رواية الله يسامح اثنين جابوني للدنيا و راحو و خلوني -38
الدكتور:الحمدالله على سلامة إبنك فهد
إبو فهد إنصدم وإنشل لسانه عن الكلام
حنان ضحكت بصوت باكي وضمت إمها:صدقتيني يمه
حسنا ضمتها بقوه:إيه ياحبيبتي الحمدالله إن اخوك صحى الحمدالله
إبوفهد بصعوبه:الله
يـ
سـلمك يادكتور
حسنا:ممكن نشوفه يادكتور؟
الدكتور:معليش انا بعتزر من حضراتكو أصل دي الوئتي مش وئت زياره وزي منتو عارفين الوئت متأخربس إن شاءالله بكره تشوفوه وإطمنو هوا زي الفل بس لأنو طول بالغيبوبه عايزلو فتره عشان يمشي يعني كدا كم تمرين وعلاق(علاج)طبيعي
حنان شهقت:دكتور بليز الحين بنشوفه بس شوي
الدكتورحرك إيديه بمعنى ماأقدر
حنان طالعت إبوها:يبه قله تكفى
إبوها:معليش يابنتي هاذي قوانين المستشفى
حنان:اجل انا ماراح اروح ابنتظر لين يجي بكرا
حسنا:مايصير ياحبيبتي بنرجع للبيت وبكره إن شاءالله نجي من الصباح
حنان بكت:طيب الله يصبرني والله موب مصدقه إنه فهد صحى
طلعت هي وإبوها وإمها وهم فرحانين بس فرحتهم ناقصه وماراح تكمل إلا بشوفة فهد
نايف كان بسهره خاصه بشاليه
وأعجبته بنت لابسه عبايه ومتلثمه وتوزع المشروبات والشيشه والأشياء هاذي
وحس إنها فعلا محتاجه وقررإنه يغريها بالفلوس
لما جات عنده بتعطيه مشروب
طالع نايف عيونها بنظره كلها خبث
وأشرعلى كاس ريدأحمر
أخذت الكاس ومدته له
نايف أخذ الكاس ومسك يدها
البنت تكهربت من لمسته بسرعه سحبت يدها
نايف مسكها:وين ياحلوه
البنت طنشته وراحت تمشي بسرعه متجهه لـ الصاله الثانيه
عشان توزع على الباقين
صوت الأغاني كان مره عالي الشاليه كان يهتز هز من صوت الأغاني
نايف كان يراقبها بعيونه
وهي مثل النحله
تدور بكل مكان بالشاليه وتوزع على الموجودين
بعدين شافها جلست بين مجموعة بنات
قام وتوجه لها
قرب عندها ووقف
هي كانت جالسه وخافت ماقدرت ترفع راسها وتطالعه كانت تطالع نعاله وتشم ريحة عطره وهو قريب منها
نايف بكل وقاحه:تعالي أبغاك
البنت بصدمه:إيش؟
نايف مسك يدها:لاتسوين نفسك بريئه قلت لك تعالي أبغاك يعني ماتعرفين وش أقصد
البنت تحاول تسحب يدها منه:فك يدي إتركني
نايف شافها رافضته
شالها بين إيديه
البنت قعدت تبكي وتصارخ وتضربه برجليها:إتركني ياحقير إتركني
نايف دخل أقرب غرفه سكر الباب برجله ورماها على السرير
ورجع للباب وقفله وفسر أكمام ثوبه!
البنت قعدت تبكي موب قادره تبلع ريقها حست نفسها فريسه بين إيديه
قرب منها
والبنت تجمدت بمكانها
شال لثمتها وتبنج من جمالها
البنت بحركه عفويه ضمته وقعدت تبكي وتترجاه:الله يخليك إستر علي أبوس إيديك ورجلين لو تبي بس لاتقرب مني ولاتلمسني والله إني شريفه أحلف لك إني طول عمري محافظه على شرفي بس أنامحتاجه والله يلعن الحاجه
وربي مافيه شخص هنا قرب مني أوحتى شاف وجهي دايم أشتغل هنا وكافه خيري شري وآخذ فلوسي وأروح نخيتك ياابن الأجواد لاتسوي لي شي
نايف تحركت مشاعر الرجوله والنخوه بداخله كلام البنت أثر فيه تأثر موب طبيعي
وخرعنها وحط يده على كتفها:لاتخافين مانيب مقرب منك وأصلا مانيب رجال لوإستقويت عليك
البنت قعدت تبكي بصوت يقطع القلب:مشكور مشكور الله يوفقك الله يحفظ لك خواتك إذا عندك خوات
عسى الشر مايجي بناتك إذا كنت متزوج
حطت إيديها على فمها وقعدت تبكي
نايف كسرت خاطره:انتي دايم كم تاخذين باليوم على توزيع المشروبات والحاجات هاذي؟
البنت:150
نايف:بس!
البنت:إيه
نايف طلع بوكه ورمى بحضنها ألفين ريال:خذي وإستري على ماواجهتي يابنت الناس أنشهد إنك بنت أجواد ومكانك حرام هنا
فتح الغرفه
وطلع منها
وطلع من الشاليه بكبره وهو ضايقه فيه الوسيعه
كلام هالبنت للحين يتردد بمسامعه
ركب سيارته ومشى بأسرع ماتملك سيارته من سرعه
كان يغمض عيونه ويفتحها وهو يحاول يبعدالبنت عن باله
شكلها
كلامها
بكاها
حرصها على شرفها
وقف على جنب ونزل من سيارته
وقعد على الرصيف
دخل إيديه بشعره وشده بقوه
وإرتخت أعصابه
لأنه خلاص إنهار
قعد يبكي
ويتذكر
كل اللي سواه
مر شريط حياته قدامه
تذكر لما تغير فجأه من نايف الطيب اللي محافظ على صلاته والكل يشهد له بالصلاح والأخلاق
لنايف اللي صار مدمن وربي أنقذه من الإدمان وأصدقاء السوء
وماتاب!
طلع من سوء لأسوء
صار يغازل بنات وحفلات خاصه وشيشه وشراب
ووووووو
تعب وهو يفكر
قعد يبكي أكثر وأكثر مثل الطفل
أول مره يجلس مع نفسه ويفكر بذنوبه اللي سواها
وده يروح يبوس راس هالبنت اللي حتى مايعرف إسمها
لأنها صحته من العالم المظلم اللي هو كان فيه
ماحس إلا بالعسكري واقف عنده ويقوله:أخوي ليش جالس بالشارع؟بـ هالوقت فيك شي؟محتاج شي؟
نايف رفع راسه ومسح دموعه بيده :هاه لا لا مافيني شي وقام وراح لسيارته
ركبها وأخذ كلينكس ومسح خشمه
ورجع يفكر ودموعه تنزل على خدوده بدون إرادته
العسكري قعد يطالع فيه وهو مستغرب ومصدوم من وجه نايف الأحمر
ومن دموعه
ومن صوته اللي رايح من قوة البكاا!
نايف طالع بالعسكري اللي يطالع فيه
وحرك سيارته ومشى
وكل شوي يمسح دموعه
ويرجع يبكي
أول ماوصل بيتهم
نزل من سيارته
ودخل البيت وهو متضايق ومخنووووووووووووق وكاره دنياه
رمى نفسه بتعب على الصوفا اللي بالصاله
أخذ الريموت وقعديقلب بالقنوات
حطه على قناة المجد للقرآن الكريم
حس بشعور غريب لماسمع صوت الشيخ خالد القحطاني يقرأ سورةالحديد
قعد يبكي لما سمع الآيه{ألم يئن للذين آمنو أن تخشع قلوبهم لذكرالله
ماكان يسمع باقي الآيات
حس إن الزمن توقف فيه عند هالآيه
حس إن ربي ناوي له الهدايه بـ هاليوم
قبل شوي هزه كلام البنت
والحين هزته الآيه
قال بدون شعور وهو يبكي :إلا ياربي قد آن قد آن
حاول يكتم صوت بكائه ماهو قادر
طالع بساعته شاف إنو مابقى شي على آذان الفجر
راح يتوضأ
عشان بيروح للمسجد بيصلي له ركعتين قبل لايئذن الفجر
وخلاص نوى نيه صادقه بينه وبين ربه إنه يتووووب
وقرر إنه يغير كل شي يخصه بالماضي
يبي يترك كل البنات اللي يعرفهم
يبي يغير أرقامه
يبي يغير حياته كلها
يبي يحافظ على صلاته
يبي يترك كل معصيه كان يسويها
الصبـــاح الساعه7:00
ريم كانت على أعصابها
خالد نايم وماتبي تصحيه
لأنها عارفه إن سلطان راح يجي إذا خالد راح لدوامه
فتحت الستاره حقت شباك غرفتها وحطت يدها على قلبها
لماشافت سيارة سلطان واقفه عندبيتهم
فزت وطالعت خالد
لماسمعت صوت موبايله يدق
شافت خالد يتحرك بسرعه راحت تركض ودخلت الحمام
تجمدت لماسمعت خالد يناديها وغمضت عيونها ماتبي تبكي
سمت بالله بقلبها وفتحت الباب وطلعت وهي منزله راسها بالأرض:وش تبي؟
خالدبعصبيه:ليش ماصحيتيني
ريم :ااءكنت اء صباح الخير
خالد:أي صباح الخير؟انتي خليتي فيها خير؟موب كافي إنك منكده علي البارح ؟شفيك أنتي ؟وش صايرلك؟
ريم قعدت تبكي
خالد قرب منها ورفع راسها
ريم كانت مغمضه عيونها ماتبي تشوفه
خالدشد على فكها بيده:فتحي عيونك طالعيني؟قولي لي أنتي شفيك؟
ريم ساكته وتبكي
خالد:أنا الحين بروح أنا وسلطان نفطر برى وبعدها بروح لشغلي وإذا جيت لي كلام ثاني معاك
ريم من سمعت طاري سلطان ماتدري وش جاهاحست بدوخه وتعب فضيع
وخوووووف ورهبه ماتوصف
خالد ترك فكها بقوه
ريم مسكت فكها وهي متألمه وتبكي
خالد طالعها بنظرات حاده
وجاء بيدخل الحمام
بس لف على ريم لأنه سمع صوت طيحتها على الأرض
جاء عندها وحضنهاوحط راسها على صدره:ريم ريم شفيك
شافها موب راضيه تردعليه
راح للدولاب بسرعه
طلع عبايتها
وطلع ثوبه وفسخ بجامته على السريع
ولبس ملابسه الداخليه ولبس ثوبه
ولبس ريم عبايتها
وشالها
ونزل فيها تحت بسرعه
حتى ماغسل وجهه ولاتوضأ وصلى ولاشي
كان خايف على ريم حيل
فتح الباب
وطلع برى
وركبها بسيارته ورى
وركب
سلطان كان متكي على سيارته ويطقطق بجواله
جاء لخالد:سلامات ابووليد شسالفه؟
خالد وهو مستعجل يبي يمشي:أبد والله زوجتي مدري شفيها طاحت علي فجأه وهي لها كم يوم موب عاجبتني
سلطان بخبث:اها
يله سلامتها اجل ماتشوف شر
خالد:الله يسلمك
ومشى
سلطان ظغط على جواله بقوه وهمس وهو صاك على أسنانه بقهر:هين ياريموه هين حسابك عندي بعدين
على طاولة الأكل فبيت إبوراكان
إبوراكان
وإم راكان
وراكان اللي كله نوم
ودانا
مجتمعين يفطرون
وحاتم بسابع نومه
دخلت عليهم ريتان:السلام عليكم
الكل ماعدا راكان:وعليكم السلام
ريتان سحبت كرسي وجلست:صباح الخير
إبوراكان:صباحنا أنتي يالغاليه
ريتان إبتسمت :فديتك يبه
جلست تفطر سرقت نظره لراكان
بعدين لإبوها
بلعت لقمتها وقالت بخجل:يبه أنا فكرت بموضوع خطبتي
راكان طالعها بسرعه وكأن أحد معطيه كف
إبوراكان:هاه بشري يابنيتي إستخرتي؟
ريتان:إيه يبه إستخرت والحمدالله إرتحت وأناموافقه يبه
راكان تنرفز وكان بيقول شي بس دانا مسكت فخذه بقوه وكأنها تقول إمسك أعصابك
راكان طالع ريتان وتنهدوقام وقال بعصبيه:الحمدالله شبعت وراح
قامت داناولحقته
ريتان طالعت راكان الي راح وطالعت إبوها:يبه شفيه راكان كأنه موموافق على خطبتي؟
إبوراكان:ماعليك منه أهم شي رايك أنتي
إم راكان باست بنتها مع خدها:ألف مبروك يابنتي
ريتان إبتسمت بخجل:الله يبارك فيك يمه بس مابعد صار شي
إبو راكان: أنا إن شاءالله أبكلم عساف شوي وأبشره بموافقتك
ريتان بهمس:هوإسمه عساف يبه؟
إم راكان قرصت بنتها على خفيف مع يدها:يمه منكم يابنات هالجيل فاسخات الحياءمره وحده
ريتان:شفيك يمه ماقلت شي بس سئلت عن إسمه
إم راكان:لاأبد ماقلتي شي ياقلب إمك أنتي
وضحكت
ريتان تفشلت
إبوراكان إكتفى بإبتسامه وهو يدعي لبنته بالتوفيق بقلبه
بـجــنــاح راكـــان ودانـــا
دانا:راكان حبيبي طول بالك
راكان:وين أطول بالي الله يرضى عليك هالرجال أنا ماأواطنه بعيشة الله
دانا:طيب خلاص هذا نصيب إختك ولازم ترضى فيه
وباسته مع خده
راكان ضمها:فديتك ياقلبي أنتي يله عن إذنك أنا ماشي
داناوهي تعدل له نسفة شماغه:بحفظ ربي ياقلبي بس حاول تظبط أعصابك ولاتتضايق خلاص الله يوفقهم مع بعض
راكان باسها:طيب عشانك بس
أصلا أنا كله عشانك مابيه يقرب منك
دانا حطت عيونها بعيونه:لاتخاف أنا ماأشوف غيرك ولاأبي رجال بالدنيا غيرك
راكان:ياويلي عليك فديتك يله خليني أروح تراني مستعجل
داناإبتسمت له:طيب حبيبي
عبدالعزيز كان جالس يفطر
وبشاير بحجابها وتأكل البراء سيريلاك
دخل عليهم نايف ووجهه مشرق وكان مبتسم ويحس براحه موب طبيعيه:السلام عليكم
عبدالعزيز وبشاير:وعليكم السلام
نايف باس البراء وجلس على الكرسي وقعد يفطر
عبدالعزيز:أوه وش عندك اليوم مبسوط وشكلك نايم بالبيت دايم كله هايت برى
نايف:لاأبشرك اليوم وكل يوم بنام بالبيت وأبيك تشوف لي شغل عندك بالشركه
ومن بكره بإذن الرحمن بداوم
لأني تركت الدشاره وعقلت وربي هداني
عبدالعزيز فرح لإخوه من كل قلبه:ماشاءالله الله يثبتك
نايف:آمين
قعدوا يكملون فطورهم بهدووووء
بالسيــاره
حنان تحس الدنيا موب سايعتها
وهي مع إمها وإبوها ورايحين يشوفون إخوها
أرسلت لوفاء مسج تخبرها إن فهد صحى
وأرسلت لدانا بعد
لأنها حيل فرحانه
إبوها وقف عند محل الوردعشان ياخذ بوكيه ورد
وأخذوا فطورخفيف
وتوجهوا للمستشفى
تابعوني بكره بإذن الله بتكملة البارت الأربعين(الفصل الثاني)
البـــارت الأربعــيــن والأخيـــر (الفصـل الثــاني)
الفصل هذا فصل طويل وأحداثه منوعه وغير متوقعه
ريم وخالد طلعوا من المستشفى وركبوا السياره
ريم كان الظغط منخفض عندها لأنها صايره ماتنام زين وأكلهاقليل
وكانت حامل
والدكتوره قالت لهاإنها لازم تنتبه لنفسها لأنها تعبانه حيل ومهمله نفسها
بـ السيــاره
خالد كان يسوق وملتفت على ريم ومبتسم:وأنا أقول ليش أنتي هالأيام منتي طبيعيه أثرك طلعتي حامل
ريم كانت تبكي ومطنشه خالد
وتفكربحياتها اللي تحولت لجحيم
هي الحين حامل
مهمله نفسها ومهمله زوجها بسبة سلطان
ذبحها التفكير
تبي تعرف هو وش يبي يوصل له؟
رفعت راسها فجأه وصرخت :خلودي إنتبه
خالد ببرودلف عن الشاحنه اللي كانت شوي وتخلي سيارةخالدحطام:أنتي خايفه علي وإلا على نفسك؟واللي فبطنك؟
ريم بصوت باكي:حرام عليك ياشيخ بغيت تودينا بداهيه كنت شوي وراح تصدم
خالد:طيب ماجاوبتيني خايفه علي؟
ريم:أكيد خايفه عليك أنت زوجي وحبيبي ياخالد وش هالحكي؟
خالد:مدري عنك أنامستغرب منك أشوفك بس تصديني وخربتي علي فرحتي انا فرحان بحملك وأنتي قاعده تبكين؟
ريم :لا وربي أنا فرحانه بس يمكن عشان الحمل وكذا بس خلاص ولايهمك ماراح أبكي
خالد:طيب شرايك شوي نطلع نتغدا برى
ريم: أوكي قدام
خالد:هههههههههه يالبى بس
ريم:طيب لاتطالعني طالع الطريق
خالد يبي يحرجها:ماأقدر أحد يطالع الطريق وجنبه هالملاك الطاهر
ريم نزلت راسها ماتدري ليش تضايقت لما خالد قالها الملاك الطاهر
"آه ياخالد لوتدري إن الملاك الطاهر تخونك مع صديقك بس وربي غصب عني والله غصب عني آه بس آه"
خالد على باله إن ريم إستحت:ياقلبي أنا يالبى اللي يستحون فديتهم
ريم قعدت تصرف
طلعت جوالها ودقت على إمها بتبشرها بحملها
بالمستشفى
حنان كانت مستعجله وملهوووووووفه إنها تشوف إخوها اللي له شهرين بغيبوبه وتوه صحى
دخلت الغرفه اللي فيها فهد قبل إمهاوإبوها
شافته على السرير
متغير شكله
طالع نحيييف ولحيته طالعه شوي
ووجهه شاحب وأصفر
دمعت عيونهاجات عنده وبسرعه حضنته:فهود ياقلبي الحمدالله على السلامه
فهدبإبتسامه شاحبه وهو يطبطب على ظهرها:الله يسلمك ياقلب فهود
حنان وخرت عنه وطالعت فيه بحزن وهي راحمته:هاا كيفك الحين؟
فهد:الحمدالله بس
سكت وطالع رجلينه
حنان طالعت اللي فهد يطالعه وبكت:ماعليه ياقلبي إن شاءالله تمشي الدكتور يقول لأن لك فتره وانت على السرير وماتتحرك ولاتمشي
فهدبيأس:إن شاءالله
دخلت حسنا ودخل إبو فهد
فهد طالع إمه اللي إشتاق لها موت
وطالع بإبوه وهو مستغرب وش جابه؟؟
حسنا ضمت فهد وباسته مع جبينه ومع خدوده بحراره
وهي تبكي:الحمدالله على سلامتك ياضناي
فهد:الله يسلمك يمه
إبوفهد جاء وهو متردد ضم فهد
وقال بهمس:الحمدالله على سلامتك يا
عجز ينطقها خنقته العبره
بلع عبرته بألم وقالها:ياولدي
فهد مستغرب من ابوه ويطالع حنان وإمه وهو موب فاهم وش السالفه؟!
حنان سحبت كرسي وجلست
حسنا جلست على طرف السرير
إبو فهد جلس قريب من فهد
حنان قعدت تقول لفهد سالفةإبوها من سوا فهد الحادث وجوليانا سقطت
لين آخر شي
فهد باس راس إبوه وقاله إنه مسامحه من كل قلبه
إبوفهد ضم ولده لصدره وكأنه يبي يعوضه عن حنان الإبوه اللي فقده!
حسنا مره إستانست
جلسوا كلهم يفطرون
وإبوفهد قال لفهد إنه لازم يداوم على العلاج الطبيعي وبعض الأدويه عشان يمشي بإذن الله
وإمه وعدته إنه إذا مشى بإذن الله راح تسوي له حفله لاصارت وإستوت بمناسبة قومته بالسلامه
بـ ماليزيا
بـ(الملاهي)
كانوا البنات فالينها
هبال وصرقعه عـ الآخر
والبنات إتفقوا إنهم بعد مايلعبون ويستانسون
يرحون يتسوقون ويشترون هدايا
روان كانت تصور كل حدث يصير
لأنهم بكره راح يرجعون لـ السعوديه
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك