رواية همس الموت - Whisper Death ™ - 41
صح مابي محمد ومنصور يموتون وخااصة فـ هالمكاان ويوهقونا..
بس بعــــــــد هم قتلواا ابريااااء..!
مشيت ورا مريووم بخووف..
محمد قال ببرود : ثواني وتوصل المروحية..
صدّ عنا....طالعت منصور اللي معطينا ظهره و يجمّع اسلحته ويدخلها....
شو هالنآآآآآآآآآآآآآآآآس....!!
ياا عآآآلم....توهم قتلوا .....!!
شو هالبروووووووووووووووود...
حضنت نفسي بخووووف...واسناني تصطك بعضها...
ليش محد خاايف نفسسي..!!!!!!!
غمضت عيووني.....بس..
فتحتها مصدوومة...لما سمعت صوت الزنآآآآآآد..........!!!
التفت لمصدر الصوت........مريوووم...!!!
و
موجهه مسدسين لـ محمد.....وو لـ منصور....!!!!
//
~| نهـــاية الهمسة السابعة وعشرون |~
~| الهمســــة الثامنــــــــــة وعشــــرون |~
//
مريم
،
حاولت اثبت توازني....صوّبت المسدسين بثبات صوب محمد ومنصور....اللي عاطيني ظهرهم..
خذت نفس عمييييييييييق و ضغطت ع الزنآد ....كلهم التفتوا لـــي...!
.
حسييت بصدمة ريم..!
ريم بصوت مرتجف : ممـ....مريوم...!!!!!!
قلبي دق بسرعه كبيييرة.......!
ما اهتميت لنظرات ريم....ادري لو طالعتها بضعف...
انا...انا اسوي شي كبييير...!!
ايدي بدت ترتجف...
لالالا...مب وقته...لازم اكون قوووية...
خذت نفس عميييق....!
ثبّت ايدي عددل...
لكن.!
ردّة فعل محمد ومنصور بآآآآآآآآآردة...!!
منصور ردّ يحطّ اسلحته فـ جيوبه..
ومحمد ظهّر بآكيت الزقارة...وطلّع له وحده....وولعها...وبدا ينفث دخآآنها ببرود....!!!
و لا كأني مسوية شي..!
ريم لصقت فـيني وهمست : مـ...مريوم.....من صدقج..!؟
طنشت كلامها....انا مب ناقصة اتردد فـ هاللحظة..!
ريم بخوف : مر.مريوم....بتقتليينهم..؟ انتي ما تمزحين....صـ صح.؟
خذت نفس عميق وقلت بتحدي : اكيد ما أمزح...! " قلت بسخرية " عيل من متى وانا اسمع كلام هالحثآلة..؟ تحملتهم واايد...! خطفوني من اهلي...وحرموني منهم.... بدون سبب...والحين....وبكل بساطة يبوني اشترك فـ جرايمهم..؟ يبوني اكون مجرمة اسرق واقتل...واسوي كل اللي يرضييهم....." سكت آخذ نفس وقلت بحقد "...يخسسسي....." رفعت صوتي " تسمع انت ويااه...يخسسي تتأمرون عليّ.......وو هه...جوفوا حالكم كيف؟.....كل شي انقلب ضدكم..!
لمحت ابتسامة سخرية من منصور....ومحمد ما اهتزت له شعرة...!
انقهرت منهم ..كمّلت : عيل نستوي مجرمآت ..هاه..؟ "جفت منصور وقف ..صرخت عليه " لا تتحرك..حركة وحدة.. ما بتردد وبقتلك...
نرفزتني ضحكته العالية اللي اطلقها : مو قلتلك..! هذيك النتفه ما بتسوي لنا شي..لكن هذي السوسة هي اللي تحت راسها بلاوي..! كنت ادري انها بتتمرد علينا..
طنشه محمد ...وطالع ساعته...
زفرر بضيق..: هذا ليش تأخر.....الحين يمديهم يطلعون فوق ونتوهق وياهم..
قلت بتعجب : الحين اكبر همّك المروحية متى بتوصل..!! وما همّتك حياتك..!
منصور باستمتااع : ياليآآهل...الحين انتي شآدة حييلج...ومصوبة علينا..! " ضحك يستفزني "ع بالج بـنموت بـ هالسهولة..؟ انتي شكلج ما عرفتي نحن منوو.؟ " وبغرور " نحن العميلين 7 و 8.......يعني احلمي نموت بسهولة..!
سكت شوي...وعقبها ردّ ضحك بخفة وهو يطالع المسدس اللي بايدي : انتي جيكتي ع الرصاص قبل؟
طآلعت منصور...رآفع حواحبه...و ابتسامة الثقة والسخرية ما فارقت شفاته..!
علّقت نظري عليه وما تحركت..
ريم همست بصدمة : لايكون مافيه رصااااااص..!!
بسرعه طلعت مسدسها..وظهّّرت الذخيرة..تنهدت بارتياح لما جافت انه فيه..
منصور صدّ عنّا بلا مبآلاة : اللي وياكم رصاص خاص بالتدريب.....استريحن.. باختصار الرصاصة مب قاتلة..
شهقت ريم متفاجأة.....!
لحظآآآآآآآت صمت .............!
بعدها.......
ريم بصوت مرتجف : يعني تعمدتوا تحطونه لنا..!!!و...و....خططتوا لو تعرضنا لهجوم نمـ..ـوت نحن..!!!
طاح مسدس ريم ع الارض...ومنصور حرك ايده بلا مبالاة..وصدّ عنا..
.
اطلقت ضحكة صغيرة وقلت بمكر : اذا كنت ذكي...فأنى اذكى..! " و بجمود " ما لاحظتوا ان مسدساتكم اللي في الجيب الخلفي مختفية....؟
همست لـ محمد بأسف : كنت اتمنى تكون اذكى عن جذي....!
تصنّم منصور فـ مكاانه....ومحمد طآحت زقآرته فـ الارض..توهم ينتبهون..!
وقبل ما يتأكدوا...
.
.
تحركت أصابعي بآلية....وو
طآآآآآآآآآآآآآآآآآآآآآآآآآآآآآآآآآآآخ....
أطلقت علييييهم....!!
.
صرخت ريم بصوت عآآآآلي مع صوت الطلقة..
.
لحظآآت وهم متجمدين فـ مكاانهم...
محمد التفت لي نصّ التفاته وعيونه جاحظة : كـ.....كيف............!
وو
بعدها ارتموا ع الارض بقوووة...
ارتخت ملامحي ....
طآح المسدسات من ايدي..
عيني تعلقّت عليهم....
و صوت انفآسي بدا يعلى ويعلى....لين اختلط بصوت المروحية اللي ياية من بعيد...
ماعرف اي بقايا قوة اللي يتني...وخلتني امسك ايدي ريم واركض صوب المروحية..
رفعت ايدي وانا أأشّر للمروحية....
كنت اشاهق بدون ما أحسّ...
وريولي ما عادت تتحمل اكثر..
خفت التفت ورا والاقيهم احيآآآء....
.
ريم....ماعرف شو حالتها....ولا ابي اعرف فـ هالوقت...
وقفت المروحية فوقنا بالظبط...وبسرعه نزّلو الحبل..
.
ركبت حزامي وحزام ريم بايد ترتجف....
واخيرا وصلنا فوق....
سآعدنا مساعد الطيّار...وبطّل الحزام عنّا...
ارتميت ع ارض الطيّارة..
وانا اجوف ريولي اللي ترتجف بقووة..
مسآعد الطيّار بارتباك : وينهم العميل 7 و العميل 8..!؟
مارديت عليه.....اساسا..لساني مربووووط...ماقدر اتكلم...ابا ابتعد من هنــــي..!.!
مسآعد الطيّار باصرار : ويييينهم...!!!!!
لا ردّ..!
سمعنا صوت الكابتن ويقول للمساعد بأستعجال : ارفع الحبل بسرعه.........المهمة فشلت...العميلين 7 و8 ميتين ع سطح البنااية....!!!!!!!!
وو اخــــــيرن طرنا بعييد عنهم....بعيد عن جثث محمد ومنصور المرتمية ع السطح...
ساعدني المساعد عسب اوقف....ويلست ع الكرسي..
ويلست ريم عدّالي..
حضنت نفســــــــي بخوف..
انا شوو سوييت....!!!
انــ...ـا...قتلتهم.........قتلهم بايدي..
رفعت ايدي اطالعها..
.
انا مجرمة..!!! استوييييييييييت مجرمـــــــة..!!!
سرت فـ جسمي قشعريرة...لما يت صورة محمد وعيونه الجاحظة..جدامي..!!
التفت ببطىء لـ ريم....وشفايفي بدت تتقوس ....
ماقدرت اتحمّل شكلها......شفايفها اللي ترتجف....وعيونها معلقة عليّ برعب..
خآآيف منّي.....ادري.....خايفة لاني استويييييت مجرمة....خاايفة اقتلها شراتهم..
تقوسّت شفايفي اكثر....رفعت ايدي لعيوني...مستعدة للصيّآآآآآح..
قلتلها بصوت باكي : ريــ...ـم....! انـ...ــا...." شهقت بصوت عالي وطاحن دموعي " انـــ..أ مجـرمة..........انـ..ـا قـاتـ...ـلة....انــا .سفـ...ــآحة.......
غطيت عيوني بايدي...وانفجرت اصيح.....اطّلع كل هالخووف اللي فيني....
صحت من خاطري ولاول مرة من انخطفت.....
بكييت على نفسي...وعلى توأمي...
بكييت على اهلي اللي مايدرون انا حيّة ولا ميته..
بكييت ع الخوف اللي عشته مع هاالاثنين..
بكييت ع النااس المظلوومة..واللي انسجنوا وماتوا بسبب هالمنظمة..
بكيت ع بدوري اللي مادري عنها شي..ويمكن صار فيها شي وبسببنا...
وبكييت ع فجر..نصفي الثآني...وعلى اللي سووه فيها...
بكيت..وبكيت وبكيييت........كبريآئي ما كان يسمح لي انزّل دمعه وحده وهم بعدهم يتنفسون الهواا..
بس الحين شالفاايدة.....دام اني لوّثت ايدي بدمهم...
انا زهقت اروااح..
كييف..َ!
مافي شي بيشفع لـــــــي..!!
بكيت بـ مرارة على تسّرعي....!
سمعت صوت ريم الباكي : مـ..مريوم....
اقتربت منّي....وحضنت رآآآسي...
وو صحت اكثر فـ حضنها...!
،
بعد سآعتين..
،
مسحت دموعي..
جفت ريم حاطّة ايدها ع خدها..وسرحانه.....وويهها احمر من الصياح...
عيوني تعوووورني.....ورااااسي مصددع...
تنّهدت...
انتبهت لكآبتن الطيآرة واقف جدامي..!!!!!
يلس مكان محمد...
مادري ليش عيوني دمعت لما تذكرت كيف كان قاعد..!!
تكّلم بجدّية خرعتني : طوال مهمات العميل 7 والعميل 8 كنت انا اللي اقود الطائرة لهم....و.ولا مرة فشلوا في مهمة من المهمآت..! امّا هذي فأول مرة.....مو بس فشلت...الا قضت على أرواحهم ........" تنهّد بتوتر " ادري ان هالمهمة كانت خطيرة...بسبب هالوثائق السرّية......" سكت ياخذ نفس " بس هم خططوا لها من فترة طويلة...وخططهم دائما تكون محكمة ومضمونة......!!! بس كيف....كيف فشلت.؟ وكيف مآتو..!!!
طالعته وماردّيت....
كمّل : سالفة موتهم مستحيل تعدّي بسهولة...وخاصّة للرئيس..." قال بحيرة " بس كيف الضابطين قتلوهم...وما قتلوكم.....وانتي واختج..! كيف قتلتوهم بسهولة.؟ " قال يتدارك كلامه " انا متفهم حالتج انتي واختج.....وخاصة ان هذي اول مرة لكم..بس كيف قتلتوهم.؟
تفاجأت...! ع باله نحن اللي قتلناهم...!
قصدك كيف تجرأت وقتلت هذيلاك..!!
تجمعت الدموع فـ عيني...
مسحتهم بكمّي....بس طاحن زيادة...
قال الكابتن يواسيني : الحين هذا هو تأنيب الضمير...بس عقب بتتعودين...وبتنسين...بعدين انتي ما سويتي شي غلط....انتي كنتي تنفذين المهمّة..وماعليج غير الطاعه..
انا اصلا مستغربة من نفسسي....ليييييش اصييح جي...
هم يستآآآآآآآهلوووون..... لييش اصييييح علييييييييهم...!!!!!
صح...انا ماا غلطت....انا ريحت الناااس من شرهم...
//
//
فجـــر
،
جمعت أغراضي وحطيتهم في الشنطة....اليوم بظهر من المستشفى...
خذت استراااحه كاافية وياا الوقت اللي ابدا الشغل فيه...
سمعت الباب يتبند من وراي....
وحسيت بدخول شخص...
عرفته من صوت خطواته.....
الدكتور مروان بحزن : يعني خلاااااص....بترووحين..!
بندت الشنطة....وصديت له....
دكتور مروان يقنعني : انا افضّل تكملين علااااجج هني...وعقبها ظهري ....وو بعد .. ابي اضمن انج بتكونين فـ امان...!
هذي المحاولة العااشرة في إقناعي..
هزيت راسي بـ رفض.....انا احتاج لقوة جسمي الحآلية....
كتبت له : اوعدك...بعد ما انهي كل اموري ارجع....!
زفر بضيق...! وهزّ راسه يعني برااحتج..
قال : لو اني مب واثق من انج بتكونين بخير وياه...ما كنت كتبت لج تصريح الخروج...!!
تنهد..: تأكدي اني بتم انتظرج لين ترجعين..!
ابتسم بحزن....
وظهر..!!
.
وعلى راسي الف علامة استفهام...؟؟
شفييه الدكتووور...؟ وو
منوه اللي بكون بخير ويااه..!!!!
حطيت ايدي تحت ذقني بتفكيير..
منووو يقصد بالظبط..؟ لايكون حمد..؟
بس هو اللي قال اللي بيننا سرررر..!
نفضت افكاري....بتأكد منه عقب..
،
خذت الشنطة وحطيتها ع كتفي...
حلييله الدكتور مرواان...ما قصّر وياااي...
.
ودّعت المكان على امل اني ارجع له فـ يوم من الايام...واردّ فجر الاولانية..!
،
ظهرت من المستشفى...
وركبت تآكسي....
تذكرت المسج الاخير اللي طرشه لي حمد....
يأكّد لي ع الخطة...و
قال بيزور النادي فـ يوم...عسب يحقق فـ موقع الحادث...!
انا مادري كيف بيي...؟بس قالي انه بيتصرف...بنجوف شو بيسوي..
خذت نفس عميييق...
لازم نتحرك بسسرعه...!
ابا آخذ حق علي.....وحق بدوري ومريوم..........و حقي منهم...
....: وين يريد يرووووه..؟
انتبهت ع السايق..
قلت : روح شارع 65....
دليته ع بيت علي....!
.
نزلت من التاكسي بعد ما دفعت حسآبه....
.
وقفت جدام الباب....وقلبي يدق بسرعه...
تأملته ...أخر مرة وقفت جدامه..كان وياي علي..!
تنهدت...
دقيت الجرس ثلاث مرات..
و وقفت ع جنب اتريااا...
بعد دقآيق انفتح الباب....وطلّت بشكآرتهم براسها...
قلتلها تزقر عمّة علي..
.
دقآيق ويت عمته......اللي ييت اطمن علييهم...
.
لما جافتني.....!
بكت..وبكت...وبكت....!
غطت ويهها بشيلتها وهي تشهق ..
تذكرت علي..!
ولما عرفت اني ماقدر اتكلم...تألمت اكثر....
تنهدت بحزن على كلامها اللي قطّع قلبي...
والله يا عمّة مو بس انتي اللي فاقدتنه...!
.
ترجتني ادخل بس رفضت....ووعدتها ازوورهم دووم...
بعدها...تمت توصي عليّ.......وعقبها ودّعتها ودخلت..
.
غمضت عيوني.....والله لاخليهم يندمون على كل دمعة وحزن سببوها لكم و لكل الناس..
.
ثبّت شنطتي ع كتفي...ومشيت رايحة لـ شقتي...
.
وانا فـ نص طريقي...
وقفت فجأة.....
انا حاسّة من ابتعدت من بيت علي وفي حد يلحقني...!!!
ترددت اصدّ..؟ ولا لا..!
نزلت اعدّل جوتيي.....
التفت شوي...لمحت سواد....
و
سمعت همس رقيق : أأ....فآآآآرس...
صديت لها مستغربة..!
منوو هذي..؟
حاولت اتذكر شكلها اللي مب غريب عليّ...؟!
قالت بهمس وبخجل: انا ....سلمى...اخت علي..
هييييه.....اخت علي...!!!!!!
وقفت بسرعه وطالعتها باهتماااام....
قالت بارتباك و خدودها توّردت : في موضوع مهم ابيك فيه...." وباستعجال " ماقدر اقولك هني..... لما تزورنا بقولك عنه......
وركضت بعييد عنّي.....!
مادري ليش خفت....
شفييها...في شي صار لهم ..!!
لايكون عن المنظمة.؟
لا ياااارب...
لاااااااا........مابيها توصل لهم.....ولا تأذييهم...!
ييت بلحقها....ابيها تطمني...
بس تراجعت...
لا ان شاءالله مب هم...
.
تحركت بسرعه اتجاه شقتي....
بكلّم حمد...ابي ننهي كل شي بسسرعه...قبل ما يتأذى حد ثاني...!
//
شهرزآد
،
ابتسمت فـ ويه بدووري اللي بعدها ما تعوّدت ع المكآن...
صح...بتقولون كيف وصلت هني...؟
بقولكم كيف....
"
بالليل
،
سمعت صوت سيارة اخترقت سكون هالمكان..
وقفت بسرعه وظهرت..
جفت سيارة سآمي....
تنهدت بارتيااااح.......طوّلت غيييبته واايد....!
بس الحمدالله انه ردّ....
نزل...وو هو شال بنية صغيرة...
لمّا اقترب منّي.......انصصدمت....هذا ...مب سااااااامي...
وو البنية..بدووووور.....!
سحبت المسدس بسسرعه...
بس وقفني صوته..: شهرزاد....!
طالعته للحظاااات.......هاا صوت سااااامي...
تعجبت من شكله...متغير 180 درجة..!
بس لحظة ....بدووووور..!!!
كيف..عرف مكانها..
فرحت.....اكيد عرف مكان المنظمة...!!!
لحظة...!
التوأم وييينهم...!
رديت اطالع السيارة...يمكن يطلعون منها...
فتحت حلجي بسأله عنهم......بس توني انتبه لهيئته المبهدلة...!!!!!
عقدت حيآتي......!
خذت عنه بدووري اللي راقدة بهدووء.....
دخل..و لحقته...
بعد ما يلس..يلست مجابلة...وانا حاضنة بدووور...
الاضاءة كانت خفيفة...بس قدرت اجوف عيونه اللي مغمضها بتعب..
..
فتحها ببطىء....ومسك ويهه بايده....وو.......ظهّره...!مب ظهّره...الا شقق ويهه...!!
طالعت ويهه اللي صار بايده وانا فاتحة عيوني ع الآآآآآآخر...!
شــ..شو هذاا...!!
هزيت راسي استوعب اكثر....
.
هيييي.......!!
تنكّر..؟
تأمّلت ويهه العادي.......وتنهدت بارتيااح..!
كنت احسّب انه سووا عملية تجميل...
ما توقّعت يكون تنكّر مؤقت..!
بس تنكر خطييييييير....!!!
جفتوا.! مو قلتلكم انه كل يوم يفآجئني بشيء..!
احيانن لما افكر...اقول هذا يا انه كان في الشرطة....
او في الجيش...
او ممثل في افلام آكشن.؟
مستغربة..هالخبرة من وين يت له..؟
همس بتعب : مآقدرت اطلعهن....
يطلعهن.؟ منو.؟
قصصده التوأم...!
اوووووه....حراااااام...!!!! مريم ورييم..!!!
قلت بتساؤل : كيف عرفت مكانهم...؟" سكت شوي " اقصصد المنظمة.؟
.
بعد فترة ...جاوب على سؤالي : ما كانت المنظمة...
عقد حواجبي احاول افهم..؟
صحّح : المكان اللي رحته مب المنظمة....كان فرع منها...
لها فـــرع..!
قلت : انزين....وكيف عرفت ان بدور فـ هالمكان...؟
قال باختصار : كنت اراقب اشخااااص من المنظمة......وعرفت عن فرعهم...وقدرت اتسلل وانا متنكر...واشتغلت فترة.....و كنت اراقب مقرهم...وبالصدفة جفت التوأم..وعرفت ان الصغيرة عندهم...
تعجبت من كلاااامه.....قدر يتسلل...!!
كمّل : جفتهن هناااك....! التوأم....وعدتهن ارد لهم بعد يومين.......لكن..الحراسة....! " سكت شوي " الحراسة فجأة تشددت.... و قدرت اظهر بصعووبة ..!
حمدت ربي مليوون مرة انه نجااا منها....
وااااا.....لو مسكووووه....!! على طووول بيقتلووووووووونه....
قلت بلوم : سآآمي.....كيف تروح من دون ما تقولي..؟ مهما تكون....ترا مستحيل تقدر عليهم برووحك...! لييش ما خليتني اروووح ويااااااااك....!!
ياا بيتكلم...
قاطعته : انا اتكلم بجدية.......الحين لو صار لك شي.؟ انا شعرفني..؟بـقدر اواجههم..!
تنهد بتعب : تدرين..!
.......؟
ترييته يقول اللي عنده...
سآمي : المنظمة خطييرة..!
ردّدها ثلاث مرااات.......!
خطــيرة...
خطيــــــرة..
خطيــــــــرة...!
قلت اجاريه : ادري انها خطيرة...وهالكلام قلتلياه مليون مرة...
عدّل يلسته...وركز نظره عليّ بجدية : وهالمرة اقولها بكل معنى الكلمة....
رفعت حواجبي : و ليش.؟
قال : لاني لما تسللت لهم.... جفت اللي مستحيل تتخيلينه....هذا وهو فرع..! عيل لو مقر رئيسي كييف.؟ وغير انه يمكن لهم فروع...!!
سكت افكرّ فـ كلامه...
تعجّبت..! الحين هذا ساااامي اللي يتكلم..؟!!
كمّل بهمس : انسي انتقامج للمنظمة....انا وانتي مستحيل نقدر عليهم بروحنا...
طالعته باستنكااااااااار....
يقوولي انسى انتقاااااااااااامي.؟
لالا..سآآمي مب طبيعي..!!
انسى عاااايلتي اللي فرقووووووها...!
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك