رواية الله يسامح اثنين جابوني للدنيا و راحو و خلوني -41
راكان حضنها بحنانه اللي دانا تعرفه:ماعاش والله اللي يبكيك
داناحضنته بقوه:ليش سويت فيني كذا ليش؟
راكان :قلت لك غصبن عني
دانا وخرت عنه وطالعت بعيونه:طيب فهمني ليش غصبن عنك؟
راكان نزل راسه
دانا رفعت راسه:قلي ليش؟بعدين وجهك شفيه شاحب كذا وش اللي متعبك قلي تكفى
راكان دانا عن حضنه وجلس و إنهار وقعد يبكي:لأن المرض زاد علي وخلاص أبموت
دانا شهقت :بسم الله عليك بعد عمر طويل إن شاءالله عسى يومي قبل يومك
راكان:لا يادانا أنا خلاص ايامي قليله بـ هالدنيا عشان كذا بعدتك عني أبيك تعودين على غيابي وأنا حي عشان تتقبلين خبر وفاتي
دانا جلست على ركبها وقربت وجهها من وجه راكان وقعدت تبكي:لا حرام عليك لاتقول كذا أنا ماأقدر أعيش بدونك
بعدين إن شاءالله راح تسوي العمليه وتصير أوكيه
راكان :لا حتى العمليه ماعاد تنفع ونسبة نجاحها قليله
دانا إنقهرت عليه:أنت شفيك يائس كذا إ شاءالله راح تنجح العمليه وبتصير مثل أول وأحسن
راكان :ماأظن
دانا مسحت دموعه :لا بتنجح يعني بتنجح فاهمني؟راح تنجح عمليتك راح تنجح
راكان ضمها:ياعمري أنتي والله شايل همك وهم أهلي وهم بنتي
دانا:خلاص تكفى لاتقول كذا
راكان مسح دموعها وباس خشمها وباس خدودها:يله قومي خلينا نرجع لبيتنا
دانا قامت :طيب أوعدني إنك تسوي العمليه
راكان:أصلا بدون ماأوعدك لازم أسويها
دانا :الله يخليك لي ولايحرمني منك يارب
راكان بحزن:آمين
دانا:مابي أشوف هالحزن بعيونك
راكان:من عيوني ياعيوني أنتي
دانا ضمته:والله العظيم أحبك
راكان:وأنا أموت عليك حبيبتي
دانا:يله بروح أضف أغراضي
راكان مسك يدها:لحظه
دانا طالعت فيه:وش تبي ياقلبي؟
ريم كانت جالسه هي وإمها بغرفتها
كانت محتاره ماتدري من وين تبدأ
توكلت على ربها
وقالت لإمها كل السالفه من أول ماتعرفت على سلطان بالماضي
لين آخر شي
إمها حطت يديها على راسها:الله وأكبر عليك كل هذا سويتيه ؟وحنا وين كنا عنك؟
ريم:يمه تكفين لاتزيدين همي هم خلاص أنا تبت ونسيت ليش الناس ماينسون ومايرحمون ولايتركون رحمة الله تنزل
حتى أنتي يمه بتصيرين ضدي
تكفين يمه ساعديني أبي أفهم خالدالسالفه
إذا موب عشاني عشان اللي فبطني مايضيع مستقبله
إم ريم وهي مقهوره من بنتها:والله ماعندي شي أقوله لك الله يستر إبوك لادرى وش بيسوي
أخاف يموت علينا وأنتي السبب
طلعت وإتركتها
ريم قعدت تبكي بقهر يااااااااااااااااارب رحمتك ياااااااااااااااارب
اليــوم الثــاني
عبدالعزيز دق على دانا
وقالها السالفه
دانا إنصدمت
قفلت منه الخط وقعدت تبكي
راحت توضت
وقعدت تقرا قرآن
راكان توه جاي من صلاة التراويح
إنصدم من خشم دانا الأحمر باين إنها توها باكيه جاء وجلس عندها:سلامات دانتي شفيك؟
دانا سكرت المصحف ونزلته على الطاوله :خالد ياراكان خالد
راكان:شفيه؟
دانا قامت:راكان قوم ودني لبيت صديقتي ريم
راكان:وش السالفه؟
دانا :أبروح أجيب عباتي وأقولك السالفه بالسياره
راكان وهو مفهي وماهو عارف وش السالفه:طيب
مي كانت قاعده تضف المجلات اللي طايحه بكل مكان بالصاله وتتحلطم:الله ياخذ إبليسك ياروانوه بكل مكان راميه المجلات وأنا اللي أجي وراها وأضف حشى شغالتها صرت موب إختها
لفت وصرخت شوي وتطيح من طولها لأن عزام كان لابس قناع وواقف وراها
مي وهي حاطه يدها على قلبها وتتنفس بتعب:يمه الله ياخذ شيطانك خوفتني
عزام ميت عليها من الضحك
مي ضربته مع راسه :مالت عليك
أخذت المجلات وراحت عنه
عزام طاح على الكنب من الضحك
شكلها كان يضحك وهي خايفه
مي صعدت فوق وهي تركض ومتحلفه بروان تبي تحط حرة عزام فيها
دخلت الغرفه شافتها نايمه الإخت ومكيفه
طاحت عين مي على كاس المويا اللي على الكومدينا
إبتسمت بخبث راحت وأخذت كاس المويا
وجات عند وجه روان وصبت المويا عليها
روان قامت مفزوعه وتشاهق ماتدري وش صاير
شافت مي وهي تضحك
أخذت مخدتها وحذفتها على مي:الله ياخذك ياهبلا
مي:أحسن تستاهلين عشان ثاني مره ماترمين المجلات بكل مكان وتروحين وتتركينها
روان:كولي هوا بس
وقامت وراحت دخلت الحمام والجميع بكرامه
مي قعدت تضحك على كشة روان المنفوشه وعيونها اللي فيها نوم
طلعت من غرفة روان وراحت لغرفتها
راكان كان مصدوم من اللي سمعه من دانا
وصل عند بيت إبو وليد
وقال لدانا:يله حبيبتي إنزلي
دانا وهي تمسح خشمها وتعدل لثمتها:طيب
اااء بس لاتنسى تمر علي الساعه 10
راكان وهو يأشر على عيونه:من عيوني
دانا:تسلم لي العيون وصاحبها
نزلت وسكرت باب السياره ودقت الجرس
فتحت لها الشغاله ودخلتها داخل
جاتها إم ريم وسلمت عليها:هلا والله بدانا تو مانور البيت والله
داناإبتسمت :منور بأصحابه
إم ريم دخلت دانا بالمجلس
وراحت تنادي ريم
كلها عشر دقايق تقريبا وريم جايه لدانا وعيونها مليانه دموع
دانا أول ماشافت ريم قامت وضمتها
ريم قعدت تبكي:اكيد دريتي وش صار فيني صح
دانا:إيه
ريم:آه يادانا آه محد راضي يفهمني حتى إمي
أنا خايفه من إبوي لادري مدري وش بيسوي
داناجلست وريم جلست جنبها:الحين سلطان اللي زمان قلتي لي سالفتك معاه طلع صديق اخوي خالد؟
ريم:إيه
دانا :سبحان الله صدق الدنيا صغيره
ريم:حسبي الله ونعم الوكيل كان يجيني للبيت لاراح خالد لدوامه ويهددني إني إذا علمت راح ينشر صوري اللي عنده بالنت وانا مابي لنفسي الفضيحه
وكان اللي بيننا بس بوسات وأنا ماكنت راضيه وربي كنت أضربه وأبعده عني بس آخر مره جاء أخذني وإغتصبني بغرفة نومي وجاء خالد من دوامه بدري وصار اللي صار
دانا:لاحول ولاقوة إلا بالله
ريم:تكفين دانا أنتي الوحيده اللي عارفه السالفه من البدايه روحي لخالد بالسجن وفهميه السالفه
دانا:والله ودي ياريم بس انا حامل وتعبانه وتعرفين خالد موب مسجون بالرياض مسجون بالشرقيه والسفر موب زين لي بس إن شاءالله بفهمه السالفه لاطلع من السجن لأن عبدالعزيز بيروح هو ونايف ويظغطون على إبو سلطان لين يتنازل
ريم:يارب يفهم السالفه ويقدر يارب
دانا:بس ترى الموضوع موب سهل مثل ماأنتي متخيلته ياريم الموقف صعب على خالد حيل صعب لاتنسين إنه شافك مع صديقه وبغرفة نومه
ريم نزلت راسها بالأرض وقعدت تبكي:أدري إن الموقف صعب والله أدري حتى لدرجة إنه يقول ان اللي فبطني من سلطان مو منه
دانا :هدي نفسك إن شاءالله مايصير إلا كل خير
ريم مسحت دموعها:إن شاءالله يلا عن إذنك بروح أجيب القهوه
داناتنهدت وهي راحمه ريم:خذي راحتك
رآحت أيام وليالي رمضان بسرعه
قضوها أبطالي بطاعة رب العباد
والكل منهم يتمنى إنه أدرك ليلة القدر
وبكره العيــــــد
زواج نايف ووفاء
وريتان وعساف
وحاتم وحنان
ثـاني أيام العيد
ريتان وحنان ووفاء خلصوا تجهيزاتهم لزواجهم
دانا بدت تجهز ملابس لبنوتتها لأن ولادتها قربت
ريم كل شهر بطنها يكبر أكثر من الشهر اللي قبله
وهمها كل يوم يزيد
تعبت من كثر البكي
جفونها ماغفت ليله مثل الناس
حتى بنومها انواع الكوابيس
كل يوم تدعي ربها إنه يحن قلب خالد عليها
خالد نفسيته تعبانه مره
منظر ريم وسلطان ماغاب عن باله
من كثر مايفكر حتى وهو يصلي التفكير بخيانة ريم مايفارقه
وبالليل الناس نايمين ومرتاحين
وهو يبكي ومهموم
السجن موحش وكئيب
توه عرف طعم الحريه
صدق محد يحس بالشيء إلا إذا فقده
آه من طعم الخيانه مربالحيل
عنده فضول يعرف ريم من وين عرفت سلطان؟
عنده فضول إن ريم تبرر له المنظر اللي شافه؟
بس لا لا مايقدر
هو يحس إتجاه ريم بحقد وكره شديد
هي خانته ومايهمه شلون ووين عرفت سلطان
المهم إنها خانته وبس
هو يظن إنو حتى اللي فبطنها اكيد من سلطان موب منه
عبدالعزيز كان هو ونايف عند إبو سلطان
نايف كان بهيبته ورزته قاعد يتكلم مع إبو سلطان بهدوء :ياإبو سلطان خلاص الله يرضى عليك ولدك راح ورقبة خالد ماراح ترجع ولدك
وخالد زوجته حامل يعني كان ضميرك حي للحين مامات أكيد مايرضيك إن ولده الي للحين ماطلع على الدنيا يصير يتيم وانت السبب
وأنا مستعد انا وابو البراء ندفع لك من المليون للمليار لو تبي
بس نبيك نتنازل
ترى الله يحب العفو
حط نفسك مكان خالد لو كنت انت اللي بتنقص رقبتك
بعدين ولدك خان خالد مع زوجته يعني خالد المسكين ماينلام
نخيتك مانخيت رخوم أبيك تتنازل عنه بكره العيد خله يطلع ويستانس تراه بحال مايعلم فيه إلا الله
إبو سلطان نزل راسه مايبي نايف يشوف دموعه
مسح دموعه بشماغه ورفع راسه وقال لنايف وعبدالعزيز اللي متحمسين يعرفون جوابه:خلاص ياعيالي أنا متنازل عن اخوكم لوجه الله ومابي منك ولا ريال
نايف قعد يكبروهو مبتسم وماسك نفسه لايبكي:الله أكبر الله أكبر الله يجزاك خير الله يجزاك خير
عبدالعزيز من قوة الفرح باس راس ابوسلطان:تكفى يابو سلطان لاتردني أبكتب لك شيك بمليونين ريال وقسمه على عيالك
ابو سلطان:لا والله ياولدي ماابي منكم شي يكفيني الفرحه اللي شفتها بعيونكم
عبدالعزيز:لا يابو سلطان حلفت عليك عاد
ابو سلطان:اجل دامك حلفت مانيب رادك
طلعوا من عند إبو سلطان
نايف دق على دانا وبلغها
وقالها إنهم بكره راجعين ومعاهم خالد
دانا بكت من الفرحه ودقت على ريم تبشرها
ريم بكت مع دانا
وترجتها إنها ماتنسى وتبلغ خالد بالسالفه يمكن يتفهم وضع ريم
صبـــــــــاح العيــــــــــد
دانا كان عليها روب الحمام توها ماخذه شاور
ولافه المنشفه على شعرها
وقاعده تجهز لراكان ملابسه
عشان بتصحيه
جات عنده وباسته مع خده
راكان فتح عيونه وإبتسم لها
دانا:صباح الخير حبيبي
راكان:صباح الورد ياقلبي
دانا:كل عام وانت بخير وكل عهام وانت قلبي
راكان سحبها لحضنه:وانتي بخير ياقلب راكان انتي
دانا قعدت تربط روبها اللي إنفك:يوه راكان ترى عجزانه آخذ شاور ثاني
راكان قام وهو يضحك:هههههههههههههه طيب بتركك هالمره لأني راحمك انتي وكرشك هاذي يالبطه
دانابوزت:اكيد بصير بطه من بنتك اللي متربعه فبطني
راكان باس بطنها:يالبى بنتي بس خليها تربع وتاخذ راحتها
دانا:ههههههههههههه طيب يلا روح خذ لك شاور عشان يمدينا نروح لإمي ونعايدها بعدين نروح لبيت أخواني
راكان:طيب
وخر اللحاف عنه وقام وراح لـ الدولاب أخذ روبه وراح ياخذ له شاور
دانا قامت وراحت طلعت الفير من درج الكومدينا
وقعدت تسوي شعرها على السريع
خالد طلعه العسكري من السجن وجابه لغرفة الظابط
وشاف نايف وعبدالعزيز وإستبشر بالخير
الظابط قام وتركهم على راحتهم
نايف قام من الكرسي هو وعبدالعزيز
وإجو عند خالد
خالد رفع إيديه اللي مكلبشه بالكلبشات
وضم نايف وعبدالعزيز جميع:عيدكم مبارك
نايف وهو يطبطب على كتفه:عيدك أبرك يالغالي وعساك من عواده إن شاءالله
عبدالعزيز:أبشرك ابو سلطان تنازل عنك
خالد ماقدر يوصف شعوره لهم:الله يبشرك بالخير ياعزوز
عبدالعزيز قعد يستهبل عليه:عزوز بعينك انا الحين ابو عيال وانت تدلعني
خالد ضحك:ولايهمك ياابو البراء
نايف:يله يله نكمل سوالفنا برى السجن
خالد:لحظه بس ابنادي العسكري اللي عند الباب يفك كلبشاتي وباخذ اغراضي واجي معاكم
بعد ماأخذ خالد اغراضه وجاء ابو سلطان عشان يبلغ الشرطه بتنازله
وخلصو أوراق التنازل
طلع خالد مع اخوانه
وهو مبتسم ويستنشق الهواء النقي
حس إنه توه طلع لـ الدنيا
ركبوا بالطياره اللي متوجهه للعاصمه
فـ بيت ناصر آلـ
دانا
وبشاير لابسه حجابها والبراء بحضنها
كانوا جالسين ينتظرون العيال نايف وخالد وعبدالعزيز على أحر من الجمر
قامت دانا فتحت الستاره ووقفت تطالع
أول ماشافت العيال داخلين
راحت للباب وهي تقول لبشاير:وأخيرا وصلوا
بشاير شالت البراء وراحت ورى دانا
دانا فتحت الباب واول مادخلوا حضنت خالد:الحمدالله على سلامتك
خالد:الله يسلمك
دانا:طمني عنك شخبارك؟
خالد:عايش
دانا حزنت عليه:كل عام وانت بخير
خالد:وانتي بخير
وخرت عن خالد
وسلمت على إخوانها عبدالعزيز ونايف وعايدتهم
بشاير بخجل:الحمدالله على سلامتك خالد
خالد:الله يسلمك
نايف:إلا أقول دانا
دانا:سم
نايف:سم الله عدوك راكان وينه
دانا:نزلني ورجع للبيت
نايف:خساره كان جلس ماعايدناه
دانا:ولايهمك لاجاء ياخذني العصر أخليه يدخل يعايدكم قبل نمشي
نايف:خير إن شاءالله
كلهم دخلوا داخل بالصاله
عشان يتقهوون وياكلون (حلاو العيد)
ريتان كانت جالسه مع أهلها وتستهبل عليهم هي وحاتم
يقولون اليوم آخر أيام العزوبيه لنا ~_^
الظهر الساعه 2:00(بعد وجبةالغداء)
دانا طقت باب غرفة خالد بشويش
خالد:مين؟
دانا :أنا
خالد:حياك إدخلي
دانا دخلت وسكرت الباب وراها وجات وجلست على الكرسي وقعدت تلعب بدبلتها:ممكن أتكلم معاك بخصوص
خالد قاطعها:بخصوص إيش؟
دانا بهمس:بخصوص ريم
خالد عصب:دانا الله يرحم لي والديك مابيك تفتحين جرحي اللي توه مابرى
دانا:مايصير ياخالد لازم تفهم السالفه ترى البنت مظلومه
خالد:مايهمني مظلومه وإلا موب مظلومه يكفي إني شفتها بعيني مع غيري وبفراشي
دانا:طيب إسمعني وخلني أفهمك السالفه
خالد:لو تفهميني من هنا لبكره ماعاد ينفع ريم يادانا إجرحتني واهانتني وإقهرتني شفتها بعيني مع أقرب صديق لي
دانا:بس هو هددها لو ماسوت له اللي يبيه بيفضحها
خالد طالعها وباين من عيونه إنه تحمس يفهم وش السالفه؟
دانا:هاه تبيني أفهمك السالفه؟
خالد تنهد:قولي
دانا:ريم قبل لاتتزوج كان بينها علاقه هي وسلطان بس علاقة جوال عمرها ماقابلته
بس شافوا بعض عن طرق الصور
خالد :بس بس لاتكلمين خلاص دام بدايتها كذا ماابي أسمع شي يكفيني القهر اللي فيني ماني ناقص قهر زياده
دانا:خالد تكفى ياشينك خلني أكمل ولاتقاطعني
خالد وهو يتطنز:يله يله كملي خليني أسمع قصة زوجتي الشريفه
دانا طالعته بعتب ماتبيه يقول عن ريم كذا:المهم وسلطان خان ريم وسحب عليها وقالها إنه لقى غيرها ريم من بعد هالسالفه غيرت رقمها وتابت ودعت ربها يقبل توبتها صحيح إنها إنجرحت من سلطان بس إنها حقدت عليه وماسامحته
ومرت الأيام
وانا خطبتها لك صدقني أنا لوإني موب واثقه فيها كان مازوجتك إياه بس ريم طيبه وحساسه وعاطفيه
وخلاص هي صح غلطت بس تابت
يعني إذا الله يرحم حنا ليش مانرحم ونساعدها على نسيان ماضيها
بعدين عاد يوم إنكم تزوجتوا ونقلتوا لـ الشرقيه
إنصدمت بيوم من الأيام إن سلطان اللي تعرفه زمان طلع صديقك
وهو الحقير نشب لها وقالها لو ماعطيتيني زي ماتعطين خالد راح أفضحك وهي ماكان بيدها حيله
وكانت تضربه وتبعده عنها وتدعي عليه
بس هو لما أنت جيت وشفتهم كان مغتصبها موبراضاها ياخالد
ريم موب خاينه واللي فبطنها منك ياخالد موب منه سلطان لما شفته معاها كانت هاذي اول مره يلمسها
خالد ضرب السرير بقوه بيده وقال بعصبيه:الواطي
دانا فزت:بسم الله خوفتني
خالد:ماتوقعته واطي لـ هالدرجه
دانا:خلاص عاد هو مات وماتجوز عليه إلا الرحمه ربك بيحاسبه
خالد:الله لايرحمه
دانا:إستغفرالله خالد لاتقول كذا
خالد:بسبته انا طلقت ريم وظلمتها والمشكله ماأقدر أرجعها ماأقدر مستحيل أتقبلها كزوجه لي مستحيل انام انا وياها بفراش واحد
دانا:لا بتقدر بس انت لأنك حاط الموقف اللي صار براسك ومنت قادر تنساه
خالد:لا موب عشان كذا بس كرامتي ورجولتي ماتسمح لي إني أرجعها عقب اللي شفته
دانا:الحب مافيه كرامه انت تحب ريم وريم تحبك والذنب ماهو ذنبها لازم تسامحها حرام عليك
خالد:مدري أفكر بالموضوع
الحين ممكن تطلعين أبنام شوي قبل يئذن العصر
دانا:الله يسامحك طرده يعني؟
خالد:لا بس بنام
دانا:طيب نوم العوافي
خالد: الله يعافيك
طلعت دانا وهي متأكده إن خالد ماراح ينام لأنها شافت الدموع بعيونه
خالد مسح دموعه اللي خانته قدام دانا
إنسدح وقال بهمس:آه ياريم لو تدرين شكثر أنا مشتاق لك وولهان على صوتك وضحكتك وكل شي فيك رغم خيانتك لي إلا إني ماني قادر أنساك
وتوني دريت إن خيانتك لي كانت غصبن عنك
ثـاني أيام العيد
ليلة زواج (وفاء ونايف)
(ريتان وعساف)
(حاتم وحنان)
بقـــاعة (اليــخـــت)
وقت زفة العرايس والمعاريس
الكوشه كانت خياليه
إنزفوا العرايس الثلاث على أغنيةالله يهنيك فيني لأسيل عمران
الله يهنيك فيني
والله يهنيني فيك
ياعسى تبقى بيديني
وياعسى أبقى بيديك
إن طلبت أعطيك عيني
والله ماتغلى عليك
اللي مابيني وبينك
اغلى من الدنيا ذيك
ولاتضحك أحلفك
في لقانا الاولي
لما جا كفي بكفك
وكانت عيونك علي
ارتبكت من زود لطفك
وقلت في نفسي اثقلي
رغم إني ما أعرفك
بس شعرت إن انت لي
وهذا احنا يا حياتي
نبتدي درب جديد
أوعدك حتى وفاتي
ما أتركك لحظه وحيد
معاك اشعر بذاتي
والرضا فيني يزيد
ما أخاف وما أحاتي
والحزن عني بعيد
’’’’
تـــابع للبــارت ::
كانت إم راكان وإم وفاءوإم حنان
ودانا وبشاير
هم اللي زفوا العرايس
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك