رواية من أعماق أحضان مجنونة -9
ام وليد انت نام بالعسل مالك شغل بشي غير السهر والربادة والنوم؟
بقوم اشوف جراح وينه فيه وبخليها تروح تسلم عليه وتشوف اخباره....
هذا اللي مايتطير ان طار خسرنا الاولي والتالي!!!
بعد صلاة المغرب....
احمد هلا والله تفضلي...
دخلت بشموخها وكانها صاحبة البيت ومادونها اغراب...
ريم ببتسامة هلا هالة...
هالة بدون نفس هلا....
جلست على الكنبة وحطت رجل فوق الثانية..
احمد انا بروح اركب اغراضك....
هالة لاتتعب نفسك خل السايق يصعدهم عنك؟
احمد لاماعليه......
طلع يجيب اغراضها.....
وظلوا يناظرون في بعض بصمت لين رجع احمد وجلس معهم....
ريما احمد تشرب قهوة؟
احمد أي تسلمين....
ريما هالة تشربين....
هالة باحتقار مااحب احد يسوي لي قهوتي لابغيت ادل بيت اخوي عدل؟
وقفت تناظرها شوي واحمد ارتبك ودخلت ريما المطبخ...
هالة رحت الشركة اليوم لاابوي؟
احمد أي....
هاله ماتحس الشي متعب؟
احمد انا قلت له ماحقدر اجي كل يوم....بروح له يومين بس بالاسبوع...مافيني انا اطلع من المستشفى تعبان؟
هالة مالك نية تروح صيدلية خاصة تشتغل فيها بدل صيدلية المستشفى؟
احمد لا والله الحكومة اريح ياهالة؟
هالة معناته مو مفكر مستقبلا تفتح لك صيدلية خاصة؟
احمد لا...تعرفيني مو تابع البزنس الخاص ابدا...
هالة ليش الطموح واقف عاد؟
احمد بضحكة معناته مفكرة تفتتحين لك مجمع طب اسنان ياهالة؟
هالة بجدية ليش لا...انا مفكرة بعد سنتين ثلاث ارجع اطور نفسي اكثر واخذ لي دورات مكثفة برى....
احمد حلو بالتوفيق....
جت ريما شايلة صينية القهوة...
هالة بانتقاد اللحين تشرب قهوة وانت بتنام ..مايصلح؟
احمد تعودت على القهوة صارت باي وقت عندي....
هالة أي بس قبل النوم جد ماتصلح كنك شاربها اول ماتصحى وش الفرق؟ولا انتي وش رايك ياريما؟
ريما بهدوء بكيفه...مدام انه ماعنده مشكلة ليش مايشربها؟
هالة باحتقار وش ها الكلام؟؟؟هذا بدل ماتخافين عليه وتقولين له لا....تتركين الموضوع طبيعي وكانه صحته ماتهمك؟اخاف بس ماتحبينه كثر مايحبك؟
احمد وش يدخل الحب اللحين بس ياهالة...السالفة...
دق جوال هالة بها اللحظات وعم الصمت....
عطت المتصل بيزي ووقفت..
هالة انا بقوم ارتاح...تعرفوني مااسهر كثير لاني اقوم بدري.....تصبحون على خير,,,,,
راحت المجلس وسكرت وراها الباب ..
كان المجلس له باب من برى الشقة وله باب على الصالة...
لانه يجي ممر وفيه الباب اللي يفتح على برى وبعدين حمام وبعدين يجي المجلس اللي شالوا عفشه وحطوه بالغرفة الفاضية وجابت لها فرش جديد فيه....
مسكت جوالها ودقت على علي...
علي هلا...
هالة اهلا...
علي امرك....
هالة لا....
علي ماخبري فيك تسهرين ولا اذا الجلسة مع اهلك تقلب الموازيين عندك؟
هالة بجمود علي.....انا بقعد عند احمد اخوي...
علي .........
هالة .........
علي مافهمت؟
هالة بقعد عنده كم يوم.....لين اقرر وش اللي بيصير بينا؟
علي وماتعرفين تقررين في بيتنا؟
هالة ابي اقرر وانت بعيد عني....
تنهد ومارد عليها...
هالة انا بقول لااهلي انك مسافر مع الشغل برى المملكة وبعدين بعطيك خبر للي وصلت له؟
علي ومطولة في اتخاذ القرار؟؟؟
هالة مدري...اتركني شهرين على الاقل؟
علي شهرين تتخذين فيها قرار ياهالة؟
هالة بانكسار هاذي حياتي اللي انا لازم اقول فيها كلمة مو حياتك انت؟
تنهد ومارد عليها...
هالة تصبح على خير.....
كان غسان توه راد من برى وداخل الكراج ولان نسايم ماعندها شغلة غير انها تدور وتشوف وش يسوون الناس شافته...ولانها ناوية عليه وحاطته في بالها ...راحت تركض صوبه..
هو طلع من سيارته ومشى لقدام ولانها تركض صدمت فيه,,,
طبعا كانوا بنص الحوش بها اللحظة...
نسايم بحدة اعمى ماتشوف!!!
ناظرها بصدمة بس ماعلق...وهو في باله يقول من صدقها هاذي انا اعمى وهي اللي صادمة فيني!!!
ناس غريبة بجد.....
دخل فلتهم ومالقى بالصالة احد ركب فوق وكانت دارين بالصالة اللي فوق تشاهد....
غسان وش تشاهدين....
دارين مسلسل الحيالة......
غسان وها الاكل كله بتاْكلينه بروحك؟
دارين صلي على النبي ...كلها خرابيط...
غسان اشوف...ليز الحار وليز الليمون....وشنو هذا سفن اب...كملت؟
دارين جوعانة حدي شسوي؟
غسان تعالي الطباخ انا مااشوفه؟
دارين عند ام وليد....
غسان ومايعرف يطبخ لهنا وهناك؟
دارين يعرف في حالة وجود ابوي بس!!!اما اذا ابوي مو هنا مايدل فلتنا؟
غسان طيب كان طلبتي لك من المطعم ابرك من اللي تاْكلينه؟
دارين دقني الملل وخفت يجي ابوي والمطعم جاي ويسوي سالفة لخالتي ام وليد....مدري حسيتها ماتسوى....
غسان دارين...
دارين شنو؟
غسان وانا داخل قبل شوي...صدمت فيني بنت خالهم...
دارين أي..
غسان وقالت لي اعمى ماتشوف؟
دارين ظلت تناظره...
غسان بعمق الغريبة اني ماصدمتها وهي اللي صدمتني ومبين عمدا مسوية الحركة؟
جراح في سيارته....
جراح اللحين انا متعب نفسي ومن بين ها العالم جايبك تركبين معي وقلت بمشيك واخر شي مايعجبك بعد!!!
فاطمة بدون نفس ماوديتني مكان حلو عمي جراح...
جراح وهو يناظر بالبحر اللي قدامه ها المكان مو حلو....لعلمك بس هذا احلى مكان تنسين فيه همومك وترجعين تتذكرينها؟
فاطمة بملل لاتتكلم مثل ابوي عمي جراح ترى ماافهم عليك؟
جراح بتنهيدة اه يافطوم شسولفلك بس عن عذابي!!!عن حبها اللي مدري كيف صار يكبر داخلي!!شلون ماقدرت اذبحه وهو بالمهد وتركته يعشعش.....
تعبان والله تعبان...
فطوم طب روح عند الطبيبي...
جراح بتعب أي طبيب يابنت الناس مابيداويني غيرها؟وغير طبها هي وبس؟
فطوم طب روح لها؟
جراح مقدر؟
فطوم ليه؟
جراح بعذاب ودموعه نزلت لانها ضاعت من يديني من زمان!!!
فاطمة بتاءثر وهي تشوفه يبكي قدامها صارت تمسح دموعها عمي لاتبكي...روح دورها اذا هي ضايعة وبتلاقاها اكيد...وانا بدورها معك بعد صدقني بس لاتبكي؟
جراح غمض عيونه وقال بالم وين ادورها؟وين بلقاها؟معه؟؟بحضنه؟؟؟؟مافيني اتحمل أي شي؟اتمناه يموت؟.ولاانا اموت؟شفتي لوين وصل تفكير عمك يافاطمة منها؟
فطمو وهي تحضنه خلاص لاتبكي...بدورها قلت لك...بس اذا شفتها توديني الحكير ابي العب واستانس زين؟
ابتسم لها بمرارة وقال أي ان شاءالله...
فاطمة بفرح خلاص اجل خلينا نرجع البيت ندورها من اللحين...
تنهد وهو يناظر في البحر وافكاره لبعيد وعقله يقول لها وين بتدورينها يافطوم وين؟؟؟ضاعت مني كلها ومابتشوفين غير الكف اللي عطتني اياه وبس!!!
ابو احمد انتوا ماحددتوا موعد العرس انتي ومشاري؟
مريم لايبى...
ابو احمد ليه؟وش تنتظرون؟
مريم بنرفزة انا ادري عنه يبى؟؟؟منو المفروض يحدده انا ولاهو؟
ابو احمد انا ابي اعرف اذا اتصل فيك شتسولفون عنه؟بس احبك وتحبني هذا اللي شاطرين فيه؟
اروى بهمس لوليد شان زين لو تقوله ها الحكي؟
وليد أي وانتي الصادقة؟
مريم يبى انت كلمه انا ابي اشوف وضعي...
ابو احمد لاانا مو مكلمه انتوا حتى ماكملتوا شهر مع بعض فشيلة اروح اقوله تعال حدد موعد العرس اكيد هو بعد قاعد يرتب وضعه وبس يشوف الوقت المناسب بيخبرك؟
تاءففت مريم وسكتت...
ابو احمد وين دارين وغسان اجل؟
ام وليد بقهر اكيد طالعين؟
ابو احمد أي بس سيارة غسان موجودة...ودارين مااتصلت فيني قالت بتطلع؟
اروى لا هي قايلة بتنام بدري الليلة وغسان بعد يقول بكرة بيطلع الصباح ياخذ له كم شغلة قبل لايروح؟
ابو احمد على بركة الله.......وانت؟
وليد وانا شفيني بعد يبى؟
ابو احمد تسئلني انا!!!اساْل نفسك ياحظي؟
وليد ..........
ابو احمد انت متى بتبطل سهر لين الصبح ماتقولي؟اللي قدك وبعمرك فتحوا بيوت وعيلوا وانت قاضيها لي نوم واكل وسهر وبس؟
ام وليد بدفاع كاهو يجي معك الشركة يداوم...
ابو احمد متى يداوم الساعة ثلاث ولااربع وقت قعدته من النوم؟بالله هذا عليه متكل؟
ام وليد ابو احمد....وليد بعده صغير...
ابو احمد يكلم وليد كم عمرك؟
وليد ظل ساكت...
ابو احمد كلمها وقول لها كم عمرك؟تقول بعدك صغير؟قول لها انك تعديت العشرين من زمان اللي جالسة تقولي بعدك صغير؟اسمع....لك شهر واحد بس اذا اشوفك ماغيرت ها السهر ولا ها العوايد الشينة فيك وصرت خوش رجال والله شيئا فشي بتطلع من البيت....السيارة بتنسحب منك والمعاش بيوقف واخر شي بطردك ولاتقول ماقلت ترى انا عند كلمتي!!!
ام وليد بصراخ ماصار يوم اللي جاك احمد فيه الشركة اللي خلاك تقلب كذا !!
ابو احمد بعصبية لاعيوني لاتقلبين السالفة على احمد...احمد السنع كله والعالم كله يمدح فيه وفي اخلاقه مو ولدك؟وبعدين ترى الخراب كله منك انتي انا اقول شي وانتي تقولين شي ثاني؟خلك ظلي كذا وبعدها تحسفي على عمره اللي بتضيعينه انتي بدلعك على بالك بعده بيبي.....
بشقة مطلق...
يمنى بزعل يعني قايم؟
مطلق مقدر اتاْخر....
يمنى حبيبي مابيصير هيك كم صار لي ماشفتك؟
مطلق ولهان عليك ياحبي بس اليوم مشغول مرة مافيني اطول؟
يمنى شو هو الشي اللي شاغلك؟بدي اعرف شو اهم مني ياعمري...
مطلق مافي شي اهم منك...بس بنتي تعبانة ولازم اخذها المستشفى....
يمنى خلي جراح ياخذها....
مطلق طب قومي جيبي تلفوني من داخل بكلمه...
يمنى وقفت سواني وبيكون عندك حبيبي....
مطلق بنفسه الله ياخذك ويفكني منك...انا لو اقدر ارتاح واطلقك كان من زمان سويتها بس المشكلة ماعندي بديل بها الفترة؟؟
يمنى تفضل حبيبي...
مسكها من يدها وقعدها بحضنه وهمس ماقلتيلي شقد مشتاقة لي!!
يمنى مابدي اللك هون.....
مطلق لاوالله وتدلعين بعد!!طب...يحق لك ياعسل....
يمنى شو بدي اولك حبيبي....انا بدي انزل ع لبنان ها اليومين..
مطلق لا...
يمنى ليش مابيصير هيك...
مطلق ها اليومين بالذات انا محتاج لك....ليه تبين تروحين؟
بشاير يمه...
ام مطلق نعم يمه...
بشاير يمه انا قايلة لاابوي بطلع مع هاجر بدفع فلوس المعهد...
ام مطلق أي قال لي.....عطاك الفلوس..
بشاير أي يمه...يالله انا طالعة....
طلعت من فلتهم وراحت للباب الخارجي علشان تطلع لصاحبتها...
كانت الشغالة عند الباب....
بشاير شوي مر....
الشغالة اول بيدخل هذا مشاري...
بشاير أي....
الشغالة هذا خطيب ماما مريم...
بشاير بكبرياء وشسويله انا!!الباب شوسعه جت على طلعتي!!والله انك ماتفهمين؟
وقف مكانه يوم سمع ها الصوت اللي يعرفه زين....
يوم طلعت كان بعده واقف مكانه ماتحرك لانه ماقدر يتحرك اساسا....
صارت قباله علطول....ووقفت من الصدمة تناظره وعلامات الدهشة والصدمة بانوا على ملامحها....
مشاري بهمس بشاير؟قالها وهو بقمة الانفعال والارتباك والصدمة...وعدم التصديق...
بشاير بصدمة اكبر مشاري؟؟؟خطيب مريم؟؟؟مستحيل؟؟؟
مشاري بارتباك انتي انتي تعرفين مريم يابشاير؟
بانت دمعة بعيونها وقالت ببحة خطبت بنت عمتي يامشاري؟؟؟
ظل يناظرها وهو حايس وقالت بلهجة بكي وهي تدري عن سوالفك يامشاري؟تدري ان مالك امان؟؟؟
مشاري بدفاع ومشاعره كلها متخربطة بشاير انتي تركتيني و..
بشاير بحدة من بين دموعها وصار الحق علي بعد!!!صرت انا السبب؟مو سواد وجهك اللي خلانا نفترق؟؟؟
مشاري بدون مقدمات احبك...
ناظرته بالم واحتقار وقالت انت شنو؟
مشاري بالم انتي ماتدرين عن شي يابشاير...
جا صوت مريم وهي تكلم الشغالة بمثابة قطع الكلام بينهم...
وبشاير راحت بسرعة لسيارة صاحبتها قبل لاتشوفها مريم ومشاري ظل واقف مكانه حايس مو عارف شيسوي؟
ريم خلاص حط راسك ونام ؟
احمد مو جايني نوم...
ريما تقول بتروح بكرة الشركة لاابوك؟خلاص نام وارتاح؟
احمد هالة فيها شي ياريما...
ريما بدون نفس أي مبين ان فيها شي...هذا اول يوم ياكافي؟
احمد بتاءنيب ريما...
ريما أي سوي روحك ماسمعتها؟شوي وتقوم تذبحني؟انا شقلت لها عاد؟
احمد اللي افكر فيه وين وانتي وين؟
ريما لانك تبي تدافع عنها وبس...
احمد ادري غلطت عليك مانسيت ها الشي؟بس انا قاعد افكر في شي ثاني....
ريما ..........
احمد ريما هالة ماتبي ابوي يعرف انها معنا....طيب..
ريما ليه؟
احمد شي خاص فيها....بس طلبت مني ان ابوي مايدري...
ريما احمد..تتوقع متهاوشة مع علي؟
احمد هي تقول انه مسافر برى المملكة وماتبي تقعد بروحها؟
ريما وعلي بيسافر حتى مابيسلم عليكم يااحمد؟
احمد تنهد...وقال بضيق في شي مو قادر افهمه...
ريما احلى شي ان اغراضها مو كثيرين يعني شكلها مو مطولة مرة....
احمد يمكن بس مو اكيد...
ريما بضيق يالله ياكريم انك تسهل الايام الجاية علينا لان هالة بتشيبنا مافيها نقاش؟قالت شنو قالت شكلك ماتحبينه؟
احمد لف لها وقال وانتي من السالفة كلها ماعندك غير ها الجملة؟
ريما بقهر وهي تناظره لانها قهرتني بجد؟؟وش مااحبك؟بكيفها هي تقول ها الكلام؟اللحين انا مااحبك ولااهتم بصحتك؟
احمد بخبث مدري والله....الخبر عندك؟
ريما باعتراض شوف النحيس؟؟؟انت بتقلب بعد؟
احمد تمدد وقال وهو يغمض عيونه تقولين تحبيني يالله تعالي اثبتي خلنا نشوف حبك؟
ناظرته وهي تضحك ومرت ثواني وهو ينتظرها ...
فتح عيونه ولقاها متغطية جنبه وعاطيته ظهرها..
لف لها وقال بهمس وهو شبه حاضنها اللحين هذا اللي طلع معك ؟
ريما بنفس الهمس شكلي بصدق كلام هالة وبقتنع اني مااحبك؟
مسكها من يدها بقوة خلتها تصرخ وهي تضحك ولفها لعنده وحضنها وقال بتهديد والله لو تعيدينها تشوفين شي ماصار بحياتك؟
ريما بضحكة تدري احلى مافيك ياعمري تهديداتك؟؟؟بتشوفين وبتشوفين وبعدين مانشوف غير الحب؟
احمد لاعيوني من اليوم وطالع غيرنا أي كلمة تقولينها ماتعجبني علطول....
ريما علطول شنو؟
احمد باستسلام وهو يحضنها علطول حضن....
صباح اليوم الثاني...
جراح بسيارته...
معقولة طلعت من بدري؟ سيارة السايق مو موجودة....
يمكن انها خربانة ولافيها شي...؟
أي بس هذا الوقت هي تكون بالطريق....
لف لفتين حول المنطقة ومشاف أي اثر لسيارة هالة وقرر انه يروح المستشفى ويشوف هل هي بتداوم اليوم ولا شنو وضعها...
ويوم وصل عند بوابة المستشفى لمح سيارتها ودق قلبه؟
معقولة كانت رايحة مكان ثاني؟؟؟
طب وين؟؟؟وليه؟
خل اليوم اضل هنا لين اخر الدوام واشوف شسالفتها....
شرايك تدخل عليها اليوم ياجراح على انك مريض؟؟؟
دق قلبه من ها الفكرة...ومن فكرة انه يكون قريب من هالة حيييل؟
اشوفكم بكرة على خير
هلا وغلا فيكم ياحلوين ..
منوريني كلكم والله...عساني مااعدم ها الاسماء الحلوة اللي طالة علينا...
البارت الثاني عشر,,,,
ام مطلق سكرت الباب وراها وقالت انت وين كنت البارح؟
مطلق بتاءفف يمه؟
ام مطلق بهمس ووجعة ان شاءالله؟
مطلق يمه انا مو بزر؟
ام مطلق وهذا اللي مخوفني انك موبزر؟
مطلق وش المطلوب مني اللحين؟
ام مطلق وين كنت البارح؟
مطلق طالع مع الربع؟
ام مطلق بحدة أي ربع ذولا يامطلق انت راجع قبل صلاة الفجر بربع ساعة وشكلك كنت نايم اصلا!!!
تنهد ومارد عليها..
ام مطلق تغيرت لهجتها للحنان يمه...سوالف الطيش اتركها عنك انت كبير منت صغير كل يوم اجي واقولك وين كنت ومع مين سهرت؟اطلع مو قايلة لك لاتطلع بس بعد راعي انك في بيت عايلة...اذا بترجع كل ليلة وقت صلاة الفجر لاترجع ابرك؟
طول ماهي في سيارة صاحبتها وهي مو بوعيها...
دموعها كانت تنزل حارة على خدودها...
صدمة عمر صدق اللي شافتها اليوم؟
ولامر في بالها اصلا ان خطيب مريم هو ذاك الحبيب اللي تحاول تنساه وتلاقي نفسها تتذكره بلهفة وحب اكبر من قبل!!!
ليش ياربي ليش....
من بين كل ها الناس طلع مشاري خاطب بنت عمتي!!!
ابي افهم انا وش مسوية بس ياربي علشان يكون الانسان اللي حبيته لغيري,,,,
ومو أي قريب بنت عمتي اللي تونا بادينها صلح قبل كم يوم بعد قطاعة سبع سنين!!!
وصلت البيت ومسحت دموعها وراحت علطول لبيت عمتها...
دخلت وسلمت وسوت نفسها طبيعي وسوالف مع اروى وهي قلبها محترق...
بشاير وين مريم؟
اروى بملل وين يعني...حاطة لك على عروض الازياء وتشوف في ذيك الفساتين حق الاعراس....
لاولقت لها بعد تشجيع من نسايم وكملت عندها...
بشاير بتعب عادي اشوف صور خطوبتها....
اروى أي اكيد....قومي نركب لهم فوق....
ركبوا وبشاير قلبها واقع بين رجلينها وفي بالها تقول ان شاءالله شوفة مشاري اليوم عند البيت تكون من مخيلتي ومن افكاري!!!
أي اكيد كذا من كثر مااتخيله صرت احسب اني شفته وكلمته وطلع هو بعد خطيب مريم؟؟؟
مااوتعت على نفسها الا ومريم عاطيتها الالبوم ونسايم واروى داقينها سوالف...
يمكن كان لها احسن ان اول ماصادفها صور مريم بروحها علشان تبتسم لها مجاملة وهي مو شايفتها من الرجفة اللي فيها..
بشاير ماشاءالله عليك كنتي تهبلين؟
مريم طبعا انتي عندك شك اني مابكون حلوة ليلة خطوبتي!!
بشاير بمجاملة اكبر لاطبعا,,,,
وقفت يدها على الصورة اللي كان فيها مشاري جنب مريم...
هذا هو يابشاير هذا هو؟؟؟ماهو حلم وخيال الا واقع يا بنت الناس؟؟؟
مريم شفيك؟كملي شوي...
غرقت بشاير ببحر ثاني وجو ثاني غير جوهم....
نسايم بحدة هيه وين سرحتي!!
رفعت راسها بربكة وقالت حاسة بطني يعورني...مدري فجاْة جاني مثل التقلص....
معليش بقوم ارتاح عن اذنكم...
تركت الالبوم على الطاولة وهي تمشي بارتباك وقالت بجي اشوف صورك مرة ثانية من الالم حاسة اني مو مركزة فيهم!!
قالتها وطلعت وهي اصلا مو معهم بالها مع اللي شافت الابتسامة على وجهه جنب مريم!!!
تنهدت وعيونها تقول وهي تذرف دموع الوجع,,,
عطيتك حب اغلى حب واخذت منك حب خالي من الحب
عطيتك قلب فيه النبض واخذت منك قلب فيه الهم
عطيتك روح فيها الدم واخذت منك روح فيها الهم
عطيتك العمر مع الوقت واخذت منك الغدر مع الكذب
عطيتك حروف فيها المعاني واخذت منك حروف فيها الخيانة؟؟
لف للجهة الثانية يوم دخلت المستشفى بكامل شموخها وكبريائها ومهابتها...
تنهد بقوة تنهيدة ارتياح...
كاهي وصلت يعني الحمدلله مافيها شي بس وين راحت من الصبح!!!
هي برنامجها كل يوم يكون واحد ومايتغير...سنة كاملة واحنا ماشيين على الخط مافي أي تقديم وتاْخير وكاْنها تمشي مع عقارب الساعة...
بس اليوم....ياترى ليه ياجراح ليه؟؟؟
اليوم لازم كل شي في يدينك يتاْجل لين توصل هالة لشقتها وتتاْكد ان مافيها شي علشان تتطمن عليها...
تنهد وراح يجلس على الكرسي وكاْنه مراجع ينتظر دوره اللي مابيوصل؟؟؟
هو بروحه ظل مكانه ويلعن بنفسه ذيك اللحظات..
حتى مريم اللي كان جاي لها سلم عليها سلام عابر وسئلها عن احوالها ومشى...
ماقدر يوقف حس بالعجز والخوف؟؟
معقولة هي هنا؟؟طول ها الوقت هنا؟؟؟
لامستحيل لو كانت هنا كان عرفت من بداية ارتباطنا؟؟؟
بس شلون توها تدري!!
وليه ها الحظ الاقشر عاد؟؟؟
بشاير...من بين كل العالم تطلع بشاير قريبة مريم؟؟وش ها المصيبة ياربي.؟؟
ليش ماكانت أي وحدة عابرة مرت بحياتي وانتهت؟؟؟
ليش البنت اللي كنيت لها مشاعر خاصة بقلبي رغم كل علاقاتي الثانية هي اللي تطلع قريبة خطيبتي!!!
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك