رواية احبك لين تنزلني أيادي الناس في قبري -8
ظهرت من بيت ابووية ورحت البييت
دشييت قسمي وعقييت عمري صوب الشبريية ....تذكرت امي الله يرحمها كيف كانت مدلعتني وكيف كنا متعلقين ببعض
......وكييف ابووية يعااملني ..طاحت دموعي
دش رااشد الحجرة وشاافني ..يا ويلسني ف حظنه
راشد: عليا حبيبي شووفييج
عليا: متضاايجة وااايد
راشد يرص علييه: فديتج عمري من شو
طالعته: بتخلييني راشد
راشد: مستحييل اخلييج عليا ..مستحيل اخلي رووحي
.................................................. ........................
ع الساعة 5 ونص العصر كنت احط مييك اب من الملل لوول
شووي ودشت علييه خوولة
خولة: شو تسويييييين
علياااااااا: مااشي احط ميك اب
خولة: وين رااشد
عليا: ظهر يخلص اشغاالة
خولة: اهاا
ردييت الميك اب مكاانة ورحت ايلس ويا خوولة ف حديقة البييت
كنا نخلص من موضووع وندش بمووضووع ثاااني
عليا: خولة انا بقولج شي ..بس اخااف هالشي يجرحج
خولة: شوو عليا
عليا: ترا حمااني الله يرحمه كااان معرس من سنتيين وعنده ولد
خولة: اي ولد
عليا: هيه عنده ولد اسمه حميد سااكن ويا قووم ابووية
خولة: ....................................
استغربت مننها نشت من مكاانها ورااحت بعييد عني
كنت ارااقبها اشوفها ماعلقت ع الموضووع ..كان شي عاادي عندها
مشييت ورحت صووبها: خولة
خولة: لاتظنيين اني بصيح حماني مات والله يرحمه لو عرفت هالشي على حيااته كنت بتضاايج
بس الحيين بدعي له بالرحمة بس...واكيد ماتزوج الا ان يحبهااا
ماشااءالله علييها ردت فعلها واايد صدمني توقعتها بتصيح لكنها ما نزلت دمعة...
خولة:وين الولد
عليا: ف بييتنا
خولة: هالولد جان امه ما تبااه ترااني انا اللي بربييه
عليا مستغربة: بتربينه؟؟
خولة: هيه بربييه..ولد حمااني هذا
الجزء ال14
حبيبي يابعد عمري .. ورب الكون لي سواك
إذا صديت تقتلني .. ومنك الصبر يشقيني
حياتي كلها لأجلك .. وأقول العمر لك يفداك
كثير الناس تتمنى .. وغيرك صعب يرضيني
بعـد مروور ايام ,,تقريبا الكـل عرف عن حميد ولد عبدالرحمن الله يرحمه,,
فالبـداية انصدمـوا وكلهم جذبوونا وقالوا ان هو ولد حمدان ,,بس رااوينااهم اورااق التحاالييل,,
وعن أبويـة ماهمه الموضووع بس يته شووق الشركة وقالت انها تباا الولد
وابوية رفض ,,ورفعت عليينا قضية,,طلبنا منها تتنازل وبنعطييها اللي تباا,,وطلبت من ابووية نص مليوون وعطااهاا,,وتنازلت عن القضية
للأسف شوق بااعت ولدهـا برخييص,,باعت ولدها عشاان نص مليوون.؟!!!
وخولـة أصرت علـى أبووية انهاا تربي الولـد,,ووافق ابويـة
مرت أيام وراشـد كلـه طايح في الميلـس ويا ربعـة ويرد لي 2 الفير!! وطبعا ماشووفه اكوون راقـدة ...وما يسال عني حتى بالمسجاات..كنت
متضاايقة من تصرفااته بس طنشت الموضوع عسب لا تكبر السالفة..وكنت كله أيلس وياخولة
.................................................. ..........................
كنت يالسـة ف قسمـي,,وراشـد كالعـادة في الميلس ويا ربعه,,شوي كنت اطالع التلفزيوون,,شوي اقرا قصص ع اللاب ,,سالت منو في البيت قالوا لي ريم طالعة ويا جاسم وعمتي ويا العيايز في الميلس,,رحت أرقـد مع ان الساعة بعدها ماستوت 10 بس الملل ومايسوي
.................................................. ....................................
نشييت على صوووت تلفووني ..ردييت وانا ماأدري منو المتصل
عليا: الوو
فطووم:هلااا والله
عليا: اهليين
فطوم: شوو رااقدة
عليا: هييه
فطوم: اوييه سوري ازعجتج
عليا: لااا عاادي
فطوم: انا متصلة اقولج ان بااجر مسويين عزيمة في بيتنا ,,عازميين فيه بيتكم وبيت ابووج وبيت يدج,,بتيين
عليا: هييه اكيد
فطوم: اها زين وبس جي,,بخليج تكمليين رقاادج
عليا: اووكي تيك كير
فطوم: يو تو باي
عليا: باي
جفت الساعة كانت 12 ونص ,,وطبعا راشد بعده في الميلس,,ردييت ارقد مرة ثاانية
.................................................. ........................................
نشييييت وانا شبعاانة رقااد,,صدييت صووب الساعة شفتها 5 الفيير ,,صدييت يسااري ما لقييت رااشد,
الصراحة ماحس اني وحدة معرسة,,هالايام اعيش ايام نفس ايام الخطووبة,,ع الاقل الخطوبة كانت اهوون كنت اكلمه ويسال عني
تغسلت وخذت لي شوور,,وبعد ما تلبست رحت صووب فووني اجييك جاان حد متصل
جفت مسكووليين من خوولة وماحصلت مسكول ولا مسج من رااشد,,الله يرحم ايام الخطوبة والملجة
اتصلت بخوولة
خولة: صباح الخير
عليا: صبالح النور
خولة: ويين كنتي
عليا: كنت رااقدة من 9 ونص تقرييبا
خولة: حتى انا رااقدة من 8 والله ملل
عليا: هيه والله,,شو بتسوين نااو بترقدين ولا
خولة: لا شبعت رقااد انا..تعالي حجرتي بنيلس ويا بعض
عليا: اووكييه يلا باي
خولة: بااي
رحـت صووب خوولة ..وكنا نرمس عن عزيمة بيت خاالتي
عليا: انا اليوم العصر بروح الصالون
خولة: ليش
عليا: بقص شعري
خولة: حرام علييج عليا شعرج واايد ناايس ونااعم ..راشد يحب الشعر الطوييل
قلت فخااطري...منو قال بينتبه لو قصييته هو ناااسني اصلا
شوي وسمعناا صيااح حمييد..وتميينا نلعب ويااه ..رن تلفووني على اغنية راشد الماجد
ودي أغير كلمة أهواك
بكلمة توصف كم انا اغليك
كلمة تفسر اني وياك
عايش وقلبي ميت فييك
ردييت علييه
راشد: هلا
عليا: اهليييين
راشد: وينج
عليا: ف حجرة خولة
راشد: اهاا بغيتج تعاالي الحجرة
عليا: اوكييه باي
راشد: بااي
قلت حق خولة: بخلييج شوي برووح اجوف راشد شو يبا
خولة: اييييه تمي وياي
عليا: هو من البارحة مب رااقد بجووفه شو يبا..ويوم بيرقد بييج
دشييت قسمي ورااشد كاان يرمس في الفوون ويا ربيعة..ترييته يخلص المكالمة..ومن خلص يا ويلس جداامي
راشد يمسك ايدي: تولهت عليج
عليا : جذاب
راشد: حرام علييج والله مشتااق لج حييل
عليا: لو كنت مشتاق لي نفس ما تقول جان اتصلت ولا طرشت لي مسج ع الافل
راشد: سوري عمري انشغلت
عليا: راشد بسالك وجاوبني بصرااحة اوكي
راشد: اسالي
عليا: انا مقصرة وياك بشي
راشد: بصرااحة لا..وانا مقصر ويااج
عليا:........
راشد: مقصر صح
عليا: رااشد انته قبل كنت تحب تيلس وياي..وكنت تستانس يوم نظهر مع بعض..وحتى يوم كنت تظهر وياا ربعك كنت تتصل وتسال عني
وحتى لو ما فضييت تطرش لي مسجاات كل شوي تتطمن علييه..انته تغييرت واايد ..حتى يوم خذت لك اجازة اسبووعيين توقعت هالاجاازة حقي عسب نظهر ونستانس مع بعض..بس اشوفك كله في الميلس من العصر لين اليوم الثاني الفير
راشد: ............
عليا: كيفك رااشد انا مابغصبك انك تيلس وتظهر وياي ولا انك تكلمني..بس صدقني ترا الحب اذا ما لقى اهتمام عاادي يرووح
ظهرت من الحجرة..ورحت صووب خوولة ..وبعد ما رقد حمييد
خولة: انا ماخذة فيلم هندي رووعة
عليا: اي فيلم
خولة: اسمه اوم شانتي اوم..كششخة تقريبا 4 سااعات ونص
عليا: واااو هاللي يمثل فييه شاروخاان
خولة: هييه
عليا: الله ونااسة
صكيينا الليتات وشغلنا الفييلم ..الفيلم كان,,رعب,كوميدي وشوية رومانس,,بس روعة بمعنى الكلمة
خلص الفيلم وجفناا الساعة 10 ونص
خولة: انا يوعاانة
عليا: حتى انا
خولة: شو رايج نظهر ونتريق بررع
عليا: اوكيي
دشييت قسمي ولبست بنطلوون جينز وفووقة تنوورة قصيرة بلوون ابيض وبدي أبيض..لبست عبااتي وشيلتي وشلييت شنطتي البيضة ماركة شاانييل ونزلت تحت..وبالصدفة كنا انا وخولة مطقميين اللي يشووفنا يقوول توام لول
في السيـارة
عليا: امم خااطري نتريق ف ستاار بووكس
خولة: لاااا مليينا دوم نتريق هناك
عليا: عيل وين تبيـن
خولة:بناخـذ ميلك شيك من باسكن رووبنز وبنشل من المحطة كرووسوون جوكليت او زعتر
عليا: امممم اوكيي
رحنـا باسكـن روبنز وخذنا الملك شييك وطلبنا كرووسوون جوكليت من المحطة...وتحووطنا ليين أذن الظهر ورديينا البييت
ونحن رايحيـن فووق
عليا:شو الحواطة
خولة: واايد كششخة
دشييت حجرتي وجفت راشـد يتلبس
عليا: ويين راايح
راشد: بروح المسيـد
عليا: اهاا
راشد:بعـد الصلاة بنـروح نتغـدى برع
عليا: ان شاءالله
راح رااشد المسيـد ..ورحت أنا توضييت وصلييت..وتلبسـت..شوي ودش رااشـد
راشد: خلصتـي
عليا: يبالي شوي
.................................................. .................................................
في السيـارة
راشـد يغني:جميلٍ ماحد"ن" مثلك .. فلا هذا ولا هذاك
وربات الخدر معهن .. ترجحك الميازيني
ظلام الليل توميبه .. وبدره طلة محياك
شمس الصبح في خدودك .. عودٍ مايزيبيني
راشـد يمسك ايد عليا ويبوسها: تحبيني
تميت اطالعة مستحيية
راشد يصااارخ : تحبييني
عليا بصوت وااطي: هيه
وصلنـا المطعـم....وطلبنا
راشد: بعد ما نتغدا بنروح سيتي دبي
عليا: لا راشد يوم ثااني ..بغيت اروح الصالون
راشد: ليش
عليا: بقص شعري
راشد: يا وييلج بضربج
عليا: ههههههههههه كيفي بقصه
راشد: ايه لا تعاانديين
عليا: لا بعااند وبقصة
راشد:تعرفيين ان قصييتيه بقولج انتي طالق
عليا بدلع بحركاات يهاال: اهون علييك
راشد: لا فدييتج والله ما تهونين علييه
بعـد ما تغدينـا ..رحنـا سيتـي دبي..دشيـت كم محـل ..اجوف لي لبس فخم حق العزيمة اليوم...أخر شي اخترت لي تنوورة قصيرة من جدام وطويلة من ورا بلوون اسوود ومترووسة كريستالات بالفضي وبدي اسود وفي النص كله كريستالات ....ع الساعة 7 المغرب وصلنا البييت
اول شي بدييت بالمييك أب وبعد ما خلصت حطييت مناكير بلوون احمر...ع الساعة 9 وصلنا بيت خالو حصة
طبعا الحريم في الصالة والرياييل في الميلس...
وبعـد ما تعشينـا
زقرتني فطاامي على صوب
فطامي: تدريين يوم ابووج عزمنا ف بيتكم عسب يعرفنا على منال
عليا: هيه
فطامي: من هااك اليوم وامي طاايحة مدح ف منال اونه الا أخطبهاا حق سعيـد
عليا: شووو بتخطب منال حق سعيد
فطامي: هيه والله
عليا: وسعيد شو رايه
فطامي: سعيد مقتنع اونه منال حلوة تشبه عليا
عليا: مالت تخسي هااي تشبهني..
فطامي: انتي شو رايج
عليا: امم مادري مايخصني فييها..بس اللي قااهرني ان عبوود وسلطان يحبوونها..خذت ابووية مني والحيين بتاخذ مني اخوااني
وع الساعة 12 دشوا الشباب ووياهم عمي سيف
عبير: هيه خوولة صدق انتي تربين حميد
خولة بنص عيين: هييه
عبير: الله يعينج بصراحة ..ناس تعرس واتيب عيال وتورط الناس
خولة: ولد حماني الله يرحمه يعني ولدي..ولو سمحتي انتي لا تتدخليين بليز يعني
الصراحة واايد استانست من رد خوولة علييها
تمييت ياالسة ويا البنات ..حسيت اني تعباانة وقلت حق رااشد
عليا: راشد انا تعبانة ..بنرد البييت
عبير: روحي بروحج..يمكن هو خااطرة ييلس وياانا
راشد: لو سمحتي عبير لا تتدخليين ..نحن تعباانين وبنرد البييت
حسيت ويهها تلون ههههههههه ..
.................................................. .........................................
لبست بيجاامتي وعدلت شعري...ورحت ايلس ويا رااشد
عليا: راشد انا خاطري اسالك سؤال
راشد: اسالي
عليا: انته حبيت قبلي
راشد: بصراحة هيه يوم كان عمري 21 ..كنت احب وحدة بس هديينا بعض
عليا: لييش
راشد: خانتني واللي تخووني مالها مكان بقلبي
عليا: قولي سالفتها
راشد: ماشي...كنت اكلمها ع الفوون وويا الايام حبيتها
عليا: وكيف عرفت انها تخوونك
راشد: كانت بتطرش حق حبيبها مسج وبالغلط طرشته حقي..وهي بروحه اعترفت لي
عليا: اها وكم سنة كملت وياها
راشد: امم سنة وشوي
عليا: ومن وين تعرفت علييها
راشد: هااي عبير بنت عموو
نهااية الباارت
الجــــــزء الخامــــس عشـر
عليا: ومن وين تعرفت علييها
راشد: هااي عبير بنت عموو
انصدمت يوم قالي ان اللي كاان يحبها عبيـر,,الحيـن بـس عرفـت ليش عبير تكرهني,,بس انا مايخصني,,راشد هو اللي خطبني,,وانا ماحبييته الا بعد ما كلمته فترة الخطووبة,,ومحد قالها تخوون راشد
عليا: وليش ما قلت لي هالشي من قبل
راشد: لان عبير ماتهمني كثر ما انتي تهمييني
ابتسمت له وقلت: وبعديين شو سوييت
راشد: كنت مقهوور منها كانت تتصل لي كل يووم ليين غيرت رقمي وبعديين مادري من وين يابت رقمي النيوو وتمت تتصل وتطرش لي مسجات تقولي انته فاهمني غلط...ردييت علييها كل شي واضح مايحتاي تقوليين اي شي..ومن يومها ماشفت اي شي منهاا....وبهالفترة تقربت من اخووج حمداان واايد وكنا كل يوم نرووم الموول عسب نرقم ...كنت فرييند وياهم على عكس حمداان اللي كاان يوااعدهـم وماخلى وحدة الا وقالها احبج ووعدها بالزواج
عليا: وبعديين
راشد: سافـرت استراليا شهريين ..كنت بطوول اكثر بس عشاان خااطر امي ردييت.....ويوم يا العييد جفتج ف بييت يدي الصراحة مابقص علييج واايد عيبتني شخصييتج وخصوصا يوم قلت لج خذي ايميلي بكلمج ع المسن قلتي لي انا ما سوييت لي ايميل عشان اضيف فييه شباب...كنت استانس يوم خولة تقولي اييبها بيتكم او انج اتين بييتنا.....اخر شي قلت حق امي تخطبج واستانست اكثر يوم وافقتي..بس ماحبييتج الا بفترة الخطووبة..عمري ماتوقعت اني بحب وحدة بعد عبير
عليا: شكلك وايد كنت تحبها
راشد:مب كثر ماحبييتج عليا انا ماتوقعت احبج كل هالحب....
عليا: حبيت منو اكثر انا ولا عبير
راشد: انتي....انا لو لفييت الدنيا بكبرها مابلقى قلب نفس قلبج..فديت قلبج اللي مافكر يخووني
عليا: فدييتك حبيبي
جفت السااعة كااانت 2 ونص الفيير قلت له
عليا: زيين حبيبي انا تعباانة برقد
راشد:حتى اناا
.................................................. .................................................. ...................................
نشييت على رنة الفوون,,لكني طنشته وحاولت ارقد..لكن ماياني رقاد..صدييت صوب اليساار شفت رااشد رااقد..انتبهت ع الساعة جفتها 11 الظهر...نشييت من مكااني تغسلت وخذت لي شوور ....تلبست ورحت اجييك على فووني..شفت مسكوولين من حمدان
اتصلت فييه ورد علييه: هلا
عليا: اهليين
صدييت صووب رااشد حسييت اني مسووية حشرة فقلت حق حمدان بصوت وااطي: لحظة شوي
ظهرت ورحت الحجرة الثاانية وركبت السماعة وقلت :بااك
حمدان:ههه ع المسن نحن..وبعديين وين رحتي
عليا: ظهرت من الحجرة ..راشد رااقد
حمدان: ويل حالي علييج اونج ما تبين تزعجيينة
عليا: مشكله اللي يغااروون..المهم يالمزعج شو تبا ليش متصل
حمدان: اممم اليوم الفليل لازم اتيين
عليا: ليش
حمدان: لان بيت قوم خالو حصة بيونا
عليا: ليش شي عزيمة اليوم
حمدان: لا بس بيوون يخطبوون منال
عليا: شو يخطبوونها؟؟
حمدان: هيه
عليا: وسعيد مالقى غير هالاشكال
حمدان: شو قصدج هالاشكال..عليا تراها اختنااا لا تنسيين
عليا: مالت علييها..المهم ابوية شو رااية
حمدان: ابوي ماعنده اي مانع اذا منال مووافقة..و ع فكرة هو قالي اتصل فييج
عليا: وليش هو مايتصل فييني...لايكوون حالف ما يكلمني
حمدان: حرام عليج عليا ابوية يحبج
عليا: يحب منال وامها
حمدان: طاف المهم بتين ولا شو اقول حق ابوية
عليا: هيه بييكم بعد المغرب
حمدان: اوكي عيل بااي
عليا: بااي
ع الساعة 8 حطييت فووني ف الجرج قبل لاتجهز.....وبعد ماتجهزت وخلصت لبست عبااتي وشيلتي ورحت بييت ابووية
دشييت البييت شفت ساارة تدخن ابووية ..طالعتها بنص عيين
ابوية: شو مب نااوية تسلميين
عليا: هااا..هااي
ابوية: ماتعرفيين تسلميين عدل
سارة وهي تحط المدخن ع الطاولة: بخلييكم انا (وراحت)
عليا: صدق سعييد بيخطب منال
ابوية: هيه بيخطبها..ليش حبيبتي معاارضة
عليا معصبة: يعني هد كل بنات ..ومالقى الا هااي
ابوية: بدال هالكلام روحي باركيي لهاا احسن لج
عليا: تخسي ومنو هي عشان ابارك لها
ابوية: هاي اختج يالمينونة
عليا: تخسي بنت سااروو اختي
ابوية معصب: جوفي يا عليا يا اختج رضيتي ولا لا...ويا ويلج ان سمعت انج مضايقتنها بكلمة
قلت بصوت واطي: مب منك من سحوور سااروو
ابوية: عندج شي قولييه بصووت عاالي
عليا: ماشي
ابوية: يلا انا بروح الميلس
ع الساعة 9 وربع وصلوا قوم خالوو..الرياييل في الميلس والحريم في الصالة...بس استغربت من عبير اللي كانت ياية صدق رزة
تميينا يالسيين في الصالة شوي ونشت ساارة تزقر منال
قلت حق خالو حصة بصوت واطي: الله يسامحج خالوو مالقيتي الا هاي تخطبينها حق سعيد
خالو: والله انا مايخصني ..ها سعيد ميت علييها..ولا انا بروح اخطب بنت وحدة خذت ريل اختي
عليا: نفس ما سحروا ابووية سحروا ولدج
سكت يوم شفت سارة ومنال دشوا الصالة
رحت صووب فطامي وضربتها على جتفها ع الخفيف: يا حمارة ليش تقصين علي وتقولين ان امج هي اللي تبا منال
فطامي: هههههههههههههههه احب اغايضج
شفتها الساعة 10 رحت المطبخ اجووف البشااكير وقلت لهم حطو العشاا وانا طالعة من المطبخ شفت عبير بويهي
عبير: وينه راشد
طالعتها بنص عيين: انتي شلج
عبير: لا بس اسال ويينه
عليا: جوفي عبير ان قربتي صووب راشد يا وييلج
رحت عنها صوب الصالة وبعد العشا...
دوورت تلفووني لكني ماحصلته ..شكلي نسييته في البييت يوم حطييته في الجرج..
اتصلت ف رااشد من تلفوون البييت..لكنه مارد عليييه
رحت صووب قوم خالوو وقلت حق البشاكيير اييبوون السوييت
ع الساعة 12 راحوا قوم خالوو..بس تمت عبير ويا منال فووق
ردييت اتصل على تلفوون رااشد لكنه مارد علييه
شوي ودش سلطاان
سلطان: السلام عليكم
علاية: وعليكم السلام
سلطان: ها عليا بترقدين هني
عليا: هيه والله خااطري..بس اتصل براشد مايرد علييه
سلطان: اهاا..دقي له مرة ثاانية
دقييت له واخييرا رد علييه
عليا: وينك حبيبي ليش ماترد
راشد: كنت مشغول..
ماادري ليش حسييته متضاايق وقلت له: اهاا انا برقد بيت ابوية
راشد: ردي البيت
عليا: بلييز
راشد يصارخ: عليا قلت لج ردي البيت وخلاص
عليا: اوكي باي
صكييته قبل ما اسمع رده..شوفييه رااشد..
قلت بصوت ينسمع: الله بلاني بواحد مزااجي
سلطان: ههههههههههههههههههههه...ما يحتاي تقوليين سمعته يصاارخ طر اذني
طالعته بنص عيين: لا تغلط اوكييه
سلطان: هههههههههههه بس شاطرة تدافعيين عنه
قلت له وانا البس عبااتي وشيلتي: جب يلا مع السلاامة
سلطان: مع السلامة
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك