رواية يا لبيه يا الدنيا العجيبة -3
يالبيه يالدنيا العجيبه
الصباح الساعه9 يحترون جوري
خالد:والله البيت كئيب من غير جوري
ام طارق:فديتها الله يوفقها لازم نتعود
طارق يستهبل: اما نتعود يمه خلي تركي
يطلقها وترجع تعيش معنا..
ام طارق تضرب كتفه:اعووووذ بالله
خالد وطارق:هههههههههه
ريم نزلت:وش عند الثنائي ضحك مع الصباح
خالد:ابد طارق اقترح اقتراح ماعجب امي
ريم تصب لها قهوه وتقعد:وشووو
طارق:بما اننا فاقدين جوري اقترحت على امي تقول لتركي يطلقها
شرقت ريم في قهوتها:كحح كح كح
خالد مات ضحك
ام طارق:حسبي الله على ابليسكم..
ريم:وجعه لاعداكم انهبلتوا انتم..
طارق:صدق انكم مخفات يالحريم تصدقون اي شي.. طبعا ماعدا امي العزيزه
تبسمت ام طارق
ريم:يمه متى طيارة جوري وتركي
ام طارق: 12الظهر
ريم:يالله وللحين ماشرفت متى يمدينا
نسولف
خالد:يمديكم يمديكم لكن انتم يالحريم
قرقكم واجد
....................
تقلبت ع الكنبه
جسمها يعورها
''هو مرتاح ع السرير وانا تكسرت عظامي من الكنبه''
تثاوبت وخذت جوالها تشوف الساعه:اووف
الساعه 9 ياالله تأخرت بشوف اهلي قبل اسافر..
راحت الحمام خذت شور نست ملابسها برا:يحووول شلون اطلع كذا والبجامه تغرقت مويه..
لفت جسمها بالفوطه وطلعت على روس
اصابعها ماتبيه يصحى ويشوفها بهالوضع
وصارت بنص الغرفه طالعت في الفراش
مافيه احد ''شكله نزل'' وجلست تدور ع الاستشوار تذكرت ان ريم حطته بدرج التسريحه..
وهي تفتحه حست بأحد واقف وراها
ورفعت راسها طالعت المرايا شافته واقف وراها..
تجمع الدم في وجهها وتسمرت اقدامها.
تحس بخجل مو طبيعي اول مره احد
يشوفها بها الوضع.. حتى ريم اختها ماقد
شافتها كذا تستحي..
تركي واقف يطالعها اخر شي مشى .
وجوري خافت ولفت له ومسكت بإحكام الفوطه ورجعت على ورا..
تركي ببرود واستحقار: لاتخافين ماراح
اوصخ نفسي وألمسك ومد ايده واخذ جواله
اللي كان ع التسريحه وراح..
قهرها برده قالت له: وانت تطول تلمسني
وقف مكانه والتفت بحركه آليه ضوق عيونه
واشر على اذنه: ياليت تعيدين لاني ماسمعت
جوري ماتت رعب وحبت تنهي الموضوع قبل
يصير مالايحمد عقباه ومشت تبي تروح
الحمام..
مسكها من زندها بكل قوته
جوري:آآاااااااااي
تركي: مو ترمين كلمه وتمشين ..اذا قلت
تعيدين يعني تعيدين..
حست جوري بحجم الغضب اللي كان فيه
لازم تهدي الوضع: كلمه وطلعت وانا
اسسفه ممكن تفك ايدي
حس انه انه انتصر ع الاقل اعتذرت: زين
انقلعي..
حست بالاهانه بس سكتت ..وعلى طول
راحت الحمام وبكت من الموقف.. حسسها
انها قذره حسسها باشياء كثيره.. اهمها انه
جرحها مهما كان هي انسانه وتحس.. اخذت
دش ثاني يطفي النار اللي تحس بها في
انحاء جسمها:والله ياتركي لا اخليك تندم والله بتندم..
استشورت شعرها ولفته كله في لفافات
عشان يبان مضبوط وخلتها في شعرها
لبست بجامه ساتره وطلعت من الحمام..
كان تركي ع السرير وبيده اللاب.. تجاهلت
وجوده وراحت التسريحه خذت عدة المكياج
وفتحت الدولاب وطلعت كيسه وراحت..
تركي كان ضغطه مرفوع وحس كراهيته لها
زادت بالذات بعد ماصارحته انها هي بعد
مغصوبه عليه واللي قهره اكثر كلمتها يوم
قالت اكره ماعلي الا انت واني شاريه فراقك
اليوم قبل بكرا..
طلعت جوري كانت فعلا جوريه انبهر
بجمالها بس رجع اشتغل ع اللاب وطنش اللي شافه ..
كانت قمة الانوثه كانت مذهله ماكانت تحب
الميك اب الثقيل لانها تعودت تكون اقرب
للطبيعه حاطه كحل خفيف وكثفت الماسكرا
وقلوس مايل للأورنج برز حلاوة شفايفها
وكانت لابسه فستان لونه بألوان الطيف
وقصير لتحت الركبه اكمامه جبنيز ومن عند
الصدر مزموم وفتحة الصدر نازله وتحتها
ورده كبيره لونها برتقالي ومن تحت واسع
ومزينه جيدها بعقد فخم..
راحت للدرج خذت صندل لونه برتقالي وقعدت ع السرير بحيث انها معطيته ظهرها لبست الصندل اللي اظهر جمال سيقانها..
فكت اللفافات وتماوج شعرها واصل نص
ظهرها وكان مدرجات ولونه اسود جنااااان
كان في قمة الروعه..
طالع شعرها عجبه منظره.. وقامت تدور
في شنطتها وطلعت كلونيا وبخت بختين..
لكن هالبختين داعبت خشم تركي وانهبل ع
الريحه قام يطالع يبي يشوف نوع هالكلونيا
لفت والتقت نظراتهم.. ارتبكت جوري
وماحست بنفسها الا وهي تقول:خير؟!!
ماتدري شلون طلعت منها هالكلمه
تركي عصب وكره نفسه''يعني حبكت
اشوف نوع الكلونيا ...الحين وش بتفكر وش
بتقول..اوووهوو تفكر اللي تفكر العين بحر''
قال بسخريه: ماناقصك الا السيرك طالعه
جوري:اهاا حلو..طيب ياليت تبطل بحلقه
في المهرجه وتقوم تبدل لاننا تأخرنا اهلنا
يستنون..
تركي صار ضغطه اتش وده يقوم يخنقها.
جا بيتكلم بس انقذها منه جوالها اللي دق
جوري:هلا يمه
ام طارق:صباح الخير..
جوري:صباح الورد لأغلى ام
ام طارق:كيفها عروستنا؟
جوري:تمام وانتم
ام طارق:بخير منتظرينك تأخرتي..
جوري:ايه توه تركي يقوم يبدل
ام طارق:عطيني بسلم عليه..
جوري تعطيه الجوال
تركي:الو
ام طارق:هلا والله بتركي شخبارك يمه
تركي:بخير خالتي شلونك انتي
ام طارق:دامكم بخير فأنا بخير.. مو كأنكم
تأخرتوا واجد نبي نلحق نقعد معكم قبل
تسافرون
تركي:على امرك الحين جايين ..وقفل
رجع طالعها كانت تطالع اثار ايده اللي على
زندها واضحه
تركي:ترا مو كل مره بعدي اي شي تقولينه
احذريني ياجوري ..
جوري بكل هدوء: اوك من اليوم ابعرض
عنك وانت نفس الشي
تركي: ثالث اعيادي ..
حست بقهررررر فظيع دايم ردوده قاتله
بس ليش هي ماتكون زيه لانها كل ماسكتت
تمادى وماراح تسمح له يتمادى معها
.................
راحوا لاهلها اول شي ..
استقبلوهم احلا استقبال وسط دموع ام
طارق وتوصياتها على جوري وطول الوقت
تركي يهز راسه.. على كثر ماكان يحب يجي
بيت عمه ابو طارق الا ان هالمره حاس
بكره لهالبيت واللي فيه.. وودوعهم لان مافي
وقت يادوب يلحقون يسلمون على اهله..
راحوا لاهله استقبلتهم ندى وسلمت عليهم
هلا وغلا بالعرسان
تركي ساكت
جوري:هلابك زود.. وين خالتي ومنى
وماقدرت تقول وين عمي لانه هو سبب الي
هي فيه
ندى:امي الحين نازله ومنى تو كلمتني قالت
اسلم عليك رجولها تعورها من عقب امس
جوري:ايه ماتنلام تعبت فديتها
تركي كان بينفجر ضيقه وملل منها وهي تتكلم شاف امه نازله
ام تركي:يالله حيهم
قام تركي وراحت له امه وضمته ضمه طويله
ندى:الله لنا
تركي حب راس امه:يمه كل ذا شوق
ام تركي تمسح دموعها: شوق وفرحه.. انت
بكري واول فرحه لي
تركي:ياجعل ايامك كلها افراح
راحت تسلم على جوري
ام تركي:هلا بحبيبتي وتضمها
جوري:هلا فيك خالتي
ام تركي بعد ماقعدوا : ها يمه متى رحلتكم
جوري تبتسم وجت تتكلم
قاطعها تركي:12 دعواتك يمه
ندى شافت وجه جوري صار الوان''يالله
شكل الحرب بدت'' وهي ماتدري انها بدت
من امس
ندى:جوري تعالي معي دانه عطتني شي
اعطيك اياه وقاموا
ام تركي: اتمنى ماتتصرف معها بهالطريقه
قدامي مره ثانيه
تركي يطالع جواله:ابشري
وفوق كانت ندى وجوري
جوري:وش الشي؟
ندى:اكذب بس ابي اشوف لبسك مير لافه
نفسك بالعباه طلعي الزين انتي و وجهك..
جوري:مالت عليك ماعندك سالفه
ندى تشلحها العباه وجوري تضحك اخر شي
شهقت ندى
جوري تطالعها:بسم الله وشو
ندى تبتسم ابتسامه خبيثه:ماتوقعت اخوي كذا لهالدرجه.. واشرت لها على الاثار اللي
على ايدينها
جوري تدور وجهها
ندى:حشا بينقض على فريسه هههههههه
وجع وش ذا يدينه باينه
جوري ودها الارض تنشق وتبلعها ..صح ان
ندى فهمت غلط بس هالشي حسسها
بالخجل ومع ذلك حمدت ربها انها ما أولتها
بالشي اللي بتسعى طول بقائها مع تركي اذا
استمر على اسلوبه انها تغطيه عن الكل ..
جوري:ياحماره هاتي العباه
ندى:ههههههههههههه
اخذت جوري عبايتها ونزلت بسرعه مالها
شده لندى لانها عارفه انها بتنهال عليها
بالاسئله.. شافت عمها قاعد مع تركي وامه
سلمت عليه مع ان ماكان ودها بس الواجب
حتم عليها.. واستأذنهم تركي وسلموا ع
الكل وطلعوا
ندى''الحمدلله هذي بداية خير'' >> فاهمه غلط
........................
وصلوا الفندق
كل واحد يجهز اغراضه ويرتب
شنطته.. راحت جوري وبدلت لبست بنطلون
اسود وبلوزه حمراء ولبست عبايتها وقعدت
بالصاله تنتظر..
وتركي بعد راح يبدل لبس برمودا بيج وبدي
اسود ماسك اظهر جمال عضلاته وشعره
لرقبته مرجعه على ورا باهتمام وترتيب
دق جواله:هلا قلبي
لفت رقبتها زي الصاروخ لجهته مو مستوعبه
اللي سمعته بس كان معطيها ظهره
تركي زلق لسانه وحس الدم تجمد بعروقه شلون يرقع بس للاسف ماتترقع:اكلمك
بعدين ..
جوري اخيرا فهمت سبب كرهه له اثره طلع
حقير وراعي بنات.. ماتدري تسكت والا
تكمل مشوارها وتضغط على نفسها والا
تفرق بين العايله.. حست بركان يغلي داخلها
بس لازم تصبر''يامصبر ايوب صبرني''
وراحوا المطار توجهوا للبوابه ..وطيران على
لندن عاصمة الضباب ووصلوا مطار هيثرو
طبعا تركي دايم يجيها لان هو اللي يخلص
اشغال العائله في لندن بالتناوب مع شباب
العائله فيصل وعبدالرحمن وطارق.. وكان
الدور على فيصل واللي المفروض هو يجي
بس مايمدي مدة الشغل 3شهور ويبي يكون
مع منى اذا ولدت..لقاها تركي حجه عشان
مايكون تحت المجهر عند ابوه وامه ويتصرف
بحريه زي مايبي معها بعيد عن النصايح..
وجوري اخر صيفيه جتها قبل سنه
توجهوا لمبنى كبير كان غالبية سكانه عرب
والباقي اجانب دخلوا المصعد شافوا حرمه
متحجبه مع ولدها الرضيع واضح انها عربيه
وبابتسامه ابتدأتهم بالسلام:السلام عليكم
جوري وتركي :عليكم السلام
وجهت الكلام لجوري اللي كانت بعد متحجبه
فقط: جداد هنا ماهيك؟؟
جوري:ايه نعم.. وانتي؟؟ حست جوري
بغباء سؤالها:اقصد ساكنه هنا والا زائره احد
الحرمه:لا انا ساكنه هون صار لي سنه
وشهرين.. انا اسمي سميره وهيدا ابني مهند
جوري:ماشاءالله عاشت الاسامي..
سميره:يسلمو ماتعرفنا
جوري تطالع تركي اللي كان لاهي بأوراق
معه:اسمي جوري.. و وهذا ز ز زوجي تركي
سميره:اهلين تشرفنا
تركي اومأ لها براسه بدون ماينطق ..فتح المصعد وطلعوا وطلعت وراهم
سميره:طلعنا جيران
تبسمت جوري
سميره:اي شي بدك اياه ماتستحي قولي
اللي تبينه..والا بزعل ها
جوري تضحك على لهجتها الا تتسعود:طيب
انشاءالله
كانت شقتهم جنب بعض
دخلوا شقتهم كانت كبيره حيل وتنطق
بالفخامه كان بالصاله قطع انتريه فرادي
وكرسي هزاز مقابل التلفزيون الكبير .. دخل
تركي بشنطته احدى الغرف وطلع
رمى لها جوال: خذي هذا جوال شريته امس
ودولته اذا بتكلمين اهلك وحطه وطلع
عطاها الجوال اتقاء المشاكل عشان
ماتطلب جواله لانه ملغم رسايل وزود عن
هذا رشا في اي حزه بتدق ..
كانت عارفه قصده من الحركه واضح مايبي
يعطيني جواله واكشفه مع انه مكشوف
خالص.. وقامت تفر الشقه.. كانت روعه فيها
نوافذ من الزجاج كبيره بحيث انها تشوف
المباني والشوارع وكل شي والحلو في الامر
انه عاكس اي احد من برا مايشوف اللي
جوا ..راحت للابوب المغلقه..
فتحت اول باب لقتها غرفه كانت صالون
للضيوف ..فتحت ثاني باب كانت غرفة
مخصصه للغسيل واضح من الات النشر
المتوزعه فيها وغساله اتوماتيكيه كبيره
وسلات وعده كامله من المنظفات رتبت
بعنايه.. فتحت ثالث باب هي الغرفه اللي
دخلها تركي كانت كبييييييييييره فيها سرير
خشب مزدوج له نقوش يعني هي الغرفه
الوحيده اللي كانت تحسسك بالفعل انك في
لندن من اثاثها وتصميمها ..وكان فيها
تلفزيون بلازما ومكتب وغرفة ملابس
وحمام مجهز ..
فتحت الباب الاخير لقتها غرفه فاضيه تماما
اصغر من الغرفه الاولى وفيها حمام وغرفة
ملابس صغيره..
رن الجرس:غريبه يدق الجرس هو عنده
مفتاح!!
راحت تفتح:مين؟
سميره: انا انا سميره
ابتسمت جوري ماتدري ليش دخلت قلبها
هالانسانه فتحت الباب شافتها جايبه صينيتين
جوري:ياااالله وش ذا ليش تتعبين على
نفسك
سميره:انا طبخت كثير لزوجي واصحابو بس
هلأ تلفن وقال ماراح يجي فحرام كبو واحنا
ماراح ناكلو كلو..تفضلي
جوري خجلانه من كرمها: تسلمين
دخلت سميره وحطت الصواني بالمطبخ
سميره:عملت محاشي و ورق عنب وكبسه
متل كبستكم واطيب هيك حكالي عبدالعزيز
جوري تضحك الحين اثبتت انها تبي تتسعود
لازم احد ينقذها ويجنسها:ههههههه بعد
تعرفين الكبسه
سميره:معلوم بدي اعرفها زوجي يحبها كتير
جوري: ماشاءالله شكله يبي يجرب اكلات
غير اكلات بلده
سميره:هههههههه تؤبريني هو سعودي
جوري انحرجت عشان كذا لهجتها كانت مره
كذا ومره كذا.. مسكينه ظلمتها وتضحك في
سرها: اهااا كلنا واحد مافي فرق بينا
سميره: متل ماقلتي.. هلأ بدي اروح مهند
لحالو وهيدا تلفوني ..وحطته على الطاوله
في ورقه.. وطلعت
وجوري راحت ترتب ملابسها
......................
مر ساعه وهو ماسك الجوال
ويتجول في
شوارع لندن
تركي:والله تمنيتك انتي اللي معي
رشا: اااااه ياتركي لاتقلب المواجع
تركي:انا وعدتك اني ماراح احسسك
باختلاف عن قبل وانتي مع الوقت بتحسين
بهالشي
رشا: مشكلتي هالراس كل ما اتخيل انك مع
غيري ابكي
تركي: ياجعلي فدوه دموعك.. يلا عطيني
بوسه
رشا ضحكت غصب عنها:الحين بدل
ماتواسيني انت وتعطيني
تركي:ههههههه عادي مو حنا واحد
رشا: تروكي
تركي:احبببك
رشا:ياشيييينك خربت علي يادب
تركي:افا انا ينقال لي دب بعد كل النوادي
اللي سجلت فيها.. والدورات والتعب لين
طلعت بهالجسم الرياضي.. كله عشان اطلع
بالمستوى المطلوب واخققك
رشا:هههههه يوووه كل ذا عشان قلت دب..
والله اني داريه انك خقق من غير.. حتى
صديقاتي يوم شافوا صورك تهبلوا عليك .
وعلى فكره كثير يحلم بالجسم الرياضي
اللي زي جسمك
تركي:احم احم ترا بشوف نفسي
رشا: ماتقدر ياااادب
تركي: فدا راسك هالدب..
رشا:فديت روحك..
تركي:والله ريوشه محد يرفه ويخفف عني
اللي انا فيه الا انتي..
رشا: يارب لاتحرمني تروك حبيبي وكل دنيتي
تركي: ولايحرمني من ريوشتي
رشا:اميييين.. يلا عاد بقفل طولت عليك
تركي: ياشيخه لو انك جنبي كان عضيتك
رشا:هههه دب وحاقد بعد.. ليشش؟
تركي:انا ادري عنك.. كم مره اقولك كلي
حلالك وكل شي يرخص لك
رشا:تيب تيب لاتعصب ياعمري.. المهم
تركي:هاتيه
رشا: طفشانه بطلع اغير جو
تركي:متى و وين
رشا:متى بكرا ..وين مدري اي مكان
تركي:لا مافيه
رشا:بلييييز ترا مو مع احد غريب مع دانه
واختك ندى
تركي:اممم اوك بس ما اوصيك ..مثل كل
مره انتبهي لجوالك لاتعطينه احد لا خواتي
ولابنات عمي.. انا عادي بالنسبه لي لكن
خايف عليك من كلامهم و...
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك