رواية يا راكان ترى مالي مكان في هالدنيا بدونك -7
ابو مساعد عصب : أنت لا تدخل في شي ما يعنيك , هذا الشي خاص فيني ولا تسالني هالسؤال مرة ثانية .... وراكان ابني ...وله في هالشركات مثل ما لكم .........
ريان نزل عينه : اسف يبى وان شاء الله بكلم قسم الرواتب يضاعفوا راتبه..
رننننننن رننننننننننننننننننن رننننننننننننننننن
يرن موبايل ابو مساعد ...........
الدكتور فوزي : السلام عليكم يا ابو مساعد.
ابو مساعد: وعليكم السلام يا دكتور , اشلونك وش علومك لنا من زماااان ما شفناك ؟؟
دكتور : انا الحمدلله بخير وعلومي زينه الله يخليك .... والله تعرف الشغل هالايام زاد حاش الناس هالجو ...هههههههه
ابو مساعد : هههه , الله يسعدك......... فرحت قلبي بهالاتصال....
دكتور اخذ نفس ضيق : والله اسف بس راح اقلب فرحتك يا ابو راكان ........... قبل ثلاث اسابيع جاني ولدك راكان ومعاه زوجته يا ابو مساعد ..... سوا تحاليل وفحوصات ........ كانت التحاليل اغلبها زينة والحمدلله ..........
ابو مساعد عكس وجهه وصوته جف : وش قصدك باغلبها...؟؟
الدكتور : زوجة راكان عندها القلب ......... وهذا الشيء من وهي صغيرة وراكان يدري ..... بس راكان عنده ( نزل نظارته من عينه ) عنده ورم حميد في كليته .
ابو مساعد تفاجأ ورمى نفسه في الكرسي:الله الله الله الله .
ريان فز من مكانه وجرى على ابوه : يبى بسم الله عليك وش فيك ؟؟؟
اخذ ريان الموبايل ...........: الوو , مين معاي ... دكتور فوزي وش الحاصل ...........
.................................................. ...................................
غرام خدودها حمرت : وش حامل الله يهديك يا وداد , تونا ما قلنا بسم الله .
وداد عصبت بصوت خافت : وش تونا , انتي لك شهر ....
غرام : وانتي قلتيها لي شهر .... متى هذا ... الله اكبر ..؟؟ وبعدين ما افكر في هالشي الحين ؟؟؟
وداد : اوووف كنت ابيك تحملي علشان نولد سوا.... ويكون لابني ولد عمه يصيروا مثل راكان ومحمد.
غرام لفت بوجهها : سبحان الله ....... ( فتحت فمها وهي تقول : هاااااااااااا ..... ) انتي حامل .....
وداد وهي تهز راسها : ايه يا خبلة .
وااااااااااااااااااااااااا , وحضنتها غرام بقوة
غرام وعيونها تدمع : من جد ولا تمزحي يا وداد ..
....... مسكت يد وداد وسحبتها تجري على الصالة .... وهي تصارخ : راكان ..راكان ,,,,, راكاااااااان .
لف عليه راكان وهي تجري عليه وماسكة وداد .........وقفت عند راكان والابتسامة كبيرة حتى اخر ضرس : راكان.. وداد حامل .
( راكان هنا حس انه متزوج عبيــــــــــ طة , يعني فلانة حامل علانة حامل ... هذي اشياء حريم .. وش تبيه يسوي ينقز )
بكل برود : مبرووك يا وداد ... الله يكتب لك الخير مبروك يا غانم .
غرام تصارخ : راااكااااااااااان , وش فيك بارد .
راكان وهو يحك اذنه : الله يهديك انا كذا من زمان , نمشي ... ؟؟ .
( المهم اختصر عليكم لحظات الوداع , لان راكان وغرام مسافرين بعد كم يوم )
( في السيارة الفيراري السوداء )
راكان معصب : لازم تدخليني في احراج , يعني بالله زوجها اللي هو زوجها ما اشوفه فرحان , وطاير , انا تبي مني انقز واقول وداد حامل ................ وش..وش سالفتك؟
غرام معصبة : لا يا حبيبي ... بس تظهر شوية حماس ...
راكان : حماس وشو؟؟؟ نحن في مبارة ...؟؟ يا غرام هذي الاشياء تقوليها لي بيني وبينك مو قدام الناس.
غرام : اهلي مو ناس, وبعدين هذي العصبية كلها علشان قلت لك انها حامل....... لا تكون غيران ....؟؟؟؟
راكان رفع كفه وضرب وجهه : استغفر الله .
غرام عصبت زيادة : تستغفر فيني يا راكان .... هين ! وبعدين وين رايحين , نحن داخلين على مجمع فلل؟؟؟
راكان : اولا الاستغفار ما يكون في احد , والحين بتشوفي مين بنقابل .
راكان وقف السيارة .... : يلا حبيبي نزلي وخليك وياي , لا اشوفك تنقزي هني ولا هناك, البيت فيه رجاجيل.
غرام : والله يا راكان , طيب نشوف لما نرجع على البيت.
دخل بيته وكانه اول مرة يدخل ..... وقف لحظات يتامل فيه اذا فيه تغيير ولا لا.... الخدم اللي كانوا ينظفوا يوم شافوه جريوا عليه : بابا راكان بابا راكان .... أنت ي يوحش انا وايد بابا .... بابا راكان وين أنت نحن ندور أنت مافي....
راكان وهو يبتسم لهم : شكرا ليتا .... مشكورة سيما ...... شكرا سينيفيا ..... شكرا
غرام واعصابها انحرقت : حتى الخدامة تقولك ( أنت يوحش انا وايد ) عشتوا من جمالك يحبوك هع هع .
راكان يبي يقهرها : ايه بنات الجامعة يقدروا هالجمال.
غرام لفت عليه : والله لو عرفت انك تكلم وحده فيهم ...
راكان حط اصبعه في فمها ... : هششششششش , انا ما ابيك تعصبي مو زين عليك .... شفتي هالبيت ... هذا البيت اللي تربيت فيه ........ والحين بعرفك بالوالده.
مشى راكان بثبات يدري ان الوالد مو موجود وهو في الشركة هالحزة ..................... فتح باب غرفة امه ... وكانت نايمة .... مشي عندها ورمى نفسه في حضنها ............
ام مساعد تفكر .... هذي ريحة منو اللي راسه في حضني.... راكان والله راكان ... راكان شعره طويل ...... فتحت عينها : ولدي راكان .... وتسلم فيه لحظة وتحضنه لحظة ... وتتامله لحظات....
وفي الجهة الثانية من الغرفة كان......ابو مساعد واقف عند الحمام .... يسمع في راكان ... ما دخل وقطع لحظات الحنين اكتفى بالسمع فقط
غرام حست بانه ما لها داعي , وطلعت وقفت جنب الباب , مر من عندها مؤيد وريان ..... ريان يوم شافها ... استغرب من جمالها فحط في باله انها مندوبه اجنبيه : السلام عليكم.
غرام خافت الاثنين واقفين جنبها : وعليكم السلام.
ريان : يا اختي .... أمي مافيها تشتري اليوم ... تعاليلها في يوم ثاني ..... او روحي على زوجتي يمكن تشتري منك.
غرام انقهرت من كلامه حسبها مندوبة مبيعات وقالت بصوت خافت : لا.
ريان رفع حاجبه : وش قلتي ؟؟ لا؟؟ انتي اعرف حدودك زين .؟؟؟ مو انا ينقلي لا ؟؟؟ طلعي برا يلا؟؟
غرام كانت شوي وتبكي ... وبصوت مخنوق : انا ما ابيع .
ريان : ما شاء الله... اذا مو مندوبة ... عيل كيف دشيتي هني ... لا تكوني طرارة ( شحاته )
مؤيد هني يعصب : بس ريان ..... خلاص أنت ابد ما تعرف تتعامل.
غرام مسكت دموعها و عرفت ان هذا اخو راكان ... ريان ...بس اللي معاه منو .... : لو سمحت وش اسمك ؟؟
مؤيد لف عليها وبابتسامة : انا مؤيد .
غرام : هاااااا , أنت اللي توك متزوج..... وزوجتك هي اخت محمد واظن اسمها هويدا .... وانت تحب فريق برشلونة وداايما تشوف المباريات ... ويا راكان
مؤيد : ما شاء الله عليك هذا كله تعرفيه ...
( طبعا راكان يحكيلها, )
ريان عصب وعقله وصلت درجة حرارته 100 وباسلوب تريقه : طيب يا حلوة وانا وش التحليل اللي علي...
غرام : ريان ... أنت عصبي وما تطيق احد .... وانك دايم فشيله ..... ودايم كنت تتهاوش ويا الاولاد في الصف يوم كنت صغير ..و ما تحب خلفة البنات... ما تطيق زوجتك...
تفرض شخصيتك من غير سبب..... ما تحب راكان ( شدت على الجمله )
ريان بعصبية : انتي مين ؟
( في الغرفة )
راكان : يمى ... غرام زوجتي دايم تسالني عنكم
واحكيلها ... هذي المرة جبتها تقابلك يمى ... والله انها طيبة وبنت حلال .. ومسكينة .... ما تشوفي منها العيـ ( سمعوا هوشة )... وش ذا الصوت ... يا ربي غرام ...
جري راكان على الباب ...
غرام يوم قالت لريان انها زوجة راكان ........مسكها ريان من اكتافها ...... وهو يسب في سابع جدها : يالحقيرة ولك عين تجي هني ..... و و و و ( يسب فيها وطبعا غرام ما تدري بشيء ........ لا بروان... ولا بقطيعة اهل راكان ... كانت حاطه انه لما تقوله انها زوجة راكان بيفرحوا فيها )
دموعها سالت ........ منى ورؤى طلعوا من المطبخ وعلى طول على الدرج طلعوا وهم يسالوا : وش فيه ريان يصارخ ... وهويدا طلعت من غرفتها ....
وراكان طلع ( توقف )
كل شيء يتوقف في هاللحظة .... مؤيد ماسك في ريان ومنى و رؤى في الدرج ...... ( عين راكان تجول ) هذي هويدا واقفة عند غرفتها و شكلها خايفة.... وش فيها ....وين غرام .. غرام .... ليه غرام تبكي ومين ماسكها ..
( مووووف )
ريان يصارخ على غرام ...... منى مسكت زوجها وبعصبية
: بس خلاص وش سويت فيها ..... ريان فكنا من شرك
ورؤى حضنت غرام ..... غرام تبكي ....راكان يراقب الموقف مو عارف وش يسوي....
ومافي حد حس بوجود راكان
ريان يصارخ :( خلينني عليها , والله ما راح اخليك , انتي وزوجك المريض )
ابو مساعد هني ظهر كان واقف ورا راكان وبصوت عالي وبعصبية: ريـاااااااااااااااااااان .
الكل اهتز , ريان اهتز , منى , هويدا , مؤيد , رؤى وغرام , حتى راكان اهتز .... ابوه كان بالغرفة
ويوم لفوا على الصوت وشافوا راكان جتهم صدمة ..........
غرام جريت على راكان وتبكي , راكان ضمها عليه .... وهو مقهور عليها... ما قدر يسوي شيء..... عينه على الارض ....
غرام كانت تتنفس بصعوبة ... وطاحت في يد راكان ....
( غرام .... حبيبي ....وش فيك .... ) ....ركان وهو يحاول يصحي فيها
جت هويدا تساعد في راكان ....
مؤيد : راكان قوم ندخلها جوا ..... قوم
غرام وهي تحاول : راكان قلبي يعورني....
راكان : طيب حبيبي الدواء وياك في الشنطة صح..
غرام : لا ماجبته ...
راكان رفع راسه وجت عينه على منى : منى الله يخليك الحقيني بموية ..... رؤى ... افتحيلي غرفتي ...
ام مساعد جت عليهم : لا دخلها هني يا راكان بسرعة ....
راكان شال غرام ودخلها غرفة امه وابوه .... دخلت وياه هويدا و رؤى ومؤيد .......... ابو مساعد ظل برى ويا ريان
ابو مساعد : أنت غبي , اشلون عقلك يشتغل, بالعكس...وش سويت في البنت .
ريان : اسف يببى بس ما استحمل اشوفها ..
ابو مساعد : اسمعني .... الخبر اللي سمعناه من الدكتور بان راكان عنده سرطان حميد يظل بيننا , وما ابي احد يعرف حتى راكان ما يعرف .
ريان : حاضر يبى .
ابو مساعد دخل على الغرفة , وريان راح على غرفته ............. وكان في شخص ثالث سمع كل شيء قالوه ...
منى ودقات قلبها تزداد : وي وي .. راكان عنده سرطان
.................................................. .....................................
مشاري يوقف : لا يبى , اختي ما راح تنقهر وانا اكون ساكت .
ابو مشاري : وش تنقهر وما تنقهر.. الزواج قسمة ونصيب...
راشد : يبى راكان هذا لازم يتربى بنات الناس مو لعبة .... واختي بالذات مو لعبة عنده ...
( صرخت ام مشاري ... هزت البيت كله .... : مشااااااااااااااااااااااااااااري رااااااااااااااااااااشد ,...... لحقوا علي , لحقوااااااااااااااااااا )
جري مشاري وراشد وابوه يشوفوا وش اللي حاصل ويا ام مشاري ...........
كانت روان طايحة على الارض وجنبها حبوب ..... مشاري مسكها وهو يصرخ رواان روااااااان
.................................................. ................................
(( الانتحار مو نهاية ... سعيدة ...لاي شيء.. دمااار ... لكل شيء حل ولا تصدق اللي يقول الموت بهالطريقة راحة .... جهنم على طول .. روان كانت انسانة طيبة ومعشوقة راكان , بس عمرها ما فكرت في راي راكان فيها ............... لانه كان يعتبرها اخت فقط ......... ولا تخافوا هي ما ماتت ))
.................................................. ..................................
بإذن الله بانزل كل يوم بارت ان شاء الله... يعني كل يوم اشوفكم هني <<هع هع هع هههههههههههه
كل يوم او يومين بالكثير ... واذا شفتوني وقفت
اكثر من اربعة ايام .... اربعة ايام
اعرفوا ان البارت الاخير تحت الانشاء وانه اخر بارت
بس لا تدعوا علي
عنوان البارت العاشر : (نهاية روان وبداية غرام)
تحيات :
JOHNARR COOL
علشان لا تنسوا اسمي :thank:
البارت العاشر
( شربي حبيبي.... شوي شوي ) ......... راكان وهو جالس
على الكرسي..... ام مساعد ورؤى وهويدا جالسين جنب غرام .... منى ومؤيد واقفين ... وياهم ابو مساعد ....
ام مساعد تمسك ايدها : ما تشوفين شر حبيبتي.
غرام لفت عليها : الشر ما يجيك يا خالتي .
مؤيد حس انه لازم يقول شيء..... بس رؤى سبقته : خوفتينا عليك ... يوم شفتك وقعتي قلبي.
غرام : اسفة , انا اتعب من اقل شيء... عندي القلب من وانا صغيرة.
مؤيد : الله يحفظك يا ....
راكان ابتسم لاخوه : غرام .
مؤيد هههههههه : الله يحفظك يا غرام , ما تشوفين شر .
غرام : الشر ما يجيك يا مؤيد.
غرام ناظرت راكان اللي كان منزل راسه , مسكت يده ... بصوت خافت : صرت احسن لا تخاف.
يطلع ابو مساعد من الغرفة بكل هدووء ..
راكان شاف ابوه : تتحسني شوي وبنروح البيت.
ام مساعد : وين تروح يا راكان؟؟ مافي اليوم بتتغدوا عندنا .؟؟
راكان : يمى ما يخالف , علشان غرام تاخذ الدواء , وترتاح لاننا بنسافر وما ابيها تتعب .
ام مساعد : ما يخالف يمى هذا اليوم خليه لي... شهر كامل ما شفتك ... والله مشتاقة حق القعده وياك.
راكان ..: علشانك يمى , مافي احد يفوت غداك.
ام مساعد فرحت من قلبها : خلاص يمى انا بروح ازهب الغدا .... ارتاحي يا غرام ... واذا احتجتي لشيء انا هنا..
غرام : شكرا خالتي ... ان شاء الله ما اتعبك وياي .
ابتسمت لها ام مساعد و طلعت على المطبخ ....
منى كانت عيونها على الارض من سمعت ذاك الخبر ..... تفكيرها صار بعيد ... مو عارفة وش تسوي .....
رؤى وهي تكلم غرام : انا رؤى ...... اعتبريني اختك الكبيرة ..
وهذي اللي جنبي هي هويدا ( راكان قال : هويدا اخت محمد ) تكمل رؤى : ايه مثل ما قال راكان .... وهذاك مؤيد زوجها ( مؤيد يأشر من بعيد... ) ... واللي واقفة هناك هذي منى ........ زوجة ريان .
غرام ابتسمت ........ : تشرفت فيكم ..
هويدا ومؤيد استأذنوا يروحوا يبدلوا ملابسهم.........
رؤى .... لاحظت منى وعرفت ان فيها شيء...
... وما مرت دقيقتين الا و منى طلعت من
الغرفة .... لحقتها رؤى ...
راكان ناظر على غرام .
.. : قومي غرام تروحي على غرفتي ...
غرام : طيب ....
راكان : ارفعك..
غرام وهي تقوم من السرير : وي لا, فشيلة.
راكان وهو يضحك : صرت فشيلة اذا رفعتك..
******************************
الدكتورة ام كرشة : والله بنتكم معجزة معجزة.... بلعت اكثر من 7 حبوب وللان عايشة ...
ضيا ( زوجة مشاري ) : عاآآآـآآد قولي ما شاء الله .
ام كرشة ... رفعت حاجبها ... وتعالو شوفوا ضيا كيف انحاشت روحها من الخوف...
الموجودين كانوا ... مشاري ... وزوجته ضيا ... وابنه صويلح .. و ام مشاري ...وابو مشاري ... وراشد ...
ام كرشة : سوينا غسيل معدة , والحين هي تحت الملاحظة , جسمها ابد مو متقبل العلاج ونخاف ان يكون في تطورات اكثر , وبعد ما تقوم بالسلامة راح يجي المحقق ..
راشد ..: لــــيه...
ابو مشاري بصوت متوتر : هذي اجراءات يا راشد ..
راشد : يعني وش يحقق فيه ...
الدكتورة ..: يعني يجيب وياه دكتور نفسي .. ويعرفوا سبب الاقبال على الانتحار وش يكون..
مشاري اشر لراشد .. وراحوا بعيد عنهم ... مشاري : عرفت وش اسمها وين يسكنوا اهلها ...؟؟
راشد ...: وش اسمها ؟؟ بس الاسم وانا اوريك فيها ؟؟
مشاري : يقولون اسمها غرام ... هي ساكنه ويا اخوها على شارع 43 ...
راشد يضحك : شارع 43 , حي الفقراء هذاك ... حظ غبي...
مشاري : انا من زمان ابي اعطيهم رميه قوية تحرقهم فوق تحت , والحين في ملعبي كورتين ... واوعدك كلهم راح يدخلوا في الشبكة .............
راشد : ما نبي نسوي شيء مثل ما اتفقنا مجرد ضربة ضربتين
ما نبي مشاكل يا مشاري .
ام مشاري كانت جالسة على الكرسي وتبكي ... وتبكي
وضيا جالسة جنبها .. تخفف عليها ...
ام مشاري رفعت راسها على الدكتورة : طيب ممكن نشوفها ... لو سمحتي.
الدكتورة ..: ايه ممكن يا خالتي .. تدخلوا عندها وتشجعوها شوي انها تتعالج لاني اشوف ان نفسيتها مهدمة جدا .
******************************
كان ضيف ابو مساعد في هذاك اليوم , هو الشخص نفسه اللي خلى ابو مساعد يرجع على البيت ابدر من المعتاد .
الدكتور فوزي اللي كان جالس في المكتب ينطر ابو مساعد ... وكان وياه ريان , دخل ابو مساعد وسلموا على بعض .. جلس ابو مساعد في مكتبه وكان امامه ريان والدكتور فوزي ..
بدون أي مقدمات اخذها ابو مساعد : الكلام اللي قلته لي بالجوال أنت متأكد منه يا دكتور ؟
دكتور فوزي : انا اسف يا ابو مساعد بس هالتحليل لراكان , وكل شيء صحيح.... انا في الاول قلت ان في التحاليل لخبطة لان المستشفى كان مزدحم في ذاك اليوم بالتحاليل ...بس يوم راجعنا كل التحاليل مرة ثانية شفنا ان مافي أي لخبطة.
ريان : مثل ما أنت قلت يا دكتور , في احتماال بان تكون التحاليل هذي مو له...
ابو مساعد : انا بدخل في هالموضوع وراح اجيب راكان ياخذ فحص جديد , وابيك تركز على حالته هذي , انا على علمي انه ما يعاني من أي شيء... في اخر فترة.
الدكتور : انا ماني قادر اشخص حالة راكان بدقة...لانها تحاليل كاملة مافينا نشخص حالته من غير رضا المريض..
ريان : يعني مافي تاكيد على وجود المرض الا الآن.
الدكتور : ايه .. و اغلب الظن انه يكون ورم سرطاني ... ووليد ..يعني في بداية تكونه واذا تأكدنا من ذا المرض لازم اننا نستعجل في علاجه ...وعن راكان راح تجي عليه مرحلة وراح يعاني من الالم ... واذا تاخرنا في استئصال هالورم .. لا قدر الله يتحول لخبيث... بس
ابو مساعد رفع عينه على كلمة (بس ) : بس وشو ؟
الدكتور : الورم هذا في كليته اليسار , وهذا يعني اننا راح نستأصل الكلية بالكامل ... وبيكون بكلية واحدة..
ريان : بس في اكثر من شخص يعيشون بكلية وحده.
الدكتور يأشر براسه : اكيد ان في اكثر الحالات اللي تمر فينا مثل حالة راكان .. يقدروا يعيشوا بكلية واحدة ... اذا كانت الكلية الثانية غير مصابة او تكون باحسن حالاتها .... ونحن لا نستعجل بشيء ... نمشي في الامور ... خطوة بخطوة ...
يدخل الخادم بالقهوة ....... وسكتوا كلهم ....
ابو مساعد : هو حجز على فرنسا بعد ايام من الحين .. يا دكتور أنت تشوف ان سفره ما فيه أي مشاكل ؟
الدكتور يشرب القهوة : لا , على العكس سفره الآن ... مفيد مو مضر .. اهم شيء في العمليات اللي نقوم فيها... ان نفسية المريض تكون عالية ... وبسفره ويا المدام .. راح يعطيه سعادة اكثر... بس ابيه ياخذ الفحص قبل لا يسافر.. وما ابيه يشعر باي حاجة الا ان نهيئ كل شيء ... ونكون جاهزين .
ابو مساعد : ايه اكيد يا دكتور ..( ناظر على ريان ) اكيد
وانا نبهت ان ما في احد يقوله بشيء... حتى زوجته ارج وان يكون الموضوع هذا بيننا ..لان زوجته عندها القلب وما اظن موضوع مثل هذا راح يريح احد.
الدكتور : انا اقول يا ابو مساعد , علشان راكان لا يشك بشيء.. انا باتصل عليه واقوله ان التحاليل حصلت فيها لخبطة وانصحه ان يجي ياخذ فحص مرة ثانية.... لان لو أنت كلمته راح يشك من وين عرفت وليه .... وووو
ابو مساعد : ايه هذا احسن
****************************************
منى وقفت عند باب الغرفة وهي تبكي .... رؤى جت عليها وهي تقول : وي يا ربي .. وين شافها راكانوو ... ما شاء الله عليها خقق عاد نحن قدامها ولا شيء ... مالت علينا .
رؤى شافت دموعها ... تفاجات فيها : وش فيك ؟؟
منى : هي عندها القلب ..
رؤى : ايه على ما اظن ...
منى : بس صغيرة على القلب ..
رؤى تمسح دموع منى : هذا امر الله .. وعلى فكرة هذا خير ماهو بشر ..
منى : اشلون ؟؟
رؤى : فيكي تشوفي كيف راكان مهتم فيها .. وشالها وسألها عن دواها.. مرضها يحسسها بحب راكان .. لها.. صح ولا لا ؟؟
منى زادت بكى ... رؤى : وش فيك ؟؟
منى : لما طاحت علينا راكان طلب مني اجيب جلاس موية , رحت اجيبه وانا طالعة شفت عمي يكلم ريان وكانوا يقولون كلام ... فهمت منه ان راكان عنده سرطان .
رؤى رفعت ايدها : هااااااااااااااااااااااااااااا.... لا مو سجك... راكان .
منى تبكي : والله ... هي عندها القلب وراكان ... ( اهئ اهئ )
رؤى حضنتها : تعالي وياي على غرفتي ... لازم افهم كل شيء..
*****************************
محمد وهو يدخل : يا الله .. وش غداكم اليوم .. عاد الخدامه الجديدة ما شاء الله عليها تطبخ اشياء خياااال .
جلس في الطاولة... اللي جالس فيها ابو محمد وريما اخت محمد الصغيرة... ( تروا ام محمد متوفيه من زمان ...)
.. وراح يملى صحنه ... ابو محمد : وين كنت ؟؟
محمد : رحت علشان السيارة ودي ابيعها يبى ... يعني خلصنا جامعة .. وابي اغيرها.
ابو محمد : ليه وش فيها سيارتك ؟؟
محمد : والله يبى عجبتني سيارة .. راكان... فيراري .. فقلت بشتري مثلها.
ابو محمد : سمعت انه اتزوج ... هالكلام صح ؟؟
محمد : ككح كح كح كح كح ( جت الجملة في غير محلها )
عطته ريما جلاس المويه .
وجهه صاير احمر راح يرد : ايه يبى ... ايه تزوج... أنت عرفت شيء جديد عنهم ..
ابو محمد : لا ما في شيء.
محمد : يبى راكان وده يروح على باريس ... ويا زوجته .. وترجاني اجي وياه ... وانا اقوله حرام ابوي واختي لحالهم .. وهو يترجى ويترجى ... في النهاية قلت له بفكر.... وش رايك يبى..
ابو محمد : لا
محمد : يلا يبى عاد... ابنك يبي يرتاح من الدراسة ... ترى الطب مو سهل ... الطبيب يبي استجمام...
ريما : ايه يبى انا بروح ويا محمد..
محمد عصب : على وين حبيبتي ... خليك هني ...
ابو محمد : تبي تروحي يا ريما .
ريما وهي تبتسم : ايه يبى ... ابي اروح باريس... مثل الاجازة اللي طافت ..
ابو محمد لف على محمد : طيب يا محمد باحجز لك وتاخذ ريما وياك.
محمد عكس وجهه ...... وهو يقول هالعلة بتروح وياي..اوووف
ريما لفت على ابوها : يبى خلينا نروح عند بيت عمي اليوم .. ابي اشوف العروس الجديده
ابو محمد : ما اظن انها في البيت عندهم .... اتصل يا محمد شوف راكان وين نروح نزورهم .
محمد لف على ريما :.. ان شاء الله يبى ... وبعدين مو لازم تشوفيها ... هي ما تحب اللصقة الامريكي.
ريما : انا ماني لصقة امريكي.
محمد : هي احلى منك بكثير....
ابو محمد رفع حاجبه الكبيرررر : وانت وين شفتها ؟؟
محمد بفخر ... ورفع القميص : اصلا يبا انا اللي خطبتها له... لولاي ما تزوجها.
ابو محمد : يعني أنت ساس البلاء... والله عمك لو درى ... بيخلي راسك في قارة وجسمك في ثانية..
محمد بلع ريقه ... وكمل اكله ....
.................................................. .....................................
غرام كانت تفكر .............. وتفكر .... وراكان ... كان واقف عند كتبه يشوفها ... له شهر ما دخل هالغرفة ...
... تشجعت غرام على السؤال اللي
تبي تساله لراكان : راكان .....!
راكان لف عليها ..... غرام تكمل : عندي سؤال ... ودي انك تجاوبه لان موقف اليوم مو راح يعدي على خير ....
راكان مشى عندها وجلس على الكرسي ...: اوكي اسالي .
غرام : ليه اخوك هاجمني كذا .... انا ماسويت شيء... ليه عصب يوم قلت له اني زوجتك .
راكان ناظر على الارض.... : انتي الحين تعبانة خلي هالموضوع بعد ما تصيرين بخير ...
غرام عدلت نفسها في السرير ...: لا تضيع الموضوع ... انا صرت بخير ... جاوب على سؤالي.
راكان يبي يعصبها : لا ... ما صرتي بخير ..لما تنتظم دقات قلبك ... بقولك كل شيء... اجلي سؤاللك.
غرام : راكان , انا دكتورة .... واعرف اذا دقات قلبي منتظمة ولا لا.... جاوب عى سؤالي.
راكان .... سكت ...... بعدين لف عليها ..: الوالد كان يبي يزوجني لوحدة ... ابوها عنده علاقة شغل ويانا .. فابوي خطبني ليها ... وانا رفضت علشان كذا اخواني معصبين علي.
غرام : ما شاء الله .. وليه رفضت .
راكان ... باسلوب استهزاء : علشان حضرتك يا هانم .
غرام : اه ... صح .... , وش اسم البنت ...
راكان : مين ؟
غرام : اللي كنت خاطبها ..
راكان .. : هاا اسمها روان .
غرام ..: يعني علشان أنت رفضتها.
راكان : ايه ..
غرام ... ههههههههههه ...
دق دق دق ..... راكان يقوم ..... كرااااك ...
مؤيد كان على الباب ... راكان ابتسم : مؤيد ..!!
مؤيد : راكان تعال بكلمك ... علشان ( يخفض صوته ) غرام لا تسمع .
راكان قفل الباب ... غرام استغربت ليه قفل الباب ... قامت من السرير ... وقفت عند الباب .. تسمع ...
راكان : تكلم وش فيه ... !!!
مؤيد : هناء ... صديقة روان .. تذكرها ..؟؟
راكان ... فكر..: ايه اذكرها وش فيها ..
مؤيد ...: هي تصير اخت رفيجة هويدا ...
اتصلت على هويدا وقالت ان روان في
المستشفى ... حاولت تنتحر .. واخذوها على المستشفى ..
راكان ناظر على الارض .... : لا اله الا الله ... وش صار فيها الحين .. ؟؟؟
مؤيد : ما ادري والله .... ادري انه الموضوع
ما يهمك في شيء ... بس مهما يكون هـ..
راكان : ايه ادري يا مؤيد ... انا بحاول اروح اشوفها .. هذي البنت مثل اختي ....
غرام عكست وجهها من ورا الباب .... ( بتروح لها يا راكان بنشوف ...!! )
راكان ... : شكرا مؤيد .. مشكوور .
وفتح الباب ... كانت غرام واقفة عند السرير .. : وش فيك قمتي ...
غرام ... : بجلس ويا الحريم ... مليت هني.
راكان .. : مليتي مني ... والله انك ما تقدري النعمة .
غرام وهي تفتح الباب ... : ههه , لا تبالغ .. تعال وديني لهم ما اعرف الطريق ...
راكان : طيب ...
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك