رواية من أعماق أحضان مجنونة -5
قعدي تكفيني قعدي لاتروحين له...هو مايحبك كثري ولا راح يحبك نص الحب اللي احبك اياه انا؟انا احبها من زمان ..من كانت تمثل انها الدكتورة وانا المريض....وطحت فعلا مريض...مريض فيها وبحبها...
وفرقونا ماعادوا يبون نشوف بعض ولانعرف اخبار بعض؟؟...بس مامنعني ها الشي ابدا اني اترك حبها يغيب لحظة عن بالي...سكنت قلبي وماتركت مكان لغيرها تجي وتجلس فيه...حتى وهي بعيدة ...ظلت مالكة كل شي فيني,,,,
لاتحسبين يوم مقدر عالبعد مكسور
.......................................... ماغير دنيا تحدد يوم انكساري
عايش حياتي مابين حزن وسرور
.......................................... غامض ولا ابوح باسراري
بيني وبين الامل محيطات وبحور
......................................... ارحل بصمت ولا اجيب طاري
اسمع الفرح ينادي من ورى السور
........................................كل ما عتليت اسواراشوف انحداري
قلبي مدينه مابها ناس وطيور
....................................... سكنها حبيب ورحل بحكم الاقداري
لا ياشهد الندى وياعطر الزهور
......................................لاتظنين بالبعد تذبل غصون ازهاري
عايش بوحش الظلام ماشفت النور
.......................................من صغر سني طفت كل انواري
من صغر سني رحال بالدنيا ادور
....................................... فاقد وطن ولا ادري وينها دياري
ياغلا لاتظن دمعي يوم طاح مكسور
........................................ طاح دمعي يوم شفت انتصاري
اروى ماشاءالله قمة الانسجام؟
رفع غسان راسه لها والبنات بعد...
كان قاعد يرسم لهم حديقة سرية ويبيهم يطلعون له المخرج والفايز له جائزة...
اروى اقول قمة الانسجام؟
غسان والله بيني وبينك...تراهم يدخلون القلب...الله يحفظهم...
اروى وهي تغمز له منهو اللي جايه بيبي وماتبي تقول...احمد ولاهالة؟
غسان ليه تقولين كذا!!
اروى اخاف جالس تعلم نفسك شلون تتعامل مع البزارين؟
غسان لا مايحتاج اذا بغيت اعرف كيف انتي موجودة؟
عايشة وشيخة هههه
فاطمة فشلها وقال لها انتي بزر؟
اروى وغسان ناظروا في بعض...
غسان ترى لسانهم طويل؟
اروى على الاهل....على منو بيكونون يعني؟
شيخة بروح اقول لجدتي انك قلتي كذا؟
اروى وانا بقول اني ماقلت؟اثبتي اني قلت؟
عايشة انا بقول اني سمعتك؟
غسان انتوا اخوان وشهادتكم مو ماْخوذ فيها لازم تجيبون واحد من برى؟
سكتوا كلهم وغسان واروى فطسوا عليهم ضحك....
ام مطلق زين اللي شرفت؟
مطلق اوووف ليه وين كنت يعني؟
ام مطلق وانا ادري عنك؟
مطلق لاحووول....
ام مطلق اركد ها الكم يوم بس يامطلق وبعدها...
قاطعها بسرعة مايحتاج اركد.....
ام مطلق ليه الله هداك؟
مطلق بثقة أي....
ام مطلق ....ظلت تناظره لانها عارفة وراه مصيبة بالحكي جاية..
مطلق جلس على الكنبة وحط رجل فوق الثانية وقال باستبداد انا بسافر؟
ام مطلق شنو؟
مطلق اللي سمعتيه....
ام مطلق ياسلاااام.....
مطلق والله الربع بيطلعون عمان اسبوع ولزموا علي اخاويهم وماقدرت ارفض؟
ام مطلق يايمه ياحبيبي...انت
مطلق بقوة يمه...انا مو صغير.....مو علشان عندي ثلاث بنات بتتحكمون انتي وابوي بحياتي...ها الشي ماراح يصير....
تنهدت ام مطلق وماقالت شي.....
وشردت هو افكاره لبعيد.....
يوم شافت سيارته داخلة الكراج طلعت له علشان تجلس معه بالحديقة لانها عارفة عوايده ماراح يدخل مباشرة...
ياانه يكون يكلم وبيظل جالس بسيارته يكلم..
ولاانه بيطلع وبيقعد قبال البركة يكمل سوالفه ولا بيظل يتاْمل المكان وفي الحالتين ماهو داخل اللحين فتطلع له احسن...
فتحت باب السيارة وركبت جنبه وهو يطالع فيها...
مشاري خير ان شاءالله..
زينة الخير بوجهك...
مشاري ليه طالعة لهنا؟
زينة انا عارفة ان مقامي عالي ومايسمح لي اطلع لك بس قلت بتواضع اليوم وبنزل نفسي لك..
مشاري اقول لايكثر لاافتح الباب اللي جنبك وارميك..
زينة ول ول ول..
مشاري ههههه..اخلصي وش عندك؟
زينة ولاشي بس كنت بدردش معك...
مشاري لادخلت دردشي...
زينة لا ابي اسئلك هنا..
مشاري شنو؟
زينة مشاري انت حبيت بحياتك؟
ناظرها وكاْنه ماتوقع تسئله ها السؤال وظل ساكت..
زينة وش فيك لاتخاف مابفتن عند مريم عليك؟
مشاري وبكون خايف لوفتنتي يعني!!حياتي قبل لي مو لها..
زينة يعني كنت تحب...
مشاري بلا مبالاة يمكن اذا يسمونه حب...فاانا كنت احب..
زينة تركتوا بعض...
مشاري بهدوء وهو شارد اممم
زينة ماتحملتك ولاماكانت تحبك؟
مشاري بالم وحسرة ماقدرت اصونها واوفي لها كثر ماهي وفية لي..ومن الظلم نظل لبعض؟
زينة وماتحس انك مشتاق لها..
تسند على كرسيه وقال بهيام وكاْنه نسى وجودها مووووت..موت والله يازينة...فوق ماتتصورين...ياليت لو فيني اردها لحياتي و...
زينة وشنو؟
مشاري بحسرة ماعادت لو تنفع بحياتي...انربط مصيري بمصير بنت غيرها خلاص...وهي اكيد راحت لغيري...
زينة طيب انت مرتاح مع مريم...اقصد يعني قدرت تنسيك اياها؟
مشاري ابدا....ولا حتى قاعدة تفكر تشيل ذكرياتها من بالي.....
في مقهى ناريتا بوسط الدمام...
جلست هالة وقبالها الجوهرة صديقة عمرها وكاتمة الاسرار,,,
الجوهرة لاتقولين لي شوفة ريم زوجة احمد هي اللي نرفزتك وخلتك تطلعين بدري..
هالة باحتقار لا قالت شوفة ريم...ريم ماتعنيلي شي ولاتهمني بعد!!
الجوهرة اجل ام وليد قايلة لك شي..
هالة تخسي والله...
الجوهرة معناته مافيه غيره...الاخ علي؟
سكتت هالة وماعلقت ....
الجوهرة هو مزعلك ولاانتي مزعلته؟
هالة بتعب الوضع بينا صاير لايطاق ابدا!!
الجوهرة فترة طبيعية بعد اللي مريتوه فيه؟
هالة انا ناوية اروح عند احمد...
الجوهرة بتروحين عند احمد يوم يومين...شهر شهرين ثلاثة...طب وبعدين ياهالة؟
هالة ها الفترة اللي بقعدها مع احمد بعتبرها الحاسمة يااكمل مع علي ولا نفترق..
الجوهرة بها البساطة؟
هالة بضيق انا مو قادرة والله مو قادرة الضغط اللي انا شايلته كبير والكل حاط في باله اني لامبالية ولا مهتمة بللي حواليني..وانا ياالجوهرة من داخلي اتقطع...شقولك بس...خليني ساكتة...
الجوهرة وهو راضي بها الحل؟
هالة مابعد قلت له...واصلا مابترك له مجال يقرر يرفض ولايوافق...لازم يوافق لاني من جد لازم افكر بعيد عنه وعن شوفته..
الجوهرة مدري شقولك ياهالة..الله يكون بعونك...
وقفت سيارة مطلق بعد صلاة المغرب عند الكورنيش لان بناته ذبحوه يبون يروحون مدام ان غسان بيروح....
مطلق بنرفزة هذا احنا جينا انبسطتوا حضرتكم؟
شيخة بانتصار أي...
عايشة يابابا ياحبيبي عمي غسان بيجي هنا...
مطلق عشتوا والله!!منو هذا عمك غسان بعد!!ان شاءالله ولد العراقية ماغيره؟
فاطمة لا
مطلق اجل منو ياذكية؟
فاطمة هذا اللي شفناه بالبيت ويكسر الخاطر محد كان قاعد معاه واحنا سولفنا معه؟
مطلق أي قلتوا لي...يعني انتوا اللي قمتوا بالواجب!!لالاصراحة ماتقصرون؟
عايشة اللحين بننزل ولاشلون؟
مطلق تدرون انكم اكبر هم في حياتي!!!والله مو قادر اعيش انتوا مربطيني على الاخر؟
عايشة بتهديد بابا اذا سئلتنا امي ابوكم قعد معكم ولا مثل العادة رماكم عند اهله وطلع وش نقول لها؟
ناظرها وسكت وقال بعدين بتميلح هذا ابوكم جابكم الكورنيش تنبسطون وتلعبون قوموا وروني؟
شيخة والله انا خبري الابوا العدل يودينا ملاهي نلعب مو الكورنيش ليش انه ببلاش؟؟
مطلق شوف بنت ال...
شيخة بنت شنو؟ولا عشاني بنت ماتبي تقولها؟
مطلق سبحان الله ورثتوا امكم بكل شي ومااخذتوا مني غير الاسم بس!!!
فاطمة وهي تفتح باب السيارة انا بنزل انبسط لايوجعني راسي....
مطلق لحظة مو كل وحدة بجهة...امسكوا بعض لاتضيعون ترى انا مو مسؤل عن احد..من اللحين قلت لكم.....وبيني وبينكم يارب تضيعون وارتاح منكم..واذا مو كلكم على الاقل ثنتين يضيعون ووحدة تبقى؟
وقفوا يناظرون فيه وهم مو فاهمين نص كلامه بس كان مبين من لهجته انه مو مرتاح...
شاف اشكالهم وضحك بقوة..
فاطمة بهمس ساعات مدري شلون يصير؟
مطلق منو هذا؟
فاطمة بضحكة انت بابا..
مطلق جر خدها بقوة وقال احلفي والله؟؟
فاطمة انا اذا كبرت وسئلوني تبين يظل مطلق ابوك بقول لهم لا ابي جراح يصير ابوي...
اخر الليل في شقة هالة وعلي...
دخل الشقة وكانت هي جالسة على كمبيوترها في الصالة..
علي السلام..
ببرود وتمتمة وعليكم السلام...
ظل جالس قبالها دقايق ومارفعت راسها له..
بعدها قام من مكانه وجلس جنبها....وانتظر تلتفت له وهو عارف انها مابتلتفت...
بعد ثواني امتدت يده لجهازها اللي بحضنها وشاله منها وسط نرفزتها..
حطه جنبه وقال بجدية طول اليوم مفارقين بعض..يفترض عندنا سوالف مع بعض؟
هالة من قال؟
علي وحتى لو مافي سوالف لنا مع بعض....خل كل واحد يهتم بالثاني ويشوف وش سوه بيومه بدل منتي ماسكة جهازك وحاقرتني!!!
هالة علي لاتسوي لنا فيها فلم....ماعندنا شي نقوله فااترك كل واحد يسوي اللي يبيه؟
علي طيب..انا اللي ابيه انك تسولفين معي!!!
هالة وانا ماابي....
علي ماهو بكيفك...انا زوجك ماني واحد من الشارع بتسولفين وغصبا عنك بعدّّ!!
قالت وكلام جراح يرن باذنها.. علي انت خنتني بيوم من الايام؟؟؟
فاجاْته كلمتها وقال بصدمة انتي من جدك تحكين ؟؟
هالة انت مو تبي تسولف ..هذا انا فتحت لك سالفة تسولف فيها؟
علي وقف وقال بعصبية وطبعا انتي لازم تسوين اللي براسك وتنهيني السالفة وباكبر قوة ممكنة؟؟؟طيب ياهالة هذا انتي انتصرتي وهذا انا قايم...فرحي ياللله...
بعد مامشى ظلت تناظر بسرابه...معقولة كلام جراح صدق وعلي خانها بيوم من الايام؟؟؟؟طيب ليه علي ماانكر ولا سوى أي شي وانسحب باهدا من اللي توقعته؟معقول في شي وهو خايف اني اكون عرفت!!!
هالة عقلي..هذا كلام مراهقين...خلي جراح وكلامه يولون عنك علي مايسويها؟؟هو بس يبي يشكك بعلاقاته معك وانه فشلكم راجع لها الشي؟؟؟
تسندت على الكنبة وغمضت عيونها وراحت افكارها يمين وشمال,,,,
في شقة ريم واحمد...
كان احمد يتابع برنامج بالتلفزيون وهي جالسة بفراشها تصبغ اظافرها..
احمد من وراها بحب وش معنى اللون الاحمر عاد؟
ابتسمت بدون ماترفع راسها له وقالت لان الليلة جمعة؟
احمد وهي يفتح شعرها واذاكان...
ريم باحراج يعني بتسهر معي!!
احمد والله انا كنت بسهر معك بس بها اللحظات غيرت رايي...
ريم ليه؟
شد شعرها بقوة وهو يقربها من حضنه ريم تقصين شعرك من وراي صح؟
ريم انا!!
احمد لاانا...اكيد انتي اجل منو؟
ريم منو قال عاد....
احمد اللحين تبين تقنعيني من العام يوم تقصينه ماطول ابدا!!!مو مصدقك ياروحي!!
ريم كيفك...
احمد لامو كيفك...لازم تتعاقبين علشان تدرين اني عارف انك تقصينه من وراي...
ريم أي بس ماعندك اثبات...
احمد وفي اثبات اكبر من كذا...سنة مو راضي يطول من يصدق عاد؟
ريم احمد مو حلو الطويل والله مااحبه؟
احمد ها ..وصلنا خير..هذا يسمونه اعتراف مبطن....
ريم هههههه
احمد انبسطتي في الكورنيش..
ريم أي...
احمد ودارين..
ريم ودارين بعد...وقلنا نبي نسويها اسبوعية ...يعني كل خميس نروح وش رايك؟
احمد ليه ماعزمتوا هالة تجي؟
ريم عزمتها....
قالتها وسكتت وهي تناظر بااظافرها بعد ماكانت تناظر فيه..
رفع راسها بيده بشويش ولمح فيها دمعة حاولت تخبيها عنه...
احمد بحنية شفيك...
ريم بغصة ولاشي...
احمد هالة زعلتك بشي..
ظلت ساكتة وعيونها بالارض...
احمد اكيد قايلة لك شي صح؟
ريم بتنهيدة عميقة مو مهم ...تعودت...
احمد بعد تنهيدة انا احبك...
بهمس مبحوح قالت وهي تكابر لاتبكي وهذا اللي معوضني عن كلامهم لي واحتقارهم...احمد انا احبك ...ومتحملتهم علشانك وعلشان حبك...
احمد يابعد عمري...امسحيها بوجهي...هي اكيد ماتقصد..
ريم اللحين شنو بنسهر ولا بعدك مصر ان مافي سهرة؟قالتها علشان تغير موجة كلامهم...
بعد عن حضنها وتمدد على الفراش وقال لا بنام جتني النومة بثانية وحدة ...اذا فيك تقوميني بنسهر اذا مافيك استسلمي وتعالي نامي جنبي...
ريم باعتراض وهي تضحك روح زين قال جته النومة مرة وحدة؟قوم بس قوم...
بعد تردد كبير دق لها....
وحمد ربه يوم شالته وكان صوتها مافيه نوم يعني كانت سهرانة...
مشاري ازعجتك؟
مريم فيك شي؟
مشاري لا..
مريم ليه داق اجل ها الحزة؟
رمت عليها امها الوسادة اللي كانت جنبها وهي تاْشر لها تتكلم معه عدل وبلا ها السؤال الغبي؟؟
مشاري بنرفزة ليه ممنوع اسمع صوتك بها الوقت؟
مريم بتردد بين نظرات امها لها ووليد من جهة وبين انها مو عارفة شتقول لا مو كذا...بس خفت يكون فيك شي ولا....يعني
مشاري بنرفزة اكبر مريم...شفيك؟
مريم انت اللي متصل ولا انا علشان تسئلني شفيك؟
وصلت عند ام وليد مليون ووليد جنبها فاطس ضحك
مشاري بجدية يعني اكون غلطان اذا كلمتك ها الحزة وسولفت معك؟
مريم .........
مشاري طيب...انا بس حبيت اسولف وابلغك ان احنا يوم السبت جاينكم ان شااءالله..انا والوالد واختي..وابوي بيكلم ابوك بكرة يبلغه ...تصبحين على خير...
قالها وسكر جواله وطفاه مرة وحدة...
ام وليد بعد ماسكرت مريم جهازها شقال لك؟
مريم ماعنده سالفة...يقول يوم السبت بيجي هو وابوه واخته عندنا؟
ام وليد بخوف شنو؟
مريم لاوشوف بعد المسخرة...يقول ابوي بيكلم ابوك بكرة يقوله ..طب ليه انت داق مدام ابوي بيكون عنده خبر؟
وليد هههههه انتي تحفة
ام وليد بخوف مريموه...انا حطيت يدي على قلبي...ليش بيجي مع ابوه؟
وليد يمه شفيك...ابوه صديق ابوي وجيته شي عادي...
ام وليد بنرفزة هو صدق جيته شي عادي لانه دايم يجي بس اختك الهبلة واسلوبها مع مشاري تخلي الواحد يخاف؟؟؟
مريم اوووووف..انا كذا ولاتحلمون اتغير علشانه حضرة جنابه؟
ام وليد أي..واذا طار؟
مريم بقهر في غيره..
ام وليد أي وينه غيره؟
مريم تمتمت بكلمات قهر وسكتت..
ام وليد وهي واقفة انا اقول تاْدبي وتسنعي وانتي تسولفين مع خطيبك لانه اذا تملل من اللحين بيعوفك مرة وحدة
مريم انا ثقيلة يمه مو متمللة فيه فرق...والرجال يبي البنت الثقيلة؟
ام وليد وهي تمشي عنهم أي زين قلتيلي؟
وليد بعد مامشت امه ترى انا اعرف مشاري لانه من نفس طينتي...يبى هذا شايف وعارف ومسولف مع غيرك...واذا بتظلين كذا هو مابيجبر عمره يوفي لك ويظل بقربك عنده غيرك وبتسمعه اللي يبيه واللي مايبيه؟
مريم اقول وليد ترى مو كل البشر نفسك دايرين بها السكة...
وليد احترمي نفسك....انا حبيت بس اقولك علشان لاتتحسفين بعدين....
مريم مايحتاج تقولي...واسمعها مني...مشاري بعد ماخطب عقل وماعنده ها السوالف انا زوجته ومابيروح لغيري!!
وليد بلامبالاة بكيفك...
قالها وقام عنها ومسكت هي جوالها بعد خوف من كلام امها ودقت عليه ولقته مقفل ..تنرفزت ورمت الجوال جنبها,,,
وحدها كان النوم مجافيها...اليوم يوم راحت مع ريم الكورنيش وصدمت فيه بالغلط ولايمكن يكون هو قاصد يصدم فيها...سهروها الليل...
اوووف...كلامه خطير ..يقولي السيارة قريب ياام نظرات حلوة!!!!
راحت علي اخذ واعطي معه لان ريم جنبي...ولا شكله ماهو قليل ..عجبني حيل...بس القهر حتى ماعرفت افتح البلوتوث علشان اخذ رقمه....
يالله بتتهنى فيه الا بيشبك معها....
ظلت تفكر باللي صار اليوم من بدايته لين طلعوا اخوانها واحد ورى الثاني لين ظلوا بروحهم اللحين هي وابوها وغسان وكل واحد بغرفته ,,,
البيت مو حلو ..ابدا مو حلو...قبل اروى كانت تجلس معها ..واللحين ماتقدر تشوفها...
تنهدت وحطت راسها علشان تنام....
اشوفكم يوم السبت على خير
هلا وغلا فيكم ياحلوين..
والف شكر على تفاعلكم
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,
البارت الثامن ,,,
رجع البيت بشموخه وكبريائه وغروره المعتادين منه...
حاول ينسى كل اليوم اللي مر عليه...
حاول ينسى هالة وينسى كلامه لها وينسى كفها له؟؟؟
رجع بعد ما مل من انها تكون ملكت كل تفكيره ,,,,,
دخل وكانوا خواته وامه لسه ماناموا...
سلم بهدوء وجلس بوسطهم...نص شارد ونص متضايق ونص فيه.......ماهو سعيد !!!
ام مطلق انت وينك ياحافظ؟
جراح ببرود اكيد طالع يعني وين بكون؟
بشاير انتوا فيكم سمة غريبة انت واخوك....نشوفكم جالسين معنا على السفرة وبعدين مانشوف وجوهكم لين اخر الليل واحتمال لين يوم ثاني بعد!!!
جراح يجاريها امممم وبعدين؟
بشاير بضحكة ولاشي...ملاحظة ولاحظتها وحبيت ابلغك عنها....
ام مطلق اجهز لك شي تاْكله؟
نسايم انا ابي افهم شي بالحريم...ليه لمى يرد ولدها من برى البيت تقوله ها العبارة...يعني معقولة مايدرون ان عيالهم برى ماللليين المطاعم !!!
بشاير وام مطلق ههههه
ام مطلق بكرة لاصرتي ام بتشوفين انك تقولينها بدون شعور؟؟
نسايم بثقل لاوالله انا مو رامية نفسي على زوج ولاعيال!!!
بشاير اوووف اختي قوية؟
جراح بشماتة قولي لانها واثقة ان لازوجها ولاعيالها يبون يحطون لسانهم بلسانها؟
نسايم يامغثتك؟
جراح بالذمة؟رغم انهم يقولون اني اخف دم منك!!
بشاير ماتت ضحك لاوالله ...منهم ذولا اللي يقولون ياخوي؟
قام وهو يداري باقي شعوره المنكسر من هالة لايلمحه احد بعيونه المعجبات اللي ماليين العالم!!!
بشاير ههههههه
يوم مشى عنهم قالت ام مطلق بحزن جراح فيه شي؟
نسايم بغطرسة وش فيه عاد؟عيالك ماهم صاحيين اشك انهم يشربون شي على ها المزاجيات المتقلبة؟
ام مطلق استحي بس استحي في وحدة تقول كذا عن اخوها؟
بشاير باهتمام وش تقصدين يمه؟شلون مثل شنو؟
ام مطلق بتنهيدة مدري بس احسه مخبي شي بقلبه..وها الشي متعبه...جراح ماهو مرتاح...واضح بعيونه انه مو مرتاح,,,انا امه وانا فاهمة ها الحركات اللي يتخبى وراها!!
قالتها وقامت بعد ماتنهدت بعمق وهي تناظر بطيف جراح اللي مشى,,,,
ريم... ريم
ريم بنوم وش عندك..؟
احمد بنفس الهمس قومي ابي اسولف معك...
فتحت عيونها ببطء وقالت بشوية خوف احمد...وش فيك حبيبي؟
بلوم وعتب قال لها وش فيك حبيبي وانتي نايمة؟قومي شوفي وش فيني!!
اعتدلت بقعدتها وتسندت على المخدات اللي وراها وقالت بخوف ظاهر حبيبي...وش فيك؟
حط راسه على صدرها وقال بهمس اول حطي يدك بشعري والعبي فيه؟
ريم وهي تلعب بشعره احمد...انت فيك شي ولا قاعد تتدلع!!
احمد ..........
ريم احمد ترى والله طاح قلبي؟
احمد سلامة قلبك.....
ريم قول...وش فيك؟
احمد من زمان مادلعتيني ولالعبتي بشعري!!مو حرام عليك...انا يتيم,,,
وقفت يدها عن اللعب بشعره وقالت بعتب بتتكلم من صدقك ولا شلون؟
احمد بتنهيدة ريم....انا بكلم هالة بكرة تجي عندي هنا؟
ظلت ساكتة وماطلع منها نفس وهو بعده قاعد بحضنها..
تنهد وقال ادري الموضوع بيضايقك حبيبتي...بس انا ماابي ارد اختي وهي طلبتني....هي تمر بظرف خاص شوي.....
لف لها وقال.... قولي شي حبي...
ريم بهدوء وهي تناظر بعيونه بزعل وش تبيني اقول بعد!!ادري فيك ماسكرت الموضوع بس حاولت تاْجله وهذا احنا صرنا بالامر الواقع اللحين؟
احمد حبيبي..مابيتغير بحياتنا شي....
ريم اممم صح...بس كل يوم بتكون لنا هوشة وبذكرك؟
احمد ........
ريم صح ولاانا غلطانة؟
احمد مو للدرجة ذي عاد؟
ريم بحزن وتبيني بعدين اشكي لك لو ماعجبني شي ولا اظل بصمت مطبق!!
احمد بهمس وهو يعتدل بقعدته ريم انتي حبيبتي وانا ماارضى عليك وانتي عارفة ها الشي.....مومعنات ان اختي بتجي عندنا ان في شي بحياتنا بيتغير..
ريم بزعل احمد احنا قاعدين بشقة محنا قاعدين بقصر علشان نستضيف احد!!ادري الضيق ضيق القلوب..بس بعد...يعني لافترة اقامتها معنا معروفة...وانا مااراح اخذ راحتي لابلبس ولابنوم ولابقعدة..بكون مقيدة...واختك فوق هذا كله ماتحبني ولااعجبها بشي!!
ماتقولي كيف بنعيش؟
احمد مالكم شغل في بعض...لكم بالشي الرسمي وبس..سلام وتردونه وبس؟
ريم انت تقول كذا.....
احمد ريم ...علشاني حبيبتي تحملي...انا اهلي بالدنيا عندي...
نزلت منها دمعة وقالت بغصة وانت عندي بالدنيا...بس لو يخف حبك من قلبي شوي...كان قدرت ارتاح وماهمني شي..بس مشكلتي معك اني قاعدة احبك كل يوم اكثر من اللي قبله!!
قالتها وحطت راسها على المخدة وغطت وجهها وعطته ظهرها..
وهو حس بالخنقة يدري انه من شاف ها الدمعة انها بتبكي وماتبيه يشوفها...
يدري ان وجود هالة بشقته بفترة مو معروفة كم مدتها مع ريم بنفس المكان بتسوي له مشاكل لها اول بس مالها ثاني...بس هالة اخته ومستحيل يتخلى عنها خصوصا انه حاس ان فيها شي..ووجودها بالبيت بها الفترة مع وجود اهل ام وليد ماهو مناسب....
تنهد ودخل معها تحت الغطاء وحضنها,,,,
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك