رواية همس الموت - Whisper Death ™ - 26
مممم يبالي اظهّرها تلعب في الحديقة القريبة.. بينا وبينها بيت واحد..
خذيتها.. لبستها فستآن صغير...وكشختها...
بعد ما جهّزتها..
ع السريع لبست لي بدلة وخلصت..
مسكت ايد بدُور..اللي سكتت مستآآنسة بفستآآنها اليديد..
ظهرنا..
كانت خاايفة ولاصقة فيني..
ماعلييه لا زم تتعود ع النااس..
.
وصلنا الحديقة الصغيرة...
تعلّقت فيني اكثر لمّا سمعت صرآآخ اليهّآل وهم يلعبون..
خذتها بعيد عنهم ولعبتها..
بعدها...خذت لنا حلويات ..
ويلست ع الكرسي..
عطيتها...وكانت تاكل وهي مستاانسة..
وتدور مع فستاانها بفرح...
الحمدالله..زين تعوّدت ع المكان..
.
سمعتها تصآآرخ مستآآنسة وتأشّر وراي..
التفت جفت سيارة..
ضحكت عليها : صحح حبييبتي هااي سيآآرة...
....: مريييييم.....
التفت بسسرعه....جفت بنية ياالسة تزقر وحدة....
دققت فـ ملامحها...
تنهدت.... لا هاي مب مريوم...
مسحت ويهي بكفوفي..
جوفي يا مريوم لين وين وصل حالنا...!
.
ظهرت قطعة الجريدة من جيبي..
خطفو مريوم واختها.....؟!
هاي مب صدفة..
اكيد يبون منهم شي...
لان في الخبر...ماكانوا يعرفون ان في اخت لمريوم...
وشكلهم انخطفوا ويا بعض بالصدفة..
اوو..
وحدة منهم هي المقصودة....والثانية خطفوها عن طريق الخطا...!؟
هيه مافي تفسير الا هذا..
صديت اطالع بدور لما حسيتها هادية..
..
وينها...!!!
التفت بسسرعه ع المكآآن....!
ماافي حد...!
وقفت وصرخت : بدووووور....؟!
ركضت يمين ويساار وانا ادّورها...
يالله يا بدووور... الله يخلييج مب وقت لعب....
اذا انتي منخشّه ظهري الحيين...
.
درت ع المكآآآن بجنوون وانا اصرخ باسمها..
رديت مكاني...يمكن ردّت....
وين تردّ....هي ما تعرف المكان...!
.
يت عيني ع السيارة السودا اللي كانت تأشّر عليها بدور..
جفت الباب مفتوح...
وو لمحت طرف..............من فستآآن بدووور....
وعقبها دخل طرف فستانها لدااخل....
شوي ويوو ريّآلين...لابسين بدلات سودا ونظارات سودا..
ما قدرت اجووف اشكآآلهم..
واحد منهم بنّد الباب..
وركب مكان السايق...والثاني عدّاله..
لحظة..!
بدوور دآآآآآآآآآآآآآآآآخل..
ركضت صوب السياارة..
بس تحركت....!!
اكييد يبوون يخطفوونها...
صرخت وانا اركض : ووووقففففف........وقف يالمجررررررررررم.....بدووووووور....
بدوووووووور.....!!
بس السيارة ابتعدت اكثر.......ركضت بكل قووتي...
وو فجأة تعثرت وطحت..
جفت السياارة خلااااااص رآآحت...
بسرعه طالعت في اللوحه...
!!!!
ما علييها ارقآآآآآآآآآآآآآآآآم....
//
~| الهمســــة الثالثة والعشــرون |~
//
بدر البدور
،
انكمشت على نفسها في الكرسي الخلفي للسيارة...وبقيت صآمته طوال الوقت..
وبعد مروور الوقت....غطت في النوم من دون ان تشعر..
.
استيقظت بهلع على صوت ابواب السيارة تغلق..
كتمت انفااسها..
الى ان احست بقليل من الامان..
استرقت النظر من نافذة السيارة...
لا يوجد احد..!
يجب عليها ان تخرج بسسرعه..
فتحت الباب..
واسرعت وهي تعرج مبتعدة..
.
كان واضح في عينيها الخوف..والرغبة في البحث عن الامان باسرع وقت..
نظرت الى المكان الغريب بالنسبة لها..
تريد مكاان مظلم لتختبىء فيه..
سمعت صوت خطوات تقترب..
اختبئت بسرعه خلف احدى الستائر...
الى ان ابتعدت تلك الخطوات..
وبعدها عمّ الصمت مرة اخرى..
ابتعدت من وراء الستارة مسرعه هذا المكان ليس آمن لها..
.
بعد فترة دخلت الى مكان وسييع...
دارت بنظرها على مكان بسرعه..
توجد طاولات كثيرة..
وقعت عينها على طاولة منعزلة..
اقتربت منها بسرعه..
رفعت غطائها..
و جلست تحت الطاولة بعد ان اسدلت الغطاء عليها..
هنا ستكون بامان لبعض الوقت...
الى........الى ان ياتي فارس وياخذها معه...
.
انكمشت على نفسها..وانهمرت دموعها وهي تتمتم باسم فآآرس.!
//
مــريم
،
فتحت عيوني ببطىء وانا احس بصدآآآآآآآآآآآآآع مب طبيعي..
سمعت اصواات مزعجة عندي..
وفي حد يلعب بشعري..
حاولت اركزز...
جفت عاملات مادري شو يخبصن ف شعري..
عقدت حواجبي بعصبية..
ييت ببعدهن...
بس ايدي ما تتحرك...!
مربووطة..
شساالفة.؟
!!!!
اكيييييد هاي وحدة من حركات الحقير محمد وربيعه منصور....
طالعت ف شكلي...
!!!؟
فستاان قصير ابيض..!
شو هااا...!!
صرخت بعصبية : شوو تسوووووووووووون....!!!
سمعت ريم : صحح النووووم...ما بغيتي تنشيين..!
التفت بسرعه صوبها..
جفتها نفسس حاالتي...بس فستاانها اسود قصير وشكلهم خلصّوا منها..
بصرااحه انبهرت من شكلها...
روووووعه...!
شكلها كييييوت ونعوووووم..
ريم : شفييييج..!
قلت وبعدني منبهرة : منوو انتي...!
ريم : ليش كييف شكلي.؟
قلت : روووووووعه....!!!
ضحكت بخفه : ادري تراني اجوف شكلي ف ويهج..
ضحكت : صدق.! انا بعد جي.؟" سكت فجاة...وردت عصبيتي " وبعدييييين ليشجي مسويين فييينا....!!
هزت كتوفها..: مادري من الصبح الحمير اللي عندج اسالهم يقولون حفلة ومادري شو يخربطن بعد..
رصيت ع ضروسي : اكييد مخططين لشي..
ريم : هييه..الله يستر...من الصبح اقرا الاذكار عسب ما يستوي لي شي..
.
سكت وتمتمت اقرا الاذكار..
،
تمينا نص ساعه ع هالحالة وظهرن العاملات بعد ما خلصن شغلهن..
،
قلت بطفرر : اففف ملييت..ظهري وايدي يعوروووووني..
ريم بياس : والله نفس حاالتي....ابااا انااام عسب انسى الوضع اللي انا فييه..بس مااا ياني الرقااد..!
طالعتها بنص عين...وقته ترقد الحين...؟
.
انتفضنا لما سمعنا صوت الباب ينفتح..
المشكلة ان الباب ورانا بالظبط....فـ ما نقدر نصد ونجوف منوو..
حسينا بشخص يدخل ويوقف جدامنا..
تنهدنا براحه..
طلعت وحده من العاملات...
حطت جدامنا تلفون لاسكلي وظهرت..
؟؟؟
ريم : ليش حطته..؟
هزيت كتوفي بـ مادري..
شوي ويانا الجواب..
سمعت صوت محمد..
محمد : مرحباا بالحلوااات... كان خاطري امر عليكم بس للاسف عندي شغل لازم اسويه...المهم...بعد اقل عن ساعه بناخذكم انا ومنصور لحفلة..وانتو بتكونون مرافقات لنا...
قاطعته : احلف انت بس..!
محمد : لا تقااااطعيني..! المهم....هالحفلة احتماال كبيير يحضر رئيس المنظمة..وكل الاعضاء بيكونون متواجدين..واللي ابيكم تعرفونه ان الرئيس ما يدري عن وجودكم ولا كنتو الحين تحت التراب..اللي ابيه منكم تسمعون كلامي وخليكن مطيعات ومؤدبات ..
ريم طنشته والتفتت تكلمني : تفكرين في اللي افكر فيه مريوم.؟
مريم : تقصدين نرووح عند الرئيس..؟
ريم : هههههه هيه...
مريم : اخيييرن يانا الفرج..وبنمووت شهييداات..
حسيييت محمد ارتفع ظغطططططه..
ههههه كششخه..
ريم : كيف تتوقعين شكله...؟
قلت بتفكير : مممم مادري....المهم نحن بنرووح عنده وبنتعرف عليه..
رد يتكلم وشكله راص ع ضروسه : صدقووني...لو سويتن شي ماااا برحمكن هالمررررة ..ولا برحم اهااليكم..!!
طالعت ف ريم..وبلعت ريجي..
واختفى صووته..
عضييت شفايفي بقههر...بيجوف الحقير..ع باله بسمع كلامه...مايهمني لا هو ولا تهديده..
،
بعد مرور سآعه
،
الحين انا وريم في السيارة...رايحين صوب محمد ومنصور اللي مادري وينهم..
و بس سؤال...ليش مربطين عيونا هالاغبيا..؟
ترا هم قالو مستحيل نظهر..!
يعني ما فرقت شفنا الشوارع او ما شفناها..
ابتسمت بخبث..
ناوية اسوي شي في الحفل...
.
بعد فترة وصلنا..
حسينا بحد يفتح الباب..
عقبها فكّو قيودنا..
واخييرن ..
فركت عيوني عسب اجوف عدل..
وو
فتحتها..
جفت فـ ويهي محمد..وعداله منصوور..
اخييي..احس بلوعه كل ما شفتهم..
وقفت ولصقت فيني ريم..
همست لي بنبرة خرعتني : مريووووووم..مريووووم..
انا : بسم الله شفيييج..لا تخااافين..
ريم بنفس النبرة : مريووووووووووووم..
قلت اهدّيها..: ريمو حبيتي لا تخافين الله ويانا..
ريم : مريووووووووووووووووووم...
خرعتني...
يعلللج يا رييمو..شفيج..؟
التفت صوب محمد ومنصور...قلت يمكن فيهم شي..
بس عاادي احسسهم..
طالعت يمين يسار...بعد ماشي..
رديت اجوف ريم..جفتها تاشّر بعيونها تحت..
طالعت تحت..
!!؟
مافي شي..بس زولية حمراا..
والله تخبللت البنية..!
رفعت حواجبي لها ..
طالعتني بعيون تلمع شرات الرسوم..
قلت وكانّي فهمتها : آهااااااااااااااااااااااا..
ماقدرت امسك نفسي ضحكت ع خباااالها..ادري انها تبي تستفز محمد ومنصور..
همست لي بحالمية : ماااصدق..فاارشين لنا زوولية حمراا...خصيييصن لنااا..تخيلي..!
مدّت ذراعها لي نفس الاميرات..
وشبكنا ايدنا فـ بعض وانا احاول اكتم ضحكاتي..
تقدمت بكل ثقة.وانا وياها..وبايدها الثانية تاشّر لمحمد ومنصور انهم يبعدون عن طريقها..
قالت بغرور : يلا منّآآآآك..ما تشوفون الاميرة والاميرة..؟
منصور بعّد وهو يضحك..
اما محمد تمّ واقف...يمكن معصّب...او عايبنه الوضع...مادري ملامحه ما افهمها..!
طفنا عدّاله....بس مسك ذراعي..
انتفضت...
محمد : انا اللي امسكج مب هي..
وشّدني صوبه..شبك ذراعه بذراعي
الفت لـ ريم..جفت منصور ما سكنها ويتغزل فيها..شكله تخبّل عليها..
وهي معصبه وتسبّه..
طالعت محمد بطرف عيني..
بسس تفاجات لما حطّ ويهه جدااام ويهي بالظبط..!!!
كتمت انفاااااسي...
حسيييت بحررررر...
شفيييه هذا...!!؟
طالعت عيوونه...شوو يفكّر فيه...!! شو يبااا..!؟
لمحت ابتسامة سخرية..
و مشى و سحبني ويااه..
وقلبي يدق بقووووة..
.
وبعدين استوعبت اللي صاار..
عصّبت : انت ايييي...!!
وبدون ما يلتفت : مابي انفّذ تهديدي فـ بليز لا تخليني اضطر انفذه...
رصّيت ع ضروسي بغيييض منه..!
مب خاايفة منه ...بس دواه بعدين..
دخلنا القصر..
انبهرت بجماااله..
آآخ ليتني انا وريم بس هني....
استقبلونا الخدم...ودخلونا القااعه الكبيييرة...اللي تهتز من صوت الاغاني...
سمعت شهقت ريموو....بتفضحنا هالبنت..مب شايفة خير خخخخ
جفت اشكاال وانوااع من النااس الموجودة..
مممم يا تراا وين الرئيس....
وبلاشعور سالته : وين الرئيس..؟؟
قال بغموض : مادري..
استغربت : كيف ماتدري..مب هو زعيمكم.؟ يعني هو في العادة يكون يمشي هني..ولا يكون قاعد في النص ولا شو..؟
قال : انا ولا مرة شفته,,
!!!!!!!!!
كيف جي.؟
قلت : كييف ولا مرة جفته...؟ تستهبل..؟
قال بهدوء : مافي حد شافه الا القرييبين منه..وينعدّون ع الاصابع بعد..
عادي تلاقينه هني يمشي ويشرب ويسولف..وبدون حد يعرفه....عسب جي هو يعرف كل صغيرة وكبيرة موجودة في المنظمة..!
قلت : اوو...والله يخّوف الشي..!
افف...كيف بعرف زعيمهم المعفن هذا...؟
مرينا ع وايد ناس..وهو يسلم عليهم ويسولف شوي..
ملل ع فكرة..
جفته يمد لي كاسه عصير..؟
لا مب عصير هذا..
طالعته باحتقار وصديت عنه..
سمعته يضحك بخفه..وقال للخادم اييب عصير برتقال..
وبعد ما يابه خذيته..
قلت بملل : ابي اسير عند ريييموو..
قال بدون ما يطالع : لا
قلت بصوت عالي وبقهر: لييييييييييييييش..مليييييييييييييييت.." وبتمثيل صوت باكي "وريــــــــــــــــــــولي عورتني ابي اقعد..من الصبح ما ارتحت..اول شي مربطيـ.....
قطع عليّ لما دفن راسي بصدره..
قال بتصنع : آآآآسفه حبيبي....انتي بس تآآمرين آمر...الحين بنسير نقعد دامج تعبتي..
بعّدت عنه وانا اتنفس بسرعه....شفييييه هذا..مصّخها اليوم..
جفت الناس تطالع مبتسمه..
يعللللك يا محمد المووت يالحقيير..
فشلني قبل ما افشله..
..
وصلني صوب الطاولات...
واخييييرن يلست...!
تنهدت براااحه وبتعب..
عقيت نعالي..ورفعت ريولي فوق الكرسي وتربعت...ايواااااا جي احسن..
احسّ صبوع ريولي تعورني من الكعب..
.
لما انتبه عليّ محمد..انصدم....
قال : شوو تسوييين انتي..؟!
قلت ببراءة : شو اسوي..!!
تكتف وتمّ يطالعني..عقبها صدّ عني..
وانا يلست اهمّز ريولي..
..
شوي ويت وحده لبسها فآآآآصخ...
شهقت متعمدة : ياللـــــه بالستر....!!!!!
يت صوب محمد وهي تضحك علي..
وو باسته بطريقة مقززه..
قلت بتقزز وانا اغمض عيني من المنكر : إييييوووو...!! يع..
الفتت لي تضحك وبعدها متعلقة فـ رقبته : موودي...انت من وين ياايب هاليهّال..!! يااي اشكآآلهم كيّوووووت..!! حبييييييييييييتهم...
وقبل ما يردّ سمعنا صرخة ريم : ياللـــــــــــه سترك..ياااربي لا تخسف فينا الارض..
ويت عندي وهي تغطي عينها بايدها..
ريم : اختــــي....انتي شو تسويين..!! شو ياابج عند هالمناكر..!!
رديت وانا اكتم ضحكتي : علمي علمج....يختي انا ما حسيت ا لا المنكر ياي عندنا يركض..!
لمحت محمد يهمس للقليلة الادب ...وجان تتخبل وتحضنه..و تطلق ريم شهقة قوية..!
ريم : انا مستحيل اتم هنيي..ومستحيل اترك اختي تخترب.
سحبتني..وكنت بطييح من على الكرسي..
مشيت وراها حاافية..
واختفينا بين الحضور..
وو
انقعنا من الضحك..
.
بعد ما هدينا..
همست لها : انتبهي واحد من هالحضور هو الزعيم..
ريم : هيه سمعت واحد يقول لمنصور....ما تحسين ان هالشي غريب..؟
انا : امممم من ناحية غريب غريب....بس الاكيد انه ذكي...لانه كذي يقدر يسيطر ع الكل..
ريم بتفكير : مممم..ممكن..
سحبتها صوب البوفيه : تعاالي حددددي يوعآآآآآنة...!!! ابي اكل شي..
ريم : هييه والله حتى اناا...
تمينا ندوور ع الطاولات ونختار لنا اكل..
ريم وقفت وطالعت ف الاكل : ع فكرة ..احس كل هذا ما بيشبعني..ابي ذبييييحه كاامله..
ضحكت عليها : بل علييج...خلااص..لما تجوفين زعيمهم خليه ذبييحتج..المهم تنقي اكل وبسير اييب غرشة بيبسي كبييرة..
رحت صوب اللي يصبّون عصيرات وههالسوالف..وخذت غرشة بيبيسي كبيرة...
وانا فـ طريقي صوب ريم...خضييت الغرشة عدل عسب تظهر منها الغازات..
احب اشربه بدون غازات...
جافتني ريم..
عقدت حواجبها : لا تخضيييييييينه...بيستوي طعمه ماااااي..
طنشتها وخضيته زيادة : كيفي انا احبه جي..
بوزت : اففف منج..انزين بس خلااااااااص...طلعت روووحه..
ضحكت.....وبعدت الغرشة عني وبطلتها...وجآآآآآآن يتنااثر البيبسي منها...
سمعت شهقت ريم...ومرة ثانية غضيت الغرشة وبطلتها....وتناثر البيبسي وشهقتها تزيد اكثر واكثر...
قلت وانا اضحك : بس خلااااص اخاف تطلع روحج من كثر ما تشهقين..
بس لاحظت ملامحها غير.....خاايفه...!!!!
حسيت بحركة عدالي..
بسرعه التفت...
وهالمررة انا اللي شهقت بقووووة...
يااا ويييلي ...!! انا شـسويييييييييييييييييت...!!
خيست الريااااااااااااااااااااااال...!!!!!!!
يممممه..يخووووووووف....عيوونه حمراااا..شكلله معصصصب..!!!!
طالعت فـ ريم ابيها تنقذني..جفتها حاطها ايدها ع فمها من الخوف...
ماعرفت شوا قول : أأأأأ.....اناااا..
خذت نفس طوييل وقلت بعصبية : انت ايي....ليش تخرعني.....!!؟ معفففن واحد...لما تكون عدال واحد........وووو.......وهالواحد مب منتبه لازم تنبهه انك عداله...
.........صدق نااااس ما تستحي وووو.........ما تعرف الذوق العام..
لحظة..!
الحين ها شو يخصه..؟
ههههه مادري بس ظهر الكلام من الخوف..
صديت عنه ومشت سايرة صوب ريم..بكل ثقة...يعني خخخ هو الغلطان..
بسس..
وقفتني صرخته القوية....
لاااااااااااااااااع شكلي بموووت اليوووووم..
قلت وبدون ماصد : نن....نعم...!!
لا و لي ويه ارد عليه بعد.....والله ريووووولي تنتفض...ماقدر..ابي اشرد..
كتمت انفااسي لما حسيت بظل حد..
وو..
مسكني بقووة..وخلاني اجابله..
كنت بعصب ليش انه لمسني..
بس لما جفت ويهه...هونت....
قلبي طااااح فـ ريووووووولي....
قلت بسسرعه : أأأ.....شفييك...؟ ياخي انت الغلطااان...ليش توقف عدالي...!؟
وو بعدين انا ماجفتك....وو..
قال وانفاسه تحرق ويهي : انا الغلطآآآآآآآآآآآآآن...هاه....؟!!!!!
ابتسمت بارتباك : لاا..
غرس ايده بشعري بخفه : لا انا الغلطان صح...تبين اجلع رااسج الحين..
غمضت عيوني بقووة..الحين بيشل راسي ويااه...
لحظة...!
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك