رواية همس الموت - Whisper Death ™ - 42
سكت افكرّ فـ كلامه...
تعجّبت..! الحين هذا ساااامي اللي يتكلم..؟!!
كمّل بهمس : انسي انتقامج للمنظمة....انا وانتي مستحيل نقدر عليهم بروحنا...
طالعته باستنكااااااااار....
يقوولي انسى انتقاااااااااااامي.؟
لالا..سآآمي مب طبيعي..!!
انسى عاااايلتي اللي فرقووووووها...!
انسى النااس اللي داسوا دم امي وابوي بريووووولهم بلا رحمة..!
هزيت راسي استوعب كل حرف قاله..
همست بعدم تصديق : انسى..! تقوولي انسى..؟ انت ياا سااامي.؟ تقوولها بكل بساطة..؟
تنهد بعمق.....وغطى ويهه بايده...وقال : شهرزااااااد افهميييني.....انتي ما كنتي ويااي...ولا كنتي وافقتي ع كلامي بدون نقاش......انا قلت انسي انتقاامج من المنظمة نفسها.....وو سليمان...بـ كيفج..انتقمي منه.....
عقدت حياتي : انسى سالفة المنظمة..؟
قال بنفاذ صبر : المنظمة ما يخصج فيها.......انا بجوف حل وياها...لانه يبالها تخطييط عدل...وحتى يمكن جييش كااااامل ما بيفيد وياااها...لو شو اقولج عنها بتنصدمييين...!
تفاجأت.....لهدرجة....!!
رفع رااسه وقال بانفعال : هم عندهم كل شي....خطط غير قابلة للفشل....اسلحة بكل انواعها...تقنيات مطورة..علااقات دولية...واشياااااااااااااء وااايد واااايد...!!! " اشّر عليّ " هااه..هذي انتي اكبر دليل...وفجر بعد.....هم يستخدمون الشهرة عسب يوصلون للي يبوونه...!!! افهمي ....انا كنت غبي من البداية....لما فكّرت ان تخطيطنا ممكن ينجح..
طالعته بذهوول.....!
خططنا اللي خططناها ويا بعض..؟
ننسااها.؟
نستسلم على اخر شي..؟
بلعت ريجي وقلت : سليمان....؟
تنهد : سليمان لج....سوي فيه اللي تبيينه....لكن المنظمة لااا...
قلت بسرعه : بس سليمان تابع للمنظمة....واذا انتقمت منه...تتوقع المنظمة بتسكت ..؟
دقاايق صمت مرّت....وانا انتظر ردّه...!
عضّ ع شفااته : أدري....عسب جي...انا بضحّي عشاانج...وبسوي اللي تبينه...عشاانج انتي....انتي وبس......انتي تبين تثأرين لامج وابوج..صح.؟.وانا ساعدتج..والباقي عليج......اما المنظمة " خذ نفس عميق " اوعدج ماخليهم يلمسون شعرة منج....!
دمعت عيني قلت بصوت مرتجف : ساااامي..افهمني....انا ماااابيك تضحي عشااني....! " سكت وكمّلت الوم نفسي " انا ابي انتقم لـ نفسسي ولاهلي وو للنااس كلها...
كمّلت وانا اترجاه : انا باااخذ حقي من سليمان....بس انت ...." مسحت دمعتي اللي طاحت " انت خلك بعيييد...خلاااص لين هني و انتهى دورك....! ابتعد عنهم...وعيش حياتك ....هم مايدرون عنّك..انا بنتقم لك....!
لا تدّخل نفس في المشاكل..."قلت بحزن " وانا.......انا خلااص ما عاد يهمني شي.......المهم عندي ابرد الحرّه اللي فيني..
تأمّلني...وعقب قال : ما يهمج شي..؟
صديت عنه...
قال : وخوانج..؟ ما يهمونج..؟
التفت له بسرعه وقلت بنفاذ صبر : انا بنظرهم ميته....فـ ما بتفرق وياااهم..
همس بغموض : وانا.؟
طالعته متفاجأة..!
انت..؟
لعبت بشعر بدور بتوتر....
قلت بارتبااك : انت.......انت بعد ما نطلع من هالمكان لا تعرفني و... ووو....لا أعرفك....
وو...كذي محد بيدري عنك..وانسى سالفة المنظمة..
طالعني باصرار : شهرزاد..هدفنا مشترك....نفس ما انتي لج دافع تنتقمين..انا بعد لي..
تنهد بضيق..ووقف....و بعد ما مشى كم خطوة وقف : مب صعبة ع المنظمة يطلعون خوانج..و اكيد بيتأذون من بعدج........" أشر بايده وهو ظاهر برا " فكري بـ كلامي..
،
اليوم اللي بعد....قال انه بيروح...وبيرد عقب يومين.....
و وعدني ما يروح للمنظمة هالمرة..
"
بس ليش.؟ ليش سامي يساعدني..؟
شو كان ماضيه..؟
وليش يلاحقهم..؟
هاللي ماقدرت اعرفه عنه...
التفت لبدر البدور : بدوور حبيبتي...تعااالي هنيي....
ابتسمت ...مطنشتني يالسة تلعب وتسولف ويا روحها...
.
حسيت بظل حد وراي...
قلت بدون ما طالعه : سامي...؟ وين كنت الصبح.؟
ماردّ عليّ.....؟
صديت اطالعه...
بس شهقت بقوة..ورديت ع ورا بسسرعه...
قلت : منوووووو انت....!!!
بسرعه رحت صوب بدوور وخليتها وراااي..
بس تفاجأت بضحكته..!
ضحكة ساااامي...!!
فتحت عيووني : شففف اللي ما يستحي..!! هاي المرة الثانية تخرعني فيها...!!
غمز لي وهو يضحك : هااه...شكلي احلى عن اللي قبل..
بوزت وانا اجوف بدور اذا خافت ولا لا : لااا مب حلوو...
يلس وهو مبتسم : مادري..حسيته يناسبني..طاالع وسييم فيه...
ابتسمت...
سآمي : اليوم باخذ بدور....
عقدت حياتي ...قلت بسرعه : وييين..!!!
سامي : بردها لـ فجر...
قلت باستغراب : فجر..؟
سامي : هيه....ظهرت من المستشفى...
قلت بفرحة : فجر...! ردت طبيعية...!!!! خلااااص تعااافت...؟
سآمي : لا........! بس هي احسسن عن قبل....بس بعدها تحت تأثير الصدمة...قلت يمكن اذا رديت لها بدور ترد شرات قبل....
يتني خييبة أمل.....يعني بعدها ما تتكلم..
قلت بعد ما تأملت شكله : وليش متنكّر..؟ تراك بتسير عند فجر..!
سامي : فجر اكيد بتكون مرآقبة.....واعضاء المنظمة اللي عندها أخطر من سليمان...فـ لازم احذر..
همم صح...!
بعد ساعه ونص
،
رفعت بدور وبستها ع خدها....
حبييييتها وااايد..مع انها تمت عندي فترة قصييرة....!!
بس ونستني فـ هالمكان..
وااا..بتووحششني...
فتح لي سامي باب السيارة الخلفي...
ويلّست بدور عليه...
ووصيتها ع نفسها..
مادري فهمتني ولا لا.؟
سامي ابتسم لها : بترووحين عند فجر...!
تأملت شكله بخوف...
ضحكت ودزيته بعييد عنها..
قلت : بعدها ما تعودت ع شكلك هذا...وو انتبه لا تخووفها في الدرب..
،
هي بالموت تقبّلتنا ..
يااربي كيف كاانت قبل...كللله تصيييح وتصااارخ..!
وخاايفة مناا...
انا احسسها مب طبيعية...
فيها شي..!
ولا بنية فـ عمر 5 او 6 سنوات...ما تعرف تنطق عدل.؟ ونص الكلام تفهمه ونصصه لا..
،
ركب سامي مكان السايق..وأشّر بايده " مع السلامة "
وحركّ السيآرة...
تنهدت وابتسمت وانا اتخيّل فجر متفاجئة فيها..!
دخلت داخل ...بروح اتدرب و اقضي هالوقت ..
//
//
بدر البدور
،
جلست صآمته ولم اتحرك ابدا....
أراقب اي تحركات قد تصدر عنه...
تمنيت لو بقيت معها..
فـ هي على الاقل لن تؤذيني...!
لا اعلم كيف وصلت لها....!
فـقد تفاجئت بـ وجودي فـي ذلك المكآن....
صرخت مستنجدة بـ ريم ومريم..!!
كنتُ نائمة منذ لحظات بين احضآنهن..!
واستيقظت لاجدنني هناك...
أرعبي المكان بشدة....مظلم و...موحش...!
يذكرني بـ سجني..
لكن لماذا انا هنا وهناااك...!!
اريده...!
أين هووو..؟ ولماذا رحل..؟
اريده ان يأتي ويأخذني من هنا.....
ليحتضني و يروي أذني بصوته..
ليسرّح لي شعري ويغني بصوته الشجي..
و
أين فآرس...؟
لقد ذهب وتركني أيضاً...!
أين هم...!!!!
احتضنت نفسي..وبكيت بصمت..
،
...: بَــــدْري..؟
صرخت بفرحة...! لقد أتى....اخيراَ
تعلقّت برقبته بسعآدة..
ضحك.. ليُغرد قلبي بفرحة غامرة لسماعها..!!
..: بـــدْري..حبيبتي...!! وين كنتي...!!!
أنت الذي أين كنت...!
لماذا رحلت وتركتني..!!!
...: اشتقت لج...وااااااااااايد..واااااااااااااايد...
ضحكت بسعادة...
وأنا أكثر..!!!
بدْري يآ قلبي...
بَـــدري يا عيوووون بَدر...!
نداءاته تجعل قلبي يكاد يقف من الفرحة..
..
انتظر...!!
أين تذهب...!!
سمعت صوت صدى خطواته يبتعد شيئا فـ شيئا..!!
لاااااااا ترحل وتتركني...
ارجوووك...
انتظر..
،
فتحت عيني بسرعه....
لا ترحــــ...
أين انا..؟
رأيت باب السيارة مفتوح.....
كنتُ أحلم..!!
تقوّست شفتاي...لقد كان حُلم...!
حُلم يتكرر كل ليلة دون ان يتحقق..!
,
لمحته من بعيد يلوّح لي : يلااا نزلي..
اقترب منّي ......فتحت فمي لانذره بأنني سأبدأ بالصراااخ...
ولكنه..!
امسك بيدي وجرّني لخارج السيارة...
وقفت في الخارج...وانا انظر إليه بخوف...
.
لكن.؟
المكان يبدو مألوفاً...!!
نظرت بسرعه للاماام...........
صرخت بقوووة : فآآآآآآآآآآآآآآآآآآآآآآآآآآآآآآآآآآآآآآآلس...
نبض قلبي بفرح....
فاااارس هنا....هنااااااااا.....
: هههههه ايوااااااا..هو فاااارس اللي بوديج له....قلنا فجر وما فهمتي..
لا أعلم لما رفعت رأسي وابتسمت له........لكن سرعان ما أختفت عنددما رأيت وجهه..
ابعدت يدي عنه....
وركضت وانا أعرج لأذهب إلى فآرس...!!!!
ضحكت بسعادة.....سأراااه الآن..!
،
وقفت أمام الباب وانا الهث...
.
ضربت الباااااب بقوة....
فااارس افتح لي.....انا هناا....انا بدُووووووري...
ضربت الباب بأقوى ما لديّ....
شوقي يزداااد اكثر وأكثر...
لا يفصصلني عنه سواا هذا البااب..
توقفت يداي عندما سمعت صوت مفتاح الباب..
تراجعت قليلا..
وعيناي تنظر الى المقبض بـ لهفة
وو
فُُُـُتح...!
ظهر وجهه أخيرأً....
صرخت بشوق وفرحة : فآآآآآآآآآآآآآآلس...!!!!!!!!
نظر إليّ لـ ثوان معدوودة..
؟
فرك عينيه بيديه...!!
لم احتمل اكثر.....
ارتميت عليه...وانا أضحك بـ سعاااادة..
//
فجــر
،
سمعت صوت ضرب ع البااب..؟
منو هذا..؟
تنفس بعمق..ورحت بفتحه...
سميت بالله....وو فتحته....
تفاجئت...!!!
...: فآآآآآآآآآآآآآآآلس...!!!
طالعت فـ اللي واااقفة جدامي...وتصرخ باسمي..!!
منوووو...؟
بــ...بدُوووووري...؟
فركت عيوني مب مصصدقة.....اكيد أحلم....!!
بسس..
رديت ع ورا متفاجئة لما ارتمت عليّ وهي تضحك..
طالعتها مصدوووووووومة...!
هي نفسسسها بدُوووووري.......هي بدوووووووووور....
نفس ضحكتها وصووووتها....
نزلت لمستواها...وبعّدتها عني...
مسكت ويهها بايدي وانا مب مصدقة...
ابي أتأكد..
تأملتها بـ لهفة..
بدووووري.......بدووووووووري رجعت لي...!!!!
لالا....مآآآآآآآآآصدق....!
حضنتها بقوووووووووووة........وبشوووووق....
الحمــــــــــــــــــــــدالله....الحمـــــــــــ دالله....!!!!!!
يااربي لك الحمد .....بدُوووري رجعت لي سآآآآلمه...
دفنتها بين ضلووعي أكثر..وكأني خايفة تروح عنّي مرة ثانية...
.
بعّدتها عنّي....
وبستها ع راسها وع خدها وعيونها وخشمها بحُب....
فدييييت قلبج ياا رووحي انتي...
شليتها...ورحت لـ غرفتنا..!!!
ظهّرت كل ألعابها...!
هذي ألعاااابج موجووووووودة.....كلها عندي...
كنت اترياااج...
يا بعد عمري انتي...
،
يلست فـ حضني وهي تتكلم وااايد وتسوولف عن اللي صار لها..
وانا اسمعها بكل حب..
يكفي صوووتها اللي اذووب لما اسمعه..
هذي بنتي واختي وأمي وكل شي بالحيااة ..
،
بالليل ...
ابتسمت بسعادة لما جفتها راقدة فـ حضني...
خااطري اصررررخ من الفرح..
ابي اظهّر كل اللي فيني...!!
.
احتضنتها أكثر....وغمضت عيوني...
بدُوووري ورجعت لي...!
وهالمرة ما بفقدها....ولا بخليّ اي حد يقرّب منها..
،
تذكرت حمد...
مسكت فوني وطرشت له مسج وانا مبتسمة بسعآدة " بدر البدور ...ردّت "
بعد دقايق ردّ عليّ " اللي قلتي خطفتها المنظمة...!!!؟ "
رديت " هييه....هي نفسسها "
حمد " كييف ردّت..؟!!!!!!!! "
كتبت بحيرة " مادري...فجأة حصلتها جدام الباب "
حمد " منو ياابها...!!! مستحيل تظهر من هناك بروحها..! فجر....انتبهي عليها...وعلى نفسسج....وبدر البدور لازم تحطينها فـ مكان آمن لها..."
خفت من كلامه....كتبت : " بتكون فـ أمان ويااي.."
حمد " لا....مكانج مراقب..! ودّيها لـ مكان آمن .....وانتبهي حد يجوفها...لانه ما بيكون فـ صالحنا "
حطيت ايدي ع قلبي..لما تذكرت يوسف يوم كان هني ويا بدّوري....!
عقدّت حياتي..
يعني لازم ابتعد عن بدُوري..!!!!
مستحيــــــل...!
انتبهت لصوت المسج...فتحته..
حمد " وربيعتج اللي كانت وياها.؟ "
مريووووووم..؟ صح...قالتلي شهرزاد هي كانت وياها..!
كتبت : " مادري عنها شي ....بحاول اسأل بدُوري عنها "
.
عضيت ع شفاتي...
الحين منوو يااااب بدُوري لين هني..؟
ومريوم.؟ مب كانت وياها.؟
لحظة.؟
وين اودي بدور.؟
وعند منوو.؟
،
الفجر...5:00 صباحاً
،
اليوم بمشي ع الخطّة اللي رسمناها انا و حمد..
اروح للنآدي...
وابدا اسحب الكلام منهم..
وأردّ وياهم شرات قبل..
وبعد كم يوم بيي النادي..
أما بدووري.....قررت احطها عند عمّة علي...
اولاا....انا اثق فيها..
ثانيا...لان بدوري متعودة عليهم ...
لبستها وجهزتها....
وبعد ما تريّقنا...وسولفنا..
سالتها عن مريم.....تحمسَت لما نطقت اسمها....وقالت عن ريم...هيه..اذكر شهرزاد قالتلي عنها...
سالت بدوري عن اللي صار لها...
بس ما فادتني بـ شي... كله تتكلم عن ريم ومريوم...وتقول انهم يلعبونها وجي....
،
خذت شنطة اغراضها...وشنطتي مالت النادي..
وظهرنا..
,
وصلت بيتهم ولون السما بدا يتفتح..
دقيت الجرس..
دقايق وظهرت لي عمة علي وهي ترحب فيني..
،
طرشتلها بعد صلاة الفجر مسج اني بحطّ بدور عندهم...وفهمتها اني مابي حد يدري عنها..
وحليلها من كثر طيبتها وافقت بدون تردد..وحتى ما سألتني عن السبب..
،
ودخلت وراها ووقفنا في الحوش...
ابتسمت لما جفتها حاضنة بدوري وتبوسها...
.
عطيتها شنطة بدور..
واشّرت لها اني بروح...
بس حلفت عليّ ادخل واتريق...
توهقت معاها..
بس بالاخير وافقت..!
دخلتني غرفة الطعام...
وخلتني ايلس ع الكرسي....وصبّت لي جاهي...
حطت كل اصنااف الاكل جداامي..!
طالعتها متفاجئة....
الحين كلل هااا ريووووق..!
العمّة سلوى بحناااان : يلا يا وليدي...كلّ...ما تجوف شكلك كيف صاير.!
استحيت منها...واااايد طيبة وحنووونة....!
يلست هي ع الكرسي اللي قريب مني..وفوقها بدور...وبدت تلقمها...
.
مع اني توني متريقة....بس اكلت عشان خاطرها..
.
بدوري كان وااضح عليها النعااس..
تاكل لقمة..وتنساها فـ حلجها...هههه وراسها كل شوي ينزل ...
ضحكت العمّة : وااه فدييتها....تبااااا تررقد....!!
ابتسمت...وهزيت راسي بهيه...
امس رقدت متأخر....كانت كلله تسووولف...
وقفت العمّة ومسكت ايد بدور..قالت بابتسامة : بحطها فـ الغرفة عسب ترقد...هههه حليلها مب قادرة تتحمل أكثر...
راحت صوب الباب..وصدت لي : خذ رااحتك يا ولدي...
وظهرت...
أكلت شوي.....
أكلها ذكرني بـ طبيخ أمي الله يرحمها..
فدييتها...اشتقت لها ولريحتها...هي وأبوي..واخواني..
حنّيت لاجواء الصبالح وياهم...ونحن يالسين حول الطاولة...ونآكل بسعآدة...وبلا هموم..وبلا خوف..!
آآآآآه...
الله يغفر لهم يارب...
،
حطيت الكوب ع الطاولة بعد ما شرب الجاي..
لازم اروح الحين...
انتبهت لحد واقف عند الباب...
اوو...اخت علي..!
دقت الباب ودخلت....
وقفت على طول...
دخلت وشكلها خايفة او مستحية ماادري...
قالت بتوتر : فـ فارس.....ابي اعطيك شي مهم...قبل ما تيي عمتي...
شي..؟
بتعطينيااه..؟
اشرت لها بايدي " شو.؟ "
قالت بخوف : اسمعني...ارجووك...هالكلام مابيه يطلع حد..واللي بعطيك ياه..تراه شي خطير...واحذر حد يجوفه عندك....
عقدت حياااتي...شي خطير.؟
هزيت راسي بـ اووكي..ابي اجوف شو هوو..؟
انا من قالت بتقولي شي لما زرتهم وانا قلبي مب مرتاح..
جفتها راحت بسرعه صوب طاولة الاكل...
بعّدت كرسي...ونزلت تحت الطاولة..!!!
ثواني وظهرت وبايدها اوراق...
يت صوبي ومدّتها لي..
قالت وهي تطالع صوب الباب خايفة : هذ..هذي..كانت لـ علي....وكان دوم فـ غرفته مجابلنها....وهوو حطهن فـ مكان سري ودوم كنت اراقبه من دون لا يدري.....بس لما مات....عرفت ان موته كان مب طبيعي..والدليل هالاوراق..
القيت نظرة سريعه ع الاوراق...
عقد حواجبي..
مافهمت..كلله رموز وو كلام مب مفهوووم..؟
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك