رواية خاتم في اصابع رجال -25
راكان : خلصت حل ، اكيد لا لأنه صعب ، ساره كلنا ما عرفنا ساعدينا
حمد : لا انا عرفت ، وايد سهل
ساره : شفت ، عن العيازة وحل
حمد : ساره انا خلصت بسير ارقد زين ؟
ساره :عطني ورقتك انت وعبدالعزيز ، وشله وياك وسيروا ارقدوا
راكان : اييييييييييييه انتوا ، وين عايشين الحين انا ضيف ياينكم وبقعد وياكم ، وانتو بتسيرون ترقدون .. ماشي مذهب صدق
حمد : عزيزي راكان شوف الساعه كم ، الساعه 11 ونص الليل ماشي ضيف يتم لين هالوقت .. بالعربي افهمها انت ضيف ثقيل الدم
راكان : والللللللله بتشوفوون ان ييتكم مره ثانية ، شو هالتعامل الزفت اول ما ادخل تكرفوني وتخلوني اخم البيت ، وبعدها تمسكني الصومالية وتخليني اييب لها فول سوداني ، وبعدها تمسكني ربت البيت وتييلس تمتحني على بالها الاستاذة نجوى اللي تدرسني ، وآخرتها تقولون علي ضيف ثقيل الدم ، هزللللت ..
سارة : مب عاجبنك اللي انت فيه هذا هو الباب جدامك ، اظهر
راكان : وبعاااااااااااااد تطردوووني ، افا افا ما هقيتها منكم يا اخواني تفروني في الشارع ، لكن صدقه ابوي لا عاد تعطي حد ويه وهو ما يستاهل
حمد : خلاص راكان اسكت أذيتنا بالع راديو وربي ، تعال ارقد ويانا
تشققت يوم قال حمد هالكلمة اخيرا بفتك من هالنحس اللي على قولت ساره تحديد مستوى
سارة : لااااااااااء ما بيروح يرقد الا يوم يخلص
خابت امالي وانا اسمع هالشريرة تمنعني من الرقاد لين ما اخلص
اففف
المشكلة اني مب عارف هل اللي حليته صح ولا لا
شفت حمد يسحب عبدالعزيز للحجرة وعزيز يمشي وياه وهو دايخ ومب حاس بعمره
انقهرت ف نشيت من الكنبه وانسدحت على بطني على السيراميك ، اوووه وايد بارد ..
ههه اياااااااااام يوم كنا انا وعبدالعزيز ما نعرف السيراميك ولا شكله
الله يرحم ايام اول ولا يعيدها
تأملت هالورقة الزفته اللي مافيها غير اربع اسئلة وانا مب راضي اخلصها
تأملت خطي ، يالله سبحان مغير الأحوال من كان بيصدق اني بكتب وبتعلم وبعرف الحروف ، اللي يسمعني يقول اني خطاط
مب كأن كل حرف في صوب
يالله محلى التعليم ، الحمدالله اللي يسر لنا نتعلم ..
الحين بدينا نتعلب العربي والرياضيات ، وبدينا نتقبل هالمادتين مع اني احسهن صعبات وخصوصا العربي .. في كلمات غريبة مثل ويحك !! اريكة ، هاتف ، يعني يوم عرفت ان في عصر الرسول عليه الصلاة والسلام كانوا يتكلمون جيه حسيت صعب
هيه صح نسيت ان نحن ندرس دين
الطامة الكبرى اوووه ماشاءالله علي حفظت الطامة الكبرى اللي في سورة النازعات
زين المهم الطامة الكبرى الانجليزي ، هذا على قولت ابوي اللي مستحيل نفلح فيه والمصيبة ان في هالزمن ما يمشون في الشغل الا اللي عنده شهادة انجليزي ويعرف للكمبيوتر وللاكترونيات وهالسخافات اللي الناس مدمنين عليها الحين
ررفعت راسي من على الورقة بملل ، متى سارة بتدخل حجرتها عشان استغل الفرصة وادخل عند حمد وعبدالعزيز ، افففف
والله انها اشد من استاذة نجوى واستاذ عارف
استاذة نجوى تدرسنا انا والشباب رياضيات
اما استاذ عارف يدرسنا دين وعربي
وايد شديدين ، اوووه تذكرت اني ما قلت لامي تصبحين على خير بتشرشحني وربي !!
اففف يبت الفون ودقيت رقمها وانا ادعي ربي انها ما تعصب ..
وعلى طول ياني صوتها اللي مبين عليه الغضب
ام راكان : ما بغيت الشيخ راكان ، مب انا قايل لك كل ما تروح مكه اتصل علي على الساعه عشر ونص وطمني عليك هاه !! ولا ما تتنازل تتصل ؟
راكان : يمه الله يهديج والله التهيت وبعدين ساره ما رضت تخليني اتحرك يالسة تمتحني انا والشباب امتحان صعععب اف
ام راكان : فديتها زين تسوي فيكم والله ، سلم عليها
راكان : ساره امي تسلم عليج
ساره : الله يسلمها ، قولها ان نحن اشتقنا لها
راكان : يمه تقول انها اشتاقت لج
ام راكان : بعد عمري العاقل وربي الله يخليها ، زين اسمع عساك فلحت بالامتحان ؟؟
راكان : يمه من شوي اقولج صعب يعني بالذمة كيف حليت
ام راكان : يالله منك ولد كسلان صدق .. هيه صح يقول ابوك باجر بيمر عليك الساعه 9 يعني ارقد عندهم اليوم
راكان : زين يععععني لازم ارقد الحين عشان ما اتأخر على ابوي باجر ، سمعتي ساروه امي تقول اني ارقد
طبعا ساره طنشت ولا ردت وهذا يعني اتحداك يا راكان تتحرك اففف
راكان : زين يمه سلمي على اخواني بقفل الحين
ام راكان : زين ولا تضايق بهم وخلك خفيف دم ، وتلحف عدل
راكان : يمه نحن بالصيف يعني عادي
ام راكان : ليش وضربة المكيف ما تمرض ، اسمع الكلام
راكان : زين زين ، تصبحين على خير الغالية
ام راكان : وانت من اهل الخير
بندت من امي وانا احس اني متنرفز مادري ليش مزاجي مستوي متقلب
اففف الحين ابوي بييني باجر وانا بعدني ما يلست ويا هييل
هالنظام الخايس اللي نحن نمشي عليه مفرقني عنهم
يعني بس اشوفهم يوم الخميس والإثنين
لأن المدرسين ما اييون الا هاليومين ، وباقي الايام انا في جده وهم في مكة
كم مره قلت لأبوي يخلينا ننقل لمكه بس هو مب راضي
رفعت راسي أتأمل ساره
على كثر ما هي قاسية ملامحها ماتبين هالشي ،
سبحان الله ، اول مره اعرف انها جميلة
ملامحها حلوه
بديت ابتسم على افكاري احس اني الحين صدق شاب بديت افكر شرات تفكيرهم
ههه الله يستر علينا
تأففت بصوت عالي ابين لسارة اني مليت
وبعدين حسيت اني سخيف يعني انا من الصبح مأخر عمري ليش
بحل اي شي وقلعة هالامتحان السخيف
ت\فا\صي\ل
تمر
ت\م\ر
احمد
أح \مد
(أحبكم)
أ\حب\كم
اوووه هذي كلمت احبكم يعني سارة تحبنا
راكان : كشفتج ساره
شفتها ترفع راسها ببرود ، الله يعين على برودها
ساره : همم ؟
راكان : وطلعتي تحبينا هاه ، اعترفييي يلا
شفتها تطالعني بحيرة وكأنها مب فاهمة السالفة
راكان : علينا علينا ، هالحركات ماعاد تنفع ، شو آخر كلمة عليننا نحللها ؟
ساره : اها ، المطلوب .!
يالله منها لازم تقفطني ، تقهر تقهر تقهر ..
راكان : ماشي ، بس ابين لج اني خلصت ، هاج الورقة
نشيت وعطيتها الورقة ،
راكان : مع السلامة استاذة نجوى الثانية
طبعا لا رد ، اصلا سارة هالشهرين وايد متغيرة مادري شفيها
اصلا كل حد تغير سارة افنان رحاب حمد كلهم عداي انا وعبدالعزيز
توجهت لحجرة حمد وعبدالعزيز وانا ادعي يكون فيه مساحة ارقد عليها يوم ييت بفتح الباب ، سمعت باب حجرة البنات ينفتحن ، صديت بشوف منو هي وطلعت افنان
راكان : افنااااااااااااان ، عساه عيبج الفول السوداني
افنان : هيه شكرا
استغربت يوم شفتها ترد تسكر الباب ، افنان واااااااااااااااااايد تغيرت هالسنة
من تطلقت من مبارك وهي غير غير عن قبل ، حتى ما تحتك فينا وايد
دخلت الحجرة ، وحسيت بالهوا البارد ، هه ايااااااااام ما كنا ف الصيف ننام فالحرررر والذباب والحشرات تتسلق فأجسامنا ، ياربي لك الحمد
مادري شو هالخبال اللي طرا علي فجأه
فرحت اررركض ونقزت فوق شبرية عزوز
وطاااخ ، اوبس انكسررت ههه لازم اقول لسارة المره الثانية تختار اثاث اصلي
عبدالعزيز : راكان قول يارب
راكان : اوه انت نشيت ، يااااااااااااااااااااااااااااااااااااااااارب
عبدالعزيز : افتك منك ف هالدقيقة
من قال هالجملة وانا مثلت ان روحي تطلع
لكن الهرم ولا على بالها رد ورقد ، هيه معلوم خق علينا الريال استوا مليونير ، مالت عليه
وانا بدوري انسدحت حذاله
وتفكيري بالمستقبل وكيف بنكمل تعليمنا مأرقني
ابوي يقول هالسنة المفروض نحن نتلعم الاساسيات
الجمع والطرح والحروف العربية وكيف نكتب ونقرا
وبعدين السنة الياية بنسافر نتعلم الانجليزي في شهرين ، وبعدها بنبدا ندرس منهج الثانوية العامة وبنمتحن فيه ان نجحنا فيه خذنا الشهادة ودخلنا الجامعة واذا ما نجحنا بندخل مرحلة غير الثانوية العامة
وعلى قولته يصير خير بعد سنة يمكن نموت فيها ، وصدقه
وعلى هالأفكار غفت عيني
أفْـــــــنـــــــــان
وقفت ورا باب حجرتنا ، اتريا راكان عَشان يدخل وبعدها اظهر للمَطبخ آكل الفول السوداني
نَاظرت المراية اللي جِدامي ، يالله مِن يشوف شَكلي الحين ويشوفه قبل سِنه ما بيصدِق ان هذي هي نفسها انا...
حَطِيت ايدي عَلى بَطني وحركتها بحركة دائرية على بطني وايد ..البارز وااايد
سمعت باب حجرة الشباب يِنقفل
فَظهرت وأنا أمشِي بثِقل ، المَشي يتَعبني وايد
حَطيت ايدي على خصري لأني احسها شوي وبتتقطع
مَريت على الصالة اللي تِفصل بين غرفنا والمَطبخ
وصَادَفت ساره اللي كانت مِندمجة تِقرا كِتاب ..
أفنان : ما بتِرقدين ؟
شفتها ترفع راسها وكأنها مصدومة من اللي قاعده تتكلم وكيف ظهرت
لأني من يوم ما انتقلت بيتهم وانا منعَزلة عن الناس وعنهم وما أظهر الا لمواعيد المُستشفى ..
سارة : شو اللي خلاج تسهرين للحين بالعادة ترقدين 10
افنان : ماشي اشتهيت الفول السوداني ..
سارة : اها زِين انا بييبه لج ،
ارتحت يوم شفتها تقول هالكلمة لأني فعلا ماعاد فيني حيل اوقف أكثر
يَلست بهدوء خوفِي أتألم ، هالحَمل وايد متَعبني
طِلعت مِني تنهِيدة ألم ، وعقبها حسيت بالجنين يرَافِس
حَطيت ايدي على المكان اللي يرافِس به وانا ودِي أظربه بسبب التعب اللي خلاني أتعبه ، آآآه كيف مصير ولدي يكون شرات مَصيري ..
كيف !! حسبي على اللي كان السبب
انتبهت على سارة اللي مادة لي كرتون الفول السوداني هه
عشقته فترة وحامي واستمريت عليه للحين
افنان : شكرا
سارة : العفو ، اذا تحسين انج وايد تتعبين بندخلج المستشفى
افنان : لا لا ما يحتاي ، بس باجر عندي موعِد عادي تروحين وياي ؟
سارة : طبعا اي وقت ؟
افنان : الساعه 8 الصبح
سارة : اها زين
قَعدت آكل بهدوء وسارة يلست تكمل قراية كتابها ...
رِجعت بي الذكرى لَقبل سِنة ، في اليوم اللي اغتصبوني فيه
يوم اغتصبني عديم الاحساس ويوم استسلمت له انا
نَشيت وأنا دَايخة بعدها بساعات ولقيته نايم حذالي
جن جنوني وقتها وانا طالع نفسي وملابسي المتقطعة !!
وبديت اصيح بهستيريا وخوف
مبارك اللي هو ريلي ما خليته يقرب مني
هذا الحثالة يقرب مني !! كيييف
نقزت عليه اظربه وفي نفس الوقت خايفه وايد
وفجأه ما حَسيت بالباب الا يِنفتِح فَجأه .. ويدخلون رياييل ومن بينهم هو !!
كان يطالعنِي مصدوم شو يالسة اسوي ؟
لكن أنا اول ما شفته بديت اصارخ واصيح وركضت صوبه أشمخه
ليش ؟
ماعرف
بأي عذر ؟
ماعرف
شو يخصه ؟
ماعرف
سحبني للحجرة الثانية ، وحسيت به شرات الأسد اللي يحوم على فريسته
لكن انا خايفة
وايد خايفة منه ، بديت افكر انه بيسوي بي شرات ما سوا بي اللي قبله
ف قعدت في زاوية الحجرة وضميت ريولي خايفة
وهو كان يصرخ ؟ كأنه كان يتألم شرات ما انا أتألم
الششرطة خذت المجرم وهو تم وياي ما راح ويا ربعه
انا خوفي يزيد منه
لكنه ما كان يتحرك ، ما كان يبدي اي حركة
3 ساعات وهو عندي وماتحرك
لين سمعت جرس البيت يندق
قام وظظهر من الحجرة
ورحت انا اركض عشان اقفله بالمفتاح
خلاص ابا البس لبس غيره واستر على عمري
اللبس فاضح أغلب اجزاء جسمي
لكن وين كان هو اسرع عني
ودز الباب بقوة
ورمى شخص داخل الحجرة!!
مبااااااااااااااااااارك
هذا مبارك لكن شفيه جيه !!
هذا ، هذا ، هذا سكراااااااااااان
بديت اصرخ خايفة وركضت لورا الشبرية
انا خايفة خايفة خايفة
هو تقدم صوبي وعطاني كف وغبت عن الوعي ..
حسيت بدموعي تنزل على خدي وهذي حالتي كل ما تذكرت الموقف
مبارك اسجنوها وخالد من بعد ما نقلوني للمستشفى ما شفته
أي حظ هذا اللي يخليه هو اللي يشوفني !! ويعرف
مبارك بعد ما دخل السجن حليته يطلقني وهو كأنه ما صدق وطلقني
رحت لبيت سارة ذليلة بعد ما ظهرت من المستشفى
وأول ما فتحت لي الباب رحاب ارتميت ف حظنها اصيح
محد درا بسالفة اغتصابي
وكلهم يتحسبون ان اللي ف بطني ولد او بنت مبارك
الحين انا ف الشهر السابع ..
خمس شهور وانا اعاني عشان اذبح هالجنين
كنت ابا اجتله
ما اباه يعيش هالحياة الكريهه
يوم قررت وخططت كيف بذبحه
دخلت علي سارة وكشفتني
حذرتني اني اذبحه وان ربي بيحاسبني
صحت ذاك اليوم بألم ، بحزن
صياح انسانة مظلومة ماكان همها ف الدنيا الا انها تستانس
صياح لقيطة تحتاج لحنان ابوها وام ترشدها
سارة ما قصرت وياي كانت حنونة وياي ذاك اليوم
ولأول مرة في الحياة اشوفها تتصرف بهالتصرفات
ومن بعدها ومع الايام بديت اتقبل هالجنين وعزمت اني اوفر له كل سبل الراحة
اخليه يعيش عيشة محترمة عزيزة ، ولا يعرف طعم المذلة ولا الحرمان
ام راكان وام عبدالعزيز كانن يرشدني ويعلمني كيف بعتني فيه واتصرف وياه
وشو الامور اللي لازم اتبعها اثناء فترة حملي
سارة ترافقني لمواعيد المستشفى
ورحاب فديتها تطيخ لي الأطباق الصحية اللي ممكن تغذي الجنين
الشباب بدوا يشترون له الملابس والألعاب وبدوا يتظاربون على الإسم اللي بسميه وهل هو ذكر ولا أنثى
صح اني استويت اخاف اقعد بروحي ومع اي حد من الجنس الثاني لكن لازلت احمل لهالأشخاص الحب ، هم أخواني لكن الظروف والمصيبة اللي تعرضت لها خلتني اخاف الاقتراب منهم
هم استغربوا في البداية من انطوائي لكن فسرت لهم انها متاعب الحمل
ما ابا اي حد يعرف ان اللي في بطني ولد او بنت حرام !!
اباه يطلع من الدنيا وهو رافع راسه مب لازم يدري عن ابوه مبارك
لكن خوفي الكبير ان خالد يخبر حد !! هذا اللي مخوفني ومأزمني
رفعت راسي أتأمل سارة اللي سرحانة تطالعني
هالبنت استويت أخاف منها
قبل شهر يتني وصارحتني وقالتلي انها تعرف ان اللي في بطني ولد حرام
كيف عرفت مادري ، بديت اصدق انها سكنية !!
جدا غريبة هالبنت ، بس محد مثلها الله يحفظها
حركت عمري عشان أهيأ لأعضائي اني بقوم ، تعب تعب تعب
يرحم أيام اول يوم كنت أراكض وارافس ، المشكلة اني لازلت ضعيفة وهيكل
لكن المصيبة في هالكورة اللي معلقات فيني
نَشيت بصعوبة وطلعت مني تنهيدة
ومشيت ببطء وكأني ممم دب تحت نظرات سارة المتفحصة !!
من متى وهي تصر علي ادخل المستشفى عشان يعتنون فيني
لكن انا دوم اردها ما يحتاي ، اخاف ما احس بالاطمئنان الا عندها
دخلت الغرفة وحسيت ببرودة
مشيت لين شبرية رحاب ولحفتها
ويلست على شبريتي
بس فجأه حسيت بألم فظيع يخززني ، آلمني واييييييييد
لدرجة اني بديت أئن
افنان : يارب ، يارب رحمااااك ، آآآآآآآآآآآآه
حسيت بحركة رحاب الخايفة
وهذا حالها كل ما اصدرت صوت مسكينة هي تخاف اييني الطلق وهي راقدة
يت عندي واحس فيها الصيحة
اشرت لها انها تساعدني انسدح
والحمدالله ان البنت رقيقة لانها سدحتني من دون ما أتألم وايد
لحفتني
افنان : خلاص حبيبتي ردي ارقدي انا برقد بعد
شفتها تتطالعني بنظرات شك بس انا اشرت لها تروح
وبدورها سمعت كلامي وردت ترقد
وتدريجيا بدا يخف الألم ودخلت في سابع نومه
رحـــــــــــــــــــاب
تقلَبت عَلى سَريري بكَسل ما وِدي انش لَكن اليوم عِندي شغل وايد ،
نَشيت وحَسيت اني فاقدة التوازن وكل شي اسود جدامي ف مِسكت
طرف السرير لين تروح هالدوخة
أجزاء من الثانية ورجع لي التوازن ومشيت للحمام اتوضى واصلي وبعدها بشوف الأخوان الكسالى هل قاموا ولا لا
فَرشت سجادتي باتجاه القِبلة وناظرت افنان اللي شَخيرها مع الحمل أصبح عالي ، ساعات ما اقدر انا من الأصوات اللي تطلعها
لكن الحين يالسة افكر اقومها تصلي ولا
احس انها منهكة وتعبانة وحرام اقومها !!
لكن ماعليه بتحصل اجر ان شاءالله واصلا ماباقي شي على الشروق
التفت لشبرية سارة لكن لقيتها فاضية !!
غريبة وينها والأغرب دامها صاحية ليش ما وعتنا ؟
ركعتين سنة وركعتين فرض صليتهن
وقعدت أستغفر
دقايق ورحت صوب افنان بوعيها لكن يا ليل مطولك البنت نومها ثقييييل
قرابة الخمس دقايق وانا مب محصلة منها رد لين ظربتها بظربة أقوى عن سابقاتها
وحسيتها بدت تفتح
فتحت عيونها واشرت لها صلاة
وهزت راسها
ظهرت برع الحجرة وانا اتمنى انها ما ترد ترقد
توجهت للصالة ولفتني شكل سارة الراقدة على الكنب والكتاب فوق ويهها !!
ههه الظاهر انها رقدت وهي تقراه
قريت اسم الكتاب (اسرار الطفولة ) ابتسمت لتفكير سارة
الظاهر انها متحمسة جدا لطفل افنان
وهذا حالنا ككل
اغلب سوالفنا وظرابتنا وتوقعاتنا كيف بيكون ومنو يشبه !!
حطيت الكتاب على الطاولة
وهزيت سارة بالخفيف لأني اعرف نومها خفيف
وشوي شوي بدت تفتح عيونها اشرت لها قومي صلي
وهزت راسها موافقة وتوجهت لحجرتنا
مممم منو باقي الحين ، باقي الحزب الكسول
يالله كيف اكره عمري يوم اقومهم
ماعندي صوت !!
وهم نومهم ثقيل
توجهت للمطبخ اشل سلاحي السحري لتقويمهم
واللي هو عبارة عن ملعقة وصحن نحاس مادري حديد
استوت كل حياتي طبخ في طبخ واستويت اعشقه بشكل فظيع
ملا علي حياتي وبديت احس بطعم الانجاز
استويت اتعلم واطبخ وابيع
وطبعا كل الفضل لام عبدالعزيز ما قصرت وطبعا لسارة الفضل انها دلتني عليها وطاوعت ام عبدالعزيز تتفرغ لي
فتحت باب حجرة الشباب
وعلى طول بديت اضرب الملعقة بالصحن لين طلع صوت مزعج
خمس دقايق وبدوا يتحركون بملل ويتأففون
لاحظت ان حمد قام من على السرير وهو معصب خفت يعصب علي فبديت اخفف من وقع الظرب
لكن الحمدالله انه توجه للحمام فالعادة يفر المخدة علي ويتم يسب هه
يالله باقي عبدالعزيز وراكان وهيييل تقويمهم جدا صعب
اقتربت من الاثنين وبديت اعلي الصوت
لكن هم اللي ما يستحون يتريوني امل ويكملون رقادهم لكن هيهات هيهات بقعد علة على قلوبهم
شفت حمد يطلع من الحمام
حمد : خيبة بعدهم ما قاموا
هزيت راسي بهيه وانا متمللة
حمد : هههه والله يبون ينرفزونج مستحيل انهم ما قاموا على هالصوت المزعج ، عزوز راكان يلاااااا نششوا حرام عليكم رحاب شوي وبتنفجر
شفتهم يقوومون وعلى ويوهم نص ابتسامة والله صدق ما يستحون كانوا يبون ينرفزوني بس افف منهم
ومن القهر اللي فيني فريت على واحد الملعقة والثاني الصحن
ومسكين راكان تعور من الصحن لانه ظربه ف كتفه
راكان : عممممممى يارحااااااااااب يعووور
طلعت لهم لساني بغيض ورحت اشل الملعقة والصحن ويوم اقتربت من الباب
حسيت بشي يظربني واللي هي المخده اللي كالعاده تنفر علي وتطردني
صدق انهم ما يستحون ، هذا جزائي بقومهم عشان ما يتحاسبون
لكن افعل خيرا تلقى شرا
ظهرت من الحجرة وتوجهت للمطبخ العزيز
اليوم عندي فكرة فطاير يديدة وودي اطبقها وان شاءالله احصل ربح من جراء بيعها !!
نظام عملي ممتاز بالنسبة لي ويسليني
اشتغل من الفير لين الظهر على كم صنف من الأكلات وعلى العصر اطلع واتنقل ع البيوت وبإيدي صحوني وابيع
صح ان اغلبهم ما يرضون ياخذون مني بحكم انهم يخافوون ان الأكل مب نظيف ومتسمم لكن ام عبدالعزيز الله يخليها كانت تسوي لي دعاية عند كل اللي تعرفهم من الحريم ودارت وياي 3 ايام على البيوت ومن بعدها بديت احصل ربح وفير
هذا كان الفترة الأولى
اما الحين ام راكان وفرت لي كهدية بطاقة اعمال
يعني اسمي واني طباخه وعنوان البيت عشان يشترون مني الأكل ومع الأيام الناس بدت ترسل لي مسجات وتطلب ويوم تجهز طلبيتهم ارسل مسج عشان ياخذونها
بديت هالعمل من اربع شهور وربحت للحين 3000 درهم
وناوية ان شاءالله في القريب العاجل وبعد اقتراح سارة افتح محل صغير للحلى والمعجنات وان شاءالله اني افلح
بديت اعجن العجين اللي اباه لفطاير التونة ، من امس وانا افكر اني اسويها
بس ان شاءالله اني احصل الاقبال عليه
خلصت وظهرت للحوي الصغير عشان اخليها تخمر
وعيبني الجو والمنظر الشمس توها بادية تشرق
فيلست على الدرج وانا استنشق الهوا
جدا سعيدة بحياتي اللي خلت شخصيتي تنقلب 180 درجة
استويت انسانة معتمدة على نفسي مب محتاجة لمعاونة حد
انسانة افهم اعرف ومتعلمة هالكملة احط عليها 3 خطوط
تعلمت الحروف تعلمت اساسيات ديني وهذا اهم شي
جدا ممتنة لكل حد ساعدني
تذكرت ان نوف اتصلت امس وما رديت عليها
ياويلي منها اكيد بتحشرني ههه
خبرتني انها من سنة يوم كانت مسافرة ضيعت تلفونها عشان جيه انقطعت عني لانها نست رقمي
ومن شهرين اتصل سعيد على حمد وطلب منه يرسل له رقمي لان نوف تبا ترمسني
يالله شكثر طرت من الفرح ذاك اليوم خفت ان البنت نستني
صح انها خذت الرقم متأخر لكن عذرتها يكفي انها تذكرتني في النهاية
دخلت داخل بعد ما مليت من اليلسة بروحي قعدت في الصالة وفتحت التلفزيون
بديت اقلب القنوات بملل
لين وصلت لقناة تعرض شي غريب
وشوي شوي بدت توضح لي الصورة هذا طفل
قطع علي الفاصل الإعلاني واللي وضح لي اكثر الصورة
لأنهم يكتبون اسم البرنامج
انصدمت وانا اعرف ان هذا شكل الجنين في بطن امه
تحمست انادي افنان
دخل حجرتنا والحمدالله اني حصلتها ناشة وتشرب ادويتها
اشرت لها تعالي وياي الصالة حسيت انها مب متفيقة وتعبانة لكن ما تبا تجرحني
افنان : مع اني تعبانة والله ، بس تعالي قوميني اشوف شو عندج ، طبخه يديدة ؟
ههه ضحكت على كلامها دوم أأذيها عشان تتذوق طبخاتي اليداد وتعطيني رايها فيها
هزيت راسي بلا وسحبتها للصالة
وقعدتها على الكنبه واشرت لها على التلفزيون
افنان : لااااااااا تقولين انج ناديتيني عشان اشوف التلفزيون
هههه هزيت راسي هيه عشان انرفزها
افنان : رحاب يا سخيفة ماتدرين شكثر انا اعاني عشان امشي يلا الحين ساعديني عشان ارد
هزيت راسي بلا وزدت على درجة الصوت يوم شفتهم ردوا البرنامج
اشرت على بطنها عشان تفهم ان يتكلمون عن الحمل
افنان : هيييييء هذا شكل الطفل في البطن ؟
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك