رواية همس الموت - Whisper Death ™

رواية همس الموت - Whisper Death ™ - 36

بدأ بتفتيش الغرفة بهدوء تام..

توجّه الى المكتبه...نظر الى جميع الاوراق باهتمام..

الى قصاصات الورق..والملاحظات على الهوامش...هو متيقن بأنّها موجودة هنا..

ربما تكون هنا اوراق مكتوب عليها بعض محاولات فكّ الشفرات...او اي شي تدل عليها..

توجّه الى السرير ..

نظر الى وجه شقيقته النائمة بهدوء محتضنة وسادة أخيها..

اقترب منها لياخذ الوسادة منها بحذر..

تحسسها...ولم يجد شي..

شّد قبضته بعدم استسلام..

وبدأ بمسح شامل لغرفة يبحث فيها عن الشفرآت..!

بعد مضي بعض الوقت ..

وقف في منتصف الغرفة واضعا ذراعيه أمام صدره..

ونتيجة البحث بالطبع صفر..!

يكآد يُجن...!

أين اختفت..؟ ام انها بالاساس غير موجودة هنا.؟

اذا اين هي..؟

ولـربما وقعت في يد شخص ما...؟

لكنه سرعان ما ابعد هذه الفكرة عن رأسه..

اذ ان موت علي كان فُجائيا وغير متوقع..!

فـ بالتاكيد لم تسنح له الفرصة لاعطاءها شخصا اخر..!

خطرت بباله فجر..!

هل تعلم بموضوع الشفرات.؟

لكنه لم يراها مع علي في كل مرة.؟

تحسس جبهته بأصابعه بالم..

يشعر بالصداع منذ الصباح...بسبب فقدانه نظارته...وبسبب هذا المكيّف المزعج..!!!

قرر ان يخرج من هنا قبل ان يزداد..

توجّه الى الباب...

ولكنّه توقف فجأة..! ونظر الى المكيّف بشك..!

ارتسمت ع شفاهه شبح ابتسامة..

للتو لاحظ ذلك..! فـ المكيّف ليس صحراويا ليصدر صوت مزعج..!

رفع الكرسي الموجود..ووضعه تحت المكيّف...وصعد فوقه..

وجّه مصباحه نحوه..

توسعت ابتسامته اكثر...

فقد وجد الغطاء مفتوح قليل...وهو من سبب ذلك الصوت..

وضح المصباح في فمه..

وامسك المكيّف من كلا جانبيه ليفتحه...

وهو يحاول رفعه..اصدر صوتا ..

نظر الى الفتاة النائمة..فـ وجدها في نفس وضعيتها..

أما عن الفتاة...!

فقد كانت تهمس في قلبها بالدعاء بان لا ينتبه لها..

كانت تراقبه طوال الوقت...!!

شكرت ربها كثيرا بأنه لم يلاحظ رجفتها عندما اقترب منها.!

علمت من انه قد يأتي يوما ...!

كانت تراقب اخاها دائما بانه يخفي شيء ما..

فأدركت انه شيء خطير وسرّي ومهم له..

فـ كان تصرفها سريع وفطين...!!

أما عنه..بعدما رفع الغطاء شعر بخيبة أمل كبييرة...!

اعاد كل شي الى مكانه..

وخرج من المنزل صفر اليدين...

وقد خاابت ظنونه..! فـ ربما كان وجود علي في مواقع تنفيذ الجريمة ما كان الا صُدفة..!

فجــــــــــر

فتحت عيوني ببطىء ومنزعجة بسبب ضوء الشمس..

ثواني استوعبت اني فـ مكان غرييب.!

تأملت المكان...

مستشفى...؟

تذكرت اللي صار.....ويتني رجفه...

جفت الممرضة اللي جفتها امس دخلت...

قالتلي بابتسامة : قود مورننق سير...!

طالعتها وهي تحط صينية الاكل جدامي..

قالتلي آآكل....بس رفضت..

وبعد محاولات فاشلة منها مارضيت...جفتها تبوز..وسمعتها تتحرطم..

وقفت وفتحت الباب : دكتررررر مرواااان...دكترررر...كم هيير..بــ.....

قاطعتها لما ركضت لها وسحبتها داخل الغرفة....ما نتبهت للمغذي اللي سحبته وطااح ع الارض وطلع صووت عالي..

سمعتها صرخت...بس بسرعه حطيت ايدي ع حلجها..وانا خاايفة اي حد ايي..

اشرت لها تسكت..

هزت راسها بسرعه موافقة...!

ارتحت...

بعّدت ايدي..ومسكت ذراعها ...سحبتها وياي للسرير..

أشرت لها تقعد وياااي...

جفتها تطالعني بخووف..

وو

صرخت بصووت عاااالي..

حطيت ايدي ع اذووني من صووتها...

جفت دكتوور دخل بسرعه...

قالت بصوت باكي : دكترر مروااان..دكتررر....بلييييييييييز...هلب ميييييي....

خفت انا و غطيت ويهي بظهرها من الدكتوور..حسيت فيها ترتجف..

سمعته يقول بهدوء : فآآرس....ردّ مكاانك..وبعّد عن الممرضة..!

هزيت راسي برفض قااااااطع...

لمحته يقترب مني...

حضنت الممرضة اكثر..

وو

لما مسكني من ذراعي وبعّدني عن الممرضة تخبلت...!!

دزيته بعيد عنّي...وركضت صوب الباب..

بس كان اسرع عنّي...وقف جدامه يمنعني...!

رديت ع ورا مادري وين اروح...

جفت الممرضة تركض ووقفت عدال الدكتور..

اما انا...بسرعه رحت تحت السرير انخش منه..

غطيت ويهي بايدي اللي ترتجف..

سمعت حد ظهر من الباب..

نزلت ايدي ببطىء..

بس تفاجات بالدكتوور فـ ويهي..

قلبي طآآح ببطني..

قال بنبرة تطمني : تعاال فاارس...! من شو خااايف...؟!! ما بسويلك شي...تعااال. هني..!

هزيت راسي بقوووة..

وانكمشت اكثر على نفسي..

قال : اوكي..انا ببتعد....وانت اطلع....انزين...؟

جفته وقف وابتعد عني...

بس مارضيت اطلع..

مستحيل ..!!

تمينا ع هالحالة..هو يالس بعيد يترياني اطلع من تحت..

وانا اترياه يظهر براااا..

شويه وتفاجانا بدخوول كمن شخص..ومسببين ازعااج باصواتهم وضحكهم..

ما جفت الا ريولهم..

بس تعرفت عليهم من اصواتهم..

سالم : ككككك....الله يخسج خلووفه....قفطتيني جدامها..

خليفه يضحك : شسوي فيج سلومة...حد قالج تفشلين عمرج..؟

ناصر : استحوا ع ويوهكم انتي وياها..وين عاايشين.؟

سيف : عييب..انتن في المستشفى..!

بس سكتوا فجأة...

سالم باحراج : اوو...دكتور انت هني...!؟ " قال يرقّع السالفة " الا ليش يالس ع الارض جي.؟

جفت الدكتور يبتسم لهم...ووقف

الله يستر..شكلهم متآمرين عليّ كلهم..!!

الدكتور : هلااا شبااب...اخبااركم.؟

الشباب : تماااام...! وانت.؟

الدكتور : الحمدالله بخير.....ممممم..اعتقد...انــ....

قاطعه خليفه : دووم ان شاءالله..

سالم : مدييم ياااارب...

ناصر : يعله دووم مب يوووم...

الدكتور باستغراب : تسلموون...

سيف بسرعه : الله يسلمك...

خليفه : من الشر ياااارب...

الشباب مرة وحده :آآآآميييييين....!

سكت الدكتور يطالعهم....قال : بس انا..قلت...أأ...

ناصر بشهقة : دكتوور....وين فروووصة...؟

الدكتور بحزم : اظن انكم سمعتوا من الممرضات الزيارة ممنوعه لفارس..صح ولا لا...؟

سيف : أفآآآآآ ....شو سوا فروووص مسوود الويه...؟

سالم : فشلنــــآآآآآ...!!!

خليفة : فضحنآآآآآ...!!

نااصر : سوّد ويووهنا جدام العرب والغرب...!!

سيف باستلطاف : دكتوور...عسى ما شااغب...؟

جفت ريول الدكتور تضرب الارض بخفه...يترياهم يخلصون استهبالهم..

ضحك سالم بتوتر : آآسفين....خلاااص شبااب عييب عليكم..مب وقته تستهبلون...

الدكتور : ممكن تطلعون الحين..؟

سيف : بس اول بنجوف فارس..

الدكتور وصبره بدا ينفذ : ممكن تطلعون وبنتفاهم براا...

خليفة مطنشه : فرووص...ويينك...؟

جفته توجّه للحمّام...دق..الباب بس محد ردّ..

فتحه..

خليفة : مب هني...

ناصر فتح الكبت : ولا هني..

سيف بضحكة : لا يكون بعد تحت السرير....!

كلهم نزلوا مرة وحده يطالعون تحت السرير..

لما جفتهم..

ارتجفت من الخووف...

دفنت ويهي بايدي...

هم يستهبلوون....يعرفوون اني بنية...

واكيد يوسف موصيهم عليّ...

اصلا كلهم نفسسسسه...

كلللللهم...

سالم بصدمة : فرووص..من صدقك انت..!! شو تسوي تحت..

خليفة باستنكآر : فاارس....تسمعناا..؟

سيف بتوتر : يمكن ما يعرفنا..

ناصر باستغراب : لييش شكله خاايف..؟؟ لما زرناه قبل كم يوم ما كانت حالته كذي..

تنهد الدكتور : ممكن لو سمحتهم نتكلم برا....حالته ما تسمح تتكلمون وياه...

أمام الغرفة..

سالم بخوف : دكتوور...شو فييه فاارس..؟!!!

الطبيب : مآآدري....! من امس يرفض اي حد يقرب منه...الا ممرضة وحده.!

خليفة : ممرضة..؟

الطبيب : انا ابي اسالكم كم سؤال يخصه..

نظروا اليه باهتمام...

الطبيب: ممم...هوو تعرض لـ شي قريب..؟

خليفة : شي نفس شو..؟

الطبيب بجدية : اغتصااب....اوو....حد تحرش فيه..؟

لاحظ الصدمة على وجووههم..!

سيف باستنكار : انت تتكلم من صدقك..؟

ناصر : دكتور....فارس تراه ريّال..وو

قاطعه الطبيب : جاوبني...؟!

خليفة : مم...مادري دكتور....نحن بصراحه مب واايد ويااه...لانه كان اكثر شي ويا علي الله يرحمه...زرناه بعد موت علي....بس ماكان يتكلم...وعرفنا انها من صدمة موته...

سالم : بس ما كانت هذي حالته...و.بالعكس..كان....كان يطالعنا بحقد...وشكله كان كارهنا بالقووو وما كان خايف ..! واخر مرة جفته قبل 3 ايام في النادي...! وكان يركض وظهر من النادي...حتى لما المفتش كان يزقره ...مارد عليه...

سيف : رحنا له مرة ثانية لشقته...بس ما فتح لنا...ولمّا مر يومين ..خفنا عليه...ولما كسرنا الباب...حصلناه بهالحاله..

هز رأسه الطبيب متفهما...ثم قال : انزين...هو منو قابل في النادي..؟

سالم : مادري...انا جفته ظهر من المستودع يركض..وما انتبهت اذا كان في حد هناك او لا...يمكن هو تأثر لمّا جاف المستودع..وتذكر علي..

لحظة صمت....!

الدكتور : خلااص...مشكورين ع المعلومات...بس اتمنى منكم ما تزورونه حاليا..صدقوني لما تتحسن حالته..بسمح لكم بزيارته..

انزلوا رؤوسهم بحزن على رفيقهم..

و غادروا بعد ان شكروا الطبيب..

ذهب الى مكتبه...وفكره مشغول بـ مريضه...!

استدعى احدى الممرضات..

وأمرها ان تذهب الى فارس وتهدئه...بينما هو سيراقبه من الكاميرا...

راقبه باهتمام من خلاال الشاشة...وملف فارس امامه ليسجل ما يلاحظه...

رفع حاجبيه بتعجب...عندما خرج فارس بسرعه من تحت السرير..

و تشبث بالممرضة بخوف..

ومنعها من ان تذهب..

فكر بحالته الغريبة هذه...

استدعى ممرضة اخرى فورا..

الممرضة : نعم دكتور مروان..؟

الطبيب مروان : صفية...ابيج تسوين له فحوصات...ولا تخلين اي ممرض يدخل عليه عدا الممرضات طبعا...واهم شي ابي فحوص الهرمونات والدي ان اي...وباسرع وقت...

هزت راسها بموافقة..وعلامة الاستفهام على وجهها..

في صباح اليوم التالي

قرأ نتائج الفحوصات بحيرة..

قال لنفسه بحيرة : الهرمونات الذكرية عنده مرتفعه بزيااااادة...! و والانثوية بالنسبة لرجل مرتفه بعد..ولو انها اقل عن الذكرية...بس ليش.؟

وقف وتوجه الى غرفة فارس..

دخل وااقترب منه..

وجده لازال نائما..

تفحصه بنظراته...محتار...لا يعلم عنه شيء...وليس له اهل...

انتبه بانه ممسك بقميص المستشفى بيديه ..

تقدم...وابعد يديه بهدوء..

لاحظ بان ذراعه مليئة بآثار جروح...!

لفت انتباهه بوجود آثار ايضا على رقبته..

تأكد انه تعرض لشيء...!

مسك قميص فارس..

ولكن سرعان ما شد فارس على قميصه..

فتح عينيه ونظر الى الطبيب...وبعدها عاد واغمضها..

تنهد الطبيب بارتياح...وانتظر الى ان يتعمق في نومه..

ابعد يديه مرة اخرى...

وفتح ازاره وهو يتفحص رقبته بعينيه..

كما توقّع...تعرض لشيء سبب له هذه الحاله...

ولكن..!!

سرعان ما اشاااح بوجهه بعيدا..!!

تراجع الى الوراء..وهو ينظر الى فارس بصدمة..!!!!

همس بصدمة : بــ...بنت..!!!!!!!!!!!!!!!! فآآرس محمد.الـ.... بنت..!!!!! كييف..!! اللاعب المشهور...يطلع بنية..!!!

تنفس بعمق ليهدىء اعصابه..

فتح ازراره العلوية بتوتر...

اقترب من غير ان ينظر اليها..

ورفع غطاء السريرلـ يغطيها به..

وبعد خرج مسرعا من الغرفة....

بعد ان ابتعد عن الغرفة..

اصطدم بشخص امامه..

الطبيب : ام سووري...

اكمل طريقه لكنه صوت استوقفه ..

..: دكتور مروان..؟

التفت له : اي نعم...؟

تقّدم اليه بثقة وهو يثبت نظارته الجديدة باصبعه..مدّ يده له : وياك كآبتن يوسف...مدرب اللاعب فآرس محمد.الــ..

صافحه وهو يتفحصه..

يوسف : عرفت ان اللاعب فارس..موجود هني..؟

الطبيب : هيه...يتعالج هني...

يوسف : اقدر اجوفه..؟

الطبيب بنظرة ثاقبة ليوسف وهو يتذكر كلام الشباب عنه : حاليا..! وضعه ما يسمح.." سكت قليلا " ممكن تتفضل وياي للمكتب..؟ ابي اسالك كم سؤال عنه..

اومأَ راسه موافقا...وذهب وراء الطبيب الى مكتبه..

بعد ان جلس امامه..

تأمله الطبيب للحظات وبعدها قال : ابي اسالك عن فارس...قولي اي شي تعرف عنه...

يوسف ببرود : انا مدربه...مب اخوه...ماعرف عنه غير انه وحيد..

الطبيب ببراءة وبفطنه : انزين ...لما قابلته اخر مرة في النادي...كيف كانت حالته..؟

نظر يوسف الى الطبيب بتفحص : كانت حالته عادي..عدا انه ما يتكلم..

هزّ الطبيب رأسه باهتمام : انزين...قالولي ربعه انه دخل المستودع اللي توفى فيه ربيعه..ولما ظهر منه كان يركض..وما كان يسمع لنداءاتهم..

صمت يوسف للحظات...اعتقد بان احد من اصدقاء فارس قد رآه وهو يخرج من المستودع..واخبر الطبيب بذلك..

يوسف وهو يبدي اهتمام مزيف : هيه...انا كنت موجود...جفته منهااار داخل..وبعدها ظهر من المكان وراح لشقته...وبعد يومين لما اقتحموا الشباب شقته جفته بحالته هذي..

سجل الطبيب على دفتره ملاحظات وهو يجاري اهتمام يوسف بمكر...

سأله : انت مدربه فقط في الفريق...يعني مالك اي علاقة ثانية فيه..؟

يوسف : تقدر تقول مدربه الخاص بعد..

ابتسم الطبيب بسرعه : عيل مب غريبة انه خذ البطولة..! مشاءالله عليك..شكلك مدرب محترف...!!

نظر اليه يوسف ببرود وتجاهل اطراءه سال الطبيب : سمعت ان عنده انهيار عصبي..من الدكتور الاول....بس ما قلتلي كيف هي حالته الحين..؟ وفحوصاته كيف..؟ نبا يرد لنا باسرع وقت...تعرف انت انه لاعب مهم لنادينا..

لم يفت الطبيب اسالة يوسف..! قال بجدية وهو ينظر الى الملف : حالته مستقرة حاليا...

بس محتار من الفحوصات..!!

رفع نظره الى يوسف الذي ينظر بجمود..!

قال وهو يتفحص ملامحه.. : خاصة لما فحصنا الهرمونات....!

ثبّت يوسف نظارته باصبعه : ليش شو فيها.؟

الطبيب : الهرمونات الانثوية عنده مرتفعه عن حدها الطبيعي للرجل..و كذلك الذكرية..مرتفعة بزياادة..!! وهذي ممكن لها علاقة لبعض تصرفاته" سكت قليلا " فترة علاجه يمكن تطول شوي..خاصة وان سبب خوفه مجهول...والمعلومات عنه قليله..!

دقائق صمت مرّت..!

وبعدها...

قال يوسف بأمر ومن دون ان يلقي بالا لكلام الطبيب : فارس انا بتكفل فيه...بوديه عند دكتور خاص...

رفع الطبيب حاجبيه بتعجب : بس ربعه يابوه عندي و اختاروني بنفسهم..بعد ما غيروا دكتوره السابق..!

يوسف وقف لينهي النقاش : ماعليّ منهم ...نفس ما قلتلك..باخذه عند طبيب خاص..وانا اعرف مصلحته.." سكت قيلا يفكير " او بخلي دكتور ثاني يشرف عليه..

الطبيب بحزم : بس انت مب مسؤول عنه..!

يوسف وعلى وجه شبح ابتسامة سخريه : عيل هم المسؤولين.؟

تكتف الطبيب وقال بهدوء : مافي غير اني اسال فارس نفسه..وهو القرار له..

يوسف بجمود : انت تعرف وضع فاارس...! مستحيل يتكلم و....

قاطعه : انا طبيب نفسي...واقدر اتفاهم ويا وضعه..." اشار بعينه الى الطاولة " تقدر تحط رقمك هني...ولما يقول يوافق على طلبك بدق لك..

لم يفته الطبيب عندما شدّ يوسف قبضته بغيض...

لحظات وهما يتبادلان النظرات..

يوسف بنظرات نارية..!

الطبيب بنظرات بريئة و بآآآردة..!

اخرج يوسف بطاقته ورماها على الطاولة...وبعدها خرج..

ابتسم الطبيب بانتصار..

هذه المقابلة افادته كثيرا....كثيرا..!!!

لم يبقى له الا ان يتأكد من ...........الفتاة فارس..!!

استدعى اقرب الممرضات له....

قال بحزم : صفية...ابيج تسوين للمريض فارس بعض الفحوصات....وو.....ابيها تكون سريه...!!!!

فجـــــــــــــر..

فتحت عيوني ..

جفت الممرضات كلهن عندي ومبتسمات..

يلست وانا مستغربة...شو الساالفة..

بس فـ نفس الوقت...ارتحت شوي...

ع الاقل مب ريااييل..

ممرضه 1 : صباااه نووور هبيبي...!!

ممرضه 2 : صبااااه وررد وو فل...

ممرضة 3 تقترب مني وفايدها صينية اكل : يلاا سطوور...لازم ياااكل فتووووور الهييين..!!

ممرضة 4 : مشان...يلعب كووورة جييين..جيين....!!

طالعتهم باستغراب...

استخفن..!

اقتربن مني اكثر..اللي تأكلني...واللي تمسح ع شعري..واللي تدق سوالف وياي..!

اسميني تدلعت اخر دللع..!

اكلت بشرااهه لاني من زماااااااان ما اكلت..!

بعد ما خلصت..

تمّن وياي يسوولف ويا بعض بلغتهن لما جافني ما عطيتهم ويه...

اقتربت مني وحده لما مسكت قميصي....تفاجات ودزيتها بعييد...

طالعتها بخووف...شو تباا هذي بعد..

طالعتني وهي تتحرطم : واللهي نفر مجنوون..!

جفت كم زر فـ قميصي مفتوح..

بطلت عيني..وبسرعه بندته..

مسكينة ظلمتها..!

طنشتني وكملت سوالفها..

تذكرت فـ الشباب.؟ ويينهم..!؟

بس ارتحت انهم ما ردّوا لي..

والدكتور ما صرت اجوفه..

يتني قشعريرة لما جفت يوسف...

ما يدري اني في المستشفى..؟

ما يخااف يعرفون حقيقتي..

لازم اشرد مني هني...!

بروح مكان مافيه حد...

بطلع من هالمكاان قبل ما يوسف يرد..!

انتبهت للمرضات وحده وحده تظهر..؟

لين ما بقت ولا وحده...

بعّدت اللحاف بلحقهن...لازم وحده تقعد وياااااي...

بس تفاجأت بالدكتور فـ ويهي..!!!!!!!!

شديت ع اللحاف بقووة....وانا اطاالعه بخووووف..

اكييد هذا من طرف يوووسف...

قال بنبرة دافية : لا تخااافين...انا ما بأذيييج..!! بس اسمعيني...

هزيت راسي بلااااا..

بس لحظة...!!

ركزت بعيني عليه برعــــــب...!!

يعرف اني بنية..!!!!

هذا وانا ماخليت اي حد يلمسني او يقرب مني....!!

كييف عرف..!؟

يوووووسف......هييه يووووووووسف قااله...

مسكت المخده وحضنت ويهي فيها...

وانا انتفض...

قال بدون ما يقترب مني : قلتلج لا تخاافين...و محد يعرف غيري انج بنية...اسمعيني وركزي معاي..الشباب اللي هم ربعج..ودوج لدكتور قبلي...وتفاجأو انه من طرف يوسف...بعدها..نقلوج هني..واختاروني بنفسهم....اشرف عليج....ولما قابلت يوسف...منعته يجوفج..! بس هو اصرّ ياخذج ويوديج عند دكتور خااص..

رفعت راسي بخووف....يوسف ياا هني..!!

كمّل : انا رفضت بقوة...لكن هو اصرّ على رأيه.....! فاقترحت عليه انج انتي تختارين...يا تمّين هني..ويوسف مستحيل يقرب منج...او تروحين وياه....؟

مستحيييل اروووووح ويااااه...

يتبع ,,,

👇👇👇