رواية يا راكان ترى مالي مكان في هالدنيا بدونك -5
ماجد يصارخ وهو يتكلم ويا ليندا بالموبايل: تبي ارد لك وشو؟؟؟ لا اكيد جنيتي؟؟؟
ليندا بضحكة : ابيك ترد مشاعري كلها .... مو مشاعري لعبت فيها .... الحين ابيك تردها..؟؟؟
ماجد : انتي اكيد مو صاحية .... يا ( لي ) انتي شاربة شيء... في هالليل؟؟؟
ليندا : ههههههههههههههههههههههههههههههه ..... ان ناديتني بـ (لي ) مرة ثانية راح امحيك من على الارض....! عندك يومين بس ... ترجعلي فيهم اللي طلبته .
ماجد : اسمعيني , هداياك رجعتهم , وفلوسك رجعتهم , فاتورة المكالمات دفعتها , وهذا اخر شيء بيني وبينك , وعن مشاعرك فأعلى ما في خيلك ركبيه يا هانم.
ليندا : ههههههه انت تدري ان الفلوس ما تهمني , وعلى فكرة تبرعت فيهم , لك يومين وبنشوف . ( طوط طوووووووووط )
.................................................. .....
راكان وهو يدخل في السيارة يكلم محمد اللي كان واقف عند السيارة: انت صاحي ولا مينون (مجنون).
محمد : هههههههه , خفت صح ...
راكان يشغل السيارة : يا النحيس كنا بنروح فيها .... اركب وش فيك واقف.
محمد : لا , بركب سيارتي , انتظرني لا تسبقني اوكي.
راكان : اوكي , وعلى فكرة اللي سويته راح ارده لك.
محمد : انت قاعد تلوم فيني , شوف نفسك , ليه وافقت على انك تروح بيت مشاري هذا , اكو عريس في يوم زفافه يترك العروس في اول يوم .
راكان ابتسم : ومين قال من الاساس راح انام اليوم عندها؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مساعد يدخل على جناحه : السلام عليكم
رؤى : وعليكم السلام , وش فيك راجع بدري .
مساعد رمى نفسه على السرير حده تعبان : ابي اريح ساعتين قبل لا نروح لبيت مشاري...!
رؤى رفعت حاجبها : نروح ... مين ان شاء الله , انا وبناتي ما راح نروح وياكم .
رفع مساعد راسه وعدل نفسه: وليه ان شاء الله ؟؟؟؟
رؤى : وعووو ... عليهم .. كل ما اروح هناك اولاد هالشيفة يضربوا بناتي ... يوم اجي اعاتبهم يقوموا علي.
مساعد : انتي لي متى راح تتمي تحطي راسك براس زوجة مشاري؟؟؟
رؤى بعصبية : وليه ما احطه اعلى مني ولا اعظم .. لا حبيبي انا احسن من هالضحى .. وعوووو عليها ... وكلمة اخيرة مني رايحة يعني مني رايحة .
مساعد : اصلا الشرها مو منك من الحمار اللي يتكلم وياك .
رؤى : غثيتني بهالسيرة احسن اروح غرفة البنات العب وياهم , ابرك .
مساعد بصوت خافت : باللي ما يحفظك ...!!
(( لا تقولوا يكرهها لا على العكس ما يعيش بدونها هي وسمر وسميرة بناته , بس هي يوم يجي طاري ضحى ( زوجة مشاري ) تعصب رؤى وينط قدامها الف شيطان بينهم اكثر من مشكلة بسبب ان اولاد مشاري يضربوا بنات مساعد فترجع البنت بجرح او كسر او ...؟))
طلعت رؤى من الغرفة , ولقت في وجهها منى , ابتسمت لها منى : كيف الحال؟؟ وش فيه العسل معصب ؟؟
اذكركم منى زوجة ريان .....
رؤى : اه ... وش اقولك بس ... تعالي نجلس في البهو .. نتكلم .
منى : عمتي وعمي هناك , خلينا ندخل في اي غرفة فاضية.
فتحت منى غرفة راكان : دشي بسرعة يلا ....!
رؤى : اكيد انك جنييييتي , وش اللي جابنا هني والله لو عرف مساعد بسويلي سالفة...؟؟؟
منى : لا تخافي اصلا راكان طيوووب يحليله , لو شافنا ما راح يسوي شيء وزوجي يتسبح وزوجك في غرفته ... تعالي تعالي قوليلي وش اللي مزعلك؟
جلست رؤى على سرير ومنى على الكرسي..... : الله يسلمك تهاوشت انا ومساعد .
منى : لا عاد , بلا غشمرة .
رؤى : انا ما اتغشمر وياك ..... هذا كل اللي معصبني.
منى : طيب اهدي وصلي على النبي عليه الصلاة والسلام.
رؤى : عليه الصلاة والسلام , يبيني اروح لبيت هالشيفة ضحى (زوجة مشاري) .
منى : لا اله الا الله , ردينا لهالقصص ( جت لمنى فكرة ), اقولك شيء ايش رايك انت دام انك مانك رايحة انا بكلم ريان وبقوله اني بجلس وياك دام انهم ما راح يرجعوا الا الفجر .
رؤى : فكرة حلوة , وننيم البنات ونطلب دليفيري ونشغل فلم.
منى : نرجع لايام زمان , ايام المراهقة ...!!
رؤى : وش فينا كبرنا , لالالالا , لساتنا شباب ... تعالي انتي عندك افلام ...!!
منى ناظرت في رؤى : لا والله ابد .
رؤى : بنشوف راكان , كان زمان لما كنت توني عروس وهو توه مراهق , كنا نشوف افلام ويا بعض , عنده هندي , وكوري , وامريكي ... بس مصري لا.
منى : وعوو , ما احب هالافلام ..!
رؤى : ما لانك ما شفتي العالم يا حظي , مع هالريان وش تشوفي , عاميك عمى ( رؤى عدلت جسمها في السرير ) بنشوف هندي ويا ويلك تقولي لا.
( رؤى كانت انسانة عصبية جداً , اقل شيء يعصبها كانت دبدوبة , تذكروا في البارت الاول يوم قالت ام مساعد (كفاية اخوانه : واحد متزوج عانس والثاني اكبر منه....) كانت تقصد رؤى ومنى , رؤى ما كانت عانس بس ام مساعد قالت كذا علشان اهي تكره رؤى , ومنى كانت اكبر من ريان بسنتين , رؤى بيضاء شعرها يعني متوسط ولونه اشقر (صبغة) , منى هادئة رزينة رشيقة , شعرها اسود دايم تخليه مفتوح, وكانت تحب ام مساعد وعادتها مثل امها , مو مثل رؤى اللي تكره ام مساعد , وما تساعدها ابد , وكمان ام مساعد ما تقصر )
( يمـــــــــــــــــــى )
تصرخ روان ....
تمر ام مشاري من الغرفة : ها وش فيك ؟؟
روان تصرخ : يمى شوفي صويلح وحمود ..... خليهم يطلعوا من الغرفة ...
( صالح عمره 8 سنوات , ابن مشاري اكبر واحد دبدوب بشكل ما تتوقعوه , لو شفتوا خدوده حبيتوا تعضوها خخخخ , وحمود عمره 6 سنوات اخو صالح وغير عنه لانه مو دبدوب, شياااااااااااااااطين , الشغب يجري في دمهم )
كان صالح طالع فوق روان و حمود يضرب فيها على خفيف
ام مشاري : صالح خذ اخوك واطلعوا على غرفتكم , سيبوا عمتكم تلبس.
صويلح : يمى حليمة شوفيها , اخذت شريط اللعبة مني.
ام مشاري : تراددني يا صالح , طيب خل ابوك يجي والله لاعلمه.
مشيت ام مشاري على المطبخ, طلعت روان من تحتهم : اسمعني انت والاهبل اللي معاكـ... ( انا مو اهبل ) يصرخ حمود.
تكمل روان : ان ما طلعتوا من هنا لا انادي راشد يزفكم واتوا تعرفوا راشد , والله ليلعن طوايفكم , برااااااااااااا.
صويلح و حمود راحوا يجروا , وقف صويلح على الباب : والله ما اخليك يا روان , بكلم راكان عن كل شيء..
روان : اقول اذلف انت ووجهك..... يا تيمون وبومبا.
روان قفلت الباب وراحت على المنظرة ( تجهز نفسها ).
.................................................. ..................................
بعد مرور ( 5 ساعات )
راكان : الرجل اليمين , علشان البركة ...
تدخل غرام في شقة احلامها, هذا المكان اللي راح تبني فيه امآلها وتربي فيه عيالها , المكان اللي تقدر تسعد فيه زوجها.
( لا تزعلوا اذا قدمت الاحداث ,
لإن ملكة راكان على غرام حصل اشياء حلوة ,
وراح تمر علينا في البارتات اللي جايه )
كانت شقة راكان , شقة جميلة جداً ,
وهي معاه من زمان بس ما يستخدمها كثير , يهرب من ازعاج بنات اخوانه في ايام اختباراته , ويجي على هالشقة .
كانت عبارة عن صالة عووووودة كبيرة , وممر يودي حق غرفة النوم , حمام كبير ( جاكوزي ) ,
مطبخ ثانوي مفتوح , وجلسة بلازما في الصالة .
دخلت غرام برجلها اليمين , وهي تناظر
في الشقة , دخلت بفستانها الابيض .... وهي ساااكته .
راكان قفل باب الشقة , غرام مشيت خطوتين على الكنبة ..... وجلست عليها ... راكان شال نفسه ورماها على الكنبة ... كان حده تعبان .................... : نورت الشقة يا غلاتي .
غرام ما نطقت بكلمة .... هو انزعج حس نفسه
يكلم منظره ..: الشقة وراعيها تحت امرك ... يا عسل.
غرام : اوووووووووووووف .
راكان بصوت خافت : هذا اللي قدرتي تقولينه اووووف.
غرام لفت عليه : ها قلت شيء.
راكان وقف على حيله , ويرن جواله : يلا انا بروح , المطبخ , تحت امرك والحمام والشقة كلها تحت امرك .
غرام تفاجات : على وين , وبتخليني هني بروحي ؟ ... انتـ ... (قاطعها راكان وهو يرفع البيبي في اذنه ) : هلا محمد .
محمد : هلا , بتطلع ولا اروح؟؟
راكان : لا جاي الحين ( قفل الخط وناظر غرام كان وجهها احمر وكانها شوي وتبكي, ومعصبة منه ) .
راكان وباقيله كم خطوة وينفجر ضحك بس مسك نفسه : مو من اول جلسة بيننا تبكي.
غرام لفت على الجهة الثانية وبعصبية : انا ما ابكي.
راكان نزل في الارض جلس: طيب انا بفهمك , ناظريني لا تعطيني قفاك.... ناظري.....
لفت عليه غرام ... وراح يكمل : انتي اغلى
شيء عندي في هالكون .... وعلشان كذا
انا ما راح انام هني .
غرام عكست وجهها .. على اساس انها ما
فهمت ... راكان : باكر بنروح على المستشفى بنسوي تحاليل كاملة لي ... ولك!!
.................................................. ...................................
محمد وهو واقف جنب سيارته , وراكان نازل من درج العماره : وش فيك طولت ..؟؟
راكان : بتصدقني اذا قلت لك تهاوشنا..!
تعالوا شوفوا محمد كيف صار وجهه من هول المفاجأة : لا مو معقول.
راكان : والله , ضربتني بالمسند و هي زعلانه مني الحين , تقول انها خايفة تجلس بروحها , قفلت باب الغرفة عليها .
محمد : ويا حظي وش سويت انت ؟؟
راكان : .... ما كان ودي اسوي كذا بس هذا علشانها .. اذا سويت اللي في بالي .. هي اول وحده بتستانس........ المهم...... بنروح على البيت نبدل ملابسنا ونرجع.
.................................................. .............................
منى وهي تفتح باب غرفة : ها ناموا بناتك.
رؤى : ايه خلينا نطلع قبل لا يصحوا ....... بنتك نامت ..؟؟
منى : ايه ..... الحين وش الخطة ..... ما في احد في البيت غيري وانتي والخدم ...!
رؤى : انا كلمت الخدم يسولنا فشار ويطلبوا بيتزا و سبلاش ... وبيبسي دايت ... والحين بنروح على غرفة راكان نختار فلم .....!!
مشت رؤى و هي ماسكة يد منى ....... فتحت غرفة راكان وعلى مكتبة افلامه ...............
رؤى : ايش رايك في ( جودا اكبر ).
منى : ما ادري انا ما اعرف في الهندي.
رؤى : ولا اقولك لا شفته 8 مرات ..... طيب ( ويك اب سيد )
خليه على جنب نشوف الباجي ونرجع له .... واووووووووووو ( كريش krrish ) وي الممثل اللي فيه ...
منى : قولي لا اله الا الله ... كانك مراهقة ... مو ام لبنتين .
رؤى لفت عليها بكشرة : لازم تذكريني يعني.
(ههههههههههههه لو شفتها )
منى : وي وي , وش هالصوت .
رؤى : هذا صوت راكان تعالي بسرعة ننخش والله بيزعل اذا عرف اننا هنا بدون اذنه.
....... راكان وهو يدخل الغرفة يا محمد : يالله لو شفتها وهي معصبة , ما راح تمسك نفسك من الضحك ....
محمد : ههههههههههههههههههه , البيت ما فيه احد صح , يعني نتكلم براحتنا...
راكان وهو يطلع ثوبه من الخزانه : اي تكلم براحتك...
محمد رمى نفسه على السرير : صراحة اول مرة اشوف عريس وعروسة يتهاوشوا في اول يوم .... بعد اسبوع ممكن ... بس اول يوم لا قوية ...ههههههههههه
راكان يجلس على الكرسي : هههههههههه, انا وغرام غير , اذا تهاوشنا ... نزييد حب ...
في الجهة الثانية من الغرفة في داخل الحمام ... دقات قلب منى تزداد : وي وي وي راكان متزوج ... يا مصيبة .
رؤى : اشلون ومتى.... غرام .. مين هذي ...( تمسك راسها )
عمي لو دري وش بيصير .... لا لازم افهم كل شيء....
فتحت الباب بقوة وقفت مقابل راكان ومحمد اللي كانوا يضحكوا ويوم شافوا منى ورؤى صارت الضحكة : ههــهـ.....
رؤى بعصبية : انت متزوج ؟؟
محمد ناظر في راكان من هول المفاجاة وهو يقول في نفسه ( هالغولتين متى دخلوا ) , اما راكان فنبضات قلبه تزيد وتزيد ...... رؤى ومنى سمعوا كل شيء....
رؤى تعيد سؤالها : راكان رد علي , انت متزوج؟؟
راكان بصوت خا فت : ايه .... تزوجت.
منى مسكت راسها : وي مصيبة ... مصيبة ... مصيبة ...
رؤى : الله اكبر .. الله اكبر .. ليش يا راكان ليش .... تتزوج بالسر....
راكان لف بوجهه ..... رؤى : هانت عليك امك المسيكينة هذي ..... ولا ابوك .... تعرف ابوك لو عرف وش بيسوي ... بيكسر الدنيا فيك انت وزوجتك...
منى بصوت مبحوح : والله ريان لو عرف ...... ليه يا راكان
انت تدري وين اهلك الحين ... راحوا لبيت عمك ... بيت البنت اللي انت المفروض تتزوجها....
راكان : لا , ولا راح يحصل ...... وفي احلامها هي وابوها .
رؤى : وش نبرة الصوت هذي يا راكان .
راكان: يا رؤى راكان تغير , مستعد ادفع عمري كله ولا احد يمس غرام او يجرح حس من أحاسيسها.
.................................................. ...................................
يدخل راكان المجلس هو ومحمد : السلام عليكم.
الكل : وعليكم السلام ورحمة الله وبركاته.
كان مجلس واسع , فيه صالح ( ابو مشاري ) , ومشاري وراشد , ومعاهم ابن مشاري صويلح ( صالح ), واكيد ابو مساعد , ومساعد وريان و مؤيد , مشى راكان ومحمد وسلموا على راس صقر ( ابو مساعد ) وصالح ( ابو مشاري ) ...
ابو مشاري : بارك الله فيكم يا شباب .
وجلسوا جنب مؤيد .
( بعد مرور ساعتين من الحديث الفاضي عن الشركات )
تقدم صويلح الصغير من راكان ومحمد , وجلس جنبهم : عمو راكان عمو راكان.
راكان ابتسم : هلا عمو .....
صويلح : عمو بقولك شيء ... شفت عمتي روان اخذت مني الشريط ...
راكان ناظر على محمد ... محمد رد عليه: ولا يهمك انا بشتريلك واحد.
ابو مشاري لف على صقر : ان شاء الله مثل ما قلنا يا ابو مساعد , الملكة بعد اسبوعين , ومهر بنتي بيكون 100000 دينار ... والدبلة ان شاء الله بنرسلها من باريس ....
وفستانها مثل ما هي قالت تبيه من برا ....والعرس بيكون في ارقى صالة في الديره....وباقي الاشياء الحريم بيتفقوا عليها ...... ( توقف )
راكان بدأ يحسب في كفوف ميزانه :
هنا كف ( غرام )
1- ((((المهر )))) : ما عطاها شيء في الاول و اثناء الملكة قالها شيء :
راكان وغرام وصحبات غرام ( ريم, فدوى , خديجة ) و وداد وغانم و محمد والشيخ .. وعم راكان وزوجته ... لف راكان على غرام : ان شاء الله تحددي مهرك بنفسك ... وش ما تبي يا غرام انا جاهز.
غرام : ابي سعادتك , ودام اخوي ما يبي مهر انا ما ابيه.!
الشيخ منزل راسه : لا يا بنتي هذا حقك الشرعي , الواجب عليه دفعه اليكي , و خير المهور اقلها .
غرام : انا راضيه باي شيء يقول عليه اخوي.
غانم : خير المهور اقلها مثل ما قال الشيخ .. وانتي تحددي مهرك !
غرام : اي شيء يا راكان اللي تقدر عليه .. !
الشيخ : حسناً, انا اشور عليكي بان يكون مهرك 1000دينار .. فما رايك ؟؟
غرام :انا راضيه يا شيخ .
2- (((الدبلة ))) : شريت لها دبلة الماس
فكانت تبي تبدلها بشيء بسيط من ذهب , ويوم شافتني زعلت على الدبلة رضت فيها.
3- (((الفستان))) : شريت لها ثلاث فساتين , كل فستان احلى من الثاني ,, وهي اختارت تلبس الفستان اللي على ذوقي.
4- ((((العرس)))) : ما سويت لها عرس ويوم سالتها اذا هي زعلانه على العرس قالت : (في اشياء اكبر من حفل الزفاف يا راكان ) ..
هنا كف ( روان )
1- ((((المهر)))) : 100000 دينار , غرام اغلى منها بكثير .
2- (((الدبلة )))): طلبتها من فرنسا حتى انها ما اخذت شوري .
3- (((الفستان))) : شرته من برا , حتى ما كلفت نفسها تسالني وش راي وايش ذوقي.
4- (((العرس)))) : في ارقى الصالات , هذا اللي تحلم فيه روان لانه بيكون عرس بدون عريس.
ياااااااااااه كفت روان ثقيلة بالفلوس , بس كفت غرام ثقيلة بالاخلاق والذوق.
( تحرك موف ).
صحى راكان من تفكيره على صوت ابوه : راكان , راكان.
راكان : نعم يبى .
ابو مساعد : لي ساعة اناديك , ابو مشاري سالك.
لف راكان راسه على ابو مشاري : هلا عمي, كنت افكر وما سمعتك ... اسف.
ابو مشاري : كنت اقول وش رايك دام ان كل شيء جاهز نقدم الموعد شوي.
راكان نزل راسه على الارض .... وقام على رجوله : لا ما ينفع.
مشاري : هو ليش؟؟؟
راكان : انا ما ابي اتزوج .<< شوفوا الصراحة .. كفوا يا راكان...
راشد ومشاري ومؤيد ومساعد وريان وابو مشاري وابو مساعد وقفوا كلهم وعيونهم تشع شرار .... ما عدا محمد اللي وقف وعيونه خوف في خوف ... خايف يعطوه طراااااااااااخ مع راكان لانه كان مشارك في الجريمة.... مشاري : انت هي ... هذا مو لعب عيال ... ابيها وما ابيها ...
راكان : انا ما انفع لبنتكم....
ريان مسك راكان من ملابسه : انت تكلم بوضوح احسن لك..
وابو مساعد كان شوي وينفجر غضب ...
راكان مسك ريان من يده ودفه بعيد , تفاجا ريان اول مرة اخوه يرد عليه ...... ريان بعصبية : بتتزوجها يعني بتتزوجها.
مؤيد يرد على ريان : ريان هدي , مو بذي الطريقة .
ابو مشاري بصوت عالي : انت ما فيك ذرة رجولة , اشلون تخلينا نجهز لزواج, وتجي تقولنا هونت.... ما عرفت تربي يا صقر .....
.................................................. ..................................
هويدا تناظر ام مساعد : يمى سميرة وش ذا الصوت.
ام مساعد : وي هذا صوت ريان يصارخ .
روان : لا يكونوا تهاوشوا..
قامت كل وحدة فيهم ام مشاري وام مساعد وروان وهويدا
راحوا وقفوا عند باب الصالة يسمعوا وش اللي حاصل
.................................................. ..............................
راكان بصوت اعلى : السموحة يا عمي انا رجال وابن رجاجيل تهتز الارض لما يجي طاريهم و ترجف الخلق لما ينطق باسمهم .. وابوي رباني على الزهد في الدنيا وطلب الاخرة .. وانا اذا تزوجت بنتك راح تخرب تربيتي ... لاني اكتشفت ان بنتك تطلب الدنيا ....
مشاري : اسمعني هذا مو عذر على اللي سويتها , واختي راح تتزوجها يعني راح..... ( قاطعه راكان ) : ما راح اتزوجها ابد .... وانا ما قلت ان هذا سبب تركي لهالزواج.
ريان : طيب فهمنا ليه هونت.
راكان رفع راسه عليهم تذكر عيون غرام وهي تقوله انها تخاف تنام في الشقة بروحها , تذكر كلام رؤى يوم قالتله انها بتعلم مساعد عن زواجه وتشجع وقال : لاني ابد ما حبيت اختك و لاني احب انسانة تسوى الدنيا وما فيها و..... تزوجتها .
تصنموا كلهم حتى محمد ما كان متوقع راكان يقولها , ام راكان طاحت على الحريم مغمى عليها .... الرجال ما سمعوا شيء ولا يدرون ان الحريم واقفين يسمعوا
كلهم تلخبططت فيهم الافكار .................. يلعب ولا من جده.... يستهزء ولا من صجه...... يبي يفك نفسه بهالكلام ولا انه متزوج صج
والوحيد اللي صحى من المفاجاة ابو مساعد مشى على راكان و طراااااااااااااااااااااااااااااااااااااااااااخ
على وجه راكان , هذا الكف صحى راكان
هذا الكف خلى راكان لا
شعورياً يجري على سيارته ويحركها
ومحمد يلحقه وما حصله ......
.................................................. ...............................
wel...-wel...-wel...-wel...-wel...-wel...-wel...-wel...-
قبل البارت الثامن نصيحه ... اذا قلبك حساس خلي جنبك علبتين مناديل واذا مو حساس خلي جنبك علبه ..... علشان لا تتفاجأوا راح يموت راكان او غرام الحين
البارت الثامن
صحي راكان في ذيك الليلة عرف ان ابوه .... ما يفهمه ابداً ....عرف ان ما صار له مكان في البيت اللي تربى فيه ....
خسر كل شيء ..حتى رصيده في البنك على وشك الانتهاء.. كان حاط راسه على مقود السيارة ...
ما راح يقدر يدخل هذاك البيت ... يسلم على راس امه اذا قعدت... ولا ياكل ويا اهله اذا اكلوا ... وايام الاعياد ... ما عاد يروح وياهم على الشاليهات ويستانسوا حتى الفجر يطلع ... وبكذا عرف راكان انه خسر وااايد اشياء ... رفع راسه وجات عينه على العمارة اللي كان واقف عندها .. غرام ... ايه كسب غرام .... بس خسر اهله ... أبوي اذا غضب مني خسرت دنيتي .... اخواني اذا غضبوا مني خسرت عزوتي .... وامي...امي اذا خسرتها فخسرت اخرتي...
راكان ما حس بشيء , ما حس بانه واقف عند العمارة له ساعة ونص ........... : كم الساعة ؟ يالله رقبتي تعورني ؟؟
ناظر في البيبي .... الساعة 3 الفجر .... وتفاجأ : 22 مكالمة .
كلها من محمد ومؤيد ............ وغرام ...
قفل البيبي وحطه في جيبه
نزل من سيارته .... وما مرت ثلاث
دقائق الا وهو امام شقته فتح الباب بشويش ......
ما حب يزعج غرام لانها اكيد نايمة...
دخل ........... مشى على غرفة النوم
ووقف عند الباب
تفاجأ...... عيونه فتحت اكثر... : غرام ...
فزت غرام يوم سمعت صوته : راكان وش فيك .. !
خوفتني ...!!
راكان ابتسم على خفيف
ورجع يفكر ( يالله , انا انشغلت باللي
خسرته , ونسيت اللي كسبته )
ناظر في غرام : لا توقعت انك نايمة ... وبعد باقي على الفجر ما اذن.
كانت غرام لابسة ثوب الصلاة
وجالسة على السرير ... راحت تقوله : لا ما ابي اصلي
الفجر ادري انه باقي ابي
اصلي ركعتين قبل لا انام ... .
و .. وبعدين انا كم مرة اتصلت عليك ايش فيك ما ترد ؟؟
راكان ضحك على رفعت
الحاجب مالتها : لا اسف ما سمعته , كان
على السايلنت, كنت تبي شيء ؟؟؟
انحرجت غرام .. ما عرفت وش تقول لان
سؤالها راح يكون في قمة الغباء : كنت ابي
اسألك على وين القبلة ؟؟؟؟
راكان ضحك عليها من قلبه , يوم شافته
يضحك لفت على الجهة الثانية وضحكت
من اعماق قلبها .
.................................................. .....
مؤيد يوقف سيارته عند
طرف الشارع : الوو , ايه لقيته يا محمد.
محمد وهو في سيارته على
الطريق : لا والله , ما لقيته , الله يستر
لا يسوي حادث في الطريق يا مؤيد..
أنت ارجع على المستشفى انا بكمل
واشوفه ... لا تخلي الوالده... بهالحالة
مؤيد وهو ياخذ نفس : ان شاء الله
بس اذا ما حصلته ارجع والله الشوارع في هالحزة مو زينه .
محمد : ان شاء الله.... ان شاء الله.
.................................................. ............
راكان وقف ضحك : تدري انك ضحكتيني ومو وقته .
غرام تناظر فيه ونزلت عينها : اسفة لاني ضربتك بالمسند.
راكان ابتسم : عاد هو مسند , اما لو ضربتيني بشي اكبر كنت الحين بالمستشفى...
غرام ضحكة بخفيف....: يلا عاد ...قولي على وين القبلة .
راكان كفكف ثوبه : اقولك شيء بروح اتوضأ واجي اصلي وياك ....
راح على الحمام يتوضأ وهي جلست على السرير تنتظره .. الا وأذن الفجر.... غرام عصبت وقالت بتريقة : الله يبارك فيك يا راكان , عجبك كذا خلاص اذن..
دخل راكان وهو يضحك : مو مشكلة خيرها في غيرها , من بكرة كل يوم اصحيك الساعة 2 , علشان نصلي .. الا ان نصير عجااايز.. الا اقولك كيف الجامعة وياك ؟؟؟
غرام : الحمدلله , ماشية تمااام , اقول راكان ...أنت قلت قبل لا تطلع .... اننا بناخذ تحاليل , ليه ؟؟
راكان وهو يفرش سجادة الصلاة..: عادي حبيبي لا تشغلي تفكيري بهالاشياء..!!... انتي جايك نوم ؟؟
غرام : صراحة لا .... مع ان اليوم اللي طاف كان متعب.
راكان : طيب وش رايك , بعد الصلاة نمر على مطعم وناخذ ساندويتشات .... ونروح على البحر .
غرام رفعت حاجب استفهام: أي بحر ؟
راكان : قصدي الخليج... افهميها عاد..
غرام : طيب , ايش رايك اذا نسوي الساندويتشات هني ... ترى انا اسوي خوش ساندويتشات .
راكان : خلاص تمااام ( يأشر بيده ) تريني ما راح اساعدك فيها .. المراة عليها تطبخ والرجل يذوق.
غرام : لا يا شيخ مين اللي يقول كذا ؟؟؟
راكان : اتغشمر وياك , تعالي نصلي .
.................................................. .................
فتحت عينها شوي شوي .. حست بإيد ماسكه ايدها... خذت صورت راكان .... ايه راكان هو اللي ماسك ايدي.... ابي افتح عيني اشوفه .... تماسكت وفتحت عينها ....
ابو مساعد في يمينها : الحمدلله على سلامتك يا سميرة .
ريان على يسارها : افتحي عينك يمى , خطاك السوء .
جالت بنظرها في الغرفة ... هذي مو غرفتها .... هذا صقر وريان .... واللي واقفين وياهم مساعد و راكان و مؤيد وهويدا... لا انتظري يا عيني ... راكان مو وياهم .... دوري عليه يا عيني يمكن تلاقيه ورا...... وقالت بصوت مبحوح : راكان.. وين راكان؟؟
ريان عصب : يمى لا تجيبي طاري هالزفت في لسانك!!
ابو مساعد : ريان .. اسكت.
ريان اخذ نفسه وطلع ...... مؤيد قرب من امه : يمى راكان بخير ... لا تخافي... والله لو هو يدري انك هنا ... كان اول واحد تشوفيه قدامك.
نزلت من عينها دمعه وراها دمعه: الله يخليك يا وليدي جيبه لي..! ابي اطمن عليه بس ابي اطمن عليه..!
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك