رواية خاتم في اصابع رجال -13
نشييت بسررعه وتميت ازقر بصوتي
سعيد : نوووووووف نوووووف
شفت الكل التفت لي
سعيد : وين راحن كانت يالسة ويا رحاب ع الطاولة ذييج
خالد : هيه البنتين اللي كانن هنيه شفتهن ينشن لهنالك
ناظرت وين أشر
رحت بسررعه ولقيت باب حمام الحريم
يالله لو دخلت بيسوون لي سالفة
وأخآف البنت تسوي باختي شي
ييت بدز الباب وازقر من مكاني
بس حصلت وحده تظهر وهي رحاب
ومآ انتبهت لي واصدمت فيني
رفعت راسها وهي مرتبكة
وفجأه بدت خدودها تحمر
ابتسمت احآول اشل عنها الارتباك والخجل
ولكن هيهات
راحت بسرعه وخلتني ويا نوف
التفت لنوف شفتها تبتسم
وتأشر لي انها حبت البنت
ابتسمت ولويت عليها ومشينا
حسيت بتأنيب الضمير ليش اني شكيت في رحاب انها ممكن تسوي ف اختي شي
بس الاحتياط واجب
خليت نوفوه تسير صوب الحريم وسرت انا ويلست صوب الشباب
مآ مداني ايلس الا وانا اسمع بو منصور
بو منصور : يا شباب يعطيكم العافية والله
ما قصرتو ادري ان كل ها عسب بنتي وادري عطلتكم عن أعمالكم .... أدري مالي حق بس هاي ضنااي والله لا يرويكم غياب الضنا شو يسوي ,,, ف ميزآن حسناتكم ان شاءالله
حسيت ان عبرته ف حلجه كسر خاطري وااايد مآ اتخيل عمري ف مكانه الله يصبره
فارس : ولو يا بو منصور نحن ف الخدمه ومآ سوينا الا الواجب ,, بنتكم ان شاءالله ف الجنه طير من طيور الجنه يشفع لكم يوم القيامة والله ما يبتلي العبد الا لأنه يحبه ويختبره
اصبروو واحتسبو ولكم الأجر ان شاءالله
بو منصور : ونعم بالله عسى الله يقويني لكن المشكلة
ولدي مثل ما تشوفون من يبتوه من عندنا وهو ع هالحال
وديناه عند دكتور نفسي قال لنا الدكتور انه من الصدمه يتحسب عمره يحلم وان بعده ضايع وما رد لنا =(
فارس : الله يشفيه لكم ان شاءالله ماعليه هو ياهل ومر بوايد اشياء ف غيابكم شهر شهرين ويرد شرات قبل ان شاءالله وهالشييخ يمدحون رقيته ان شاءالله انه يتحسن وياه
بو منصور : ان شاءالله الله يسمع منكم .. زين هالشباب اللي هناك يالسين يلاعبون منصور هم اللي كان يالس وياهم هو هو ويزويتي
يَالله كيف عورني قلبي عليه يوم سمعت كلمت يزويتي بنته كانت عزيزة عليه وايد
كله مني لو تذكرت شكلها يوم روونياها ذاك اليوم كان بنتهم الحين حية
اذكرها بجسمها الصغير ولسانها الطويل
استغفرالله
فارس : لحظة أسألهم لك لأني بروحي ماعرف
شفت فارس يزقر حمد من الطاولة اللي كانو يلعبون ويا منصور فيها
سأله عن منصور واليازية وين كانو عايشين فترة ماهم ضايعين
شفته يرتبك وويهه يختبص
تركنا وراح ولاجاوب ع اسئلتنا متجه للبنت الشرسسة
اي لقبناها شرسه احنا والشلة
كل مآ اذكر منظر فارس ذاك اليوم يوم صبت عليه الخياس
احس اني بزووع استغفرالله :s
هههه المهم
شفت البنت تتجدمنا بكل ثقة
احسها وايد شايفه عمرها وباااااااااارده
وبعد شوي شفت وحده تتبعها
هالبنت كانت ذاك اليوم هاااااادية وعيونها منتفخه
بس الحين اشوفها متحمسسة وكأنها ناوية تضارب
استغربت انهن سحباً كرسييين بكل بساطة ويلسو مجابلاتنا
استنكرت هالجرأه حسيت نعم !!
سمعت المتوحشة ترمس
سارة : السلام عليكم يا بو منصور
بو منصور : وعليكم السلام ورحمة الله وبركاته
سارة : عظم الله أجرك ف اليازية .. طير من طيور الجنه ان شاءالله
بو منصور : اجرنا واجر جان شاءالله .. آمين يارب
سارة : انا بقولك عن عيالك فترة مآ ضاعو عنكم ..
بو منصور (بألم ) : قولي
سارة : ف البداية ضاعو عنكم ف الحرم والظاهر انهم مشو بعيد عنكم ,,, شافهم حمد اخوي وخذهم
يبناهم عندنا واحنا ناس فقارى مالنا القدرة ان نحن نعلن ونسوي ان فيه اولاد ضايعيين قلنا بنسير مركز الشرطة بعدين استوت لنا مصيبة يوم عمي توفى وانشغلنا ,,, وبعد العزا باسبوع
كنا سايرين مركز الشرطة رحنا نصلي ف مسجد ف الطريج لأن منطقتنا بعيدة شوي صلينا ويو خلصنا بدينا ندور على اليازية ما حصلناها بدينا ندور
حصلناها مجتولة ف الحمام
بو منصور (بصددمة) : بنننننننننننننتي ماتت مجتولة !! من منوووووووووووووووووووووووو كييييييييف ما قلتوليييي حسسبي الله ونعم الوكيل
يالله انا انا انصدمت عيل ابوها كيف
صدمته كانت قويه بدا يصارخ ويصيح
الأم انتبهت ع رمسته والغريب ما تحركت لا يكون يتها صدمه
اطالعت الشرسة
هالبنت من شو مصنوعة ليش ما يابت الموضوع بطريقة أخف يالله والمشكلة ملامحها طبيعية مب منكسر خاطرها او شي
ناظرت ف خالد اللي كان يطالع مصدوم
خالد : بس انا من الشرطة ما وصلني بلاغ عن جريمة قتل ولطفلة انتو ما بلغتوو ؟
سارة : لا ما بلغنا ما عندنا دلييل عن اللي جتلها ونخاف تتهمونا دفنا البنت وخلصت السالفة
خالد : بأي حقققققق تتصرفون ؟ ماشي قانوووون ؟ الدنيا اطورت شي ادلة تبعدكم عن الجريمة الحين انتو تبينون ان انتو اللي جتلتوها
سارة : لو سمحت أخوي شو فايدت اني اييكم لهنييه واعترف لكم شو الفايدة من اني اجتلها وليش ما جتلت اخوها ياخوي لا تتبلى علي
حسييت البنت اتنرفزت شوي وخالد عصب صدق الدنيا مب فوضه كل من مات دفنوه عشان يبعدون الشبهه عنهم
التفت بسرعه يوم سمعت صوت تكسسيير يَالله الأم صابتها حاله يالسة تكسسر كل شي جدامها
شفت بو منصور يرمس ويتوجه لها ويطلب منا نبعد منصور الحين
كسرت خاطري هالعايلة شفت منصور يطالع بخووف وهو حاضن ريول عبدالعزيز
اما المتوحشة ما كان لها اي ردة فعل
اللي مستغرب منه ليش فارس للحين ما رمس مستحيل انه يشوف الغلط وما يرمس
التفت له شفته يطالع ساره بنظرات احتقار وهي تطالعه بالمثل
خفت يتكرر ذاك اليوم لذلك
وقفت حرب النظرات بينهم بعد مآ زقرت فارس
خــــــــــــــــــــــــــــــــالد
دِخلت الفِندق وانا مستآنِس حدددي ,,, هالأشخاص شخص ماعرفتهم الا قليل بس من سوالفهم حالهم من حالي كانو ف الحضيض واهتدوو
أول مآ دخلت طآحت عيني ع افنان استغربت هاي ليش لاحقتني لاحقتني
كانت تسولف مع حرمة وبنت
صديت الصوب الثاني حصلت بنت ملامحها مش غريبة عليها ونظراتها
شفتها ف مكان متأكد
شفت البنت صدت عني وسارت وانا حسيت ع عمري وسرت للشباب
سلمت عليهم وفجأه اسمع سعييد ينادي ويأشر انه يدور ع البنت اللي كانت يالسة ف الطاولة
خبرته انهن سارن ف هذاك الصوب
ويلست اسولف ويا فااارس متحمممس صدق صدق اشتقتله
ومآ انك ران عيوني تروح صوب أفنان أحس اني ابا اشوف ردة فعلها بعد اللي سويته لها الصبح
ظربتها بالقووو مع انها مش ناقصة
كان مبين عليها انها متكدرة
وأنآ زدت الطينة بله
من بين سوالفنا لفي تابا اطالعها ولقيتها تطالعني
ههه شكلها حاقده وبالقو بعد
طالعتها بنظرة ابا انرفزها وصدييت اكمل
حسيت ان فارس استغررب من سبب التفاتاتي لكن ما علق
حسيتا ني مآ اقدر اصبر اكثر ابا اروح لأفنان وارمسها
ارويها اني مهتم بها اليوم اول مآ خلص الدوآم رحت للمستشفى اخذ التحاليل
مع انها ما كانت مخلصة بس تميت فوق رووسهم اتريا
ابا اعرف شو فيها مآ اباها تتعب وايد
صح تنرفز وتقهر بس بعد
أحسها طفله تحاول تلفت الانتباه
نشيت وسط السوالف بين بو منصور وفارس وسعيد
وزقرتها اباها تيي
شفتها تطالعني من فوق لين تحت حسيت افتشلت لأن اللي صوبها كانن يطالعن علي بعد
تميت واقف 5 دقايق انقهههرت هاي مصدقة روحها شو
ناديتها بعصبية : افنااان تعالي
افنان : نععععععم
حسيت اني بفتششل اكثر ف انسحبت وحسابها عسير بعدين
شفت ربيعتها سارت صوب طاولتنا بعد مآ ناداها حممد
وبدت تسرد احدآث غريبة عجيييبة
جريمة قتتل
وف المنطقة اللي فيها ممركز الشرطة اللي انا نائب المدير فيه
والمصيبة تخلصو من الجثه خوفا من ان نحن نتهمهم
شو هالتفكييير
عصببت وصرررخت
انا مآ ارضى هالشي يصير ف منطقة اعتبر مسؤول عنها
مآ ارضى ا ن الناس الغرب يقولون شوفو كيف الأمن ضعييف عندهم
يالله والمشكلة
المقتولة طففلة !! وكانت ضايعه قبل وين كنت انا عن كل هذا
لحظظظظة تذكككرت
اذكر قبل أشهر تلقينا بلاغ عن فقدان طفلة وما حصلناها
وبعديييين
ايواااااا صحححح قالي واحد انهم عثروو ع بقعة دمم كبيرة ف واحد من الحمامات بس ماحصلوو جثه
دورو عليها ف المناطق الجريبة بس ما حصلوووو
معقولة تكون بنت هالمساكين يالله
بس هييييل ليييييش يدفنونها لييش
طيحووو ويهي صرااحة جدام الريال
قمممت بعصبييية من مكاني بسيير اشم هوا احس اني اختنقت من هالأجواء وبالغلط
دست خيط جوتيي لين ماسسببت ف اهتزاز الطاولة
وطاحت كاسة الماي ع ريول البنت اللي مقهور منها
شفتها تغممض عينها من الألم لا يكون انجرحت
تجربت منها بشووف لكن كان فارس اقرب
لاحظظت بس وجود دمم وشفت فارس وهو يلف كرسيها صوبه عشان يشوف جرحها
واظطريت انا ابعد عشان ما ترتبك البنت او تستحي مع اني اشك
وسعييد توجه لإختتته يتفقد الأوضاع
لآحظت ان في بنت تجربت صوب فارس ويلست حذاله
شكلها تقربله ولا مستحيل تتجرأ جيه
ســــــــــــــــــــــــــــــــــــــاره
من يوم مآ دخلنا وانا أحس بنفجر شو هااا !!
ما بغييت أوصل انآ الامر لأهلهم وأحس اني كنت مرتبكة
لدرجة اني يالسة اجذب الجذبة وأصدقها
والمصييبة اني ف النهاية كنت اركز اني مآ اقول انها انجتلت
ولكن قلت
كسر خاطري الأب كيف يصييح أحس كبيره ريال ويصييح
مآ الومه عنده قلب وهاي ضناه
يا ترى ابوي سوا نفس اللي سواه بو منصور
ولا امي صرخت هالصرييخ !!
مآ اتوقع !!
محد يباني انا
اشتقت حق ابوي كومار وينه صار له سنوآت مقطوع
=(
ابا اعرف منه اشياء يمكن يعرف اهلي ,, وليش انا عند رابح ؟
تأملت منصور كيف مستانس ويا السفاح والشبح وبو الجماجم
افتقدته وافتدقت اليازية
مساكين ما يستاهلون
كنت يالسة افكر واطالع ملامحهم كل واحد يبين انه سعيد وهو يخفي وراه جبال من الهموم
بو الجماجم من رد من عند وديمة مش بخير
السفاح اكيد انه مشتاق لأهله ويذكرهم من بين لحظة واخرى
لازم اساعده يحصلهم مآ اباه يضيع مستقبلة فوق ماهو ضايع
والشبح اكيييد متألم من سالفة الرفض وان محد يباه
وانا ف نِص تأملاتي
طاح شَي عَلي وانكسسر ع الأرض
وبالغلط دسست
وانجرحت ريولي
انقهرررت وتألمت يوم شفت الدم
لكن كنت مقهورة من الجرح اللي يا ف هالريول
هالريول فيها اللي كافيها ما ابا حد يشوفها
نزلت بشل قطع الزجاج اللي يت فوق ريولي
كنت اتألم لكن حابسة ألمي انا ذقت اللي اصعب عنه وبصبر
ما ابا هالتافه اللي من الصبح يوجه نظراته صوبي يطالعني وانآ متألمه
بس فجأه ما حسييت بالكرسي اللي يالسة عليه يلتف وحد ينزل صوب ريولي
وبنت تقرب صوبي
خير الدنيا فوضه
شفت اللئيييم ياي بيتفلسسف ويشوف ريولي وطبعا ما خليته
بكل بساطه شته بريولي ع ببطنه
نآقصتنه انا
شوي والا سمعععت اللي حذاله تضحححك وضحححك مآصخ
شفيها هاي السالفة ماتسوى!!
فــــــــــــــــــــــــــــــــــآرِس
لحظظة لحظظة
خلني استوعب حركتها أول
شو سوت هاي
أكييد انها مش صاحية
الا الكيد انها مينوووونة
شو مقصصدها من الحركه
آآآآآآآآآه ودددي اذبحهااااااا
مقههههههور والحمماره الثانية اللي يالسة تضحك ماعلييه يا مريوووم
من امس وهي امبووزه والحين تضضضحك
هذا وانا اخوووهاااا
رفعت رااسسسسي وانا معصصصب حدددي
فارس : ما بسوي بج شي بس بشوف الجرح
شفتها تطالعني بببرررووود وبعد فترة
ساره : هل انا طلبت !
توسعن عيوني من الصددمة هاي صاحية ولا مستخخفه شو ع بالها !!
تتحسبب عمرهاآآآ
يالله وياها يضيييع الكلام من القههر ماعرف شوا قول لهآآ
ابا اقفططططهآ كيييييييييف
فارس : تحمديين ربج ياي بسوي فيج خير
شفتها تطالعني بابتسامة استخاف وتنش عن الكررسي
انقهرت منها وآآيد بس لاحظت ع مششيتها
كانت تمشي حافية بعد ما حطت نعالها ع الأرض عشان الزجاج اللي لاصق بها
كان تعريي ورافعة عباتها شكلها مش حاسه انها رافعتنها وايد شوي
من دون وعي رحت اطالع وحده من ريولها اللي هي متأذية بهآ
انصصصدمممممممت من اللي شفته الا بغغغييييييت انجلط
التففت بسرررعه اشوف نعالها
تميييت احلل وافكر ووصلت للاستنتاج الصحيح
التفت ع البقرة الضاحكة اللي حذالي
خيبة مريوم لو ضحكت ما بتسكت
تميييت اضربها ع الخفيف وانا استهبل وياها اباها تسكت كل حد قام يشوفنا
ويطالعونها هي وضحكها الماصخ
شوي بدت تهدى وانا قمت عنها
ما اعرفها ولا تعرفني
التفت اشوف خالد وسعييد
كل وااااحد مشغووول
خالــــد يطالع افنان ومادري شو يقول لها واللي متأكده منه انه متنرفز منها لان هالبنت ماتخلي ف حد عققل
وسعــيييد يالس ويا إخته ورحـــــــاب
تأملت رحآب شكثر متغيره
مبين على شكلها تعبااانة وحيلها منهد
هالشلة وااااااااايد وااااااااااايد محيرتني
شو يقربون حق بععض
انا مآ اشوف اي شبه بينهم
غير الضعف الشديد والهم اللي مالي عيونهم والبرود اللي يكتسحهم
تميت أفكر ساره قالت عن حمد أخوها !!
كيف أخوها ما يركببب اشوفه مب مهتم لصقت ف ريال واضاربت وياه ولا لا
يعني مافيه غيره مسستحييل انه يطلع اخوهها
الا اذا هو من الصنف اللي عنده الحياة حلوة
هذا شي ثاني
فجأه مادري شو ياب عبارة منصور ع بالي يوم كان يقول حق رحاب
وينها اليازية اليازية عند الشرير صح ! يلا رحاب احنا وساره والسفاح والشبح وبو الجماجم كلنا بنرووح يلا
منو هييل الشبح والسفاح وبوالجماجم ومنو هو الشرير !!
عقدوووني ف حيااتي هالنآس
سالفة بعد مركز الشرطة وانهم ما قدرو يبلغون عن الطفلين الضايعيين منصور واليازية ما دخلت مزآجي
بس هم طيبين من رحاااب لين حمد باستثناء هالعدوه الشرسة
اففف بديت اتعقققد :@
متى برد الإمارات خلاص خلقي ضاااق ومالي خلق اتم هنييه أكثر
خلصنآ من سالفة اليازية الله يرحمها
ومنصور امه وابوه بيدبرون امره مع اني احسه الحين ماشاءالله احسسن
ومريييم بشوف الشيخ اذا بيخلص الحين ولا بيتأخر اكثر عشان احجز عند شيخ ثاني ف الامارات
ناظرت المتوحشة اللي راحت الحمام وانا مستغرب من العلامات اللي ف ريولها
ريولها كانت تخرع أشببه بلوحه فنية من خطوط بالأحمررر
كانت ريولها مشوهه بشكل فظيييع حرووق وخطوط ادل ع ضررررب
اقشعععر بدني يوم شفت الشي :s
منو مسوي بها جيييه
لآزم اكتشف سرهم وجريب ان شاءالله
شفت خالد يمشي وهو يضحك صوب طاولتنا
وسعييد بعده غارق مع هالثنتين احسه مستانس بسعادة نوف الله يديمها عليها
وعلى رحاب اللي احس نفسيتها عالية
خالد : هااه وين راحت هالكرييهه ؟
استغربت منو قصده بالكريهه
فارس : هاااه
خالد : هالملسونه اللي طيحت عليها الزجاج وينها !
فارس : أهآآآآ ماعرف والله بس شكلهآ تأذت وايد
خالد : جلعتها ما تحمد ربها انك عرضت تعالجها وترفض
فارس : يمكن تستحي حرام وبعدين لو لاحظت المستشفى اجرب ما يستوي المسها مب محرم لها
خـــالد : أدري بس مش انت قايل انك درست تمريض وبما انك قادر اتوقع وما بفتي انه عادي
فارس : خلاص يا شييخ برايها خلنا نشوف التحف اللي هناك
نشيت انا وياه رايحين للي ناقعين ضححك هنآآك ولاحاسييين بالدنيا
بُو الجــــــــمـــــــــــــآجـــــــــم
يالله اليوم واااااايد تعبنا ونحن ننقل الأغرااض <~ عاد من كثرهن
طلع احسااسي صح وراااابح بيبات عندنا بالأشهر بعد ما قال اليوم العصر انه بيتم يراقبنا ويشوف وين نحن نخش البيزات عنه
متخلف هالريال فيه شي ف عقله
تريينا لين ما رقد وبدينا نظهر الأغراض اللي شريناها مع ساروه بالدس
كان اكششن صراحة خفنا يحس ولا شي
لأنه لو حس وشاف هالأغرااض بياخذهن عنّاا
اذا الشبرية الشبرية اللي ما بتنفعه ولا بتضره انقهر يوم شافها عندنا هي والبطانيات وشلهن
حششى هالريال ابد مب صاحي
المهم شليناهن كنا نبا نحط الأغراض ف شقة افنان بس ساره مآ رضت قالت انها بتحطها ف الشقة اللي تشتغل فيها أأمن ولأنها مش مرتاحة بوجودها ف العماره ككل
وافقناها ع طول ساره احساسها وقراراته دايماً تكون صح
خلصنا نقل الأغراض <~ هي صح انا كم من جييس بس بعد اول مره يكون عندنا اغراض شخصية
عقبها صلينا المغرب
ورحنا الفندق نشوف شو يبون
انصدمت يوم شفت منصور وانصدمت من الجذبة اللي طلعتها ساره في ثانية
لكن اللي صدمني انها ماعرفت تجذب كيف انجتلت اليازية
يعني تميت مآ تخبرهم صعب يتقبلون الشي
لكن اللي صدمني يوم رمس خالد وقال انه شرررطي وربي خخفففت ننكششف
بس الحمدالله عدوها لنا بس بعد بيضلون شاكيين
عقبها هدت الأوضاع تقريبا بعد ما راح بو منصور وام منصور وخلو منصور ويانا
كان منصور يضحححك بشكل غريييب حسيته ما ضحك من زمآآآآآآآآن
مع اني اول ماشفته نازل ويا اهله حسيت ان مافيه حياه لكن الحين اشوف العكس
وكل هذا بفضل الثنائي المرح
شفت خالد وفارس يتجدمون صوبنا ابتسمت لهم بارتباك
ويلسو حذالي
شاركو السفاح والشبح ضحك اما انا ف تميت افكر
بودييمة وتصرفي وياها اليوم
هل قسيت عليها او هي اللي قست علي
محتاااار وما اعرف
التفت ف المكان ادور ساره ماحصلتهااا وينها
رحاب يالسة مع سعيد واخته
وافنان مع مريم
زين ساره وين
سمعت فارس يرمس : شفيييك
بو الجماجم : يالس ادور اختي وينها
فارس : طاح زجاج ع ريولها ونزفت كنت بعالجها بس مارضت ومادري وين اختفت
اووووووه وحليلها ساروه
أعرف انها ماتحب حد ييلس وياها ف هالمواقف لذلك قررت اني اييلس مكاني واخلي التمثيلية البسيطة تمشي عليهم
واندمجت ويا الاثنين بالضحك
السفــــــــــــــــــــــــــــــــاح
مستآنس الا مروووق اكثر عن اللازم منصور رد لنا
له وحشه أد الدونيا والله
يلسسسسنا نتمصخخر عليه كالعاده ونعلق ع الرايح والراد وهو يضححك استانست يوم شفته
يضحك الحمدالله رديناه لطبيعته ولو قليلاً
السفاح : ولو شفتو الهندي كيف تم يركض ورااا عبدالعزيز بتموتون ضحك
الشبح : جب جب مآ تلاحظ انك طايح علي من الصبح
بو الجماجم : عليييك به يلا كففخخخه
الشبح : بتساعدووني انا أخاف
ضحكنآآآآآآ كلننننا ع الشبببح وتمثيييلة اونه
ومنصور ويانا
فجأه مآ شفنا الا ساره تيي وملامح التعب امبينه عليها
ساره : يلا شباب بنسيرررر
منصور : يلا انا بروح معاكم زين ساره
ساره : لاااا حبيــ \ منصووور روح عند ماما هي تبا تشوفك
منصور : ايوا صح انا حصلتهم بس بس اليازية ماحصلتهم صح ؟
ياهيييييييه ردينا ع طير ياللي أرقني هالولد @@
السفاح : يلا منصور احنا بنروح وباجر بنييك ارقد عدل زييين
منصور : ايوا روحو بسرعه بيذبحكم هذاك بيسوي بكم مفس بو الجماجم
يا حبيييييييييبي انفضحنا بس زين ساره تداركت الأمر
ساره : لا هذاك بس يصير ف التلفزيون لا تتخيل وايد يلا سير مع هالريالين هم بيودونك عند ماما ,,, الولد قام يخربط
مشينا كلنا وودعنا فارس وخالد وسعييد تحت النظرات المتشككة والمستغربة من رمست منصور
مشينا وبعدها
السفاح : رحاب عيبتهآ السالفة ما تبا ترد شووو ؟
الشبح : بناديها
السفاح : وانا وياك
كنا نتسابق احنا والشبح ونضحك وصلنا عند الطاولة اللي يالسات فيها هي واخت سعييد
تمينا نضحك له ونأشر ان يلا قومي سباق
ضحكت علينا اما اخت سعيد حسيتها اطالعنا بقهر كأنهآ ما اكتفت من رحاب
ودعتها وعقبها تسابقنا والغريب ان رحاب ركضت من قلبها
مشينا شوي وساره بدت تتكلم
ساره : يالله واحنا كل شوي بننسى حد
شفتها تلتفت لأفنان
ساره : افنااااااااااااان تييين ويانا
شفنا افنان تقول لااا وتأشر على خالد
افنان : بيوصلني هو عيل اشتغل ف بيتهم ع الفاضي , مع السلامة وساره سوي اي شي لريولج بتنزف أكثر
ساره : يصير خيير
مشينا وساره كان مشيها صعب كانت تعري
بروحها ريولها خربانه
أذكر من سنتين حرقها رابح ف ريولها لين مآ ذابت ريولها واستووو مو قد بعض
يعني في ريول اقصر من الثانية عشان جيه ساره تاخذ نعال متخصصه لهالحالات وهذي هدية من اللي تشتغل عنده ف سلب الأعضاء
مشينا وركبنا تاكسي وتمينا نسولف ونتذكر الأحداث اللي استوت
ونقول انهم أكيييد شكوو فينا ومستحيل ما يتبعونا ف يوم من الأياام
طالعت ف الشبح الهادي واللي مب معبرنا
انقهرت منه يوم قال انه ناوي يشرد
مينون هذا يبا يذبح عمره ,, رابح موكل ناس تراقبنا للي يبا يبلغ ولا يشرررد
حطيييت راسي ع الدريشة اتريا متى نوصل
هذي هدية ساره لليوم ف العاده نروح مشي بس شكلها ما تروم تروح مشي ف وقفت تاكسي
نزلنا جريب من العماره اللي احنا فيها يعني مسافة ربع ساعه
مشينا ومشينا ونحن مستغربيين من الريحة اللي منتشرة
رييحة شي محرووووق
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك