رواية من أعماق أحضان مجنونة -8
اروى بتغير نحفانة ولا انا مو شايفتك زين قبل؟
زينة لا انا جسمي مثل ماهو من كنت بالمتوسط لايزيد ولاينقص...
نسايم احسن لك....
مريم وقفت وناظر الكل فيها...
مريم انا تمللت بقوم اركب شوي اشوف التلفزيون وبعدين برجع لكم!!!
ام وليد باحراج يوم مشت بنتها ياحليلها مريم حدها مستحية منك يازينة....
زينة ماردت عليها وظلت تناظرهم بكبرياء....
ام وليد وهي تداري وانا دايم اقول لها قعدي مع زينة اكثر بتعيشون مع بعض بكرة ..من اللحين تعودوا على بعض...بس شسوي فيها ها الخجولة...
حقرتها زينة وطلعت جوالها تحوس فيه...
دخل الشقة بعد يوم شاق ومهلك بالنسبة له ..من بداية طلعته من الدوام وروحته لاابوه وبعدين هالة وبعدين رجع يريح شوي وبعدها طلع لعند ابوه علشان زيارة بو مشاري,,,
واخيرا انتهى اليوم وبيخلد للراحة....
بس تفكيره بللي جاي كان متعبه.. لحظات قليلة وبيبتدي وجع الراس يااحمد....
تنهد بقوة وحس بالكاْبة بعد ماقفل باب الشقة وسمع صوت ريمه جالسة تغني الاغنية اللي يحبونها ودايم يغنوها سوى...(اغنية يانعيش مع بعض حبيبي يانموت احنا الاتنين...اوعدني نكون مع بعض ياحبيبي ...مع بعض في الحالتين...)
مايدري ليش ماحس بالسعادة والنشوة ها المرة وحس بالحزن...
يمكن لانه عارف ان هالة الليلة بتجي عنده ومابيصفى الجو بينهم ثنتينهم وبيظل في زعل وعدم رضا لوحدة منهم واللي في الاغلب بتكون ريما...
دق جواله وريما فزعت ولفت له بدهشة لانها كانت قاعدة قبال التلفزيون اللي بالصالة وعاطية الباب ظهرها...
ريما بدهشة احمد!!!انت متى جيت؟
قالتها ووقفت تشوفه وصارت قريبة منه حييل...
ماقال لها أي شي...بس تقرب منها وحضنها بقوة وكانه خايف عليها من نفسه حتى؟
ريما بدلع يعني مانسيت!!
ابتسم وهو يحضنها....
ريما يعني انا ماقلت لك شي قبل تطلع علشان تحط في بالك تجي تعاقبني ها العقاب القوي..
احمد بهمس وهو نص شارد افكك يعني ماتبين حضني!!
زاد حضنها هي له بها اللحظات وقالت لاطبعا مو مجنونة ابعد عن حضنك..
احمد ريما...انا احبك.....
ريما وبعد....
احمد بعد تنهيدة احب بساطتك بكل شي...احب قلبك...احب الانسانة اللي اخترتها ومازلت اشكر نفسي بكل لحظة اني اخترتها....بس ترى شعرك القصير مو حابه ابيه يطول؟
ريما ههههه وي يااحمد خربت الجو بسالفة الشعر القصير؟
احمد علشان لاتوثقين من حالك وتقولين هذا كل شي يحبه فيني...
ريما طيب انتظر بعد سنتين ثلاث على مايطول ..
احمد ماشاءالله الله..سنتين ثلاث علشان يطول؟؟؟ليش هذا كله يبى؟وين قاعدين احنا؟
ريما ههههههههههه
بشاير هلا بالنكابة؟
نسايم بدفاع انا..
قاطعتها بشاير كان قلتي انك تبين تجلسين تشوفين اخت مشاري بدل ماتسوين روحك بتجين معي وتتركيني اطلع بروحي!!
نسايم بتغيير للموضوع راح عليك نص عمرك.....مريم فشلتهم اليوم بشكل مو طبيعي!!
بشاير بلامبالاة وش سوت بعد قالب الثلج؟
نسايم سفطت الكل وقامت بتشوف التلفزيون ولو تشوفين عمتي شلون صارت ....
بشاير بلامبالاة ينطقون في بعض...مايهموني....
نسايم خبر مافي منه وموقف مابنساه لهم وانتي تقولين ماهمني!!
بشاير بثقة اللي همني بالقضية انك قاعدة تلعبين بالحبلين؟
نسايم بحدة لاوالله؟
بشاير ليه تسوين روحك مو مهتمة وتجرجريني نطلع برى البيت وكان اللي هنا مو هامينك وبعدين تسوين المعجزات وتجلسين تشوفين اللي صاير؟ترى عيب...قوليها صراحة من البداية انا ابي اقعد واشوف وماهمني عزموني ولاماعزموني بدل ماانتي معقدة الامور من الصبح وتهذرين عليهم ليش انهم ماعطوك خبر..وانتي اللي ماصدقتي على الله ورحتي تركضين؟
نسايم وقفت انتي اصلا الحكي ضايع معك...
بشاير شكرا...
نسايم سخيفة.....قالتها بحدة...
في سيارته كان جالس وهو حاس بالضيق...
شافها اليوم يوم يدخل اخته عندهم ووقف معها دقايق طويلة تمناها تنتهي بسرعة...
ظل يذكر لقاهم كيف كان وطريقة استقبالها كيف كانت...
(مشاري هلا....
مريم اهلا..
مشاري منورة اليوم بها الاحمر...
مريم شكرا...
ظل يناظرها وهي تناظر بزينة ..لدرجة حس ان اخته هي العائق بينهم...
مشاري بتظلين واقفة هنا زيون انقلعي شوفي لك أي مكان ثاني جلسي فيه وخل ناخذ راحتنا مع بعض شوي؟
زينة بضحكة يعني انا السبب هههه طب يالله هذا انا مشيت بس ياويلكم لو تسوون شي من هنا لو من هنا...
مشت زينة وتقرب منها مشاري...
مسك يدها وماعبرته....
مشاري بخصوص البارحة يامريم...انا.....كان بيقول لها اسف بس يوم ماعطته وجه وقف وماقال شي...
قالت هي انت ساعات تصير مدري كيف وتنرفز على اشياء تافهة....
مشاري انا؟؟؟
مريم أي......
مشاري أي بس انتي ماسمعتيني وعلطول ضايقتيني...
مريم كنت بدق لك بس انت قفلت جهازك؟
مشاري كنتي ولادقيتي؟
مريم لابلى دقيت...
مشاري بحب يعني جاك تاْنيب ضمير ليش انك زعلتيني؟
مريم لا...امي قالت لي اكلمك واسوي الامر طبيعي رغم اني كنت ماابي لاني احس اني ماقلت شي...الغلطان انت متصل تقول لي بنجي بكرة عندكم...طب ماابوك اتصل في ابوي...
قاطعها بشوية حدة بس انا خطيبك ولي حق اكلمك وين الغلط؟
مريم ................مابتروح عند الرجال؟
قالتها وسحبت يدها منه وقامت.......
تنهد بقوة وطلع هو بعد للرجال ويوم ركبوا السيارة زينة حاولت تبين ضيقها لاابوي وقالت له عن موقف مريم كيف تركتها وراحت تشوف التلفزيون بس ابوي ماحب يكبرها ولملم لها السالفة وجاب لها من هنا وهنا)
بس يامشاري هل انت مبسوط ومرتاح؟؟؟؟
لا وستين الف لا.....
انا ماابي اكمل مع ها المريم اللي جابت لي العلة عساها تنعل بروحها...
مو من جمالها علشان ابقى معها...كثير بنات اجمل منها....
ولا من لسانها اللي مايقطر غير السم....
ولامن الراحة اللي مو شايفها معها كل ماجيت اقعد معها....
بس ابوي هو مشكلتي ماحيرضى ابدا اني افك الارتباط بمريم..؟؟
ياربي شسوي...انا فعلا طحت لي طيحة كبيرة ومو قادر اوقف منها على طولي!!!
بزاوية من الحوش اللي قلبها جراح ركن خاص فيه وفي مزااااجه ..حط له خيمة مفتوحة على ذوقه ومسك عوده وقام يدندن...
كان صوته مايل للقوة...ولهجة الحزن طاغية عليه.....
لمني في محجر عيونك حبيبي وخلني...
خلني اشوف نفسي في عيونك واطمئن..
دامك سلهمت بالرمش الطويل تفلني..
لعن ابو ذا الرمش كيف اني من اسبابه اجن...
ضاعت دروب المحبة والحزن ماظلني..
ياحسافة بالليالي والليالي ماانصفن...
لاتهل دموع من عينك اخاف تهلني...
خايف اطلع من عيونك لامن بيوم بكن...
صدك اللي هد حيلي والجفا اللي علني..
ليه قلبين بالمحبة ماالتقن...
قلت ابصبر والصبر من زود صبري ملني...
وقلت ابنسى واثرى طيفك صار لعقلي سجن...
مر بها اللحظات غسان اللي كان توه داخل وعلشان يوصل لفيلتهم اللي صايرة بالنهاية لازم يمر على خيمة جراح....
والتقت عيونهم ببعض...
غسان احم...السلام...
جراح وهو يناظره من فوقه لتحته وعليكم....
كمل غسان طريقه وهو منزل راسه..
جراح بشماتة شايفني عريان قدامك ولا مفكرني حرمة ماتبي تناظرني؟
وقف غسان مكانه وماقال شي...
جراح ولاطلع فيكم زود حيا ياعيال العراقية؟
غسان بارتباك انا ماغلطت عليك...فاذا ممكن ماتغلط علي!!
جراح عشتوا....انت مو تدرس؟
غسان أي...
جراح انا مااشوفك تدرس....
غسان انا اجازة ها الاسبوع بعد اربعة ايام برجع الجامعة؟
جراح ووين تدرس؟
غسان في الكويت....
جراح كم باقي لك وتتخرج؟
غسان سنتين ونص تقريبا...
جراح ليش تقريبا مو واثق انك بتعدي؟
غسان بتنهيدة الدراسة صعبة شوي...
جراح بتشكيك يعني منت قدها؟
وليد من وراهم لاطبعا مو قدها؟
لف غسان له وماقال شي....
جراح وليش تدرسها اذا ماتبيها؟
وليد بحقد علشان يقولون انهم ماطلعوا بشهادات بسيطة عيال العراقية؟
غسان بشوية عصبية انت مو قلت لي لاتدرس هنا وتظل قبال ابوي هذا انا قاعد ادرس بعيد عنك وعنه وعن الكل...منت مرتاح من ها الوضع؟
وليد بشماتة ياحليله البزر عصب!!!ليش مو قادر تتغرب علشان الدراسة؟هذا وانت رايح الكويت كلها ثلاث اربع ساعات وانت عندنا لو رايح ديرة برى وش سويت يالرقيق؟
مشى غسان عنهم وماعلق بشي...
جراح بشماتة زين ماسوى يوم مارد عليك؟
وليد نعم!!!
جراح بلامبالاة منت قد انه يرد عليك صراحة...يعني انا احسه فوق بمرات....عنك؟
وليد بحدة اقول لايكثر ياولد الخال.....
تقدم وليد وجلس داخل وناظره جراح من فوقه لتحته..
وليد خير في شي؟
جراح سلامتك...
وليد وليه تناظرني كذا بالله؟
جراح بسخرية مستغرب كيف تجراْت وقعدت وانا ماطلبت منك تقعد ولاسمحت لك حتى!!!!
ناظره وليد بصدمة وماعرف شيسوي وهو بها الوضع.....
ام وليد بعتب ماقدرتي تتعاملين باسلوب افضل من كذا مع البنت؟
مريم وانا شسويت عاد؟
ام وليد بصراخ سلامة عمرك...بس انتي شايفة انها كل يوم تزورك ولاقايلة شي يغث علشان تقومين تسوين ها الفيلم؟
مريم بلامبالاة اللحين صراخك هذا كله علشان اني قمت اشوف التلفزيون؟
اروى وانتي شايفتها حركة حلوة منك؟لو انتي مكانها رضيتيها؟
مريم وهي تفتح باقي الهدايا اللي جابتهم زينة معها... انا احسها عادية بس انتوا مكبرين القضية؟
اروى يابنت الناس...انتي حتى ماكنتي عاطيتها وجه؟وفوق هذا كله شمتي بيت خالي فينا؟؟
ام وليد بنرفزة وهذا اللي ذابحني انتي شفتي نسايم وامها شلون كانوا يطالعون ويضحكون...عمى بعيونهم....
مريم لاتقهرين نفسك ولاشي....
ام وليد طب قومي كلميها واشكريها على الهدايا وحسسيها انك كنتي خجلانة منها اليوم وماقدرتي تقعدين اكثر وتحججتي بالتلفزيون...
مريم يمه...انا مو متصلة في احد
....واذا على الهدايا عادي...لازم تجاملني انا زوجة اخوها..وماابي اكبر الموضوع بيني وبينها بعدين تروح تقوله يمكن انها ماقالت له؟
ام وليد ماشاءالله عليك...انا تفكيرك مدري من وين جاي صراحة؟
مريم المهم يمه ابو مشاري ماكلم ابوي بموعد العرس؟
ام وليد بتعب لا...
مريم اووووف..متى بيحددونه ان شاءالله انا زهقت ابي عرس ووناسة؟
ام وليد كملت بنفس التعب لان انا قلبي قارصني كنه يقول مافيه عرس مدامك كذا تصرفاتك؟
مريم يمه وش ها التشاؤم هذا!!بدل ماتقولين ان شاءالله تكسرين على كل العرايس تقولين ماكو عرس...فالك ماقبلته يايمه...
ظلت جالسة بغرفتها والقهر راكبها لفوق,,,,
ماشافته مثل ماتبي وكانت تخطط,,,
كانت تبي تشوفه واقف بروحه بس انه ظل واقف مع اخوانه ولاجنب ابوه طول الوقت وكانه قاصد ها الشي وقاصد انه مايعطيه مجال تكلمه ...
يوم دخلوا قالت توهم جايين...بس حتى يوم طلعوا بعد كان واقف بعيد عنها....
اوووف شتسوي...حتى ماقدرت تاخذ وتعطي مع اروى لان مريم مايناخذ منها حق ولاباطل....
ماعرفت عنه أي شي....ومو هذا كان تخطيطها؟
بس وين يازينة مافي تياْسيين...بتعرفين وبتكلمينه وما في شي بيوقف بوجهك...
بس المشكلة اللي انا اواجهها اللحين هي مريم ومشاري؟
مريم لاتطاق وعليها تصرفات والعياذ بالله!!
ومشاري ماهو مرتاح معها؟
كيف بتقرب منه اذا هذولا وضعهم مكهرب.....؟؟
واذا لاسمح الله ماكملوا ارتباطهم؟؟؟؟؟
صباح اليوم الثاني.....
كانت تلبس بهدوء طبيعي ويمكن ببرود اكبر من اللي يشوفه فيها كل يوم...
اليوم بتودع ها المكان وبتروح مكان ثاني تفكر فيه براحتها...وتتخذ قرار تكون قده وتحد من تفكيرها بها الموضوع عن الشهرين اللي طافوا!!
شي مو طبيعي ابدا....القلق النفسي اللي عاشته...
بعدها عن علي بيعطيها مساحة حرية للتفكير بدون أي ضغط من الضغوط؟
تقوله اللحين ولا اذا راحت لااحمد؟
معقول لو تقوله يمنعها من ها الشي؟
معناته لازم ماتقول له الا اذا راحت هناك واغراضها تمر طلعتها من الدوام تاخذ لها اشياء تمشي حالها فيهم...
نزلت للسايق بعد مالبست عبايتها وطلعت...
ركبت السيارة بنفس البرود اللي تكون فيه مثل كل يوم....
ظلت تناظر بحركة الشارع من خلال النافذة وهي تشوف اللي رايحن دوامهم ولا اللي متاْخرين على مدارسهم ولا اللي بتطلع تشوف ارزاقها واللي واللي واللي....
تنهدت وهي تناظر بالسيارة اللي لمحتها من عند شقتها وهي تمشي جنب سيارتها...
ماشدتها ابدا بعيدا عن مستوى السيارة الرفيع الا انها ماحست باي شي...بس يوم تسندت على كرسيها وجاها طيف جراح وانه يبي يفصلها من دوامها وللحين ماانفصلت رجعت تناظر بالنافذة بفزع...
معقول يكون هذا جراح؟؟؟كانت السيارة مظللة وهذا اللي ماخلاها تشوف منو فيها؟
ماتدري بشنو حست بذيك اللحظات؟قهر,,,انزعاج,,,غضب...كل الاشياء اللي موحلوة مرت في بالها...
لان اذا طلع ها الشخص جراح بتكون السالفة غير؟
قالت للسايق بعصبية اوققف اللحين عند كرسبي كريم وخذ لي قهوة؟
استجاب السايق لطلبها وهو مستغرب لانها ماتسويها لاتتاْخر بالعادة على دوامها بس هي كانت تبي تحط حد لشكوكها في جراح...
ولان جراح عارف ان هالة شاكة فيه وعارف يومها كيف يمشي كل يوم...قرر مايدخل نفسه معها بمتاهة واتجه للمحطة اللي جنب كرسبي وبعد ماخلص مشى لقدام وكان السيارة اللي واقفة ماتعنيه..وهو اصلا بيسبقها على المستشفى بهدوء تام...
ارتاحت نسبيا يوم شافته داخل المحطة وبعدها مشى...
الحمدلله ماهو جراح ولاكان لاحقها...بس هي صايرة توسوس كثير اليوم ماتدري ليش؟؟؟
حتى احمد اليوم كان هادى جدا وماهي من عادته...
وكانه يستمتع بلحظات الهدوء الباقية لهم بها الشقة قبل لاتقلب مشاكلهم السطحية وتقلب لهم الاجواء....
قالت وهي تشرب قهوتها فيك شي حمودي؟
قال وهو يقلدها فيك شي حمودي؟
ريما ياي عليك...
احمد حمودي كم مرة قايل لك لاتشربين قهوة من الصبح وانتي مابعد اكلتي شي؟
ريما والله عاد انا القهوة ماادل طريقها بس كله منك انت اللي علمتني؟
احمد وش ها العذر؟
ريما طب انت قولي كيف اصحصح؟
احمد وليه تصحصحين؟
ريما وكيف اقوم واجهز لك ثيابك وفطورك لو ماصححصت؟
احمد ابيك تجهزين كل شي بدون ماتصحصحين...
ريما بتميلح ظريف حدك...
احمد طالع لمرتي وش اسوي بعد؟
ريما وش تبي تاكل اليوم؟
احمد مو شي ثقيل...لاتتعبين نفسك؟
ريما مااتعب نفسي معناته مو مسوية شي؟
احمد في فرق بين انك ماتتعبين نفسك وبين انك تكونين سودانية؟
ريما ههه حرام عليك نعسانة حدي متى نمت البارحة؟
احمد محد قال لك سهري؟
ريما اوووف...اسمع من اللي يتكلم سي احمد بنفسه؟
احمد والله الخراب هنا انتي المسؤلة عنه؟
ريما زين قلت لي ...الليلة بصلي العشاء وبنام؟
احمد يكون احسن....
ريما بنشوف....
احمد بتميلح طيب وش بتلبسين اليوم؟
ريما مالك شغل توك تقول انا سبب الخراب؟
احمد أي وانا الصادق منو اللي يسهرنا كل ليلة ومايخلينا ننام الا الفجر؟
ريما هذاك اللي البارحة رد من بيت اهله الساعة عشر ونص وبعدها قام يتميلح يمين وشمال..عرفته؟؟
ضحك وقام من على السفرة..
ريما حبيبي ماكملت اكلك..
احمد الحمدلله عمري شبعت..
ريما باعتراض وش اللي شبعت الله يهداك صاير كنك بزر ماكلت شي...
احمد شوفتك من الصبح تشبعني على الاخر؟
قالت وهي تحوس بشعرها هاذي معناته اني مااقعد قبالك الصبح؟ لااسد نفسك...طيب فهمناها...
احمد باسها على خدها وقال بهمس ماتدرين شكثر انا احبك.....
قالت وهي تمسك يده اذا جبنا بيبي صغير بيغير حبنا يااحمد؟
احمد طبعا بيخلينا نحب بعض اكثر..
ريما ببتسامة خلاص اجل قريب يجينا البيبي...
قالتها وحضنته بنعومة....
كان جالس بغرفته وماسك له البوم صور يقلب فيه...
طول ليله مانام ولا لحظة...
جو البيت قاعد يجدد له ذكريات وهو صغير حاول ينساها فترة طويلة,,,,
هاذي صورة هالة...وهاذي صورة اروى...وهاذي صورة غسان...وهاذي صورة جراح واحمد...وهاذي اللي لابسة ثوب عرايس مريم ومن غيرها؟؟؟
شلون صاروا كذا!!!وعلشان شنو يامطلق؟؟
علشان فلوس وورث افترقوا؟؟؟
طب والعراقية وعيالها ليه افترقوا عنهم...؟علشان عمتهم ماتحبها؟؟؟
وش ها التخلف اللي كنا فيه بس؟؟
ياليتنا كنا كبار يوم نفترق علشان مانرضى نتركهم ولانبتعد عنهم حتى لو كان الثمن كنوز الدنيا كلها...
اه بس اه يامطلق...
احمد تزوج ويقولون انه مبسوط بس اهله مو عاجبهم اختياره,,,
انت وتزوجت علشان تشيلها وماكانت اختيارك وتشربكت بحياة مارسمتها من البداية وفشلت لان الاهل هم السبب...
لمتى بيظلون اهلنا يتدخلون بحياتنا وبعلاقاتنا؟؟؟
متى بننفصل عنهم وبنفقرر مع منو نعيش وشلون نعيش حياتنا مثل مانبي؟؟
اشوفكم بكرة على خير
هلا وغلا فيكم يقلبي انتوا ياعسل...
منوريني كالعادة بتعليقاتكم الروعة وتواصلكم الاروع..وان شاءالله دوم اكون عند حسن ظنكم,,,
البارت الحادي عشر,,,,
اروى شدعوة ياحافظ امس هربانة من القعدة معنا..
بشاير تناظر اختها اللي كانت تناظر بلااهتمام فيها وماكانها مسوية شي ماعليه بس اخواني عزموني على طلعة وماحبيت افوتها...
اروى حركات بعد عيال خالي...ووين رحتوا؟
بشاير والله شوي لفينا بالشوارع وشوي درنا بالكورنيش...
اروى اهم شي انبسطتوا؟
بشاير حييل والله.....
نسايم بس راح عليك طلعنا صور خطبة مريم ..
بشاير لا راحت علي اجل شوفتها جنب خطيبها؟
اروى ولايهمك بعدين نطلعهم لك من جديد....
بشاير انا بكرة بروح اسجل بمعهد تجين معي!!
اروى بتردد مدري....
بشاير ليه؟
اروى انا اكره الدراسة حييل واحمد اخوي من زمان وهو يقول لي اخذي لك دورة ودرسي أي شي بدل قعدتك وانا مو مقتنعة....
بشاير تضيعين وقت بدل قعدتك؟
اروى انا مااشوف نفسي بها المجال ابدا,,,
نسايم اشوف ماعزمتيني بشورة اجي معك؟
بشاير اعتقد تدلين مكان المعاهد واذا تبين محد بيردك؟
نسايم ول...
بشاير بدون نفس ولين بعد!!
اروى ههههه شفيكم قلبتوا على بعض؟
نسايم بضحكة لالالا احنا كذا اذا مالقينا شي على بعض سوينا نفسنا زعلانين ومانكلم بعض؟؟؟
ناظرتها بشاير باحتقار وماقالت شي....
نسايم الا ماقلت لك يااروى....
اروى شنو؟
نسايم السالفة اللي قلت لك عنها الامس...قومي بكمل لك الباقي..
مسكت يدها بدون ماتعطيها مجال ودخلت معها لداخل وسط تنهدية بشاير...
مطلق من وراها علامك بشورة؟
لفت له وقالت بحزن ولاشي...
فتح الكرسي اللي جنبها وجلس عليه شلون مافيك شي....ماتسمعين ها التنهيدات لوين يوصل صداها...للضهران؟
ابتسمت له..
مطلق بحب لالالا قولي الصدق وش فيك...
بشاير بانزعاج اختك؟
مطلق نسايم؟وش عندها....
بشاير بضيق دايم تحاول تثبت للعالم اللي مايعرفها انها افضل مني وتقدر الامور واني انا الا مبالية رغم انها اذا كانت معي تتفق معي على شي وبعدين تقلب بدون ماتعطيني خبر؟
مطلق طيب نسايم من صغرها كذا وين الجديد؟
بشاير الجديد ان احنا كبرنا يامطلق؟مو معقولة تصرفاتها ابدا!!!
مطلق هاذي تربية عمتها ام وليد....
بشاير وبناتك بعد تربية عمتها ام وليد يا الاقشر؟
مطلق شوف النذلة؟؟
بشاير هههههه امزح معك شفيك انت.....
ام وليد قوم...ياوليد بسك نوم يمه وقوم..
وليد بنعس اقوم وين اروح؟
ام وليد الناس طارت بارزاقها وهو يقول لي وين اقوم؟
وليد اوووووف يمه طفي النور واتركيني انام؟
ام وليد بصراخ مو تاركتك تنام!!! مو حالة عليك ذي ياولد الناس؟ماتنام لي الا صلاة الصبح وطول نهار مااشوفك...
وليد وش تبين تشوفين فيني بالله!!
ام وليد بقهر يعني ابوك اذا قرب عيال العراقية منه وبعدك ماهو غلطان وماينلام بعد؟
وليد يمه لو سمحتي لاتقارنيني بمجموعة الحثالة ذولا؟
ام وليد قول لنفسك ياحظي!!!
اه ياربي اه...هذا بدل ماتقول اروح اتودد لاابوي واتقرب منه علشان اشوف الحلال بعيوني واداريه تتركهم هم يتنعمون وانت يالبلوة راقد ماتدري عن الدنيا؟
وليد يخسوون يمه...واذا على غسان ترى ثلاثة ايام وتنتهي اجازته ويرجع الكويت وترتاحين وارتاح؟
ام وليد واحمد؟
وليد وش فيه بعد الصيدلي زوج القروية؟
ام وليد مو هذا اللي انا اقوله...نام انت بالعسل وخلهم هم يلهفون حلال ابوك ومحد يدري عنهم...
وليد ..........
ام وليد ياحظي اخوك اللي مايتسمى يروح يداوم مع ابوك بالشركة؟
وليد هو متى يرجع من المستشفى اصلا علشان يروح لاابوي؟
ام وليد قول لروحك؟
وليد ول هذا مايتعب دوام الصباح في المستشفى لين الظهر وبعدين يروح شركة ابوي؟
ام وليد هاذي الناس اللي خايفة على حلالها مو انت ياخلاف؟
وليد انتي منو قال لك انه يروح؟
ام وليد سمعت اخوي قال لي....يقول شافه امس رايح واليوم بعد قال له ابوك انه بيروح علشان ابوك يعلمه الشغل....ماسك الصوبين قطيعة..المستشفى والشركة؟
وليد واللحين وش المطلوب مني؟
ام وليد بقهر انك تكمل نومك....وش رايك؟
وليد طيب طفي النور وراك اجل؟
ام وليد انا مدري وش مسوية في دنيتي....وحدة بالشتني من قرادتها مع ولد الحمايل...والثاني بيلهفون اخوانه حلاله وهو مو محرك ساكن؟؟خل اقوم الحق على مستقبل الثالثة قبل لايضيع بعد؟
وليد وش بتسوين؟
ام وليد انت نام بالعسل مالك شغل بشي غير السهر والربادة والنوم؟
بقوم اشوف جراح وينه فيه وبخليها تروح تسلم عليه وتشوف اخباره....
هذا اللي مايتطير ان طار خسرنا الاولي والتالي!!!
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك