رواية من أعماق أحضان مجنونة -43
لف لها بحزن وماعلق بشي...
بشاير جلست جنبه وقالت بتاْنيب كان لازم سالفة هالة ترفع لك ضغطك بها الطريقة وتخليك تنسى اللي حولك ياجراح؟
تنهد بقوة وقال بتعب بشاير لاتلوميني انا بروحي متضايق واللي فيني مكفيني!!
بشاير بعتب وهمس جراح شفيك...انت طول عمرك الهادي والحليم...ماقدرت تمسك اعصابك عن اخوانك شوي؟اللي تهاوشت معه واللي طيقتها ؟وعلى مين الدور الجاي ؟علي ولاعلى البنات ولاعلى امي وابوي؟
جراح بتعب بشاير...
بشاير بحدة انت لازم ترسي على بر ياجراح؟هايم في وحدة ماتدري عن هوى دارك؟طب لمتى؟لين ينتهي باقي عمرك وانت تحبها وهي ماتدري؟
جراح بعجز مو قادر اوصل لها ها الشي احسها مو متقبلتني!!
بشاير يمكن ماهي من النوع اللي يتقبل الشي الصريح؟ولايمكن نوعيتها ماتجي بالحب اللي بالسهولة؟لاتعطيها حبك بشكل بارز...
جراح كيف يعني؟
بشاير انت غير طريقتك معها ومو من تشوفها تذوب وتتصنم قدامها وماكاْنك تشوف غيرها؟حاول تبين انك لامهتم لوجودها بالمكان اللي يجمعكم..شوف لك تاءثير ولالا؟بعدين صارحها اذا عرفت مكانك....
انا اقول يمكن هي من النوع اللي يتمنعن وهن راغبات؟
تنهد بعمق وقال بتعب وهو يغمض عيونه هاذي غير بكل شي....بتموتني وانا بمكاني ماتحركت؟
بشاير كلمت اخوك؟
جراح بنتظره يرجع وبكلمه مباشرة ماابي يكون بيني وبينه تلفون؟
بشاير ونسايم؟
جراح بضيق قلعة تقلعها ها الخبيثة والله ان شفتها قدامي ذبحتها وشربت دمها بعد؟
بشاير لا ياخوي لا..مو كذا تنحل الامور هاذي مهما كان اختك من لحمك ودمك؟
جراح بغضب اختي ماتمسك الزلة ومن تشوف فرصة قامت تعاير؟
اختي ماتضرب عيال مالهم ذنب علشان تعرف سالفة تخص ابوهم ماعرفتها؟اختك لازمها تاْديب يابشاير..ماهو غصب تحشر نفسها بكل صغيرة وكبيرة؟
تنهدت بشاير وسكتت..
وقام جراح ودخل الغرفة اللي فيها امه جالسة وباس راسها من وراها وهي تنهدت...
نزل لمستواها ومسك كفوفها وقام يبوسهم وقال باعتذار انا اسف يالغالية...
مسحت بيدها على شعره بدون ماتعلق بشي...
جراح باعتذار عميق ماكنت اتمنى اضربها قدامك ومااحسب لك حساب بس بنتك نرفزتني وضايقتني بتصرفها مع البنات...هذولا بذمتنا يمه واللي يلمس منهم شعرة بشرب دمه مهما كان؟هذول بناتي مثل ماهم بنات اخوي....اسمحيلي مرة ثانية اني ماملكت نفسي بوجودك؟
ام مطلق بتنهيدة مسموح ياجراح ياعمري مسموح....والله محد بيوجع قلبي غير ها البنية...كلكم ربيتكم مع بعض مدري ليه طلعت هي غير عنكم بس؟؟
دخل البيت وهو شارد وباله مشغول...
طلب علي غريب؟
ليه يبي يشوف هالة وفي البيت ولوحدهم؟؟
هو يدري انها ماتجيب عيال؟
طيب ليه يبي يردها؟
وليه مايبي ابوي ولااحمد يدرون ويبيني اخدمه بدون مااقول لااحد؟
طيب انا كيف امهد له وقت يجي يشوفها واضمن ان مااحد يكون موجود؟
هاذي لازم يساعدني فيها احد من الحريم ياخواتي ياامي؟
طب ياهالة...طب يااالدكتورة ياللي شايفة نفسك اذا مااكسر لك راسك واوطي غرورك اللي مدري وش عليه بالارض مااكون انا وليد؟
ابوك اللي حاطته بيني وبينك وقاعدة تشيشينه علي مابينفعك...ان شاءالله يسوي فيك علي اللي يسويه لو يذبحك بشوفه وانا اضحك واتشمت عليك....
يابنت العراقية؟؟؟؟
وانا وليد ياهالة وبينا الايام؟؟؟؟
وهي قاعدة بالمستشفى وزينة قبالها نايمة بفراشها كانت تقراْ برسايل مطلق اللي جابهم على رواق؟
ياترى وش الخبر الحلو اللي قلت بتقوله لي يامطلق؟
هل فعلا اشتقت لي ولا تتعير؟
انت فعلا نيتك زواج ولا بس قاعد تلعب بذيلك؟
دارين....وقفي كل المكالمات بينك وبين مطلق وخبري هالة وغسان عن السالفة واذا هو له نية زواج خل يجي ويصير اللي يصير واذا ماله نية بكيفه...كل اللي بينك وبينه رسايل وبس!!
دق قلبها من ها الطاري...لانها تعلقت بمطلق حييل؟
ياترى وش بتقول هالة اذا قلت لها...اكيد بتلومني وبتعصب انا اعرفها ماتتساهل بها السوالف بس انا لازم اقول لها يظل دايم عندها راي شديد وحكيم وبتريحني.....
وهي بعز تفاكيرها وصلها مسج من مطلق خلاها تتنهد,,,
ياليالي خبريني عن غزال(ن) في الضلوع...
كنها بدر الليالي في الليال السرمديه..
اشغلت قلبي حلاها واعلنت فيني الولوع...
اطربت لحن الاماني من اغانيها الشجيه...
خدها من نور ضيه يبتدي بدر الطلوع..
والنهار اللي عشقها بابتسامات الضحيه,,
رمشها يسلب عيوني..عطرها ماله منوع,,
وان تمنع يوم قلبي يكتب الخافق وصيه,,
همسها الغازي يذوب خافقي مثل الشموع,,,
ريحها طيب المعاني بالزهور السوسنيه..
لحظها يطوي المسافة مايبالي بالدروع,,
كيف لو جاني هواها بامتحاني في العشيه,,
قدها ياهو حكايه كيف لو قلت الفروع,,
غصنها كاالبان واكثر قول والبسمه نديه..
جيشها بعض الجدايل ينتوي الغازي خضوع..
والنسيم اللي يداعب غزوها سيره وجيه,,,
عشقها عشق النصارى للعذارىواليسوع,,,
حبها قد فاق لبنىفوق ليلى العامريه,,
الف عاشق في هواها ينشدوا بين الجموع...
كلهم يرمي فؤاده في غناويهم هديه...
وانا من بختي عشقته والغلا ماله شروع...
والدليل ان القصايد عقبها صارت سنيه...
كلما حاولت ابعد يعلن القلب الرجوع,,
والثواني في هواها تساْل عيوني شويه,,
من غلاها لو تجافي اسبلت عيني دموع,,,
وان تواصل ياحلاها كاالاماني نرجسيه..
وان نويت اقنع بحبي ماعرف قلبي قنوع ,,
كيف يقنع من غرامي والحبيبه(شرقاويه),تنهدت بقوة وهي تقراْ كلامه....
ماتدري ليش احاسيسها تجاه حبه انه صادق معها ويبيها ...
وها الشي مصعب عليها نسيانه ولاالتفكير المجرد بالنسيان وانها تتركه,,,
اووف يامطلق تكفى لاتعلقني فيك اكثر تراني مااتحمل,,,,
في خيمة جراح...
فاطمة شفيكم؟
كانوا التؤام ساكتين ويناظرون بعض...
فاطمة بتقولون ولا شلون؟
عايشة بزعل ولاشي...
فاطمة ادري ماتبون تقولون؟
مطلق وش فيهم البنات الحلوين قاعدين هنا؟
تقرب منهم وقاموا التؤام له بسرعة وتعلقوا فيه كل وحدة مسكت رجل ودفنت وجهها عنده...
نزل مطلق لمستواهم وقال بخوف شواخ...عيوش...شفيكم؟
ماردوا عليه وقاموا يبكون...
مطلق بعتب فطوم انتي وش مسوية لخواتك؟
فاطمة انا ماسويت شي؟اصلا انا توني جيت ولقيتهم هنا قاعدين؟ليش كل شي فوق راسي!!
مطلق بحنان احد مزعلكم؟
شيخة بهمس في اذن ابوها نبي نرجع البيت عند امي مانبي نقعد هنا؟
مطلق وهو يناظرهم ليه؟
شيخة ببكي عمتي نسايم طقتني؟انا ماسويت شي؟
مطلق تنهد..
عايشة بهمس لاتسمعهم فطوم وعمي جراح طقها وضربها بالقوة وقامت تصارخ ويمكن يطقنا احنا بعد؟
مطلق لاعمكم جراح مايطقكم هو يحبكم يمكن هي نرفزته ولاقالت له شي يضايقه..
شيخة هو ضربها علشانا احنا...
مطلق شفتوا انه يحبكم ومايرضى احد يطقكم ويوم طقتكم عمة نسايم مارضى عليكم..
شيخة بدموع بس مانبي نقعد خلاص بنروح هناك...
تنهد مطلق وسكت...
فطوم تقربت منهم وعيونها مفتوحة على وسعها وهي مو فاهمة وش اللي بينهم..
فاطمة وش صاير؟
عايشة اشرت لاابوها انه مايتكلم...وابتسم لها....
فاطمة قولوا..
مطلق ببتسامة مقدر قالوا لي سر؟
عايشة تهمس لاابوها لاتقول لها بعدين ماتحب لاعمتي نسايم ولاعمي جراح؟
مطلق يهز راسه ان شاءالله....
جراح من وراهم متجمعين بالخير...
من سمعوا صوته عايشة وشيخة بعدوا بسرعة عن المكان وهو يناظرهم...
جراح يساْل فاطمة شفيهم خواتك؟
فاطمة تهز كتوفها مدري عنهم تخبلوا ولاصاير فيهم شي؟ساعة يبكون؟وساعة مدري شفيهم؟بس اذا تبي الخبر الاكيد اسئل ابوي لانهم قالوا له سرهم اللي ماقالوه لااي احد؟
جراح وهو يناظر بمطلق اللي كان قاعد وعاطيه ظهره يعني يوم يجي جراح ويتكلم من ورى مطلق مالف له... مطلق ممكن نتكلم ياخوي؟
مطلق بهدوء خير...
تنهد بقوة وقعد قباله وقام يناظره..
جراح باسف انا اسف ياخوك....ماكان ودي توصل بينا الامور لهنا..
مطلق بعمق جراح..نصيحة مني..شوف لك حل مع سالفتك معها...ياتكملون...ياتوقف عن الهبال اللي انت حاصر نفسك فيه ومحد قاعد يعاني غيرك؟
تنهد جراح بقوة وهز راسه..
مطلق بصدق شوف حالتك..والله انك تكسر خاطري....قوية بنت العراقية اللي سوت فيك كذا بصراحة؟
جراح زعلان مني!
مطلق لامو زعلان...ادري منت واعي للي تسويه ..اصلا انت مو واعي لنفسك بسبتها...بس ابيك توعدني ترسي على بر باسرع مايمكن وترتاح..
جراح ان شاءالله..
مطلق ببتسامة بناتي خايفين منك؟
جراح لا....والله موقصدي؟
مطلق وش السالفة يقولون ضربتها علشانهم؟
جراح بتنهيدة اختك طبع اللقافة والنرفزة اللي فيها بيخلوني اذبحها موبس اطقها؟يااخي تموت على الفضول وانها تحشر نفسها بكل شي....
فاطمة وش صاير؟
مسكها جراح من يدها ورماها بحضنه وهو يبوسها وقال ولاشي...ها بتصيرين ملقوفة انتي بعد!!
مطلق وهو قايم هههههه يعني العرق دساس؟السالفة وراثة من عمتها...
قام يضحك جراح معها وقام مطلق ودخل بيتهم..
جراح اقول فطوم...
فاطمة امرني...
جراح وهو يجر خدها ماياْمر عليك عدو ياقلبي..الا بغيت اسئلك انتي ليه رايحة قسم بيت العراقية وواقفة تسولفين مع هالة وش كنتي تبين منها؟وشنو كانت تقول لك؟
فاطمة امممممم
جراح يالله تكلمي...
قامت من حضنه وبعدت عنه كم خطوة وتخصرت وقالت بدلع وانت بتصير ملقوف مثل اختك وكل شي تبي تعرفه؟يااخي هاذي اسرار بنات؟
قالتها وهي تلعب بشعرها وجراح عيونه مفتوحة عليها ويوم قام بيمسكها ركضت بعيد عنه وهي تضحك,,,,
هالة وهي تكلم غسان بشر ماجاك اتصال من احد غريب اليوم؟
غسان لا ليه تسالين؟
هالة لا بس في شخص ما قال لي ان باله مشغول عليك واصر ياخذ رقمك..
غسان منو؟
هالة لاجاك الاتصال بتعرف منو...كل ماقلت مالي صلاحية اعطيكم الرقم الا غصب وماشفت لي بد من اني اعطيه اياه؟
غسان شغلتي بالي ياهالة منو؟
هالة مو قايلة لك....
غسان اووووف...
هالة ضحكت بصوت عالي وانفتح باب الصالة ودخلت ام وليد وعيالها.....
هالة وهي تناظرهم أي غسان اكلمك بعدين..
غسان ليه؟
ام وليد وهي تجلس قبالها لالالا خذي راحتك البيت بيتنا كملي سوالفك مع غسان عادي ماهو غريب...
غسان يوم سمع صوت ام وليد قال يالله اجل اتركك وانتبهي على نفسك...
هالة بقوة ليش تتوقع ان في احد اقوى مني!!
غسان سلامات مقدما...يالله باي...
سكرت منه وهي تناظرهم....
وهم كلهم ساكتين...
هالة باستفزاز أي مريم شلون مشاري؟ابوي يقول انه مايشوفه اصلا؟
مريم بلامبالاة مشغول مع العلة اخته يعني وين بيكون عساها ماتقوم من ها الطيحة؟
هالة بقوة تاْدبي وانتي تتكلمين..المرض مايشمتون فيه؟
ام وليد وهي تناظرها من فوق لتحت اخر زمن بنت العراقية بتجي تعلم بناتي ؟
وليد خليها يمه للحين عايشة دور الدكتورة مسكينة؟
هالة والله دكتورة وغصبا عن الكل بعد؟على الاقل ماحطني ابوي اشيك على المخازن واعين بضايع المينا...واشغال الادارة والحاسبة وكلها لغيري لانه ماعنده فيني ثقة؟
سكت وليد وقالت امه بقهر فديته يبي يتعلم كل الشغل مو بس الصغير حتى الكبير يبي يعرفه...تعرفين بكرة بيورث الحلال هو ولازم يعرف وشلون يديره..
هالة بحدة بعد عمرا طويل لاابوي....
مريم لاتسوين فيها الشيخ الفاضل...حال الدنيا وكلنا بنموت.....
هالة بصدمة انتي كذا مربية عيالك ياام وليد؟على ها المنوال؟الله يهونها عليك ياابو احمد لادريت عن تفكير عيالك؟
مريم انتي سكتي بس يالعقيم؟
هالة بحدة استخدمي اسلوب واعي بالحكي وبلا حركات الجاهلين انتي كبيرة وبتفتحين بيت؟
مريم لوت فمها وهي مو عاجبها حكي هالة وقالت بغباء يالعقيم زين...بعيدها بوجهك ليل نهار لين تشبعين منها؟
ام وليد باحتقار وليه متضايقة يعني ياهالة انتي فعلا عقيم وماتجيبين عيال؟ماكذبت مريم ولاجابت شي من جيبها....
كانت اروى الوحيدة اللي ساكتة لانها كانت نوعا ما اقوى علاقة باخونها من مريم ووليد وظلت ساكتة....
هالة علشان تغير الموجة قلبتها على اروى وقالت وهي تبتسم باحتقار واروى هانم في شنو سرحانة بالله؟بجراح وكيف تلاحقه من مكان الى مكان؟
تعدلت اروى بقعدتها وكاْنها ماتوقعت تسمع ها الكلام وقالت ام وليد بحدة مليونير..ويبيها وهي بنت عمته...الله يبعد عنهم الحساد ان شاءالله ويتمم لهم بخير؟
هالة وهي تهز راسها لاتدخلينه في بالها وانتي عارفة انه مايبيها؟
اروى بحدة وانتي ليه عارفة ومتاكدة انه مايبيني!!
وليد ماعليك منها ها المطلقة هاذي من غيرتها يااروى...متمنية لو يحصل لها واحد مثل جراح لو بحلمها بس ماهو حاصل....
هالة سكتت عنهم..
ام وليد بتاءييد أي والله...على بالها بيجيها واحد بمثل ها المستوى....انتي زين لاجاك شايب عايب عنده عشرين ولد مزوجهم ومزوج عيالهم بعد..تحمدين ربك ذيك الحزة...
هالة بقوة الحمدلله عايشة في بيت ابوي واصرف على نفسي من معاشي..ودكتورة وممشية اموري ومو ناقصين شي...السند والمرجلة حولي عساني مااعدهم اسمهم بس يهز المكان قبل يدخلونه..مو ناقصني رجال اكمل معه حياتي علشان اكون بخير؟
مريم أي صدقناك....
هالة اقول مريم..انتي عارفة وين بتروح زينة اذا طلعت بكرة من المستشفى؟
سكتوا كلهم وهم يطالعون فيها..
ابتسمت ووقفت وقالت ماراح اقولك بتركها لك مفاْجاة وقعدي فكري فيها طول الليل...
يالله بخاطركم مدام البيت بيتكم انا ها الوقت احب اكون فيه بروحي ارتب اموري؟
قالتها وركبت الدرج وسط نظراتهم كلهم اللي عليها ووليد اللي كان واقف بيروح وراها بس يد امه مسكته وهزت راسها بلا...
في شقة احمد دق الباب وراح احمد يشوف من على الباب بعد مادخلت ريم الغرفة....
ظل واقف قبال الباب يناظر باللي جاي بدون مايتكلم.....
ابو احمد مابتقولي ادخل يااحمد..
تنهد احمد ونزل راسه بالارض وقال باعتذار السموحة يبى...تفضل المكان مكانك....
تقرب ابو احمد منه وحط يده على كتفه وقال بلؤم هذا وانت السند والعون من بعدي وانت ماتكلمني على سالفة زواج يااحمد؟
شال يد ابوه من على كتفه وباسها بسرعة وتقرب من راسه وباسه وقال باعتذار صادق السموحة يبى...قص علي الشيطان...خلاني مااشوف الا مصالحي وبس!!!
سامحني ياجنتي وناري ترى مو قصدي....
ابو احمد بصدق احمد...انت الكبير واللي رافع راسي فوق بين الناس....تنهد وكمل ودمعة بعيونه واضحة....انا كل اللي احاول اسويه اني اشوفك افضل الناس في كل شي...ابي لك الزين كله...يمكن اني ماعرفت اسوي الشي ولاعرفت اوصله لك وتصرفت غلط...بس صدقني بعيالي كلهم محد يوازنك انت وهالة....
ابي اشوف الشي اللي فوق عندكم ومو مهم كيف اجيبه...بس لك علي اني مااعيد افتح أي سيرة تضيق خلقك وتعكر مزاجك....
احمد وهو يشده من ذراعه وش ها الحكي يابو احمد بس!!الحطب طاح ومابينا أي شي....
مهما سويت ومهما قلت انت الغالي عندي وبتظل غالي وكلمتك تمشي علي وعلى اللي يتبعوني بعد!!
افا بس ياابو احمد....لاتقول ها الحكي...احنا عيالك وملزومين بكلمتك...
ابو احمد كفو والله....هذا ولدك اللي ربيتيه ياام احمد عليك الف رحمة.....
احمد يالله ادخل تعشى....
ابو احمد لاوالله يبى انا بروح البيت بتعشى هناك...
احمد لاتخليني احلف عليك تدخل..
ابو احمد لايبى ابي اقعد مع خواتك اليوم مارجعت تغذيت معهم....
احمد انا اروح اجيب البنات...ادخل انت...
ابو احمد كيف تجيبهم بس يااحمد؟وهالة؟
سكت احمد ....
ابو احمد تدري روح خل مرتك تجهز وتعال انت معها تعشوا معنا....
من زمان ماقعدنا على سفرة وحدة وفرصة غسان ماهو هنا...
اشوفكم بكرة على خير ان شاءالله....
البارت الخامس والخمسين ,,,,,
ابو احمد تدري روح خل مرتك تجهز وتعال معها تعشوا من زمان ماقعدنا على سفرة وحدة وفرصة غسان ماهو هنا...
احمد طيب انت ادخل بدل ماتظل واقف كذا..
ابو احمد اذا منتوا مطولين بنتظركم في السيارة تحت بدل ماتجي انت بسيارتك بعدي؟؟؟
احمد وش تنتظرني بس يايبى ادخل بس ادخل حياك....
دخل ابو احمد وراح احمد لريم يناديها تلبس ويوم شافت ابوه تنهدت بس تقربت منه وسلمت عليه وباست راسه..
احمد يالله لبسي بنروح نتعشى مع هالة هناك...
ريم طيب.....
ابو احمد قبل لاتمشي تعالي ياريم...
وقفت قريب منه وعيونها على احمد...
حط يده بجيبه وطلع لها ظرف عطاها اياه...وظلت ساكتة
ابو احمد هذا حلاوة الحمل ياريم...وانسي كل شي صار يايبى...
ريم وهي منزلة راسهم ماصار الا كل خير ياعمي....
ابو احمد امسكي....
ريم ماله داعي...
احمد تعالي اخذيهم ياريم
شالتهم وباست راس عمها مرة ثانية وقالت عسانا ماننحرم منك ...
دخل الغرفة ولقاهم يرسمون ولاعبين لعب بالمكان اللي تحول الى تحفة فنية...
جلس قريب منهم يناظرهم ...
كان يحبهم...
من صغرهم وهو متعلق فيهم ..يشيل ويحط فيهم...
شي عزيز عليه....
نزلت عيونه بالارض...انت ماراح يصير عندك عيال ياجراح ....
يمكن علشان كذا ربك عوضك في بنات اخوك وخلاك تحبهم مووت,,
تنهد بقوة من ها الطاري وخلاهم ينتبهون له ويشهقون ورفع راسه ويوم شافهم يناظرون فيه بزعل ابتسم لهم,,,
جراح اجل ماتبون تكلموني؟
ناظروا في بعض وماتكلموا...
جراح ببتسامة اجل قدرت اخوفكم عدل ههههه
شيخة بتردد شلون يعني..
جراح وهو يضحك انا قلت لازم اتغير واخليكم تخافون مني !!شلون شلون قلت مالي الا اخوفكم علشان تحترموني اكثر؟
عايشة ودمعتها بعيونها قالت بخوف بس انت كنت معصب عدل وصرت تخوف؟
جراح هذا المطلوب علشان تخافون مني عدل؟
شيخة اخر مرة تسويها ياعمي ترى احنا قلنا مانبي نكلمك؟
عايشة طيب عمتي نسايم اللحين متعورة؟
تنهد جراح وقال في اشياء بين الكبار الصغار اللي بعمركم مايفهمونها غير لمى يكبرون.....
شيخة يعني اذا كبرنا بتقول لنا ليه ضربتها؟
جراح اممم...
عايشة خلاص سامحناك ..
جراح وبتقعدون في البيت....ولاتبون تروحون عند امكم؟
عايشة بنقعد مع ابوي علشان لاتسرق فلوسه اللي بيتزوجها؟
جراح يمه منكم؟؟؟؟
شيخة هههههه
جراح يالله كل وحدة تجي تعطيني بوسة بسرعة....
ام مطلق يالله قومي بتظلين حابسة نفسك بغرفتك؟
نسايم وهي على فراشها قالت بزعل عاجبك اللي سواه ولدك الخايس.فيني.؟
ام مطلق بحدة لاهو مو عاجبني تمنيت يقطع لسانك ويفكنا منه مرة وحدة؟
نسايم يمه..
ام مطلق انتي متى بتتعلمين تحترمينه...
نسايم اشوف عادي صار عندك يوم يضربني؟
ام مطلق تنهدت لاماهو عادي وزعلت منه وقلت له لايمد يده لاعليك ولاعلى اختك مرة ثانية اذا يبي رضاي بس بعد انتي تاْدبي واحترمي اخوك..وش ها الكلام اللي تقولينه له...عيب عليك والله؟
نسايم هاذي الحقيقة مو هو مرة قال انه يحب وحدة وهي
ام مطلق بحدة ووجع اللي يوجعك؟انتي ماتسكتين وتنسين الكلام اللي تسمعينه؟انا بروحي مو عاجبني حاله وانا اشوف اللي مثله استقروا..وهو اللي مو ناقصه شي يقعد لي اخر الليل ويمسك العود ويدندن؟
قلبي منفطر عليه بس شسوي...ماابي اجبره على شي ممكن يكون يتعبه زيادة...
سكتت نسايم وماعجبها الحكي وقالت اجبريه يمه لاتتركينه على راحته؟
ام مطلق وازيد همه هم..واتعب معه بنت الناس اللي مالها ذنب؟واعيد قصة مطلق ؟لاانا مقتنعة بكلام ابوك...اذا هو يبي بيجي بنفسه بيقول مثل اخوه يوم نوى يستقر كاهو هو اللي جانا وقال..
نسايم اعتدلت بقعدتها وقالت الا يمه صدق...مطلق منو يبي يخطب؟وحدة نعرفها؟شايفينها قبل؟
تنهدت ام مطلق وقامت وقالت وهي عند الباب كل شي بوقته حلو...
نسايم قامت لها وقالت بترجي يمه قولي تكفين....
ام مطلق مقدر يمه هو قايل وموصي علينا مانقول لااي احد لين تتم الخطوبة؟
نسايم أي بس انا مو أي احد انا اخته...
ام مطلق وهو موصي عليك انتي بالخصوص انك ماتدرين لاتقلبين السالفة على كيفك.....
قالتها وطلعت وتركت نسايم وسط قهرها....
نسايم طيب يامطلق يعني يكون مسوية فيها ابظاي بها الحركة...مصيرك بتتزوجها وبعرفها وبنشوف وش بتسوي....اذا ماافضحك عندها واطلع بلاويك السودة من كنت في بطن امك مااكون انا نسايم اللي ماتبي تقولي يامطلق وبنشوف؟
على سفرة بيت ابو احمد...
ابو احمد يعني سبحان الله غابت دارين وجيتوا بدالها....
احمد الا هلهول وش صار على ورق العنب ذاك اليوم؟
هالة راح عليك..
احمد شفتك قلتيلي مر خذ لك..
ابو احمد سبحان الله تسويه مثل امها تماما....
احمد لاانا زعلان منك ورى ماعطيتيني؟
هالة انت قبل لاتمشي اكلت ولاتقعد تتعاير؟
احمد حرام عليك ثنتين بس اللي اكلتهم وانتي تحطين لزوجة غسان الحلوة؟
ابو احمد زوجة غسان؟منو هاذي؟؟؟؟
هالة هههههه وحدة مو لازم تعرفها يبى.....تقول عجبها وخطبته لنفسها...
ابو احمد بعد!!
هالة بضحكة واثقة حالها حال غيرها...
ناظرها ابوها وسكت واحمد حب يغير الجو شصار على المشروع اللي كنت عارضه عليك؟
ابو احمد والله ماصار في وقت اشوفه...يالله اذا ماعندك شي نشوفه اللحين؟
احمد قام وقال يالله..
قاموا احمد وابوه وريم معترضة ماكمل اكله...
هالة اذا حرقه الجوع بياكل..
ريم صاير مايهتم بنفسه ابدا....
هالة بها المرحلة انتي المهم مو هو.....
سكتت ريم وحطت يدها على بطنها...
هالة بسرحان وش متوقعين يجيكم.....
ريم بتنهيدة عميقة مدري بس انا حاسته ولد.....واحمد ماله راي كل شوي يقول شي....
هالة بتمتمة الله يتمتم لكم على خير....
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك