رواية من أعماق أحضان مجنونة -56
هالة بذمتك هذا سبب!!
المدير والله عاد انتي كنتي ماخذة اجازة مفتوحة لمدة خمسة شهور و..
هالة بعصبية كانت اجازة استثنائية وبدون مرتب...
المدير ممكن ماتناقشين لان انا مايخصني اسمك وصلنا من فوق مخصوص ,,,,
هالة بعصبية انا اعرف يخلون الوحدة تغطي مستشفى ثاني بس بحدود المنطقة مو بمنطقة ثانية...هي بشرق وتروح جنوب؟
المدير سلمها الاوراق ورفع سماعة التلفون يكمل تلفوناته وماكانها واقفة قباله وهي كتمت عصبيتها ها المرة اللي عارفة ان السالفة كلها مالها غير سبب واحد والاكيد انه جراح!!!!
دارين هلا..
مطلق بلا أي كلام تراك واحشتني مووووت...
دارين صحيح...
مطلق بحالمية ليه تاْخرت ملكتنا بس!!!
دارين ..............
مطلق منتي مشتاق مثلي,,,,,
دارين بلى...
مطلق بلهفة طيب وراك ماتقولي كلام يحسسني انك ملهوف لي صدق...
دارين مو وقته...
مطلق ومتى بيكون وقته؟
دارين بعدين..
مطلق متى يعني....
دارين لا ملكنا.....وصرت لك...
مطلق حبيبي...تعرف انك بخيل وثقيل....
دارين تنهدت..
مطلق بهمس ولهفة قولها....
دارين بهمس مو وقتها صدقني...
مطلق محتاج اسمعها منك...
دارين ماراح تسمعها مني الا ليلة العرس!!
مطلق اوووووف...ليه عاد؟
دارين ................
مطلق اذا كذا معناته ملكة وعرس بنفس الليلة...
دارين ياسلااام هذا كله علشان كلمة؟
مطلق أي......
دارين أي بس بيتاجل الموضوع شوي اذا هاذي نيتك..
مطلق ولايوم زيادة بيتاْجل..مانلعب معك احنا....لاتبين تقولينها ولاتبين بعد نتزوج بسرعة؟
دارين انت وش عندك بالله....
اشوفكم بكرة على خير,,,,
...
مرحبتين فيكم كلكم,,,
البارت السبعين
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\ \\\\\\\\\\\\\\\\\\\\\\\\\\\\\\\\\\
دارين\وانت وش عندك بالله؟
مطلق\عندي اشغل تفكيري فيك دايم يالغلا...
دارين\امممم
مطلق\داريني...
دارين بهمس\لبيه... قالتها وتمنت انه مايسمعها بس انها ماراحت عليه...
قال بعد تنهيدة حارة طلعت منه ودخلت فيها واحرقتها\تحبيني!!!
دارين\ليه تساْل؟
مطلق\لانك مدوختني....
دارين بارتباك من لهجته اللي قلبت تخوفها وتزلزل مشاعرها\مطلق انا بسكر....
مطلق تنهد بقوة وقال\ومسويتني مثل المجنون والله....دايم افكر فيك وماتغيبين عن بالي ياقلبي....احبك وابي يوم قربك باسرع مافيني يادارين....
تنهدت وماعلقت.....
عسل انتي وبعد سكر***اجن بضحكتك واسكر
سكنتي روحي وقلبي***عليك قلبي تسكر
كبير بداخلي قدرك ***عساني دايم بصدرك
اسيرةصرتي بصدري***وانا الحراس والعسكر
***يا نور الكون واشراقه سراحك انسي اطلاقه
محال تفارقي صدري***ومحال ضلوعي تتكسر
جمالك متعة عيوني ***عيونك روعة المنظر
وعد يا فرحة سنيني***ابد ما تهجرك عيني
وقلبي موطنك دايم***محال بيوم يتغير
دارين\ مطلق انت ها الكثر تحبني؟
مطلق\انتي مابتعرفين مقدار حبك لي الا اذا سكنتي بصدري وشفتي قربي منك شبيسوي؟
تنهدت وقالت\بس يمكن تكون مصورني شي واطلع شي
ثاني يامطلق وتخيب امالك كلها فيني!!
مطلق\انا عارفك يادارين وراسمك مثل ماابي لاتحاولين تغيرين أي شي لانك مابتزحزين تفكيري عنك...
ربي يقدرني واخليك اسعد انسانة ياعمري...
\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\ \\\\\\\\\\
دخلت البيت وعيونها تدور على شخص محدد....
سيارته موجودة بس هل ياترى هو موجود؟
تنهدت بقوة وهي متمنية الحظ يخدمها تشوفه اللحين لانها ماتدري شلون تشوفه لو ماطلع هو بوجهها..
بس هي متاْكدة ان حظها مو حلو ومابتشوفه علشان تزيد عصبيتها عصبية بعد!!!
بس حظها تبسم لها يوم شافته واقف ومتسند على عمود الخيمة وكانه ينتظرها....
سوت روحها مو مهتمة وهي اللي كانت مجهزة قائمة طويلة عريضة تقولها تبخرت من شافته....
قال بشماتة\الدكتورة راجعة بدري عسى ماشر..مافي مرضى ولا عاطينك الحكومة اجازة؟
لفت له وتوها بتتكلم الا قال بشماتة اكبر\يو نسينا انك بتروحين ابها وراجعة تجهزين اغراضك؟
خلاص هذا انتي تاكدتي مليون في المئة ياهالة ان جراح هو السبب....
بس ليش ياترى؟؟؟
قال برواق\امانة امانة اذا تبين أي شي تراني حاضر...وحتى السكن مجهزه لك مسبقا مو انتي اللي تسكنين بسكن المستشفى يابنت العراقية؟
قالت علشان تستفزه قبل لاتشب فيه\انت شعنه تتكلم؟
جراح بثقة\عن روحتك لاابها....
هالة\امممم وش عرفك اني بروح ابها...؟
جراح بضحكة\لاني انا اللي مدبر لك ها الروحة وتراي اخترت لك مكان حلو وطبيعة لمى تردين بتشكريني؟
هالة بضحكة شماتة\اي بس انا مو رايحة ياجراح باشا.....
توها بتتكلم الا واروى ناطة لهم بالنص...
اروى\انتي شعندك مع ولد خالي!!!
هالة باحتقار\ليش مكتوب باسمك؟؟؟
اروى بنرفزة\وانتي من تطلقتي ماتعرفين تتكلمين مثل العالم والناس!!!!
جراح\ماعليه يادكتورة ماعليه بس عمتي موصيتهم علي كل ماشافوني دقوا لي سلام وتحية وماكاني بشر مثلهم!!!!
اروى\لانك تستاهل ...
هالة باحتقار\متى بنسمع عن ارتباطكم ان شاءالله.....
قالتها متعمدة يوم شافت ام وليد قربت منهم وصارت ورى جراح اللي انتبه لها بعد..
جراح بسرعة واروى تبتسم\اي ارتباط؟
هالة\مدري بس اروى تقول انك....
جراح\اروى من صغرها وهي كل واحد يجي يكلمها ولاتسولف معاه تحلم انه بيكون زوجها بيوم من الايام!!!الله يهداها بس عمتي مشجعتها على ها السوالف بدل ماتعقلها وتفهمها؟
\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\ \\\\\\\\
بشاير\يمه شفيك؟
تنهدت ام مطلق وماعلقت....
بشاير بحنان\يمه من امس وانتي مو على بعضك يالغالية..عسى ماشر؟
ام مطلق بتعب\جراح...ماهو عاجبني يابشاير..
بشاير\اسم الله عليه اخوي شفيه؟
ام مطلق بدمعة\يبي يذبحني...تصوري ان البنت اللي تركته وتزوجت اللي قال لنا عنها قبل تذكرين....لسه يفكر فيها؟
تنهدت بشاير وماعرفت شتقول...
ام مطلق بصدمة\انا مدري وش مسوية له ها اللي ماتستحي على وجهها ومعلقته فيها كذا!!
بس ودي افهم وش لاقي فيها اصلا!!!
بشاير\هو قال لك ان لسه يفكر فيها؟
ام مطلق بضيق\والله شكله ماشالها من باله اصلا يابشاير؟
بشاير تنهدت...
ام مطلق\لو يقول لي ابيها شسوي؟
بشاير\يمه جراح ماهو صغير واكيد فاهم خطواته اللي يخطيها شنو ولوين بتوديه؟
ام مطلق بعصبية\انتي فاهمة شنو يعني ياخذ وحدة مرتبطة قبل لاتاخذه؟
بشاير\انا فاهمة يمه وعارفة انتي شنو تفكرين فيه بس هو شنو يقنعه؟
ام مطلق\لازم يقتنع..طيب غصب يقتنع..
بشاير\انتي قومي اللحين بلا ماتفكرين بمواضيع ماصارت ولا انفتحت يمه...
يمكن انه طيش ويعدي...
لاتوجعين قلبك يالغالية بشي ماله اساس؟؟ قومي بس قومي..خل نروح نشوف ابوي جالس مع بنات مطلق وش يسوون,,,
\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\ \\\\\\\\\
احمد\حبيبي...امرني شبغيت...
ريم\وش حدود محبة الزوجة لزوجها يااحمد....
احمد\مافهمت عليك؟
ريم\يعني شتسوي علشان تثبت له انها تحبه وشنو المفروض ماتسويه علشان لايفكرها ماتحبه؟
ابتسم لها وقال\شفيك انتي اليوم تتكلمين بسرعة...مو فاهم وش اللي تبغين توصلين له ياعمري...
يعني على افتراض انا اجي اقولك يااحمد شوف بنت جيرانا تراها حلوة وخصر وحركات....لمى اقولك كذا معناته شنو؟معناته ان عشرتنا ماهي غالية عندي لدرجة اني اعرض غيري عليك؟
احمد\ريم قولي اللي تبينه بصراحة؟
تنهدت بعمق وسكتت...
احمد تقرب منها وجلس على ركبته وصار راسه بحضنها وقامت تمسح على شعره وهي اعصابها مشدودة...
احمد بهمس\حبيبي....
ريم بدموع\احمد في لحظة مرت عليك حسيت بتاْنيب الضمير؟
احمد\انا راضي اللي حولي والاهم راضي ربي من وين بيجيني تاْنيب الضمير؟
رفعت عيونها اللي كلها دموع وقالت ببحة\احمد انا حاسة اني شايلة هم على قلبي..
احمد بخوف\ريمي..قولي شفيك لاتخوفيني....
ريم بتنهيدة\اذا سمعت شخص يوصي شخص ثاني على شي انت وش يكون موقفك...
تنهد وسكت وهو لسه مو عارف شنو هي تقصد؟
ريم بانفجار\مو قادرة انسى كلمة بوم شاري قبل لايموت يااحمد مو قادرة...
احمد فتح عيونه على وسعها وسكت,,,,
\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\ \\\\\\\\\\\
شيخة\وحشني ابوي...
ابو مطلق\ان شاءالله بعد يومين هو هنا؟
عايشة\انت كلمته يابابا؟
ابو مطلق\اي انا مكلمه وهو قايل لي الاربعاء ان شاءالله هو هنا...
فاطمة\يعني هو خلص شغله..
ابو مطلق\لامو بعد....
شيخة\هو وش رايح يسوي هناك؟
ابو مطلق\رايح يشوف له موقع حلو علشان المعرض اللي بيفتحه هناك..
فاطمة\عنده هني معرض ليش بعد يفتح له بدبي؟
ابو مطلق\علشانكم...قاعد يشتغل ويدور الرزق علشانكم يبى...علشان مايقصر عليكم ويوفر لكم كل اللي تبونه..
فاطمة\يحب يجمع فلوس هو وعمي جراح مدري ليه؟
ضحك عليها ابو مطلق..
شيخة\بابا اذا بابا مطلق فتح له هناك معرض بيصير يروح هناك دايم صح؟
ابو مطلق\اي صح..
شيخة\وبياخذنا معه...
ابو مطلق\اي اذا كنتوا اجازة ولاعندكم مدارس بياخذكم اكيد....الا انتوا ماقلتوا لي وين تبون نسافر ها السنة بالاجازة,,,
فاطمة\دبي...
شيخة\لامانبي دبي....نبي نروح مكان مارحناه...
ابومطلق\وين يعني؟
عايشة\مدري انت قول واحنا بنقول أي ولالا..
فاطمة\ابوي بيسافر معنا مثل العام ولا بس يومين وبينزل عنا؟
ابو مطلق\انا معكم والماما ام مطلق معكم وعماتكم معكم,,
فاطمة\وليه البابا مايصير معنا؟
ابو مطلق\يابنتي ياحبيبتي البابا عنده شغل ماهو بس فاضي يسافر وينبسط لازم يداري حلاله بنفسه..
فاطمة\مافهمت بس مو مشكلة ماابي افهم...اللحين قول وين بنروح؟
شيخة\بابا اللحين بابا مطلق مو بيتزوج؟
عايشة\مرته بتسافر معنا اذا سافرنا ولابتظل معه؟
فاطمة\بس لايخلينا معها ومانسافر؟؟؟
\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\ \\\\\\\\\\\\\
نسايم\يمه اللي قاعد يدور براس جراح شي كبير وخطير...
بشاير بحدة\احنا مو عارفين اللي يدور براسه يانسايم فلا تثقلين بكلامك...
نسايم\انتي لاتسكرين السالفة وماكان شي صاير؟اليوم حرقته..بكرة الله اعلم وش تسوي فيه...انتي مالازم تسكتين يمه...
ام مطلق\اي زين وش اسوي؟
نسايم\ولاشي بس اتركيه يضيع منك ومنا واحنا نطالع ومكتفين يدينه؟
بشاير\لاحول الله نسايم وش ها الحكي؟
نسايم\انتي سكتي....اصلا خراب اخوانك كله منك؟واحد مزينة له بنت العراقية والثاني الله اعلم انك تعرفينها وتدرين عن كل شي وساكتة..
هزت بشاير راسها وقامت وهي مقهورة....
نسايم\يمه سمعيني...
ام مطلق\شعندك؟
نسايم\زوجيه...
ام مطلق\ماهو راضي...شلون ازوجه وهو مو موافق؟
نسايم\وانتي بتتركينه على راحته يمه...ماعليك منه اغصبيه ولاترى بتسمعين وتشوفين اشياء غريبة عجيبه تصير لجراح بسببها ؟؟
تنهدت ام مطلق وسكتت..
نسايم\والعروس جاهزة يمه....
ناظرنها ام مطلق وماعلقت..
نسايم بثقة\زينة بنت بو مشاري الله يرحمه...الكل يتمناها وجراح اولى فيها من أي احد ثاني....
\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\ \\\\\\
كان يناظرها من على باب غرفتها وهي نايمة بفراشها والتعب هالكها....
اتمنى لك السعادة يااختي الغالية....
ويارب اقدر واكون سند وعون لك بوقت ضيقك وتعبك....
سكر باب غرفتها وتنهد وطلع الصالة يمدد نفسه ويريح شوي...
كان يناظر بالمكان الواسع من حوله وبالهدوء اللي يذبح؟؟؟
وين شريكة حياتك يامشاري؟
ليه بعيدة عنك وانت محتاج لها بها الوقت!!!
لو كنت عاقل وتركت الطيش عنك ماكانت بشاير زمان هني معك بها البيت ماليته عليك ومخففة عنك ضيقك وتعبك وهمك؟
ماكان عندكم اللحين بيبي صغير يناديك بابا ويريحك بها الكلمة من كل شي؟
اه يادنيتي اه...
وش ينتظرنا اللحين يابشاير....
بناخذ بعض ولا بتنتهي سالفتنا مثل حبات الرماد؟؟؟
احبك...واذا ربي ماكتبك بيوم من الايام نصيبي...اوعدك بيبقى ها البيت فاضي ومابتنوره غيرك ولابتدخل حياتي انسانة ثانية يابعد روحي...
مارا ح اكون ابو الا لعيالك انتي!!! وماراح اشتاق الا لك انتي!!! ومارا ح اكون حبيب الا لك انتي...انتي وبس يابشاير؟
يارب تكونين من نصيبي...اكمل معك باقي المشوار...
تسليني بفقد ابوي الغالي..وتواسيني على هموم الدنيا....
\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\ \\\\\\\\\\\\\\\\\\\\
جراح\الحمدلله على السلامة
وليد وقف يناظره بدون نفس....
جراح بشماتة\تعرفني مااتنازل عن حقي ولو هي بيدي ماطلعتك بس الظروف اجبرتني ياولد العمة..
وليد بحدة\ماراح انساها لك ياجراح وبتشوف..
جراح\اوووف هذا تهديد علني!!
وليد\سميه اللي بتسميه.....صدقني ساعة اللي بتطيح في يدي ماراح يفكك شي مني...بذبحك وبشرب دمك بعد!!
جراح بشماتة\لا....من متى وانت تشتغل وظيفة دراكولا؟؟والله مادرينا تحب تشرب الدم؟
وليد\..........
جراح بحدة\كل اللي اعرفه عنك انك فاشل وغبي وماعندك غيرة على اختك وبس!!زين انك ضفت لهم ها الميزة اللي ترفع الراس!!!
وليد في باله\اختي واختك بعد ياجراح وبتشوف...ماراح اترك بشاير بحالها وهذا راسي يشم الهوى برد لك صفعتك فيها وبمشي وانا اضحك...وبنشوف من يجي يترجى الثاني بعدين!!!
مشى بدون مايعلق بشي..
ويوم غاب طيفه من الباب كانت الدنيا بدت تمطر....
لف بيدخل الا هالة كانت واقفة...
قالت بسخرية\فاشل وفاشل..شعندكم مع بعض عاقدين صفقة فشل جديدة؟
جراح\حاجتك عندي فلاتساومين....
هالة\الحمدلله انا مااحتاج لك وابوي واخوي يشمون الهوا...
قالتها ومشت رغم ان هذي المرة الثانية اللي تجي تكلمه علشان يسحب اللي هو ناوي عليه بس ماتقدر هي معه مايتفقون بكلمة وحدة,,
وقف يناظرها وقالت عيونه,,,
ليتك يوم قفيت ماجيت
ليتك على وجهك مقفي ليالي
رجعت يوم اقفيت وشفيك ما بطيت
في غيبتك مرتاح بالحيل سالي
عزالله انك جيت يومك ترديت
وخليتني اشكي على الناس حالي
ياما من اسبابك عن الناس قفيت
عزلت نفسي عن عمام وخوالي
وياما من اسبابك على الخد هليت
دمع العيون اللي على الخد سالي
وياما بكيت الليل كله وبكيت
من هو جنوب البيت ولا شمالي
وياما من الضيقات للجيب شقيت
وامشي وانا كني من العقل خالي
وياما من الضيقه عن البيت صديت
وازبن على المشراف واجلس الحالي
واقول في نفسي انا ويش سويت
وشفي زماني يا عرب ما صفالي
مامر يوم(ن) في حياتي تهنيت
طعم الفرح سعره على القلب غاآآآآلي
وياما وياما في حياتي تمنيت
يرجع لي اللي في حياتي مظالي
قلبي يعزيني وانا اليوم عزيت
فكرن عجز يلقى جواب السؤالي
\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\ \\\\\\\\\\\\\\\\\\\\\
ابو احمد\تعالي يادارين يبى ابي اكلمك واسولف معك...
دارين\نعم يبى...
ابو احمد بتعب\اجلسي...
جلست جنب ابوها وهي عارفة ان السالفة تخص مطلق...
قال بتعب\يبى,,مطلق قبل لايروح قال لي انه مستعجل ويبي يدخل بسرعة..\دارين كانت تناظره بدون ماتتكلم,,
ابو احمد بحزن\وانا مافيني افرح اللحين واسوي عرس و..
قاطعته بسرعة\لايبى,,,لاتفكرني بموت على الزواج والطقطقة والرقص والوناسة؟بالدنيا عندي اني اخذ رجال يصوني ويحطني بعيونه ولاالعرس مايغير شي بالحياة؟
تنهد وقال\يعني انتي ماعندك مانع تاخذينه بدون عرس ولابدلة...
دارين\ابدا يبى...اصلا لو انت تقولي انا برفض قطعا...قلت لك العرس ماهو كل شي....
ابو احمد\انا ماابي اكون السبب يابنتي بس ابي اتطمن على مستقبلك مع مطلق..
دارين\لاتحاتي يبى...لو ابي عرس بخلي مطلق يسويلي لو بعد عشرين سنة بس انا مو شايله هم العرس....
جتهم هالة وقعدت وقالت\جلسة خاصة؟
ابو احمد\مافي شي بعيد عنك...
دارين\ابوي يقول لي عن العرس ياهالة..وانا قلت له اني ماابي عرس مو لازم...
هالة\امم...يبى بغيت اكلمك بموضوع..
ابو احمد\خير..
هالة\يبى المستشفى باعثيني تغطية ...
ابو احمد\لوين؟
هالة باقتضاب\لاابها..
ابو احمد\ومادوراو غير ابها تروحين هناك؟؟مافي مستشفى اقرب...
هالة\هذا اللي صار يبى...انت شرايك؟
ابو احمد\روحة بدون محرم معك ياهالة مافي؟
هالة\وانا من وين بجيب المحرم اذا انت مو جاي معي ؟
ابو احمد\اخوانك؟
هالة\احمد مايقدر يترك المستشفى وشغله يبى...وغسان مايقدر يترك الجامعة علشاني..
ابو احمد\معناته مافي روحة...
هالة\طيب باخذ معي وليد..
ابو احمد بعصبية\انا قلت رجال يعتمد عليه مو تقولين لي وليد..
هالة\اي زين انا شسوي يبى..
قام وركب غرفته بدون مايعلق بشي وتنهدت هي بضيق..
صار لازم تروح تكلم جراح لو يصير اللي يصير,,,
قامت وطلعت والمطر بعده ينزل بغزارة وهو عند خيمته واقف يناظر بالسما...
يوم طاحت عيونه عليها قال ببتسامة\اشوف الدكتورة معجبة فيني كل شوي ونطت تشوفني!!
هالة باحتقار\معصي انا اعجب فيك..
جراح بعصبية\اجل وش تبين؟
هالة ببرود\ماهو بيتك علشان تمنعني عن اني اتمشى فيه براحتي!!!
قامت تمشي ومسكها من ذراعها بعصبية وقال\انتي على وشو شايفة حالك بالله!!
هالة بغرور\وليش مااشوف حالي بالله...دكتورة وناجحة ..
جراح بشماتة\اي كملي وناقصك السعادة والاستقرار ..
هالة بضيق\مو ناقصني..
جراح بحدة\ناقصك,,,نفسك تكونين مثل باقي البنات وتصيرين ام..
هالة بعصبية ودموعها بتنزل\لامو ناقصني؟
جراح باصرار \بللا..ماراح تكونين ام ياماماهالة بحياتك,,,
طاحت على الارض بانهيار وهي تبكي بعصبية وتصارخ\مالك شغل فيني...بكون ام..بكون ..ولو باحلامي..انت شكو؟
نزل لمستواها وقال باعتذار\هالة..
كانت تبكي بهستيريا ويدها انمدت للجوال اللي طاح\عطني اياه..
قالتها لمى اخذه هو ..
هالة\جيبه..بكلم علي. برد لعلي ماابي اظل هنا..
جراح بحسرة وندم\لاياهالة لا..تكفين الا علي لاتطرينه..انا اسف مو قصدي....
هالة انتي حلم حلم,,,
انا ودي اسمعك القصيد اللي كتبـتــهـ فيـــــك
واقول اني رسمتك حلم وابي تتحقق احلامـــــك
رسمتك للأمل صورة قتلها اليــاس في ماضيـــك
أبي قربي ينسيـك الهمـــوم ويسعــد ايــامـــك
ابكتب حزنك بدمعي وعينــي بالحــــزن تبكيــــك
والون دنيتك فــرحــة وابيك تودع الامــــك
أبحرق حزنك بشمـعــة غلاي ان قلت لك اغليــك
وابي لاقلت انــا احبك اتوه بنشــوة هيـــامــك
كتبت الحرف لعيونك وش اللــي تـطلـبـي بعطيــك
وغنــيــت اجمل الحاني وكــنـي جــــد قــدامــك
ابـعـطـيــك العـمـر صفحــة اذا كان العمر يوفيك
ودمــي يــابـعــد كــلــي فدالـك حبـر لاقـلامــك
أبــزرع بالــوفــا وردهـ تزين دارك وواديـــك
وابــرويــهــا من عــروق الـوفـا مادامــهـ وسامك
تــعــالي واسمـعــي كل القـصــيــد اللي كتبته فيـــك
تــعــالـي دامــنــي بــرسـم بحـرفـي أجـمـل احلامك
\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\ \\\\\\
وقف قبال النافذة وهو معصب وهي وراه تبكي,,,
ريم\احمد افهمني..
لف لها وقال بعصبية\لهدرجة انا رخيص عندك,,تقولين لي روح تزوج؟
ريم وهي تمسح دموعها\احمد انا حاسة بتانيب ضمير كل مااذكر كلام ابوها احس اني اختنق...
احمد\ابوها ماقال روح تزوجها...
ريم قامت تبكي واخذ مفاتيحه وطلع من الشقة وهي تركض وراه تترجاه يسمعها,,,
.؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ماراح اقول اشوفكم يوم السبت بس ان شاءالله اشوفكم بعد العيد ان شاءالله..وهذا اخر بارت نوقف عنده وبنرجع بعد العيد نكمل ان شاءالله..
مرحبتين كبار....
كل عام وانتوا بالف خير وصحة وسلامة,,,
صراحة كنت حاطة مقدمة طويلة عريضة علشان اليوم والهذرة اللي بهذرها بعد غياب تعدى الشهر ونص بس كلها تبخرت ليش مدري؟(من عوامل التعرية ههه)
المهم...انتوا طمنوني...شخباركم؟شسويتوا برمضان؟كم زادت اوزانكم بعد شهر الله والخير اللي فيه هههه
كيف كان العيد معكم ووين رحتوا فيه وان شاءالله انبسطتوا؟
والاهم كيف اول يوم دراسي معكم....؟انا عني رحت مع سارة بما انها اليوم تمهيد لااول يوم دراسي وحنيت والله لمقاعد الدراسة؟؟؟
المهم ادري كلكم اشتقتوا لي وها الشي مو جديد ههههههه
لاوالله انا اللي اشتقت لكم ووحشتوني مرة مرة مرة...بجد افتقدتكم...وان شاءالله يتجدد لقانا مع بعض ابتداء من اليوم....
ولانكم نسيتوا الاحداث بنزل لكم اخر بارت قبل البارت الجديد...
لكم ارق التحايا,,,,
البارت الواحد والسبعين,,,,
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك