رواية من أعماق أحضان مجنونة -40
عايشة بس هي كذبت عمي ..
جراح بترقيع ماتقصد كانت تمزح معكم؟
شيخة اجلس..
غسان مقدر..
عايشة بوزت ليه؟
غسان بتعب بروح اتحمم واجهز حالي بمشي بعد الصلاة....
شيخة لامافي اجلس معنا...
غسان طيب بشوف اختي هي داقة علي تبي اخذ لها اغراض وبعدين بجيكم...
شيخة وعايشة بصوت واحد لا....
بعد ماحل الليل ونامت العيون طلع جراح لخيمته مثل كل ليلة...
يسامر اسمها مع القمر....
يشوف طيفها كل ماشافه..
تنهيداته كل وحدة اكبر واقوى من الثانية...
لمتى بيكون كذا حالك بس ياجراح؟
روح كلمها....
اكلمها شقول لها بس ياقلبي؟
خلها تدري عن حالك يمكن تحن عليك وتتعطف؟
لا...مستحيل....ماراح يصير ها الشي...
وش اللي تبيه اجل؟تبي تظل تاعب حالك معها علطول وهي ماتدري عنك؟
تبي تسهر كل ليلة لين تطلع روحك منك؟تبي تعيش بذكراها وبطيفها وبس!!!
تبي تبقى على ها الفراق اللي انت عايش فيه طول عمرك وشاربه بروحك؟
كآسِ آلَفٍرٍآَقِ آلمٍرٍ مٍنٍة تِقِهُوٍيًتِ ..
يآليًل مٍآذِكرٍ َفٍيً حِيًآتِيً تِمٍنٍيًتِ
مٍثَل آبُتِسِآمٍهُ تِنٍتِشُل َقِلبُ مٍنٍصِآبُ
مٍليًتِ وٍرٍبُ آلبُيًتِ يًآليًل مٍليًتِ
مٍنٍ آلجَرٍوٍحِ آلليً تِجَيًنٍيً بُلآ آسِبُآبُ
تِدُرٍيً يًآليًل آنٍيً عُلىٍ آلجَرٍحِ غٌنٍيًتِ
غٌنٍيًتِ دُمٍعُهُ وٍآلصِدُىٍ ضَمٍ آلآهُدُآبُ
تِبُيً آلحِقيًقِة وٍآلصِرٍآحِة تِرٍجَيًتِ
فٍرٍحِة وٍلكنٍ آلزٍمٍنٍ بُآلعُطَآ خٍآبُ
يًآليًل َقِليً بُدُنٍيًتِيً وٍيًشُ سِوٍيًتِ
حِتِىٍ آلهُمٍوٍمٍ بُدُآخٍليً تِفٍتِحِ آبُوٍآبُ
آنٍ كآنٍ طَيًبُيً عُيًبُ وٍمٍشُكلتِيً آوٍفٍيًتِ
آمٍوٍتِ صِآدُقِ وٍآرٍفٍضَ آعُيًشُ گذِآبُ
طَبُعُيً كذِآ مٍنٍ مٍيًزٍتِيً مٍآتِخٍليًتِ
. عُنٍدُيً مٍبُآدُئ دُوٍنٍهُآ تِرٍخٍصِ آرٍقِآبُ
بُيًنٍيً وٍبُيًنٍكـ يًآكثَرٍ مٍآتِعُنٍيًتِ
آرٍكضَ بُغٌرٍفٍة مٍغٌلَقِة مٍآلهُآ بُآبُ
غٌرٍفٍة وٍرٍآهُآ فٍرٍحِتِيً دُوٍنٍهُآ جَيًتِ
آرٍكآنٍهُآ عُتِمٍة وٍلآحِوٍليً آحِبُآبُ
كآسِ آلَفٍرٍآَقِ آلمٍرٍ مٍنٍة تِقِهُوٍيًتِ
آنٍآ آشُهُدُ آنٍ آلشُوٍقِ بُآلليًل غلآبُ
يًآليًل آنٍآ لآشُفٍتِ مٍآعُفٍتِ قِفٍيًتِ
آَقِفٍيً وٍلوٍ خٍلَفٍيً كثَيًرٍيًنٍ آلآصِحِآبُ
آلآ جَرٍوٍحِيً كل مٍآرٍحِتِ وٍآَقِفٍيًتِ
جَتِنٍيً تِحِمٍل صِدُتِيً لوٍمُ وٍ عُتِآبُ
مٍآذِكرٍ وٍلوٍ مٍرٍة بُحِيًآتِيً تِهُنٍيًتِ
آضَحِگ گذِآ وٍآلصِدُقِ عُنٍ شُفٍتِيً غٌآبُ
صِآرٍتِ دُمٍوٍعُيً ضَيًفٍ وٍعُيًوٍنٍيً آلبُيًتِ
وٍدُآيًمٍ تِشُوٍفٍ مٍنٍ آلمٍنٍآدُيًل تِرٍحِآبُ
بعد الساعة وحدة الليل دخلت الشقة بعد غياب دام اكثر من اربعة ايام...
تنهدت بقوة اول ماخطت رجلها الشقة وقفلت وراها الباب..
دمعت عيونها...
ريحة احمد بكل شبر بالمكان من عند الباب....
ياهي اشتاقت له ولريحته ولكل شي فيه....
تقدمت اكثر واكثر ولقته جالس هناك....
بدون مايتحرك...
كان جالس بس عقله شارد ومو معه بدليل انه ماانتبه لدخلتها الشقة وللباب اللي تقفل بعدها؟
تنهدت بتعب وهي تشوفه..
كان الهم كاسره...
لايابشر مو هذا حبيبي احمد اللي اعرفه؟
هذا اكيد شخص ثاني؟
مو هذا الغالي اللي فارقته قبل اربعة ايام مو هذا؟
شفيه؟شلي جرى عليه؟ليه تعبان وزعلان وضايقة فيه ارض الله؟
معقولة على فراقك ياريم؟
تنبهت لاالبومات الصور اللي جنبه وزادت دموعها...يعني احمد كان يناظر بصورنا...صور زواجنا..ومناسباتنا الحلوة مع بعض....
اه يالغالي اه...مو قادره اتحمل اكثر صدقني...
احس اني بوقع على الارض قبل لااوصل حضنك....
ماتدري وش اللي صار وخلى احمد يرفع راسه ويشوفها؟
هل هو تنبه من غفلته وسرحانه؟ولا هو سمع تنهيداتها العالية؟ولاانه شم ريحة عطرها وميزها؟ولاالهام جاه وخبره انها رجعت؟؟
ولاشنو بالضبط صار بذيك اللحظة وخلاه يلتفت لها ويشوفها...
فتح عيونه على وسعها يوم شافها قباله..
وقف مثل المشدوه بالشي اللي قباله ومانطق بشي...
كان بيقول وبيقول وبيقول بس ظل ساكت ماعرف شيقول...
كل اللي عرفه ان كلمة زينة جت في باله بها الوقت وهو اللي كان يفكر فيها من طلع من المستشفى(ابشر يااحمد الليلة ريم بتكون عندك يالغالي)
كاهي ريم يااحمد واقفة قبالك.....
شوفها..هي نفسها هذا مو طيفها يااحمد...
ماوعى الا وعيونه تدمع مايدري ليه؟هي زعل من فراقها اللي كان؟هي اثبات انها وحشته؟هي وله وحب وشوق وعتب متجمعين...
حتى عيونها كانت تدمع بعد مثله وكل واحد فيهم مو قادر يقول للثاني أي شي...
احمد ماقدر ينطق باي كلمة بس انه سئلها بعيونه,,,
هل دموع الحب أقوى أم دموع الفراق
في غيابك تتوقف الكلمات
في غيابك..لاشيء يكتب
عندما تغيبين..تلحق بك كل حروف اللغة..وتتبعك كل الكلمات..فلا شيء بعدك يكتب..
عندما تغيب الشمس..يأتي القمر
وعندما يغيب المساء..يأتي الصباح
وعندما يغيب اليأس..يأتي الأمـل
وعندما يغيب الحزن00يأتي الفرح
وعندما يغيب الناس..يأتي آخرون
وحدك عندما تغيبين..تترك كل الأشياء خلفك في حالة غياب . .
عندما تغيبين
أستجمع أنفاسي..
ألملم بعثرة نفسي..
أملأ قلمي بالحزن
أبحث عن أوراقي
أحاول أن أصف لون وطعم ورائحة غيابك..
لكن..
لاشيء حين تغيبين يكتب..
مازلت أبحث عن مفهوم حقيقي لمعنى الحنين..
ترى ما هو الحنين؟؟ريم بعد كانت واقفة مكانها ومحتارة ماتدري ليش بكت؟؟
كانت واعدة نفسها انها اذا شافته بس تحضنه وبس؟
الدموع ماكانوا في خاطرها ولاعلى بالها اصلا!!!
تقدم منها وركع تحت رجلها وقال بندم اسف..
ببحة بعدت وجهها عنه وقالت ماهو ذنبك يااحمد ..ولاهو ذنب زينة بعد؟
ذنب زينة؟؟؟يعني عرفت انها زينة؟
تنهد بعمق وقال وهو يمسك طرف عبايتها وهو مخنوق بعبرته ريم...
قالت وهي تمسح دموعها
ودي لمــا عني ترحل
ودي عني لمــا تقفى
تذكر اللحظـــه الجميــله
وتذكر أن جيت احبـــــــك,
وتذكر أن رحت احبــــــك,
ولا يدوس الشـك قلبـــــك
احبـــك قبل وحتى لارحت عني احبــــــــك‘
أدرٍي بتعيـ،،ــشُ معْ شخصٌ ثآنـــ،،ـيٌ
وبسهـولــه جاء وخذا مكــ،ــآني
بس صدقني ما تقدر تحبــــــــه
لأنه قلبك مو مكــــــانه
لأنه قلبك هو اللي جاني
وسكــن بداخلي وهواني
نصيبي انك مو لي لحالي,,,,
قال بغصة وبقوة ريم اشتقت لك حبيبتي...ماتتصورين شلون كانت حالتي؟
انفجرت بالبكي ونزلت لمستواه وطاحت بحضنه...
انفتحت شيلتها وحط يده يلامس شعرها وقالت بانفعال وهي تبكي بقوة اللي فاقد الشخص العزيز احمد..لاتتركني اعيش بدونك انا مقدر على بعادك صدقني!!
ها بشروا وش اخبار البارت معكم ..ان شاءالله مثل مافيه شي رفع ضغطك فيه شي رجع عدل الضغط من جديد هههه
اشوفكم بكرة على خير ان شاءالله...
هلا وغلا فيكم ياحلوين...
مابغى يخلص صيانة المنتدى ههههه
بارت اليوم خفيف ومافيه صدمات علشان ترتاحون شوي...ههههه
البارت الخمسين,,,,
وليد بصراخ زلزل البيت انا مو هندي عند زوجك سامعتني؟
ام وليد علامك انت ليه صاير كبريت وتصارخ؟
وليد بنرفزة انا ..انا يخليني امشي ورى غسانوا واسمع كلامه وهو اللي يتكلم ويعلمني؟ليه من متى عيال العراقية احسن منا قولي لي؟
ام وليد.............
وليد بصراخ اكبر عجبك اللحين...شفتي شلون خلاني ذليل قدامهم وامشي ورى كلامهم؟
ام وليد خلاص هدي نفسك واذا جا انا بتكلم معه؟
وليد مو رايح الشركة مرة ثانية سامعتني؟؟ولاباطبها بحياتي بعد؟
انا امشي ورى ها الحشرة اللي يخاف حتى من ظله واسمع كلامه؟لاوالمصيبة هو يروح معه مشاويره وانا اظل اشوف العمال وش يسوون وبعدين هو يرخصه يطلع العصر وانا اظل لين يطلع اخر موظف وبعدها امشي وكاْني بواب الشركة ماكاني راعي الحلال؟
تاءففت ام وليد وماعلقت بشي..
وليد بتحذير اذا ساْل عني بكرة قولي له راح اشتغل شاف له وظيفة واشتغل فيها مايبي يشتغل معك؟
قالها وطلع من البيت وقعدت هي مقهورة ..
اروى اللي توها نزلت يمه شفيه العلة ولدك يصارخ؟
ام وليد علة علتك انتي...اخوك مو علة هذا تاج راسك؟
اروى باحتقار امحق وليدوه يصير تاج راسي!!!خله يوقف على رجله بعدين يصير تاج راسي....
ام وليد ترى مالي خلقك انتي الثانية كفاية علي اللي سواه ابوك باخوك؟
اروى ليه شسوى؟
ام وليد بحقد شسوى بعد سوى لي ذاك الحشرة غسانوا كانه مدير على اخوك يأمر وينهي؟بعد مدام احمد مو هنا حطوا ها الزبالة بداله لاباركت فيه ولافي اخوه ولافي خواتهم بعد!الله ياخذ لي حق عيالي منهم ,,,,
زينة تلفتت لقت مشاري جالس جنبها ومن شافها لفت فز من مكانه وجاها..
مشاري تبين شي....
زينة بضعف لاسلامتك...
مشاري برجاء زينة حبيبتي لاتتعبين حالك...الدكتور يقول انتي بخير بس بعد لازم انتي تساعدينا وتتساعدين معنا...
زينة هزت راسها وقالت انا بخير لاتخاف علي....ابوي راح يرتاح؟
تنهد مشاري وقال ولو انه مابيرتاح بس انا غصبت عليه يروح....
زينة مشاري ابي اطلع من المستشفى...
مشاري كلمت الدكتور وقال اذا لبكرة ظلت حالتك مستقرة بيسمح لك بالخروج..فاانتي شدي حيلك.....
تنهدت ونزلت راسها الارض وكاْنها تفكر....
مشاري علامك...
زينة بشرود وعيونها بالارض تتوقع ريم رجعت؟
مشاري ريم؟؟أي ريم؟؟؟
زينة بنفس وضعها ريم زوجة احمد...تتوقع رجعت له.....
تنهد مشاري بقوة وقال بنرفززة وهو محاول يمسك نفسه زينة..لاتشغلين بالك بها السوالف اللي ماوراها فايدة؟اهم شي صحتك؟
رفعت راسها له وقالت بعتاب شفت كيف كان شكله بغيابها...كان زعلان...كان تعبان...ماكان طايق الدنيا ولا اللي فيها...
راحته معها وبقربها يامشاري....
مشاري بزعل وهو يحط يده على يدها زينة..
رفعت راسها وفي عيونها الف دمعة وقالت بغصة يحبها...قربه منها هو اللي يريحه...كيف مافكرت بها الشي واني لمى اطلب اني اكون قربه ممكن هي تبعد ولايبعدها عمي بو احمد؟انا ماحسبت حساب لها الشي ابدا...والله مافي نيتي عليها أي شي يامشاري......
مشاري بخوف واضح زينة....
قاطعته وقالت بظل احبه من بعيد لبعيد وبس.....
قالتها وتنهدت وعيون اخوها تناظر بالدموع اللي نزلت منها وهي تتكلم عن احمد بحب وخوف....
كل ماجت تبعد نفسها عن حضنه تلقى نفسها تذوب فيه اكثر,,,
وهو كل ما حاول يكلمها ويوصف لها شعوره يرجع يحضنها بقوة اكبر....
تنهد وبعدها قال بخوف وهو يحط يده على بطنها ريم الجنين بخير...
تنهدت وشالت يده وباستهاوقالت ودموعها بعينها الحمدلله ...
احمد اكيد؟
ريم هزت راسها بالايجاب...
تنهد بارتياح وقرب راسها وحطه بصدره وقال باعتذار عميق اسف...
تنهدت وقالت تتاءسف لي على حبك يااحمد؟
احمد بتنهيدة كبيرة اسف على اللي جاك مني..
ريم انت مالك شغل ياعمري.....
تنهد وماعلق بشي ظل يحوس بشعرها.....وقال بشرود خفت عليك كثير...مدري وش اللي ممكن يكون صار لك؟
تنهدت وقالت احمد......انا خفت اني مااشوفك مرة ثانية بحياتي....
لفت له تناظره وكان يناظر فيها......
ظلت عيونهم تحكي عن لهفتهم لفترة طويلة قطعوها بعدين وقالوالبعض بنفس الوقت اشتقت لي!!
تنهدوا اثنينهم وقال احمد بلهفة لدرجة ماممكن تتصورينها ياريم؟
ريم بتعب واضح انا تعبت في بعدك يااحمد...
حضنها بقوة وهو يقول ماراح اترك احد ياخذك ولايبعدك عني مهما صار...
بعدت نفسها عنه فجاْة وقالت بخوف احمد...انت بخير يوم يصير الحادث ماتعورت؟
بانت دمعة بعيونه من لهفتها وخوفها عليه وبدلهم بابتسامة وقال بحنان ماتعبني غير بعدك ياريم
ريم سندت راسها على صدره وغمضت عيونها....
وظل يناظر فيها وهي مغمضة عيونها ومتوسدة صدره وتنهد تنهيدة ارتياح,,,,,
مطلق(ابي اسمع صوتك)
دارين(لا)
مطلق(ليه عاد حرام عليك)
دارين(ليه سويت كذا اليوم)
مطلق(وش سويت عاد)
دارين(اربكتني وانت تمشي وراي مثل ظلي ماعرفت شسوي)
مطلق(قلت لك حبيبتي ومااتركها تطلع بدون مااكون معها)
دارين(ماهو عذر)
مطلق(طب خليني اكلمك اشرح لك الموقف)
دارين(لاتقعد تتعير)
مطلق(حرام عليك)
دارين(يالله روح نام تصبح على خير)
مطلق(انا ماانام وانا ماسمعت صوتك)
دارين(معناته لاتنام وظل سهران لاني بروح انام اللحين)
مطلق(مافي أي امل اني اسمع صوتك)
دارين(لا)
مطلق(ياعنيد)
ماردت عليه وظلت تتذكر كيف كان يمشي وراها اليوم بالمجمع وماتركها لحظة وحدة من نزلتها من السيارة لين رجعت ركبت السيارة من جديد....
ياترى كيف بتكون ايامكم الجاية مع بعض انتي ومطلق يادارين؟
اما مطلق كان مقهور وضايق انها ماكلمته...فيها عناد قوي ها البنت واذا قالت لا يعني لا وماتبدل كلمتها لو شصار؟
كانت نازلة المطبخ وانتبهت ان ابوها جالس بالصالة...
جت له بخوف تساْله يبى شفيك؟
رفع راسه لها وكان الهم فيه الشي اللي خوفها....
هالة يبى...حاس بشي يتعبك؟
ابو احمد أي..
جلست قباله على الارض وقالت شنو؟
ابو احمد احمد ووليد ...
سكتت وتنهدت يوم قال ها الكلمتين....
بس بعدها قالت اخوي ماينحط مع وليد بنفس الكفة ياابو احمد لانك عارف زين منهو احمد؟
ابو احمد اخوك مايكلمني ياهالة....هذا ذراعي اليمين؟
هالة انت متصور ان الدوامة اللي انت غرقته فيها ها الفترة سهلة يايبى؟
ابو احمد انا ابي له الزين...
هالة كنت تقدر تجلس معه وتتفق معه على كل شي مو تنفذ اللي براسك وهو اخر من يعلم!!
تنهد ابو احمد..
هالة عموما احمد وان كان متضايق ها اليومين بس انه بيروق وبيرجع يكلمك طبيعي وماكان في شي صاير احمد مثل ماانا اعرفه انت بعد تعرفه يبى...مايقدر مايكلمك.....
ابو احمد الله يسمع منك..
هالة أي وولدك الدعلة شفيه بعد!!
ابو احمد بقهر هذا اللي مو عارف شسوي له؟
هالة شد معه الحبل مرتين وهو يمشي على الصراط المستقيم؟
ابو احمد اليوم تركت غسان يجي معه لو مارجعت لهم من جديد كان ذبحه واخوك الطوفة واقف مكانه؟
هالة وليد مابيتعدل وامه وراه ياايبى...
ابو احمد مو هذا اللي بيجنني..انا اقول لا...وهي من وراي تعطي اللي يبيه؟
هالة قلت لك لاتخليه يشوف منك يوم ابيض سود ايامه كلها لين يمشي مشية سيده مايلف فيها ولايدور ....
ابو احمد انا اتفشل اقول ان هذا ولدي؟ولاان احمد وغسان اخوانه؟
هالة انت قوم نام لاتشغل بالك بشي والصباح رباح....
صباح اليوم الثاني....
ام وليد بصراخ انا وش قايلة لك امس؟
مريم بتاءفف شنو بعد؟
ام وليد مو قايلة لك بسبقك على المستشفى وتعالي وراي لزينة..ليه ماتسمعين الكلام؟
مريم ماابي اروح مو غصب....انا مااتحملها...
ام وليد أي زين كذا العالم يجاملون حمولتهم مالت عليك وعلى اللي ربتك...
لاوالقهر بعد روحتي تجي مرة خالك مع نسايموا اللي ذبحني ورفع ضغطي!!
مريم بتفكير نسايم راحت لزينة؟
ام وليد أي راحت هي وامها...الا هم وش عرفهم ان زينة بالمستشفى؟
مريم خافت تصارخ امها عليها وقالت مدري....
ام وليد تقومين تلبسين اليوم مالك مجال رجلي على رجلك للمستشفى..
قالتها وقامت ومريم اخذت التلفون ودقت على نسايم...
نسايم هلا وغلا..
مريم بدون مقدمات انتي ليه رحتي امس لزينة المستشفى؟
نسايم بخبث اول شي شلونك وشلون اصبحتي.....
ثاني شي...انا مابروح انا طالعة مع امي نزور بنت خالها لانها مسوية عملية اتاريها بنفس المستشفى اللي زينة فيه وبعد ماطلعنا صدفنا امك وامي ظلت معها وانا مو عارفة اقول لاامي اني ماابي اروح بعدين فكرت فيها وقلت ليش مااروح واسمع هل زينة ومشاري يجيبون لك سيرة بكلامهم ولالا؟
مريم أي وشنوسمعتي!!
نسايم جايتك العلوم لاتستعجلين عليها سمعي.....
في الكويت...
ناريمان لو قلت لك ان الايام اللي راحت وماشفتك فيها
ماكانت حلوة ابدا ومالها طعم بتصدقني ياغسان...
ابتسم لها بدون تعليق...
تنهدت وقالت بصدق افتقدت وجودك...
غسان صحيح..
ناريمان امممم
غسان انا بعد.....
ناريمان...........
غسان تصدقين اني سولفت لخواتي عنك..
ناريمان فتحت عيونها على وسعها وماعلقت....
غسان كمل والاسبوع الجاي بجيب معي دارين تشوفك علشان ماعندها محاضرات..
ناريمان ليه تحرجني؟
غسان وليه احرجك عاد...انا سولفت لها عنك وقالت انها متشوقة تشوفك..عاد اتفقت انا معها ان الاسبوع الجاي مدام ماعندها شي تجي تشوفك وتتعرف عليك وتصيرون اصحاب؟
ناريمان بعد!!سويتنا اصحاب مرة وحدة؟
غسان هههه
مطلق متجمعين...حلو..
ام مطلق تعال كل لك لقمة يمه....
مطلق بالعافية يمه...انا بغيت اسولف معكم مدامكم متجمعين...
ابو مطلق خير يبى شعندك....
مطلق خير ان شاءالله...
ظل السكون مالي المكان وقال مطلق وكل الوجوه تناظره انا ابي اتزوج؟
اشوفكم بكرة على خير يالغلا
هلا وغلا فيكم ياحلوين...
منورين بتوقعاتكم وبصمتكم الحلوة
كلي ابداع اذا تبين اجي ويديني فاضية ولايهمك انا ماارد احد بكرة اجي بدون بارت ولاتزعلين ههههه
البارت الواحد والخمسين,,,
ابو مطلق خير يبى...
مطلق بهدوء ابي اتزوج؟
ساد الصمت المكان من جديد والنظرات كلها ها المرة راحت لمطلق اللي كان هادى جدا وهو يتكلم..
ابو مطلق ماعرف يتكلم أي كلمة وظل ساكت وجراح فهم الموضوع..
وقف وقال للبنات يابشاير انتي ونسايم تعالوا ابيكم...
نسايم باعتراض انت مو شايف ان مطلق عنده موضوع مهم..
مطلق لف لها وقال بس يختص باابوي وامي ولاغير؟
سكتت نسايم وهي تناظره بحقد..
جراح يالله عاد قوموا الا تبون تعرفون كل شي...
بالوقت المناسب بتعرفون ...
قامت بشاير معه وظلوا ينتظرون نسايم اللي ماكانت لها نية تقوم....
ابو مطلق بحدة نسايم قومي مع اخوانك وبعدين بتعرفين السالفة اذا خلصنا...
قامت وهي متاْففة وتناظر بجراح بحدة ومشت معهم لين دخلوا غرفة الالعاب حق بنات مطلق....
اول ماسكر جراح الباب لفوا له البنات..
فاطمة عمي شتبي؟
جراح ولاشي بس جينا نشوفكم كيف تلعبون..
نسايم بحدة لايكذب عليكم جراح...ابوكم بيتزوج وحدة ثانية غير امكم وبتطلع عيونكم ..ياهي بتضربكم..ياهي بتعذبكم...
جراح بحدة انتي ماتعرفين تبلعين لسانك وتسكتين؟
نسايم احسن خلهم يهيجون على ابوهم..
بشاير انتي ليه كذا!!
شيخة عادي خله يتزوج احنا بنقعد هنا....
نسايم لاياحظي بياخذكم معه مابيترككم؟؟
جراح بحدة كملوا لعبكم يابابا ماعليكم من عمتكم هي تبي تشوف وش تقولون انتوا على بالها بتصارخون ماتدري انكم حلوين وشطورين.....
*****بالصالة...
ام مطلق انت متاْكد من قرارك يايمه..
مطلق أي....
ابو مطلق وتبي امك تدور لك بنت حلال...
مطلق بنت الحلال موجودة يبى؟
ام مطلق بضيق عسى بس نعرف اهلها ونعرف جماعتها..
مطلق أي....
ابو مطلق انت متاْكد يامطلق انك بتتفق معها..ترى ماابي ارجع اقولك الزواج مو لعبة....
مطلق بلى يبى...انا ابي ارتبط فيها واسمح لي انا ابي اسكن بروحي ها المرة ماابي اظل هنا معكم...
ابو مطلق براحتك يبى بس تاءكد ان البيت يشيلك ويشيلها ويشيل عيالك بكل وقت....
مطلق تسلم يبى..
ام مطلق يمه..من بنته؟
مطلق وهو يناظرهم بهدوء بنت بو احمد؟
ام مطلق يعني اروى بنت عمتك...؟
مطلق لا...بنته اللي من زوجته الثانية؟
ام مطلق بنرفزة بنت العراقية؟
مطلق اسمها بنت بو احمد يايمه....
سكتوا ثلاثتهم وجاه تلفون من المعرض ورد عليه وقام بسرعة وطلع من البيت,,,,
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك