره في بيت قوم بو سعيد... احمد وحرمته يوووا من السفر وسعيد وحرمته بعد ردوا من السفر...
سلامي : ودوووووووووووم دبووووووه روووووووعه ربشه اسميها... البيت مرتبش..
ودوم بحزن : والله الحمدلله على سلامتهم...
سلامي : الله يسلمج.. ودووم...
وديمه : هلاااا
سلامي : بلاااااج زعلانه اشوفج مب طبيعيه..
وديمه : لا عادي.. ما فيني شي..
سلامي : والله انه فيج شي...
وديمه : راسي يعورنيه...
سلامي : ج ذوووووووب .... ادري لييييييييش.. ودووووم خلاااااااااااص.. شو بتسوين بعد...
وديمه : المهم.. اشحالهن النيره ورفيعه..
سلامي : يسرج حالهن.. انتي لو اتشوفين احمد.. صدق صدق.. الله يهنيه..ز احس ابهم وااااااايد مرتاحين وفرحانيييين ....
ودوم : يعلها مديمه الفرحه..
سلامي : اميييييييييين وياااااااااااااااااااج...
ودوم : سلامي فديت روحج بسكر عنج الحينه ردي السلام عليهم كلهم..
سلامي : ودووووم.... خلاااااااااااااص دخيلج... خلاااااااااااص ... انا ادري شو منه خايفه...
ودوم : اوكيه خلاااص شي فخاطرج غير..
سلامي : سلامتج.. فمان الله..
وطبعا فاليوم الثاني سارت ام محمد صوب بيت ختها لانه عيالها يايين من السفر وتبا اتسلم عليهم...
المهم... في نفس اليوم في بيت بو سعيد... فالليل
احمد : ها عيوزيه اتولهتوا عليه
ام سعيد : شو عيوزك بعد
احمد : السموحه.. بس اتولهتوا عليه...
ام سعيد : لا
النيره ضحكت
احمد : زين جيه ضحكيتها عليه
ام سعيد : حرمتك ان ضحكت ولا غيره...
احمد مبتسم : وانتي شو يضحكج بعد.. >> يغايض
النيره : عمتيه حاشرني كان يقول اكيد متولهين عليه شو رايج انرد.. وخلاف يرد يقول اكيد مفتقديني ومكاني فاضي عقب ما سرت عنهم..
ام سعيد : حليله غابط عمره..
احمد : من حقي الصراحه..
النيره : انا ماخذلتي واحد خقاق
احمد : اصلا لج الشرف... )) مسكها من شيلتها ((>> طبعا كان يضحك...
ام سعيد : وااااااايه بلاك جيه عنبوه حرمتك هاي هب عدوتك.. اصطلب وغد ريال...
احمد : امايه ملعوزتنيه.. تبينها شليها انا ما اباها..
النيره : هيه ما عليه انا بسير عند سلامي ايلس بروحك..
احمد : عادي...
ام سعيد : اييييهااااااا يا احمد ...
النيره : هيه عمتيه قولي له..
احمد : امايه اتشوفينها اتغايضنيه..
ام سعيد : انته العايل عليها.. شو تباها حليلها ما قالت لك شي..
احمد : امايه تدرين اذا يبت بنت بسميها عليج واذا ولد على اويه
النيره تضحك : طالع هو وين وعمتيه وين.. اصلا خير لين ذاك اليوم...
ام سعيد : الله يبلغكم يا الغالي... واشعنه خير لين ذاك اليوم...
احمد : اونه توها عروووس..
النيره : هيه بعد شووووه...
رفيعه كانت يالسه فوق في قسمها واصا هي مب اجتماعيه وايد شرات النيره.. وسعيد هب عندها ساير خاري عنده شغل.. اما سلامي فيالسه عند رفايع واتسولف وياها...
عقب النيره اتصلت بودوم عسب اتبارك لها
ودوم : مرحبااااااااااااااااا... والحمدلله عالسلامه...
النيره : الله يسلمج من الشر.. ما عليج ما دقيتي..
ودوم : والله كنت ابا ادق بس قلت يمكن ريلها عندها وال مشغوله..
النيره : يالله ريلي هوب ولد عمج وخالتج وبعدين احيدكم قبل سوالف..
ودوم : يا بنت الحلال .. بعد الواحد يتغير عقب العرس..
النيره : ما عليه خلينا من هالرمسه انا متصله ابارك لج
ودوم : الله يبارك فيج... بس عشوه.. هيه عشان دخلت الجامعه... الله يبارك فييييييج...
النيره : لا مب عشان جيه..
ودوم : عيل..
النيره : عالملجه..
وودوم : هيه البقاء والدوام لله..
النيره : عوذ بالله من هالطاري... شو هالرمسه .. ودووووووووووم
ودوم : هيه المفروض اتعزيني مب اتباركين لي..
النيره : الله فال خير عقب هالفال..
ودوم : والله اتحريتج اتباركين لي عسب الجامعه ما خطر هالشي فبالي...
النيره : اوكيه وعشان هذا بعد
ودوم : النيره.. راشد يدري انه منصور بيملج عليه..
النيره : لااااااا والله يستر... بس
المهم تمن يسولفن...
يوم الاربعاء قبل يوم الملجه بيوم..
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك