رواية من أعماق أحضان مجنونة -6
احمد ريم ...علشاني حبيبتي تحملي...انا اهلي بالدنيا عندي...
نزلت منها دمعة وقالت بغصة وانت عندي بالدنيا...بس لو يخف حبك من قلبي شوي...كان قدرت ارتاح وماهمني شي..بس مشكلتي معك اني قاعدة احبك كل يوم اكثر من اللي قبله!!
قالتها وحطت راسها على المخدة وغطت وجهها وعطته ظهرها..
وهو حس بالخنقة يدري انه من شاف ها الدمعة انها بتبكي وماتبيه يشوفها...
يدري ان وجود هالة بشقته بفترة مو معروفة كم مدتها مع ريم بنفس المكان بتسوي له مشاكل لها اول بس مالها ثاني...بس هالة اخته ومستحيل يتخلى عنها خصوصا انه حاس ان فيها شي..ووجودها بالبيت بها الفترة مع وجود اهل ام وليد ماهو مناسب....
تنهد ودخل معها تحت الغطاء وحضنها,,,,
**ريم واحمد....
علاقة فريدة نوعا ما....
ريم ماهي من نفس منطقة احمد ولامن نفس طبقته الاجتماعية...
حياتها جدا بسيطة...نشاْت بعيلة فقيرة وبيئة عادية جدا وسط عدد كبير من الاخوان وابو بخيل نوعا ما...
تنومت مع اخوها الصغير بالمستشفى اللي كان احمد جاي يطبق فيه اول ماتخرج وكانت شافته مرة بالصدفة ..وصدفة جرت صدفة بينهم...
وحس انه متعلق بعيونها الحزينة...
كلمها..وصدته...وحس انه انحرج من نفسه...ماعمره سواها ويوم سواها صار معاه كذا..
خاف تفهمه بالغلط...وراح اعتذر منها..وظلت حاقرته وماردت عليه..
عجبته...
صدها له وحقرانها له وهو يعتذر..ماكانت تبي تحط لسانها بلسانه لاتنجر معاه بالكلام ...
ظل يساءل ويتطقس لين عرف اهلها وعرف اسمها..
وجا لااهله وفتح معهم الموضوع...امه الله يرحمها اسكتت وابوه عارض وبشدة...
لامن ناحية المستوى المادي ولاالطبقة ولاالتعليم ولااي شي خلاه يوافق..
عدا اصرار احمد عليها ظل كل يوم يسولف بها السالفة واذا مااخذتها ماراح اخذ غيرها..وامه علشان ترضي ابوه كل يوم تعرض لهم بنت علشان يغير رايه وهو مامنه امل...علق على ها البنت لين شاب راسه...
حطها في باله ورفض كل شي...ويوم قرر انه يقدم اوراقه برى علشان يشتغل برى رضخ له ابوه رغم انه مو موافق...
بس كل شي ولابعد احمد..لان احمد من النوع اللي يرفع الراس..وهو عارف ان علاقته بها البنت مو للتسلية...رغم انه قادر يخليه يشتغل برى وبواسطاته يرجع هنا بس ماحب يظل احمد متضايق ومقهور منه....ويوم انه صار صيدلي ويرفع الراس وافق له على ها الزواج...
ريم ماكانت تدري ان اهله رافضين زواجهم لانه تقدم لها هو مع اهله وبس انخطبوا وشافت تعامل هالة وابوه معها حست ان السالفة مو معدية على خير...
بعد ايام من رجوعهم من شهر العسل قال لها عن اهله ورفضهم علشان تكون معه بالصورة...بس بحبه فهمها انه هو يبيها...وحبه له بيغنيها عن كل شي..
واهله مالها عندهم غير الاحترام وبس...مالها فيهم بشي ثاني...
ريم بعد حبته بجنون يوم تزوجها..كانت بنت مالها بها السوالف...يوم اخذها احمد..علمها الحب والعشق وجنونه...مشكلتهم كانت اهله وبس...احمد كل شي ولااهله...يموت عليهم..ومايحب يرفض لهم طلب..
وريم دايم تكون بالنص وباغلب الحالات تكون هي الضحية ..
بس لانها تحبه تعدي حياتهم بين زعلة ورضوى,,,,
اروى(نمتي)
دارين(مابعد والله)
اروى(وش تسوين)
دارين(حاطة راسي على المخدة بس مو قاوية اقوم ولاقاوية انام)
اروى(مثل حالتي بالضبط)
دارين(ورى ماجيتي معنا الكورنيش اليوم)
اروى(امي مارضت...قالت مووعدلة اطلع وبنات خالي قاعدين)
دارين(ولمتى بتظلين على ها الحال ماتطلعين وهم قاعدين)
اروى(مدري بس ان شاءالله ماتطول الحالة لاانا مو معقولة نربط نفسنا فيهم)
دارين(انبسطنا كثير اليوم)
اروى(صدق....اوووف ياليتني كنت موجودة)
دارين(وشفت مزاايين اشكال والوان...بس راح عليك ذاك العذاب صدق صدق مو طبيعي)
اروى(ههههه والله انك خبلة وماتستحين بعد ههه)
دارين(هههه يبى اسلي نفسي بس لو ماكانت معي ريم كان انا رقمته)
اروى(بعد!!!شوف من اللي يتكلم...دارين بكبرها؟اقول دارين اتركي نفسك على النظرات وبس مالها داعي تحطين فيها ترقيم وسوالف لانك عارفة انك حتى لو اخذتي منه الرقم لابتدقين ولا يحلم انه يسمع صوتك بعد)
دارين(هههههه)
اروى(تذكرين ذاك اللي كان لاحقنا مرة بالسيف يوم كنا بالبحرين...شفتي شلون صرتي يوم جا يكلمك...والله ماانسى شكلك كنك بتموتين..هههه وتقول مارقمته)
دارين(ههههه)
(ماتحسينها خساير خوات وكل وحدة ترسل للثانية بالجوال)
دارين(شسوي فيك انا مقدر اجيك انتي تعالي)
اروى
(انا الحصار عندي اشد يابعد عمري مافيني.....المهم بكرة الظاهر بيجون اهل مشاري البيت)
دارين(ليه)
اروى(ماادري...
دارين(امممم.....المهم انا خلاص جتني النومة تصبحين على خير)
اروى(جتك النوم لو خلص شحن سوا)
دارين(الاثنين....ولو قلت لاابو احمد بكرة عطني بشحن بيقولي امس شاحنة مع منو خلصتي الرصيد اذا قلت انتي بيذبحك وبيذبحني)
اليوم الثاني ...
ابو احمد وهو يكلم بجواله واحنا بينا ها الرسميات بس الله يهداك؟؟
أي...اي ...خلاص......لنا مكالمة ثانية ان شاءالله......اي صح...اليوم بنروح نشوف العمارة بعد خلاص لاشفتك قلت لك...يالله في امان الله....
ام وليد منو هذا؟
ابو احمد ابو مشاري....
ام وليد وش عنده؟
ابو احمد بكرة جاي هو واهله يزورونه....
ام وليد أي...يعني زينة معهم...ماشاءالله حولها وحواليها....انا بصراحة داخلة في بالي..
ابو احمد أي....
ام وليد وودي انها تكون من نصيب وليد؟
ابو احمد لابالله ماقلتي خير..
ام وليد بنرفزة وش تقصد؟
ابو احمد اقصد اني ماابي اخرب علاقتي مع بومشاري...الرجال الزم ماعليه زينة ومشاري....وماابي ولدك يسود وجهي مع بنت الناس واتفشل بسبايبه...
ام وليد اللحين ولدي هو اللي يفشل؟
ابو احمد اسم الله عليه ابدا مايفشل....يالله قولي لي وينه اللحين؟الساعة ثمان وربع والناس طلعت دواماتها...هو وينه؟اكيد نايم...مو طول الليل سهران؟؟لعلمك ادري انه مارجع البيت الا الساعة ثلاث الفجر مو على بالك انتي وهو اني بالفيلا الثانية ماادري ترى كنت انتظر دخلته الفيلا وبعدها نمت وماحبيت اطلع اتهاوش معه ؟
سكتت ام وليد وماعجبها انهم يحكون في ولدها..
ابو احمد قالت وليد قالت...والله محد مخربه غيرك انتي!!
ام وليد انت بعد حاكر الولد حكرة...يبى خله يستانس...اشوف ناس لهم الوناسة وولدي له القرادة؟
ابو احمد منهو اللي له الوناسة بالله !!احمد ولاغسان؟
ام وليد الاثنين زين؟
ابو احمد والله ماعندك سالفة.......
قالها وقام من السفرة وقبل لايمشي قال... شوفي مدامك مقهورة كملي قهرك وسمعي اللي بقوله...
رفعت راسها له وقال بتحدي دخلتي براسي اني اخذ زينة بنت بو مشاري لغسان...بعد مايخلص من جامعته؟؟؟؟؟؟
وصلت المستشفى مثل العادة...
دخلت وهي تمشي بالممر تذكرت شنطتها اللي بسيارة السايق ورجعت تاْخذها قبل لايمشي..وهي طالعة التقت وجها لوجه بجراح اللي بان عليه الارتباك يوم شافها...
كان يجي معها كل يوم لين تدخل لمكتبها وبعدين لو عنده اشغال يروح يخلصها ونهاية دوامها يكون متواجد لتوديعها بنظراته من بعيد لبعيد ولو ماعنده شي يظل يشوف من يدخل عليها وكيف يكون جدولها بالمراجعين لين ينتهي دوامها..يقوم بهدوء ويوصلها لين شقتها ويروح هو لحياته...
كذا جدوله معها..سنة من توظفت وهو معها من بعيد لبعيد...بدون ماتحس عليه ولا تشوفه...ولاحتى تلمحه بالغلط...لانها تكون ماشية بحالها وموشايفة غير نفسها....لانها لو التفت يوم واحد بس من السنة اللي فاتت كان شافته...كان كل يوم تشوفه؟؟بس ماصار,,,,
هذا اللي كانت تقوله عيونه وهي بانت عليه علامات صدمة ودهشة بعيونها؟
جراح؟؟وش يبي؟؟؟ليه جاي؟وش عنده بها المستشفى بالذات؟؟؟؟معقول جاي لها؟؟بيرد الكف كفوف؟؟؟ولا شسالفته؟
طال الصمت بينهم وكل واحد يكلم الثاني ويتسائل بنظراته بس!!
لين كسرت الصمت هالة اللي قالت بشماتة غريبة انك جاي تتعالج بمستشفى حكومي ياولد العز؟
جراح بشماتة اكبر من قال؟
هالة وش افهم سر تواجدك هنا اليوم بالذات!!
كل يوم..ماهو اليوم وبس!!بس انتي ماتدرين ولاتشوفين ولاتحسين!!ها الشي اللي انطقته عيونه بس ماقدرت تقوله شفايفه؟؟؟
جراح بهيبة وهو يثقل صوته في ناس لازم تتعلم الادب يابنت العراقية؟
وقفت مكانها وقالت لاوالله...مفكر انك بتخوفني يعني!!
جراح كلامي مو معك...كلامي مع مديرك؟
هالة بشماتة اقول...بتسوي فيني جميل لاني فعلا بكون شاكرة لك ها النقل اللي جاني بوقته..انا فعلا ابي اروح مكان ثاني....
جراح .....
هالة بضحكة ساخرة فيني اعطيك لسته باسماء الاماكن اللي ابيهم..ويستحسن برى الشرقية لاني مو طايقة ناسها؟
جراح بنفس الهيبة لاتضحكين على نفسك كثير يابابا..انا مو جاي انقلك....انا جاي افصلك من دوامك....البنت ياهالة مكانها بيتها...هناك عند علي....روحي طبخي وكنسي وغسلي وجيبي له عيال وربيهم...هنا مالك مكان؟؟؟
مايدري شلون طلعت منه ها الكلمات ولاليش!!الاكيد انه جاي يشوفها مثل عادته كل يوم ولا ها السالفة ابدا مرت في باله...اصلا هو اختار اسمها من بين المئات ورشحه انه يكون هنا...قريب منه كيف يجي يفصلها من دوامها ويحرم نفسه من شوفتها كل يوم,,,
ظلت تناظره بنظرات شرانية وعدائية بس ماقالت شي....
وظلت عيونه هو بس اللي تحكي,,,
وش تسوي لو عشقت انسان ماهو من نصيبك؟؟!!
لالك بها الوضع يد ولا له بها الوضع سبه,,,
وشهو ذنبك لو غدى من بين خلق الله حبيبيك,,,
تعرف ان قربه محال وقلبك مصمم يحبه...
يعني متوقع باي لحظة يغيب وتغترب به,,,
كل درب يرحل بطيفه على وجهك يجيبك,,
كل حرف يكتب لغيره ..تحسه منكتب له؟؟!!
كن كل عيون خلق الله عيون له تذيبك,,,
تنثر احساسك جمر ملح وعلى جرحك تصبه...
واللي كاسر ظهر قلبك وبشقا الدنيا مصيبك,,,
عارف بانك تحب ومايعرف انك تحبه!!!
ساكن بااصغر تفاصيلك وقلبه مادرى بك؟؟
ساكن باقصى معاليق الكيان اللي لعب به؟؟
وش تسوي لو مرضت بعشق من وصله طبيبك,,,
وانت عارف لو ذبحك العشق ماداوك طبه؟؟؟
وهو طالع يوصل دارين جامعتها ناظر صوب المكان اللي كانوا جالسين فيه بالامس..
وابتسم....يقولون ماعندك احد وكسرت خاطرنا وجينا نسولف معك...صدق ياغسان انت ماعندك احد؟؟؟
معقول ها البزارين الثلاث اللي شفتهم امس بيلعبون بعقلك ويشككون بحالك؟؟
لا مو صحيح...انت عندك....
ابوك وهو اعز اصدقائك...علاقتكم حلوة ومفتوحة ويعرف اصغر تفاصيلك قبل اكبرها؟؟؟
احمد...الاخ الكبير والقدوة والاحترام....ماعمره حط بينك وبينه حواجز..
سلطان صديق عمرك....صدق انت بمنطقة وهو بمنطقة اللحين علشان دراستكم بس هذا ماهو مانع اتصالاتكم مع بعض ؟؟
خواتك....زملائك بالدراسة...
عندك ناس كثيرة ....ولاتخلي ها الشياطين الثلاث يوسوسون لك...
انت هنا بس ماتحب تثير أي فوضى مع ام وليد ولاتتجاكر مع عيالها..حتى اروى كلامهم مع بعض من بعيد ولا بحضور ابوهم....
بس ان المكان فيه ام وليد يفضل انه يكون بروحه ولا يقعد معها بنفس المكان؟؟؟
وامس الخميس يابيكون معها ولا بيكون قاعد على قلب ريم زوجة اخوه ومابيخليها تاْخذ راحتها...
فضل انه يكون قاعد بروحه اريح له ,,,وهم يقولون له انت تكسر بالخاطر ماعندك احد؟
بس والله ان لهم وحشة ومكانهم فاضي,,,
وراحوا وراه امس الكورنيش ومسوين انهم مايشوفونه يوم يقعد مع احمد وهم جايين يتحرشون فيه اصلا!!!
تبسم لها الطاري وظل ينتظر اخته...ومادرى ان عيون نسايم من ورى النافذة كانت تناظره من بعيد وافكارها تخطط لكثير اشياء وهي تشرب قهوتها بهدوء.....
احمد بغيت شي يبى...
ابو احمد وليش تقولها وكنك تتمنى اني ماابي شي منك؟
احمد باعتذار حشى يبى مو قصدي .....انا اسف...
ابو احمد بلا مبالاة ماعلينا....ابو مشاري بكرة جاي عندنا هو واهله ...
احمد وش عندهم؟
ابو احمد وش ها الحكي يااحمد؟
احمد وانا شقلت يبى....
يعني ابو مشاري وعرفنا لك جاي...بس اهله ..هاذي اول مرة يجون ؟
ابو احمد لايبى يااحمد مو اهله كلهم عياله بس مشاري وزينة...
احمد أي انا فكرت كل جماعته.....
ابو احمد لالالا خطيب اختك واخته....
احمد حياهم الله....
ابو احمد انت ماغيرت رايك وبتجي تشتغل معي بالشركة؟
ابتسم له احمد وقال يبى من وين لي وقت انا علشان اشتغل معك؟
ابو احمد باعتراض انت ترجع على الثلاث تعال لي الشركة مباشرة لين المغرب وارجع بعدها ارتاح...
احمد وين يبى...انا دوامي متى ينتهي علشان اروح ارتاح...
ابو احمد كذا احسن لك...اشتغل مرة وحدة علشان راحتك مرة وحدة...
احمد كذا بيكون راح يومي كله يبى مابرجع الا مع صلاة العشاء يادوبي بتحمم وبصلي وباكل لي لقمة وبنام لين يوم ثاني..
ابو احمد أي وانت وش تبي يعني؟
احمد ابي وقت لنفسي...وقت لااهلي؟
ابو احمد أي قول كذا..وقت للمدام؟
احمد بتنهيدة يبى..مرتي ...لها حق علي...مو معقولة ارجع وانا ولااشوفها ولاتشوفني..انا مااحب ها الحياة؟
ابو احمد انتوا ماتقولون لي بالله منو بيدير ها الحلال من بعدي؟
قاطعه احمد بسرعة الله يطول بعمرك يبى..
ابو احمد مو دايم لكم انا ياولدي يااحمد....وبعدين هذا انا اعلم اخوك غسان كل ماشاف له فرصة جاني الشركة وعلمته شغلنا انت ليش معترض...انا مابي حلالي من بعدي ينلعب فيه وانت فاهمني..ابي مثل ماسويت لنفسي اسم انكم تحافظون عليه...
احمد بخضوع ماعليه يبى حقك علي...انا برتب وضعي ان شاءالله وبترك لي يومين ثلاثة اجيك الشركة كل اسبوع ولايصير خاطرك الا طيب,,,,(قالها وهو يفكر كيف بيكون ضغط العمل والشركة بعدها وحس انها بتكون ايام متعبة..بس كله ولازعل ابوه عليه)
ابو احمد بعتب انت ماودك تعيل يااحمد؟ولابعد المدام ماتبي؟
احمد لايبى منو مايبي عيال..احنا بس كنا ماْجلين الموضوع شوي....
ابو احمد وبعده الموضوع ماْجل؟
احمد ابتسم وقال بيجي يوم وبتسمع اني بصير ابو لاتخاف...
ابو احمد بلهفة لمتى عاد؟لاانت ولااختك مبردين قلبي..والله اشتقت اني اشوف عيال صغار واشيلهم وينادوني جدي واخذهم معي يطلعون واشتري لهم اللي يبونه..
وقف احمد وباس راس ابوه ان شاءالله يبى..بتشوفهم وبتمل منهم بعد,,,
بعد صلاة العصر بالحديقة ...
نسايم يقولون خطيبك واهله جايين بكرة؟
مريم بملل أي...
بشاير بمرح وش بتلبسين؟
مريم للحين مافكرت...
نسايم بشوية احتقار شلون مافكرتي؟ماعندك وقت؟
مريم الاكيد انه مابيجلس معي يعني وش مالبست مو مهم؟
بشاير وليه يعني؟
مريم يعني مدام اخته جاية معه وابوه اكيد مابنجلس بروحنا؟
نسايم ليه يعني؟
مريم كيف بنقعد بروحنا بالله؟
نسايم ليش هو من قبل جاك مع اهله وماجلس معك؟
مريم لا..اخته زارتني بعد الخطبة مرة وحدة بدونه ؟
نسايم طيب كيف جزمتي بانك مابتشوفينه؟
مريم بلامبالاة ادري...وبعدين وش ماالبس له بيكون حلو انا لبسي كله ماركات ومو أي كلام؟
ناظروا بشاير ونسايم في بعض وماعلقوا..
بشاير انا بالنسبة لي لو يجي مع اهله مااطوف شوفته؟قالتها بمرارة...
مريم .............
بشاير انتي حطي في بالك انك تبين تقعدين معه بروحكم وبتسوينها؟يعني بيتكم الحمدلله مو ناقص اماكن استقبال..
الرجال اكيد بيكونون بالديوانية اللي منفصلة ..
واخته وان قعدت معك..يعني امك واختك بيكونون حاضرين معها اكيد..تقدرين ترتبين لكم مكان بالمجلس وتدقين عليه قبل لايمشي ولا من اول مايوصل وتقولين له بسلم عليك...مااعتقد بيقولك لا؟
ناظرتهم مريم وسكتت ماعلقت وبعدها قامت عنهم..
نسايم بهمس ساعات ترفع ضغطي!!
بشاير مو ساعات الا دايما...
نسايم علة..
بشاير واكيد اللي اخذته من نفس شاكلتها لان مايتحملون ها الاشكال الا بعض؟؟؟
مطلق انت شفيك اليوم منت على بعضك؟
جراح بهدوء ولاشي...
مطلق بلى فيك شي..ولاتحاول تخبي...
جراح تنهد ومسك له سيجارة...بيدخنها بس بعدين رماها...
مطلق وهو يناظر رجفة يده جراح...فيك شي؟
جراح حاس جو البيت خانق؟؟
مطلق بشماتة خانقينه عيال العراقية؟
ناظره جراح بدون مايقول شي..
مطلق يبى انت جاي تشوفها صح؟انصدمت يوم عرفت انها متزوجة وانك مابتقدر تشوفها؟
ناظره جراح بحدة وقال انت شقاعد تقول؟
مطلق بهدوء اللي انت ماتبي تقوله؟
جراح ...........
مطلق بهدوء اكبر سئلتك انصدمت!!
جراح ظل ساكت ولف وجهه عنه للجهة الثانية وماعلق بشي...
مطلق بنفس الهدوء كنت متوقع نرجع لها البيت علشان تشوف هالة اللي تلعب دكتورة واحنا صغار شلون كبرت...بس انصدمت يوم عرفت انها متزوجة صح؟رغم جت سيرتها بالبيت اكثر من مرة انها تزوجت معقولة ماسمعت!!!
جراح بعصبية انت خرفت يامطلق؟؟انا شسوي ببنت العراقية؟
مطلق وهو يضحك انت غرقان فيها مع الاسف....
جراح بقمة انفجارته انا احب ها التعبانة؟ليش ان شاءالله وش ناقصني علشان احبها؟لامن زينها ولامن حلاوتها؟يمشون وراي اللي يسوونها هي بطوايفها ماهزوني بتهزني هي؟
مطلق وهو يدخن ويحط رجل فوق الثانية أي زين قلت لي!!
جراح اخذ بعض وقام وقال انت اليوم تفكيرك تعبان ومدري شفيك؟
مطلق بشماتة وانت ليه معصب؟؟عادي قول مااحبها بهدوء شفيك بتحرق الدنيا حرق؟
جراح بعصبية اكبر خلت مطلق يضحك عليه لانك تافه وتفكيرك غبي؟انا احب هالة؟
قالها وطلع ومطلق تنهد ومسح دمعة طفرت من عينه....
وقال بنفسه..عارف انك تحبها..علشان كذا استسلمت انا لغيرها وتركتها لك...
بس لاهي صارت من نصيبي ولاصارت من نصيبك!!
مشكلتي اني من البداية عارف انها ماراح تكون لي مع ها الخلافات اللي بينا فقررت اتسلى يمين وشمال وارتبطت وخلفت..ودايما تراودني بمخيلتي...ويوم عرفت انها لغيري زاد جنوني اكثر وحسيت اني لازم اشلعها من قلبي...وماقدرت اقولك اشلعها انت بعد...لسبب بسيط جدا...انك كنت اوفى بحبها لك مني ياجراح!!
كنت تحبها بجنون ولازلت تحبها بجنون ومو حاط في بالك حتى انها متزوجة وصارت لغيرك؟
ماشبكت مع غيرها بحياتك حتى لو للتسلية وانت حولك ملايين؟؟انت بعدك على ذكراها ياجراح..
وانا كل ما تذكرتها العب واسلي نفسي علشان انساها!!هذا الفرق بينا ياخوي؟؟؟
اشوفكم بكرة على خير ان شاءالله
صباخ الخير والنور والسرور...
الف شكر للي متابعين والباقي وين اختفوا...مع غبار الشرقية اللي جانا امس هههه
تسلمون حبايبي وين ماكنتوا ومتى ماقريتوا....
البارت التاسع ,,,
هالة بتجي البيت ياريم,,,
حياتك انتي واحمد كلها بتتغير بوجودها,,,
لبسك بيكون مقيد؟؟اكلك بيكون مقيد؟طلعتك بتكون مقيدة؟نومتك بتكون مقيدة؟قعدتك بتكون مقيدة؟
كل شي بحياتك انتي واحمد بيتغير؟
بس هي ليه بتجي هنا ومابتروح عند ابوها؟؟
اساسا ليه بتطلع من شقتها؟معقولة هي وعلي متهاوشين لاسمح الله؟
الله لايقول ياريم....اللهم ياكافي ها الزمن صار يخوف...
الله يهديهم ويصلح بالهم على بعض...
صدق هالة عصبية بس مامنها اثنين دكتورة وفاهمة ومحد قدها والجمال مو ناقصها....الله يهديهم ان شاءالله....
واحمد حضرته يبينا نجيب عيال اللحين؟
يالله نجيب عيال وش ورانا...يارب يطلعون كلهم اولاد ويشبهونه فديته...
ابيهم ياخذون..طوله..وعرضه..وهيبته..وثقله..ووسامته..وطيبته...
اخ..لو تدري شكثر احبك بس يااحمد...
بحياتي ماحلمت اني اتزوج واحد مااعرفه ولايعرفني واحبه وكل يوم يمر علي اغرق فيه اكثر واكثر,,,,
مسكت جوالها ورسلت له رسالة وقامت تكمل شغلها,,,
(برفع قضية على الدنيا ومافيها...واول قضية ابرفعها على حالي
خلاص ماني مكحلها ابعميها...واحوسها واقلب الاول على التالي,,
لاتقول ماتقدر تسويها..اسويها واقول احبك..لاوبصوت عالي)
شيبي؟؟؟
ليه جاي هنا؟؟؟
معقولة علشان يفصلني مثل ماقال؟؟
طيب ليه ماجاها خبر من الادارة لسه؟؟؟صار لها من رجعت مكتبها فوق الثلاث ساعات!!!
لالالا جراح مو جاي علشان ها الشي انا متاْكدة جراح جاي علشان شي ثاني؟
لاني جرحته امس وماتوقع مني ها الكف؟يمكن انه جاي وما يبي يلتقي فيني..وطلعت انا بوجهه صدفة وتبهدل؟؟
يمكن....ليش لا,,,
تنهدت وهي تذكر نفس النظرات الحزينة اللي شافتها اليوم وشافتها امس بعيونه وقرتها...بالنظرات اللي جتها قبل سنتين بيوم زواجها وهو واقف قبالها ويبكي...يوم يقول لها احبك بكل حرقة؟؟؟
تنهدت وبعدت ها الخاطر من بالها...
ها الاشياء مالازم وحدة مثلها تفكر فيها...هي اولا واخيرا متزوجة...وحتى اذا ماكانت...
الا جراح واهله...
الناس اللي ياما امي واحنا اخذنا منهم الويلات؟؟؟ اللي ماعلى لسانهم اذا طرونا غير عيال العراقية؟؟؟
جراح...اصغر مني..كيف ممكن فكر انه يقول لي ها الكلمة؟
يجوز كان سكران ذاك اليوم خوب ذيلا مرفوع عنهم القلم!!!
رفعت راسها يوم دخلت الممرضة بكشف المريض اللي بيدخل..وتنهدت....
على سفرة الغذى في بيت بو مشاري...
كانت قاعدة وصحنها مانلمس منه أي شي,,,
قاعدة معهم بجسمها بس ولا العقل شارد لبعيد,,,
للي ممكن تشوفه الليلة؟
طيب وش تقول له؟تسلم عليه ولالا؟
شوف الجنون...هي مسوية ها الزيارة علشان تشوفه وتساْل نفسها اللحين اذا كانت بتسلم عليه ولالا؟
طيب بعد السلام وش تقول؟
زينة...زينة..
رفعت راسها ولقت ابوها واخوها يناظرون فيها...
ابو مشاري بخوف زينة...شفيك يبى؟
زينة بارتباك ولاشي..
مشاري ابوي ساعة يناديك؟
زينة باحراج وهي تناظر بالاكل اسفة يبى كنت سرحانة شوي؟
ابو مشاري فيك شي يبى...يعورك شي؟
زينة لايبى...
ابو مشاري شوفي صحنك مانلمس يابنتي!!
زينة مدت يدها هذا انا باكل اللحين يبى...
كملوا اكل وهم عيونها عليها....
زينة بنشوة يبى متى بنروح بيت بو احمد...
بان الضيق على نظرات مشاري ومافات ها الشي زينة...
ابو مشاري بضحكة انتي اللحين كملي اكلك وبعدين يصير خير...
زينة مانبي نتاْخر عليهم يبى...
مشاري بضيق وش اللي ورانا عاد علشان نروح بدري؟
ابو مشاري ها...المعرس مايبي يقعد مع مرته؟
زينة مو ضامن انه يكون بروحه يبى .. ماتشوفه مو على بعضه...
ابو مشاري لالالا نخليك تقعد معها بروحكم وش تبي بعد!
زينة أي والله احنا اذا علينا بندبر امورنا لاتخاف....انا ان شاءالله اقعد مع اخوانها مو مشكلة؟
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك