رواية خاتم في اصابع رجال -16
الزايد مني
لأول مره يكون قريب مني لهالدرجة يالله أحس اني بموووت
وما لقيت حل غير أني أصيح بانكسار
اخاف منه والله أخاف
يعني سكير بالذمه ماتبوني أخاف منه
صح طيب وحنون لكن تصرفاته وهو سكران اطير العقل
عشان كذيه اول ما أعرف انه سكر اروح حجرتي وأقفل على عمري
لكن اليوم وين حجرتي وكيف بقدر أشرد
صحت بصوت عالي وأنا أدعي حد ايي قبل ما اموت على ايد هالحمار
لكن انصدمت وانا أشوف اني أرتفع وضحكته العالية تهز البيت
سحبني لحظنه وهو يضحك بقوة
وانا صحت زيادة خفت انه استوى مينون من الإفراط ف الشرب
لكن حسيت به يضمني أكثر لصدره ويقرب راسه من إذني و يهمس
مبارك : شرايج ف الحركة رديتها ولا لا ؟؟!!
فتحت عيوني ع الآخر وانا مصدومة الحيوااااااااااااااااااااااااااااان سواها وانتقققم منيييي
ابتعدت عن حظنه وانا معصبة وأمسح دموعي
افنان : يا حماااااااااااااااااااااااااار يا غشاااش انت غشششششاش ما يخصصصصني والله ما تحتسب الحركة
مبارك : ههههههه ويووووو قصيت عليج روحي يالمقصة روحي ,,, ههههههه لو تشوفين شكلج وانتي تصيحين ... أفا يا فنونتي طلعتي تصيحين ... وطلعتي بنت والله وياااهل
افنان : جب جب والله انك غشاش اصلا المقلب سخييف وما يسوى
مبارك : عدال ممقلبج اللي يسوى ,, تخليني ناقع ف الحوييي 4 ساعات وف عز الظهر
افنان : تستاهل حد قالك تخليني بروحي يومين كاملين وتروح تسكر لك !! هذا اذا ما رحت عند حررييييييم وادلعت عندهن وسويت لي شرات هالناس اللي ف الأفلام
مبارك : وخير يا طير لو سويت اللي قلتي عليه مب أول مره .. دامج حلالي ومب راضية ,, غيرج راضييي ,, خلني استمتع يا بنت الناس
اانصصددددددمت من كلامه هذا مش حاشمني أبد الحين انا مرته ويقولي جيه
عيني عينك يعترف والله انه ما يستحي ,,
أشوى اني ما أغار ولا كنت جلبت عليه الدنيا فوق تحت
افنان : يا ناكر الجميل والمعروف قولي كم مره بستك هاااه والله انك ماتستحي انت ما تستاهل الا ان الواحد يرمي الزباله ف ويهك
مبارك : هااااااااا لا تجذبييين هي مره اللي بستيني وفوق راسي بعد .. كأني ابوج مب ريلج
افنان : احمد ربك واشكره ابوي ما كنت أناديه باسمه حتى
مبارك : المهم ماعلينا .. ممم تعالي شوي
افنان : خيييير !!
مبارك : تعالي شوي بسسس
افنان : اللي يباني اييني تعال انت
مبارك : قددها !!
افنان : وقدود بعد
شفته يتجرب صوبي ومبين من عيونه انه مب ناوي على خير
لكن ثبت في مكاني عن يتحسب اني اخاف منه ومن حركاته ويقعد يمكسها علي
بيني وبين هالريال حرب ومافيها تعادل يأما أنا يأما هو
يلس حذالي ع الغنفه وحاوط كتوفي بإيده وقرب راسي من رسه
يالله ناقصه أنا
ما أحب هالحركات أخاف آخرتها أحن عليه وأحبه بسبب حركاته الماصخه
نزلت راسي بعد ما حسيت به يبوس راسي بقوه
حشششى ناوي يجلع راسي هذا
افنان : ايييييييييه شو تسوي ,, بعد عني أشوف عطيتك ويه والله
حسيت به يرفع راسي ويخليني اناظرررره
يالله أحس اني مستحيييه ما احب اكون جريبه منه جيييه
شفيه الريال اليوم
شكل السهره اللي أمس أثرت علييه
شفت ويهه يقرب من ويهي وعلى طول شهقت وقمممت وأنا أتنفسس بالقوو
إحراااااااااااااااااااااج الله ياخذه على شو ناوي هذااا
افنان : مباااااااارك اصطلب احنا ما اتفقنا على جيييييه
مبارك : فنوووووون لين متىىى يععععني والله انييي أحبببج والله
ركضت لحجرتي وانا أصرخ
افنان : حبك برص ان شاءالله ,, انا سايرة ويا أخواني جددده بروح أزهب أغراضي .. إذا وصلو خبرني
رحت حجرتي وقفلت الباب ورحت الحمام ع طول
وفتحت الماي البارد وتميت أغسل ويهي بالقوو
شو من إحراااج تعرضت له بسبت حركته الخاييسسسه
يمممه يبالي ما أقعد وياه مره ثانية ولا بروح فيها
بدلت ملابسي اللي كنت لابستنها بعد ما حسيت انها ثجيلة وخلتني أحرر
مع انها خفيفة لكن الموقف أثر علي وخلاني أحتر أكثر
ظهرت من الحجرة مستعيلة اخاف يدقوون الجرس وما أسمعه
لأن صوت الجرس ما يوصل الا للصالة وبالخفيف بعد
ويلست ع الغنفه وتذكرت تلفوني أكيد مغلق من يوم ما نشيت وانا ما فتحته
فتحته وحصلت مكالمات بالهببل من راكان وساره
اتصلت عليهم وعيني مثبته على مبارك وهو منسدح ع الغنفه بملل
شكله فاضي اليوم
شوي وردت علي ساره بصوتها الهادي
افنان : الووووووو ساره وينكم تأخرتووو !!!
ساره : حبيبتي احنا تعدينا بيتكم صارلنا ربع ساعه نترياكم محد ظهر لنا رحنا وخليناج
افنان : شووووووووووووووو متىىىى ,, بلييييييييز ردووو لييي بلييييييييييييز
ساره : خلي مبارك اييبج باي
طووط طوووط
انصدمت ,, سكرت التلفون ف ويهي !!
المصيبة الكبرى راحوووووو علي خلوووني يعني ما بسييير وياااهم
الله ياخذج يا سارروووه والله لأذبحححج
التفت لمبارك اللي حسيته ماسك ضحكته ومن شكله عرفت شو اللي مضحك به
رحت له ركض ونقزت فوقه وظربته ف ظهره و جتفه وراسه
وشديت شعره
حسيته تألم وايد لكن عشان يغايظني تم يضححك
افنان : كنتتت تسمعهم يدقون الجررس لكن ما فتحت تباهم يروحون عني
مبارك : هههه بس هديني خلاااص ,, ع بالج انج خفيفة قومي عني
افنان : انت جب ولك عين ترمسسس الحيين الحين توديني
مبارك : بشرررط
افنان : اللي هو
لمحته يقرب مني ويهمسس بإذني بطلب
اففففف ما ابا أسوي أحس مب من عاداتي وتقاليدي
تميت أطالع فيه بتردد أما هو حسيته مستمتع باللي أنا فيه
تنهدت وقربت بسرعه منه بسته ع خده وركضت وانا أقول :
يلااااا بجهز شنطتتتك شغغغل السيارة
رحت ركض لحجرته وبعدين وقفت فجأه
خير عسى ما شر من متى وانا ارتب له شنطته وأخدمه
والله الإحراج عمل فيني عمايل
رديت للصالة ولقيته يالس وسرحان شكله مستانس الأخ
والله لو مب عشان يظهرني والحق بساروه وقومها ولا ما كنت بعطيه ويه
افنان : بروووك يلااااااا زهب شنطططتك بنلحقققهم ما بزهب لك شي انا
شفته ينش وهو يضحك والله هالريال ضحكته شيييي وملامح شي أكبر
أوووه استويت شرات الحريم اللي يمدحون رياييلهم والله وكبرتي يا أنا
تعداني وشد لي شعري وركض لحجرته
صدددق ما يستحي
لبست عباتي وتميت اترياه يظهر
وسرحت بحركاته الماصخه لهذا اليوم
يبالي افصل درع واقي من فولاذ هالرياييل ما منهم أمان
شوي وظهر وهو يسحب شنطته واشرت له على شنطتني عشان يشلها
استانست يوم شفته يشلها قلت في الخير
مشيت لعنده بتجدمه لكن انصدمت وانا أشوفه
يبطل الشنطه ويعق اللي فيها ويركض للسيارة بشنطته
الحيواااااااااااااااااان لازم اجمع أغراضي من أول ويديد
هيين يا بروووك
فَارس
يَالس ف الطيارة ف كرسيي متملل سعيد حذال اخته وأمه وانا حذالي حارب اللي أربع وعشرين ساعه سرحان وجدامنا امي وحورية ومريوم ..
هالحارب مصخخخها خلاص مرته ماتت قضاء وقدر مب لازم يذبح عمره عشانها
أبا اطلعه من الحزن اللي هو فيه بس مب عارف كييف !!
سندت راسي ع الكرسي وتميت أناظر الدريشة
حسيت بهزة خفيفة استغربت شو السالفة طنشت وقلت يمكن مطبه هوائية
لكن تلهتها هزات فظيييعه خففت
ناظرت حارب اللي كان سرحان ومب حاس بشي
هذا شكله راقد بس عيونه مفتوحة ولا منوو ما بيحس بهالهزات كلها
التفت ع الركاب اللي حذالنا وملامحهم كانت عادية بسم الله ليش انا الوحيد اللي حسيت
التفت مره ثانية ع الدريشة وطنشت يوم شفت الهزات اختفت لكن ارتبكت وانا أشوفها ترد من اول ويديد
بسم الله وقفت أشوف الناس الثانية الظاهر اللي انا يالس حذالهم كلهم ما يحسون
طالعت مريوم وحورية يسولفون عادي وامي راقدة التفت للكل محد حاس شفييهم !!
شكلها أوهام من كثر ما انا خايف من الطيارة
يييت بيلس ع الكرسي وما حسيتا لا بالطيارة تهتز بقووة لدرجة اني ملت على حارب وطحت فوقه
وشكل الكل حسه لاني بديت أسمع همسهم والصوت يعلى
أخيرا حد حس !!
مابغوو
حسيت الطيارة تفقد توازنها وشوي شوي مالت وبدت اطيييح وتتجلب
ليتهم ماحسو وليتني انا بروحي اللي حسيت ع الأقل ما كنت بعيش هالرعب
حارب كان ثابت ف مكانه ولا همه
وامي وحورية ساكنين اما مريم كانت تصرخ وتصيييح
وسعيد وأهله اختفووو !!
وينهم
سمعت كابتن الطيارة يرمس ويقول
بنحل العطل انتو يلسو ف مكانكم
هذا يستهبل ولا شو نشيت من مكاني غصباً عن المضيفة اللي كانت معصبة وتباني أقعد ف مكاني
عاندتها وسرت صوب مريوم وحظنتها
أحاول أهديها
لكن ماشي فايده البنت اشتغل اللي ف داخلها وبدت تصرخ
التفت لأمي وحورية اختفوو وينهم !!
رحت والتفت لمكان ما يلس ع حارب أبا اشوف اذا سار وياهم مكان وما حصلته
بسم الله
التفت شوي شوي للكل وما حصلت حد ف الطيارة الكل هجرها
ومريوم اللي فحظني اختفت
تميت أصرخ خايف
فجأه شفت وحده جدامي تبتسم
انصدددمت !!
شو ياب هذي
فارس : انتتتتي !!
كبرت ابتسامتها ومسكت ايدي وقادتني لباب الطيارة
وانا مثل المخدر المصدوم أمشي وراها بكل طواعية
عطتني المظلة ولبستني اياها
كنت اترياها تلبس مظلتها وننقز ويا بعض بكونا آخر اثنين باقيين
انصدمت يوم شفت ان المظلات خلصت
وبغيت افقد عقلي يوم شفتها إدزني لبرا الطيارة
وتبقى بروحها
تميت أصرخ باسمها وأنا أنززل ولحظات وطاحت الطيارة ف البحر وانفجرت
وما لقيييت غير اني أصرخ بكل قوتي من القهررر اللي عشته وأنا اشوفها تتخلى عن حياتها عشاني
فارس : ساااااااااااااااااااااااااااااااااااااره لااااااااااااااااااااااااااا
حسيت بعمري فجأه وانا افتح عيوني والشي اللي جدامي كرسي
التفت مستغرب شو السالفة انا وين
وما لقيت حد حذالي غير الأجنبي اللي كان حذال حارب
بسم الله
نشيت من كرسيي والتفت ع اللي موجودين ف الطيارة
الكل راقد واللي يسولف واللي يقرا جريدة
ناظرت أهلي لقيتهم رقود عدا كرسي مريوم فاضي
حارب ومريوم وينهم !
أصلا شو السالفة
يلست بمكاني وانا امسح العرق اللي نزل من جبيني
حلم مزعج وفظيع
لكن سؤال !!
شو دخل هالبنت عشان تظهر ف هالحلم
هاي كابوس ف حياتي الحقيقية وأحلامي
الله يستر
نشيت من مكاني بدور ع حارب ومريوم وينهم !!
يا خوفي هالبنت تسوي لنا فظيحة
وخوفي الأكبر من هالمينون ينقز من الطيارة عشان ينتحر
شوه التفكير !!
شكل الحلم أثر فيني
نشيت ساير صوب الحمامات بس حصلت مريوم ياية وسارت لكرسيها
وحارب وسعيد يالسين ف واحد من الكراسي الفاضية في الطيارة ..
رديت مكاني أفكر بالحلم الكريه
ودخلت بعدها ف نومه هادية
مريم
كلمة وحده اللي بقولها إحراااااااااااااااااااااج
أحس الموقف اللي استوا لي ويا ربيع فارس شي فظيييع
يالله متى بنسى
يلست ف مكاني وانا أحاول اتجنبه وما أطالعه وهو يالس ويا ربيعه الثاني أخو نوف
يلست حذال حورية الراقدة وانا مفتتشلة من الخاااااااااااطر
من قهري قرصتها و فخاطري أذبحها ليش انا اللي تعرضت لهذا الموقف مب هي
شفتها تنقز بخوف
تقهرني هالبنية رقادها خفيف عكسي أنا
حورية : شفيييج عممممى ؟
مريم : حوريااااااااااااااااه بصييييح
حورية : ليييش ؟ فارس هزبج ؟
مريم : لاااااااء ليته هزبني اريح من الموقف اللي تعرضت له
حورية (بملل) : شو صار قولي ابا ارقد
مريم : شو ترقدييييين حسي فيني انا إختج يا حماره المفروض ما ترقدين الا يوم أرقد وتطمنين اني بخير بعد الموقف
حورية : أعوذبالله منج ما صدقنا نفتك من عصبيتج ترد لنا ,, افففف انزين يا عمري مريوم انطقي
مريم ( مستحيه ) : تخيلي كنت سايرة الحمام وانا فيني رقاااااد مب قادرة ابطل عيوني حتى
وبالغلط توجهت لحمام الرياييل يوم ييت بفتح الباب بدخل الا وربيع فارس ظاهر من الحمام
يا فشششششششلااااااااااااااااااااه
حورية : اوييييييييييييييييييييييييييييه مريووووووووووووووم فشلااااااااااااااااااااااه
قهرتني هالحماره اباها تخفف عني زادت الطين بله
ظربتها لين ما طلعت حرتي ونشت امي وعطتني كم من هزبه ورقدت وانا أحاول انسى
اما عن السبالة اللي حذالي طار الرقاد عنها من كثر الضرب اللي تعرضت له
يااااه
حلاتهم الأخوان يوم تحط حرتك فيهم
ساره
صار لنا ساعه من يوم ما وصلنا للشقة اللي أجرها لنا مديري
وعلى طول حطينا الأغراض وتوجهنا للبحر
حدنا متحسمين تمينا نص ساعه واتصلت علي افنان وهي تصرخ معصبة
هههه حسيتا ني كريهة يوم رحت وخليتها
لكن ما أريد أتأخر زيادة
وكنت متأكده انها بتحن ع ريلها ليين ما ييبها
والحين
يالسيين كلنا ويا بعض ع البحر
نشوي
كان مبارك اللي يشوي وحمد وعبدالعزيز وراكان يتعلمون منه ويساعدونه بما انها اول مره لهم
ورحاب تبني شي بالرمل وأفنان تتمصخر على مبارك اللي أحسه شوي ويقوم يكفخها
تميت أناظرريلها
كيف لهالريال يضيع نفسه بالشرب !!
شو اللي ناقصنه ؟
عنده بيزات ابوه اللي تكفيه
وعنده الجمال عشان يتزوج ألف وحده ولا يرتكب الحرام
وعنده الشخصية اللي تحبب الكل فيه
أحس وراه ماضي مجهول
ومحدب يكتشفه غير افنان اللي أحسها تميل له
ولو سمعتني اقول هالكلام عادي تكفخني
هههه ما تحب تقر بالحقيقة هالبنت مادري شو بتخسر لو اعترفت للشخص اللي تحبه انها تحبه
حركات بنات
استغربت من كلمتي أحس نفسيتي تغيرت من بعد رابح استويت أهدأ
لكن وينه ما بجذب عليكم واقولكم ما اشتقت له واني ف راحه في بعده
بالعكس اشتقت له وأحس ان ابتعادنا عنه جرمنا الأمان
بتستغربون وتقولون ليش !!
لكن رابح بالنسبة لي من يوم انا صغيرة ولي أمري صح كريه وقاسي
وحقير وزفت
لكن كل ها ف صوب وفكرة انه ولي أمري ف صوب
ومستحيل اتخلى عنه
رحت ذاك اليوم بتهور انقذه
لكن شكله ما يبا يتم ويانا أكثر وشرد من المستشفى
الشي اللي متأكده منه ان الفروع الثانية هي اللي حرقت مقرنا
بأمر من الراس الكبير
لأنه وبكل بساطه
كان فيه ناس اول مره أشوفهم بمنطقتنا
دوم يحاوطون جريب من عمارتنا
وعقب عرفت بقدراتي انهم من التحريات
ف الظاهر انه مشكو ف مكانا
وان الراس الكبير عرف بعد انه مهدد بالخطر
لذلك حرق المقر عشان يفتك منا
لكن الشي اللي ماحسب حسابه ان نحن ما نكون ف المقر
بعدت هالأفكار السودا عني
لأن هذا ماضي ولازم انهيه مع اني أحسه بيرد وجريب
وبديت افكر بأساس رحلتنا اللي هو
اهل راكان !!
معقولة نحصلهم ف جده
أتمنى من كل قلبي نحصلهم
راكان ضايج خلقه بسبب تفكيره المتواصل بهم
ودامه قادر انه يبحث عنهم
ف هو قرر يبحث وبكل جوارحه ونحن ساندناه
طالعت البحر وتميت أتأمله
أول مره أروح له
وكنت مستانسة ع الناس الموجودة فيه
كان منظر العوايل روعة
لكن ما أتوقع ان في عايلة تسوى عايلتني
نشيت بسرعه وأنا أسمع صرخة رحاب
وف نفس الوقت لصرخة السفاح وهو يأشر ع شخص ..
التفت ناحية ما يأشر
وانصدمت وأنا أشوف الشخص اللي متوجه لنا !!
الماضي رجع وبسرعه أكبر من ما كنت أتوقع !!
إنتهى
الجزء الثامن عشر
مبارك
كنت يالس أشوي بكل هدوء وسكينة وأفكر متى الإخت افنان بتلين قلبها علي
وأفتك من المذلة اللي صارت ملازمتني هالإسبوعين
اول مره أكتشف ان في بنت لهالدرجة عنيدة
خبري بالبنات مستخفات ويصدقن الكملة الحلوة بسرعه
بس هالبنت مول مش طبيعية
تميت أتأملها وهي يالسة ويا أخوانها
أحسها وايد صغيرة !!
تصدقون ما عمري سألت كم عمرها بس من شكلها مبين انه 15 او 13
وايد صغيرة حركاتها وجسمها (قصيرة وضعييييييفة )
ساعات من سمارها أحسها من الصومال او السودان !!
واللي يأكد هالشي انها لقيطة ومحد يعرف شو هيي !!
ايييييه يالدنيا مبااارك ولد سيف ياخذ لقيطة ومسياره
وينك يا سيف تشوف ولدك لوين وصل
بس هالبنت غير عن كل اللي خذتهن مسيار !!
بيحبها سيفووه صح ولا !!
واصلا شو بيعرفه بها هي وحده ماخذنها مسيار
لكن عنيدة وراسها يابس واحب اقعد وياها للمتعه
أحسها تسيني الدنيا وهمومه شرات الخمر اللي أشربة
تذكككرت يا ترى انا يبت وياي غرشة خمر ولا !!
فتشت شنطتي وحصلت غرشتين !!
شوي بس ماعليه يكفوون اكيد بحصل حد يبيع هنيه
وانا في قمة سرحاني
ما أسمع الا صرخة بشششعة
التفت شفت الإخت الوهمية لأفنان واللي ماعرف شي عنها الا انها قمة ف الجمال
أصلا هالثلاث جميلات بس أكبرهن أحلاهن .. هذييك ام نظرات مخيفة
المهم ماعلينا
نشيت بكل برود ورحت عند البنت الهادية الغريبة وشفتها تتألم
والظاهر ان شي سرطان قرصها !!
تستاهل حد قالها تمشي ع البحر حافية
التفت بخبر اختها خل تيي تتدبر وتشوف شو يسوون لها لكن استغربت وانا اشوف ملامحها اللي أحسها بتطييح وهي تناظر شخص
وفجأه وصلتني صرخة باسم بغت تخبق طبلتي ,, حشششى من وين ييبن هالأصوات العالية
ساره : يـــــــــبـــــــــــــــــــــــــــــــــــــــ ـــــــــه !!
التفت اشوف هالأب مالها مالها ولقيته شايب
الحين هالصرخة كللللها حق هالشايب
عيل لو شافت واحد من الملوك شو بتسوي
صدق عايلة مستخفة
شميت ريحت حريق وتذكرت ان الدياي بعده ع الجمر رحت وخليت ام الصوت البشع
تكمل صياحها براحه ..
ف نفس الوقت شفت اخوها الصغير يقرب منها اتوقع اسمه عبدالعزيز
لازم أحفظ اسماءهم يا ويلي من الصوماليه اللي هناك لو نسيت اسم واحد منهم !!
الله يعيني
ساره
مصددددددددومة
الا مصعوووووقة
شو هالحظظظ اللي لعب دوره وياي
ابوي جدااام عيني معقولة
تجربت منه وانا أحس اني متلهقه أسمع صوته
وكل شي فيه تميت اطالعه وعيوني غرقانه
ابوي جدام عيني
ابوي اللي انقطع عني سنوات وما قام يزورني
ابووي الي ياما غارو مني الأطفال لأنه يهتم فيني
ابوي اللي لا يمكن أعز ابوي الحقيقي شراته
تجربت منه وكنت بلوي عليه !!
لكن تذكرت انا عاهدت نفسي اقلل احتكاك بالرياييل واحاول ما امسكهم
سمعت حسسسه اللي افتقدته
تميت احرك ايدي على عيني ابا الدمووع المتيمعه تختفيييي
لكن وين تختفي وانا أسمع حسسه و يسألني بلهفه
كومار : ساره حبيبتي شخبارج ؟
دمعت لاااااااا يالله وقته هذا وقته
مسحت دموعي بسرعه بعد ماحسيت حد وراي
ساره : الحمدالله شخبارك يبه !!
كومار : ههههه بعدج تناديني يبه !! أيام والله
ساره : شسوي ماعرفت اب غيرك !! وينك قطعــ
حسسيت ان العبرة مضايجتني ماروم ارمس براحتي خوفا من اني اصيح
هذا ابوي اللي تعلقت به من يوم انا صغيرة
واختفى عني فجأه لازم اصيييح واسوي مناحه عشانه
كومار : اووووه يا ساره كبرتي واستويتي تصيحين ,, دلع بنات هذا ولا شو ؟
ساره : لا مب دلع بنات هذا من شوقي لك ,, انت اللي تغيرت استويت كاشخ اللي يشوفك يقول سعودي ,, حتى رمستك استوت من دون تكسير . اتوقع انك ترمس احسن عن راكان
كومار : هههههه راكان وينه !! كيف وصلتوو هنيه ووينه رابح عنكم ؟
ساره : تعال اييلس بخبرك
يلسنا كلنا عدا افنان وريلها اللي قررو يمشون ع البحر وتميت اعرفه على كل واحد فينا
كان منصدم الا مستغرب
كان كل ما يشوف واحد يقول : كبرتو واستويتو رياييل والله !! اذكركم يهال بدون شنب ولا لحية
ويوم شاف رحاب ما كان يقدر يقول غير : بزوجها ولدي !!
كنا مستانسين كلنا ,, راكان وعبدالعزيز وحمد .. كانو يذكرونا بالطفولة ومواقفها
كنا نضضضحك وساعات نتأثر
وبعدها تم يسأل عن رابح وكيف وصلنا هنيه
وبكل بساطة جاوبته
ساره : إختفى
كومار : كيف اختفى ؟
ساره : ماعرف والله احترق مقرنا الجديم وحطوه ف المسشفى لانه كان مغمى عليه
واليوم الثاني يوم توجهو الدكاترة عشان يشووفون حالته حصلوه مب موجود ف حجرته والمستشفى بكبره
كومار (بشك ) : صددق ؟
ساره : ايوا والله بكذب عليك يعني ؟
كومار : اهااااا ... ومحد شك فيكم ولا شي ؟
ساره : لا محد أصلا اول ما شفنا ان ماشي فايدة من القعده وان المقر رايح فيها
سرنا
كومار : ايوا ايوا ,, يعني رابح مختفي ما مات ؟
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك