رواية تفرقنا سنين وماجمعنا غير الجرح -28
باسل انكمش في حضن ذيااب ..وبنعااد..:انا ابي
بابا يلبسني مو انتي..
جهاد تنفس بعمق..وبجديه..:باسل انا تعبان مافيني
حيل اسوي شي..
باسل ..:..............
جلست بجنب ذيااب وهي تمسك بيد باسل وبحنان.:
حبيبي اليوم بس ابي البسك بكره وعد بابا بغير
لك ملابسك ويجيب لك العوبه كبيره..
باسل نط بسرعه وهو يناظر ابوه اللي عيونه على
حلا..وبحمااس..:بابا بتشتري حقي بكره لعبه كبيره
ذيااب ببتسامه..:اكيد حبيبي..يلا قوم نام الحين
عشان يجي الصبح بسرعه واعطيك هديتك..
باسل وقف وهو ماسك بيد حلا.:يلاا ابي انام بسرعه
..*..
(عند ميس و خالــد
مسك كفها الباره..وبهمس..:انا خلوودك حبيبك اش فيك ميس
حركة راسهاا بنفي وهي تبكي بحرقـــه..
ماقدر يصبر عنهاا اكثر
جرهاا بحرص ولمهاا بحضنه بشوووق وااضح
انحنى عليهاا وهي يوزع بوسااته بوجها
رفع وجها جهته..وبهمس..:احبك..سامحيني حبيبتي..
ابتعدت عن حضنه وهي تمسح دموعهاا وبثقه.: بس
انا نسيتك ومالي حبيب من جيت هنا لوحدي
خالد رجع قرب لهاا وهو يحضن وجها بين كفوفه
وبتفهم..:ادري اخطيت بس انا متعود انك تفهميني
وتسامحيني بعد ولا نسيتي..
رفعت عيونها له طالعته بتركيز تحبه وتموت فيه
لحد الجنـــووون
بس ماتضمنه في الايام الجايه اش ممكن يسوي فيها
لازم تبتعد عنه عشان يعرف ثمرة خطاه ..
غمضت عيونهاا وبالـــم..:ابي طلاقـــي..
تصلب مكانه وعيونه مفتوحه على الاخر نزل ايدنه
وبصدمه..:نعـــم؟؟
ناظرته بقوه مصطنعه..:ابي ورقة طلاقي باسرع وقت..
عقد حواجبه ..وبجديه..:انتي فاهمه معنى كلامك ؟؟
عدته بخطوتين ..وببرود..:أي فاهمته عدل..تصبح
على خيــــر..
مشى بسرعه وقفها وهي يحتضنهااا وضهرها على
صدره..
مال عليها وصوت انفاسه العاليه تحرق خدودها
وبحرقــه...:مصيبه اذا للحين ماتعرفين انك لي وبس..
صدت عنه وهي متعذبه من صوت قلبه اللي ينبض
في قربه ..عضت على شفايفها وهي تحسه
ثاير من العصبيه ومن برودهاا اللي يذبحه
قربها له اكثر وهو مجنون من صمتهاا الجارح
وقف قبالهاا ..وبحده..:لاتحلمين اني اطقلك ماراح
يعرفك غيري احد..ولا بيربي ولدنا غيرنا مفهوم
ياليت فيها تنسنى الالم في قلبهاا وتحضنه بسعاده
طالعته بنظرات عتب..وبهمس..:انا ماراح اتنازل
عن قراري...
ومشت وتركته واااقف حيراان ومصدوم من ميس
الجديده وين اللي كانت تسامحه وتلاقيه بالاحضان.
..*..
(عند حلا)
لبست باسل ونيمته صار لها ساعه وهي جالسه
ماتبي تروح وتشوف ذياب صاحي وتحتك ويااه
طالعت ساعتهاا اللي صارت وحده وقف وهي
تطفي الابجوره وتسكر الباب وراهـــاا.
تنفست برااحه اول مادخلت غرفة النوم وشافت
ذياااب نايم بمكانه..
قربت من الكبت شالت بجامه برمودا ودخلت تاخذ شور..
ذياب تقلب على السرير بقلق حس فيها لما دخلت
بس ماحب يبين لها انه للحين صاحـــي..
وبسرعه رجع تفكيره على مشاري اكيد انه للحين
صاحي وافكاره ترميه في كل صوب..
قفل عيونه اول ماسمع صوت الباب ينفتح..
حلا ناظرته وهي تتنهد بالم قربت من التسريحه
اخذت لها لوشن وعطر مسحتهم بنعمومه
ارجعت ناظرت فيه وين ممكن تنام؟؟ معاه بنفس المكان..
ولا تبتعد عنه؟ ..تقدمت لمكانها بخطوات متردده
ومتوتره..
دخلت بالسرير وهي تتلحف ببطى عشان لايحس
فيهــا..
لف راسه جهتهاا لما حس فيها صارت بجنبه
ومايفصل بينهم الا شي بسيط..
تنهد بصوت عالي..وبهمس..:قربي..
وقف قلبها لما سمعت صوته وتشنجت من الخرعه
لما عرفت انه للحين صاحي..
وبدون تفكير لفت على جهته بدون لاتقرب منه
طاحت عيونها بعيونه وبنظراته الغريبه..
ذياب بهمس عاشق..:نسيتي اش قلت لك لما سالتيني
اش اتمنى ..؟؟قلت ابي المك
نزلت عيونها بتوتر من تصريحه وجسمها يرجف
من طريقة اسلوبه اللي تعشقهاا ..
مد ايده وسحبهاا لجهته وصارت ايده تحت راسها
ووجها مقابل وجهه..
ابتسم بخفه..:طالعيني..
رفعت عيونها عليه وملامحه صارت قريبه لهاا
مسح على خدها..وبصوت يالله يطلع..:انتي شايله
بقلبك على صح..؟
غمضت عيونها وهي تخبي راسها بصدره..:انت
ليش اخلفت بوعدك؟؟وين كنت ..؟؟
فتح مشباكهاا وهو يبعثر شعرهاا..وبجديه..:ماقدر
اقولك كل شي...
عضت على شفايفها بقوه ودمعتهاا بللت خدوهاا
يعني كان وياها ..انزين ليش جاي دامه يحبهاا
واخذت الافكار تذبحهااوتموتهاا
بعكسه اللي نام من كثر التعب بعد ماحتواها
يوم جديد..
(عند حاتــم&مها)
عطته ظهرهاا وهي واقفه قدام البحــر ..وبستفهام.:
انت اش تعرف عن نوع العلاقه بينا وبين على..
حاتم وعيونه عليها..وبثقه..:ولاشـــي..
لفت لجهته ..وعيونها بعيونه..:من متى وانتو
اصحاب؟
ارتبك ووضح عليه التوتر..خاف تعرف انو على
سبب خطبته منهااا..
نزل عيونه وبلعثمه..:من جديــد..
ابتسمت بسخريه..:اها من جديد وليش تقولها وانت
متوتـــر؟؟
وقف حاتم وتقدم لها الين صار واقف بجنبهاا وعيونه
على الاموااج ..وبتمثيل..:انا لو اعرف شي كان
قلته وماخبيت..وبعدين ليش اتوتر وانا واثق من
كل حرف اقولـــه..
المعت فكره في بالها وهي متاكده ردت فعل حاتم
اهيا اللي راح تبين اذا كان صادق او كذااب
وقفت قباله..وبجديه..:خلاص نقدر نقفل على
هالموضوع ونتكلم في الاهم..
طالعها وبتركيز..:شنهو الاهم.؟؟؟
قوت قلبهااا ..وبقوه مصطنعه..:نسوي زواجنا
الاسبوع الجاي..
فتح عيونه بصدمه ماتوقع هالشي منهاا..هذا اللي
ماحسب احسابه..وشلون بيرد عليهاا وهو مايقدر
يتزوجهاا بسبب علي..
ابتسم ابتسامه صفراء..وبتصريفه..:بس انا للحين
مااسست نفسي ..امم للحين مادبرت الشقه والمهر.
عصرت كفهاا وهي تحس بطعم اللم من الشخص
الجبان اللي قدامها..وببرود..:عادي البيت موجود
نقدر نسكن ببيتنا الين نلاقي شقه..والمهر مارح
احدده رااح اقبل بالموجود..اتفقناا؟؟
بلع ريقه شلون بيتصرف الحين ..ضاعت الحلول
من ايده ..
طول الوقت قاعده تشوف تصرفاته اللي تثبت الشك
باليقين..
لون وجهه ولعثمته علمتها انو لـ على دور كبير
بينها وبين حاتــم..
طالعته بحده وبشموخ عالي..:انت ماتفعني لانك
صدقة اللي تبيه وتركت اشياء كثير..واللحين
انا اللي مابيك ..
..*..
(في بيت ابو ذياب)
جهاد وهو يشرب الكوفي..:يبه خالد رجع امــس..
ابو ذيااب ببتسامه..:اهاا عشان كذا اشوف ميس
مفتوحه نفسها على الفطور وتتبسم..
ميس شرقت بالقهوه بعد ماسمعت كلام ابوها
ماتوقعت انو فرحتهاا توضح لاحد ..وخاصه اذا
كان ابوهاا..
تنحنحت بصوت واطي..وبهدوء..:اصلا انا للحين
مادري انه وصل..
جهاد رفع حاجب..وبقصد..:اهاا أي اساسا اهو
ماجاء هنا امس ولالقى احد بالمطبخ كلش..
روز نغزت ميس بكوعهاا..وبهمس..:حركـــاات
ميس ارتاحت لما شافت ابوها وامهاا ملتهين عن
كلامهم هفت على وجها من الاحرااج وهي تحاول
تتصنع الامبالاه ..وببرود:مب لازم تصدقون..
ام ذياب..:الا ياابو ذياب اش رايك نسوي عزيمه
لذيااب وخالد من مره وحده..
ابو ذيااب..براحه..:يستاهلون وبخليها عقب يومين
روز برجى..:يبه تكفى خلوها بالمزرعه..
ابو ذياب بضحكه..:تامرين امر بالمزرعه بالمزرعه
...*..
ابي ابكي من الضيقه وابعزف للهموم ألحــــان
أبي أطلق مواويل الحزن وبطرح كل دواويني
أبي أشكي أبي أحكي ابوصف للبشر حرمــــان
أبيهم كلهم يدرون أبيهم يشعـــــــــروا فينــــــي
أبي لامن طرى أسمي بكى من لوعتي شيبـــان
أبي لامن طرى"عـاشق"ذكر من كان يغلينــــي
أبيهم يذكرون أني صرت بدمعتــي غرقـــــــان
أبيهم يعرفون الهم هو اللي صار مخاوينـــــــي
أبي أصرخ وابلغهم وأقول ان الفرح خــــــوان
يجي مره معااي وهو طول العمر ناسينــــــــي
أبي أترك لهم قصه وأخيرهم على العنواااااااان
يسموا "حزن" يحطوا "دمع" ماعاد يعنينـــــــي
(عند شــوق),,
مسترخيه على السرير ترسل لمهاا اللي ماردت
عليهاا من الصبح..
ابتسمت بحب على شكل عمار وهو ملتهي بكراسته
اعتدلت على جنب..وبراحه..:عموري انبسطت ويا
باسل..
رفع راسه وطالع امه وهو يبتسم..:ايواا ماما ..انا
بقول لخالو كل يوم يروحني لهم..
رفعت حاجب..وبضحكه..:وانا مين يجلس معاي..
رفع كتفه ..وبطفوليه..:وانتي بعد تعالي العبي معانا.
رجعت عيونها على الجوال..وبهدوء..:طيب يمكن
مايبيني العب وياكم..
عمار قرب من شوق..وبحماس..:ماما انا شفت ابوه
امس لما كنا عندهم..
شوق رجعت عيونها على عمار ..وبطيبه..:لايكون
ازعجتوه بهبالكم..
حركت راسها بالنفي وقلمه في ايده ..وببراءه..:ماما
ابو باسل كان مسافر وجا عندهم..احنا متى يجي
بابا..؟؟؟
ركزت عيونها بعيون عمار بعد ماسمعت سؤاله البريئ..
شلون بتجاوبه اذا اهي ماتعرف اصلا ويــنه..
هي مره وحده اللي شافته فيها وعقبهاا ماتدري وين
ارااضيه..
غمضت عيونها وهي ترجع راسها على وراء..
وبهمس..:عموري مادري متى يجي ماقال ..
رمى نفسه على امه وهو يحضن وجها بين كفوفه
وبخوف..:ماما ليش تصيحيــن..
غطت على فمهاا وهي تحاول تكتم شهقاتهاا
ودموعهاا على خدهااا وكانها تمحي لحضات الراحه
اللي مرت فيهاا من شوي..
عمار ببراءه تذبح..:ماما انتي تبكين عشان بابا
اتاخر ..؟؟
ابتعدت عن عمار وهي تمشي بسرعه على الحمام..
دخلت وتسندت على المغسله وهي تستفرغ من
الذكريات اللي رجعت لها من جديـــد..
مسحت فمها وهي تجلس على الارض بتهالك..
وبتعب..ليش يامشاري تركتني بعد ماخذت اللي تبيه
خليتني اجني العذااب الحالي وانت متهني..
..**..
..في بيت الجده..
فتح عيونه ببطى وبسرعه طاحت عيونه على
حوريته اللي نايمه بحضــنه..
ابتسم بحب وهو يتلمس شعرهاا الحرير ..رفع وجها
بخفه عشان لاتحس فيه وعيونه تتفحص ملامحها
بدقه ..عيونها خدودهاا انفهاا شفايفهاا ..مد ايده وهو
يمرر ضهر سبابته على ملامحهاا اللي تاسره..
قرب منها بخدره وهو يوزع بوساته على وجهاا
وقف بعد ماشافها تعبس وجها بازعااج وترجع
تنكمش على نفسهاا..
ابتسم على جنب وهو يتنفس بعمق ..ابتعد عنهاا
شال ملابسه ودخل التواليـــت..
حلا فتحت عيونها على صوت باب الحمام وهو يتقفل..
طالعت بجنبها وعرفت انو ذيااب صحى..
نطت بسرعه وهي تتقرب من الكبت وتختار لها
ملابس وتروح على التواليت الثاني..
اخذت شور سريع ولبست جكيت رصاصي على
تنوره جنز لحد الركبه ولبست بوت طويله
لحد نص الساق..
وقفت قدام المرايه بعدم مامررت المجفف على
شعرهاا رفعته من الجهه القدام بطواق له توكه
ابتسمت برااحه انها قدرت تعدل نفسها قبل يطلع
ذياب سوت ميك اب خفيف ..
اختفت ابتسامتها اول ماتذكرت انو الساعه صارت
على الهدعش والجده للحين ماكلت الدواء
مرت على السريع ناظرت بباسل اللي نايم ارتااحت
ونزلت بسرعه عشان تشوف جدتها..
طلع من الحمام طالع بمكانها واستغرب انو مافيه احد..
لبس ملابسه وطول الوقت منتظر متى تدخل
استغرب انها للحين ماجات مشط شعره وطش له
عطر وطلع يدورهاا..
دخل غرفة باسل مالقاهاا وباسل للحين نايم..
طلع للصاله الخارجيه ..رفع حاجب اول ماشاف انو
الباب الرئيسي مفتووح..
يكون نزلت ومانتظرتنــي..؟؟
مرر ايده على شعره وهو محتار من برودها
وتطنيشها له..
عصر كفه بقهر وهو ينزل للطابق الارضي
تمنى انو ماتصدق ضنونه وتكون نزلت وتركته
سمع صوت ضحكتهاا وشكلها تسولف باريحيه مع
جدته ..تنفس بغيض ودخل بعد ماتصنع البرود..
ذيااب بصوت جامد..:صبحك بالخير يمه..
وقف له جدته وهي تحضنه..:صبحك الله بالسرور
جلست وهوجلس بجنبهاا بدون لايناظر بحلا..
وبحب..:كيف صحتك يمه..؟
امه ببتسامه..:يسرك الحال..بشرني عنك وعن شغلك..؟
وقبل يتكلم تكلمت حلا اللي مستغربه تطنيشه لها
حتى صباح الخير ماقال ولاحتى اعطاها نظره
حلا بنعومه..:احط لك الفطــور..؟؟
رفع عيونه عليهاا واعطاها نظره حاده..وبجمود.:لا
الجده بستفهام..:ليش يمه ماتفطر..؟
ذياب وعيونه على جدته..:يمه مابقى شي على الغداء ..
حلاا عيونها عليه وهي مصدومه من جديته وحدة
نظراته لهاا.. وين شفافيته معاها امس ..
بلعت ريقهاا وهي مصممه تعرف اش اللي ممكن
ضايقه..وبهدوء..:امم طيب اجيب لك كوفي..
رجع عيونه عليهاا..وبحده..:اذا كان عندك وقت
تقدرين تشوفين باسل اذا صحى ولا لا..لانه
مايقدر يتصرف بروحه..طبعا لو سمحتي..
عقدت حواجبهاا وهي متعجبه اكثر من امره
وقفت وهي تبتسم لجدتها ابتسامه فاشله.:يلا
باذن بروح اشوف باسل ..
عيونه عليها الين اختفت من قدامه ..شكلها يسحر
ويفتنه فيها بجنون بس تصرفاتها تذبحه..
جدته كانت مراقبه كل شي بس ماكانت تبي تتدخل
نفسهاا بالسالفه الا اذا حبو هم يقولون لهاا..
الجده بستفهام..:ذياب بينكم شي..؟؟
رجع طالع بجدته وهو يحرك راسه بالنفي..
..**..
..عند مشاري..
نزل تحت بعد مااخذ شور بارد عشان يهدي
اعصابه التالفه..
ضغط على جواله بقوه وهو يشوف الوقت يمشي
وذياب للحين ماجاء..
مافيه صبر يجلس اكثر من الوقت اللي جلسه..
من امس وهو يفكر والافكار تشرق وتغرب فيه
مشى بالحديقه وهو يزفر بخنقه وتعب..
رفع جواله وهو يتصل بذياب وبعد ثالث نغمه رد عليه..
مشاري بعصبيه..:اذا مو حاب اتساعدني قول بس
لاتخليني احرق بالحالي..
ذياب تفاجاء من هجوم مشاري وكأنه ناقص ضيقة
خلق..وبهدوء..:مشاري ماله دااعي هالكلام ..دقايق
وانا عندك الطريق زحمه..
مشاري وهو يشد شعره..وبتعب..:ذياب بسرعه
احس بالموت واحس مافيه احد حاس فيني..انــاا
ذياب وهو يقاطعه..:مشاري حااس فيك صدقني
..بس عطني دقايق وجايك..
مشاري وهو يمشي جهة البوابه..:انزين يلا احتريك.
قفل من مشاري وهو يرمي الجوال بجنبه وعيونه
على الطريق..
ضرب على السكان(الدركسون) وهو خايف على حال مشاري ..
وصل للبيت تنفس براحه وهو يشوف مشاري واقف
ينتظره..
نزل ودخل معاه للضيافه الداخليه..
ذياب وهو يشوف وجه مشاري
الباهت..وبتساؤل..:انت مانمت زيـــن..؟؟
مشاري وهو يرمي بجسمه على الكنب..:من وين
يجيني النوم وانا في وضع مااينحسدعليه..
ذيااب بستفسرار..:انت اش توصلت له..؟؟
مشاري بثقه..:اشيل مرتي وولدي ونعيش مع
بعض حالنا حال كل المتزوجين..
ذياب بواقعيه..:تتوقع بعد اللي سويته بيصير اللي
انت تقوله بهسهوله..؟؟
مشاري بصدق..:ذياب انت اكثر واحد تدري اني
كنت مضطر اروح واتركهاا بهذيك الفتره ولما
رجعت كانهم فص ملح وذااب اختفو وماعرفت
اوصل لهم..
ذياااب وعيونه على مشاري..:هذا انت قلت انا اللي
اعرف مب هم...
مشاري ضغط على راسه بقوه وهو عارف انو كلام
ذيااب هو الصح..
وقف ذياب قرب منه وهو يجلس بجنبه..وبثقه.:
انا عندي حـــل..
مشاري لف على مشاري بسرعه..وبلهفه..:
قوول انت اش منتظر الله يهداك..
ذيااب وهو يجلس عدل..:شوف بعد يومين ابوي
مسوي عزيمه كبيره المهم انا بقول لحلا تعزم اهل
مرتك وهناك بتقدر تشوفها بدون لاحد يحس عليكم
مشاري بامل..:تقول بقدر اشوفها بعد هالغيبه..اممم
يعني بتفهمني وتجي معاي اهياا وعمار..
ذياب رحم حال مشاري ..وبجديه..:ان شاء الله
مشاري ببتسامه صفراء..:هه اخيرا بشوفهاا اكيد
عتبانه علي بس انا بعد زعلان عليهاا ليش
ماخبرتني بعمار..
ذياب رحم حال مشاري اللي جالس يتكلم بطفوليه
ماتوقع يشوفه بهالضعف وهالنفسياات السيئه..
..*..
عند حلا..
ناظرت بوجها اللي متورم من كثر البكي ..
مشت بغرفتهاا وحيلها مهدود من كثر التعب النفسي
اللي تمر فيــه..
هذا هو من طلع الصبااح اللين الحين المغرب مارد
حتى لما اعتذر انه مارح يتغدى بالبيت ماتصل فيه
واتصل في جدتهاا..
ابتسمت لباسل اللي داخل لغرفتهاا..وببحه..:تبي شي
باسل ببراءه..:ماما نوره تقول تعالي..
تنهدت بتعب وهو تتمنى ماتشوف احد وهي
بهالحال.وبهدوء.: طيب حبيبي قول لها ثواني ونازله..
باسل مشى وتركها تصارع افكارها من جديد
لبست لها بنطلون ابيض وبدري وردي رفعت
شعرها بطريقه حلو بعد مازادت الكحل والقلوس
طشت لها من عطرهاا..وهي تناظر بوجها تخاف
جدتها تلاحظ تعبهاا وحزنهااا..
نزلت وطاحت عيونها على جدتها اللي تناظرها..
وببتسامه مصطنعه..:اعذريني يالغاليه تركتك لوحدك..
الجده وعيونها بعيون حلا..وبشك..:فيك شي
حلا وهي تجلس بجنبها ..وبثقه مزيفه..:لا يمه
بس داايخه نوم..
ذياب وهو دااخل..:مساء الخير..
الكل..:مساء النور..
الجده بعتب..:وينك يمه ماسرع مانشغلت...
ذياب وعيونه على حلا اللي ماطالعت فيه..:انشغلت
يالغالـــيه..السموحه..
وقفت حلا ..وبهدوء..:بروح اشوف القهوه اش صار
عليـــهاا..
الجده بعد مامختفت عنهم حلا..:يمه ياذياب احس انو
حلا متضايقه او في خاطرها شي..
ذياب لاحظ هالشي بس حاول يخفيه على جدته
ووبتسامه..:يمه ارتااحي مافيها شي..
الجده بصدق..:شوفهاا يمكن تبي تغير جو يكفي انها
ملازمتني طول الوقت .اصلا لو شفتها الصباح
وشلون كانت تجري وخايفه عشان نسيت عن الدواء
حقي..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك