رواية الله يسامح اثنين جابوني للدنيا و راحو و خلوني -40
ريم كانت حاطه راسها على صدر سلطان
سلطان كان يلعب بشعر ريم ومستغرب منها إنها ساكته وماإعترضت
سلطان حس بتأنيب الضمير ورحمها لأنها كانت تهتز باين إنها تبكي وكاتمه بكاها ومستسلمه له
سئلها بهمس وهو يحس إن سؤاله ماله داعي :شفيك؟
ريم جلست وهي تطالع فيه بحقدوتبكي:يعني شفيني؟لك وجه تسئل؟خلاص أخذت اللي تبيه؟
سلطان: يعني بتفهميني إنك موب راضيه باللي سويناه !
ريم:ولك عين تقول هالكلام بعد! لاتظن إني ميته عليك بس شسوي مابيدي حيله أنت مستقوي علي ومسوي رجال
سلطان عصب من كلمتها:أنا رجال غصبن عنك
ريم ضحكت بسخريه:هه باين
سلطان عطاها كف
ريم إبتسمت وطالعته بنظرات كلها تحدي ودموعها على خدها تبي تستفزه
سلطان عطاها كف ثاني وإثنين وثلاثه
لحد ماطاحت ريم وصرخت بقهر:آآآآآآآآآآآآآآه الله لايوفقك الله يوريني فيك يوم
سلطان شدها مع شعرها وسحبها له:صدقتي إني رجال وإلا تبيني أثبت لك؟
ريم:يعني أنت تظن إن اللي سويته فيني رجوله ترى الرجوله بالأفعال السنعه والنخوه والشهامه
وإلا إذا على هالأشياءترى حتى أنا مستعده أوريك مهاراتي
سلطان فهمها غلط:ياإنك وقحه بجد
ريم:بس موب مثل وقاحتك
سلطان قرب منها:طيب يله وريني مهاراتك
ريم:أبشر ماطلبت شي قربت منه ورفسته برجلها على بطنه
وعطته كف بقوه
سلطان مسح على لحيته وهو ماسك نفسه عنها لايعطيها كف يشيل خدها:خلصتي؟
ريم :كل تراب بس
سلطان:يعني مسويه منتي خايفه مني؟
ريم طنشته
سلطان سحبها لحضنه:تعالي أوريك مهاراتي اللي غير شكل
مسك إيديها عشان ماتضربه ولاتقدر تسوي شي وطاح فيها تبويس
بس عناد فيها
خالد وصل البيت
جاء بيفتح الباب وإستغرب إنه مقفل
طلع المفتاح وفتح الباب
ودخل وسكر الباب
ونادى ريم بس ماردت عليه فقال أكيد إنها نايمه
نزل باقة الورد والأغراض على الطاوله
وصعد فوق وهو مبتسم يحس إنه مشتاق لريم حييييييل
لها كم يوم متغيره عليه
بس إستانس إنها الصباح قبل لايروح لشغله ضمته وقالت له إنها تحبه
فتح غرفة النوم وهو مازال مبتسم
إختفت إبتسامته
وإنصـــدم
حس بألم فضيييييييييييييييع بـقلــبه
الدموع تجمعت بعيونه وحس إن شياطين الإنس والجن كلها ركبته
حس إنه إنهار وراح يطيح من طوله
موب مصدق اللي يشوفه
زوجته وصديقه مع بعض
لاوين بعد!
بغرفةنومه
سلطان إنصدم وخر عن ريم وجلس وتعلقت عيونه بعيون خالد
ريم شهقت وحطت يدها على فمها تبي تبلع ريقها ماهي قادره
قال بصوت باكي :الله يلعنكم ياكلاب الله يلعنكم
ريم قعدت تقول كلام ماهي حاسه فيه من الخوف:خالد وش جابك
خالد بعصبيه:إيه خالد يابنت الكلب خالد أشوا إني جيت وشفت فعايلك انتي وهالكلب اللي معك ياحسافة الصداقه والأخوه اللي كانت بيني وبينه
سلطان نزل راسه بالأرض وماقدر يرد
ريم:خالد تكفى بس إسمعني خلني أفهمك!
خالدمسح دمعه نزلت من عينه مايبي يبكي قدامهم:وش تفهميني؟خلاص أنا شفت كل شي بعيني
راح وتوجه لـ الدولاب وطلع صندوق صغير بسرعه فتح الصندوق وطلع منه مسدس
ريم صرخت :خالد لاتكفى
سلطان كان يطالع خالد وخايف
خالد كان ماهو بوعيه كل اللي يبي يسويه يذبح سلطان ويتخلص منه
وجه المسدس بيد مرتجفه على صدر سلطان العاري
ريم غمضت عيونها وحطت إيدينها على آذانها
خالد رمى سلطان ثلاث طلقات
سلطان طاح عند سيقان ريم ودمانه بكل مكان على السرير
ريم قعدت ترتجف وتبكي
خالد طاح المسدس من يده وجلس على الأرض وقعد يبكي
ريم لمت نفسها بالشرشف وجات عند خالد وحطت يدها على كتفه:خالد أنت شسويت يامجنون
خالد رمى يدها بقرف :وخري عني لاتلمسيني ياقذره
ريم قعدت تترجاه:خالد تكفى إسمعني والله أنامظلومه
خالد:تخسين سحبها مع ذراعها
وطلعها من الغرفه
وسحبها مع الدرج
ريم كانت تصارخ وتبكي وتترجاه
خالد ماكان يسمعها كان مره متألم ومصدوم
وماهو بوعيه
ريم:خالد تكفى شوي شوي لاتذبح اللي فبطني
خالد:أحسن خليه يموت أكيد إنه من هالكلب موب مني
ريم:خالد حرام عليك أنت وش قاعد تقول
خالدوصل عند الباب:اللي سمعتيه
ريم: إترك ذراعي حرام عليك
خالد فتح الباب رماها على الأرض وتفل قدامها:روحي وأنتي طالق ياخاينه
ريم:خالد لا تكفى الله يخليك لا تطلقني
خالد:كولي تراب بس روحي تقلعي من بيتي مابي أشوفك
ريم طالعت نفسها:شلون أروح وأنا بـ هالحاله بعدين أهلي بالرياض وين تبيني أروح
خالد:ملي دخل فيك المهم مابي أشوفك فبيتي
سكر الباب وطنش صياح ريم وصراخها وهي تطق الباب تبيه يفتح لها
رفع راسه وطاحت عينه على باقة الورد اللي على الطاوله
راح بسرعه وأخذها
ورماها على الأرض وداس عليها بنعاله بكل قوته وكأنه يدوس على ريم
جلس على الأرض وقعد يبكي ومنظر ريم وسلطان ماغاب عن باله
بكى خيانة صديقه له
بكى خيانة زوجته له
قلبه مجروووووووح ومتألم
وتعبان
أول مره يبكي وينهار لـ هالحد
تذكر إنه قتل؟
إيه قتل !
حس كأنه توه صحى
لأنه قبل شوي كان ماهو بوعيه
فقد عقله لما شاف اللي شافه
طلع جواله ودق على عبدالعزيز وهو منهار حيل
عبدالعزيز:الو
خالد وهو يبكي ومنهار حده:عبدالعزيز تعال بسرعه لـ الشرقيه
عبدالعزيز إنصدم:شفيك خالد؟
خالد:أناذبحت سلطان
عبدالعزيز:إيش؟سكران أنت؟وش قاعد تخربط!
خالد:ياليتني سكران كان ماشفت اللي شفته
عبدالعزيز:ياخي فهمني وش السالفه؟
خالد:انت تعال وأنا أعملك السالفه بس دور لك أقرب حجز لـ الشرقيه لأن بالسياره راح تطول والموضوع خطير
عبدالعزيز:طيب طيب إن شاءالله ثمان ونص وإلا تسع بالكثير وأنا بالشرقيه
خالد:زين
وسكر الجوال ورماه على الأرض
فهد خطب بيادر
وقرروا إن الملكه والزواج
يصيرون السنه الجايه إذا تخرجت بيادر من الثانويه إن شاءالله
وهالشيء ريح فهد
عشان يمديه يكمل الجلسات اللي بقت له
عشان يتخلص من الأفكار اللي داخله
نايف ووفاء
زواجهم بنفس اليوم اللي راح يكون فيه زواج
ريتان وعساف
وزواج حاتم وحنان بعد بنفس اليوم
حنان كانت مستانسه إنها هي وريتان زواجهم بنفس اليوم
إم راكان كانت تعيش مشاعر متناقضه
فرحانه ومتضايقه بنفس الوقت
فرحانه لعيالها حنان وحاتم
بس متضايقه إنهم بيتزوجون بنفس اليوم وراح يكونون بعيدين عن عيونها
حاتم مره مبسوط شراله بيت متواضع
بس أثاثه حلو وأنيق وفخم
ريتان تفكر إنها تقول لعساف بالملكه إنهم يسكنون عند أهلها
بالجناح اللي جنب جناح راكان ودانا
جناح واسع وفاضي مافيه أحد
بس ماتدري عساف بيوافق أو لا
لأنه يمكن يرفض إنه يسكن عندأهل زوجته
بـ الليل الساعه 9:00
ريم عيونها تنفخت من البكي
كانت خايفه
ماتسمع إلا صوت أشجار الحديقه
وصوت صراصير الليل
وانوار الحديقه طافيه
رجليها موب قادره تشيلها عشان تقوم تولع الأنوار
فجأه سمعت صوت الجرس
خافت تلحفت بالشرشف زين
فزت لما خالد فتح الباب وطلع عشان يفتح الباب حق الشارع
خالد شغل الأنوار وفتح باب الشارع
ريم تمنت الأرض تنشق وتبلعها ولا تكون بـ هالموقف
عبدالعزيز إنصدم من اللي يشوفه
طالع خالد:لاحول ولاقوة إلا بالله وش صاير؟
خالد:إدخل داخل وأقولك
عبدالعزيز:طيب زوجتك وش فيها!
خالد :ماعليك منها إمش داخل بس
دخل عبدالعزيز معاه وهو موب فاهم شي
ريم ضمت رجليها ودفنت راسها بين ركبها وقعدت تبكي
عبدالعزيز:فهمني وش السالفه؟
خالد:جيت من شغلي وشفت زوجتي وخويي على سريري وبغرفة نومي
واللي قاهرني مدري من وين عرفوا بعضهم عاد انا من الصدمه ذبحت سلطان وطلقت ريم
عبدالعزيز فتح فمه:انت من جدك أنت؟وش اللي سويته يامهبول؟
خالد:إيه من جدي أجل تبيني أصفق له!
عبدالعزيز ترك خالد وصعد فوق يشوف المصيبه اللي خالد سواها
دخل غرفة النوم وإنصدم
شاف سلطان بصدره العاري وشورت أسود
كان جثه هامده ودمانه بكل مكان على السرير
والمسدس طايح عند الباب
مسح وجهه بيده:لاحول ولاقوة إلا بالله
طلع من الغرفه ونزل تحت
مسك خالد مع كتفه وهو وده يعطيه كف:يامجنون أنت على بالك اللي سويته سهل لازم تسلم نفسك
خالد طالع عبدالعزيز بخوف
عبدالعزيز طلع جواله بيدق على الشرطه
خالد أخذ جوال عبدالعزيز وقفل الخط:أنا إخوك شلون تبلغ علي!
عبدالعزيز:لازم تبلغ عن نفسك وتقول إفادتك يمكن يعذرونك مع إنك مالك عذر كان تصرفت تصرف غير اللي سويته أنت على بالك الدعوه سهله على بالك أهل سلطان بيسكتون!أببلغ الشرطه ولاتخاف ماراح أتركك راح أتابع قضيتك
خالد جلس على الصوفا وهو خايف ومتوتر ماجاء فباله إن كل هذا بيصير
عبدالعزيزأخذ جواله من خالد ودق على الشرطه
عشان يبلغ و يفهمهم السالفه
راكان كان منسدح على الكنب ويتفرج على التلفزيون
ودانا جالسه على الأرض وتاكل شيبس ليز بالكاتشاب وتشرب بيبسي
وعندها صحن فستق
راكان طالعهاوإبتسم:خلاص بطلي أكل طلعتي بطه
دانا بوزت:أعوذبالله من عينك حاسدني
راكان:لاياقلبي شفيك صايره حساسه أنا بس حبيت أمزح عليك كلي وخذي راحتك
داناطالعته بعيون نعسانه:أنا صايره آكل كثير وحساسه ونومي ثقيل الظاهر من الحمل
راكان وهو يحك عيونه :يافديتك بس
يله أنا بروح أنام
دانا :نوم العوافي حبيبي
راح راكان
دانا تنهدت وقالت بهمس :ياربي شفيه هذا !!
قامت وتركت حوستها وراحت غسلت إيديها
ودخلت غرفة النوم
وكانت الأنوار خافته
جات وإنسدحت بحضن راكان
راكان وخر عنها:حبيبتي أنا بنام أنتي روحي كملي أكلك بعدين تعالي نامي
دانا:راكان أنت شفيك بس تصد عني وتبعدني عنك ليش كل هالجفا!حرام عليك
راكان من ورى قلبه:إذا موب عاجبك روحي لبيت أهلك
دانا ماتوقعت راكان ممكن يقولها كذا أبد
قامت والدموع بعيونها:طيب ياراكان أنا الحين بجهز أغراضي وبكره بروح عند إمي
راكان حاول يغمض عيونه ويتجاهلها
كل اللي يسويه غصبن عنه
دانا كانت تبكي وتحط ملابسها بالشنطه وهي متنرفزه
لما خلصت وحطت كل ملابسها اللي محتاجتها بالشنطه
راحت تحط حرتها بالأكل
وهي مستغربه من راكان
حتى مافكر يقولها لاتروحين
الشرطه والإسعاف وصلوا
عبدالعزيز طلع برى وقال لريم:إدخلي داخل غيري ملابسك عشان باخذك معاي وبوصلك لأهلك
ريم كانت تبكي قامت بدون ماترد عليه
عبدالعزيز راح يفتح الباب
ريم دخلت داخل وشافت خالد وهو معطيها ظهره وجالس يفكر وباين عليه الهم والخوف
صعدت فوق عشان بتاخذ شاور وتاخذ أغراضها وتروح لأهلها
أول مادخلت الغرفه إقشعر جسمها من جثة سلطان اللي على السرير
أخذت الجل شاور
والشامبو
وباقي أغراضها
وراحت للغرفه الثانيه
إثنين من الشرطه برى
وواحد قعد يحقق مع خالد ويفهم منه السالفه
وإثنين من المسعفين صعدوا فوق عشان ياخذون جثة سلطان ويبغلون أهله
(يتبع)
هل هلال الشــهــر الفضــيــل على أبطــالي
كانت بيوتهم عامره بالإيمان والسكون والطمأنينه
دانا لها إسبوعين عند أمها كانت مستانسه
وتحاول تنسى موضوع راكان اللي مافكر فيها من جات عند إمها
حتى ماكلف نفسه يتصل عليها ويسئل عن أخبارها كأنه ماصدق على الله إنها راحت
إمها من فرحتها فيها أثثت لها غرفة الضيوف
ولوعلى كيفها ودها إن دانا ماتروح
وتظل عندها على طول
ريتان مبسوطه مع عساف
من بعد ملكتهم بس ماتدري ليش تحس إنه يجاملها بكل شي حتى بمشاعره!
وإستغربت إنه وافق لما قالت له ودي إنا نسكن عند أهلي
حتى إستغربت من فرحته اللي ماقدر يخفيها!!
حنان يوميا تروح هي وريتان تجهز لزواجها
وتذوب كل ماشافت حاتم وهو يلاحقها من مكان لمكان
يالبى قلبه يغار عليها ويحبها
وفاء مره إرتاحت لنايف وتحمد ربها وتشكره إنه رزقها برجل متدين
وتروح هي ودانا لـ السوق عشان تجهز لزواجها
وأحيانا تروح هي وإمها
لأن دانا تتعب من كثرة المشيء
ريم من رجعت عند أهلها وهي تبكي وقليل أكلها
وماقالت لأهلها إن خالد طلقها
قالت إنه مسافر
عشان كذا هي جات عندهم
بس خلاص ماعاد فيها ودها تفضفض لأحد
عبدالعزيز ماخبر أحد بالسالفه للحين
وخالد إنسجن
وإبو سلطان رافض يتنازل ورافض الديه
مع إن عبدالعزيز قاله
إنه مستعد يعطيه من الألف للمليون
بس هو رفض
وقال إنه مايشفي غليله إلا رقبة خالد!
مع إنه عارف السالفه
(حسااافه سلطان وخالد أصدقاء الروح بالروح بس إبليس شاطر)
دانا كانت قاعده تقلي السمبوسه
ووفاء تزيين الحلويات
وإمهم تسوي المعجنات
دانا كانت سرحانه
"ياربي لازم أبلغ ريتان بسالفة عساف وإنه متزوجها عشان ينتقم
بس وش عقبه خلاص البنت الحين ملكت وزواجها بالعيد
أوف ألاقيها من وين وإلا وين"
نزلت الملعقه بالصحن اللي على الطاوله:عن إذنكم بروح شوي وراجعه
وفاء:طيب خذي راحتك
بسرعه راحت لغرفتها
دخلت وسكرت الباب
وأخذت الجوال
وبسرعه قبل لاتتراجع دقت على راكان
فز قلبها يوم جاها صوته وقال بصوت مبحوح: ألو
دانا:السلام عليكم
راكان:وعليكم السلام
دانابعفويه :راكان والله وحشتني مره صدقني أنا ولاشي بدونك
راكان:أنتي بعد وحشتيني والله الشوق اللي بداخلي لك مايعلمه إلا الله
دانابزعل:إيه باين لو إني صدق وحشتك كان سئلت عني
راكان:دانا صدقيني غصبن عني
دانا:طيب فهمني وش السالفه
راكان:بعدين راح تفهمين من كيفك!
دانا:وش تقصد؟
راكان:ماعلينا المهم قوليلي أنتي كيفك؟
دانا بهمس:محتاجه لك
راكان سكت مايدري وش يقولها
دانا تعبت من سكوته:طيب قلي أنت شخبارك
راكان تنهد:أنا تعبان تعبان حيل يادانا وغيبتك زادت علي التعب
دانا خافت عليه:راكان حبيبي قلي شفيك أرجوووك
راكان:تدرين شلون تجهزي بعد الفطور بمرآخذك
دانا :طيب
راكان:يله مع السلامه
دانا:باي
أم ريم قعدت تصحي ريم:ريوم يلا قومي باقي خمس دقايق ويئذن
ريم فتحت عيونهابتعب:طيب يمه خليني شوي بس
إم ريم بحنان:يابنيتي عيونك حمر من البكي أنتي من جيتي من الشرقيه وأنتي موب طبيعيه وكل يوم تبكين قوليلي شفيك؟
ريم قامت وإرتمت بحضن إمها وقعدت تبكي:يمه خالد طلقني
إم ريم إنصدمت:والله إني كنت حاسه من جيتي إنه بينك أنتي وخالد شي
ريم:يمه والله إني مظلومه والله
أم ريم:طيب فهميني شسالفه
ريم:أفهمك يمه السالفه بعد الفطور الحين أنا بقوم أغسل وأتوضأ وأصلي العصر قبل لايئذن المغرب
أم ريم بحزن على بنتها:طيب ياقليبي أنتي
راكان كان ينتظر دانا على أحر من الجمر بغرفة الجلوس
جابت له الشغاله كاس عصير برتقال
شرب شوي منه
وجاء بيطيح منه الكاس
لأن دانا دخلت وريحة عطرها سبقتها
راكان وقف وقعد يتأمل فيها
يوه شكثر مشتااااااااااااااااااااااااق لها
متغيره وحليانه
سمنانه شوي
وشعرها مغيره اللوك صابغته عسلي
وقاصته لحد رقبتها
ومجعدته
وبطنهاصاير قدامها
كانت لابسه
فستان واسع شوي وقصير لحد الركبه
لونه برتقالي فاتح
وحاطه قلوس برتقالي
وكحل داخل العين
وماسكرا
جات عنده وحطت إيديها البارده بيديه:موب مصدقه إنك قدامي أحس كأن لي سنين عنك الله يسامحك بس ياراكان
وبكت
راكان حضنها بحنانه اللي دانا تعرفه:ماعاش والله اللي يبكيك
داناحضنته بقوه:ليش سويت فيني كذا ليش؟
راكان :قلت لك غصبن عني
دانا وخرت عنه وطالعت بعيونه:طيب فهمني ليش غصبن عنك؟
راكان نزل راسه
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك