رواية الله يسامح اثنين جابوني للدنيا و راحو و خلوني -43
ريتان كانت تبكي وحاطه أمل بحضنها وجالسه عند إمها اللي نايمه والمغذي بيدها
وظغطها مرتفع
حاتم للحين جالس على الكرسي ويبكي مابعد إستوعب مو مصدق وفاة راكان كان صدمه لهم كلهم
إبوراكان يمكن كان أقوى واحد فيهم لأنه ماشاءالله عليه إيمانه قوي
كان قاعد يدعي لراكان بالرحمه والمغفره
ويمسح دموعه
ويردد إنا لله وإنا إليه راجعون
راح يوقع على شهادة الوفاة حقت راكان
عساف كان واقف عند مواقف السيارات اللي برى
ومصدوم مثل الكل
موب مصدق إن راكان مات
ماقدر يحبس دموعه أكثر
إحتقر نفسه
حس شكثر هو اناني
كان يبي ينتقم من دانا ويحرمها هي وراكان من بعض
بس خلاص الحين داناإنحرمت من راكان
بدون ماينتقم منها ولاشي
دانا راحت بتودع راكان الوداع الأخير
قبل لايودونه يغسلونه ويقبرونه
فتح الممرض ثلاجة الموتى اللي فيها راكان
وطلع برى ينتظر دانا تودعه وتطلع
دانا حطت يدها على فمها
وقعدت تبكي
باست راكان مع جبينه
ومع خدوده ومع شفايفه
وجه راكان إمتلى بدموعها
وحطت راسها على صدره وقعدت تشاهق:ليش ياراكان رحت وخليتني
من لي غيرك
اناصرت ارمله
وامل يتيمه
انا ولاشي بدونك
تعودت عليك
حبيتك
عشقت التراب اللي تمشي عليه
انت اللي طلعتني من الحزن وحياة اليأس الي كنت فيها
شلون أعيش بدونك؟
آه ياراكان ياليت أقدر أعطيك من عمري عشان ترجع لـ الدنيا
راح توحشني حيل ياحبيبي
آه ياليتك تحس بالنار اللي بداخلي
موتك كسرني ياراكان كسرني
أحس بفراغ كبير بدونك
أحس حياتي ولاشي بدونك
مومصدقه إني بجلس على طاولة الأكل بدونك
مومصدقه إني بنام بدونك
مومصدقه إني خلاص ماراح أشوفك أبد
مومصدقه إني ماراح أسمع صوتك
مومصدقه إني ماراح أشوف ضحكتك
مومصدقه إني بنحرم من حنانك
أبفقدك ياراكان أبفقدك
دخل عليها الممرض يبيها تطلع
طلعت وهي تحس إنها موب قادره تمشي على رجليها
أول وثاني أيام العزا
كانوا أهل راكان وقرايبه وأصدقائه خصوصا عبدالعزيز مره مره متأثرين
و ثالث أيام العزا كانوا أخف من أيام العزا الأولى
كانوا الحريم اللي جايات يعزون كثيرات
إم راكان لابسه أسود وحاطه يدها على عيونها وتبكي
وموب مع الناس
ريتان حست بصداع من كثر مابكت قامت وراحت بترتاح بجناحها
دخلت وشافت عساف بالصاله
راحت لغرفة النوم
رمت نفسها على السريروقعدت تبكي
عساف جاها وسحب ريتان مع يدها وضمها
ريتان كانت محتاجه لأحد يحضنها
قعدت تبكي بحضن عساف
عساف لاشعوريا قالها:بس خلاص ياقلبي إرحمي نفسك
ريتان طالعت بعساف:صدق أنا قلبك؟
عساف:إيه
ريتان وهي تبكي:طيب أنا حبك
عساف إنصدم وأثرت فيه الكلمه
ضم ريتان وهمس بإذنها:حتى أناأحبك والله من أول ماعطيتيني بوسه بصباحية زواجنا وأنا بديت أحس بأحاسيس غريبه إتجاهك
ريتان ماردت عليه ماتوقعت إنه كان حاس فيها لماباسته توقعته كان نايم
دانا كانت منسدحه على السرير وضامه مخدة راكان وتبكي
وبنتها أمل بجنبهاوكانت قاعده تبكي وكأنها حاسها بإمها
بـــعـــد ســـنــــــــــه ونــــص من الأحداث
كانوا كل أبطالي مجتمعين بمزرعة إبو راكان
أم وفاءوتسنيم وضاري
ووفاء ونايف وولدهم نواف اللي عمره 9 شهور
وريتان وعساف وولدهم راكان اللي عمره شهرين
وحاتم وحنان اللي حامل بالشهر الثالث
وحسنا وإبوفهد وفهد
وابووليد وعياله وليد وبدر وبيادر وإم وليد وريم وولدهاطلال اللي صار عمره سنه
وعمتهم بعد كانت جايه هي وزوجهاوعيالها عزام وبسام
وبناتهامي وروان
وعبدالعزيز وبشاير اللي حامل بشهرها السابع وولدهم البراء
وإم راكان وإبو راكان
ودانا وبنتها أمل اللي صار عمرها سنه وشهرين
وفهد وبيادر ملكوا على بعض
وزواجهم بالعطله الصيفيه إن شاءالله
ريم كانت جالسه تسولف هي ودانا عند الأشجار
وأمل وطلال يلعبون
البنات بيادر ومي وروان وتسنيم
جالسات وفالاتها أكل وحش وإستهبال
الحريم جالسين يتقهوون ويسولفون
حنان متكيه هي وزوجهاحاتم بالمرجيحه
وطاقينها سوالف غراميه
الرجال بعد جالسين يسولفون
بس خالد حس بضيقه شوي
وطلع يتمشى
ريم شافت طلال رايح للإسطبل حق الخيول
راحت بسرعه تبي تلحق عليه
دانا أخذت بنتها أمل بحضنها وقعدت تغني أغنيةوينك لوليد الشامي
ودمعت عيونها وتذكرت ذكرياتها وأيامها الحلوه مع راكان
وينك وينك
امد ايدي وماتوصل ادينك
تعال اروي عطش قلبي بعينك
الزمن فرقنـآ واشقـَآنـآ
وعلى الـآهـآت خلـآنـآ
الزمن فرقنـآ وبكـآنـآ
وعلى الـآهـآت خلـآنـآ
***
تموت انت واموت انا
ويعيش الحب مابيني وبينك
***
وينك وينك
امد ايدي وماتوصل ادينك
***
اصيح بصوت راح اموت
بس بالـآهـ يبكي القلب
وتبكي دموعي في عيني
سنين تروح
سنين تفوت
واحنآ في بعضنآ نموت
لكن وينك وويني
***
كنت اضمك على صدري
واخلي كلـ الهموم تطيح
خلص عمرك خلص عمري
وتصيح من الالم واصيح
وينك وينك
امد ايدي وماتوصل ادينـك
وينك وينك
تعال اروي عطش قلبي بعينك
***
الزمن فرقنـآ وبكـَآنـآ
وعلى الـآهـآت خلـآنـآ
الزمن فرقنـآ اشقـآنـآ
وعلى الـآهـآت خلـآنـآ
***
تموت انت واموت انا
ويعيش الحب مابيني وبينك
***
وينك وينك
تعال اروي عطش قلبي بعينك
طلال دخل الإسطبل ووقف يطالع خالد اللي كان قاعد يوكل الحصان
خالد إلتفت على طلال وتصنم بمكانه
طلال حيل يشبهه
نزل الأكل عند الحصان وجاء عند طلال
جلس على ركبه وفتح إيديه لطلال وقاله:تعال بابا
طلال جاء لمه
خالد ضمه بقوه وقعد يشم ريحته
ريم جات :طلول وينك انت
سكتت لما شافت خالد حاضن ولده طلال
طلال وهو يأشر على إبوه:ماما شوفي بابا
خالد ضمه :ياحبيب البابا انت
ريم جات بتمسك يد طلال وهي تقوله:تعال طلول
خالد ضم ريم
ريم إنصدمت
خالدباس رقبتها:وحشتيني
ريم وهي تحاول تبلع عبرتها:خالد بليز وخر عني توك تتذكرني
مع إن دانا قالت لك السالفه وانت تاركني سنه وكم شهر ومافكرت فيني ولا بولدك والحين جاي تقول وحشتيني
خالد:أنا آسف
ريم قعدت تطالع بعيونه لحد مانزلت دموعها
خالد مسح دموعها وباسها مع خدها:لاتبكين أناأدري إني غلطان بس اللي صار موب شوي موب عشاني عشان طلال سامحيني
ريم ضمته:لا أنت اللي سامحني والله ماكان لي وجه أشوفك بعد اللي صار بس كل اللي صار غصبن عني
خالد:أدري ياقلبي خلاص خلينا ننسى اللي راح يكفينا بعد وفراق وهجر وغياب
ريم مسحت دموعهاوإبتسمت:أوكي
طلال جاء بينهم
خالد شاله:يالبى شبيه ابوه
ريم:الله يعيني عليكم بس
خالد قعد يضحك
نزل طلال ومسكه مع يده اليمين
وريم مسكت طلال مع يده اليسار
وطلعوا من الإسطبل
وهم مبتسمين ويبون يبدون حياة جديده
وخالد يبي يعوض طلال عن اللي راح من أول ماإنولد وهو بعيد عنه
ويبي يعوض ريم عن كل السنه والكم شهر اللي راحوا
وريم بعد تبي تنسيه جرح الخيانه اللي صارت غصبن عنها
,,,,,,,,,,,,,,,,,,,,,,,,
,,,,,,,,,,,,,,,,,,,,,,,,,
,,,,,,,,,,,,,,,,,,,,,,,
خلاص بكـــذا تكون روايتي الأولى إنتهت
كتبتها ونزلتهاعلى النت بتاريخ3\5\1431هـ
وإنتهيت من كتابتها وتنزيلها بتاريخ8\12\1432هـ
يعني تقريبا روايتي أخذت من وقتي سنه وأكثر
وأتمنى من كل قلبي إنكم إستفدتوا منها وإنو تكون إيجابياتها أكثر من سلبياتها
وإن شاءالله ربي يكتب لي لقاء ثاني معاكم بروايه ثانيه
أشكر كل اللي تابعوني
وأشكر كل اللي ردوا علي
وأخص بالشكر
الزعيمه
على شاطىء النسيان
ضمني بين الأهداب
حنـــيــن
بسـمه
تفحيط بدون غبار
أنوار
معذبة قلوب الرجال
نونا
فداني الكون
جموح الورد
ذكرى الغرام
فراشه
ماينحني راسي إلا بصلاتي
كلي غرور ودلع
جنني غلاه (شعوله خطيبة اخوي هههههههه)
ميهاف فارس
حبيبي بقلبي
فزة خفوق
وحيده كالقمر
وأشكر الكل بدون إستثناء
من أعضاء ومشرفات
وأشكر كل اللي شجعوني على كتابة الروايه
لأني بصراحه إكتشفت بنفسي إبداع مدفون
والحمدالله إن ربي قدرني إني أطلع هالإبداع للناس
صدقوني راح أشتاق لكم وراح أفقدكم :( :( :(
ماراح أقولكم وداعا
بقولكم إلى اللقاء برواية أخرى بإذن الله
سامحوني إذا كنت قصرت
أو أخطيت بحق أحد منكم
أتمنى أشوف ردود كل اللي قروا روايتي عطوني رأيكم بالروايه وبكل صراحه ولاتنسوون التقييم
أحبكم كلكم في الله
وماأسمح لأحد ياخذ مجهودي مني
اللي بينقلها ينقلها مع ذكر إسمي
إختكم وبكل تواضع
الكاتبه عطر الغلا
اللهم لك الحمد حتى ترضى وإذا رضيت وبعد الرضى ,,, اضف تعليقك