رواية من أعماق أحضان مجنونة -63
ومستعده لرحلتي وفيني فرحـہ وخوف !
يآترى مشتآق لشوفتي وفيني شغوف ؟
واسمع صوت امـہ ادخل يايمـہ العروس داخل ..
زادت ربكتي ودمعي من الشوق سايل ..
وتحظن يدي يدينـہ
والحيآ بيني وبينـہ
مآ اقدر اطالع عيونـہ ..
فديتـہ وفديت حتى جفونـہ ..
ابتسم وقآل : " وش بك ؟ "
قلت : " مدري ! "
قال : " الحيآ مطول ؟ "
قلت : " توه بدري "
قال : " احبك "
قلت : " مدري "
قال : " كن الحيآ طول ؟ "
قلت : " زاد اكثر من اول "
قلت : " تسمح ارتمي بحظنك ؟
واذوب بين كلي وكلك ؟"
قال : " تدرين ..! اول مآفكرت فيـہ ضمك ..
آآآهـ عسآني ما انحرم منك "
وفجأه يدق البآب يلآ ترى زفتكم يعلنون
وتدخل اختـہ تقول امسك يدها وبشويش تمشون
قلت يوووه قلبي زاد نبضـہ !
مسك يديني وقال : فديتـہ وفديت حبـہ
وبدت مرآسم الزفـہ
والشرعـہ حولي ملتفـہ
وطلعنآ على اغنيـہ عسى ربي يخليك لعيوني
اهداها لي مره وقال اسمعيها يانور عيوني ~
وفي الزفـہ صرنا نغنيها سسوا
وهـ بس يظىزين دروب الهوى
قالت : ندى شوفي شكلـہ ميت عليها ..
قالت : هدى وهي باين تموت عليـہ شوفيها
وقتها غارت بنت خالتـہ !
لانهآ كآنت تبيـہ لهآ
واحنا في الممر نمشي
قآل : " ممكن طلب ؟ " ..
قلت : " تآمر امر .. "
" ابي تعطيني بوسـہ قدم هالعيون !
واقهر فيهآ العواذل وكل مجنون "
قلت : " اركد حبيبي وش هالجنون ؟!! "
قال : " حآظر يا غلآ هالعيون "
وهمس لي وقال : " احبك "
قلت : " ادري "
قال : " واللّـہ الحيآ راح .. "
قلت : " اوووه من بدري ! "
وفجأه صحيت من النوم
زينة ودكتور زياد
لقيتـہ حلم وردي جآني في يوم
والحقيقـہ لآ اني بنت عمـہ
ولآ حتى اقرب ل جد جده؟؟؟
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــ
اشوفكم بكرة ياحلوين,,,
هلاوغلا فيكم,,,
منوريني حبايبي....
ويوم اني تاخرت قلت ادمج لكم بارتين,,,
(معليش سامحوني خوب سارة اللحين تدرس هندسة قصدي اولى ابتدائي وطول اليوم واحنا في نزاع مستمر على طريقة المذاكرة هههه اعطوني حل معها)
البار ت الثاني والثمانين والثالث والثمانين
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,
فاطمة بابا خذنا معك....
دارين ـ ليه ماناخذهم معنا؟
شيخة ـ شوف رضت دارين نكون معكم؟
مطلق ـ مرة ثانية يابابا بتكونون معنا..
عايشة ـ وليه مو ها المرة؟
مطلق ـ علشان تونا متزوجين وانا وخالة دارين نبي نكون بروحنا كم يوم علشان نرتب اوضاعنا...
دارين بهمس ـ خليهم يجون..
مطلق بنفس الهمس ـ انتي سكتي لااموتك قالت خلهم يجون ؟؟طبعا تبيها من الله احد ياخذ الجو وياخذك ويبعدك شوي عني؟؟
ابتسمت وسكت,,,
ام مطلق من وراهم ـ مطلق!!متى جيت يمه؟
لف لها وابتسم ـ هلا بالغالية...تقرب منها وباس راسها...
ام مطلق ـ انشغل بالي عليك يمه انتظرتك تدق ومادقيت,,,,
مطلق وهو يضحك ـ أي مو لاني اخر العنقود تحاتيني!!يمه انا اكبر عيالك ؟؟؟شوفي عيالي وش طولهم...؟
ام مطلق ـ والله لو عيالك يجيبون عيال بيظل بالي عليك مشغول اذا ماسمعت صوتك..
مطلق ـ عساني ماانحرم منك ياست الكل...
دارين بحمحة ـ خالتي شلونك....
لفوا لها اثنينهم وابتسم مطلق وقال بتشجيع ـ خالتي شلونك ماتنفع تعالي بوسي راس امي يادارين...
ام مطلق بدون نفس ـ لاماعليه يمه مو لازم...
سكتت دارين وقال مطلق بسرعة ـ افا!!شنو اللي مو لازم؟
مسك يد دارين وقربها.....
باست راسها وحضنتها ام مطلق ببرود وهي تبوسها وها الشي ماغاب لاعن دارين ولاعن مطلق....
ام مطلق ـ ابيك تديرين بالك على ولدي تراه غالي علي مووت واللي يزعله ويضايقه يزعلني ويضايقني...
مطلق ببتسامة ـ أي يالله وصيها علي قبل لااروح لاابوها اللحين ويوصيني عليها...خل تحس ان في ناس مهتمة فيني...
فاطمة بسخرية ـ عشتوا مسوووين مثل المسلسلات يعني؟؟؟اقول ماما ام مطلق ليه ماتقولين له ياخذنا معه؟؟ ؟
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ
وقف يوم شافها جاية.....
زياد ـ شلونك اليوم؟
ناظرته بدون ماتقول شي....
زياد وهو ياشر لها تجلس ـ خوب مابقولك تفضلي قعدي والبيت بيتك وانا ضيفك...
ظلت على سكوتها ....
زياد ـ ماشية على علاجك تمام ولا تتناسين مواعيد الدواء وتخربطين..
زينة بضيق ـ زينة انا مو بيبي فلا تكلمني بها الاسلوب لو سمحت....
زياد ـ انتي كذا تتعاملين مع الكل بها الاسلوب يازينة؟
سكتت وتنهدت,,,,
زياد ـ مو قصدي شي..بس اللي انا اسمعه عنك انك رقيقة مرة وهادية وصوتك بالكاد ينسمع....بس احس وانا جالس معك انك متضايقة,,,مهمومة,,,فيك شي تاعبك وشاغلك ومنرفز لك نفسيتك وها الشي هو اللي مغير لك كل اطباعك...
بهدوء قالت ـ مو صحيح....
زياد ـ اكيد غياب الحبايب شي مو سهل ومحدب يلومك على زعلك على ابوك بس اللي يصبرنا على الفراق ان ها الطريق كلنا ماشين فيه...
هزت راسها كتاْييد لكلامه,,,,
ظل الجو بينهم هادئ لين قطعه زياد من جديد ـ زينة...جربتي الحب من قبل...
رفعت عيونها وناظرته ثواني بصمت.....وماعلقت...
كمل بتمتمة ـ مؤلم ها الشي.اللي يسمونه حب انا عذبني كثير,,,,
....قامت من مكانها ووقفت قبال النافذة وعطته ظهرها وانتبه انها جالسة تمسح دموعها,,,,
لفت له بعد ثواني واثار الدموع باينة في عيونها,,,,وقالت بتعب ـ زياد انت شتبي ؟
سكت ومارد...
بشوية انفعال قالت ـ انت جالس تستجوبني لمصلحة منو بالضبط وعلشان شنو؟عارفة أنك دكتور نفسي وفاهم بتحليل الشخصيات وشاطر فيها بعد بس تراني فاهمتك وعارفة معنى كل سؤال من اسئلتك بس ابي اعرف ليه انت تسوي كذا!!!!!
تنهد بقوة وسكت,,,,,,
ومرت عليهم فترة الصمت طويلة وحرجة,,,,
زياد ببتسامة ـ يعنني انا مفضوح وحركاتي مكشوفة؟واضح اني اسئلك لاني ابي احلل شخصيتك؟
بانفعال قالت ـ لاتاكل بعقلي حلاوة ياولد الاوادم وقول شعندك؟؟؟ترى انا ابدا مو ساذجة؟
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــ
ابو احمد ـ دارين؟هلا وغلا بعروستي؟
يوم شافت ابوها حضنته بالقوة وكانها ماشافته من سنين وهي اللي غابت عن عينه ليلة وحدة بس!!!
مسح على شعرها وهو يبتسم وقال مطلق وهو يضحك ـ الله الله يادارين بعتيني بالسوق يوم شفتي ابوك؟
ابو احمد بدلال ـ خليها يا مطلق هاذي مدللتي اللي احبها....والله اني افتقدتك البارحة يادارين...
بعدت عن ابوها ومسحت دمعة طاحت منها وقالت بسرعة ـ حتى انا افتقتدتك....ماعرفت برى ها البيت ...ماعرفت انام بمكان انت موفيه ولاتجي تتطمن علي قبل لاتنام وتساْلني اذا كنت ابي شي ولا شنو مسهرني؟؟
رجعها هو لحضنه وخلاها تبكي شوي ومطلق يناظرها وهو ساكت....
ابو احمد بحنيةـ كبرتي وصرتي عروس يادارين....والله وطلعتي من البيت وبتعيشين حياة جديدة اللحين وبتكون لك حياة غير.....ياه..مشت الدنيا بسرعة...
دارين ـ يبى خلاص مو لازم اكمل مع مطلق خل ارد البيت؟
ابتسم ابوها لمطلق اللي عصب مرة وحدة وقال بسرعة ـ أي حلاوة هي ماتبين تكملين؟؟؟لايابابا مو بكيفك ترى انا ابيك غصبا عنك بعد؟
استحت من كلامه لان ابوها ضحك...
ابو احمد ـ بشر عنها يامطلق عسى مو متعبتك؟
قال ها الكلمة ومشى علشان يجلسون بالصالة لانهم كانوا واقفين وصار مطلق وراها وهمس لها ـ ها اقول لاابوك انك مجننتني وان بالك طويل؟
دارين بنفس العناد الواثق ـ قول مو انا اصلا مو ناوية اسافر أياك وابي اقعد عنده؟
مسكها من كتفها بس ابتعدت بسرعة وراحت جلست جنب ابوها وصار هو قبالهم ....
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــ
ريم ـ وين سرحان؟
احمد ـ مو سرحان جالس افكر باشياء كثيرة,,,,,
ريم ـ عسى بس انا من ضمنها؟
احمد ـ لاطبعا؟
ريم ـ افا؟؟؟
احمد وهو يبتسم ـ بكل شي لازم تدخلين؟كل يوم لازم افكر فيك يعني؟يبى انتي جنبي بعد ليه افكر فيك ماتقولين لي!!!
جت تتدلع عليه وقالت بعيارة وهي تسحب يده الى بطنها وتحطها عليه وقالت ـ على الاقل فكر بالشي اللي يخصك عندي؟
تنهد وقال ـ أي ...هذا شاغل البال شاغله.....ريم شلون تتوقعين اكون لمى اصير ابو؟
بشماتة قالت ـ انت بتخاف من عيالك..يعني بالمختصر مالك شخصية قدامهم؟
احمد ـ اتحداك؟؟؟
ريم ـ ههههههه
احمد ـ بكون ابو ديمقراطي لاتخافين....
ريم ـ أي بنشوف.....ماقلت لي بشنو تفكر؟
احمد ـ اول شي بهالة؟
ريم ـ اذا هي مو موافقة على جراح ترى السالفة مو غصب يااحمد؟
احمد وكانه ماسمعها ـ وافكر بمريم..
ريم ـ مريم شفيها؟
احمد ـ شبيكون موقفها اذا عرفت عن خطوبة مشاري؟
تنهدت ريم وقالت ـ كل شي قسمة ونصيب....
احمد ـ مفكر اروح اتكلم معها وامهد لها السالفة..مهما يكون اختي وهذا وان كان انسان عزيز وتربطني بيه عشرة عمر فهي اختي ,,,
ريم ـ وهل بتتقبل كلامك؟ولامثل كل مرة؟
احمد ـ انا كبيرهم ياريم وماابي اتخلى عنهم ..وهاذي ازمة وماابي انها تلف وماتلاقيني حولها,,,,
ريم ـ روح يااحمد عسى ربي يعطيك على قد نيتك ان شاءالله...
ابتسم لها وقال ـ بس ربي ماقصرعطاني اياك ياحبي.....
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ
في مجلس ابو مطلق....
ابو احمدـ انا بنفسي جاي أخطب لمشاري ياابو مطلق؟
ابو مطلق بذهول ـ لحظة ياابو احمد خل افهم السالفة.....
ابو احمد ـ ابو مطلق ـ شفيك ياخوك.....صرت قايل لك الكلمة اربع مرات!!
ابو مطلق ـ أي لاني مو مستوعب؟
ابو احمد ـ مشاري ولدي....وجاي اطلب يد بنتك بشاير له شقولتك يابو مطلق؟
سكت ابو مطلق وهو يردد النظر بين الاثنين بعدها قال بتردد ـ انت من صدقك؟هذا مو كان نسيبك بيوم من الايام؟
ابو احمد ـ كل شي قسمة ونصيب يابو مطلق وبنتي ماكانت نصيبه ..
ابو مطلق ـ أي بس...شلون يعني...
مشاري اللي واخيرا قدر ينطق ـ عمي انا طالب القرب منكم ومن نسبكم وطامع بها الشي....
تنهد ابو مطلق وماعلق....
ابو احمد ـ انت شاور البنت وامها ورد لنا خبر يابو مطلق؟
ابو مطلق ـ مايحتاج....
وقف قلب مشاري بها اللحظة....وحس ان كلام بو مطلق صاير قاسي مرة....
ابو مطلق ـ لاني مو موافق على ها الخطوبة من الاساس ياابو احمد؟؟؟
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ
هالة ـ بغيت اكلمك بموضوع؟
ام وليد ـ خير ان شاءالله...
هالة ـ والله اذا صار ماظنتي انه بيكون خير....
ام وليد ـ وش عندكم من بلاوي جديدة انتي واخوانك بعد!!
هالة تنهدت وقالت بشوية ثقة ـ المصيبة ماهي عندنا...المصيبة عند ولد اخوك...
ام وليد بشماتة ـ لاتقولين لي طلق دارين!!!ياحرام؟؟؟بسرعة مالحق يقعد معها شي؟؟انا قايلة ها البنت حضها بيكون في الدنيا ردي وماخابت نظرتي ابدا!!!
هالة بحدة ـ فالك ماقبلناه ياام وليد!!!عسى العشرة الطويلة هي اللي تجمعهم واذا تخلى فهو الخسران طبعا!!!
ام وليد بشماتة اكبر ـ يعني اذا اختها مطلقة وفوقه ماتجيب عيال منو بالله يبيها؟
سكتت هالة شوي وحست ام وليد بالانتصار بس بعد كلام هالة الواثق والثاير بنفس الوقت ,,
هالة ـ للحظات كنت جاية اشكي لك جراح وابيك تفهمينه ان اللي يسويه غلط وتخلينه يغير رايه وتخلين امه وابوه يضغطون عليه...لكن بعد ها الكلام الحلو اللي سمعته منك انا اللي مو متنازلة عنه وباخذه؟
ام وليد بخوف ـ وش قاعدة تقولين انتي!!!!
هالة بثقة عالية ـ اقول أن جراح خاطبني يا ام وليد وانا موافقة......
مرت ثواني استوعبت فيها ام وليد الكلام وسكتت كانت تغلي بس ماحبت تبين ضعفها...
قالت بثقة اكبر ـ ومنتي خايفة اني اتشمت عليك من جديد بعد ماعرفت انه خطبك واخلي امه وابوه يضغطون عليه ويغير رايه وانتي اللي تنكسرين من جديد وانا اضحك عليك...
ضحكت هالة بقوة ووقفت وقالت بثقة اكبر واكبر ـ ماقلت لك ها الحكي الا وجراح بجيبي ولو اقوله قاطع الدنيا مو بس اهلك علشاني بيسويها وهو مغمض فكلامك انتي ولاكلامهم هم مابيغيرون من رغبته بالزواج فيني باي شي!!!
قالتها وطلعت بنفس الثقة اللي دخلت فيها وتركت وراها بركان انفجر,,,,,
ــــــــــــــــــــــــــــــــــــــــــــــــــ ـــــــــــــــــــــــــــــــــــ
جراح باعتراض ـ ليش لا يبى؟
ابو مطلق ـ انت تبيني اعطي بنتي لو احد كان خاطب بنت اختي!!
جراح ـ مافيها شي...وين الغلط هو وبنت اختك مااتفقوا....
ابو مطلق ـ انت روح زين قال مافيها شي؟اختي شبتقول؟انقطعوا خطاطيب بنتي مالاقيت ازوجها ألا اللي كان نسيبهم بيوم من الايام وقعد مع بنتها؟
جراح ـ يبى.....الرجال مو عايبه شي شلون بتقابل ربك اذا رفضته بس لها السبب ماتقولي؟
سكت ابو مطلق وكمل جراح ـ يبى مشاري احنا نشتريه...ونشتري نسبه وانت تعرفه وتعرف ابوه المرحوم اكثر مني....
ابو مطلق ـ جراح قفل السيرة...
جراح ـ انت ملزوم تشاورها يبى واذا قالت أي لازم تعطيها اياه...
ابو مطلق بنرفزة ـ هاذي بالذات لاتطري سيرتها قدامي لاني ودي بيوم خلاصها من ها البيت علشان ارتاح منها نهائيا!!
نزلوا دموع بشاير حاريين على خدها وهي واقفة فوق عند الدرج تسمع الحوار اللي بين ابوها واخوها...
جراح ـ وبشايران شاءالله بشنو اغلطت يبى؟
تنهد ابو مطلق وماعلق ـ ...
جراح ـ انت ماتلوم ولد اختك الكلب وتلوم بنتك وانت عارف انها قاومت وطلعت نفسها من غلطة كانت بتضيع حياتها؟
ابو مطلق بتنهيدة ـ الولد اختلى فيها ياجراح وانا لازم ازوجهم..
جراح ـ ياسلااام....لان تفكيره وصخ تقوم تكافاه وتعطيه درتك الغالية؟؟؟اللي انت متاكد انها ثمينة ومايساويها بالشرف احد!!
ابو مطلق ـ افرض انه سوى لها شي وهي ماتبي تقول....
جراح ـ بشاير ماتكذب يبى...قالت لك لا يعني لا....وبعدين انت معقول يشرفك ها النذل ياخذ بنتك؟؟شايفه كفو تعطيها اياه؟
ابو مطلق ـ لاماهو كفو ولابيكون بس هاذي بنتي ياجراح ومحد بيحاتيها كثري....
جراح ـ انا ادفن اختي بيدي ولاياخذها الواطي وليد....سمعتني يبى....
ابو مطلق ـ هذا الموضوع مابيغير رايي بان مشاري مو مناسب لبشاير؟يااخي مادور ياخذ الا بنت خال طليقته؟؟؟قلوا البنات يعني!!
جراح بدفاع ـ وليه ماتقول طامع بالنسب وماوده يفرط فيه....وماعنده كثير خيارات....
ابو مطلق ـ انا بنتي ماتاخذ واحد كان خطيب بنت عمتها بيوم من الايام!!شقول لااختي اصلا!!!
حطت بشاير يدها على فمها تكتم شهقتها اللي علت بالبكي بعد حكي ابوها اللي سد الباب بوجهها....
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
احمد ـ السلام عليكم,,,,,
ردوا بدون نفس.....
احمد ـ خير في شي....
ام وليد بقهر ـ سلامتك....وش عندك انت بعد!!!
احمد ـ خالتي شفييك؟
مريم ـ مافيها شي.....
احمد ـ شكلك متضايقة..
ام وليد ـ طبعا بتضايق!!!!جراح يخطب هالة؟؟؟تدخل عقل هاذي؟
احمد ـ .......................
ام وليد ـ وحضرته مو قايل لااحد....تدري ليش؟؟لانه عارف انه الكل بيعارضه وبيقوله لا؟
احمد بتنهيدة ـ يظل ها القرار هو اتخذه واحنا مالنا شغل؟
اروى بحدة ـ فيها خير تتقرب منه ها المطلقة العقيم!!!روح قول لها تبعد عنه وتبعد سحورها عنه احسن لها؟
احمد بقوة ـ تاْدبي يااروى ومالها داعي ها الالفاظ؟
ام وليد ـ انا مو واجعة راسي معك يالفاهم يالكبير يالعاقل؟تفاهمي مع اخوي بس يوم طرشت عليه قالوا عنده رجاجيل....
تنهد احمد وقال ـ وين وليد,,,
ام وليد بحدةـ محد له شغل بولدي,,,,
احمد ـ خالتي....البارح انا وابوي كنا نتكلم عنه...وليد لازم يتغير وتتغير حياته,,,يرضيك انتي شبابه كذا يضيع على الفاضي؟
ام وليد بحقد ـ أي مو لان محد فالح غيركم ياعيال العراقية!!!عيالي مايرفعون الراس!!!يكون بعلمك,,,قريب وقريب مرة بتسمع عن وليد اخبار تحر قلبك وترفع ضغطك لانه بيكون انجح منك وافضل منك واغنى منك,,,بيكون تاجر واسمه يهز المكان قبل يوصله...
احمد بصدق ـ اتمنى...فعلا اتمنى له ها الشي...وليد اخوي ونجاحه يعني لي الكثير ويهمني....فخر لي ان اخوي يكون ناجح والناس تطريه بالخير...
كان كلام احمد صادق بس هي حسته شماتة فسكتت عنه ولفت عنه...
احمد بتردد ـ مريم.....
مريم ـ نعم...
احمد ـ بغيت ادردش معك..
مريم بتاْفف ـ خير...وش عندك من نصايح.....
احمد بعد تنهيدة ـ انتي تدرين ان كل شي بالدنيا قسمة ونصيب.....واللي ماهو نصيبك اكيد نصيب غيرك....
مريم بغباء ـ وش يعني...
اروى بحقد ـ وش تقصد...
احمد بحدة ـ انا اكلم مريم فااذا ممكن يكون الكلام بيني وبينها....
مريم ـ اسمعك...
احمد ـ مشاري كان مرحلة بحياتك وماتوافقتوا وعدت يامريم...انتي بتشوفين حياتك وهو بيشوف حياته...
سكتت هي وقالت له ام وليد بحذر ـ وش القصد من ها الحكي؟
احمد ـ اقصد ان مشاري شاف حياته والله يوفقه ويتمم له على خير..واليوم راح تقدم لبنت ناس والله يوفق بينهم!!!
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــ
شافها وهو طالع من البيت وكانت واقفة عند عمود خيمته....
رغم انه كان طالع بس شوفتها ردته يشوفها...
وقف قبالها وهي اللي كانت عاطية المكان ظهرها وواقفة تتاْمل بالخيمة....
قال بهمس وهو وراها علطول ـ يدوخني ها العطر لاحطيتيه والاكيد انه بيدوخني اكثر....
في البداية ارتعش جسمها من همسه لانها كانت بروحها بس بعدها قالت بحدة وبدون ماترد عليه ـ والله انا شايفة ان اللي بيدوخك اكثر عمتك ام وليد والانفجار اللي بيقوم منها...
جراح ـ ـ أي بس انا قايل لاابوك اني ماعطيت اهلي خبر لسه فكيف قال لها؟
هالة ـ ابوي ماقال لها انا اللي قلت لها؟
لفت له وصاروا قبال بعض.....
جراح ظل يناظرها وابتسم ...
هالة بنرفزة ـ ماقلت شي يضحك ويفرح انا على مااعتقد؟
جراح ـ هذا الطريق اللي تقصدين انك بتتخذينه؟؟؟انك تكلمين عمتي علشان تغير رايي؟؟؟ماعرفتيني ياهالة...انا مااتنازل عنك لو ابيع ثيابي بالشارع؟؟انتي حلم كنت انتظره من سنين؟؟؟
هالة بثقة ـ بس الاكيد ا ن ام وليد لها كلمة وبتشوشر الجو وانت مابتزعل اهلك وانت بتغير رايك وبكون ربحت الجولة انا ياجرح؟
جراح ابتسم بعمق ها المرة...واختفت هي ثقتها وتلاشت لشعور غريب...
قالت ها الكلام وهي قصدها ثقتها انه مابيتنازل عنها وهي متاكدة من ها الشي وهو قاعد ياكد لها ها الشي....وهو فهم عليها وارتبكت ماتبيه يعرف انها تبيه يظل مصر على رايه ومايغيره...
قال بثقة ـ بعد اذا الاهل اصروا برايك وش نسوي؟
التقوا نظراتهم وقرب يده من يدها بيمسكها وسحبتها بسرعة وقالت بحدة ـ اوعى تلمسني مرة ثانية؟؟
جراح بهمس ورغبة ـ قريب ..قريب بسوي اللي ابيه ياهالة ومابيمنعني أي شي........
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــ
في بيروت....
بعد ماوصلوا الفندق اخذ له هو حمام سريع وتمدد ينتظرها تخلص من حمام الهنا اللي موراضية تقوم منه وكانها تتعمد تتركه ساعات محترق على نار ينتظرها...
اه من غلاك يابنت العراقية...
يوم سمع صوت مجفف الهواء انبسط...خلصت الحمام وجالسة تجفف شعرها يعني مابتطول كثير شويات وهي طالعة لك وبتملي عيونك من شوفتها يامطلق,,,
طلعت بعد اكثر من ربع ساعة ووقفت قبال المرايا الطويلة اللي بالغرفة,,
كانت لابسة ثوب احمر قصير مرة وبدون اكمام ومزموم عليها حيل وتاركة شعرها يطيح وهي عارفة ان رقبة اللي وراها متمدد طاحت من زمان!!!
ابتسمت داخليا بس ماحبت تبين....
فتحت الشنطة وطلعت العطر وغرقت نفسها من فوقها لتحتها وهو يناظرها....
شالت الكحل وتكحلت وحطت لها روج احمر غامق,,
وبعدها وقفت مكانها قبال المرايا...
انتبهت لقومته من السرير ودق قلبها...بيجيها,,,بيتقرب منها...ياانه بيضيعها بها الحركات المجنونة اللي يسويها,,,,
ماطولت بتفكيرها لانه حوط خصرها بيدينه وقال بهمس ـ خلصت العروس زينتها ولالسه؟
دارين بدلع وهي تناظر من المرايا ـ لا لسه..
مطلق بتصفير ـ حرام عليك وش باقي بعد؟
دارين بنفس الرواق والدلع ـ مدري مااحس اني جاهزة ...انت وش عندك منتظرني ؟؟اذا نعست روح نام؟
مطلق بلهفة ـ مشتاق لك..وحشتيني...من البارح علومنا وتقولين لي اذا نعست روح نام؟
تنهدت وسكتت..
مطلق وشفايفه تنزل على كتفها العاري ـ ابي افهم ليه الاحمر بالذات علشان يطير عقلي يعني؟
دارين بثقة ـ أي...
مطلق ـ ياعمري الواثقين انا...اه ياانك وحشتيني مووت...مرت ليلة كاملة واحس اني بموت من الشوق واللهفة,,,
دارين حطت يدها على خده وقالت بدلع ـ لاتحرجني...
مطلق بروق ـ من شفتها ياناس نستني وش اسمي,,,,انا اشهد اني صرت مجنونها رسمي,,,,
دارن ـ مطلق,,,
مطلق بلهفة ـ قبل كل شي قوليها ابي اسمعها...البارحة ماقلتيها؟
دارين بدلع واغراء طيروه ـ واذا ماقلتها وش بتسوي يعني؟
ضمها اكثر وقال برغبة ـ بخليك تقولينها غصب,,,,
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــ
اشوفكم على خير ان شاءالله...
هلا وغلا فيكم,,,
منوريني طبعا كعادتكم حبايبي,,,,
انا متفشلة منكم بس صار لي يومين المنتدى مو راضي يفتح عندي وتوه يادوب فتح وعلشان كذا طولت لكم البارت حبتين كتعويض للي فات,,,,
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــ
البارت الرابع والثمانين,,,,
ــــــــــــــــــــــــــــــــــــــــــــــــــ ـــــــــــــــــــ
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك