رواية همس الموت - Whisper Death ™ - 25
ركض بيدخلها.....بس ياا لاعب من الفريق الثاني يبا ياخذ الكوورة..
بس رفس ريوول علي بقووووة...
انتفضت لما سمعت صرخة علي القووووية...!
وو
صفّر الحكم....
ركضت صوب علي..
طالعته بخوف وانا اجووف يعتصر بالم في الارض...
يلست عداله : علـــي...علي...تسمعني....؟! انت بخير...؟
مارد عليّ....بس سمعته يأنّ بالم...
مسكت ايده : ردّ علي..!!
قال بألم : ريوووووولي........آآآآآآخ...
يوو الطآقم الطبي..وهالمرة خذوا معهم علي على الحمّالة...!!
عصصصصبت...!
شوو هاا....شو هاللعب الدنيء اللي يلعبوونه...!؟
رحت صوبهم لما جفتهم متجمعين ع الحكم اللي بعده ما صدر قراره..
وقفت فـ ويهم ومديت صبعي لهم بتحذير : اكثر من مرّة تعرضتوا للاعبينا وسكتنا....والحين كسرتوا ريول ربيعنآآآ.....وانا احذركم...يآآ تلعبون بضمير...ياا نراويكم من هم الصقور..
وو
صدر كرت احمر لللاعب...
والله شويّه عليه.....لو عليّه كسرت ريوله الثنتين...!
يآآرب ما يكوون كسسسر لعلي...
//
شهــــرزآد..
،
فآآتحه التلفزيون ع المبآراة ...واتابع بتوووتر...بعد ما شفت اللي صآر لعلي وفجر..
دووم اتابع مبآريآتهم عسب اطمن عليهم..
بس شكل اللي صار لعلي مب هيّن..
،
الحين انا برآآ البلاد....عندي كم حفلة لازم اعرضها هنّي..
اليوم ما شي عندي غير اسير عند شركة ارسلت لي دعوة...مادري شسآلفتهم..
بسير عندهم بعد ما تخلّص المبآآراة بسآعة..
.
تذكرون الشخص اللي التقيته اخر مرة...
حمد..!
مرة ثآنية قآبلته...وكان يبا معلومآآت عن سليمآن...
وعطيته اللي اقدر عليه...
بسس...مآآدري...احيآآنا اندم اني قلتله..
كان في شي يدفعني اصدقه واقوله .....
ما قلتله عن اخواني او عن علي وفجر...عسب اذا صار شي...ما يتورط الا انا..
تنهدت...
شو ممكن يسوي حمد...؟
انا حذّرته...بس هو ماهتم....وكان مصرّ يعرف عنهم كل شي..وهالشي اللي خلاني اثق فيه شوي..
.
انتبهت ع المبآآآرآة خلصت..
ابتسمت بهدوء....فآزوا عليهم..
.
بعد سآعه..
توجهت للشركة مع سليمآآن...
بعد منآقشآت وكلام معآهم..قالوا يبوني اوقّع عقد معهم...
والمبلغ اللي عرضوه كآن خيآآآلي...
طالعت سليمان بطرف عيني..جفته متحرقص...وع طرف لسآنه الموافقه..
خآآصة ان هالشركة مشهورة عالميآ...!
واعتقد سليمان يبا يكون فأعلى درجآت الشهرة عسب يقدر يحقق اللي يبآه..
بس مادري شو هي خططه..
طآلعت مدير الشركة..وابتسمت بهدوء وانا المح سليمان متشقق : انا ارفض..!!!
جفت سليمان ضرب الطاولة ووقف متفآجىء... : لييش....!
طالعته ببرود : لاني ارفض..
المدير بتودد : اذا ما عيبج الـعرض...بزييده لو تبين..وو..
قآطعته : انا ارفض..!
قال سليمان بعصبية : مب ع كييفج..مب انتي اللي تقررين...
مثّلت انّي بآردة ومب مهتمة لكلامه....حطيت ريل ع ريل...
مآآ عليه يا علي...يمكن بخرّب خطتك...بس عاد لين متى بتحمّل...؟
قلت وانا اطالعه من فوق لتحت : عيل ع كيف منوو....؟
سليمان واحسّه بيطلع من طوره : ع كيفي انا طبعا..!!
قآطعه المدير بحزم : استآذ سليمآن الزم حدوودك...انت مجرّد مدير اعمالها..وهي لها الحق تقرر..وانا احترم قرآرها..
ابتسمت بنصر..
خذيت شنطتي وظهرت من المكآن..وسليمآن بعده يتنآقش ويا المدير..
جفت السيارة تحت تتريآآ..
فتحت الباب بركب..
سمعت صرخة سليمان من بعيد...انتفضت...
غمضت عيوني..وتنفست بعمق....
صديت ...جفته يآآي صووبي وشكله معصصصصب...!
تكتفت امثّل البرود..
وصل عندي...وعيونه يطآير منها الشرر....رصّ ع ضروسه وقال : منوو سمح لج ترفضين...
قلت بتحدّي : انا..
صرخ فـ ويهي : تبيين ارآآآآويج شو بسوي ...؟ تبين انفّذ تهديدي....!!؟
قلت بلامبآلاة : مو انت قتلت امي وابوي..؟ خلااص ما فرقت معآي....قتلت اخواني ما قتلهم انا مابقدر اشوفهم...
عضّ ع شفآآيفه بغيض واقترب منّي اكثر وشكله ناوي يسوّي شي : انا برآويج يآ بنت الــ *****....
ردّيت ع ورا بخوف...
وبردّة فعل لا ارادية كفخته بشنطتي ع ويهه...!!
وو
ركضت اشرد بعيييد عنه..
دخلت بين المبآآني ابي اضلله..
.
بعد ربع سآعه استقريت فـ مكآن وحسيت بهدووء..
يلست ارتآآآح...
آآآخ الله ياخذك يا سليمآنووه..تعبتني...
.
سمعت صوت حد..
التفت بسسرعه....
جفت واحد لابس بدلة سودا و كاب اسود....ونظآرة سودا...
شهههقت لمّا شفت اربعه منهم..
هذيلا اتبآآع سليمآآآن..
وقفت بسسرعه..
وين ارووح...؟ كيف بشرد منهم....اربعه على وحده..!!!
صرخت عليهم : بعدوو عني....!
....: تعآآلي ويآآنا بهدووء...
قلت : ما بسيير ويااكم..وبجوووف شو بتسوون...
ما خلصت جملتي الا باثنين ماسكيني من ذرآعي...
صرخت بصوووت عآآآآلي...
سمعت وآحد منهم يقول : ماشي فايدة بتفضحنا....خدّرها..
وو
بسرعه حطّ قطعة ع خشمي....حركت راسي ابا ابعّدها عنّي..
كتمت انفآآآسي مابي استنشق المخدّر...
.
وباقلّ من دقيقة ما قدرت اتحمّل...وو خذت نفس طويييل منه..
ووو....................
//
//
علــــي
،
مارضيت اروح المستشفى....سوولي اسعآفات اولية....وقلتلهم عقب بسير المستشفى..
ابا اطمن ع النتيجة اول...
يلست فـ غرفة التبديل...
انسدحت ع الكرسي الطويل بشويش...
.
مبآراة اليوم كانت قووية...افف....ماظن اقدر العب في المبآراة النهآئية..
عضيت ع شفآتي بغيض..
هاليوم اللي ياما تمنيت العب فيه ...!
.
يلست اتأمّل الغرفة بملل...اتريآ الشباب اييّون ويبشروني...
يت عيني ع الزبآآلة.....
لمحت فيها شي غريب...!؟
يلست بشويش...
وسحبت نفسي صوبها...
طالعت فـ الغرش الغريبة اللي فيها..!؟
شوو ها...؟ لايكون في حدّ يسكر هني...؟
لحظة...
ماظن هذا خمر...
مسكت وحده وظهرتها...
وو
انصصصدمت....!!!!!!!!!!!!
منشطآآآآآآآآآآآت....!! من متــــى...!!! ومنووو اللي يستخدمها..!!!!!
بلعت ريجي بصعووبة...
وانا احاول اتخيل منو من الشبااب اللي ممكن يكون يتعآطاها...!
مستحييل....مستحييل حدّ منهم يسويها....
لايكون فآرس...؟!
لااا...علاقته ويا الكآآبتن مب ذاك الزود...
يمكن من الفريق الثآآني..
تنهدت برآحه مصطنعه....هيه اكييد الفرييق الثآني..
ردّيتها بهدوء..
وردّيت مكآني...
.
دقآآيق وسمعت حشرة عند البآآآب...
دخلوو الشبآآآب وهم يغنّوون ويرقصووون...
تشققت .....يعني فزنآآآآآ....!!!!
لمّآ جآفووني ركضوا صووري مستآآنسين....
تحمّدولي بالسلامة.....وتمّوا يسولفون وياي عن المبآرة..
كنت اطالعهم وانا مبتسم....بس فكري مشوّش....
طالعت مكان الزبالة من بين ريولهم....ما كنت اقدر اجوفها عدل منهم...
جفت في حدّ وقف هنآك عندها....
كتمت انفآسي....
حاولت اجووف منوو .....بس ما قدرت....
وعقبها ما قدرت اجوف الزبالة من خليفة اللي وقف جدآمي متحمّس يوصف لي اللي صار وياه...
بعد ما بعّد ......اختفت الزبالة...؟ وينها...؟ في حدّ شللها...!!!!!
طالعت في الويوه اللي جدآمي بتوتر...
منوو اللي مب موجود...
هذا سالم وفهد وناصر وخليفة وجآسم و حميد جدآمي....
بسس عمر وفآرس ومايد و سيف وينهم...؟
جفنآ الباب انفتح بقووة...
وياا فآرس يركض صووبي...
جفت الخوف بعيونه : علــــــــي...هااا بشّر.....مب كسر صح....!؟
طالعته : اتمنى ما يكون كسر..
عقد حواجبه : ليش...انت ما سرت المستشفى..!!
هزيت راسي بلا..
طالعني بعصبية : تستهبل انت ورآآآسك......!!؟ قم يلااا بنسيير...
جفت مايد و عمر و سيف دخلوا..
طآلعتهم بشكّ...
بس هم ولا كأنّه فيه شي...يوو وتحمّدوا لي بالسلامة...وتمّوا يسولفون وياي ويضحكون..
رسمت على شفتي ابتسامة باهته...
المفروض ما شكّ فـ ربعي....لي وياهم عشرة عمر...
بس منوو....ريول منوو هذيك.. ؟
سمعت صوت فآرس معصب : علـــي وبعديين ويآآآآآآك....تخيّل لو كسر...يمكن يتضآآآعف...!!
سمعت فهد اللي يضحك ويتمصخر ع فآرس : ههههههههه والله تقولون حرمته...يآخي شفييج حبييبتي الريّآآل ما يبا يخرعج عليه..
تفآجىء فهد لمّا عطآه فآرس بكس فـ بطنه....
ردّ ع ورا وضرب بخفه ع ريولي المتعورة...
صرخت بالم...
نقزوا فهد وفارس...
فآآرس بخوف : آآآآآآآآآآآآآآآآآآآسف علي....افف يآآآربي..برووحها متعوورة....حتى ولو ما كان كسسر الحين اكيد انكسسرت...كللللله منك يااا فهد يالخآآآيس....يعلللللك..الكس.....
جفته فهد يحط ايده ع حلج فارس وهو يمثّل الخوف : لا بليييييز لا تكملين يا حرمة علي...لا تكوونين انااانية.....حرمتي بعد ما ترضى عليّ....
جفتها تبّعد ايده بتقزز..وطالعته بحقد...
اظطريت اضحك ع اشكالهم....
.
حسيت بفآرس...مسك ذراعي وحطّها ورا رقبته...وحآول يوقّفني....
فآرس : فهدووه..روح امسكه من ايده الثانية...
فهد يتأفف : افففف....يآآخي ليش ما خلييتهم يشلّونك للمستشفى ببلاش..؟ توفّر وقت وجهد..
قلت وانا اعض شفاتي بالم لمّا وقفت بالغلط عليها : جب...يودّني عدل وانت سآآكت...
كان بيرد....بس نظرة من فآرس سكتته...
وو ركبنا سيارة فهد...وسرنآ المستشفى...
//
مـــريم
،
اسبووعين مرّوا ومحمد ومنصوور ردّوا لطبييعتهم..
ادري انهم يبون يقصّون علينا..
هذيلاا اصلن ذئآآآآآب...مب بششر..!
.
سمعت الباب ينفتح..
ودخلوو الاثنين..
كنت انا وريم مربووطين في الكرسي...
وما يبطلون لنا العآملات الا للضروورة..
هه اصلن مب خووف ان نحن نشرد..
بس عسب يقهرني هالحقير محمد..
.
يلسوا جدآآمنا كالعآآدة..
جفت ريم تطآلع منصوور باحتقآآر...
ابتسمت بسخرية...
هيه جي ابآآآج ..
جفت محمد يطآآلعني....وعقبها ظهّر باكيد الزقآرة....
ياا بيظهّر وحده......وكأنّه اخر شي غير رايه....
لايكون بسببي...؟
اشكّ.....
حطّ ريل ع ريل : هاااه..شخبآآر ميمي اليوم....؟
كان بعده يطآلعني..
قالت ريم تستهبل : الحمدالله انا بخير..
وقال وبعده ما بعّد نظره عنّي : اقصد مريم...
شهقت فـ دآآخلي...
حآولت ما ابيّن له انّي متفآجئة..
قلت ببرود : والله مريم كانت بخير...بس من جآفت ويهك وين تجوف الخير..؟
منصور : افااا....ريمآآني...ليش اختج جي جآآفة..؟
رفعت حوآجبها : جب..
ضحكت استفزه...
محمد يطآلعني بتحدّي : ما تبون تعرفون انتو كيف خوات واهلكم غير...؟
بلعت ريجي .....الحقير كل شي يعرفه..
قلت بلا مبآلاة : ما تلاحظ ان سؤالك غبي...؟
قال بطنآزة : هه ....غبي...؟
كمّلت : طبعا غبي......كيف خوات وعايلاتنا مختلفة...؟ عآدي نحن خوات..بس كل عايشه عند العايله اللي تباها..
قال بتحدّي اكبر : عيل منو اللي عآيلتها الحقيقية...؟ انتي ولا هي...؟
سكتّ ...
قلت بهدوء : مآ يخصك...مب لازم تعرف منو اهلنا...
ضحك باستفزاز : لاني انا اعرف.....بس انتو اللي ما تعرفون...
تصنعت البرود : هيه نحن ما نعرف...
.
وقف..وسحب كرسيه عدّالي....وخذ الجريدة اللي كان حاطنها فوق الطآولة..
وقعد عدّالي..
فتحت الجريدة ..
وحطّ ايده وراا كتوفي....
حسيت ا نّي بختنق بقربه....
كنت بقووله بعّد.....بس بيعآآند...
حطّ الجريدة ع ريولي...اقترب منّي اكثر وهو ياأشّر ع الكلام العريض ...: توّه الخبر فريشش...بآجر بينشرونه فـ الجرايد...
" خطأ فآدح في احدى المستشفيات : تبديل حدث بين مولودين من عوائل مختلفة "
عيوني تحركّت بسسرعه ع الكلام....
قريت....قريت اسمي.....واسم ريم....!
واسم عوايلنا....
لحظة....
سووا بحث عنّآ....!!
ووو
ريم...!!!
هذيلاك مب اهلها...!!!!!
ريم امها هي امي..وابوها هو ابووووي....!!
مااادري استآآآآآنس ولا شوا سوي..
الحمدالله هم اهلي نفسهم......
الفترة المآضية كنت خآآيفة افتقدهم...خآيفة ما يظهرون اهلي..
توقعنا انا وريم ان نحن اصلن ايتآآم......واهلنا تبنّوونا...
.
لحظة...ريم....!!
طالعتها بحززن......
كيف بتتحمّل...؟!
حرآآآآآم.....اكييد بتنصدم...!!
جفتها تطآلعني بتوتر...تباني اقولها شي عن المكتوب...
غمضت عيني بالم شو اقووولها..؟
التفت اطالع محمد....مابيه يقوول اي شي لها..
تمنييت فـ هاللحظة انه يفهمني...ويقدّر الوضع...
نزلت رآآسي..
همس لي : ما تبيني اقولها..؟
تنهدت....
كمّل : اذا ما تبينها تنهآآآآر....وتزعل.....نفذي كل اللي بقولج...
رفعت رآسي وطآآلعته..
كمّل بابتسآمة : اذا سويتي اللي ابييه.. ما بقوولها...
غمضت عيوني و
سكتّ.....هو ع بآآله انّي افكر فـ اقترآآحه....مآيدري انّي اغلي...واغلي فـ دآآآخلي..
فتحتها...
طالعته باشمئزاز ..........وو تفلت علييه...
جفته نقز وابتعد من مكآآنه...
قلت باحتقآآآآآآآآآآآر : يخسسي الا انت اسمع كلامك او تذلني.....وو اذا عن ريم..فـ هي اقوى عن جذي...
حسييت ريم تفآجأت من كلاآآآمي..
لااا يااريم ارجووج كوووني قووووية....تحممّلي..
محمد وهو يمسح ويهه منصدم...
ريم بتحدّي : انت ويا ويهك ع بالك بتذلنا بهالطريقة....؟ هه انت وجريدك هذي...
...اونك يبت شي يديد..
منصوور يبا يقهرها : لا حبيبي انتي ما تعرفين انتي بنت منوو اصلن..
ريم ضحكت باستهزاء : ليش شو قالوولك.؟ مضيعة هويتي لا سمح الله.؟ السالفة نفس ما قالت مريوم...هي عايشة عند امي وابوي...وانا عاايشه عند امي وابوي من الرضاعه..
جفت محمد ولا كأنّه يسمع شي....بس يطآآلعني ويتنفس بغضب...
تجدّم صوووبي وشكله صدق نآآوي يذبحني...
..
بس وقف فـ ويهه منصور...
محمد بعصبية : بعّد عنّي....
منصور بهدوء : محمد مب وقته....
محمد بغيض : ماعليه...خليني أأدبها شوي ....
منصور : محمممد...عقب قلت....بعد يومين بتجووفها وسوي اللي تباا..الحين نحن مشغولين..انت قلت بسم بنتم عشر دقاايق وبنظهر...
جفته سكت مقهوور ...
مشى جدآآمه منصوور رآآيح صوب الباب..
جفته مشى خطوتين....بس ردّ صدّ طآآلعني....
ووووو عطآآآآآآآآآني كففف محترم ع ويهي...
ويهي افترّ الصوب الثاني من قوة الكف..
جفته ابتسم بتشفّي....وظهر...!
//
فجــــــــر
،
رديت البيت مع بدور وع طووول خذت شاور سرييع فريت عمري ع السرير وعدّالي بدور اللي ما جفتها اليوم وآآيد..
تنهدت بحزن على علي....طلع عنده كسر خفيف..
المهم الحمدالله ع كل شي..
.
حضنت بدُووور اللي من خذتها وهي تسووولف وما سكتت...
وبدوون ما حسّ ردقت...
،
نشيت الصبح ع صووت بدووور المزعجة...
طالعت فـ الساعه....9...
يسسس اليوم اجاازة...
نشيت بنشآآط..
وسويت لنا ريوق...
,
بعد ما اكلناا..
نزلت تحت باخذ الجريدة...
خذيتها وردّيت فوق..
اوول شي...
قريت الريآآضة....
جفت صوووري....وصوور الشبآآآب....والتعليقات عنّا...
بعد ما خلصت من الريااضة..
ردّيت افتح اول صفحة...بقرا اخر الاخبآر..
" خطأ فآدح في احدى المستشفيات : تبديل حدث بين مولودين من عوائل مختلفة "
شدّني الخبر...وقريته...
.
.
لحظة.......!!!
الاســم : مريم.........ال.........!!!!
مريوووووووم!!!
هيييه هاي مريووووم ربيعتي...
جفت صورة ثنتين حآطينهم ع صوب...ووحدة منهن مكتوب تحتها " المفقودة مريم...الـ.."
شهقت بقووة...
كييف مفقوووودة.....!!!
كملت اقرااا الخبر واجووف شوو الساالفة...
.
مسكت رآآسي....
لاااا...مريووم انخطفت...!!!
كيييف...!! وليييش....؟!
لا وطلع عندها توأم...!
معقوووولة..؟
عيل اللي شفتها فـ المول منوو..؟ مريوم ولا اختها...؟
لا هي مريووم...
سمعتها تنطق اسمي..!
لازم ادّور عليها....
مفقوودة من كم شهر....!
وين بتكون...؟
ردّيت رآسي ع ورا....
غمضت عيوني وانا اتنهد..
يآآآآرٍب احفظها...
،
سمعت صوت بدور تصيح...
نشيت بسرعه اجوف شو فيها...
بس ما رضت تسكت...ما تباا تلعب ولا تاكل ولا تطآلع تلفزيون...
شفييها بدووور...؟
يمكن ملااااانة...متعوودة دوم تقعد ويا اخت علي او عمته...
.
مممم يبالي اظهّرها تلعب في الحديقة القريبة.. بينا وبينها بيت واحد..
خذيتها.. لبستها فستآن صغير...وكشختها...
بعد ما جهّزتها..
ع السريع لبست لي بدلة وخلصت..
مسكت ايد بدُور..اللي سكتت مستآآنسة بفستآآنها اليديد..
ظهرنا..
كانت خاايفة ولاصقة فيني..
ماعلييه لا زم تتعود ع النااس..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك